View source for Mahabharatatatparyanirnaya/Part2

<div class="gr-doc-title">श्रीमहाभारततात्पर्यनिर्णयः</div>
__TOC__

== द्वाविंशोऽध्यायः ==
<span id="gr-C22-S1" class="gr-toc-anchor" data-level="2" data-title="सर्वशास्त्रतात्पर्यनिर्णयः"></span>
=== सर्वशास्त्रतात्पर्यनिर्णयः ===
<div class="adhyaya-block" data-doc="MBTN" data-chap="22" data-sec="1">
</div>
<div class="verse" id="MBTN_C22_S01_V01" type="shloka" data-doc="MBTN">
<div class="verse-text">
<div class="shloka">
<span class="shloka-line">औं ॥ आगन्तुकामान् पुरवासिनस्ते संस्थाप्य कृच्छ्रेण कुरुप्रवीराः ।</span>
<span class="shloka-line">रात्रौ प्रविष्टा गहनं वनं च किर्मीरमासेदुरथो नराशम् ॥ १॥</span>
</div>
</div>
</div>

<div class="verse" id="MBTN_C22_S01_V02" type="shloka" data-doc="MBTN">
<div class="verse-text">
<div class="shloka">
<span class="shloka-line">बकानुजोऽसौ निखिलैरजेयो वराद् गिरीशस्य निहन्तुकामः ।</span>
<span class="shloka-line">सदारसोदर्यमभिप्रसस्रे भीमं महावृक्षगिरीन् प्रमुञ्चन् ॥ २॥</span>
</div>
</div>
</div>

<div class="verse" id="MBTN_C22_S01_V03" type="shloka" data-doc="MBTN">
<div class="verse-text">
<div class="shloka">
<span class="shloka-line">स सम्प्रहारं सह तेन कृत्वा भीमो निपात्याऽशु(निहत्याऽशु) धरातले तम् ।</span>
<span class="shloka-line">चक्रे मखे सङ्गरनामेधेये प्रसह्य नारायणदैवते पशुम् ॥ ३॥</span>
</div>
</div>
</div>

<div class="verse" id="MBTN_C22_S01_V04" type="shloka" data-doc="MBTN">
<div class="verse-text">
<div class="shloka">
<span class="shloka-line">निहत्य रक्षो वनमध्यसंस्थास्तदा यतीनामयुतैः समेताः ।</span>
<span class="shloka-line">अशीतिसाहस्रमुनिप्रवीरैर्दशांशयुक्तैः सहिता व्यचिन्तयन् ॥ ४॥</span>
</div>
</div>
</div>

<div class="verse" id="MBTN_C22_S01_V05" type="shloka" data-doc="MBTN">
<div class="verse-text">
<div class="shloka">
<span class="shloka-line">विचिन्त्य तेषां भरणाय धर्मजः सम्पूज्य सूर्यस्थितमच्युतं प्रभुम् ।</span>
<span class="shloka-line">दिनेऽक्षयान्नं पिठरं तदाप रत्नादिदं कामवरान्नदं च ॥ ५॥</span>
</div>
</div>
</div>

<div class="verse" id="MBTN_C22_S01_V06" type="shloka" data-doc="MBTN">
<div class="verse-text">
<div class="shloka">
<span class="shloka-line">बभार तेनैव युधिष्ठिरस्तान् प्रत्येकशस्त्रिंशतदासदासिकान्(त्रिंशतिदासदासिकान्) ।</span>
<span class="shloka-line">सुवर्णपात्रेषु हि भुञ्जते ये गृहे तदीये बहुकोटिदासिके ॥ ६॥</span>
</div>
</div>
</div>

<div class="verse" id="MBTN_C22_S01_V07" type="shloka" data-doc="MBTN">
<div class="verse-text">
<div class="shloka">
<span class="shloka-line">सत्सङ्गमाकाङ्क्षिण एव तेऽवसन् पार्थैः सहान्ये च मुनीन्द्रवृन्दाः ।</span>
<span class="shloka-line">शृण्वन्त एभ्यः परमार्थसाराः कथा वदन्तश्च पुरातनास्तथा ॥ ७॥</span>
</div>
</div>
</div>

<div class="verse" id="MBTN_C22_S01_V08" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं गजानां बहुकोटिवृन्दांस्तथा रथानां च हयांश्च वृन्दशः ।</span>
<span class="shloka-line">विसृज्य रत्नानि नरांश्च वृन्दशो वने विजह्रुर्दिवि देववत् सुखम् ॥ ८॥</span>
</div>
</div>
</div>

<div class="verse" id="MBTN_C22_S01_V09" type="shloka" data-doc="MBTN">
<div class="verse-text">
<div class="shloka">
<span class="shloka-line">गवां च लक्षं प्रददाति नित्यशः सुवर्णभारांश्च शतं युधिष्ठिरः ।</span>
<span class="shloka-line">सभ्रातृकोऽसौ वनमाप्य शक्रवन्मुमोद विप्रैः सहितो यथासुखम् ॥ ९॥</span>
</div>
</div>
</div>

<div class="verse" id="MBTN_C22_S01_V10" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्थेषु यातेषु किमत्र कार्यमिति स्म पृष्टो विदुरोऽग्रजेन ।</span>
<span class="shloka-line">आहूय राज्यं प्रतिपादयेति प्राहैनमाहाथ रुषाऽऽम्बिकेयः ॥ १०॥</span>
</div>
</div>
</div>

<div class="verse" id="MBTN_C22_S01_V11" type="shloka" data-doc="MBTN">
<div class="verse-text">
<div class="shloka">
<span class="shloka-line">ज्ञानं प्रतीपोऽसि ममाऽत्मजानां न मे त्वया कार्यमिहास्ति किञ्चित् ।</span>
<span class="shloka-line">यथेष्टतस्तिष्ठ वा गच्छ वेति प्रोक्तो ययौ विदुरः पाण्डुपुत्रान् ॥ ११॥</span>
</div>
</div>
</div>

<div class="verse" id="MBTN_C22_S01_V12" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन् गते भ्रातृवियोगकर्शितः पपात भूमौ सहसैव राजा ।</span>
<span class="shloka-line">सञ्ज्ञामवाप्याऽदिशदाशु सञ्जयं जीवामि चेदाशु ममाऽनयानुजम् ॥ १२॥</span>
</div>
</div>
</div>

<div class="verse" id="MBTN_C22_S01_V13" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरितः सञ्जयः पाण्डवेयान् प्राप्याऽनयद् विदुरं शीघ्रमेव ।</span>
<span class="shloka-line">सोऽप्यागतः क्षिप्रमपास्तदोषो ज्येष्ठं ववन्देऽथ स चैनमाश्लिषत् ॥ १३॥</span>
</div>
</div>
</div>

<div class="verse" id="MBTN_C22_S01_V14" type="shloka" data-doc="MBTN">
<div class="verse-text">
<div class="shloka">
<span class="shloka-line">अङ्कं समारोप्य स मूर्ध्नि चैनमाघ्राय लेभे परमां मुदं तदा ।</span>
<span class="shloka-line">क्षत्तारमायान्तमुदीक्ष्य सर्वे ससौबला धार्तराष्ट्रा अमर्षात् ।</span>
<span class="shloka-line">सम्मन्त्र्य हन्तुं पाण्डवानामुतैकं छन्नोपधेनैव ससूतजा ययुः ॥ १४॥</span>
</div>
</div>
</div>

<div class="verse" id="MBTN_C22_S01_V15" type="shloka" data-doc="MBTN">
<div class="verse-text">
<div class="shloka">
<span class="shloka-line">विज्ञाय तेषां गमनं समस्तलोकान्तरात्मा परमेश्वरेश्वरः ।</span>
<span class="shloka-line">व्यासोऽभिगम्यावददाम्बिकेयं निवारयाऽश्वेव सुतं तवेति ॥ १५॥</span>
</div>
</div>
</div>

<div class="verse" id="MBTN_C22_S01_V16" type="shloka" data-doc="MBTN">
<div class="verse-text">
<div class="shloka">
<span class="shloka-line">अवाप्य पार्थानयमद्य मृत्युं सहानुबन्धो गमिता ह्यसंशयम् ।</span>
<span class="shloka-line">इतीरिते तेन निवारयेति प्रोक्तो हरिः प्राह न संवदे तैः ॥ १६॥</span>
</div>
</div>
</div>

<div class="verse" id="MBTN_C22_S01_V17" type="shloka" data-doc="MBTN">
<div class="verse-text">
<div class="shloka">
<span class="shloka-line">मैत्रेय आयास्यति सोऽपि वाचं शिक्षार्थमेतेष्वभिधास्यतीह ।</span>
<span class="shloka-line">तां चेत् करोत्येष सुतस्तवास्य भद्रं तदा स्याच्छप्स्यति त्वन्यथा सः ॥ १७॥</span>
</div>
</div>
</div>

<div class="verse" id="MBTN_C22_S01_V18" type="shloka" data-doc="MBTN">
<div class="verse-text">
<div class="shloka">
<span class="shloka-line">उक्त्वेति राजानमनन्तशक्तिर्व्यासो ययौ तत्र गतेषु तेषु ।</span>
<span class="shloka-line">सुयोधनाद्येषु हतेषु पार्थैर्भूभारहानिर्न भवेदिति प्रभुः ॥ १८॥</span>
</div>
</div>
</div>

<div class="verse" id="MBTN_C22_S01_V19" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वाश्च चेष्टा भगवन्नियुक्ताः सदा समस्तस्य चितोऽचितश्च ।</span>
<span class="shloka-line">तथाऽपि विष्णुर्विनिवारयेत् क्‍वचिद् वाचा विधत्ते च जनान् विडम्बयन् ॥ १९॥</span>
</div>
</div>
</div>

<div class="verse" id="MBTN_C22_S01_V20" type="shloka" data-doc="MBTN">
<div class="verse-text">
<div class="shloka">
<span class="shloka-line">मैत्रेय आगादथ(आयात्) भूपतिश्च पुत्रान् समाहूय सकर्णसौबलान् ।</span>
<span class="shloka-line">सम्पूजयामास मुनिं स चाऽह दातुं राज्यं पाण्डवान् सम्प्रशंसन् ॥ २०॥</span>
</div>
</div>
</div>

<div class="verse" id="MBTN_C22_S01_V21" type="shloka" data-doc="MBTN">
<div class="verse-text">
<div class="shloka">
<span class="shloka-line">विशेषतो भीमबलं शशंस किर्मीरनाशादि वदन् मुनीन्द्रः ।</span>
<span class="shloka-line">श्रुत्वाऽसहंस्तद् धृतराष्ट्रपुत्र आस्फालयामास निजोरुमुग्रः ॥ २१॥</span>
</div>
</div>
</div>

<div class="verse" id="MBTN_C22_S01_V22" type="shloka" data-doc="MBTN">
<div class="verse-text">
<div class="shloka">
<span class="shloka-line">शशाप चैनं मुनिरुग्रतेजास्तवोरुभेदाय भवेत् सुयुद्धम् ।</span>
<span class="shloka-line">इत्यूचिवान् धृतराष्ट्रानतोऽपि ययौ न चेद् राज्यदस्त्वं तथेति ।</span>
<span class="shloka-line">श्रुत्वा तु किर्मीरवधं स्वपित्रा पृष्टं क्षत्रोक्तं (पृष्टक्षत्रोक्तं) सोऽत्रसद् धार्तराष्ट्रः ॥ २२॥</span>
</div>
</div>
</div>

<div class="verse" id="MBTN_C22_S01_V23" type="shloka" data-doc="MBTN">
<div class="verse-text">
<div class="shloka">
<span class="shloka-line">वने वसन्तोऽथ पृथासुतास्ते वार्तां स्वकीयां(स्वकीयां वार्तां) प्रापयामासुराशु ।</span>
<span class="shloka-line">कृष्णे सोऽपि द्रुतमायात् ससत्यः सम्बन्धिनो ये च पाञ्चालमुख्याः ॥ २३॥</span>
</div>
</div>
</div>

<div class="verse" id="MBTN_C22_S01_V24" type="shloka" data-doc="MBTN">
<div class="verse-text">
<div class="shloka">
<span class="shloka-line">क्रुद्धं कृष्णं धार्तराष्ट्राय पार्थाः क्षमापयामासुरुच्चैर्गृणन्तः ।</span>
<span class="shloka-line">गुणांस्तदीयानमितान् प्रणम्य तदा रुदन्ती द्रौपदी चाऽप पादौ ।</span>
<span class="shloka-line">सा पादयोः पतिता वासुदेवमस्तौत् समस्तप्रभुमात्मतन्त्रम् ॥ २४॥</span>
</div>
</div>
</div>

<div class="verse" id="MBTN_C22_S01_V25" type="shloka" data-doc="MBTN">
<div class="verse-text">
<div class="shloka">
<span class="shloka-line">अचिन्त्यनित्याव्ययपूर्णसद्गुणार्णवैकदेहाखिलदोषदूर ।</span>
<span class="shloka-line">रमाब्जजेरेशसुरेन्द्रपूर्ववृन्दारकाणां सतताभिवन्द्य ।</span>
<span class="shloka-line">समस्तचेष्टाप्रद सर्वजीव प्रभो (सर्वजीवप्रभो) विमुक्ताश्रय सर्वसार ॥ २५॥</span>
</div>
</div>
</div>

<div class="verse" id="MBTN_C22_S01_V26" type="shloka" data-doc="MBTN">
<div class="verse-text">
<div class="shloka">
<span class="shloka-line">इति ब्रुवन्ती सकलानुभूतं जगाद सर्वेशितुरच्युतस्य ।</span>
<span class="shloka-line">यस्याधिकानुग्रहपात्रभूता स्वयं हि शेषेशविपादिकेभ्यः ॥ २६॥</span>
</div>
</div>
</div>

<div class="verse" id="MBTN_C22_S01_V27" type="shloka" data-doc="MBTN">
<div class="verse-text">
<div class="shloka">
<span class="shloka-line">श्रुत्वा समस्तं भगवान् प्रतिज्ञां चकार तेषामखिलाश्च योषाः ।</span>
<span class="shloka-line">पतीन् समालिङ्ग्य विमुक्तकेशा भीमाहतान् दर्शये नान्यथेति ।</span>
<span class="shloka-line">तां सान्त्वयित्वा मधुरैः सुवाक्यैर्नारायणो वाचमिमां जगाद ॥ २७॥</span>
</div>
</div>
</div>

<div class="verse" id="MBTN_C22_S01_V28" type="shloka" data-doc="MBTN">
<div class="verse-text">
<div class="shloka">
<span class="shloka-line">यदीहाहं स्थितो नैवं भविताऽहं त्वयोधयम् ।</span>
<span class="shloka-line">साल्वराजं दुरात्मानं हतश्चासौ सुपापकृत् ॥ २८॥</span>
</div>
</div>
</div>

<div class="verse" id="MBTN_C22_S01_V29" type="shloka" data-doc="MBTN">
<div class="verse-text">
<div class="shloka">
<span class="shloka-line">सन्निधानेऽथ वा दूरे  कालव्यवहितेऽपि वा ।</span>
<span class="shloka-line">स्वभावाद् वा व्यवहिते वस्तुव्यवहितेऽपि वा ।</span>
<span class="shloka-line">नाशक्तिर्विद्यते विष्णोर्नित्याव्यवहितत्वतः ॥ २९॥</span>
</div>
</div>
</div>

<div class="verse" id="MBTN_C22_S01_V30" type="shloka" data-doc="MBTN">
<div class="verse-text">
<div class="shloka">
<span class="shloka-line">तथाऽपि नरलोकस्य करोत्यनुकृतिं प्रभुः ।</span>
<span class="shloka-line">दुष्टानां दोषवृद्ध्यर्थं भीमादीनां गुणोन्नतेः ॥ ३०॥</span>
</div>
</div>
</div>

<div class="verse" id="MBTN_C22_S01_V31" type="shloka" data-doc="MBTN">
<div class="verse-text">
<div class="shloka">
<span class="shloka-line">युधिष्ठिरेऽतिवृद्धं तु राजसूयादिसम्भवम् ।</span>
<span class="shloka-line">धर्मं च सङ्क्रामयितुं कृष्णायामनुजेषु च ॥ ३१॥</span>
</div>
</div>
</div>

<div class="verse" id="MBTN_C22_S01_V32" type="shloka" data-doc="MBTN">
<div class="verse-text">
<div class="shloka">
<span class="shloka-line">योग्यताक्रमतो(योग्यताक्रमशो) विष्णुरिच्छयेत्थमचीक्लृपत् ।</span>
<span class="shloka-line">एधमानद्विडित्येव विष्णोर्नाम हि वैदिकम् ॥ ३२॥</span>
</div>
</div>
</div>

<div class="verse" id="MBTN_C22_S01_V33" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वयोग्यताया अधिकधर्मज्ञानादिजं फलम् ।</span>
<span class="shloka-line">भीष्मद्रोणाम्बिकेयादेः पार्थेष्वेव निधापितुम् ॥ ३३॥</span>
</div>
</div>
</div>

<div class="verse" id="MBTN_C22_S01_V34" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनश्च पापवृद्ध्यर्थमजो दुर्योधनादिषु ।</span>
<span class="shloka-line">व्यासोऽम्बिकासुतं प्राह पार्था मेऽभ्यधिकं(मे ह्यधिकं) प्रियाः ।</span>
<span class="shloka-line">तेषां प्रवासनं चैव प्रियं न मम सर्वथा ॥ ३४॥</span>
</div>
</div>
</div>

<div class="verse" id="MBTN_C22_S01_V35" type="shloka" data-doc="MBTN">
<div class="verse-text">
<div class="shloka">
<span class="shloka-line">इति दुर्योधनादीनां पापवृद्ध्यर्थमेव सः ।</span>
<span class="shloka-line">प्रिया इत्येव कथनात् पाण्डवानां शुभोन्नतेः(गुणोन्नतेः) ॥ ३५॥</span>
</div>
</div>
</div>

<div class="verse" id="MBTN_C22_S01_V36" type="shloka" data-doc="MBTN">
<div class="verse-text">
<div class="shloka">
<span class="shloka-line">गुरुत्वाद् भीमसेनस्य क्षमा द्यूतेऽर्जुनादिनाम् ।</span>
<span class="shloka-line">नातिधर्मस्वरूपोऽत्र(नातिधर्मस्वरूपोऽक्षे) धर्मो भीमे निरौपधः ॥ ३६॥</span>
</div>
</div>
</div>

<div class="verse" id="MBTN_C22_S01_V37" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रौपद्या अप्यतिक्लेशात् क्षमा धर्मो महानभूत् ।</span>
<span class="shloka-line">सा हि भीममनो वेद न कार्यः शाप इत्यलम् ॥ ३७॥</span>
</div>
</div>
</div>

<div class="verse" id="MBTN_C22_S01_V38" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्माद् यथायोग्यतया हरिणा धर्मवर्धनम् ।</span>
<span class="shloka-line">कृतं तत्रासन्निधानकारणं केशवोऽब्रवीत् ॥ ३८॥</span>
</div>
</div>
</div>

<div class="verse" id="MBTN_C22_S01_V39" type="shloka" data-doc="MBTN">
<div class="verse-text">
<div class="shloka">
<span class="shloka-line">साल्वं श्रुत्वा समायान्तं (समायातं) रौक्मिणेयादयो मया ।</span>
<span class="shloka-line">प्रस्थापिता हि भवतां सकाशे ते ययुः पुरीम् ।</span>
<span class="shloka-line">तदा साल्वोऽपि सौभेन द्वारकामर्दयद् भृशम् ॥ ३९॥</span>
</div>
</div>
</div>

<div class="verse" id="MBTN_C22_S01_V40" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रद्युम्न आशु निरगादथ सर्वसैन्यै-</span>
<span class="shloka-line">रन्यैश्च यादवगणैः सहितोऽनुजैश्च ।</span>
<span class="shloka-line">साल्वोऽवगम्य तनयं मम तद्विमानात्</span>
<span class="shloka-line">पापोऽवरुह्य रथमारुहदत्र योद्धुम् ॥ ४०॥</span>
</div>
</div>
</div>

<div class="verse" id="MBTN_C22_S01_V41" type="shloka" data-doc="MBTN">
<div class="verse-text">
<div class="shloka">
<span class="shloka-line">कृत्वा सुयुद्धममुना मम पुत्रकोऽसौ</span>
<span class="shloka-line">अस्त्राणि तस्य विनिवार्य महास्त्रजालैः ।</span>
<span class="shloka-line">दत्तं मया शरममोघमथाऽददे तं</span>
<span class="shloka-line">हन्तुं नृपं कृतमतिस्त्वशृणोद् वचः खे ॥ ४१॥</span>
</div>
</div>
</div>

<div class="verse" id="MBTN_C22_S01_V42" type="shloka" data-doc="MBTN">
<div class="verse-text">
<div class="shloka">
<span class="shloka-line">नारायणेन हि पुरा मनसाऽभिक्लृप्तं</span>
<span class="shloka-line">कृष्णावतारमुपगम्य निहन्मि साल्वम् ।</span>
<span class="shloka-line">इत्येव तेन हरिणाऽपि स भार्गवेण</span>
<span class="shloka-line">विद्रावितो न निहतः स्वमनोनुसारात् ॥ ४२॥</span>
</div>
</div>
</div>

<div class="verse" id="MBTN_C22_S01_V43" type="shloka" data-doc="MBTN">
<div class="verse-text">
<div class="shloka">
<span class="shloka-line">वध्यस्त्वया नहि ततोऽयमयं च बाणः</span>
<span class="shloka-line">चक्रायुधस्य दयितो नितराममोघः ।</span>
<span class="shloka-line">मा मुञ्च तेन तमिमं विनिवर्तयेऽहं</span>
<span class="shloka-line">साल्वं हृदि स्थित इतीरितमीरणेन ॥ ४३॥</span>
</div>
</div>
</div>

<div class="verse" id="MBTN_C22_S01_V44" type="shloka" data-doc="MBTN">
<div class="verse-text">
<div class="shloka">
<span class="shloka-line">श्रुत्वा वचः स पवनस्य शरं त्वमोघं</span>
<span class="shloka-line">सञ्जह्र आशु स च साल्वपतिः स्वसौभम् ।</span>
<span class="shloka-line">आरुह्य बालकलहेन किमत्र कार्यं</span>
<span class="shloka-line">कृष्णेन सङ्गर इति प्रययौ स्वदेशम् ॥ ४४॥</span>
</div>
</div>
</div>

<div class="verse" id="MBTN_C22_S01_V45" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रद्युम्नसाम्बगदसारणचारुदेष्णाः</span>
<span class="shloka-line">सेनां निहत्य सह मन्त्रिगणैस्तदीयाम् ।</span>
<span class="shloka-line">आह्लादिनः स्वपुरमाययुरप्यहं च</span>
<span class="shloka-line">तत्रागमं सपदि तैः श्रुतवानशेषम् ॥ ४५॥</span>
</div>
</div>
</div>

<div class="verse" id="MBTN_C22_S01_V46" type="shloka" data-doc="MBTN">
<div class="verse-text">
<div class="shloka">
<span class="shloka-line">यस्मिञ्छरे करगते विजयो ध्रुवः स्यात्</span>
<span class="shloka-line">मत्तेजसा तदनुसङ्ग्रहणात् सुतान्मे ।</span>
<span class="shloka-line">यातं निशम्य रिपुमात्मपुरीं च भग्नां</span>
<span class="shloka-line">दृष्ट्वैव तेन तदनुव्रजनं कृतं मे ॥ ४६॥</span>
</div>
</div>
</div>

<div class="verse" id="MBTN_C22_S01_V47" type="shloka" data-doc="MBTN">
<div class="verse-text">
<div class="shloka">
<span class="shloka-line">तं सागरोपरिगसौभगतं निशाम्य</span>
<span class="shloka-line">मुक्ते च तेन मयि शस्त्रमहास्त्रवर्षे ।</span>
<span class="shloka-line">तं सन्निवार्य(तत्सन्निवार्य) तु मया शरपूगविद्धो</span>
<span class="shloka-line">माया युयोज मयि पापतमः स साल्वः ॥ ४७॥</span>
</div>
</div>
</div>

<div class="verse" id="MBTN_C22_S01_V48" type="shloka" data-doc="MBTN">
<div class="verse-text">
<div class="shloka">
<span class="shloka-line">ताः क्रीडया क्षणमहं समरे निशाम्य</span>
<span class="shloka-line">ज्ञानास्त्रतः प्रतिविधूय बहूंश्च दैत्यान् ।</span>
<span class="shloka-line">हत्वाऽऽशु तं च गिरिवर्षिणमाशु सौभं</span>
<span class="shloka-line">वार्धौ न्यपातयमरीन्द्रविभिन्नबन्धम् ॥ ४८॥</span>
</div>
</div>
</div>

<div class="verse" id="MBTN_C22_S01_V49" type="shloka" data-doc="MBTN">
<div class="verse-text">
<div class="shloka">
<span class="shloka-line">तं स्यन्दनस्थितमथो विभुजं विधाय</span>
<span class="shloka-line">बाणेन तद्रथवरं गदया विभिद्य ।</span>
<span class="shloka-line">चक्रेण तस्य च शिरो विनिकृत्य धातृ-</span>
<span class="shloka-line">शर्वादिभिः प्रतिनुतः स्वपुरीमगां च ॥ ४९॥</span>
</div>
</div>
</div>

<div class="verse" id="MBTN_C22_S01_V50" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मादिदं व्यसनमास हि विप्रकर्षात्</span>
<span class="shloka-line">मे कार्यतस्त्विति निगद्य पुनश्च पार्थान् ।</span>
<span class="shloka-line">कृष्णां च सान्त्वयितुमत्र दिनान्युवास</span>
<span class="shloka-line">सत्या च सोमकसुतामनुसान्त्वयन्ती ॥ ५०॥</span>
</div>
</div>
</div>

<div class="verse" id="MBTN_C22_S01_V51" type="shloka" data-doc="MBTN">
<div class="verse-text">
<div class="shloka">
<span class="shloka-line">पाण्डवानां च या भार्याः पुत्रा अपि हि(च) सर्वशः ।</span>
<span class="shloka-line">अन्वेव पाण्डवान् याता वनमत्रैव  स्थिताः(वनमत्रैव च संस्थिताः) ॥ ५१॥</span>
</div>
</div>
</div>

<div class="verse" id="MBTN_C22_S01_V52" type="shloka" data-doc="MBTN">
<div class="verse-text">
<div class="shloka">
<span class="shloka-line">धृष्टद्युम्नस्ततः कृष्णां सान्त्वयित्वैव केशवम् ।</span>
<span class="shloka-line">प्रणम्य समनुज्ञातो भागिनेयैः पुरं ययौ ॥ ५२॥</span>
</div>
</div>
</div>

<div class="verse" id="MBTN_C22_S01_V53" type="shloka" data-doc="MBTN">
<div class="verse-text">
<div class="shloka">
<span class="shloka-line">धृष्टकेतुश्च भगिनीं काशिराजः सुतामपि ।</span>
<span class="shloka-line">पुरं ययतुरादाय कुन्त्यैवान्याः सह स्थिताः ॥ ५३॥</span>
</div>
</div>
</div>

<div class="verse" id="MBTN_C22_S01_V54" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्वती नकुलस्याऽसीद् भार्या पूर्वं तिलोत्तमा ।</span>
<span class="shloka-line">पूर्वोक्ते चैव यमयोर्भार्ये कुन्त्या हि वारिताः ॥ ५४॥</span>
</div>
</div>
</div>

<div class="verse" id="MBTN_C22_S01_V55" type="shloka" data-doc="MBTN">
<div class="verse-text">
<div class="shloka">
<span class="shloka-line">सुभद्रामभिमन्युं च रथमारोप्य केशवः(काञ्चनम्) ।</span>
<span class="shloka-line">पाण्डवानभ्यनुज्ञाय सभार्यः स्वपुरीं ययौ ॥ ५५॥</span>
</div>
</div>
</div>

<div class="verse" id="MBTN_C22_S01_V56" type="shloka" data-doc="MBTN">
<div class="verse-text">
<div class="shloka">
<span class="shloka-line">कञ्चित् कालं द्रौपदेया उष्य पाञ्चालके पुरे ।</span>
<span class="shloka-line">ययुर्द्वारवतीमेव(ययुर्द्वारावतीमेव) तत्रोषुः कृष्णलालिताः(कृष्णपालिताः) ॥ ५६॥</span>
</div>
</div>
</div>

<div class="verse" id="MBTN_C22_S01_V57" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः परं धर्मराजो निर्विण्णः स्वकृतेन ह ।</span>
<span class="shloka-line">भ्रातृभार्यापदे कृष्णां स्थापयामास सर्वदा ॥ ५७॥</span>
</div>
</div>
</div>

<div class="verse" id="MBTN_C22_S01_V58" type="shloka" data-doc="MBTN">
<div class="verse-text">
<div class="shloka">
<span class="shloka-line">ऊषुर्वने च ते पार्था मुनिशेषान्नभोजिनः ।</span>
<span class="shloka-line">भुक्तवत्स्वेवानुजेषु भुङ्क्ते राजा युधिष्ठिरः ॥ ५८॥</span>
</div>
</div>
</div>

<div class="verse" id="MBTN_C22_S01_V59" type="shloka" data-doc="MBTN">
<div class="verse-text">
<div class="shloka">
<span class="shloka-line">अलङ्घ्यत्वात् तदाज्ञाया अनुजाः पूर्वभोजिनः ।</span>
<span class="shloka-line">तस्यानन्तरमेवैका भुङ्क्ते सा पार्षतात्मजा ॥ ५९॥</span>
</div>
</div>
</div>

<div class="verse" id="MBTN_C22_S01_V60" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं सदा विष्णुपरायणानां तत्प्रार्पणान्नैकभुजां(तत्प्रापणान्नैकभुजां) प्रयातः ।</span>
<span class="shloka-line">संवत्सरस्तत्र जगाद कृष्णा भीमाज्ञया धर्मराजं सुवेत्त्री ॥ ६०॥</span>
</div>
</div>
</div>

<div class="verse" id="MBTN_C22_S01_V61" type="shloka" data-doc="MBTN">
<div class="verse-text">
<div class="shloka">
<span class="shloka-line">अतिमार्दवयुक्तत्वाद् धर्मराजश्चतुर्दशे ।</span>
<span class="shloka-line">अपि वर्षे गुरुभयाद् राज्यं नेच्छेदिति प्रभुः ।</span>
<span class="shloka-line">मारुतिः प्रेषयामास कृष्णां प्रस्तावहेतवे ॥ ६१॥</span>
</div>
</div>
</div>

<div class="verse" id="MBTN_C22_S01_V62" type="shloka" data-doc="MBTN">
<div class="verse-text">
<div class="shloka">
<span class="shloka-line">क्षमा सर्वत्र धर्मो न पापहेतुश्च दुर्जने ।</span>
<span class="shloka-line">राज्ञां सामर्थ्ययुक्तानामिति संस्थाप्य शास्त्रतः ॥ ६२॥</span>
</div>
</div>
</div>

<div class="verse" id="MBTN_C22_S01_V63" type="shloka" data-doc="MBTN">
<div class="verse-text">
<div class="shloka">
<span class="shloka-line">हत्वा चतुर्दशे वर्षे धार्तराष्ट्रानराज्यदान् ।</span>
<span class="shloka-line">कर्तुं राज्यं पुरो गन्ता भवानीत्यग्रजेन ह ॥ ६३॥</span>
</div>
</div>
</div>

<div class="verse" id="MBTN_C22_S01_V64" type="shloka" data-doc="MBTN">
<div class="verse-text">
<div class="shloka">
<span class="shloka-line">कारयन् सत्यशपथं विवादस्य क्रमेच्छया ।</span>
<span class="shloka-line">आदिशत् प्रथमं कृष्णां भीमः सा नृपमब्रवीत् ॥ ६४॥</span>
</div>
</div>
</div>

<div class="verse" id="MBTN_C22_S01_V65" type="shloka" data-doc="MBTN">
<div class="verse-text">
<div class="shloka">
<span class="shloka-line">नैव क्षमा कुजनतासु नृपस्य धर्मः</span>
<span class="shloka-line">तां त्वं वृथैव धृतवानसि सार्वकालम् (सर्वकालम्, सार्वकालिकी) ।</span>
<span class="shloka-line">इत्युक्त आह नृपतिः परमा क्षमैव</span>
<span class="shloka-line">सर्वत्र तद्विधृतमेव जगत् समस्तम् ॥ ६५॥</span>
</div>
</div>
</div>

<div class="verse" id="MBTN_C22_S01_V66" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्ता च सर्वजगतः सुखदुःखयोर्हि</span>
<span class="shloka-line">नारायणस्तदनुदत्तमिहास्य सर्वम् ।</span>
<span class="shloka-line">तस्मान्न कोपविषयोऽस्ति कुतश्च कश्चित्</span>
<span class="shloka-line">तस्मात् क्षमैव सकलेषु परोऽस्य धर्मः ॥ ६६॥</span>
</div>
</div>
</div>

<div class="verse" id="MBTN_C22_S01_V67" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तवन्तं नृपमाह पार्षती यदि क्षमा सर्वनरेषु धर्मः ।</span>
<span class="shloka-line">राज्ञा न कृत्यं न च लोकयात्रा भवेज्जगत् कापुरुषैर्विनश्येत् ॥ ६७॥</span>
</div>
</div>
</div>

<div class="verse" id="MBTN_C22_S01_V68" type="shloka" data-doc="MBTN">
<div class="verse-text">
<div class="shloka">
<span class="shloka-line">सत्यं च विष्णुः सकलप्रवर्तको रमाविरिञ्चेशपुरस्सराश्च ।</span>
<span class="shloka-line">काष्ठादिवत् तद्वशगाः समस्तास्तथाऽपि न व्यर्थता पौरुषस्य ॥ ६८॥</span>
</div>
</div>
</div>

<div class="verse" id="MBTN_C22_S01_V69" type="shloka" data-doc="MBTN">
<div class="verse-text">
<div class="shloka">
<span class="shloka-line">तदाज्ञया पुरुषश्चेष्टमानश्चेष्टानुसारेण शुभाशुभस्य ।</span>
<span class="shloka-line">भोक्ता न तच्चेष्टितमन्यथा भवेत् कर्ता तस्मात् पुरुषोऽप्यस्य वश्यः ॥ ६९॥</span>
</div>
</div>
</div>

<div class="verse" id="MBTN_C22_S01_V70" type="shloka" data-doc="MBTN">
<div class="verse-text">
<div class="shloka">
<span class="shloka-line">वृथा यदि स्यात् पौरुषं कस्य हेतोर्विधिर्निषेधश्च समस्तवेदगः ।</span>
<span class="shloka-line">विधेर्निषेधस्य च नैव गोचरः पुमान् यदि स्याद् भवतो हि तौ हरेः ॥ ७०॥</span>
</div>
</div>
</div>

<div class="verse" id="MBTN_C22_S01_V71" type="shloka" data-doc="MBTN">
<div class="verse-text">
<div class="shloka">
<span class="shloka-line">तेनैव लेपश्च भवेदमुष्य पुण्येन पापेन च नैव चासौ ।</span>
<span class="shloka-line">लिप्येत ताभ्यां परमः स्वतन्त्रः कर्ता ततः पुरुषोऽप्यस्य वश्यः ॥ ७१॥</span>
</div>
</div>
</div>

<div class="verse" id="MBTN_C22_S01_V72" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरितो धर्मजः कृष्णयैव निरुत्तरत्वं गमितस्त्वभर्त्सयत् ।</span>
<span class="shloka-line">कुतर्कमाश्रित्य हरेरपि त्वमस्वातन्त्र्यं साधयसीति चोक्त्वा ॥ ७२॥</span>
</div>
</div>
</div>

<div class="verse" id="MBTN_C22_S01_V73" type="shloka" data-doc="MBTN">
<div class="verse-text">
<div class="shloka">
<span class="shloka-line">छलेन तेन प्रतिभर्त्सिता सा क्षमापयामास नृपं यतः स्त्री ।</span>
<span class="shloka-line">वाचालता नातितरां हि शोभते स्त्रीणां ततः प्राह वृकोदरस्तम् ॥ ७३॥</span>
</div>
</div>
</div>

<div class="verse" id="MBTN_C22_S01_V74" type="shloka" data-doc="MBTN">
<div class="verse-text">
<div class="shloka">
<span class="shloka-line">राजन् विष्णुः सर्वकर्ता न चान्यस्तत्तन्त्रमेवान्यदसौ स्वतन्त्रः ।</span>
<span class="shloka-line">तथाऽपि पुंसा विहितं स्वकर्म(विहितं हि कर्म) कार्यं त्याज्यं चान्यदत्यन्तयत्नात् ॥ ७४॥</span>
</div>
</div>
</div>

<div class="verse" id="MBTN_C22_S01_V75" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रत्यक्षमेतत् पुरुषस्य कर्म तेनानुमेया प्रेरणा केशवस्य ।</span>
<span class="shloka-line">स्वकर्म कृत्वा विहितं हि विष्णुना तत्प्रेरणेत्येव बुधोऽनुमन्यते ॥ ७५॥</span>
</div>
</div>
</div>

<div class="verse" id="MBTN_C22_S01_V76" type="shloka" data-doc="MBTN">
<div class="verse-text">
<div class="shloka">
<span class="shloka-line">तेनैति सम्यग्गतिमस्य विष्णोर्जनोऽशुभो दैवमित्येव मत्वा ।</span>
<span class="shloka-line">हित्वा स्वकं कर्म गतिं च तामसीं प्रयाति तस्मात् कार्यमेव स्वकर्म ॥ ७६॥</span>
</div>
</div>
</div>

<div class="verse" id="MBTN_C22_S01_V77" type="shloka" data-doc="MBTN">
<div class="verse-text">
<div class="shloka">
<span class="shloka-line">ज्ञातव्यं चैवास्य विष्णोर्वशत्वं कर्तव्यं चैवाऽत्मनः कार्यकर्म ।</span>
<span class="shloka-line">प्रत्यक्षैषा कर्तृता जीवसंस्था तथाऽऽगमादनुमानाच्च सर्वम् ॥ ७७॥</span>
</div>
</div>
</div>

<div class="verse" id="MBTN_C22_S01_V78" type="shloka" data-doc="MBTN">
<div class="verse-text">
<div class="shloka">
<span class="shloka-line">विष्णोर्वशे तन्न हेयं द्वयं च जानन् विद्वान् कुरुते कार्यकर्म ।</span>
<span class="shloka-line">तत्प्रेरकं विष्णुमेवाभिजानन् भवेत् प्रमाणत्रितयानुगामी ॥ ७८॥</span>
</div>
</div>
</div>

<div class="verse" id="MBTN_C22_S01_V79" type="shloka" data-doc="MBTN">
<div class="verse-text">
<div class="shloka">
<span class="shloka-line">पूर्णं प्रमाणं तत्त्रयं चाविरोधेनैकत्रस्थं तत्त्रयं चाविरोधि ।</span>
<span class="shloka-line">पृथङ् मध्यं चाप्रमाणं विरोधि स्यात् तत् तस्मात् त्रयमेकत्र कार्यम् ॥ ७९॥</span>
</div>
</div>
</div>

<div class="verse" id="MBTN_C22_S01_V80" type="shloka" data-doc="MBTN">
<div class="verse-text">
<div class="shloka">
<span class="shloka-line">अज्ञः प्रत्यक्षं त्वपहायैव दैवं मत्वा कर्तृ स्वात्मकर्म प्रजह्यात् ।</span>
<span class="shloka-line">विद्वान् जीवं विष्णुवशे (विष्णुवशं) विदित्वा करोति कर्तव्यमजस्रमेव ॥ ८०॥</span>
</div>
</div>
</div>

<div class="verse" id="MBTN_C22_S01_V81" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वभावाख्या योग्यता या हठाख्या याऽनादिसिद्धा सर्वजीवेषु नित्या ।</span>
<span class="shloka-line">सा कारणं प्रथमं तु द्वितीयमनादिकर्मैव तथा तृतीयः ।</span>
<span class="shloka-line">जीवप्रयत्नः पौरुषाख्यस्तदेतत् त्रयं विष्णोर्वशगं सर्वदैव ॥ ८१॥</span>
</div>
</div>
</div>

<div class="verse" id="MBTN_C22_S01_V82" type="shloka" data-doc="MBTN">
<div class="verse-text">
<div class="shloka">
<span class="shloka-line">स कस्यचिन्न वशे वासुदेवः परात् परः परमोऽसौ स्वतन्त्रः ।</span>
<span class="shloka-line">हठश्चासौ तारतम्यस्थितो हि ब्रह्माणमारभ्य कलिश्च यावत् ।</span>
<span class="shloka-line">हठाच्च कर्माणि भवन्ति कर्मजो यत्नो यतो हठकर्मप्रयोक्ता ॥ ८२॥</span>
</div>
</div>
</div>

<div class="verse" id="MBTN_C22_S01_V83" type="shloka" data-doc="MBTN">
<div class="verse-text">
<div class="shloka">
<span class="shloka-line">विना यत्नं न हठो नापि कर्म फलप्रदौ वासुदेवोऽखिलस्य ।</span>
<span class="shloka-line">स्वातन्त्र्यशक्तेर्विनियामको हि तथाऽप्येतान् सोऽप्यपेक्ष्यैव युञ्जेत् ॥ ८३॥</span>
</div>
</div>
</div>

<div class="verse" id="MBTN_C22_S01_V84" type="shloka" data-doc="MBTN">
<div class="verse-text">
<div class="shloka">
<span class="shloka-line">एतानपेक्ष्यैव फलं ददानीत्यस्यैव सङ्कल्प इति स्वतन्त्रता ।</span>
<span class="shloka-line">नास्यापगच्छेत् स हि सर्वशक्तिर्नाशक्तता क्‍वचिदस्य प्रभुत्वात् ॥ ८४॥</span>
</div>
</div>
</div>

<div class="verse" id="MBTN_C22_S01_V85" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मात् कार्यं तेन क्लृप्तं स्वकर्म तत्पूजार्थं तेन तत्प्राप्तिरेव ।</span>
<span class="shloka-line">अतोऽन्यथा निरयः सर्वथा स्यात् स्वकर्म विप्रस्य जपोपदेशौ ।</span>
<span class="shloka-line">विष्णोर्मुखाद् विप्रजातिः प्रवृत्ता(प्रसूता) मुखोत्थितं कर्म तेनास्य सोऽदात् ॥ ८५॥</span>
</div>
</div>
</div>

<div class="verse" id="MBTN_C22_S01_V86" type="shloka" data-doc="MBTN">
<div class="verse-text">
<div class="shloka">
<span class="shloka-line">बाह्वोर्जातः क्षत्रियस्तेन बाह्वोः कर्मास्य पापप्रतिवारणं हि ।</span>
<span class="shloka-line">प्रवर्तनं साधुधर्मस्य चैव मुखस्य बाह्वोश्चातिसामीप्यतोऽस्य ।</span>
<span class="shloka-line">जपोपदेशौ क्षत्रियस्यापि विष्णुश्चक्रे धर्मौ यज्ञकर्मापि विप्रे ॥ ८६॥</span>
</div>
</div>
</div>

<div class="verse" id="MBTN_C22_S01_V87" type="shloka" data-doc="MBTN">
<div class="verse-text">
<div class="shloka">
<span class="shloka-line">वैश्यो यस्मादूरुजस्तेन तस्य प्रजावृद्धिस्तज्जकर्मैव धर्मः ।</span>
<span class="shloka-line">तत्सादृश्यात् स्थावराणां च वृद्धिः करोरूर्वोः(करयोरूर्वोः) सन्निकृष्टत्वहेतोः ।</span>
<span class="shloka-line">वार्तात्मकं कर्म धर्मं चकार विष्णुस्तस्यैवाङ्घ्रिजः शूद्र उक्तः ॥ ८७॥</span>
</div>
</div>
</div>

<div class="verse" id="MBTN_C22_S01_V88" type="shloka" data-doc="MBTN">
<div class="verse-text">
<div class="shloka">
<span class="shloka-line">गतिप्रधानं कर्म शुश्रूषणाख्यं सादृश्यतो हस्तपदोस्तथैव ।</span>
<span class="shloka-line">हस्तोद्भवं कर्म तस्यापि धर्मः सन्तानवृद्धिश्च समीपगत्वात् ॥ ८८॥</span>
</div>
</div>
</div>

<div class="verse" id="MBTN_C22_S01_V89" type="shloka" data-doc="MBTN">
<div class="verse-text">
<div class="shloka">
<span class="shloka-line">भुजावुरो हृदयं यद् बलस्य ज्ञानस्य च स्थानमतो नृपाणाम् ।</span>
<span class="shloka-line">बलं ज्ञानं चोभयं धर्म उक्तः पाणौ कृतीनां कौशलं केवलं हि ।</span>
<span class="shloka-line">तस्मात् पाण्योरूरुपदोरुपस्थितेर्विट्छूद्रकौ कर्मणां कौशलेतौ ॥ ८९॥</span>
</div>
</div>
</div>

<div class="verse" id="MBTN_C22_S01_V90" type="shloka" data-doc="MBTN">
<div class="verse-text">
<div class="shloka">
<span class="shloka-line">प्राधान्यतो धर्मविशेष एष सामान्यतः सर्व एवाखिलानाम् (सर्वमेवाखिलानाम्) ।</span>
<span class="shloka-line">वयं हि देवास्तेन सर्वं हि कर्म प्रायेण नो धर्मतामेति शश्वत् ॥ ९०॥</span>
</div>
</div>
</div>

<div class="verse" id="MBTN_C22_S01_V91" type="shloka" data-doc="MBTN">
<div class="verse-text">
<div class="shloka">
<span class="shloka-line">एतैर्धर्मैर्विष्णुना पूर्वक्लृप्तैः सर्वैर्वर्णैर्विष्णुरेवाभिपूज्यः ।</span>
<span class="shloka-line">तद्भक्तिरेवाखिलानां च धर्मो यथायोग्यं ज्ञानमस्यापि पूजा ॥ ९१॥</span>
</div>
</div>
</div>

<div class="verse" id="MBTN_C22_S01_V92" type="shloka" data-doc="MBTN">
<div class="verse-text">
<div class="shloka">
<span class="shloka-line">पिता गुरुः परमं दैवतं च विष्णुः सर्वेषां तेन पूज्यः स एव ।</span>
<span class="shloka-line">तद्भक्तत्वाद् देवताश्चाभिपूज्या विशेषतस्तेषु येऽत्यन्तभक्ताः ॥ ९२॥</span>
</div>
</div>
</div>

<div class="verse" id="MBTN_C22_S01_V93" type="shloka" data-doc="MBTN">
<div class="verse-text">
<div class="shloka">
<span class="shloka-line">सम्पूजितो वासुदेवः स मुक्तिं दद्यादेवापूजितो दुःखमेव ।</span>
<span class="shloka-line">स्वतन्त्रत्वात् सुखदुःखप्रदोऽसौ नान्यः स्वतन्त्रस्तद्वशा यत् समस्ताः ॥ ९३॥</span>
</div>
</div>
</div>

<div class="verse" id="MBTN_C22_S01_V94" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वतन्त्रत्वात् सुखसज्ज्ञानशक्तिपूर्वैर्गुणैः पूर्ण एषोऽखिलैश्च ।</span>
<span class="shloka-line">स्वतन्त्रत्वात् सर्वदोषोज्झितश्च निस्सीमशक्तिर्हि यतः स्वतन्त्रः ॥ ९४॥</span>
</div>
</div>
</div>

<div class="verse" id="MBTN_C22_S01_V95" type="shloka" data-doc="MBTN">
<div class="verse-text">
<div class="shloka">
<span class="shloka-line">दोषास्पृष्टौ गुणपूर्तौ च शक्तिर्निस्सीमत्वाद् विद्यते तस्य यस्मात् ।</span>
<span class="shloka-line">एवं गुणैरखिलैश्चापि पूर्णो नारायणः पूज्यतमः स्वधर्मैः ।</span>
<span class="shloka-line">अस्माकं यत् तेन नातिक्षमैव धर्मो दुष्टानां वारणं ह्येव कार्यम् ॥ ९५॥</span>
</div>
</div>
</div>

<div class="verse" id="MBTN_C22_S01_V96" type="shloka" data-doc="MBTN">
<div class="verse-text">
<div class="shloka">
<span class="shloka-line">हन्याद् दुष्टान् यः क्षत्रियः क्षत्रियांश्च विशेषतो युद्धगतान् स्मरन् हरिम् ।</span>
<span class="shloka-line">स्वबाहुवीर्येण च तस्य बाहू चैतन्यमात्रौ भवतः सदेहौ ॥ ९६॥</span>
</div>
</div>
</div>

<div class="verse" id="MBTN_C22_S01_V97" type="shloka" data-doc="MBTN">
<div class="verse-text">
<div class="shloka">
<span class="shloka-line">पापाधिकांश्चैव बलाधिकांश्च हत्वा मुक्तावधिकानन्दवृद्धिः ।</span>
<span class="shloka-line">प्रीतिश्च विष्णोः परमैव तत्र तस्माद्धन्तव्याः पापिनः सर्वथैव ॥ ९७॥</span>
</div>
</div>
</div>

<div class="verse" id="MBTN_C22_S01_V98" type="shloka" data-doc="MBTN">
<div class="verse-text">
<div class="shloka">
<span class="shloka-line">ये त्वक्षधूर्ता ग्रहणं गता वा पापास्तेऽन्यैर्घातनीयाः स्वदोर्भ्याम् ।</span>
<span class="shloka-line">राजानं वा राजपुत्रं तथैव राजानुजं वाऽभियातं निहन्यात् ॥ ९८॥</span>
</div>
</div>
</div>

<div class="verse" id="MBTN_C22_S01_V99" type="shloka" data-doc="MBTN">
<div class="verse-text">
<div class="shloka">
<span class="shloka-line">राज्ञः पुत्रोऽप्यकृतोद्वाहको यः स घातनीयो न स्वयं वध्य एव ।</span>
<span class="shloka-line">क्रूरं चान्यद् धर्मयुक्तं परैस्तत् प्रसाधनीयं क्षत्रियैर्न स्वकार्यम् ।</span>
<span class="shloka-line">एवं धर्मो विहितो वेद एव वाक्यं विष्णोः पञ्चरात्रेषु तादृक् ॥ ९९॥</span>
</div>
</div>
</div>

<div class="verse" id="MBTN_C22_S01_V100" type="shloka" data-doc="MBTN">
<div class="verse-text">
<div class="shloka">
<span class="shloka-line">अक्षद्यूतं निकृतिः पापमेव कृतं त्वया गर्हितं सौबलेन ।</span>
<span class="shloka-line">न कुत्रचिद् विधिरस्यास्ति तेन न तद् दत्तं द्यूतहृतं(द्यूतकृतं) वदन्ति ॥ १००॥</span>
</div>
</div>
</div>

<div class="verse" id="MBTN_C22_S01_V101" type="shloka" data-doc="MBTN">
<div class="verse-text">
<div class="shloka">
<span class="shloka-line">भीतेन दत्तं द्यूतदत्तं तथैव दत्तं कामिन्यै पुनराहार्यमेव ।</span>
<span class="shloka-line">एवं धर्मः शाश्वतो वैदिको हि द्यूते स्त्रियां नाल्पमाहार्यमाहुः ॥ १०१॥</span>
</div>
</div>
</div>

<div class="verse" id="MBTN_C22_S01_V102" type="shloka" data-doc="MBTN">
<div class="verse-text">
<div class="shloka">
<span class="shloka-line">यद्येषां वै भोग्यमल्पं(यद्येतेषां भोग्यमल्पं) तदीयं भोगेन तद्बन्धुभिस्तच्च हार्यम् ।</span>
<span class="shloka-line">निवारणे पुरुषस्य त्वशक्तौस्तद् राज्यं न पुनराहार्यमेव ॥ १०२॥</span>
</div>
</div>
</div>

<div class="verse" id="MBTN_C22_S01_V103" type="shloka" data-doc="MBTN">
<div class="verse-text">
<div class="shloka">
<span class="shloka-line">त्वं धर्मनित्य(धर्मनिष्ठः)श्चाग्रजश्चेति राजन् ऋतेऽनुज्ञां न मया तत् कृतं च ।</span>
<span class="shloka-line">दातास्यनुज्ञां यदि तान् निहत्य त्वय्येव राज्यं स्थापयाम्यद्य सम्यक् ॥ १०३॥</span>
</div>
</div>
</div>

<div class="verse" id="MBTN_C22_S01_V104" type="shloka" data-doc="MBTN">
<div class="verse-text">
<div class="shloka">
<span class="shloka-line">सत्यं पापेष्वपि कर्तुं यदीच्छा तथाऽपि मासा द्वादशः नः प्रयाताः ।</span>
<span class="shloka-line">वेदप्रामाण्याद् वत्सरास्ते हि मासैः सहस्राब्दं सत्रमुक्तं नराणाम् ।</span>
<span class="shloka-line">अज्ञातमेकं मासमुष्याऽथ शत्रून् निहत्य राज्यं प्रतिपादयामः (प्रतिपालयामः) ॥ १०४॥</span>
</div>
</div>
</div>

<div class="verse" id="MBTN_C22_S01_V105" type="shloka" data-doc="MBTN">
<div class="verse-text">
<div class="shloka">
<span class="shloka-line">मा मित्राणां तापकस्त्वं भवेथास्तथाऽमित्राणां नन्दकश्चैव राजन् ।</span>
<span class="shloka-line">ज्वलस्वारीणां मूर्ध्नि मित्राणि नित्यमाह्लादयन् वासुदेवं भजस्व ॥ १०५॥</span>
</div>
</div>
</div>

<div class="verse" id="MBTN_C22_S01_V106" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वतन्त्रत्वं वासुदेवस्य सम्यक् प्रत्यक्षतो दृश्यते ह्यद्य राजन् ।</span>
<span class="shloka-line">यस्मात् कृष्णो (प्यजयत्) व्यजयच्छङ्करादीन् जरासुतादीन् कादिवरैरजेयान् ॥ १०६॥</span>
</div>
</div>
</div>

<div class="verse" id="MBTN_C22_S01_V107" type="shloka" data-doc="MBTN">
<div class="verse-text">
<div class="shloka">
<span class="shloka-line">ब्रह्मादीनां प्रकृतेस्तद्वशत्वं दृष्टं हि नो बहुशो व्यासदेहे ।</span>
<span class="shloka-line">पाराशर्यो दिव्यदृष्टिं प्रदाय स्वातन्त्र्यं नोऽदर्शयत् सर्वलोके ॥ १०७॥</span>
</div>
</div>
</div>

<div class="verse" id="MBTN_C22_S01_V108" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्माद् राजन्नभिनिर्याहि शत्रून् हन्तुं सर्वान् भोक्तुमेवाधिराज्यम् ।</span>
<span class="shloka-line">एवञ्च ते कीर्तिधर्मौ महान्तौ प्राप्यौ राजन् वासुदेवप्रसादात् ॥ १०८॥</span>
</div>
</div>
</div>

<div class="verse" id="MBTN_C22_S01_V109" type="shloka" data-doc="MBTN">
<div class="verse-text">
<div class="shloka">
<span class="shloka-line">एवमुक्तोऽब्रवीद् भीमं धर्मपुत्रो युधिष्ठिरः ।</span>
<span class="shloka-line">त्रयोदशाब्दस्यान्तेऽहं कुर्यामेव त्वदीरितम् ॥ १०९॥</span>
</div>
</div>
</div>

<div class="verse" id="MBTN_C22_S01_V110" type="shloka" data-doc="MBTN">
<div class="verse-text">
<div class="shloka">
<span class="shloka-line">सत्यमेतन्न सन्देहः सत्येनाऽत्मानमालभे ।</span>
<span class="shloka-line">लोकापवादभीरुं मां नातोऽन्यद् वक्तुमर्हसि ॥ ११०॥</span>
</div>
</div>
</div>

<div class="verse" id="MBTN_C22_S01_V111" type="shloka" data-doc="MBTN">
<div class="verse-text">
<div class="shloka">
<span class="shloka-line">तुदसे चातिवाचा मां यद्येवं भीम मां वदेः(भीम मा वद) ।</span>
<span class="shloka-line">तदैव मेऽत्ययः कार्यो हन्तव्याश्चैव शत्रवः ।</span>
<span class="shloka-line">नैतादृशैरिदानीं तु वाक्यैर्बाधितुमर्हसि ॥ १११॥</span>
</div>
</div>
</div>

<div class="verse" id="MBTN_C22_S01_V112" type="shloka" data-doc="MBTN">
<div class="verse-text">
<div class="shloka">
<span class="shloka-line">भीष्मद्रोणादयोऽस्त्रज्ञा निवार्याश्च कथं युधि ।</span>
<span class="shloka-line">पूज्यास्ते बाहुयुद्धेन न निवार्याः कथञ्चन ॥ ११२॥</span>
</div>
</div>
</div>

<div class="verse" id="MBTN_C22_S01_V113" type="shloka" data-doc="MBTN">
<div class="verse-text">
<div class="shloka">
<span class="shloka-line">अस्त्राणि जानन्नपि हि न प्रयोजयसि क्‍वचित्(प्रयोजसि न क्‍वचित्) ।</span>
<span class="shloka-line">तस्माद् तदैव गन्तव्यं विज्ञातास्त्रे धनञ्जये ॥ ११३॥</span>
</div>
</div>
</div>

<div class="verse" id="MBTN_C22_S01_V114" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तो भीमसेनस्तु स्नेहभङ्गभयात् ततः ।</span>
<span class="shloka-line">नोवाच किञ्चिद् वचनं स्वाभिप्रेतमवाप्य च ॥ ११४॥</span>
</div>
</div>
</div>

<div class="verse" id="MBTN_C22_S01_V115" type="shloka" data-doc="MBTN">
<div class="verse-text">
<div class="shloka">
<span class="shloka-line">अभिप्रायो हि भीमस्य निश्चयेन त्रयोदशे ।</span>
<span class="shloka-line">युधिष्ठिरस्य राज्यार्थं गमनार्थे प्रतिश्रवः ।</span>
<span class="shloka-line">अन्यथाऽतिमृदुत्वात् स न गच्छेद् भिन्नधीः परैः ॥ ११५॥</span>
</div>
</div>
</div>

<div class="verse" id="MBTN_C22_S01_V116" type="shloka" data-doc="MBTN">
<div class="verse-text">
<div class="shloka">
<span class="shloka-line">कृतकृत्ये तथा भीमे स्थिते धर्मात्मजो हि सः ।</span>
<span class="shloka-line">भीष्मद्रोणादिविजयः कथं स्यादित्यचिन्तयत् ॥ ११६॥</span>
</div>
</div>
</div>

<div class="verse" id="MBTN_C22_S01_V117" type="shloka" data-doc="MBTN">
<div class="verse-text">
<div class="shloka">
<span class="shloka-line">निवारणं गुरूणां हि भीम इच्छति न क्‍वचित् ।</span>
<span class="shloka-line">तस्मात् ते ह्यर्जुनेनैव निवार्या इत्यचिन्तयत् ॥ ११७॥</span>
</div>
</div>
</div>

<div class="verse" id="MBTN_C22_S01_V118" type="shloka" data-doc="MBTN">
<div class="verse-text">
<div class="shloka">
<span class="shloka-line">आपद्येव हि भीमस्तान् निवारयति नान्यथा ।</span>
<span class="shloka-line">एवं चिन्तासमाविष्टं विज्ञायैव युधिष्ठिरम् ॥ ११८॥</span>
</div>
</div>
</div>

<div class="verse" id="MBTN_C22_S01_V119" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वज्ञः सर्वशक्तिश्च कृष्णद्वैपायनोऽगमत् ।</span>
<span class="shloka-line">नृपतिं बोधयामास चिन्ताव्याकुलमानसम् ॥ ११९॥</span>
</div>
</div>
</div>

<div class="verse" id="MBTN_C22_S01_V120" type="shloka" data-doc="MBTN">
<div class="verse-text">
<div class="shloka">
<span class="shloka-line">इमं मन्त्रं वदिष्यामि येन जेष्यति फल्गुनः ।</span>
<span class="shloka-line">भीष्मद्रोणादिकान् सर्वान् तं त्वं वद धनञ्जये ॥ १२०॥</span>
</div>
</div>
</div>

<div class="verse" id="MBTN_C22_S01_V121" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त्वैवावदन्मन्त्रं सर्वदैवतदृष्टिदम् ।</span>
<span class="shloka-line">न स्वयं ह्यवदत् पार्थे फलाधिक्यं यतो भवेत् ॥ १२१॥</span>
</div>
</div>
</div>

<div class="verse" id="MBTN_C22_S01_V122" type="shloka" data-doc="MBTN">
<div class="verse-text">
<div class="shloka">
<span class="shloka-line">भीष्मद्रोणादिविजय एतावद् वीर्यमेव हि ।</span>
<span class="shloka-line">अलं नातोऽधिकं कार्यमेतावद् योग्यमस्य च ।</span>
<span class="shloka-line">फल्गुनस्येति भगवान् न स्वयं ह्यवदन्मनुम् ॥ १२२॥</span>
</div>
</div>
</div>

<div class="verse" id="MBTN_C22_S01_V123" type="shloka" data-doc="MBTN">
<div class="verse-text">
<div class="shloka">
<span class="shloka-line">गते व्यासे भगवति सर्वज्ञे सर्वकर्तरि ।</span>
<span class="shloka-line">धर्मराजोऽवदन्मन्त्रं(अदिशन्मन्त्रं) फल्गुनाय रहस्यमुम् ॥ १२३॥</span>
</div>
</div>
</div>

<div class="verse" id="MBTN_C22_S01_V124" type="shloka" data-doc="MBTN">
<div class="verse-text">
<div class="shloka">
<span class="shloka-line">तमाप्य फल्गुनो मन्त्रं ययौ ज्येष्ठौ प्रणम्य च ।</span>
<span class="shloka-line">यमजौ च समाश्लिष्य गिरिमेवेन्द्रकीलकम् ।</span>
<span class="shloka-line">तपश्चचार तत्रस्थः शङ्करस्थं हरिं स्मरन् ॥ १२४॥</span>
</div>
</div>
</div>

<div class="verse" id="MBTN_C22_S01_V125" type="shloka" data-doc="MBTN">
<div class="verse-text">
<div class="shloka">
<span class="shloka-line">षण्मासेऽतिगतेऽपश्यन्मूकं नामासुरं गिरौ ।</span>
<span class="shloka-line">वराहरूपमायातं वधार्थं फल्गुनस्य च ॥ १२५॥</span>
</div>
</div>
</div>

<div class="verse" id="MBTN_C22_S01_V126" type="shloka" data-doc="MBTN">
<div class="verse-text">
<div class="shloka">
<span class="shloka-line">तं ज्ञात्वा फल्गुनो वीरः सज्यं कृत्वा तु गाण्डिवम् ।</span>
<span class="shloka-line">चिक्षेप वज्रसमितांस्तत्काये सायकान् बहून् ॥ १२६॥</span>
</div>
</div>
</div>

<div class="verse" id="MBTN_C22_S01_V127" type="shloka" data-doc="MBTN">
<div class="verse-text">
<div class="shloka">
<span class="shloka-line">किरातरूपस्तमनु सभार्यश्च त्रियम्बकः ।</span>
<span class="shloka-line">स ममार हतस्ताभ्यां दानवः पापचेतनः ॥ १२७॥</span>
</div>
</div>
</div>

<div class="verse" id="MBTN_C22_S01_V128" type="shloka" data-doc="MBTN">
<div class="verse-text">
<div class="shloka">
<span class="shloka-line">तेनोक्तोऽसौ मयैवायं वराहोऽनुगतोऽद्य हि ।</span>
<span class="shloka-line">तमाविध्यो यतस्त्वं हि तद् युद्ध्यस्व मया सह ॥ १२८॥</span>
</div>
</div>
</div>

<div class="verse" id="MBTN_C22_S01_V129" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तः फल्गुनः प्राह तिष्ठ तिष्ठ न मोक्ष्यसे ।</span>
<span class="shloka-line">इत्युक्त्वा तावुभौ युद्धं चक्रतुः पुरुषर्षभौ ॥ १२९॥</span>
</div>
</div>
</div>

<div class="verse" id="MBTN_C22_S01_V130" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्राखिलानि चास्त्राणि फल्गुनस्याग्रसच्छिवः ।</span>
<span class="shloka-line">ततोऽर्जुनस्तु गाण्डीवं समादायाभ्यताडयत् ॥ १३०॥</span>
</div>
</div>
</div>

<div class="verse" id="MBTN_C22_S01_V131" type="shloka" data-doc="MBTN">
<div class="verse-text">
<div class="shloka">
<span class="shloka-line">तदप्यग्रसदेवासौ प्रहसन् गिरिशस्तदा ।</span>
<span class="shloka-line">बाहुयुद्धं ततस्त्वासीत् तयोः पुरुषसिंहयोः ॥ १३१॥</span>
</div>
</div>
</div>

<div class="verse" id="MBTN_C22_S01_V132" type="shloka" data-doc="MBTN">
<div class="verse-text">
<div class="shloka">
<span class="shloka-line">पिण्डीकृत्य ततो रुद्रश्चिक्षेपाथ(ध) धनञ्जयम् ।</span>
<span class="shloka-line">मूर्च्छामवाप महतीं फल्गुनो रुद्रपीडितः ॥ १३२॥</span>
</div>
</div>
</div>

<div class="verse" id="MBTN_C22_S01_V133" type="shloka" data-doc="MBTN">
<div class="verse-text">
<div class="shloka">
<span class="shloka-line">पूर्वं सम्प्रार्थयामास शङ्करो गरुडध्वजम् ।</span>
<span class="shloka-line">अवराणां वरं मत्तो येषां त्वं सम्प्रयच्छसि ।</span>
<span class="shloka-line">अजेयत्वं प्रसादात् ते विजेयाः स्युर्मयाऽपि ते ॥ १३३॥</span>
</div>
</div>
</div>

<div class="verse" id="MBTN_C22_S01_V134" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तः प्रददौ विष्णुरुमाधीशाय तं वरम् ।</span>
<span class="shloka-line">तेनाजयच्छ्वेतवाहं गिरिशो रणमध्यगम् ॥ १३४॥</span>
</div>
</div>
</div>

<div class="verse" id="MBTN_C22_S01_V135" type="shloka" data-doc="MBTN">
<div class="verse-text">
<div class="shloka">
<span class="shloka-line">केवलान् वैष्णवान् मन्त्रान् व्यासः पार्थाय नो ददौ ।</span>
<span class="shloka-line">एतावताऽलं भीष्मादेर्जयार्थमिति चिद्धनः ॥ १३५॥</span>
</div>
</div>
</div>

<div class="verse" id="MBTN_C22_S01_V136" type="shloka" data-doc="MBTN">
<div class="verse-text">
<div class="shloka">
<span class="shloka-line">केवलैर्वैष्णवैर्मन्त्रैः स्वदत्तैर्विजयावहैः ।</span>
<span class="shloka-line">अतिवृद्धस्य(अभिवृद्धस्य) पार्थस्य दर्पः स्यादित्यचिन्तयत् ॥ १३६॥</span>
</div>
</div>
</div>

<div class="verse" id="MBTN_C22_S01_V137" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्थः सञ्ज्ञामवाप्याथ जयार्थ्याराधयच्छिवम् ।</span>
<span class="shloka-line">व्यासोदितेन मन्त्रेण तानि पुष्पाणि तच्छिरः ॥ १३७॥</span>
</div>
</div>
</div>

<div class="verse" id="MBTN_C22_S01_V138" type="shloka" data-doc="MBTN">
<div class="verse-text">
<div class="shloka">
<span class="shloka-line">आरुहन् स तु तं ज्ञात्वा रुद्र इत्येव फल्गुनः ।</span>
<span class="shloka-line">नमश्चक्रे ततः प्रादादस्त्रं पाशुपतं शिवः ॥ १३८॥</span>
</div>
</div>
</div>

<div class="verse" id="MBTN_C22_S01_V139" type="shloka" data-doc="MBTN">
<div class="verse-text">
<div class="shloka">
<span class="shloka-line">अस्त्रं तद् विष्णुदैवत्यं साधितं शङ्करेण यत् ।</span>
<span class="shloka-line">तस्मात् पाशुपतं नाम स्वान्यस्त्राण्यपरे सुराः ।</span>
<span class="shloka-line">ददुस्तदैव पार्थाय सर्वे प्रत्यक्षगोचराः ॥ १३९॥</span>
</div>
</div>
</div>

<div class="verse" id="MBTN_C22_S01_V140" type="shloka" data-doc="MBTN">
<div class="verse-text">
<div class="shloka">
<span class="shloka-line">इन्द्रोऽर्जुनं समागम्य प्राह प्रीतोऽस्मि तेऽनघ ।</span>
<span class="shloka-line">रुद्रदेहस्थितं ब्रह्म विष्ण्वाख्यं तोषितं त्वया ।</span>
<span class="shloka-line">तेन लोकं ममाऽगच्छ प्रेषयामि रथं तव ॥ १४०॥</span>
</div>
</div>
</div>

<div class="verse" id="MBTN_C22_S01_V141" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त्वा प्रययाविन्द्रस्तद्रथेन च मातलिः ।</span>
<span class="shloka-line">आयात् पार्थस्तमारुह्य ययौ तातनिकेतनम् ॥ १४१॥</span>
</div>
</div>
</div>

<div class="verse" id="MBTN_C22_S01_V142" type="shloka" data-doc="MBTN">
<div class="verse-text">
<div class="shloka">
<span class="shloka-line">पूजितो दैवतैः सर्वैरिन्द्रेणैव निवेशितः ।</span>
<span class="shloka-line">तेन सार्द्धमुपासीदत् तस्मिन्नैन्द्रे वरासने ॥ १४२॥</span>
</div>
</div>
</div>

<div class="verse" id="MBTN_C22_S01_V143" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रीत्या समाश्लिष्य कुरुप्रवीरं शक्रो द्वितीयां तनुमात्मनः सः ।</span>
<span class="shloka-line">ईक्षन् मुखं तस्य मुमोद सोऽपि ह्युवास तस्मिन् वत्सरान् पञ्च लोके ॥ १४३॥</span>
</div>
</div>
</div>

<div class="verse" id="MBTN_C22_S01_V144" type="shloka" data-doc="MBTN">
<div class="verse-text">
<div class="shloka">
<span class="shloka-line">अस्त्राणि तस्मा अदिशत् स वासवो महान्ति दिव्यानि तदोर्वशी तम् ।</span>
<span class="shloka-line">सम्प्राप्य भावेन तु मानुषेण माता कुलस्येति निराकृताऽभूत् ॥ १४४॥</span>
</div>
</div>
</div>

<div class="verse" id="MBTN_C22_S01_V145" type="shloka" data-doc="MBTN">
<div class="verse-text">
<div class="shloka">
<span class="shloka-line">षण्ढो भवेत्येव तयाऽभिशप्ते पार्थे शक्रोऽनुग्रहं तस्य चादात् ।</span>
<span class="shloka-line">संवत्सरं षण्ढरूपी चरस्व न षण्ढता ते भवतीति(भवितेति) धृष्णुः ॥ १४५॥</span>
</div>
</div>
</div>

<div class="verse" id="MBTN_C22_S01_V146" type="shloka" data-doc="MBTN">
<div class="verse-text">
<div class="shloka">
<span class="shloka-line">ततोऽवसत् पाण्डवेयो गान्धर्वं वेदमभ्यसन् ।</span>
<span class="shloka-line">गन्धर्वाच्चित्रसेनात्तु तथाऽस्त्राणि सुरेश्वरात् ॥ १४६॥</span>
</div>
</div>
</div>

<div class="verse" id="MBTN_C22_S01_V147" type="shloka" data-doc="MBTN">
<div class="verse-text">
<div class="shloka">
<span class="shloka-line">सुभद्रयाऽभिमन्युना सह स्वकां पुरं गतः ।</span>
<span class="shloka-line">जनार्दनोऽत्र संवसन् कदाचिदित्थमैक्षत ॥ १४७॥</span>
</div>
</div>
</div>

<div class="verse" id="MBTN_C22_S01_V148" type="shloka" data-doc="MBTN">
<div class="verse-text">
<div class="shloka">
<span class="shloka-line">मया वरो हि शम्भवे प्रदत्त आस पूर्वतः ।</span>
<span class="shloka-line">वरं ग्रहीष्य एव ते सकाशतो विमोहयन् ॥ १४८॥</span>
</div>
</div>
</div>

<div class="verse" id="MBTN_C22_S01_V149" type="shloka" data-doc="MBTN">
<div class="verse-text">
<div class="shloka">
<span class="shloka-line">‘त्वामाराध्य तथा शम्भो ग्रहीष्यामि वरं सदा ।</span>
<span class="shloka-line">द्वापरादौ युगे भूत्वा कलया मानुषादिषु’ ॥ १४९॥ (पद्म पु\. ६\.७१\.१०६)</span>
</div>
</div>
</div>

<div class="verse" id="MBTN_C22_S01_V150" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वागमैः कल्पितैस्त्वञ्च जनान् मद्विमुखान् कुरु ।</span>
<span class="shloka-line">मां च गोपय येन स्यात् सृष्टिरेषोत्तराधरा ॥ १५०॥</span>
</div>
</div>
</div>

<div class="verse" id="MBTN_C22_S01_V151" type="shloka" data-doc="MBTN">
<div class="verse-text">
<div class="shloka">
<span class="shloka-line">इति वाक्यमृतं कर्तुमभिप्रायं विजज्ञुषी ।</span>
<span class="shloka-line">प्रीत्यर्थं वासुदेवस्य रुक्मिणी वाक्यमब्रवीत्</span>
<span class="shloka-line">जातेऽपि पुत्रे पुत्रार्थं सा हि वेद मनोगतम् ॥ १५१॥</span>
</div>
</div>
</div>

<div class="verse" id="MBTN_C22_S01_V152" type="shloka" data-doc="MBTN">
<div class="verse-text">
<div class="shloka">
<span class="shloka-line">पुत्रो मे बलवान् देव स्यात् सर्वास्त्रविदुत्तमः।</span>
<span class="shloka-line">इत्युक्तो भगवान् देव्या सम्मोहाय सुरद्विषाम् ।</span>
<span class="shloka-line">ययौ सुपर्णमारुह्य स्वीयं बदरिकाश्रमम् ॥ १५२॥</span>
</div>
</div>
</div>

<div class="verse" id="MBTN_C22_S01_V153" type="shloka" data-doc="MBTN">
<div class="verse-text">
<div class="shloka">
<span class="shloka-line">एष मोहं सृजाम्याशु यो जनान् मोहयिष्यति ।</span>
<span class="shloka-line">त्वं च रुद्र महाबाहो मोहशास्त्राणि कारय ॥ १५३॥</span>
</div>
</div>
</div>

<div class="verse" id="MBTN_C22_S01_V154" type="shloka" data-doc="MBTN">
<div class="verse-text">
<div class="shloka">
<span class="shloka-line">अतत्थ्यानि वितत्थ्यानि दर्शयस्व महाभुज ।</span>
<span class="shloka-line">प्रकाशं कुरु चाऽत्मानमप्रकाशं च मां कुरु ॥ १५४॥</span>
</div>
</div>
</div>

<div class="verse" id="MBTN_C22_S01_V155" type="shloka" data-doc="MBTN">
<div class="verse-text">
<div class="shloka">
<span class="shloka-line">अहं त्वां पूजयिष्यामि लोकसम्मोहनोत्सुकः ।</span>
<span class="shloka-line">तमोऽसुरा नान्यथा हि यान्तीत्येतन्मतं मम ॥ १५५॥</span>
</div>
</div>
</div>

<div class="verse" id="MBTN_C22_S01_V156" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तवचनं पूर्वं केशवेन शिवाय यत् ।</span>
<span class="shloka-line">तत् सत्यं कर्तुमायातं कृष्णं बदरिकाश्रमम् ।</span>
<span class="shloka-line">सर्वज्ञा मुनयः सर्वे पूजयाञ्चक्रिरे प्रभुम् ॥ १५६॥</span>
</div>
</div>
</div>

<div class="verse" id="MBTN_C22_S01_V157" type="shloka" data-doc="MBTN">
<div class="verse-text">
<div class="shloka">
<span class="shloka-line">रात्रौ कृष्णे मुनिमध्ये प्रविष्टे घण्टाकर्णः कर्णनामा पिशाचौ ।</span>
<span class="shloka-line">समायातां गिरिशेन प्रदिष्टौ कृष्णं द्रष्टुं द्वारकां गन्तुकामौ ॥ १५७॥</span>
</div>
</div>
</div>

<div class="verse" id="MBTN_C22_S01_V158" type="shloka" data-doc="MBTN">
<div class="verse-text">
<div class="shloka">
<span class="shloka-line">तौ दृष्ट्वा मुनिमध्यस्थं केशवं तदबोधतः ।</span>
<span class="shloka-line">कृत्वा स्वजातिचेष्टाश्च ध्यानेनैनमपश्यताम् ॥ १५८॥</span>
</div>
</div>
</div>

<div class="verse" id="MBTN_C22_S01_V159" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्ट्वा हृदि स्थितं तं तु कौतूहलसमन्वितौ ।</span>
<span class="shloka-line">स्तुत्वा भक्त्या प्रणामं च बहुशश्चक्रतुः शुभौ ॥ १५९॥</span>
</div>
</div>
</div>

<div class="verse" id="MBTN_C22_S01_V160" type="shloka" data-doc="MBTN">
<div class="verse-text">
<div class="shloka">
<span class="shloka-line">तयोः प्रसन्नो भगवान् स्पृष्ट्वा गन्धर्वसत्तमौ ।</span>
<span class="shloka-line">चकार क्षणमात्रेण दिव्यरूपस्वरान्वितौ ॥ १६०॥</span>
</div>
</div>
</div>

<div class="verse" id="MBTN_C22_S01_V161" type="shloka" data-doc="MBTN">
<div class="verse-text">
<div class="shloka">
<span class="shloka-line">ताभ्यां पुनर्नृत्तगीतसंस्तवैः पूजितः प्रभुः ।</span>
<span class="shloka-line">ययौ कैलासमद्रीशं चकारेव तपोऽत्र च ॥ १६१॥</span>
</div>
</div>
</div>

<div class="verse" id="MBTN_C22_S01_V162" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वीयानेव गुणान् विष्णुर्भुञ्जन् (युञ्जन्) नित्येन शोचिषा ।</span>
<span class="shloka-line">शार्वं तपः करोतीव मोहयामास दुर्जनान् ॥ १६२॥</span>
</div>
</div>
</div>

<div class="verse" id="MBTN_C22_S01_V163" type="shloka" data-doc="MBTN">
<div class="verse-text">
<div class="shloka">
<span class="shloka-line">पूर्वं तेनोदितं यत्तल्लोकान् मोहयताऽञ्जसा ।</span>
<span class="shloka-line">शर्वं प्रति तवाहं तु कुर्यां द्वादशवत्सरम् ॥ १६३॥</span>
</div>
</div>
</div>

<div class="verse" id="MBTN_C22_S01_V164" type="shloka" data-doc="MBTN">
<div class="verse-text">
<div class="shloka">
<span class="shloka-line">तपोऽसुराणां मोहाय सुराः सन्तु गतज्वराः ।</span>
<span class="shloka-line">इति तस्मात् तदा कृष्ण एकाहेन बृहस्पतिम् ॥ १६४॥</span>
</div>
</div>
</div>

<div class="verse" id="MBTN_C22_S01_V165" type="shloka" data-doc="MBTN">
<div class="verse-text">
<div class="shloka">
<span class="shloka-line">आज्ञया(स्वाज्ञया) चारयामास क्षिप्रं द्वादशराशिषु ।</span>
<span class="shloka-line">द्वादशाब्दमभूत् तेन तदहः केशवेच्छया(केशवाज्ञया) ॥ १६५॥</span>
</div>
</div>
</div>

<div class="verse" id="MBTN_C22_S01_V166" type="shloka" data-doc="MBTN">
<div class="verse-text">
<div class="shloka">
<span class="shloka-line">एकस्मिन्नह्नि भगवान् राशिंराशिं च वत्सरम् ।</span>
<span class="shloka-line">कल्पयित्वोपवासादीन् मनसा नियमानपि ॥ १६६॥</span>
</div>
</div>
</div>

<div class="verse" id="MBTN_C22_S01_V167" type="shloka" data-doc="MBTN">
<div class="verse-text">
<div class="shloka">
<span class="shloka-line">मासब्रतं सार्द्धशतश्वासकालैरकल्पयत् ।</span>
<span class="shloka-line">मनसैव स्वभक्तानां द्वादशाब्दव्रताप्तये ॥ १६७॥</span>
</div>
</div>
</div>

<div class="verse" id="MBTN_C22_S01_V168" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्रास्य गरुडाद्याश्च परिचर्यां स्वपार्षदाः ।</span>
<span class="shloka-line">चक्रुर्होमादिकाश्चैव क्रियाश्चक्रे जनार्दनः ।</span>
<span class="shloka-line">स्वात्मानं प्रति पापानां शिवायेति प्रकाशयन् ॥ १६८॥</span>
</div>
</div>
</div>

<div class="verse" id="MBTN_C22_S01_V169" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं स्थितं तमरविन्ददलायताक्षं ब्रह्मेन्द्रपूर्वसुरयोगिवरप्रजेशाः ।</span>
<span class="shloka-line">अभ्याययुः पितृमुनीन्द्रगणैः समेता गन्धर्वसिद्धवरयक्षविहङ्गमाद्याः ॥ १६९॥</span>
</div>
</div>
</div>

<div class="verse" id="MBTN_C22_S01_V170" type="shloka" data-doc="MBTN">
<div class="verse-text">
<div class="shloka">
<span class="shloka-line">शर्वोऽपि सर्वसुरदैवतमात्मदैवम्</span>
<span class="shloka-line">आयातमात्मगृहसन्निधिमाश्ववेत्य(आयान्तमात्मगृहसन्निधिमाश्ववेत्य) ।</span>
<span class="shloka-line">अभ्याययौ निजगणैः सहितः सभार्यो</span>
<span class="shloka-line">भक्त्याऽतिसम्भ्रमगृहीतसमर्हणाग्र्यः ॥ १७०॥</span>
</div>
</div>
</div>

<div class="verse" id="MBTN_C22_S01_V171" type="shloka" data-doc="MBTN">
<div class="verse-text">
<div class="shloka">
<span class="shloka-line">अभ्येत्य पादयुगलं जगदेकभर्तुः</span>
<span class="shloka-line">कृष्णस्य भक्तिभरितः शिरसा ननाम ।</span>
<span class="shloka-line">चक्रे स्तुतिं च परमां परमस्य पूर्ण-</span>
<span class="shloka-line">षाड्गुण्यविग्रहविदोषमहाविभूतेः ॥ १७१॥</span>
</div>
</div>
</div>

<div class="verse" id="MBTN_C22_S01_V172" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णोऽप्ययोग्यजनमोहनमेव वाञ्छन्</span>
<span class="shloka-line">तुष्टाव रुद्रहृदिगं निजमेव रूपम् ।</span>
<span class="shloka-line">रुद्रो निशम्य तदुवाच सुरान् समस्तान्</span>
<span class="shloka-line">सत्यं वदामि शृणुताद्य वचो मदीयम् ॥ १७२॥</span>
</div>
</div>
</div>

<div class="verse" id="MBTN_C22_S01_V173" type="shloka" data-doc="MBTN">
<div class="verse-text">
<div class="shloka">
<span class="shloka-line">विष्णुः समस्तसुजनैः परमो ह्युपेयः</span>
<span class="shloka-line">तत्प्राप्तयेऽहमनिलोऽथ रमाऽभ्युपायाः ।</span>
<span class="shloka-line">एष ह्यशेषनिगमार्थविनिर्णयोऽर्थो (योत्थो)</span>
<span class="shloka-line">यद् विष्णुरेव परमो मम चाब्जयोनेः ॥ १७३॥</span>
</div>
</div>
</div>

<div class="verse" id="MBTN_C22_S01_V174" type="shloka" data-doc="MBTN">
<div class="verse-text">
<div class="shloka">
<span class="shloka-line">अव्यक्ततः सकलजीवगणाच्च नित्यम्</span>
<span class="shloka-line">इत्येव निश्चय उतैतदनुस्मरध्वम् ।</span>
<span class="shloka-line">इत्युक्तवत्यखिलदेवगणा गिरीशे</span>
<span class="shloka-line">कृष्णं प्रणेमुरतिवृद्धरमेशभक्त्या ॥ १७४॥</span>
</div>
</div>
</div>

<div class="verse" id="MBTN_C22_S01_V175" type="shloka" data-doc="MBTN">
<div class="verse-text">
<div class="shloka">
<span class="shloka-line">उक्तैरन्यैश्च गिरिशवाक्यैस्तत्त्वविनिर्णयैः ।</span>
<span class="shloka-line">कृष्णस्यैव गुणाख्यानैः पुनरिन्द्रादिदेवताः ।</span>
<span class="shloka-line">ज्ञानाभिवृद्धिमगमन् पुराऽपि ज्ञानिनोऽधिकम् ॥ १७५॥</span>
</div>
</div>
</div>

<div class="verse" id="MBTN_C22_S01_V176" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वदेवोत्तमं तं हि जानन्त्येव सुराः सदा ।</span>
<span class="shloka-line">तथाऽपि तत्प्रमाणानां बहुत्वाद् येऽत्र(यत्र) संशयाः ।</span>
<span class="shloka-line">युक्तिमात्रात् (युक्तिमात्रे) तेऽपि रुद्रवाक्यादपगतास्तदा ॥ १७६॥</span>
</div>
</div>
</div>

<div class="verse" id="MBTN_C22_S01_V177" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः कृष्णः सुतवरं त्वत्त आदास्य इत्यजः ।</span>
<span class="shloka-line">यदुक्तवाञ्छिवं पूर्वं सत्यं कर्तुं तदब्रवीत् ॥ १७७॥</span>
</div>
</div>
</div>

<div class="verse" id="MBTN_C22_S01_V178" type="shloka" data-doc="MBTN">
<div class="verse-text">
<div class="shloka">
<span class="shloka-line">पुत्रं देहीति सोऽप्याह पूर्वमेव सुतस्तव ।</span>
<span class="shloka-line">जातः प्रद्युम्ननामा यः स मद्दत्तः प्रवादतः ॥ १७८॥</span>
</div>
</div>
</div>

<div class="verse" id="MBTN_C22_S01_V179" type="shloka" data-doc="MBTN">
<div class="verse-text">
<div class="shloka">
<span class="shloka-line">पुरा दग्धो मया कामस्तदाऽयाचत मां रतिः ।</span>
<span class="shloka-line">देहि कान्तं ममेत्येव तदा तामहमब्रवम् ॥ १७९॥</span>
</div>
</div>
</div>

<div class="verse" id="MBTN_C22_S01_V180" type="shloka" data-doc="MBTN">
<div class="verse-text">
<div class="shloka">
<span class="shloka-line">उत्पत्स्यते वासुदेवाद् यदा तं(त्वं) पतिमाप्स्यसि ।</span>
<span class="shloka-line">इत्यतोऽसौ मया दत्त इव देव त्वदाज्ञया ॥ १८०॥</span>
</div>
</div>
</div>

<div class="verse" id="MBTN_C22_S01_V181" type="shloka" data-doc="MBTN">
<div class="verse-text">
<div class="shloka">
<span class="shloka-line">दासोऽस्मि तव देवेश पाहि मां शरणागतम् ।</span>
<span class="shloka-line">इत्युक्त्वाऽभिप्रणम्यैनं पुनराह सुरान् हरः ॥ १८१॥</span>
</div>
</div>
</div>

<div class="verse" id="MBTN_C22_S01_V182" type="shloka" data-doc="MBTN">
<div class="verse-text">
<div class="shloka">
<span class="shloka-line">यदर्थमेष आयातः केशवः शृणुतामराः ।</span>
<span class="shloka-line">योऽसुरो वक्रनामाऽऽसीदवध्यो ब्रह्मणो वरात् ।</span>
<span class="shloka-line">तदाजाताद् वासुदेवपुत्रात् कामादृते क्‍वचित् ॥ १८२॥</span>
</div>
</div>
</div>

<div class="verse" id="MBTN_C22_S01_V183" type="shloka" data-doc="MBTN">
<div class="verse-text">
<div class="shloka">
<span class="shloka-line">तं हन्तुमेव पुत्रं स्वं प्रद्युम्नमुदरेऽर्प्य च ।</span>
<span class="shloka-line">आयात इह तं चापि ददाह स्वोदरात् सुतम् ।</span>
<span class="shloka-line">निस्सारयित्वा कक्षं च दग्धं पश्यत देवताः ॥ १८३॥</span>
</div>
</div>
</div>

<div class="verse" id="MBTN_C22_S01_V184" type="shloka" data-doc="MBTN">
<div class="verse-text">
<div class="shloka">
<span class="shloka-line">ज्वालामालाकरालेन स्वतेजोवर्द्धितेन च ।</span>
<span class="shloka-line">प्रद्युम्नेनैव तं दैत्यं दग्ध्वा वनसमन्वितम् ।</span>
<span class="shloka-line">पुनश्च स्वोदरे पुत्रं स्थापयामास केशवः ॥ १८४॥</span>
</div>
</div>
</div>

<div class="verse" id="MBTN_C22_S01_V185" type="shloka" data-doc="MBTN">
<div class="verse-text">
<div class="shloka">
<span class="shloka-line">सद्योगर्भं पुनस्तं च रुक्मिण्यां जनयिष्यति ।</span>
<span class="shloka-line">पूर्ववत् क्षणमात्रेण युवा च स भविष्यति ॥ १८५॥</span>
</div>
</div>
</div>

<div class="verse" id="MBTN_C22_S01_V186" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्टमेतन्नारदाद्यैर्मुनिभिः सर्वमेव च ।</span>
<span class="shloka-line">एवं क्रीडत्ययं देवः पूर्णैश्वर्येण केवलम् ।</span>
<span class="shloka-line">इत्युक्ते केशवं नेमुर्देवाः शक्रपुरोगमाः ॥ १८६॥</span>
</div>
</div>
</div>

<div class="verse" id="MBTN_C22_S01_V187" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो हरिर्ब्रह्मसुरेन्द्रमुख्यैः सुरैः स्तुतो गरुडस्कन्धसंस्थः ।</span>
<span class="shloka-line">पुनःपुनः प्रणतः शङ्करेण स्तुतस्तृतीयेऽह्नि निजां पुरीमगात् ॥ १८७॥</span>
</div>
</div>
</div>

<div class="verse" id="MBTN_C22_S01_V188" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णे प्रयाते निलयं पुरद्विषो रात्रौ पौण्ड्रौ वासुदेवः समागात् ।</span>
<span class="shloka-line">सहैकलव्येन निजेन मातुः पित्रा तथाऽक्षोहिणिकत्रयेण ॥ १८८॥</span>
</div>
</div>
</div>

<div class="verse" id="MBTN_C22_S01_V189" type="shloka" data-doc="MBTN">
<div class="verse-text">
<div class="shloka">
<span class="shloka-line">पुरीं प्रभञ्जन्तममुं विदित्वा सरामशैनेययदुप्रवीराः ।</span>
<span class="shloka-line">संयोधयामासुरथाभ्यवर्षच्छरैर्निषादाधिप एकलव्यः ॥ १८९॥</span>
</div>
</div>
</div>

<div class="verse" id="MBTN_C22_S01_V190" type="shloka" data-doc="MBTN">
<div class="verse-text">
<div class="shloka">
<span class="shloka-line">तदस्त्रशस्त्रैः सहसा विषण्णा यदुप्रवीरा विहतप्रदीपाः(विगतप्रदीपाः) ।</span>
<span class="shloka-line">सहैव रामेण शिनेश्च नप्त्रा समाविशन् स्वां पुरमेव सर्वे ॥ १९०॥</span>
</div>
</div>
</div>

<div class="verse" id="MBTN_C22_S01_V191" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनः समादाय तथोरुदीपिका अग्रे समाधाय च रौहिणेयम् ।</span>
<span class="shloka-line">विनिस्सृता आत्तशस्त्राः स्वपुर्याः सिंहा यथा धर्षिताः सद्गुहायाः  ॥ १९१॥</span>
</div>
</div>
</div>

<div class="verse" id="MBTN_C22_S01_V192" type="shloka" data-doc="MBTN">
<div class="verse-text">
<div class="shloka">
<span class="shloka-line">अथाऽससादैकलव्यं रथेन रामः शैनेयः पौण्ड्रकं वासुदेवम् ।</span>
<span class="shloka-line">अयुद्ध्यतां तौ सात्यकिः पौण्ड्रकश्च तथाऽन्योन्यं विरथं चक्रतुश्च॥ १९२ ॥</span>
</div>
</div>
</div>

<div class="verse" id="MBTN_C22_S01_V193" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो गदायुद्धमभूत् तयोर्द्वयोस्तथा रामश्चैकलव्यश्च वीरौ(हरिवंशे भविष्यत्पर्वणि अ.१०२) ।</span>
<span class="shloka-line">कृत्वाऽन्योन्यं विरथं गदाभ्यामयुद्ध्यतां जातदर्पौ बलाग्र्यौ ॥ १९३॥</span>
</div>
</div>
</div>

<div class="verse" id="MBTN_C22_S01_V194" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन् काले केशवो वैनतेयमारुह्याऽयाद् यत्र ते युद्दसंस्थाः ।</span>
<span class="shloka-line">दृष्ट्वा कृष्णं हर्षसम्पूरितात्मा रामो हन्तुं चैकलव्यं समैच्छत् ॥ १९४॥</span>
</div>
</div>
</div>

<div class="verse" id="MBTN_C22_S01_V195" type="shloka" data-doc="MBTN">
<div class="verse-text">
<div class="shloka">
<span class="shloka-line">उद्यम्य दोर्भ्यां स गदां जवेनैवाभ्यापतद् रौहिणेयो निषादम् ।</span>
<span class="shloka-line">बलं कोपं(रोषं) चास्य दृष्ट्वैकलव्यः पराद्रवज्जीवितेच्छुः सुदूरम् ॥ १९५॥</span>
</div>
</div>
</div>

<div class="verse" id="MBTN_C22_S01_V196" type="shloka" data-doc="MBTN">
<div class="verse-text">
<div class="shloka">
<span class="shloka-line">विद्रावयन् रौहिणेयोऽन्वयात् तं भीतोऽपतच्चैकलव्योऽम्बुधौ सः ।</span>
<span class="shloka-line">वेलान्तं तं द्रावयित्वाऽत्र तस्थौ रामो गदापाणिरदीनसत्त्वः ॥ १९६॥</span>
</div>
</div>
</div>

<div class="verse" id="MBTN_C22_S01_V197" type="shloka" data-doc="MBTN">
<div class="verse-text">
<div class="shloka">
<span class="shloka-line">सुपापोऽसावेकलव्यः सुभीतो रामं मत्वैवानुयान्तं पुनश्च ।</span>
<span class="shloka-line">समुद्रेऽशीतिं योजनानामतीत्य पश्चादैक्षद् द्वीपमेवाधिरुह्य ॥ १९७॥</span>
</div>
</div>
</div>

<div class="verse" id="MBTN_C22_S01_V198" type="shloka" data-doc="MBTN">
<div class="verse-text">
<div class="shloka">
<span class="shloka-line">रामो विजित्यातिबलं रणे रिपुं मुदैव दामोदरमाससाद ।</span>
<span class="shloka-line">पौण्ड्रस्त्ववज्ञाय शिनिप्रवीरं निवार्यमाणोऽपि(भिययौ) ययौ जनार्दनम् ॥ १९८॥</span>
</div>
</div>
</div>

<div class="verse" id="MBTN_C22_S01_V199" type="shloka" data-doc="MBTN">
<div class="verse-text">
<div class="shloka">
<span class="shloka-line">तं केशवो विरथं व्यायुधं च क्षणेन चक्रे स ययौ निजां पुरीम् ।</span>
<span class="shloka-line">प्रस्थापयामास पुनश्च दूतं कृष्णायैको वासुदेवोऽहमस्मि ॥ १९९॥</span>
</div>
</div>
</div>

<div class="verse" id="MBTN_C22_S01_V200" type="shloka" data-doc="MBTN">
<div class="verse-text">
<div class="shloka">
<span class="shloka-line">मदीयलिङ्गानि विसृज्य चाऽशु समागच्छेथाः शरणं मामनन्तम् ।</span>
<span class="shloka-line">तद्दूतोक्तं वाक्यमेतन्निशम्य यदुप्रवीरा उच्चकैः प्राहसन् स्म ॥ २००॥</span>
</div>
</div>
</div>

<div class="verse" id="MBTN_C22_S01_V201" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णः प्रहस्याऽह तवाऽयुधानि दास्याम्यहं लिङ्गभूतानि चाऽजौ ।</span>
<span class="shloka-line">इत्युक्तोऽसौ दूत एत्याऽह तस्मै स चाभ्यागाद्(स चाभ्यागात्, स चाभ्यायात्) योद्धुकामो हरिश्च ॥ २०१॥</span>
</div>
</div>
</div>

<div class="verse" id="MBTN_C22_S01_V202" type="shloka" data-doc="MBTN">
<div class="verse-text">
<div class="shloka">
<span class="shloka-line">तं शातकौम्भे गरुडे रथस्थे स्थितं चक्रादीन् कृत्रिमान् सन्दधानम् ।</span>
<span class="shloka-line">श्रीवत्सार्थे दग्धवक्षस्थलं च दृष्ट्वा कृष्णः प्राहसत् पापबुद्धिम् ॥ २०२॥</span>
</div>
</div>
</div>

<div class="verse" id="MBTN_C22_S01_V203" type="shloka" data-doc="MBTN">
<div class="verse-text">
<div class="shloka">
<span class="shloka-line">ततोऽस्त्रशस्त्राण्यभिवर्षमाणं विजित्य तं वासुदेवोऽरिणैव ।</span>
<span class="shloka-line">चकर्त तत्कन्धरं तस्य चानु मातामहस्याच्छिनत् सायकेन ॥ २०३॥</span>
</div>
</div>
</div>

<div class="verse" id="MBTN_C22_S01_V204" type="shloka" data-doc="MBTN">
<div class="verse-text">
<div class="shloka">
<span class="shloka-line">अपातयच्चाऽशु(न्यापातयच्चाशु) शिरः स तेन</span>
<span class="shloka-line">काशीश्वरस्येश्वरो वारणास्याम् ।</span>
<span class="shloka-line">स च ब्रह्माहं वासुदेवोऽस्मि नित्यम्</span>
<span class="shloka-line">इति ज्ञानादगमत् तत् तमोऽन्धम् ॥ २०४॥</span>
</div>
</div>
</div>

<div class="verse" id="MBTN_C22_S01_V205" type="shloka" data-doc="MBTN">
<div class="verse-text">
<div class="shloka">
<span class="shloka-line">साहाय्यकृच्चास्य च काशिराजो यथैव किर्मीरहिडिम्बसाल्वाः ।</span>
<span class="shloka-line">अन्ये च दैत्या अपतंस्तमोऽन्धे तथैव सोऽप्यपतत् पापबुद्धिः ॥ २०५॥</span>
</div>
</div>
</div>

<div class="verse" id="MBTN_C22_S01_V206" type="shloka" data-doc="MBTN">
<div class="verse-text">
<div class="shloka">
<span class="shloka-line">निहत्य तौ केशवो रौग्मिणेयं पुनर्वैदर्भ्यां जनयामास सद्यः ।</span>
<span class="shloka-line">स चैकलव्यो रामजितः शिवाय चक्रे तपोऽजेयतां चाऽप तस्मात् ॥ २०६॥</span>
</div>
</div>
</div>

<div class="verse" id="MBTN_C22_S01_V207" type="shloka" data-doc="MBTN">
<div class="verse-text">
<div class="shloka">
<span class="shloka-line">स शर्वदत्तेन वरेण दृप्तः पुनर्योद्धुं कृष्णमेवाऽससाद ।</span>
<span class="shloka-line">तस्यास्त्रशस्त्राणि निवार्य केशवश्चक्रेण चक्रे तमपास्तकन्धरम् ।</span>
<span class="shloka-line">स चाऽप पापस्तम एव घोरं कृष्णद्वेषान्नित्यदुःखात्मकं तत् ॥ २०७॥</span>
</div>
</div>
</div>

<div class="verse" id="MBTN_C22_S01_V208" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं यदूनामृषभेण सूदिते पौण्ड्रे तथा काशिनृपे च पापे ।</span>
<span class="shloka-line">काशीशपुत्रस्तु सुदक्षिणाख्यस्तपोऽचरच्छङ्करायोरुभक्त्या ॥ २०८॥</span>
</div>
</div>
</div>

<div class="verse" id="MBTN_C22_S01_V209" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रत्यक्षगं तं शिवं पापबुद्धिः कृष्णाभावं याचते दुष्टचेताः ।</span>
<span class="shloka-line">कृत्यामस्मै दक्षिणाग्नौ शिवोऽपि दैत्यावेशादददादावृतात्मा ॥ २०९|</span>
</div>
</div>
</div>

<div class="verse" id="MBTN_C22_S01_V210" type="shloka" data-doc="MBTN">
<div class="verse-text">
<div class="shloka">
<span class="shloka-line">स दक्षिणाग्निश्चासुरावेशयुक्तः सम्पूजितः काशिराजात्मजेन ।</span>
<span class="shloka-line">वरादुमेशस्य विवृद्धशक्तिर्ययौ कृष्णो यत्र सम्पूर्णशक्तिः(यत्र चानन्तशक्तिः) ॥ २१०॥</span>
</div>
</div>
</div>

<div class="verse" id="MBTN_C22_S01_V211" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णस्तस्य प्रतिघातार्थमुग्रं समादिशच्चक्रमनन्तवीर्यः ।</span>
<span class="shloka-line">जाज्वल्यमानं तदमोघवीर्यं व्यद्रावयद् वह्निमिमं सुदूरम् ॥ २११॥</span>
</div>
</div>
</div>

<div class="verse" id="MBTN_C22_S01_V212" type="shloka" data-doc="MBTN">
<div class="verse-text">
<div class="shloka">
<span class="shloka-line">कृत्यात्मको वह्निरसौ प्रधानवह्नेः पुत्रश्चक्रविद्रावितोऽथ ।</span>
<span class="shloka-line">सहानुबन्धं च सुदक्षिणं तं भस्मीचकाराऽशु सपुत्रभार्याम् ॥ २१२॥</span>
</div>
</div>
</div>

<div class="verse" id="MBTN_C22_S01_V213" type="shloka" data-doc="MBTN">
<div class="verse-text">
<div class="shloka">
<span class="shloka-line">दग्ध्वा पुरीं वारणसीं सुदर्शनः पुनः पार्श्वं वासुदेवस्य चाऽगात् ।</span>
<span class="shloka-line">सुदक्षिणोऽसौ तम एव जग्मिवान् कृष्णद्वेषात् सानुबन्धः सुपापः ॥ २१३॥</span>
</div>
</div>
</div>

<div class="verse" id="MBTN_C22_S01_V214" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णः क्रीडन् द्वारवत्यां सुपूर्णनित्यानन्दः(सुपूर्णो नित्यानन्दः) क्‍वचिदाह स्म भैष्मीम् ।</span>
<span class="shloka-line">विडम्बयन् गृहिणामेव चेष्टा नित्याविरोधोऽपि तया विदोषया ॥ २१४॥</span>
</div>
</div>
</div>

<div class="verse" id="MBTN_C22_S01_V215" type="shloka" data-doc="MBTN">
<div class="verse-text">
<div class="shloka">
<span class="shloka-line">त्वया न कार्यं मम किञ्च भद्रे मयाऽरीणां मानभङ्गार्थमेव ।</span>
<span class="shloka-line">समाहृताऽसीति सा चावियोगं सदा कृष्णेनाऽत्मनोऽप्येव वेत्त्री ॥ २१५॥</span>
</div>
</div>
</div>

<div class="verse" id="MBTN_C22_S01_V216" type="shloka" data-doc="MBTN">
<div class="verse-text">
<div class="shloka">
<span class="shloka-line">स्त्रिया भेतव्यं भर्तुरित्येव धर्मं विज्ञापयन्ती दुःखितेवाऽस देवी ।</span>
<span class="shloka-line">तां सान्त्वयामास गृहस्थधर्मं विज्ञापयन् देवदेवोऽप्यदुःखाम् ॥ २१६॥</span>
</div>
</div>
</div>

<div class="verse" id="MBTN_C22_S01_V217" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं क्रीडत्यब्जनाभे रमायां कृष्णादिष्टो गोकुलं रौहिणेयः ।</span>
<span class="shloka-line">प्रायाद् दृष्ट्वा तत्र नन्दं यशोदां तत्पूजितः कृष्णवार्तां च पृष्टः ॥ २१७॥</span>
</div>
</div>
</div>

<div class="verse" id="MBTN_C22_S01_V218" type="shloka" data-doc="MBTN">
<div class="verse-text">
<div class="shloka">
<span class="shloka-line">मासौ तत्र न्यवसद् गोपिकाभी रेमे क्षीबो यमुनामाह्वयच्च ।</span>
<span class="shloka-line">मत्तोऽयमित्येव नदीमनागतां चकर्ष रामो लाङ्गलेनाग्र्यवीर्यः ॥ २१८॥</span>
</div>
</div>
</div>

<div class="verse" id="MBTN_C22_S01_V219" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनस्तया प्रणतः संस्तुतश्च व्यसर्जयत् तामथ नन्दगोपम्(भा.पु.१०.६५.१७) ।</span>
<span class="shloka-line">आपृच्छ्य जगाद द्वारकां केशवाय न्यवेदयन्नन्दगोपादिभक्तिम् ॥ २१९॥</span>
</div>
</div>
</div>

<div class="verse" id="MBTN_C22_S01_V220" type="shloka" data-doc="MBTN">
<div class="verse-text">
<div class="shloka">
<span class="shloka-line">तदैव मैन्दो विविदश्च भौमे हते सखाये (सखायौ) दानवावेशयुक्तौ ।</span>
<span class="shloka-line">आनर्तराष्ट्रं वासुदेवप्रतीपौ व्यनाशयेतां वासुदेवोऽथ चोचे ॥ २२०॥</span>
</div>
</div>
</div>

<div class="verse" id="MBTN_C22_S01_V221" type="shloka" data-doc="MBTN">
<div class="verse-text">
<div class="shloka">
<span class="shloka-line">रामाय सोऽदाद् वरमब्जनाभो वध्यावेतौ भवतां तेऽप्यवध्यौ ।</span>
<span class="shloka-line">वराद् विरिञ्चस्य तथाऽमृताशनात् उभौ च मैन्दो विविदो व्रजेति ॥ २२१॥</span>
</div>
</div>
</div>

<div class="verse" id="MBTN_C22_S01_V222" type="shloka" data-doc="MBTN">
<div class="verse-text">
<div class="shloka">
<span class="shloka-line">गत्वा स मैन्दं प्रथमं जघान क्रोधात् युद्धायाऽगतं रैवताग्रे ।</span>
<span class="shloka-line">दिने परस्मिन् विविदं जघान शिला वर्षन्तं मुसलेनाग्र्यकर्मा ।</span>
<span class="shloka-line">तयोराविष्टौ तावसुरौ तमोऽन्धं प्राप्तौ च तावश्विनौ स्वं च लोकम् ॥ २२२॥</span>
</div>
</div>
</div>

<div class="verse" id="MBTN_C22_S01_V223" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्योधनस्याऽस पुत्री रतिर्या पूर्वं नाम्ना लक्षणा कान्तरूपा ।</span>
<span class="shloka-line">स्वयंवरस्थां तां बलादेव साम्बो जग्राह सा चैनमासानुरक्ता ॥ २२३॥</span>
</div>
</div>
</div>

<div class="verse" id="MBTN_C22_S01_V224" type="shloka" data-doc="MBTN">
<div class="verse-text">
<div class="shloka">
<span class="shloka-line">बलाद् गृहीतां वीक्ष्य तां कर्णमुख्या दुर्योधनाद्या युयुधुः क्रोधदीप्ताः ।</span>
<span class="shloka-line">कृच्छ्रेण तं विरथीकृत्य चैकं सर्वे समेता जगृहुर्धार्तराष्ट्राः ।</span>
<span class="shloka-line">कर्णेन भूरिश्रवसा च सार्द्धं बाह्वोर्बलादेव दुर्योधनस्य ॥ २२४॥</span>
</div>
</div>
</div>

<div class="verse" id="MBTN_C22_S01_V225" type="shloka" data-doc="MBTN">
<div class="verse-text">
<div class="shloka">
<span class="shloka-line">श्रुत्वैव तद् वृष्णयः सर्व एव समुद्यमं चक्रिरे कौरवेषु ।</span>
<span class="shloka-line">निवार्य तान् बलभद्रः स्वयं ययौ सहोद्धवः कौरवेयाञ्छमार्थी ॥ २२५॥</span>
</div>
</div>
</div>

<div class="verse" id="MBTN_C22_S01_V226" type="shloka" data-doc="MBTN">
<div class="verse-text">
<div class="shloka">
<span class="shloka-line">पुरस्य बाह्योपवने स्थितः स प्रस्थापयच्चोद्धवं कौरवार्थे ।</span>
<span class="shloka-line">आगत्य सर्वे कुरवोऽस्य पूजां चक्रुः स चाऽहोग्रसेनस्य चाऽज्ञाम् ॥ २२६॥</span>
</div>
</div>
</div>

<div class="verse" id="MBTN_C22_S01_V227" type="shloka" data-doc="MBTN">
<div class="verse-text">
<div class="shloka">
<span class="shloka-line">आज्ञापयद् वो नृपतिः स्म यन्नः कुमारकः प्रगृहीतो भवद्भिः ।</span>
<span class="shloka-line">एकः समेतैर्बहुभिर्बान्धवार्थं क्षान्तं तन्नो मुञ्चताऽश्वेव साम्बम् ॥ २२७॥</span>
</div>
</div>
</div>

<div class="verse" id="MBTN_C22_S01_V228" type="shloka" data-doc="MBTN">
<div class="verse-text">
<div class="shloka">
<span class="shloka-line">आज्ञापयामास व उग्रसेन</span>
<span class="shloka-line">इत्युक्तमेव तु निशम्य कुरुप्रवीराः ।</span>
<span class="shloka-line">संश्राव्य दुष्टवचनानि बलं पुरं स्वं</span>
<span class="shloka-line">क्रोधात् समाविविशुरत्र चुकोप रामः ॥ २२८॥</span>
</div>
</div>
</div>

<div class="verse" id="MBTN_C22_S01_V229" type="shloka" data-doc="MBTN">
<div class="verse-text">
<div class="shloka">
<span class="shloka-line">स लाङ्गलेन तत् पुरं विकृष्य जाह्नवीजले ।</span>
<span class="shloka-line">निपातयन् निवारितः प्रणम्य सर्वकौरवैः ॥ २२९॥ (भा.पु.१०.६८.५४)</span>
</div>
</div>
</div>

<div class="verse" id="MBTN_C22_S01_V230" type="shloka" data-doc="MBTN">
<div class="verse-text">
<div class="shloka">
<span class="shloka-line">सभार्यमाशु पुत्रकं सुयोधनाभिपूजितम् ।</span>
<span class="shloka-line">सपारिबर्हमप्य च प्रजग्मिवान् स्वकां पुरम् ॥ २३०॥</span>
</div>
</div>
</div>

<div class="verse" id="MBTN_C22_S01_V231" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्यादिकर्माणि महान्ति रामस्याऽसञ्छेषस्याच्युतावेशिनोऽलम् ।</span>
<span class="shloka-line">यस्याच्युतावेशविशेषकालं ज्ञात्वा भीमोऽप्यस्य नोदेति युद्धे ॥ २३१॥</span>
</div>
</div>
</div>

<div class="verse" id="MBTN_C22_S01_V232" type="shloka" data-doc="MBTN">
<div class="verse-text">
<div class="shloka">
<span class="shloka-line">क्रीडायुद्धे बहुशो रौहिणेये व्यक्तिं विष्णोर्भीमसेनो विदित्वा ।</span>
<span class="shloka-line">तात्कालिकीं पीड्यमानोऽपि (विध्यमानोऽपि) तेन नैवोद्यमं कुरुते विष्णुभक्त्या ॥ २३२॥</span>
</div>
</div>
</div>

<div class="verse" id="MBTN_C22_S01_V233" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा जयी प्रभवत्येष रामो नातिव्यक्तस्तत्र(नाभिव्यक्तस्तत्र) यदा जनार्दनः ।</span>
<span class="shloka-line">तदा भीमो विजयी स्यात् सदैव विष्णोः केशावेशवान् यत् स रामः ॥ २३३॥</span>
</div>
</div>
</div>

<div class="verse" id="MBTN_C22_S01_V234" type="shloka" data-doc="MBTN">
<div class="verse-text">
<div class="shloka">
<span class="shloka-line">एतादृशेनैव रामेण युक्ते कृष्णे द्वार्वत्यां निवसत्यब्जनाभे ।</span>
<span class="shloka-line">स्वप्नेऽनिरुद्धेन रता कदाचिद् बाणात्मजोषा चित्रलेखामुवाच ॥ २३४॥</span>
</div>
</div>
</div>

<div class="verse" id="MBTN_C22_S01_V235" type="shloka" data-doc="MBTN">
<div class="verse-text">
<div class="shloka">
<span class="shloka-line">तमानयेत्यथ सा चित्रवस्त्रे प्रदर्श्य लोकान् समदर्शयत् तम् ।</span>
<span class="shloka-line">पौत्रं विदित्वा वचनाच्च तस्याः कृष्णस्य तं चाऽनयत् तत्र रात्रौ ॥ २३५॥</span>
</div>
</div>
</div>

<div class="verse" id="MBTN_C22_S01_V236" type="shloka" data-doc="MBTN">
<div class="verse-text">
<div class="shloka">
<span class="shloka-line">अनिरुद्धं गुणोदारमानीतं चित्रलेखया ।</span>
<span class="shloka-line">प्राप्य रेमे बाणसुता दिवसान् सुबहूनपि ॥ २३६॥</span>
</div>
</div>
</div>

<div class="verse" id="MBTN_C22_S01_V237" type="shloka" data-doc="MBTN">
<div class="verse-text">
<div class="shloka">
<span class="shloka-line">गूढं कन्यागृहे तं तु ज्ञात्वा कन्याभिरक्षिणः ।</span>
<span class="shloka-line">ऊचुर्बाणायादिशच्च किङ्करान् ग्रहणेऽस्य सः ॥ २३७॥</span>
</div>
</div>
</div>

<div class="verse" id="MBTN_C22_S01_V238" type="shloka" data-doc="MBTN">
<div class="verse-text">
<div class="shloka">
<span class="shloka-line">आगताननिरुद्धस्तान् परिघेण महाबलः ।</span>
<span class="shloka-line">निहत्य द्रावयामास स्वयमायात् ततोऽसुरः ।</span>
<span class="shloka-line">स तु युद्ध्वाऽतिकृच्छ्रेण नागास्त्रेण बबन्ध तम् ॥ २३८॥</span>
</div>
</div>
</div>

<div class="verse" id="MBTN_C22_S01_V239" type="shloka" data-doc="MBTN">
<div class="verse-text">
<div class="shloka">
<span class="shloka-line">अथ कृष्णः समारुह्य गरुडं रामसंयुतः ।</span>
<span class="shloka-line">प्रद्युम्नेन च तत्रागात् प्रथमं तत्र वह्निभिः ॥ २३९॥</span>
</div>
</div>
</div>

<div class="verse" id="MBTN_C22_S01_V240" type="shloka" data-doc="MBTN">
<div class="verse-text">
<div class="shloka">
<span class="shloka-line">युद्ध्वैवाङ्गिरसा चैव क्षणाद् विद्राप्य तान् हरिः ।</span>
<span class="shloka-line">विद्राप्य शर्वप्रमथानाससाद ज्वरं ततः ॥ २४०॥</span>
</div>
</div>
</div>

<div class="verse" id="MBTN_C22_S01_V241" type="shloka" data-doc="MBTN">
<div class="verse-text">
<div class="shloka">
<span class="shloka-line">तेन भस्मप्रहारेण ज्वरितं रोहिणीसुतम् ।</span>
<span class="shloka-line">आश्लिष्य विज्वरं चक्रे वासुदेवो जगत्प्रभुः ॥ २४१॥</span>
</div>
</div>
</div>

<div class="verse" id="MBTN_C22_S01_V242" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वयं विक्रीड्य तेनाथ कञ्चित् कालं जनार्दनः ।</span>
<span class="shloka-line">निष्पिष्य मुष्टिभिश्चान्यं ससर्ज ज्वरमच्युतः ॥ २४२॥</span>
</div>
</div>
</div>

<div class="verse" id="MBTN_C22_S01_V243" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वयं जित्वाऽपि गिरिशभृत्यं नालमिति प्रभुः ।</span>
<span class="shloka-line">स्वभृत्येनैव जेतव्य इत्यन्यं ससृजे तदा ॥ २४३॥</span>
</div>
</div>
</div>

<div class="verse" id="MBTN_C22_S01_V244" type="shloka" data-doc="MBTN">
<div class="verse-text">
<div class="shloka">
<span class="shloka-line">ज्वरेण वैष्णवेनासौ सुभृशं पीडितस्तदा ।</span>
<span class="shloka-line">ग्रासार्थमुपनीतश्च जगाम शरणं हरिम् ।</span>
<span class="shloka-line">तेन स्तुतः स भगवान् मोचयामास तं विभुः ॥ २४४॥</span>
</div>
</div>
</div>

<div class="verse" id="MBTN_C22_S01_V245" type="shloka" data-doc="MBTN">
<div class="verse-text">
<div class="shloka">
<span class="shloka-line">क्रीडार्थमत्यल्पजनेष्वपि प्रभुः कथञ्चिदेव व्यजयद् व्यथां विना ।</span>
<span class="shloka-line">इत्यादि मोहाय स दर्शयत्यजो नित्यस्वतन्त्रस्य कुतो व्यथादयः ॥ २४५॥</span>
</div>
</div>
</div>

<div class="verse" id="MBTN_C22_S01_V246" type="shloka" data-doc="MBTN">
<div class="verse-text">
<div class="shloka">
<span class="shloka-line">यदा ज्वराद्या अखिलाः प्रविद्रुतास्तदा स्वयं प्राप हरिं गिरीशः ।</span>
<span class="shloka-line">तयोरभूद् युद्धमथैनमच्युतो विजृम्भयामास ह जृम्भणास्त्रतः ॥ २४६॥</span>
</div>
</div>
</div>

<div class="verse" id="MBTN_C22_S01_V247" type="shloka" data-doc="MBTN">
<div class="verse-text">
<div class="shloka">
<span class="shloka-line">विजृम्भिते शङ्करे निष्प्रयत्ने स्थाणूपमे संस्थिते कञ्जजातः ।</span>
<span class="shloka-line">दैत्यावेशाद् वासुदेवानभिज्ञं सम्बोधयामास सदुक्तिभिर्विभुः ॥ २४७॥</span>
</div>
</div>
</div>

<div class="verse" id="MBTN_C22_S01_V248" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रगृह्य शर्वं च विवेश विष्णोः स तूदरं दर्शयामास तत्र ।</span>
<span class="shloka-line">शिवस्य रूपं स्तम्भितं बिल्वनाम्नि वने गिरीशेन च यत् तपः कृतम् ।</span>
<span class="shloka-line">शैवं पदं प्राप्तुमेवाच्युताच्च तच्चावदत् कञ्जजः शङ्करस्य॥ २४८॥</span>
</div>
</div>
</div>

<div class="verse" id="MBTN_C22_S01_V249" type="shloka" data-doc="MBTN">
<div class="verse-text">
<div class="shloka">
<span class="shloka-line">अपेतमोहोऽथ वृषध्वजो हरिं तुष्टाव बाणोऽभिससार केशवम् ।</span>
<span class="shloka-line">तस्याच्युतो बाहुसहस्रमच्छिनत् पुनश्चारिं जगृहे तच्छिरोर्थे ॥ २४९॥</span>
</div>
</div>
</div>

<div class="verse" id="MBTN_C22_S01_V250" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा शिवेन प्रणतो बाणरक्षणकाम्यया ।</span>
<span class="shloka-line">कृत्वा स्वभक्तं बाणं तं ररक्ष द्विभुजीकृतम् ।</span>
<span class="shloka-line">मोचयित्वाऽनिरुद्धं च ययौ बाणेन पूजितः ॥ २५०॥</span>
</div>
</div>
</div>

<div class="verse" id="MBTN_C22_S01_V251" type="shloka" data-doc="MBTN">
<div class="verse-text">
<div class="shloka">
<span class="shloka-line">एवमग्नीनङ्गिरसं ज्वरं स्कन्दमुमापतिम् ।</span>
<span class="shloka-line">बाणं चायत्नतो जित्वा प्रायाद् द्वारवतीं पुनः ॥ २५१॥</span>
</div>
</div>
</div>

<div class="verse" id="MBTN_C22_S01_V252" type="shloka" data-doc="MBTN">
<div class="verse-text">
<div class="shloka">
<span class="shloka-line">येनायत्नेन विजितः सर्वलोकहरो हरः ।</span>
<span class="shloka-line">किं ज्वरादिजयो विष्णोस्तस्यानन्तस्य कथ्यते ॥ २५२॥</span>
</div>
</div>
</div>

<div class="verse" id="MBTN_C22_S01_V253" type="shloka" data-doc="MBTN">
<div class="verse-text">
<div class="shloka">
<span class="shloka-line">ईदृशानन्तसङ्ख्यानां शिवानां ब्रह्मणामपि ।</span>
<span class="shloka-line">रमाया अपि यद्वीक्षां विना न चलितुं बलम् ॥ २५३॥</span>
</div>
</div>
</div>

<div class="verse" id="MBTN_C22_S01_V254" type="shloka" data-doc="MBTN">
<div class="verse-text">
<div class="shloka">
<span class="shloka-line">नच ज्ञानादयो भावा नचास्तित्वमपि क्‍वचित् ।</span>
<span class="shloka-line">अनन्तशक्तेः कृष्णस्य न चित्रः(चित्रं) शूलिनो जयः ॥ २५४॥</span>
</div>
</div>
</div>

<div class="verse" id="MBTN_C22_S01_V255" type="shloka" data-doc="MBTN">
<div class="verse-text">
<div class="shloka">
<span class="shloka-line">चित्रलेखासमेतोषान्वितपौत्रसमन्वितः ।</span>
<span class="shloka-line">सरामः ससुतो वीन्द्रमारुह्य द्वारकां गतः ।</span>
<span class="shloka-line">रेमे तत्र चिरं कृष्णो नित्यानन्दो निजेच्छया ॥ २५५॥</span>
</div>
</div>
</div>

<div class="verse" id="MBTN_C22_S01_V256" type="shloka" data-doc="MBTN">
<div class="verse-text">
<div class="shloka">
<span class="shloka-line">एवंविधान्यगणितानि यदूत्तमस्य</span>
<span class="shloka-line">कर्माण्यगण्यमहिमस्य महोत्सवस्य ।</span>
<span class="shloka-line">नित्यं रमाकमलजन्मगिरीशशक्र-</span>
<span class="shloka-line">सूर्यादिभिः परिनुतानि विमुक्तिदानि ॥ २५६॥</span>
</div>
</div>
</div>

<div class="verse" id="MBTN_C22_S01_V257" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं वसत्यमितपौरुषवीर्यसारे</span>
<span class="shloka-line">नारायणे स्वपुरि शक्रधनञ्जयोक्तः ।</span>
<span class="shloka-line">सम्प्राप्य लोमशमुनिः सकलानि तीर्था-</span>
<span class="shloka-line">न्याप्तुं स पाण्डुतनयेषु सहाय आसीत् ॥ २५७॥</span>
</div>
</div>
</div>

<div class="verse" id="MBTN_C22_S01_V258" type="shloka" data-doc="MBTN">
<div class="verse-text">
<div class="shloka">
<span class="shloka-line">पृथ्वीं प्रदक्षिणत एत्य समस्ततीर्थस्नानं यथाक्रमत एव विधाय पार्थाः ।</span>
<span class="shloka-line">सम्पूज्य तेषु निखिलेषु हरिं सुभक्त्या कृष्णे समर्पयितुमापुरथ प्रभासम् ।</span>
<span class="shloka-line">सम्भावनाय सकलैर्यदुभिः समेतस्तेषां च रामसहितो हरिराजगाम ॥ २५८॥</span>
</div>
</div>
</div>

<div class="verse" id="MBTN_C22_S01_V259" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्थैः सम्पूजितस्तत्र कृष्णो यदुगणैः सह ।</span>
<span class="shloka-line">पार्थान् सम्पूजयामासुर्वृष्णयश्चाऽज्ञया हरेः ॥ २५९॥</span>
</div>
</div>
</div>

<div class="verse" id="MBTN_C22_S01_V260" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्र भीमं तपोवेषं दृष्ट्वाऽतिस्नेहकारणात् ।</span>
<span class="shloka-line">दुर्योधनं निन्दयति रामे सात्यकिरब्रवीत् ॥ २६०॥</span>
</div>
</div>
</div>

<div class="verse" id="MBTN_C22_S01_V261" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वे वयं निहत्याद्य सकर्णान् धृतराष्ट्रजान् ।</span>
<span class="shloka-line">अभिमन्युं स्थापयामो राज्ये यावत् त्रयोदशम् ॥ २६१॥</span>
</div>
</div>
</div>

<div class="verse" id="MBTN_C22_S01_V262" type="shloka" data-doc="MBTN">
<div class="verse-text">
<div class="shloka">
<span class="shloka-line">संवत्सरं समाप्यैव पुरं यास्यन्ति पाण्डवाः ।</span>
<span class="shloka-line">ततो युधिष्ठिरो राजा राज्यं शासतु पूर्ववत् ॥ २६२॥</span>
</div>
</div>
</div>

<div class="verse" id="MBTN_C22_S01_V263" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं वदत्येव शिनिप्रवीरे जनार्दनः पार्थमुखान्युदीक्ष्य ।</span>
<span class="shloka-line">उवाच शैनेय न पाण्डुपुत्राः परेण संसाधितराज्यकामाः ॥ २६३॥</span>
</div>
</div>
</div>

<div class="verse" id="MBTN_C22_S01_V264" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वबाहुवीर्येण निहत्य शत्रूनाप्स्यन्ति राज्यं त इतीरितेऽमुना ।</span>
<span class="shloka-line">तथेति पार्था अवदंस्ततस्ते कृष्णं पुरस्कृत्य ययुर्दशार्हाः ॥ २६४॥</span>
</div>
</div>
</div>

<div class="verse" id="MBTN_C22_S01_V265" type="shloka" data-doc="MBTN">
<div class="verse-text">
<div class="shloka">
<span class="shloka-line">क्रमेण पार्था अपि शैशिरं गिरिं समासदंस्तत्र कृष्णां सुदुर्गे ।</span>
<span class="shloka-line">विषज्जन्तीमीक्ष्य तैः सम्स्मृतोऽथ हैडिम्ब आयात् सहितो निशाचरैः ॥ २६५॥</span>
</div>
</div>
</div>

<div class="verse" id="MBTN_C22_S01_V266" type="shloka" data-doc="MBTN">
<div class="verse-text">
<div class="shloka">
<span class="shloka-line">उवाह कृष्णां स तु तस्य भृत्या ऊहुः पार्थांस्ते बदर्याश्रमं च ।</span>
<span class="shloka-line">प्राप्यात्र नारायणपूजया कृतस्वकीयकार्या ययुरुत्तरां दिशम् ॥ २६६॥</span>
</div>
</div>
</div>

<div class="verse" id="MBTN_C22_S01_V267" type="shloka" data-doc="MBTN">
<div class="verse-text">
<div class="shloka">
<span class="shloka-line">अतीत्य शर्वश्वशुरं गिरिं ते सुवर्णकूटं निषधं गिरिं च ।</span>
<span class="shloka-line">मेरोः प्राच्यां गन्धमादे गिरौ च प्रापुर्बदर्याश्रममुत्तमं भुवि ॥ २६७॥</span>
</div>
</div>
</div>

<div class="verse" id="MBTN_C22_S01_V268" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन् मुनीन्द्रैरभिपूज्यमाना नारायणं पूजयन्तः सदैव ।</span>
<span class="shloka-line">चक्रुस्तपो ज्ञानसमाधियुक्तं सुतत्त्वविद्यां(स तत्वविद्यां) प्रतिपादयन्तः ॥ २६८॥</span>
</div>
</div>
</div>

<div class="verse" id="MBTN_C22_S01_V269" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं बदर्यां विहरत्सु तेषु क्‍वचिद् रहः कृष्णया वायुसूनौ ।</span>
<span class="shloka-line">स्थिते गरुत्मानुरगं जहार महाह्रदाद् वासुदेवासनाग्र्यः ॥ २६९॥</span>
</div>
</div>
</div>

<div class="verse" id="MBTN_C22_S01_V270" type="shloka" data-doc="MBTN">
<div class="verse-text">
<div class="shloka">
<span class="shloka-line">(तत्पक्षपातेन) तत्पक्षवातेन विचालिते तु तस्मिन् गिरौ कमलं हैममग्र्यम् ।</span>
<span class="shloka-line">पपात कृष्णाभीमयोः सन्निधाने उद्यद्भानोर्मण्डलाभं सुगन्धम् ॥ २७०॥</span>
</div>
</div>
</div>

<div class="verse" id="MBTN_C22_S01_V271" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्ट्वाऽतिगन्धं वरहेमकञ्जं कुतूहलाद् द्रौपदी भीमसेनम् ।</span>
<span class="shloka-line">बहून्ययाचत् तादृशान्यानुभावमविषह्यं जानती देवदैत्यैः ॥ २७१॥</span>
</div>
</div>
</div>

<div class="verse" id="MBTN_C22_S01_V272" type="shloka" data-doc="MBTN">
<div class="verse-text">
<div class="shloka">
<span class="shloka-line">तयाऽर्थितः सगदस्तुङ्गमेनं गिरिं वेगादारुहद् वायुसूनुः ।</span>
<span class="shloka-line">प्रशस्यमानः सुरसिद्धसङ्घैः मृत्नन् दैत्यान् सिंहशार्दूलरूपान् ॥ २७२॥</span>
</div>
</div>
</div>

<div class="verse" id="MBTN_C22_S01_V273" type="shloka" data-doc="MBTN">
<div class="verse-text">
<div class="shloka">
<span class="shloka-line">आसेदिवांस्तत्र हनूमदाख्यं निजं रूपं प्रोद्यदादित्यभासम् ।</span>
<span class="shloka-line">जानन्नप्येनं स्वीयरूपं स भीमश्चिक्रीड एतेन यथा परेण ॥ २७३॥</span>
</div>
</div>
</div>

<div class="verse" id="MBTN_C22_S01_V274" type="shloka" data-doc="MBTN">
<div class="verse-text">
<div class="shloka">
<span class="shloka-line">धर्मो देवानां परमो मानुषत्वे स्वीये रूपेऽप्यन्यवदेव वृत्तिः ।</span>
<span class="shloka-line">अनादानं दिव्यशक्तेर्विशेषान्नरस्वभावे सर्वदा चैव वृत्तिः ।</span>
<span class="shloka-line">तस्माद् भीमो हनुमांश्चैक एव ज्यायःकनीयोवृत्तिमत्राभिपेदे ॥ २७४॥</span>
</div>
</div>
</div>

<div class="verse" id="MBTN_C22_S01_V275" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वे गुणा आवृता मानुषत्वे युगानुसारान्मूलरूपानुसारात् ।</span>
<span class="shloka-line">क्रमात् सुराणां भागतोऽव्यक्तरूपा आदानतो व्यक्तिमायान्त्युरूणाम् ॥ २७५॥</span>
</div>
</div>
</div>

<div class="verse" id="MBTN_C22_S01_V276" type="shloka" data-doc="MBTN">
<div class="verse-text">
<div class="shloka">
<span class="shloka-line">नैवाव्यक्तिः काचिदस्तीह विष्णोः प्रादुर्भावेष्वतिसुव्यक्तशक्तेः ।</span>
<span class="shloka-line">इच्छाव्यक्तिः प्रायशो मारुतस्य तदन्येषां व्यक्तता कारणेन ॥ २७६॥</span>
</div>
</div>
</div>

<div class="verse" id="MBTN_C22_S01_V277" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्माद् भीमो धर्मवृद्ध्यर्थमेव स्वीये रूपेऽप्यन्यवद् वृत्तिमेव ।</span>
<span class="shloka-line">प्रदर्शयामास तथाऽसुराणां मोहायैवाशक्तवच्छक्तिरूपः(शक्तरूपः) ॥ २७७॥</span>
</div>
</div>
</div>

<div class="verse" id="MBTN_C22_S01_V278" type="shloka" data-doc="MBTN">
<div class="verse-text">
<div class="shloka">
<span class="shloka-line">तद्रूपवृद्धिं भीमसेनोऽथ दृष्ट्वा श्रुत्वा हनूमन्मुखतः कथाश्च ।</span>
<span class="shloka-line">रामस्य तच्चातुरात्म्यं च दिव्यं चातुर्युगं धर्ममप्यग्र्यमेव ॥ २७८॥</span>
</div>
</div>
</div>

<div class="verse" id="MBTN_C22_S01_V279" type="shloka" data-doc="MBTN">
<div class="verse-text">
<div class="shloka">
<span class="shloka-line">ध्वजाद् बीभत्सोर्गर्जनेनैव शत्रुपराभवे तेन दत्तेऽर्जुनस्य ।</span>
<span class="shloka-line">ययौ प्रणम्यैनमाश्वेव भीमः सौगन्धिकं वनमत्यग्र्यरूपम् ॥ २७९॥</span>
</div>
</div>
</div>

<div class="verse" id="MBTN_C22_S01_V280" type="shloka" data-doc="MBTN">
<div class="verse-text">
<div class="shloka">
<span class="shloka-line">नरागम्यां नलिनीमेत्य तत्र दृष्ट्वा पद्मान्यद्भुताकारवन्ति ।</span>
<span class="shloka-line">हैमानि दिव्यान्यतिगन्धवन्ति सामासदद् वार्यमाणो नराशैः ॥ २८०॥</span>
</div>
</div>
</div>

<div class="verse" id="MBTN_C22_S01_V281" type="shloka" data-doc="MBTN">
<div class="verse-text">
<div class="shloka">
<span class="shloka-line">ते भीममात्तायुधमुग्ररूपं महाबलं रूपनवावतारम् ।</span>
<span class="shloka-line">न्यवारयन् क्रोधवशा समेताः शतं सहस्राण्ययुतानि सङ्ख्ये ॥ २८१॥</span>
</div>
</div>
</div>

<div class="verse" id="MBTN_C22_S01_V282" type="shloka" data-doc="MBTN">
<div class="verse-text">
<div class="shloka">
<span class="shloka-line">वराच्छिवस्यैव परैरजेयाः शस्त्रास्त्रवृष्टिं मुमुचुः सुभीमाम्(सुभीमाः) ।</span>
<span class="shloka-line">भीमेऽखिलज्ञे तपसां निधाने बलोदधौ शैवशास्त्रं वदन्तः ॥ २८२॥</span>
</div>
</div>
</div>

<div class="verse" id="MBTN_C22_S01_V283" type="shloka" data-doc="MBTN">
<div class="verse-text">
<div class="shloka">
<span class="shloka-line">तान् वैष्णवैरेव शास्त्रैः स भीमो विजित्य पूर्वं वाङ्मये सङ्गरे तु ।</span>
<span class="shloka-line">शास्त्रास्त्रवर्षस्य कुर्वन् प्रतीपं जघ्नेऽखिलान् गदया तेषु वीरान् ॥ २८३॥</span>
</div>
</div>
</div>

<div class="verse" id="MBTN_C22_S01_V284" type="shloka" data-doc="MBTN">
<div class="verse-text">
<div class="shloka">
<span class="shloka-line">वातेन कुन्त्यां बलवान् स जातः शूरस्तपस्वी द्विषतां निहन्ता ।</span>
<span class="shloka-line">सत्ये च धर्मे च रतः सदैव पराक्रमे शत्रुभिरप्रधृष्यः ॥ २८४॥</span>
</div>
</div>
</div>

<div class="verse" id="MBTN_C22_S01_V285" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्रापरांश्चैव बहूनसत्यं निरीश्वरं चाप्रतिष्ठं च लोकम् ।</span>
<span class="shloka-line">सिद्धोऽहमीशोऽहमिति ब्रुवाणान् गुणान् विष्णोः ख्यापयन् वादतोऽजैत् ॥ २८५॥</span>
</div>
</div>
</div>

<div class="verse" id="MBTN_C22_S01_V286" type="shloka" data-doc="MBTN">
<div class="verse-text">
<div class="shloka">
<span class="shloka-line">भिन्नं विष्णुमधिकं सर्वतश्च ब्रुवन् प्रवीरान् लक्षमेषां निजघ्ने ।</span>
<span class="shloka-line">ते तस्य वीर्यं च बलं च दृष्ट्वा विद्याबलं बाहुबलं तथैव ।</span>
<span class="shloka-line">अशक्नुवन्तः सहिताः समस्ता हतप्रवीराः सहसा निवृत्ताः ॥ २८६॥</span>
</div>
</div>
</div>

<div class="verse" id="MBTN_C22_S01_V287" type="shloka" data-doc="MBTN">
<div class="verse-text">
<div class="shloka">
<span class="shloka-line">विक्रम्य तान् गदयाऽसौ निहत्य विद्राप्य सर्वान् नलिनीं प्रविश्य ।</span>
<span class="shloka-line">पीत्वाऽमृताम्भश्च ततोऽम्बुजानि दिव्यानि जग्राह कुरुप्रवीरः ॥ २८७॥</span>
</div>
</div>
</div>

<div class="verse" id="MBTN_C22_S01_V288" type="shloka" data-doc="MBTN">
<div class="verse-text">
<div class="shloka">
<span class="shloka-line">अथो कलहशंसीनि निमित्तानि युधिष्ठिरः ।</span>
<span class="shloka-line">दृष्ट्वा कृष्णामपृच्छच्च क्‍व भीम इति दीनधीः ॥ २८८॥</span>
</div>
</div>
</div>

<div class="verse" id="MBTN_C22_S01_V289" type="shloka" data-doc="MBTN">
<div class="verse-text">
<div class="shloka">
<span class="shloka-line">सौगन्धिकार्थं यातं तं श्रुत्वा कृष्णामुखान्नृपः ।</span>
<span class="shloka-line">आरुह्य राक्षसश्रेष्ठान् कृष्णया भ्रातृभिः सह ॥ २८९॥</span>
</div>
</div>
</div>

<div class="verse" id="MBTN_C22_S01_V290" type="shloka" data-doc="MBTN">
<div class="verse-text">
<div class="shloka">
<span class="shloka-line">ययौ वृकोदरो यत्र दृष्ट्वा चैनमवस्थितम् ।</span>
<span class="shloka-line">उवाच मैवमित्येनं भीतो गिरिशकोपतः ॥ २९०॥</span>
</div>
</div>
</div>

<div class="verse" id="MBTN_C22_S01_V291" type="shloka" data-doc="MBTN">
<div class="verse-text">
<div class="shloka">
<span class="shloka-line">देवेभ्यो मरणाद् भीता राक्षसा वित्तपाज्ञया ।</span>
<span class="shloka-line">तदीयां नलिनीं ते हि रक्षन्त्यस्याऽश्रयो हरः ।</span>
<span class="shloka-line">जानन् वित्तेश्वरो भीममाहात्म्यं न चुकोप ह ॥ २९१॥</span>
</div>
</div>
</div>

<div class="verse" id="MBTN_C22_S01_V292" type="shloka" data-doc="MBTN">
<div class="verse-text">
<div class="shloka">
<span class="shloka-line">वसत्सु तत्र पार्थेषु पुनः कतिपयैर्दिनैः ।</span>
<span class="shloka-line">उवाच भीमसेनस्य यशोधर्मादिभिवृद्धये(यशोधर्मातिवृद्धये) ॥ २९२॥</span>
</div>
</div>
</div>

<div class="verse" id="MBTN_C22_S01_V293" type="shloka" data-doc="MBTN">
<div class="verse-text">
<div class="shloka">
<span class="shloka-line">पञ्चवर्णानि पुष्पानि कृष्णा वीक्ष्याऽहृतानि तु ।</span>
<span class="shloka-line">मारुतेन कुबेरस्य गृहान्नृभिरगम्यतः ॥ २९३॥</span>
</div>
</div>
</div>

<div class="verse" id="MBTN_C22_S01_V294" type="shloka" data-doc="MBTN">
<div class="verse-text">
<div class="shloka">
<span class="shloka-line">अगम्योऽयं गिरिः सर्वैः कुबेरेणाभिपालितः ।</span>
<span class="shloka-line">अद्य(अथ) त्वयैव गन्तव्यो विधूयाखिलराक्षसान् ॥ २९४॥</span>
</div>
</div>
</div>

<div class="verse" id="MBTN_C22_S01_V295" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त आशु सगदः सधनुः सबाणो भीमो गिरीन्द्रमजितोरुबलो विगाहे ।</span>
<span class="shloka-line">प्राप्तं निशम्य (निशाम्य) बलदैवतसूनुमत्र पद्मत्रयं न्यरुणदुद्धतराक्षसानाम् ॥ २९५॥</span>
</div>
</div>
</div>

<div class="verse" id="MBTN_C22_S01_V296" type="shloka" data-doc="MBTN">
<div class="verse-text">
<div class="shloka">
<span class="shloka-line">अग्रे निधाय मणिमन्तमजेयमुग्रं शम्भोर्वराद् विविधशस्त्रमहास्त्रवृष्ट्या (महाभिवृष्ट्या) ।</span>
<span class="shloka-line">तान् सर्वराक्षसगणान् मणिमत्समेतान् भीमो जघान सपदि प्रवरैः शरौघैः ॥ २९६॥</span>
</div>
</div>
</div>

<div class="verse" id="MBTN_C22_S01_V297" type="shloka" data-doc="MBTN">
<div class="verse-text">
<div class="shloka">
<span class="shloka-line">अवध्यांस्तान् क्षणेनैव हत्वा भीमो महाबलः ।</span>
<span class="shloka-line">रणे क्रोधवशान् सर्वानतिष्ठद् गिरिमूर्द्धनि ॥ २९७॥</span>
</div>
</div>
</div>

<div class="verse" id="MBTN_C22_S01_V298" type="shloka" data-doc="MBTN">
<div class="verse-text">
<div class="shloka">
<span class="shloka-line">ते हता भीमसेनेन प्रापुरन्धन्धन्तमोऽखिलाः ।</span>
<span class="shloka-line">हताः सौगन्धिकवने मणिमांश्च पुनः कलौ ।</span>
<span class="shloka-line">जातो मिथ्यामतिं सम्यगास्तीर्याऽपस्तमोऽधिकम् ॥ २९८॥</span>
</div>
</div>
</div>

<div class="verse" id="MBTN_C22_S01_V299" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो वैश्रवणो राजा महापद्मत्रये हते ।</span>
<span class="shloka-line">राक्षसानामवध्यानां सखाये मणिमत्यपि ।</span>
<span class="shloka-line">आरुरोह रथं दिव्यं योद्धुकामो वृकोदरम् ॥ २९९॥</span>
</div>
</div>
</div>

<div class="verse" id="MBTN_C22_S01_V300" type="shloka" data-doc="MBTN">
<div class="verse-text">
<div class="shloka">
<span class="shloka-line">असुरावेशतस्तस्य भीमे क्रोधो महानभूत् ।</span>
<span class="shloka-line">स आजगाम भीमेन योद्धुं वित्तपतिः स्वयम् ॥ ३००॥</span>
</div>
</div>
</div>

<div class="verse" id="MBTN_C22_S01_V301" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन् काले भीमसेनस्य घोषं श्रुत्वा राजाऽपृच्छदाशु स्म कृष्णाम् ।</span>
<span class="shloka-line">क्‍व भीम इत्येव तयोदितं च श्रुत्वा जगामऽशु रक्षोंऽससंस्थः ॥ ३०१॥</span>
</div>
</div>
</div>

<div class="verse" id="MBTN_C22_S01_V302" type="shloka" data-doc="MBTN">
<div class="verse-text">
<div class="shloka">
<span class="shloka-line">सभ्रातृके मुनिभिः कृष्णया च गते राजन्यत्र भीमं कुबेरः ।</span>
<span class="shloka-line">दृष्ट्वाऽसुरावेशतो धर्मजं च किञ्चिन्मुक्तः स्नेहयुक्तस्तथाऽऽस(तदाऽस) ॥ ३०२॥</span>
</div>
</div>
</div>

<div class="verse" id="MBTN_C22_S01_V303" type="shloka" data-doc="MBTN">
<div class="verse-text">
<div class="shloka">
<span class="shloka-line">धृतायुधं भीममीक्ष्यापि किञ्चिद् दैत्यावेशाद् बहु मेने न भीमम् ।</span>
<span class="shloka-line">अगस्त्यशापं चावदत् स्वस्य पूर्वं सखायनाशे कारणं राजराजः ॥ ३०३॥</span>
</div>
</div>
</div>

<div class="verse" id="MBTN_C22_S01_V304" type="shloka" data-doc="MBTN">
<div class="verse-text">
<div class="shloka">
<span class="shloka-line">दैत्यावेशादुज्झितः शान्तभावो ददौ निजं स्थानमेषां सुतुष्टः ।</span>
<span class="shloka-line">आवासार्थं तेऽवसंस्तत्र पार्थास्तथाऽन्येषां दैवतानां(देवतानां) गृहेषु ॥ ३०४॥</span>
</div>
</div>
</div>

<div class="verse" id="MBTN_C22_S01_V305" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्रैव तेषां वसतां महात्मनामानन्दिनामब्दचतुष्टये गते ।</span>
<span class="shloka-line">पञ्चाब्दमध्याप्य महान्ति चास्त्राणीन्द्रो गुर्वर्थं फल्गुनेनार्थितोऽभूत् ॥ ३०५॥</span>
</div>
</div>
</div>

<div class="verse" id="MBTN_C22_S01_V306" type="shloka" data-doc="MBTN">
<div class="verse-text">
<div class="shloka">
<span class="shloka-line">वधं वव्रे स्वशत्रूणामिन्द्रः पार्थात् स्वरूपतः ।</span>
<span class="shloka-line">निवातकवचाख्यानां येषां(तेषां, एषां) ब्रह्मा ददौ वरम् ।</span>
<span class="shloka-line">अवध्यतां (अवध्यत्वं) सुरैर्दैत्यैर्गन्धर्वैः पक्षिराक्षसैः ॥ ३०६॥</span>
</div>
</div>
</div>

<div class="verse" id="MBTN_C22_S01_V307" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनरिन्द्रेणार्थितोऽदाज्जहीमान् नरदेहवान् ।</span>
<span class="shloka-line">इति तेनार्जुनं शक्रः स्वात्मानं नरदेहगम् ।</span>
<span class="shloka-line">जगाद तान् जहीत्येव किरीटं स्वं निबद्ध्य च ॥ ३०७॥</span>
</div>
</div>
</div>

<div class="verse" id="MBTN_C22_S01_V308" type="shloka" data-doc="MBTN">
<div class="verse-text">
<div class="shloka">
<span class="shloka-line">ऐन्द्रं स्यन्दनमारुह्य पार्थो मातलिसंयुतः ।</span>
<span class="shloka-line">गाण्डीवं धनुरादाय ययौ हन्तुं महासुरान् ॥ ३०८॥</span>
</div>
</div>
</div>

<div class="verse" id="MBTN_C22_S01_V309" type="shloka" data-doc="MBTN">
<div class="verse-text">
<div class="shloka">
<span class="shloka-line">शङ्खं ददुस्तस्य देवा देवदत्तः स शङ्खराट् ।</span>
<span class="shloka-line">नादयन् शङ्खघोषेण धनुर्विस्फारयन् महत् ॥ ३०९॥</span>
</div>
</div>
</div>

<div class="verse" id="MBTN_C22_S01_V310" type="shloka" data-doc="MBTN">
<div class="verse-text">
<div class="shloka">
<span class="shloka-line">दधानः कुण्डले दिव्ये शक्रदत्ते सुभास्वरे ।</span>
<span class="shloka-line">आससाद पुरं दिव्यं दैत्यानामिन्द्रनन्दनः ॥ ३१०॥</span>
</div>
</div>
</div>

<div class="verse" id="MBTN_C22_S01_V311" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्य शङ्खध्वनिं श्रुत्वा गाण्डीवस्य च निस्स्वनम् ।</span>
<span class="shloka-line">अभिसस्रुर्महावीर्याः निवातकवचासुराः ॥ ३११॥</span>
</div>
</div>
</div>

<div class="verse" id="MBTN_C22_S01_V312" type="shloka" data-doc="MBTN">
<div class="verse-text">
<div class="shloka">
<span class="shloka-line">तिस्रः कोट्यो दानवानां स्वयम्भुवरगर्विताः ।</span>
<span class="shloka-line">नानायुधैः रणे पार्थमभ्यवर्षन् सुसंहताः ॥ ३१२॥</span>
</div>
</div>
</div>

<div class="verse" id="MBTN_C22_S01_V313" type="shloka" data-doc="MBTN">
<div class="verse-text">
<div class="shloka">
<span class="shloka-line">तेषां स शस्त्राणि किरीटमाली(किरीटमौली) निवार्य गाण्डीवधनुःप्रमुक्तैः(गाण्डीवधनुःप्रयुक्तैः) ।</span>
<span class="shloka-line">शरैः शिरांसि प्रचकर्त वीरो महास्त्रशिक्षाबलसम्प्रयुक्तैः ॥ ३१३॥</span>
</div>
</div>
</div>

<div class="verse" id="MBTN_C22_S01_V314" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वे हतास्तेन महारथेन ते दानवाः सोऽपि ययौ तथाऽन्यान् ।</span>
<span class="shloka-line">पौलोमकालेयगणाभिधानान् षष्टिं सहस्राणि महारथानाम् ॥ ३१४॥</span>
</div>
</div>
</div>

<div class="verse" id="MBTN_C22_S01_V315" type="shloka" data-doc="MBTN">
<div class="verse-text">
<div class="shloka">
<span class="shloka-line">तानस्त्रशस्त्राण्यभिवर्षमाणान् धनञ्जयः पाशुपतास्त्रतो द्राक् ।</span>
<span class="shloka-line">दग्ध्वा ययौ पुनरेवेन्द्रसद्म तं सस्वजे प्रीतियुक्तश्च शक्रः ॥ ३१५॥</span>
</div>
</div>
</div>

<div class="verse" id="MBTN_C22_S01_V316" type="shloka" data-doc="MBTN">
<div class="verse-text">
<div class="shloka">
<span class="shloka-line">ययुरन्धं(प्रापुरन्धं)तमस्तेऽपि सर्वदेवद्विषोऽसुराः ।</span>
<span class="shloka-line">अथानुज्ञाप्य पितरं रथेनैन्द्रेण भास्वता ।</span>
<span class="shloka-line">सोदर्याणां सकाशं स ययौ वज्रधरात्मजः ॥ ३१६॥</span>
</div>
</div>
</div>

<div class="verse" id="MBTN_C22_S01_V317" type="shloka" data-doc="MBTN">
<div class="verse-text">
<div class="shloka">
<span class="shloka-line">आयान्तमीक्ष्य बीभत्सुं मुमुदुर्भ्रातरोऽधिकम् ।</span>
<span class="shloka-line">ऊषुश्च चतुरोऽब्दांस्ते(चतुरब्दांस्ते) पुनर्मेरौ प्रमोदिनः ॥ ३१७॥</span>
</div>
</div>
</div>

<div class="verse" id="MBTN_C22_S01_V318" type="shloka" data-doc="MBTN">
<div class="verse-text">
<div class="shloka">
<span class="shloka-line">कथाभिर्वासुदेवस्य ध्यानेनाभ्यर्चनेन च ।</span>
<span class="shloka-line">ययौ कालः सुखेनैव तेषां विष्णुरतात्मनाम्(विष्णुपरात्मनाम्) ॥ ३१८॥</span>
</div>
</div>
</div>

<div class="verse" id="MBTN_C22_S01_V319" type="shloka" data-doc="MBTN">
<div class="verse-text">
<div class="shloka">
<span class="shloka-line">नैव शत्रूननुत्साद्य नानादाय महद्यशः ।</span>
<span class="shloka-line">नाकृत्वा वासुदेवाज्ञां राज्ञां मुख्यगतिर्भवेत् ॥ ३१९॥</span>
</div>
</div>
</div>

<div class="verse" id="MBTN_C22_S01_V320" type="shloka" data-doc="MBTN">
<div class="verse-text">
<div class="shloka">
<span class="shloka-line">तदन्येषां तु वर्णानां क्षमा बाह्येषु शत्रुषु ।</span>
<span class="shloka-line">प्रायो धर्म इति प्रोक्तो हरेराज्ञाऽखिलस्य च ॥ ३२०॥</span>
</div>
</div>
</div>

<div class="verse" id="MBTN_C22_S01_V321" type="shloka" data-doc="MBTN">
<div class="verse-text">
<div class="shloka">
<span class="shloka-line">इति भीमवचः श्रुत्वा ससोदर्यो युधिष्ठिरः ।</span>
<span class="shloka-line">राक्षसस्कन्धमारूढः(राक्षसस्कन्धमारुह्य) कृष्णया चाऽययौ पुनः ॥ ३२१॥</span>
</div>
</div>
</div>

<div class="verse" id="MBTN_C22_S01_V322" type="shloka" data-doc="MBTN">
<div class="verse-text">
<div class="shloka">
<span class="shloka-line">पादेषु तेषु निवसत्सु हिमाचलस्य</span>
<span class="shloka-line">याम्याश्रितेषु पवमानसुतः कदाचित् ।</span>
<span class="shloka-line">धन्वी मृगाननुचरन् सहसाऽऽससाद</span>
<span class="shloka-line">हाऽयोः(ह्यायोः) सुतं नहुषमाजगरोरुरूपम् ॥ ३२२॥</span>
</div>
</div>
</div>

<div class="verse" id="MBTN_C22_S01_V323" type="shloka" data-doc="MBTN">
<div class="verse-text">
<div class="shloka">
<span class="shloka-line">पूर्वं हि वृत्रवधतोऽम्बुजनालतन्तु-</span>
<span class="shloka-line">संस्थे शचीप्रणयिनि प्रविचिन्त्य देवाः ।</span>
<span class="shloka-line">चक्रुस्त्रिलोकपतिमायुसुतं वरं च</span>
<span class="shloka-line">दत्वाऽक्षिगोचरतपोऽस्य बलं च सर्वम् ॥ ३२३॥</span>
</div>
</div>
</div>

<div class="verse" id="MBTN_C22_S01_V324" type="shloka" data-doc="MBTN">
<div class="verse-text">
<div class="shloka">
<span class="shloka-line">स सर्वसुरविप्रेन्द्रतपश्च बलमक्षयम् ।</span>
<span class="shloka-line">अवाप्य ववृधे नित्यं दर्पादैच्छच्छचीमपि ॥ ३२४॥</span>
</div>
</div>
</div>

<div class="verse" id="MBTN_C22_S01_V325" type="shloka" data-doc="MBTN">
<div class="verse-text">
<div class="shloka">
<span class="shloka-line">स (सुरेन्द्रवचनात्)इन्द्रवचनाच्छच्या महर्षिगणवाहने ।</span>
<span class="shloka-line">नियुक्तो वञ्चनायैव वाहयामास तानृषीन् ॥ ३२५॥</span>
</div>
</div>
</div>

<div class="verse" id="MBTN_C22_S01_V326" type="shloka" data-doc="MBTN">
<div class="verse-text">
<div class="shloka">
<span class="shloka-line">स शचीप्रतिषेधार्थमगस्त्येन महात्मना ।</span>
<span class="shloka-line">वेदप्रामाण्यविषये पृष्टो नेत्याह मूढधीः ।</span>
<span class="shloka-line">प्रमाणमिति तेनोक्तः शिरस्येनं पदाऽहनत् ॥ ३२६॥</span>
</div>
</div>
</div>

<div class="verse" id="MBTN_C22_S01_V327" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा भृगुं तस्य जटासु लीनं कदाऽपि तस्याक्षिपथं न यातम्(न यान्तम्) ।</span>
<span class="shloka-line">आविश्य कञ्जप्रभवः शशाप व्रजाऽशु पापाजगरत्वमेव ॥ ३२७॥</span>
</div>
</div>
</div>

<div class="verse" id="MBTN_C22_S01_V328" type="shloka" data-doc="MBTN">
<div class="verse-text">
<div class="shloka">
<span class="shloka-line">षष्ठे काले यस्त्वयाऽसादितः स्यात्</span>
<span class="shloka-line">स ते वशं यातु बलाधिकोऽपि ।</span>
<span class="shloka-line">यदा गृहीतं पुरुषं निहन्तुं</span>
<span class="shloka-line">न शक्ष्यसे यदि स त्वद्गृहीतः ।</span>
<span class="shloka-line">शक्तोऽपि नाऽत्मानमभिप्रमोचयेत्</span>
<span class="shloka-line">तदाऽस्य स्यात् त्वत्तपोऽग्र्यं बलं च ॥ ३२८॥</span>
</div>
</div>
</div>

<div class="verse" id="MBTN_C22_S01_V329" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वदेवमुनीन्द्राणां (सर्वदेवमुनीनां) यत् तपस्त्वामुपाश्रितम् (समुपाश्रितम्) ।</span>
<span class="shloka-line">तच्च सर्वं तमेवैति नात्र कार्या विचारणा ॥ ३२९॥</span>
</div>
</div>
</div>

<div class="verse" id="MBTN_C22_S01_V330" type="shloka" data-doc="MBTN">
<div class="verse-text">
<div class="shloka">
<span class="shloka-line">यदा प्रश्नांस्त्वदीयांश्च कश्चित् परिहरिष्यति ।</span>
<span class="shloka-line">तदा गन्ताऽसि च दिवं विसृज्याऽजगरीं तनुम् ।</span>
<span class="shloka-line">स्मृतिश्च मत्प्रसादेन सर्वदा ते भविष्यति ॥ ३३०॥</span>
</div>
</div>
</div>

<div class="verse" id="MBTN_C22_S01_V331" type="shloka" data-doc="MBTN">
<div class="verse-text">
<div class="shloka">
<span class="shloka-line">भृगुदेहगतेनैवं शप्तः कमलयोनिना ।</span>
<span class="shloka-line">पपाताजगरो भूत्वा नहुषः क्षणमात्रतः ॥ ३३१॥</span>
</div>
</div>
</div>

<div class="verse" id="MBTN_C22_S01_V332" type="shloka" data-doc="MBTN">
<div class="verse-text">
<div class="shloka">
<span class="shloka-line">इन्द्रोऽप्यवाप स्वं स्थानमिष्ट्वा विष्णुं विपापकः ।</span>
<span class="shloka-line">धर्मवृद्ध्यर्थमेवैतत् पापमासीच्छचीपतेः ॥ ३३२॥</span>
</div>
</div>
</div>

<div class="verse" id="MBTN_C22_S01_V333" type="shloka" data-doc="MBTN">
<div class="verse-text">
<div class="shloka">
<span class="shloka-line">नहि लोकावनं पापं त्रैलोक्येशस्य वज्रिणः ।</span>
<span class="shloka-line">वृत्रं हत्वा महानासेत्यादि वेदपदं च यत् ॥ ३३३॥</span>
</div>
</div>
</div>

<div class="verse" id="MBTN_C22_S01_V334" type="shloka" data-doc="MBTN">
<div class="verse-text">
<div class="shloka">
<span class="shloka-line">क्‍वचित् पापं च पुण्यानां वृद्धये भवति स्फुटम् ।</span>
<span class="shloka-line">वृत्रहत्या यथेन्द्रस्य जाता धर्मस्य वृद्धये(धर्माभिवृद्धये) ॥ ३३४॥</span>
</div>
</div>
</div>

<div class="verse" id="MBTN_C22_S01_V335" type="shloka" data-doc="MBTN">
<div class="verse-text">
<div class="shloka">
<span class="shloka-line">देवानां वा मुनीनां वा भवेदेवं नवै नृणाम् ।</span>
<span class="shloka-line">पापं यत् पुण्यमेवैतदसुराणां विलोमतः ।</span>
<span class="shloka-line">एवं स्कान्दे हि वचनं न पापं तच्छचीपतेः ॥ ३३५॥</span>
</div>
</div>
</div>

<div class="verse" id="MBTN_C22_S01_V336" type="shloka" data-doc="MBTN">
<div class="verse-text">
<div class="shloka">
<span class="shloka-line">नान्यस्य पदमाप्स्यन्ति तद् देवानां व्रतं परम् ।</span>
<span class="shloka-line">तस्मात् तं(ते) नहुषं शक्रपदे विदधुरीश्वराः(निदधुरीश्वराः) ॥ ३३६॥</span>
</div>
</div>
</div>

<div class="verse" id="MBTN_C22_S01_V337" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन्नेवं निपतिते ब्रह्मणः शापकारणात् ।</span>
<span class="shloka-line">अष्टाविंशतिमे प्राप युगे भीमस्तमुल्बणम् ।</span>
<span class="shloka-line">जानन्नेव तदीयं तत् तप आदातुमिच्छया (आदातुमीप्सया) ॥ ३३७॥</span>
</div>
</div>
</div>

<div class="verse" id="MBTN_C22_S01_V338" type="shloka" data-doc="MBTN">
<div class="verse-text">
<div class="shloka">
<span class="shloka-line">यत्तत् सुराणां सर्वेषां मुनीनां च तपः स्थितम् ।</span>
<span class="shloka-line">तद् गृहीतुं वशगवदिच्छयैवाऽस मारुतिः ॥ ३३८॥</span>
</div>
</div>
</div>

<div class="verse" id="MBTN_C22_S01_V339" type="shloka" data-doc="MBTN">
<div class="verse-text">
<div class="shloka">
<span class="shloka-line">देवानां हि नृजातानामल्पं व्यक्तं भवेद् बलम् ।</span>
<span class="shloka-line">इच्छया व्यक्ततां याति वायोरन्येषु तच्च न ॥ ३३९॥</span>
</div>
</div>
</div>

<div class="verse" id="MBTN_C22_S01_V340" type="shloka" data-doc="MBTN">
<div class="verse-text">
<div class="shloka">
<span class="shloka-line">नित्यं व्यक्ता गुणा विष्णोरिति शास्त्रस्य निर्णयः ।</span>
<span class="shloka-line">एवमन्येऽपि हि गुणा मानुषादिषु जन्मसु ॥ ३४०॥</span>
</div>
</div>
</div>

<div class="verse" id="MBTN_C22_S01_V341" type="shloka" data-doc="MBTN">
<div class="verse-text">
<div class="shloka">
<span class="shloka-line">देवानां मानुषादौ तु शक्येऽप्यव्यक्तताकृतेः ।</span>
<span class="shloka-line">धर्मवृद्धिर्भवेत् तेषां प्रीतो भवति केशवः ॥ ३४१॥</span>
</div>
</div>
</div>

<div class="verse" id="MBTN_C22_S01_V342" type="shloka" data-doc="MBTN">
<div class="verse-text">
<div class="shloka">
<span class="shloka-line">तन्मानुषे बले तस्य वराद् वारितवत्(वरादावृतवत्) स्थिते ।</span>
<span class="shloka-line">दैवं बलं न शक्तोऽपि व्यक्तं चक्रे न मारुतिः(नाविश्चक्रे स मारुतिः) ॥ ३४२॥</span>
</div>
</div>
</div>

<div class="verse" id="MBTN_C22_S01_V343" type="shloka" data-doc="MBTN">
<div class="verse-text">
<div class="shloka">
<span class="shloka-line">आत्ममोक्षाय न प्रश्नान् व्याजहार स चाभिभूः ।</span>
<span class="shloka-line">विद्योपजीवनं धर्मो विप्राणामपि नो यतः ॥ ३४३॥</span>
</div>
</div>
</div>

<div class="verse" id="MBTN_C22_S01_V344" type="shloka" data-doc="MBTN">
<div class="verse-text">
<div class="shloka">
<span class="shloka-line">किमुत क्षत्रियस्येति जानन्नपि वृकोदरः ।</span>
<span class="shloka-line">तत्प्रश्नपरिहारेण नाऽत्ममोक्षं समैच्छत ॥ ३४४॥</span>
</div>
</div>
</div>

<div class="verse" id="MBTN_C22_S01_V345" type="shloka" data-doc="MBTN">
<div class="verse-text">
<div class="shloka">
<span class="shloka-line">अयतन्तमपि ह्येनं(ह्येषो) चालनायापि नाशकत् ।</span>
<span class="shloka-line">पूर्णोऽपि सर्वलोकानां बलेन नहुषस्तदा ।</span>
<span class="shloka-line">वेष्टयित्वैव तं भीमं स्थितोऽसौ नाशकत् परम् ॥ ३४५॥</span>
</div>
</div>
</div>

<div class="verse" id="MBTN_C22_S01_V346" type="shloka" data-doc="MBTN">
<div class="verse-text">
<div class="shloka">
<span class="shloka-line">भ्रातृमात्रादिषु(भ्रातृमात्रादिभिः) स्नेहात् क्षिप्रमात्मविमोक्षणम् ।</span>
<span class="shloka-line">इच्छन्नपि न मोक्षाय यत्नं चक्रे वृकोदरः ।</span>
<span class="shloka-line">सर्ववेदमुनीन्द्राणां तप आदातुमत्रगम् ॥ ३४६॥</span>
</div>
</div>
</div>

<div class="verse" id="MBTN_C22_S01_V347" type="shloka" data-doc="MBTN">
<div class="verse-text">
<div class="shloka">
<span class="shloka-line">भ्रात्रादिषु स्नेहवशान्न स्थातव्यमिहेत्यपि ।</span>
<span class="shloka-line">मन्वानः कालतो भङ्गं स्वयमेवैष यास्यति ।</span>
<span class="shloka-line">आज्ञया वासुदेवस्य दार्ढ्याद् देहस्य मे तथा ॥ ३४७॥</span>
</div>
</div>
</div>

<div class="verse" id="MBTN_C22_S01_V348" type="shloka" data-doc="MBTN">
<div class="verse-text">
<div class="shloka">
<span class="shloka-line">स्रस्ताङ्गे पतिते सर्पे यास्यामीति विचिन्तयन् ।</span>
<span class="shloka-line">तस्थौ भीमो हरिं ध्यायन् स्वभावान्न तदिच्छया ॥ ३४८॥</span>
</div>
</div>
</div>

<div class="verse" id="MBTN_C22_S01_V349" type="shloka" data-doc="MBTN">
<div class="verse-text">
<div class="shloka">
<span class="shloka-line">तदैव ब्रह्मवचनात् पूर्वोक्तात् केशवाज्ञया ।</span>
<span class="shloka-line">बलं तपश्च सर्वस्य तत्स्थमायाद् वृकोदरम् ॥ ३४९॥</span>
</div>
</div>
</div>

<div class="verse" id="MBTN_C22_S01_V350" type="shloka" data-doc="MBTN">
<div class="verse-text">
<div class="shloka">
<span class="shloka-line">पूरिते नहुषस्थेन तपसा च बलेन च ।</span>
<span class="shloka-line">भीमे स नहुषोऽथाऽसीत् स्रस्तभोगः शनैः शनैः ॥ ३५०॥</span>
</div>
</div>
</div>

<div class="verse" id="MBTN_C22_S01_V351" type="shloka" data-doc="MBTN">
<div class="verse-text">
<div class="shloka">
<span class="shloka-line">गते भीमे निमित्तानि दृष्ट्वा राजा युधिष्ठिरः ।</span>
<span class="shloka-line">पप्रच्छ क्‍व गतो भीम इति कृष्णां चलन्मनाः ॥ ३५१॥</span>
</div>
</div>
</div>

<div class="verse" id="MBTN_C22_S01_V352" type="shloka" data-doc="MBTN">
<div class="verse-text">
<div class="shloka">
<span class="shloka-line">यातं मृगार्थं स निशम्य तस्यास्तदूरुवेगात् पतितान् नगेन्द्रान् ।</span>
<span class="shloka-line">दृष्ट्वा पथा तेन ययौ स तत्र दृष्ट्वा च सर्पावृतमन्वपृच्छत् ॥ ३५२॥</span>
</div>
</div>
</div>

<div class="verse" id="MBTN_C22_S01_V353" type="shloka" data-doc="MBTN">
<div class="verse-text">
<div class="shloka">
<span class="shloka-line">स कारणं नहुषात् सर्वमेव शुश्राव तत्प्रश्नमशेषतश्च ।</span>
<span class="shloka-line">भ्रातृस्नेहाद् व्याकरोद् धर्मसूनुस्तदैव सोऽप्यारुहत् स्वर्गलोकम् ॥ ३५३॥</span>
</div>
</div>
</div>

<div class="verse" id="MBTN_C22_S01_V354" type="shloka" data-doc="MBTN">
<div class="verse-text">
<div class="shloka">
<span class="shloka-line">दिव्याम्बरे कुण्डलिनि स्वपूर्वे गते विमानेन स धर्मराजः ।</span>
<span class="shloka-line">भीमश्चाऽयात् स्वाश्रमायैव सर्वं युधिष्ठिरः कथयामास तत्र ॥ ३५४॥</span>
</div>
</div>
</div>

<div class="verse" id="MBTN_C22_S01_V355" type="shloka" data-doc="MBTN">
<div class="verse-text">
<div class="shloka">
<span class="shloka-line">श्रुत्वा कृष्णा भ्रातरश्चास्य सर्वे सर्वे मुनीन्द्रा भीमसेनेऽतिभक्ताः ।</span>
<span class="shloka-line">व्रीडां ययुर्भीमसेनग्रहेण तथाऽब्रुवन् स्नेहतो भीमसेनम् ॥ ३५५॥</span>
</div>
</div>
</div>

<div class="verse" id="MBTN_C22_S01_V356" type="shloka" data-doc="MBTN">
<div class="verse-text">
<div class="shloka">
<span class="shloka-line">नैतादृशं साहसं तेऽनुरूपं शक्तोऽपि यत् स्वात्मनो मोक्षणाय(स्वात्मविमोक्षणाय) ।</span>
<span class="shloka-line">(नैवाऽचरो) नैवाऽकरोर्यत्नमतो निजानां महद्दुःखं हृदये प्रार्पयस्त्वम् ॥ ३५६॥</span>
</div>
</div>
</div>

<div class="verse" id="MBTN_C22_S01_V357" type="shloka" data-doc="MBTN">
<div class="verse-text">
<div class="shloka">
<span class="shloka-line">मैवं पुनः कार्यमिति ब्रुवन्तः समाश्लिषन् सर्व एवैत्य भीमम् ।</span>
<span class="shloka-line">ततोऽहोभिः कैश्चिदापुः कुरूणां राष्ट्रं पार्था मुनिमुख्यैः समेताः ॥ ३५७॥</span>
</div>
</div>
</div>

<div class="verse" id="MBTN_C22_S01_V358" type="shloka" data-doc="MBTN">
<div class="verse-text">
<div class="shloka">
<span class="shloka-line">ततोऽमितौजा भगवानुपागमन्नारायणः सत्यभामासहायः ।</span>
<span class="shloka-line">सम्पूजितः पाण्डवैस्तैः समेतश्चक्रेऽथ सौहार्दनिमित्तसत्कथाः ॥ ३५८॥</span>
</div>
</div>
</div>

<div class="verse" id="MBTN_C22_S01_V359" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णा च सत्या च परस्परं मुदा सम्भाषणं चक्रतुर्योषिदग्र्ये ।</span>
<span class="shloka-line">परीक्षयन्त्या(परीक्षन्त्या) सत्यया सर्ववेत्र्या निर्दोषया चोदिता प्राह कृष्णा ॥ ३५९॥</span>
</div>
</div>
</div>

<div class="verse" id="MBTN_C22_S01_V360" type="shloka" data-doc="MBTN">
<div class="verse-text">
<div class="shloka">
<span class="shloka-line">स्त्रीधर्मानखिलांस्तत्र सत्यां निर्दोषसंविदम् ।</span>
<span class="shloka-line">ज्ञात्वाऽपि कृष्णा प्रोवाच लोकशिक्षार्थमेव तु ॥ ३६०॥</span>
</div>
</div>
</div>

<div class="verse" id="MBTN_C22_S01_V361" type="shloka" data-doc="MBTN">
<div class="verse-text">
<div class="shloka">
<span class="shloka-line">क्रीडार्थमेव वचनं ज्ञात्वा सत्यासमीरितम् ।</span>
<span class="shloka-line">तस्यानुसारिवाक्यानि(तस्यानुसारवाक्यानि) तत्प्रीत्या एव साऽब्रवीत् ॥ ३६१॥</span>
</div>
</div>
</div>

<div class="verse" id="MBTN_C22_S01_V362" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः कतिपयाहानि निरुष्यात्र जनार्दनः ।</span>
<span class="shloka-line">ययौ सभार्यः स्वपुरीं पाण्डवाननुमान्य च ॥ ३६२॥</span>
</div>
</div>
</div>

<div class="verse" id="MBTN_C22_S01_V363" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः कदाचिन्मृगयां गतेषु पार्थेषु राजा सैन्धव आससाद ।</span>
<span class="shloka-line">सकोटिकाश्यः सबलश्च तेषां वराश्रमं सोऽत्र ददर्श कृष्णाम् ॥ ३६३॥</span>
</div>
</div>
</div>

<div class="verse" id="MBTN_C22_S01_V364" type="shloka" data-doc="MBTN">
<div class="verse-text">
<div class="shloka">
<span class="shloka-line">ब्रजन् विवाहार्थमसौ निशाम्य कृष्णां कोटिं प्रेषयित्वैव काश्यम् ।</span>
<span class="shloka-line">आयाहि मामित्यवदत् सुपापस्तया निरस्तो जगृहे करे च ॥ ३६४॥</span>
</div>
</div>
</div>

<div class="verse" id="MBTN_C22_S01_V365" type="shloka" data-doc="MBTN">
<div class="verse-text">
<div class="shloka">
<span class="shloka-line">तया धूतो(धुतो) निपपाताऽशु भूमौ पुनस्ससञ्ज्ञोऽभ्यगमद् विलज्जः(अभ्यपतद्विलज्जः) ।</span>
<span class="shloka-line">ततोऽसहायत्वत एव कृष्णा धौम्यायोक्त्वा साग्निरन्वेहि मेति ।</span>
<span class="shloka-line">समारुहत् सैन्धवस्यैव यानं सुखं न यासीति तमीरयित्वा ॥ ३६५॥</span>
</div>
</div>
</div>

<div class="verse" id="MBTN_C22_S01_V366" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा निमित्तानि निशाम्य पार्थाः समाययुस्त्वरयैवाऽश्रमाय ।</span>
<span class="shloka-line">श्रुत्वा दासीवचनात् सर्वमेव चक्रुः क्षिप्रं सैन्धवस्यानुयानम् ॥ ३६६॥</span>
</div>
</div>
</div>

<div class="verse" id="MBTN_C22_S01_V367" type="shloka" data-doc="MBTN">
<div class="verse-text">
<div class="shloka">
<span class="shloka-line">आक्रोशमानं भीमसेनेति धौम्यं दृष्ट्वा तस्याग्रे सैन्धवं चातिपापम् ।</span>
<span class="shloka-line">चक्रुर्नादान् सिंहवत् पाण्डुपुत्रा दृष्ट्वा कृष्णा चावतरद् रथात् तदा ।</span>
<span class="shloka-line">धौम्येन सार्द्धं सा ययौ(साऽऽययौ) स्वाऽश्रमाय सैन्यं पार्थास्तत्र निजघ्नुरोजसा ॥ ३६७॥</span>
</div>
</div>
</div>

<div class="verse" id="MBTN_C22_S01_V368" type="shloka" data-doc="MBTN">
<div class="verse-text">
<div class="shloka">
<span class="shloka-line">अग्रे कृष्णां योऽवदत् सिन्धुराजं याहीति तं कोटिकाश्यं सुपापम् ।</span>
<span class="shloka-line">छित्वा शिरो मृत्यवे भीमसेनो निवेदयामास तमः स चागात् ॥ ३६८॥</span>
</div>
</div>
</div>

<div class="verse" id="MBTN_C22_S01_V369" type="shloka" data-doc="MBTN">
<div class="verse-text">
<div class="shloka">
<span class="shloka-line">हत्वा सेनामखिलां सैन्धवस्य भीमार्जुनौ सयमं धर्मराजम् ।</span>
<span class="shloka-line">विसृज्य धावन्तमथानुजग्मतुर्जयद्रथं विरथं फल्गुनोऽकः ॥ ३६९॥</span>
</div>
</div>
</div>

<div class="verse" id="MBTN_C22_S01_V370" type="shloka" data-doc="MBTN">
<div class="verse-text">
<div class="shloka">
<span class="shloka-line">पद्भ्यां धावन्तं भीमसेनो निगृह्य दत्वा प्रहारांश्च भृशं तमार्तम् ।</span>
<span class="shloka-line">आदायाधाद् द्रौपदीपादयोश्च तं मोचयामास च धर्मसूनुः ॥ ३७०॥</span>
</div>
</div>
</div>

<div class="verse" id="MBTN_C22_S01_V371" type="shloka" data-doc="MBTN">
<div class="verse-text">
<div class="shloka">
<span class="shloka-line">दासो द्रौपद्या अहमित्येव वाक्ये तेनैवोक्ते भीमसेनोऽप्यमुञ्चत्(भीमसेनो व्यमुञ्चत्) ।</span>
<span class="shloka-line">स व्रीडितोऽवाग्वदनो ययौ वनं पार्थाश्च तत्रोषुरतिप्रमोदिनः ॥ ३७१॥</span>
</div>
</div>
</div>

<div class="verse" id="MBTN_C22_S01_V372" type="shloka" data-doc="MBTN">
<div class="verse-text">
<div class="shloka">
<span class="shloka-line">मार्कण्डेयस्तदाऽऽगत्य तेषामकथयत् कथाः ।</span>
<span class="shloka-line">बह्व्यश्चैव विचित्राश्च भाषात्रयसमन्विताः ॥ ३७२॥</span>
</div>
</div>
</div>

<div class="verse" id="MBTN_C22_S01_V373" type="shloka" data-doc="MBTN">
<div class="verse-text">
<div class="shloka">
<span class="shloka-line">लोकदर्शनमाश्रित्य देवाश्च मुनयस्तथा ।</span>
<span class="shloka-line">ब्रूयुः कथास्तत्र शिक्षा ग्राह्या नार्थाः कथञ्चन ॥ ३७३॥</span>
</div>
</div>
</div>

<div class="verse" id="MBTN_C22_S01_V374" type="shloka" data-doc="MBTN">
<div class="verse-text">
<div class="shloka">
<span class="shloka-line">अर्थः समाधिभाषासु ग्राह्यः सर्वोऽप्यसंशयम् ।</span>
<span class="shloka-line">परदर्शनभाषासु ज्ञेयं तद्दर्शनं तथा ॥ ३७४॥</span>
</div>
</div>
</div>

<div class="verse" id="MBTN_C22_S01_V375" type="shloka" data-doc="MBTN">
<div class="verse-text">
<div class="shloka">
<span class="shloka-line">ग्राह्यो नार्थो वैदिकं तु दर्शनं ग्राह्यमेव हि ।</span>
<span class="shloka-line">अन्यार्थो गुह्यभाषासु ग्राह्य एवं विनिर्णयः ॥ ३७५॥</span>
</div>
</div>
</div>

<div class="verse" id="MBTN_C22_S01_V376" type="shloka" data-doc="MBTN">
<div class="verse-text">
<div class="shloka">
<span class="shloka-line">जयद्रथस्तु भीमेन तदा(यदा) पञ्चशिखीकृतः ।</span>
<span class="shloka-line">तपसा शिवमाराध्य वव्रे पाण्डवरोधनम् ।</span>
<span class="shloka-line">ऋतेऽर्जुनादर्जुनस्य तुष्टो हि तपसा शिवः ॥ ३७६॥</span>
</div>
</div>
</div>

<div class="verse" id="MBTN_C22_S01_V377" type="shloka" data-doc="MBTN">
<div class="verse-text">
<div class="shloka">
<span class="shloka-line">वने वसत्स्वेव च पाण्डवेषु चक्रे यज्ञं पौण्डरीकाख्यमेव ।</span>
<span class="shloka-line">संस्पर्धया राजसूयस्य राजा दुर्योधनो नाप्यसौ तत्कलार्हः ॥ ३७७॥</span>
</div>
</div>
</div>

<div class="verse" id="MBTN_C22_S01_V378" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्योधनस्याऽज्ञया पाण्डवानां दुःशासनः प्रेषयामास तत्र(दूतम्) ।</span>
<span class="shloka-line">आगच्छतेत्यवमानाय तं तु भीमोऽवादीद् रणयज्ञं स्वगम्यम् ॥ ३७८॥</span>
</div>
</div>
</div>

<div class="verse" id="MBTN_C22_S01_V379" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो दिनैः कैश्चन धार्तराष्ट्राः सकर्णगान्धारनृपाः कुमन्त्रतः ।</span>
<span class="shloka-line">सभार्यकाः पाण्डवान् द्रौपदीं च महैश्वर्यं दर्शयित्वाऽवमन्तुम् ॥ ३७९॥</span>
</div>
</div>
</div>

<div class="verse" id="MBTN_C22_S01_V380" type="shloka" data-doc="MBTN">
<div class="verse-text">
<div class="shloka">
<span class="shloka-line">ते स्यन्दनैः काञ्चनरत्नचित्रैर्महागजैस्तुरगैः पत्तिभिश्च ।</span>
<span class="shloka-line">स्वलङ्कृताश्चित्रमाल्याम्बराश्च विनिर्ययुर्द्वैतवनाय शीघ्रम् ॥ ३८०॥</span>
</div>
</div>
</div>

<div class="verse" id="MBTN_C22_S01_V381" type="shloka" data-doc="MBTN">
<div class="verse-text">
<div class="shloka">
<span class="shloka-line">गवां दृष्टिच्छद्मना निर्गतांस्तान् ज्ञात्वा शक्रस्तेजसो भङ्गकामः ।</span>
<span class="shloka-line">तत्सामर्थ्यं वरमस्मै प्रदाय तद्बन्धनायादिशच्चित्रसेनम् ॥ ३८१॥</span>
</div>
</div>
</div>

<div class="verse" id="MBTN_C22_S01_V382" type="shloka" data-doc="MBTN">
<div class="verse-text">
<div class="shloka">
<span class="shloka-line">स षष्टिसाहस्रककोटियूथपैर्गन्धर्वमुख्यैः संवृतोऽगात् सरस्तत् ।</span>
<span class="shloka-line">यस्मिन् स्नातुं वाञ्छति धार्तराष्ट्रस्तदाज्ञया पुरुषास्तानथोचुः ॥ ३८२॥</span>
</div>
</div>
</div>

<div class="verse" id="MBTN_C22_S01_V383" type="shloka" data-doc="MBTN">
<div class="verse-text">
<div class="shloka">
<span class="shloka-line">स्नातुं समायास्यति धार्तराष्ट्रो राजेश्वरो निस्सरध्वं तदस्मात् ।</span>
<span class="shloka-line">तीर्थादाज्ञां धारयन्तश्च तस्येत्युक्ता गन्धर्वा जहसुस्तानथोच्चैः ॥ ३८३॥</span>
</div>
</div>
</div>

<div class="verse" id="MBTN_C22_S01_V384" type="shloka" data-doc="MBTN">
<div class="verse-text">
<div class="shloka">
<span class="shloka-line">ऊचुर्वयं मानयामस्तदाज्ञां त्रिलोकानां यः पतिः शक्रदेवः ।</span>
<span class="shloka-line">न मानुषाणामपि चक्रवर्तिनां किम्वल्पसारस्य सुयोधनस्य ॥ ३८४॥</span>
</div>
</div>
</div>

<div class="verse" id="MBTN_C22_S01_V385" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरिते कुपितो धार्तराष्ट्रो जघान गन्धर्ववराञ्छरौघैः ।</span>
<span class="shloka-line">जघ्नुः सकर्णा अपि तस्य सोदरा जघ्नुश्च ते धार्तराष्ट्रस्य सेनाम् ॥ ३८५॥</span>
</div>
</div>
</div>

<div class="verse" id="MBTN_C22_S01_V386" type="shloka" data-doc="MBTN">
<div class="verse-text">
<div class="shloka">
<span class="shloka-line">मुहूर्तमासीत् सममेव युद्धं तेषां तदा धार्तराष्ट्रस्य चैव ।</span>
<span class="shloka-line">पुरां भिन्दोर्वरतो(पुरां भिदोर्वरतो) मायया च गन्धर्ववीरा ववृधुस्ततः स्म(ववृधुस्ततश्च) ॥ ३८६॥</span>
</div>
</div>
</div>

<div class="verse" id="MBTN_C22_S01_V387" type="shloka" data-doc="MBTN">
<div class="verse-text">
<div class="shloka">
<span class="shloka-line">तेजोभङ्गं तत्र सुयोधनस्य पार्थार्थमत्र प्रविधातुमेव च ।</span>
<span class="shloka-line">बलं ददावब्जजः केशवश्च गन्धर्वाणां तेऽभ्ययुर्धार्तराष्ट्रान् ॥ ३८७॥</span>
</div>
</div>
</div>

<div class="verse" id="MBTN_C22_S01_V388" type="shloka" data-doc="MBTN">
<div class="verse-text">
<div class="shloka">
<span class="shloka-line">स चित्रसेनः प्रथमं कर्णमेव युयोध पार्थस्पर्धया तेन युद्ध्यन् ।</span>
<span class="shloka-line">कर्णो नाशक्नोद् वचनाद् भार्गवस्य रामस्य नित्यामितषड्गुणस्य ॥ ३८८॥</span>
</div>
</div>
</div>

<div class="verse" id="MBTN_C22_S01_V389" type="shloka" data-doc="MBTN">
<div class="verse-text">
<div class="shloka">
<span class="shloka-line">स भग्नयानश्च(स भग्नयानोऽथ) विकर्णयानमास्थाय तस्यैव नियम्य वाजिनः ।</span>
<span class="shloka-line">पराद्रवत् तेन सहैव शीघ्रं दुर्योधनश्चित्रसेनं युयोध ॥ ३८९॥</span>
</div>
</div>
</div>

<div class="verse" id="MBTN_C22_S01_V390" type="shloka" data-doc="MBTN">
<div class="verse-text">
<div class="shloka">
<span class="shloka-line">मुहूर्तमेनेन समं स युद्ध्यन्नन्यैर्गन्धर्वैर्बहुभिर्माययैव ।</span>
<span class="shloka-line">भग्ने रथे भूमितले स्थितः सन् गृहीत आसीच्चित्रसेनेन सङ्ख्ये ॥ ३९०॥</span>
</div>
</div>
</div>

<div class="verse" id="MBTN_C22_S01_V391" type="shloka" data-doc="MBTN">
<div class="verse-text">
<div class="shloka">
<span class="shloka-line">महाबलो धार्तराष्ट्रोऽपि शक्रवराद् विष्णोराज्ञया चाभिवृद्धे ।</span>
<span class="shloka-line">स चित्रसेनेन धृतस्तदाऽऽसीद् बद्धः पाशैर्वैद्युतैरिन्द्रदत्तैः ॥ ३९१॥</span>
</div>
</div>
</div>

<div class="verse" id="MBTN_C22_S01_V392" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्यानुजाः शकुनी राजभार्याः सर्वे बद्धाः शक्रदूतैः (शक्रभृत्यैः) प्रणीताः ।</span>
<span class="shloka-line">आदाय तानम्बरे(तानम्बरं) सम्प्रयातेष्वरूरुवन्(सम्प्रयातेष्वरूरुदन्) पाण्डवान् मन्त्रिणोऽस्य ॥ ३९२॥</span>
</div>
</div>
</div>

<div class="verse" id="MBTN_C22_S01_V393" type="shloka" data-doc="MBTN">
<div class="verse-text">
<div class="shloka">
<span class="shloka-line">समीपमागत्य पृथासुतानां परिभूतं वः कुलं शक्रभृत्यैः ।</span>
<span class="shloka-line">धृतः(हृतः) सभार्यः सानुजो धार्तराष्ट्रस्तं मोचयध्वं भ्रातरं भारताग्र्याः ॥ ३९३॥</span>
</div>
</div>
</div>

<div class="verse" id="MBTN_C22_S01_V394" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त ऊचे भीमसेनोऽग्रजं स्वं जाने राजन् यादृशोऽयं विमर्दः ।</span>
<span class="shloka-line">ऐश्वर्यं स्वं दर्शयन् नः समागाद् दुर्योधनस्तेजसो भङ्गमिच्छन् ॥ ३९४॥</span>
</div>
</div>
</div>

<div class="verse" id="MBTN_C22_S01_V395" type="shloka" data-doc="MBTN">
<div class="verse-text">
<div class="shloka">
<span class="shloka-line">विज्ञाय तेषां मन्त्रितं वज्रबाहुरेतच्चक्रे नात्र नः कार्यहानिः ।</span>
<span class="shloka-line">दिव्यं ज्ञानं स्वात्मनो(सु आत्मनः) दर्शयन् स एतावदुक्त्वा विरराम भीमः ॥ ३९५॥</span>
</div>
</div>
</div>

<div class="verse" id="MBTN_C22_S01_V396" type="shloka" data-doc="MBTN">
<div class="verse-text">
<div class="shloka">
<span class="shloka-line">एकाहयज्ञे दीक्षितेनैव राज्ञा सम्प्रेषितो भीमसेनोऽर्जुनश्च ।</span>
<span class="shloka-line">समाद्रेयौ चित्रसेनं रणे तौ विजित्य दुर्योधनमाश्वमुञ्चताम् ॥ ३९६॥</span>
</div>
</div>
</div>

<div class="verse" id="MBTN_C22_S01_V397" type="shloka" data-doc="MBTN">
<div class="verse-text">
<div class="shloka">
<span class="shloka-line">स चित्रसेनो वासवोक्तं च सर्वं कुमन्त्रितं धार्तराष्ट्रस्य चाऽह ।</span>
<span class="shloka-line">पार्थस्य भीमस्य च तन्निशम्य सुव्रीडितो धृतराष्ट्रात्मजोऽभूत् ॥ ३९७॥</span>
</div>
</div>
</div>

<div class="verse" id="MBTN_C22_S01_V398" type="shloka" data-doc="MBTN">
<div class="verse-text">
<div class="shloka">
<span class="shloka-line">समाप्य यज्ञं च ततोऽभियान्तं सर्वे प्रापुर्धर्मराजं स चाऽशु ।</span>
<span class="shloka-line">सम्पूज्य तूत्सृज्य च चित्रसेनमूचे गान्धारे न पुनः कार्यमीदृक् ॥ ३९८॥</span>
</div>
</div>
</div>

<div class="verse" id="MBTN_C22_S01_V399" type="shloka" data-doc="MBTN">
<div class="verse-text">
<div class="shloka">
<span class="shloka-line">स पाण्डवैर्मोचितः सानुजश्च सभार्यकः किञ्चिदतोऽपगम्य ।</span>
<span class="shloka-line">सम्मेलनायोपविष्टश्च तत्र सुव्रीडितः सूतपुत्रं ददर्श ॥ ३९९॥</span>
</div>
</div>
</div>

<div class="verse" id="MBTN_C22_S01_V400" type="shloka" data-doc="MBTN">
<div class="verse-text">
<div class="shloka">
<span class="shloka-line">स चाऽह दिष्ट्या जयसि राजन्निति सुयोधनम् ।</span>
<span class="shloka-line">व्रीडितो नेति तं चोक्त्वा यथावृत्तं सुयोधनः ।</span>
<span class="shloka-line">उक्त्वा प्रायोपवेशं च चक्रे तत्र सुदुःखितः ॥ ४००॥</span>
</div>
</div>
</div>

<div class="verse" id="MBTN_C22_S01_V401" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्णदुःशासनाभ्यां च सौबलेन च देविना ।</span>
<span class="shloka-line">अन्यैश्च याच्यमानोऽपि नैवोत्तस्थौ सुयोधनः ॥ ४०१॥</span>
</div>
</div>
</div>

<div class="verse" id="MBTN_C22_S01_V402" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो निशायां प्राप्तायां स्वपक्षे प्रविषीदति ।</span>
<span class="shloka-line">मन्त्रयित्वाऽसुरैः कृत्या निर्मिता होमकर्मणि (होमकर्मणा) ॥ ४०२॥</span>
</div>
</div>
</div>

<div class="verse" id="MBTN_C22_S01_V403" type="shloka" data-doc="MBTN">
<div class="verse-text">
<div class="shloka">
<span class="shloka-line">शुक्रेणोत्पादिता कृत्या सा प्रसुप्तेषु मन्त्रिषु ।</span>
<span class="shloka-line">धार्तराष्ट्रं समादाय ययौ पातालमाशु च ।</span>
<span class="shloka-line">अथ सम्बोधयामासुर्दैत्या दुर्योधनं नृपम् ॥ ४०३॥</span>
</div>
</div>
</div>

<div class="verse" id="MBTN_C22_S01_V404" type="shloka" data-doc="MBTN">
<div class="verse-text">
<div class="shloka">
<span class="shloka-line">त्वं दिव्यः पुरुषो वीरः सृष्टोऽस्माभिः प्रतोषितात् ।</span>
<span class="shloka-line">तपसा शङ्कराद् वज्रकायोऽवध्यश्च सर्वदा ।</span>
<span class="shloka-line">अस्माकं पक्षभूतस्त्वं देवानां चैव पाण्डवाः ॥ ४०४॥</span>
</div>
</div>
</div>

<div class="verse" id="MBTN_C22_S01_V405" type="shloka" data-doc="MBTN">
<div class="verse-text">
<div class="shloka">
<span class="shloka-line">इदानीं सर्वदेवानां(इन्द्रादिसर्वदेवानां) वरात् त्वं विजितो रणे ।</span>
<span class="shloka-line">वयं तथा करिष्यामो यथा जेष्यसि पाण्डवान् ॥ ४०५॥</span>
</div>
</div>
</div>

<div class="verse" id="MBTN_C22_S01_V406" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णेन निहतश्चैव नरकः कर्ण आस्थितः ।</span>
<span class="shloka-line">स च कृष्णार्जुनाभावं करिष्यति न संशयः ॥ ४०६॥</span>
</div>
</div>
</div>

<div class="verse" id="MBTN_C22_S01_V407" type="shloka" data-doc="MBTN">
<div class="verse-text">
<div class="shloka">
<span class="shloka-line">भीष्मादींश्च वयं सर्वानाविशाम(प्रविशाम) जयाय ते ।</span>
<span class="shloka-line">तपसा वर्द्धयिष्यामस्त्वां कर्णादींश्च सर्वशः ॥ ४०७॥</span>
</div>
</div>
</div>

<div class="verse" id="MBTN_C22_S01_V408" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्माद् गत्वा पालयस्व राज्यं राजन्नपेतभीः ।</span>
<span class="shloka-line">इदं कस्यापि नाऽख्येयं सुगुप्तं भूतिवर्द्धनम् ॥ ४०८॥</span>
</div>
</div>
</div>

<div class="verse" id="MBTN_C22_S01_V409" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त्वा कृत्यया भूयः स्वस्थाने स्थापितो नृपः ।</span>
<span class="shloka-line">उमया निर्मितात्मार्द्धमुत्तरं हरनिर्मितम् ।</span>
<span class="shloka-line">ज्ञात्वैवावध्यतां चैव राज्ये बुद्धिं चकार सः ॥ ४०९॥</span>
</div>
</div>
</div>

<div class="verse" id="MBTN_C22_S01_V410" type="shloka" data-doc="MBTN">
<div class="verse-text">
<div class="shloka">
<span class="shloka-line">नोवाच कस्यचित् तेषु स्वानुभूतं सुयोधनः ।</span>
<span class="shloka-line">प्रभातायां तु शर्वर्यां पुनः कर्णो वचोऽब्रवीत् ॥ ४१०॥</span>
</div>
</div>
</div>

<div class="verse" id="MBTN_C22_S01_V411" type="shloka" data-doc="MBTN">
<div class="verse-text">
<div class="shloka">
<span class="shloka-line">भृत्यैस्तवैव पार्थैर्यन्मोचितोऽसि परन्तप ।</span>
<span class="shloka-line">तेन मान्योऽधिकं लोके यद् भृत्या एव तादृशाः ।</span>
<span class="shloka-line">किमु त्वं राजशार्दूल तदुत्तिष्ठ स्थिरो भव ॥ ४११॥</span>
</div>
</div>
</div>

<div class="verse" id="MBTN_C22_S01_V412" type="shloka" data-doc="MBTN">
<div class="verse-text">
<div class="shloka">
<span class="shloka-line">या च तेऽर्जुनमाहात्म्ये शङ्का सा व्येतु मे शृणु ।</span>
<span class="shloka-line">यावन्नैवार्जुनं हन्यां पादौ प्रक्षालये स्वयम् ॥ ४१२॥</span>
</div>
</div>
</div>

<div class="verse" id="MBTN_C22_S01_V413" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तोऽवरजैश्चैव सर्वैः शकुनिना तथा ।</span>
<span class="shloka-line">याचितो रथमारुह्य ययौ नागपुरं द्रुतम् ॥ ४१३॥</span>
</div>
</div>
</div>

<div class="verse" id="MBTN_C22_S01_V414" type="shloka" data-doc="MBTN">
<div class="verse-text">
<div class="shloka">
<span class="shloka-line">सकुण्डलं सकवचमवध्यं सूर्यनन्दनम् ।</span>
<span class="shloka-line">ज्ञात्वेन्द्र उभयं तस्मादैच्छदादातुमुत्तमम् ॥ ४१४॥</span>
</div>
</div>
</div>

<div class="verse" id="MBTN_C22_S01_V415" type="shloka" data-doc="MBTN">
<div class="verse-text">
<div class="shloka">
<span class="shloka-line">तद् विज्ञाय रविः कर्णं स्वप्न उक्त्वा न्यवारयत् ।</span>
<span class="shloka-line">सर्वथा दास्य इत्युक्ते प्राहाऽदेयं वरायुधम् ॥ ४१५॥</span>
</div>
</div>
</div>

<div class="verse" id="MBTN_C22_S01_V416" type="shloka" data-doc="MBTN">
<div class="verse-text">
<div class="shloka">
<span class="shloka-line">ददौ चोत्कृत्य कवचं कुण्डले च शचीपतेः ।</span>
<span class="shloka-line">अमोघां शक्तिमादाय ज्ञात्वेन्द्रं द्विजरूपिणम् ॥ ४१६॥</span>
</div>
</div>
</div>

<div class="verse" id="MBTN_C22_S01_V417" type="shloka" data-doc="MBTN">
<div class="verse-text">
<div class="shloka">
<span class="shloka-line">ऋतेऽर्जुनादेकमेव वधिष्यस्यनयेति सः ।</span>
<span class="shloka-line">दत्वा शक्तिं ययौ शक्रः सार्द्धं कवचकुण्डलैः ॥ ४१७॥</span>
</div>
</div>
</div>

<div class="verse" id="MBTN_C22_S01_V418" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्था(पार्थो) विमुच्यैव सुयोधनं तं वने वसन्तो मुदिताः सदैव ।</span>
<span class="shloka-line">सहारणीभाण्डमथो मृगेण हृतं द्विजस्याऽशु निशम्य चान्वयुः(चान्वगुः) ॥ ४१८॥</span>
</div>
</div>
</div>

<div class="verse" id="MBTN_C22_S01_V419" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन्नदृश्ये तृषिता एकैकमुदकार्थिनः ।</span>
<span class="shloka-line">ययुर्युधिष्ठिरमृते सुप्तास्ते धर्ममायया</span>
<span class="shloka-line">अदृश्येनैव धर्मेण वारिता वारिपायिनः ॥ ४१९॥</span>
</div>
</div>
</div>

<div class="verse" id="MBTN_C22_S01_V420" type="shloka" data-doc="MBTN">
<div class="verse-text">
<div class="shloka">
<span class="shloka-line">क्षत्रधर्मस्य रक्षार्थं न तत्प्रश्नान् विदां वराः ।</span>
<span class="shloka-line">व्याचक्रुः शक्तिमन्तोऽपि पानीयार्थमरिन्दमाः ॥ ४२०॥</span>
</div>
</div>
</div>

<div class="verse" id="MBTN_C22_S01_V421" type="shloka" data-doc="MBTN">
<div class="verse-text">
<div class="shloka">
<span class="shloka-line">न विप्राणां च धर्मोऽयं विद्याया उपजीवनम् ।</span>
<span class="shloka-line">क्षत्रियाणां तु किमुत प्रसभं तेन ते पपुः ॥ ४२१॥</span>
</div>
</div>
</div>

<div class="verse" id="MBTN_C22_S01_V422" type="shloka" data-doc="MBTN">
<div class="verse-text">
<div class="shloka">
<span class="shloka-line">देवा अपि मनुष्येषु जाताः सुबलिनोऽपि हि ।</span>
<span class="shloka-line">मानुषेणैव भावेन युक्ताः स्युः केशवादृते ।</span>
<span class="shloka-line">कार्येष्वेषां क्रमेणैव व्यक्तिमायान्ति सद्गुणाः ॥ ४२२॥</span>
</div>
</div>
</div>

<div class="verse" id="MBTN_C22_S01_V423" type="shloka" data-doc="MBTN">
<div class="verse-text">
<div class="shloka">
<span class="shloka-line">अतो भीमार्जुनौ धर्मादत्युत्तमबलावपि ।</span>
<span class="shloka-line">देवमायां समाश्रित्य धर्मेण स्वापितौ क्षणात् ॥ ४२३॥</span>
</div>
</div>
</div>

<div class="verse" id="MBTN_C22_S01_V424" type="shloka" data-doc="MBTN">
<div class="verse-text">
<div class="shloka">
<span class="shloka-line">मुहूर्तमेव सा माया तयोराच्छादने क्षमा ।</span>
<span class="shloka-line">ततः प्रबुद्धयोर्धर्मो नैव शक्तिशतांशभाक् ॥ ४२४॥</span>
</div>
</div>
</div>

<div class="verse" id="MBTN_C22_S01_V425" type="shloka" data-doc="MBTN">
<div class="verse-text">
<div class="shloka">
<span class="shloka-line">उक्तं पाद्मपुराणे च तदेतत् सर्वमञ्जसा ।</span>
<span class="shloka-line">तस्मान्नाशक्तिरनयोः सम्भाव्या भीमपार्थयोः ॥ ४२५॥</span>
</div>
</div>
</div>

<div class="verse" id="MBTN_C22_S01_V426" type="shloka" data-doc="MBTN">
<div class="verse-text">
<div class="shloka">
<span class="shloka-line">धर्मात्मजोऽथाऽजगामोदकान्तं दृष्ट्वा भ्रातॄंस्तत्र दुःखाभितप्तः ।</span>
<span class="shloka-line">इच्छन् पातुं वारि संवारितश्च पित्रा(संवारितः स्वपित्रा) बकाकारमितेन नापात् ॥ ४२६॥</span>
</div>
</div>
</div>

<div class="verse" id="MBTN_C22_S01_V427" type="shloka" data-doc="MBTN">
<div class="verse-text">
<div class="shloka">
<span class="shloka-line">अर्थे भ्रातॄणामैच्छदसौ तदीयप्रश्नप्रतिव्याहरणं दयालुः ।</span>
<span class="shloka-line">ततो धर्मो यक्षतनुः स भूत्वा प्रश्नांश्चक्रे व्याकरोत् तान् स पार्थः ॥ ४२७॥</span>
</div>
</div>
</div>

<div class="verse" id="MBTN_C22_S01_V428" type="shloka" data-doc="MBTN">
<div class="verse-text">
<div class="shloka">
<span class="shloka-line">ततस्तुष्टो वरमस्मै ददौ स एकोत्थानं भ्रातृमध्ये स वव्रे ।</span>
<span class="shloka-line">यद्येकः स्यान्नकुलोऽस्त्वित्यथाऽह तुष्टो धर्मः कथमेतत् कृतं ते ।</span>
<span class="shloka-line">अतिप्रीतिर्भीमसेने तवास्ति बली चासौ राज्यहेतुस्तव स्यात् ॥ ४२८॥</span>
</div>
</div>
</div>

<div class="verse" id="MBTN_C22_S01_V429" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त ऊचे माद्रिपुत्रं विहाय कुन्तीपुत्रो न मयोत्थापनीयः ।</span>
<span class="shloka-line">स एवमुक्तो नितरां प्रीयमाण उत्थापयामास च तान् समस्तान् ॥ ४२९॥</span>
</div>
</div>
</div>

<div class="verse" id="MBTN_C22_S01_V430" type="shloka" data-doc="MBTN">
<div class="verse-text">
<div class="shloka">
<span class="shloka-line">यथेष्टरूपप्राप्तिमेषां पुनश्च स्वकामतो निजरूपाप्तिमादात् ।</span>
<span class="shloka-line">अज्ञातवासेऽज्ञाततां सर्वदैव ददौ तेषां प्रीत एवाऽनृशंस्यात् ।</span>
<span class="shloka-line">एवं क्रीडन् पुत्र इत्यात्मनैव यशोधर्मावात्मनो(यशोधर्मानात्मनो) वर्द्धयन् सः ॥ ४३०॥</span>
</div>
</div>
</div>

<div class="verse" id="MBTN_C22_S01_V431" type="shloka" data-doc="MBTN">
<div class="verse-text">
<div class="shloka">
<span class="shloka-line">युधिष्ठिरात्मनस्तस्य यशोधर्मविवृद्धये(युधिष्ठिरात्मनः स्वस्य यशोधर्माभिवृद्धये) ।</span>
<span class="shloka-line">कृत्वाऽरण्यपहारादि पुनर्दत्वा च तत् स्वयम् ।</span>
<span class="shloka-line">दातुं विप्राय तद्धस्ते ययौ धर्मो दिवं पुनः ॥ ४३१॥</span>
</div>
</div>
</div>

<div class="verse" id="MBTN_C22_S01_V432" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो राजा भीमसेनार्जुनौ च सार्द्धं यमाभ्यामरणीं प्रदाय ।</span>
<span class="shloka-line">मुदा युताः कृष्णया सार्धमेव सन्तुष्टुवुः कृष्णमनन्तमच्युतम् ॥ ४३२॥</span>
</div>
</div>
</div>

<div class="gr-author-note">इति श्रीमदानन्दतीर्थभगवत्पादाचार्यविरचिते श्रीमहाभारततात्पर्यनिर्णये अरणीप्राप्तिर्नाम द्वाविंशोऽध्यायः</div>

== त्रयोविंशोऽध्यायः ==
<span id="gr-C23-S1" class="gr-toc-anchor" data-level="2" data-title="सर्वशास्त्रतात्पर्यनिर्णयः"></span>
=== सर्वशास्त्रतात्पर्यनिर्णयः ===
<div class="adhyaya-block" data-doc="MBTN" data-chap="23" data-sec="1">
</div>
<div class="verse" id="MBTN_C23_S01_V01" type="shloka" data-doc="MBTN">
<div class="verse-text">
<div class="shloka">
<span class="shloka-line">औं ॥ नारायणानुग्रहतो यथावन्निस्तीर्य तान् द्वादशाब्दान् वने ते ।</span>
<span class="shloka-line">विसृज्य च ब्राह्मणादीन् सधौम्यानज्ञातवासाय ततो मनो दधुः ॥ १॥</span>
</div>
</div>
</div>

<div class="verse" id="MBTN_C23_S01_V02" type="shloka" data-doc="MBTN">
<div class="verse-text">
<div class="shloka">
<span class="shloka-line">गत्वा विराटस्य पुरीं निधाय हेतीः शम्यां छन्नरूपा बभूवुः ।</span>
<span class="shloka-line">यतिः सूदः षण्ढवेषोऽथ सूतवेषो गोपो गन्धकर्त्री च जाताः ॥ २॥</span>
</div>
</div>
</div>

<div class="verse" id="MBTN_C23_S01_V03" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वे विराटं ययुरत्र देववत् सम्भावितास्तेन शुभोरुलक्षणाः ।</span>
<span class="shloka-line">युधिष्ठिरस्यैव(युधिष्ठिरस्येव) शुश्रूषणं ते चक्रुर्हृदा वासुदेवस्य नान्यत् ॥ ३॥</span>
</div>
</div>
</div>

<div class="verse" id="MBTN_C23_S01_V04" type="shloka" data-doc="MBTN">
<div class="verse-text">
<div class="shloka">
<span class="shloka-line">परपाको गृहस्थस्य क्षत्रियस्य विशेषतः ।</span>
<span class="shloka-line">न योग्य इति सूदस्य बभ्रे वेषं वृकोदरः ॥ ४॥</span>
</div>
</div>
</div>

<div class="verse" id="MBTN_C23_S01_V05" type="shloka" data-doc="MBTN">
<div class="verse-text">
<div class="shloka">
<span class="shloka-line">वैदिकव्यवहारेषु ज्ञानाधिक्यप्रसिद्धितः ।</span>
<span class="shloka-line">जानीयुर्भीम इत्येव सूदवेषस्ततोऽभवत् (शूद्रवेषस्ततोऽभवत्) ॥ ५॥</span>
</div>
</div>
</div>

<div class="verse" id="MBTN_C23_S01_V06" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वीयं वेदविदां सर्वं देवेशानां च किं पुनः ।</span>
<span class="shloka-line">अतस्तेऽन्याश्रयं नैव चक्रुः स्वबलसंश्रयात् ॥ ६॥</span>
</div>
</div>
</div>

<div class="verse" id="MBTN_C23_S01_V07" type="shloka" data-doc="MBTN">
<div class="verse-text">
<div class="shloka">
<span class="shloka-line">शापादेवार्जुनः षण्ढवेषोऽभून्नकुलस्तथा ।</span>
<span class="shloka-line">क्षत्रियानन्तरत्वात्तु सूतजातेस्तथाऽभवत् ॥ ७॥</span>
</div>
</div>
</div>

<div class="verse" id="MBTN_C23_S01_V08" type="shloka" data-doc="MBTN">
<div class="verse-text">
<div class="shloka">
<span class="shloka-line">सूतस्यानन्तरत्वात्तु वैश्यजातेस्तथाऽभवत् ।</span>
<span class="shloka-line">सहदेवो वैश्यजातिर्गोपालस्तेषु चोत्तमः ॥ ८॥</span>
</div>
</div>
</div>

<div class="verse" id="MBTN_C23_S01_V09" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो गोपालतामाप यतिः पूज्योऽखिलैर्यतः</span>
<span class="shloka-line">यतिरासीद् धर्मजोऽतः सोऽभ्यासार्थं सदैव च  ॥ ९॥</span>
</div>
</div>
</div>

<div class="verse" id="MBTN_C23_S01_V10" type="shloka" data-doc="MBTN">
<div class="verse-text">
<div class="shloka">
<span class="shloka-line">अक्षासक्तोऽभवत् पश्चाद् दर्शयिष्यन् स्वशिष्टताम्</span>
<span class="shloka-line">भीमसेनसधर्मार्थं शूद्रा सैरन्ध्रिकाऽभवत् ।</span>
<span class="shloka-line">द्रौपदी भर्तृसाधर्म्यं स्त्रीणां धर्मो यतः सदा ॥ १०॥</span>
</div>
</div>
</div>

<div class="verse" id="MBTN_C23_S01_V11" type="shloka" data-doc="MBTN">
<div class="verse-text">
<div class="shloka">
<span class="shloka-line">अथाऽजगाम मल्लकः समस्तभूमिमण्डले ।</span>
<span class="shloka-line">वरेण योऽजितो जयी शिवस्य सञ्जगर्ज च ॥ ११॥</span>
</div>
</div>
</div>

<div class="verse" id="MBTN_C23_S01_V12" type="shloka" data-doc="MBTN">
<div class="verse-text">
<div class="shloka">
<span class="shloka-line">तमीक्ष्य सर्वमल्लका विराटराजसंश्रयाः ।</span>
<span class="shloka-line">प्रदुद्रुवुर्भयार्दितास्तदाऽवदद् युधिष्ठिरः ॥ १२॥</span>
</div>
</div>
</div>

<div class="verse" id="MBTN_C23_S01_V13" type="shloka" data-doc="MBTN">
<div class="verse-text">
<div class="shloka">
<span class="shloka-line">य एष सूद आशु तं निहत्य मल्लमोजसा ।</span>
<span class="shloka-line">यशस्तवाभिवर्द्धयेत् समाह्वयाद्य तं नृप ॥ १३॥</span>
</div>
</div>
</div>

<div class="verse" id="MBTN_C23_S01_V14" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरिते समाहुतो जगाद मारुतिर्वचः ।</span>
<span class="shloka-line">प्रसादतो हरेरहं निषूदयेऽद्य (निसूदयेऽद्य) मल्लकम् ॥ १४॥</span>
</div>
</div>
</div>

<div class="verse" id="MBTN_C23_S01_V15" type="shloka" data-doc="MBTN">
<div class="verse-text">
<div class="shloka">
<span class="shloka-line">समस्तदेववृन्दतो महान् य एव केशवः ।</span>
<span class="shloka-line">(समस्तदेवनामधा) समस्तदेवनामवांस्तदीयभक्तितो बलम् ॥ १५॥</span>
</div>
</div>
</div>

<div class="verse" id="MBTN_C23_S01_V16" type="shloka" data-doc="MBTN">
<div class="verse-text">
<div class="shloka">
<span class="shloka-line">य एव देवनामधा इति श्रुतिर्जगाद हि ।</span>
<span class="shloka-line">महांश्च देव एष तत् स मे जयं विधास्यति ॥ १६॥</span>
</div>
</div>
</div>

<div class="verse" id="MBTN_C23_S01_V17" type="shloka" data-doc="MBTN">
<div class="verse-text">
<div class="shloka">
<span class="shloka-line">युधिष्ठिराभिधश्च यो युधिष्ठिरे स्थितः सदा ।</span>
<span class="shloka-line">त्वयि स्थितस्त्वमित्यसौ सदाऽभिधीयते हरिः ॥ १७॥</span>
</div>
</div>
</div>

<div class="verse" id="MBTN_C23_S01_V18" type="shloka" data-doc="MBTN">
<div class="verse-text">
<div class="shloka">
<span class="shloka-line">इति ब्रुवाणो मल्लं तमभियातो वृकोदरः ।</span>
<span class="shloka-line">अनयन्मृत्युलोकाय बलाढ्यैरपि दुर्जयम् ॥ १८॥</span>
</div>
</div>
</div>

<div class="verse" id="MBTN_C23_S01_V19" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं निवसतां तत्र पाण्डवानां महात्मनाम् ।</span>
<span class="shloka-line">संवत्सरे द्विमासोने विजित्य दिश आगतः ।</span>
<span class="shloka-line">कीचको मत्स्यनृपतेः स्यालो बलवतां वरः ॥ १९॥</span>
</div>
</div>
</div>

<div class="verse" id="MBTN_C23_S01_V20" type="shloka" data-doc="MBTN">
<div class="verse-text">
<div class="shloka">
<span class="shloka-line">स द्रौपदीं वीक्ष्य मनोभवार्तः(मनोमदार्तः) सम्प्रार्थयामास तया निरस्तः ।</span>
<span class="shloka-line">मासे गते भगिनीं स्वां सुदेष्णां सम्प्रार्थयामास तदर्थमेव ॥ २०॥</span>
</div>
</div>
</div>

<div class="verse" id="MBTN_C23_S01_V21" type="shloka" data-doc="MBTN">
<div class="verse-text">
<div class="shloka">
<span class="shloka-line">तया निषिद्धोऽपि पुनःपुनस्तां यदा ययाचेऽथ सा चाह (ययाचेऽथच साऽऽह) कृष्णाम् ।</span>
<span class="shloka-line">समानयाऽश्वेव सुरां मदर्थमितीरिता नेति भीताऽवदत् सा ॥ २१॥</span>
</div>
</div>
</div>

<div class="verse" id="MBTN_C23_S01_V22" type="shloka" data-doc="MBTN">
<div class="verse-text">
<div class="shloka">
<span class="shloka-line">बलात् तया प्रेषिता तद्गृहाय यदाऽगमत् तेन हस्ते गृहीता ।</span>
<span class="shloka-line">विधूय तं प्राद्रवत् सा सभायै स्मृत्वाऽऽदित्यस्थं वासुदेवं परेशम् ॥ २२॥</span>
</div>
</div>
</div>

<div class="verse" id="MBTN_C23_S01_V23" type="shloka" data-doc="MBTN">
<div class="verse-text">
<div class="shloka">
<span class="shloka-line">अनुद्रुत्यैतां पातयित्वा पदा स सन्ताडयामास तदा रविस्थितः ।</span>
<span class="shloka-line">नारायणो हेतिनामैव रक्षो न्ययोजयत् तददृश्यं समागात् ॥ २३॥</span>
</div>
</div>
</div>

<div class="verse" id="MBTN_C23_S01_V24" type="shloka" data-doc="MBTN">
<div class="verse-text">
<div class="shloka">
<span class="shloka-line">वायुस्तमाविश्य(वायुस्तदाविश्य) तु कीचकं तं न्यपातयत् तां समीक्ष्यैव भीमः ।</span>
<span class="shloka-line">चुकोप वृक्षं च समीक्षमाणं तं वारयामास युधिष्ठिरोऽग्रजः ॥ २४॥</span>
</div>
</div>
</div>

<div class="verse" id="MBTN_C23_S01_V25" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णा रात्रौ भीमसकाशमेत्य हन्तुं पापं कीचकं प्रैरयत् तम् ।</span>
<span class="shloka-line">भीमस्य बुद्ध्या निशि सा कीचकं च जगाद गन्तुं शून्यगृहं स चागात् ॥ २५॥</span>
</div>
</div>
</div>

<div class="verse" id="MBTN_C23_S01_V26" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्रैनमासाद्य तु भीमसेनो विजित्य तं बाहुयुद्धे निहत्य(निपात्य) ।</span>
<span class="shloka-line">शिरो गुदे पाणिपादौ च तस्य प्रवेशयामास विमृद्य वीरः ॥ २६॥</span>
</div>
</div>
</div>

<div class="verse" id="MBTN_C23_S01_V27" type="shloka" data-doc="MBTN">
<div class="verse-text">
<div class="shloka">
<span class="shloka-line">अवध्यं तं निहतं वीक्ष्य तस्य पञ्चोत्तरं शतमेवानुजानाम् ।</span>
<span class="shloka-line">सर्वं वराच्छङ्करस्य ह्यवध्यं सहैव कृष्णां तेन दग्धुं बबन्ध ॥ २७॥</span>
</div>
</div>
</div>

<div class="verse" id="MBTN_C23_S01_V28" type="shloka" data-doc="MBTN">
<div class="verse-text">
<div class="shloka">
<span class="shloka-line">सा नीयमाना कीचकैः संरुराव श्रुत्वैव तं भीमसेनो महान्तम् ।</span>
<span class="shloka-line">उद्धृत्य वृक्षं तेन जघान सर्वानादाय कृष्णां पुनरागात् पुरं स्वम्(गृहं स्वम्, पुरञ्च) ॥ २८॥</span>
</div>
</div>
</div>

<div class="verse" id="MBTN_C23_S01_V29" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं यत्नात् तपसा तैरवाप्तो वरः शिवादजयत्वं(शिवादक्षयत्वं) रणेषु ।</span>
<span class="shloka-line">अवध्यता चैव षडुत्तरास्ते शतं हता भीमसेनेन सङ्ख्ये ॥ २९॥</span>
</div>
</div>
</div>

<div class="verse" id="MBTN_C23_S01_V30" type="shloka" data-doc="MBTN">
<div class="verse-text">
<div class="shloka">
<span class="shloka-line">गन्धर्व इत्येव निहत्य सर्वान् मुमोद भीमो द्रौपदी चाथ कृष्णाम् ।</span>
<span class="shloka-line">याहीत्यूचे तां सुदेष्णा भयेन त्रयोदशाहं पालयेत्याह तां सा ॥ ३०॥</span>
</div>
</div>
</div>

<div class="verse" id="MBTN_C23_S01_V31" type="shloka" data-doc="MBTN">
<div class="verse-text">
<div class="shloka">
<span class="shloka-line">अस्त्वित्येनामाह भयात् सुदेष्णा तथाऽवसन् पूर्णमब्दं च तेऽत्र</span>
<span class="shloka-line">तदा(ततः) पार्थान् प्रविचिन्त्याखिलायां(प्रविचित्य) पृथ्व्यां छन्नान् धार्तराष्ट्रस्य दूताः ।</span>
<span class="shloka-line">अविज्ञाय प्रययुर्धार्तराष्ट्रमूचुर्हतं कीचकं योषिदर्थे ॥ ३१॥</span>
</div>
</div>
</div>

<div class="verse" id="MBTN_C23_S01_V32" type="shloka" data-doc="MBTN">
<div class="verse-text">
<div class="shloka">
<span class="shloka-line">तेनावदद् द्रौपदीकारणेन दुर्योधनो निहतं कीचकं तम् ।</span>
<span class="shloka-line">भीमेनागुस्तत्र दुर्योधनाद्या भीष्मादिभिः सह कर्णेन चैव ॥ ३२॥</span>
</div>
</div>
</div>

<div class="verse" id="MBTN_C23_S01_V33" type="shloka" data-doc="MBTN">
<div class="verse-text">
<div class="shloka">
<span class="shloka-line">अग्रे ययौ तत्र योद्धुं सुशर्मा स गा विराटस्य समाजहार ।</span>
<span class="shloka-line">श्रुत्वा विराटोऽनुययौ ससेनस्तं पाण्डवाश्चानुययुर्विनाऽर्जुनम् ॥ ३३॥</span>
</div>
</div>
</div>

<div class="verse" id="MBTN_C23_S01_V34" type="shloka" data-doc="MBTN">
<div class="verse-text">
<div class="shloka">
<span class="shloka-line">विजित्य सङ्ख्ये जगृहे विराटं तदा सुशर्मा तमयाद् वृकोदरः ।</span>
<span class="shloka-line">स तस्य सेनां विनिहत्य(विनिपात्य) मात्स्यं विमोच्य जग्राह सुशर्मराजम् ।</span>
<span class="shloka-line">युधिष्ठिरो मोचयामास तं च ततो रात्रौ न्यवसन् बाह्यतस्ते ॥ ३४॥</span>
</div>
</div>
</div>

<div class="verse" id="MBTN_C23_S01_V35" type="shloka" data-doc="MBTN">
<div class="verse-text">
<div class="shloka">
<span class="shloka-line">ततोऽपरदिने सर्वे भीष्मद्रोणपुरस्सराः ।</span>
<span class="shloka-line">रहितं कीचकैर्मात्स्यं शक्यं मत्वाऽभिनिर्ययुः ॥ ३५॥</span>
</div>
</div>
</div>

<div class="verse" id="MBTN_C23_S01_V36" type="shloka" data-doc="MBTN">
<div class="verse-text">
<div class="shloka">
<span class="shloka-line">कीचकस्य हिडिम्बस्य बककिर्मीरयोरपि ।</span>
<span class="shloka-line">जरासन्धस्य नृपतेः कंसादीनां च सर्वशः ॥ ३६॥</span>
</div>
</div>
</div>

<div class="verse" id="MBTN_C23_S01_V37" type="shloka" data-doc="MBTN">
<div class="verse-text">
<div class="shloka">
<span class="shloka-line">न बाधनाय भीष्माद्या अपि शेकुः कथञ्चन ।</span>
<span class="shloka-line">तस्मात् ते कीचकं शान्तं श्रुत्वा मात्स्यं ययुर्युधे ॥ ३७॥</span>
</div>
</div>
</div>

<div class="verse" id="MBTN_C23_S01_V38" type="shloka" data-doc="MBTN">
<div class="verse-text">
<div class="shloka">
<span class="shloka-line">यतिष्ये रक्षितुं भीमाद् धार्तराष्ट्रानिति स्वकाम् ।</span>
<span class="shloka-line">सत्यां कर्तुं प्रतिज्ञां तु ययौ द्रोणः सपुत्रकः ॥ ३८॥</span>
</div>
</div>
</div>

<div class="verse" id="MBTN_C23_S01_V39" type="shloka" data-doc="MBTN">
<div class="verse-text">
<div class="shloka">
<span class="shloka-line">यदि युद्धाय निर्यान्ति ज्ञाताः स्युः पाण्डवास्तदा ।</span>
<span class="shloka-line">न चेद् विराटमनतं नमयिष्यामहे वयम् ।</span>
<span class="shloka-line">इति मत्वा विराटस्य जगृहुर्गाः समन्ततः ॥ ३९॥</span>
</div>
</div>
</div>

<div class="verse" id="MBTN_C23_S01_V40" type="shloka" data-doc="MBTN">
<div class="verse-text">
<div class="shloka">
<span class="shloka-line">तदोत्तरः सारथित्वे प्रकल्प्य पार्थं ययौ तान् निशाम्यैव भीतः ।</span>
<span class="shloka-line">ततोऽर्जुनः सारथिं तं विधाय कृच्छ्रेण संस्थाप्य च तं(तान्) ययौ कुरून् ॥ ४०॥</span>
</div>
</div>
</div>

<div class="verse" id="MBTN_C23_S01_V41" type="shloka" data-doc="MBTN">
<div class="verse-text">
<div class="shloka">
<span class="shloka-line">आदाय गाण्डीवमथ ध्वजं च हनूमदङ्कं सदरोऽग्रतो गाः ।</span>
<span class="shloka-line">निवर्त्य युद्धाय ययौ कुरूंस्तान् जिग्ये सर्वान् द्वैरथेनैव सक्तान् ॥ ४१॥</span>
</div>
</div>
</div>

<div class="verse" id="MBTN_C23_S01_V42" type="shloka" data-doc="MBTN">
<div class="verse-text">
<div class="shloka">
<span class="shloka-line">एकीभूतान् पुनरेवानुयातान् सम्मोहनास्त्रेण विमोहयित्वा ।</span>
<span class="shloka-line">जग्राह तेषामुत्तरीयाण्यृते तु भीष्मस्य वेदास्त्रघातं स एव ॥ ४२॥</span>
</div>
</div>
</div>

<div class="verse" id="MBTN_C23_S01_V43" type="shloka" data-doc="MBTN">
<div class="verse-text">
<div class="shloka">
<span class="shloka-line">विधाय भीष्मं विरथं जगाम तदा श्रुत्वा मत्स्यपतिर्जितान् कुरून् ।</span>
<span class="shloka-line">मुमोद पुत्रेण जिता इति स्म तदाऽऽह षण्ढेन जितान् युधिष्ठिरः ॥ ४३॥</span>
</div>
</div>
</div>

<div class="verse" id="MBTN_C23_S01_V44" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा क्रुद्धः प्राहरत् तं विराटः सोऽक्षेण तद् भीमधनञ्जयाभ्याम् ।</span>
<span class="shloka-line">श्रुतं तदा कुपितौ तौ निशाम्य न्यवारयत् तावपि धर्मसूनुः ॥ ४४॥</span>
</div>
</div>
</div>

<div class="verse" id="MBTN_C23_S01_V45" type="shloka" data-doc="MBTN">
<div class="verse-text">
<div class="shloka">
<span class="shloka-line">निजस्वरूपेण समास्थितान् नो यदि स्म नासौ प्रणिपातपूर्वकम्(पूर्वम्) ।</span>
<span class="shloka-line">क्षमापयेद् वध्य इत्यात्मरूपं समास्थितास्तस्थुरथापरे(अथा परे) दिने ॥ ४५॥</span>
</div>
</div>
</div>

<div class="verse" id="MBTN_C23_S01_V46" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा विराटासनमास्थितं नृपं युधिष्ठिरं वीक्ष्य विराट आह ।</span>
<span class="shloka-line">किमेतदित्यूचिवानुत्तरोऽस्मै तान् पाण्डवान् गोग्रहणे च वृत्तम् ॥ ४६॥</span>
</div>
</div>
</div>

<div class="verse" id="MBTN_C23_S01_V47" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो विराटो भयकम्पिताङ्गः प्रणम्य पार्थाञ्छरणं जगाम ।</span>
<span class="shloka-line">ददौ च कन्यामुत्तरां फल्गुनाय पुत्रार्थमेव प्रतिजग्राह सोऽपि ॥ ४७॥</span>
</div>
</div>
</div>

<div class="verse" id="MBTN_C23_S01_V48" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं विराटं मोचयित्वैव गाश्च तमस्यन्धे कीचकान् पातयित्वा ।</span>
<span class="shloka-line">प्राप्तो धर्मः सुमहान् वायुजेन तस्यानु पार्थेन च गोविमोक्षणात् ॥ ४८॥</span>
</div>
</div>
</div>

<div class="verse" id="MBTN_C23_S01_V49" type="shloka" data-doc="MBTN">
<div class="verse-text">
<div class="shloka">
<span class="shloka-line">अयातयन् केशवायाथ दूतान् सहाभिमन्युः सोऽपि रामेण सार्द्धम् ।</span>
<span class="shloka-line">आगादनन्तानन्दचिद् वासुदेवो विवाहयामासुरथाभिमन्युम् ॥ ४९॥</span>
</div>
</div>
</div>

<div class="verse" id="MBTN_C23_S01_V50" type="shloka" data-doc="MBTN">
<div class="verse-text">
<div class="shloka">
<span class="shloka-line">आसीन्महानुत्सवस्तत्र तेषां दाशार्हवीरैः सह पाण्डवानाम् ।</span>
<span class="shloka-line">स पाञ्चालानां वासुदेवेन सार्द्धमज्ञातवासं समतीत्य मोदताम् ॥ ५०॥</span>
</div>
</div>
</div>

<div class="verse" id="MBTN_C23_S01_V51" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्योधनाद्याः सूतपुत्रेण सार्द्धं ससौबलेया युधि पार्थपीडिताः ।</span>
<span class="shloka-line">भीष्मादिभिः सार्द्धमुपेत्य नागपुरं मन्त्रं मन्त्रयामासुरत्र ॥ ५१॥</span>
</div>
</div>
</div>

<div class="verse" id="MBTN_C23_S01_V52" type="shloka" data-doc="MBTN">
<div class="verse-text">
<div class="shloka">
<span class="shloka-line">अज्ञातवासे फल्गुनो नोऽद्य दृष्टस्तस्मात् पुनर्यान्तु पार्था वनाय ।</span>
<span class="shloka-line">इति ब्रुवाणानाह भीष्मोऽभ्यतीतमज्ञातवासं द्रोण आहैवमेव ॥ ५२॥</span>
</div>
</div>
</div>

<div class="verse" id="MBTN_C23_S01_V53" type="shloka" data-doc="MBTN">
<div class="verse-text">
<div class="shloka">
<span class="shloka-line">तयोर्वाक्यं ते त्वनादृत्य पापा वनं पार्थाः पुनरेव प्रयान्तु ।</span>
<span class="shloka-line">इति दूतं प्रेषयामासुरत्र जानन्ति विप्रा इति धर्मजोऽवदत् ॥ ५३॥</span>
</div>
</div>
</div>

<div class="verse" id="MBTN_C23_S01_V54" type="shloka" data-doc="MBTN">
<div class="verse-text">
<div class="shloka">
<span class="shloka-line">सौरमासानुसारेण धार्तराष्ट्रा अपूर्णताम् ।</span>
<span class="shloka-line">आहुश्चान्द्रेण मासेन पूर्णः कालोऽखिलोऽप्यसौ ॥ ५४॥</span>
</div>
</div>
</div>

<div class="verse" id="MBTN_C23_S01_V55" type="shloka" data-doc="MBTN">
<div class="verse-text">
<div class="shloka">
<span class="shloka-line">दिनानामधिपः सूर्यः पक्षमासाधिपः शशी ।</span>
<span class="shloka-line">तस्मात् सौम्याब्दमेवात्र मुख्यमाहुर्मनीषिणः ।</span>
<span class="shloka-line">सौम्यं कालं ततो यज्ञे गृह्णन्ति नतु सूर्यजम् ॥ ५५॥</span>
</div>
</div>
</div>

<div class="verse" id="MBTN_C23_S01_V56" type="shloka" data-doc="MBTN">
<div class="verse-text">
<div class="shloka">
<span class="shloka-line">तदेतदविचार्यैव लोभाच्च धृतराष्ट्रजैः ।</span>
<span class="shloka-line">राज्यं न दत्तं पार्थेभ्यः पार्थाः कालस्य पूर्णताम् ।</span>
<span class="shloka-line">ख्यापयन्तो विप्रवरैरुपप्लाव्यमुपाययुः ॥ ५६॥</span>
</div>
</div>
</div>

<div class="verse" id="MBTN_C23_S01_V57" type="shloka" data-doc="MBTN">
<div class="verse-text">
<div class="shloka">
<span class="shloka-line">सुवासुदेवा अखिलैश्च यादवैः पाञ्चालमत्स्यैश्च युताः सभार्याः ।</span>
<span class="shloka-line">उपप्लाव्ये ते कतिचिद् दिनानि वासं चक्रुः कृष्णसंशिक्षितार्थाः ॥ ५७॥</span>
</div>
</div>
</div>

<div class="gr-author-note">इति श्रीमदानन्दतीर्थभगवत्पादाचार्यविरचिते श्रीमहाभारततात्पर्यनिर्णये अज्ञातवाससमाप्तिर्नाम त्रयोविंशोऽध्यायः</div>

== चतुर्विंशोऽध्यायः ==
<span id="gr-C24-S1" class="gr-toc-anchor" data-level="2" data-title="सर्वशास्त्रतात्पर्यनिर्णयः"></span>
=== सर्वशास्त्रतात्पर्यनिर्णयः ===
<div class="adhyaya-block" data-doc="MBTN" data-chap="24" data-sec="1">
</div>
<div class="verse" id="MBTN_C24_S01_V01" type="shloka" data-doc="MBTN">
<div class="verse-text">
<div class="shloka">
<span class="shloka-line">औं ॥ ततः सम्मन्त्र्यानुमते(अनुमतेः) कृष्णस्य स्वपुरोहितम् ।</span>
<span class="shloka-line">द्रुपदः प्रेषयामास धृतराष्ट्राय शान्तये ॥ १॥</span>
</div>
</div>
</div>

<div class="verse" id="MBTN_C24_S01_V02" type="shloka" data-doc="MBTN">
<div class="verse-text">
<div class="shloka">
<span class="shloka-line">स गत्वा धृतराष्ट्रं तं भीष्मद्रोणादिभिर्युतम् ।</span>
<span class="shloka-line">उवाच न विरोधस्त उत्पाद्यो धर्मसूनुना ।</span>
<span class="shloka-line">यस्य भीमार्जुनौ यौधौ नेता यस्य जनार्दनः ॥ २॥</span>
</div>
</div>
</div>

<div class="verse" id="MBTN_C24_S01_V03" type="shloka" data-doc="MBTN">
<div class="verse-text">
<div class="shloka">
<span class="shloka-line">श्रुतास्ते भीमनिहता जरासन्धादयोऽखिलाः ।</span>
<span class="shloka-line">यथा च रुद्रवचनादवध्या राक्षसाधिपाः ॥ ३॥</span>
</div>
</div>
</div>

<div class="verse" id="MBTN_C24_S01_V04" type="shloka" data-doc="MBTN">
<div class="verse-text">
<div class="shloka">
<span class="shloka-line">तीर्थविघ्नकराः सर्वतीर्थान्याच्छाद्य संस्थिताः ।</span>
<span class="shloka-line">तिस्रः कोट्यो महावीर्या भीमेनैव निषूदिताः (निसूदिताः) ॥ ४॥</span>
</div>
</div>
</div>

<div class="verse" id="MBTN_C24_S01_V05" type="shloka" data-doc="MBTN">
<div class="verse-text">
<div class="shloka">
<span class="shloka-line">भ्रातॄणां ब्राह्मणानां च लोकानां च हितैषिणा ।</span>
<span class="shloka-line">ततो हि सर्वतीर्थानि गम्यान्यासन् नृणां क्षितौ ॥ ५॥</span>
</div>
</div>
</div>

<div class="verse" id="MBTN_C24_S01_V06" type="shloka" data-doc="MBTN">
<div class="verse-text">
<div class="shloka">
<span class="shloka-line">यथा जटासुरः पापः शर्वाणीवरसंश्रयात् ।</span>
<span class="shloka-line">अवध्यो विप्ररूपेण वञ्चयन्नेव पाण्डवान् ॥ ६॥</span>
</div>
</div>
</div>

<div class="verse" id="MBTN_C24_S01_V07" type="shloka" data-doc="MBTN">
<div class="verse-text">
<div class="shloka">
<span class="shloka-line">ज्ञात्वाऽपि भीमसेनेन विप्ररूपस्य नो वधः ।</span>
<span class="shloka-line">योग्य इत्यहतो भीमे मृगयार्थं गते क्‍वचित् ॥ ७॥</span>
</div>
</div>
</div>

<div class="verse" id="MBTN_C24_S01_V08" type="shloka" data-doc="MBTN">
<div class="verse-text">
<div class="shloka">
<span class="shloka-line">यमौ युधिष्ठिरं कृष्णां चाऽदायैव पराद्रवत् ।</span>
<span class="shloka-line">दृष्टो भीमेन तांस्त्यक्त्वा संसक्तस्तेन सङ्गरे ॥ ८॥</span>
</div>
</div>
</div>

<div class="verse" id="MBTN_C24_S01_V09" type="shloka" data-doc="MBTN">
<div class="verse-text">
<div class="shloka">
<span class="shloka-line">निपात्य भूमौ पादेन सञ्चूर्णितशिरास्तमः ।</span>
<span class="shloka-line">जगाम किमु ते पुत्राः शक्या हन्तुमिति स्म ह ॥ ९॥</span>
</div>
</div>
</div>

<div class="verse" id="MBTN_C24_S01_V10" type="shloka" data-doc="MBTN">
<div class="verse-text">
<div class="shloka">
<span class="shloka-line">निवातकवचाश्चैव हताः पार्थेन ते श्रुताः ।</span>
<span class="shloka-line">जानासि च हरेर्वीर्यं यस्येदमखिलं वशे ।</span>
<span class="shloka-line">सब्रह्मरुद्रशक्राद्यं चेतनाचेतनात्मकम् ॥ १०॥</span>
</div>
</div>
</div>

<div class="verse" id="MBTN_C24_S01_V11" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मादेतैः पालितस्य धर्मजस्य स्वकं वसु ।</span>
<span class="shloka-line">दीयतामिति तेनोक्तो धृतराष्ट्रो नचाकरोत् ॥ ११॥</span>
</div>
</div>
</div>

<div class="verse" id="MBTN_C24_S01_V12" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः सहैव यदुभिः कृष्णं द्वारवतीं गतम् ।</span>
<span class="shloka-line">युद्धसाहाय्यमिच्छन्तौ धार्तराष्ट्रधनञ्जयौ ॥ १२॥</span>
</div>
</div>
</div>

<div class="verse" id="MBTN_C24_S01_V13" type="shloka" data-doc="MBTN">
<div class="verse-text">
<div class="shloka">
<span class="shloka-line">युगपद् ययतुस्तत्र वेगेनाजयदर्जुनम् ।</span>
<span class="shloka-line">दुर्योधनः शिरस्थान आसीनोऽभूद्धरेस्तदा ॥ १३॥</span>
</div>
</div>
</div>

<div class="verse" id="MBTN_C24_S01_V14" type="shloka" data-doc="MBTN">
<div class="verse-text">
<div class="shloka">
<span class="shloka-line">दर्पान्नाहं राजराज उपास्ये पादयोरिति ।</span>
<span class="shloka-line">तयोरागमनं पूर्वं ज्ञात्वैव हि हरिः प्रभुः ॥ १४॥</span>
</div>
</div>
</div>

<div class="verse" id="MBTN_C24_S01_V15" type="shloka" data-doc="MBTN">
<div class="verse-text">
<div class="shloka">
<span class="shloka-line">असुप्तः सुप्तवच्छिश्ये तत्रातिष्ठद् धनञ्जयः ।</span>
<span class="shloka-line">प्रणम्य पादयोः प्रह्वो भक्त्युद्रेकात् कृताञ्जलिः ॥ १५॥</span>
</div>
</div>
</div>

<div class="verse" id="MBTN_C24_S01_V16" type="shloka" data-doc="MBTN">
<div class="verse-text">
<div class="shloka">
<span class="shloka-line">तमैक्षत् प्रथमं देवो जानन्नपि सुयोधनम् ।</span>
<span class="shloka-line">स्वागतं फल्गुनेत्युक्ते पूर्वमागामहं त्विति ।</span>
<span class="shloka-line">आह दुर्योधनस्तं च स्वागतेनाभ्यपूजयत् ॥ १६॥</span>
</div>
</div>
</div>

<div class="verse" id="MBTN_C24_S01_V17" type="shloka" data-doc="MBTN">
<div class="verse-text">
<div class="shloka">
<span class="shloka-line">तयोरागमने हेतुं श्रुत्वा प्राह जनार्दनः ।</span>
<span class="shloka-line">एकः पूर्वागतोऽत्रान्यः पूर्वदृष्टो मया यतः ॥ १७॥</span>
</div>
</div>
</div>

<div class="verse" id="MBTN_C24_S01_V18" type="shloka" data-doc="MBTN">
<div class="verse-text">
<div class="shloka">
<span class="shloka-line">समं करिष्ये युवयोरेकत्राहं निरायुधः ।</span>
<span class="shloka-line">अन्यत्र दशलक्षं मे पुत्राः शूराः पदातयः ॥ १८॥</span>
</div>
</div>
</div>

<div class="verse" id="MBTN_C24_S01_V19" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्ते फल्गुनः कृष्णं वव्रे तद्भक्तिमान् यतः ।</span>
<span class="shloka-line">अन्यस्तत्राभक्तिमत्त्वाद् वव्रे गोपान् प्रयुद्ध्यतः ॥ १९॥</span>
</div>
</div>
</div>

<div class="verse" id="MBTN_C24_S01_V20" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्थानामेव साहाय्यं करिष्यन्नपि केशवः ।</span>
<span class="shloka-line">तस्याभक्तिं दर्शयितुं चक्रे समवदीश्वरः ॥ २०॥</span>
</div>
</div>
</div>

<div class="verse" id="MBTN_C24_S01_V21" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः पार्थेन सहितः पाण्डवान् केशवो ययौ ।</span>
<span class="shloka-line">दुर्योधनो ययौ रामं स भयात् केशवस्य च ।</span>
<span class="shloka-line">न साहाय्यं करोमीति प्राह तत्स्नेहवानपि ॥ २१॥</span>
</div>
</div>
</div>

<div class="verse" id="MBTN_C24_S01_V22" type="shloka" data-doc="MBTN">
<div class="verse-text">
<div class="shloka">
<span class="shloka-line">उपप्लाव्ये सभायां हि तत्पक्षीयं वचो ब्रुवन् ।</span>
<span class="shloka-line">निराकृतः सात्यकिना समक्षं केशवस्य च ॥ २२॥</span>
</div>
</div>
</div>

<div class="verse" id="MBTN_C24_S01_V23" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो दुर्योधनं नायात् स च हार्दिक्यसंयुतः ।</span>
<span class="shloka-line">जगाम हस्तिनपुरमक्षोहिण्यो दशाभवन् ।</span>
<span class="shloka-line">एका च धार्तराष्ट्रस्य नानादेश्यैर्नृपैर्युताः ॥ २३॥</span>
</div>
</div>
</div>

<div class="verse" id="MBTN_C24_S01_V24" type="shloka" data-doc="MBTN">
<div class="verse-text">
<div class="shloka">
<span class="shloka-line">सप्त पाण्डुसुतानां च मत्स्यद्रुपदकेकयैः ।</span>
<span class="shloka-line">धृष्टकेतुजरासन्धसुतकाशीनृपैर्युताः ॥ २४॥</span>
</div>
</div>
</div>

<div class="verse" id="MBTN_C24_S01_V25" type="shloka" data-doc="MBTN">
<div class="verse-text">
<div class="shloka">
<span class="shloka-line">पुरुजित् कुन्तिभोजश्च चेकितानश्च सात्यकिः ।</span>
<span class="shloka-line">पाण्डवान् सेनया युक्ताः समीयुर्देवपक्षिणः ॥ २५॥</span>
</div>
</div>
</div>

<div class="verse" id="MBTN_C24_S01_V26" type="shloka" data-doc="MBTN">
<div class="verse-text">
<div class="shloka">
<span class="shloka-line">विन्दानुविन्दावावन्त्यौ जयत्सेनोऽन्यकैकयाः(अन्यकेकयाः) ।</span>
<span class="shloka-line">क्षेमधूर्तिर्दण्डधारः कलिङ्गोऽम्बष्ठ एव च ॥ २६॥</span>
</div>
</div>
</div>

<div class="verse" id="MBTN_C24_S01_V27" type="shloka" data-doc="MBTN">
<div class="verse-text">
<div class="shloka">
<span class="shloka-line">श्रुतायुरच्युतायुश्च बृहद्बलसुदक्षिणौ ।</span>
<span class="shloka-line">श्रुतायुधः सैन्धवश्च राक्षसोऽलम्बुसस्तथा ॥ २७॥</span>
</div>
</div>
</div>

<div class="verse" id="MBTN_C24_S01_V28" type="shloka" data-doc="MBTN">
<div class="verse-text">
<div class="shloka">
<span class="shloka-line">अलायुधोऽलम्बलश्च दैत्या दुर्योधनं ययुः ।</span>
<span class="shloka-line">गत्वा दुर्योधनाहूतो भगदत्तोऽपि तं ययौ ॥ २८॥</span>
</div>
</div>
</div>

<div class="verse" id="MBTN_C24_S01_V29" type="shloka" data-doc="MBTN">
<div class="verse-text">
<div class="shloka">
<span class="shloka-line">सपुत्रपौत्रो बाह्लीको भीष्मद्रोणकृपा अपि ।</span>
<span class="shloka-line">प्रीत्यर्थं धृतराष्ट्रस्य बभूवुस्तत्सुतानुगाः ॥ २९॥</span>
</div>
</div>
</div>

<div class="verse" id="MBTN_C24_S01_V30" type="shloka" data-doc="MBTN">
<div class="verse-text">
<div class="shloka">
<span class="shloka-line">पाण्ड्यश्च वीरसेनाख्यः पाण्डवानेव संश्रितः ।</span>
<span class="shloka-line">शल्यं च पाण्डवानेव यान्तं ज्ञात्वा सुयोधनः ।</span>
<span class="shloka-line">सुसभाः कारयामास सर्वभोगसमन्विताः ॥ ३०॥</span>
</div>
</div>
</div>

<div class="verse" id="MBTN_C24_S01_V31" type="shloka" data-doc="MBTN">
<div class="verse-text">
<div class="shloka">
<span class="shloka-line">ता युधिष्ठिरक्लृप्ताः स मत्वा शल्योऽब्रवीदिदम् ।</span>
<span class="shloka-line">य एताः(य एतत्) कारयामास तदभीष्टं करोम्यहम् ॥ ३१॥</span>
</div>
</div>
</div>

<div class="verse" id="MBTN_C24_S01_V32" type="shloka" data-doc="MBTN">
<div class="verse-text">
<div class="shloka">
<span class="shloka-line">लीनः श्रुत्वा धार्तराष्ट्रः सत्यं कुर्वित्यभाषत ।</span>
<span class="shloka-line">देहि मे युद्धसाहाय्यमिति सोऽपि यशोऽर्थयन् ।</span>
<span class="shloka-line">रक्षार्थमात्मवाक्यस्य तथेत्येवाभ्यभाषत ॥ ३२॥</span>
</div>
</div>
</div>

<div class="verse" id="MBTN_C24_S01_V33" type="shloka" data-doc="MBTN">
<div class="verse-text">
<div class="shloka">
<span class="shloka-line">स पाण्डवांस्ततो गत्वा तैरनुज्ञात एव च ।</span>
<span class="shloka-line">तेजोवधार्थं कर्णस्य धनञ्जयकृतेऽर्थितः ।</span>
<span class="shloka-line">तथेत्युक्त्वा ययौ धर्मनन्दनं कौरवान् प्रति ॥ ३३॥</span>
</div>
</div>
</div>

<div class="verse" id="MBTN_C24_S01_V34" type="shloka" data-doc="MBTN">
<div class="verse-text">
<div class="shloka">
<span class="shloka-line">सञ्जयं प्रेषयामास धृतराष्ट्रोऽथ शान्तये ।</span>
<span class="shloka-line">पाण्डवान् प्रत्यधर्मं च युद्धं स प्रत्यपादयत् ॥ ३४॥</span>
</div>
</div>
</div>

<div class="verse" id="MBTN_C24_S01_V35" type="shloka" data-doc="MBTN">
<div class="verse-text">
<div class="shloka">
<span class="shloka-line">हठवादेऽवदद् भीमो यं धर्मं द्रौपदी तथा ।</span>
<span class="shloka-line">तमेवोक्त्वा धर्मजस्तु चकार च निरुत्तरम् ।</span>
<span class="shloka-line">कृष्णोऽपि तस्य धर्मस्य प्रामाण्यं प्रत्यपादयत् ॥ ३५॥</span>
</div>
</div>
</div>

<div class="verse" id="MBTN_C24_S01_V36" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो निरुत्तरः कृष्णं पाण्डवांश्च प्रणम्य सः ।</span>
<span class="shloka-line">धृतराष्ट्रं ययौ तं च विनिन्द्य प्रययौ गृहम् ॥ ३६॥</span>
</div>
</div>
</div>

<div class="verse" id="MBTN_C24_S01_V37" type="shloka" data-doc="MBTN">
<div class="verse-text">
<div class="shloka">
<span class="shloka-line">निन्दितः सञ्जयेनासावाहूय विदुरं निशि ।</span>
<span class="shloka-line">पप्रच्छ सोऽवदद् धर्मं पार्थानां राज्यदापनम् ॥ ३७॥</span>
</div>
</div>
</div>

<div class="verse" id="MBTN_C24_S01_V38" type="shloka" data-doc="MBTN">
<div class="verse-text">
<div class="shloka">
<span class="shloka-line">ऐहिकस्य सुखस्यापि कारणं तदनिन्दितम् ।</span>
<span class="shloka-line">अन्यथा सर्वपुत्राणां नाशं धर्मातिलङ्घनम् ॥ ३८॥</span>
</div>
</div>
</div>

<div class="verse" id="MBTN_C24_S01_V39" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्र भावमकृत्वा स ज्ञानादिच्छन्नघक्षयम् ।</span>
<span class="shloka-line">विष्णोः स्वरूपं पप्रच्छ सोऽस्मरच्च सनातनम् ॥ ३९॥</span>
</div>
</div>
</div>

<div class="verse" id="MBTN_C24_S01_V40" type="shloka" data-doc="MBTN">
<div class="verse-text">
<div class="shloka">
<span class="shloka-line">स आगत्यावदत् तत्त्वं विष्णोर्मायाविनः शुभा ।</span>
<span class="shloka-line">न गतिश्चेत्यथ प्रातः सञ्जयः पाण्डवोदितम् ।</span>
<span class="shloka-line">अवदद् धृतराष्ट्राय सभायां कुरुसन्निधौ ॥ ४०॥</span>
</div>
</div>
</div>

<div class="verse" id="MBTN_C24_S01_V41" type="shloka" data-doc="MBTN">
<div class="verse-text">
<div class="shloka">
<span class="shloka-line">तच्छ्रुत्वा स तु भीतोऽपि पुत्रस्नेहानुगो नृपः ।</span>
<span class="shloka-line">राज्यं नादात् पाण्डवानां ततो धर्मसुतो नृपः ॥ ४१॥</span>
</div>
</div>
</div>

<div class="verse" id="MBTN_C24_S01_V42" type="shloka" data-doc="MBTN">
<div class="verse-text">
<div class="shloka">
<span class="shloka-line">यदुक्तवान् सञ्जयाय यदि दित्सतिः नः पिता ।</span>
<span class="shloka-line">राज्यं तदा त्वमागच्छ विदुरो वा न चेन्नच ।</span>
<span class="shloka-line">तावथानागतौ ज्ञात्वा मन्त्रयामास शौरिणा ॥ ४२॥</span>
</div>
</div>
</div>

<div class="verse" id="MBTN_C24_S01_V43" type="shloka" data-doc="MBTN">
<div class="verse-text">
<div class="shloka">
<span class="shloka-line">सोऽप्याहाहं गमिष्यामि सभायामृषिसन्निधौ ।</span>
<span class="shloka-line">वक्ष्ये पथ्यानि युक्तानि यदि नासौ ग्रहीष्यति ।</span>
<span class="shloka-line">वध्यः सर्वस्य लोकस्य स भवेत् सर्वधर्महा ॥ ४३॥</span>
</div>
</div>
</div>

<div class="verse" id="MBTN_C24_S01_V44" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्ते वैरमात्मोत्थं लोकमध्ये प्रहापयन् ।</span>
<span class="shloka-line">लोकसङ्ग्रहणार्थाय भीमसेनोऽब्रवीद् वचः ॥ ४४॥</span>
</div>
</div>
</div>

<div class="verse" id="MBTN_C24_S01_V45" type="shloka" data-doc="MBTN">
<div class="verse-text">
<div class="shloka">
<span class="shloka-line">नास्मन्निमित्तनाशः स्यात् कुलस्यापि वयं कुलम् ।</span>
<span class="shloka-line">रक्षितुं धार्तराष्ट्रस्य भवेमाधश्चरा इति ॥ ४५॥</span>
</div>
</div>
</div>

<div class="verse" id="MBTN_C24_S01_V46" type="shloka" data-doc="MBTN">
<div class="verse-text">
<div class="shloka">
<span class="shloka-line">इच्छताऽप्यखिलान् हन्तुं धार्तराष्ट्रान् दृढात्मना ।</span>
<span class="shloka-line">भीमेनोक्तो वासुदेवो लोकसङ्ग्रहणेच्छया ॥ ४६॥</span>
</div>
</div>
</div>

<div class="verse" id="MBTN_C24_S01_V47" type="shloka" data-doc="MBTN">
<div class="verse-text">
<div class="shloka">
<span class="shloka-line">वधं तेषां धर्ममेव लोके ख्यापयितुं हरिः ।</span>
<span class="shloka-line">आक्षिपन्निव भीमं तं युद्धाय प्रेरयद्(प्रैरयत्,प्रेरयद्) दृढम् ॥ ४७॥</span>
</div>
</div>
</div>

<div class="verse" id="MBTN_C24_S01_V48" type="shloka" data-doc="MBTN">
<div class="verse-text">
<div class="shloka">
<span class="shloka-line">अभिप्रायं केशवस्य जानन् भीमो निजं बलम् ।</span>
<span class="shloka-line">राज्ञां मध्येऽवदत् तच्च कृष्णोऽभ्यधिकमेव हि ॥ ४८॥</span>
</div>
</div>
</div>

<div class="verse" id="MBTN_C24_S01_V49" type="shloka" data-doc="MBTN">
<div class="verse-text">
<div class="shloka">
<span class="shloka-line">शशंस सत्यैः सद्वाक्यै राज्ञां मध्ये प्रकाशयन् ।</span>
<span class="shloka-line">वधं कुरूणां सद्धर्मं गुणान् भीमस्य चामितान् ॥ ४९॥</span>
</div>
</div>
</div>

<div class="verse" id="MBTN_C24_S01_V50" type="shloka" data-doc="MBTN">
<div class="verse-text">
<div class="shloka">
<span class="shloka-line">नित्यमेकमनस्कौ तावपि केशवमारुती ।</span>
<span class="shloka-line">एवं लोकस्य संवादहेतोः संवादमक्रताम् ॥ ५०॥</span>
</div>
</div>
</div>

<div class="verse" id="MBTN_C24_S01_V51" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः कृष्णोऽर्जुनं चैव कृपालुं सन्धिकामुकम् ।</span>
<span class="shloka-line">हेतुमद्भिः शुभैर्वाक्यैरनुनीय जगत्पतिः ।</span>
<span class="shloka-line">उक्तो मानुषया बुद्ध्या नकुलेन सुनीतिवत्(सुनीतवत्) ॥ ५१॥</span>
</div>
</div>
</div>

<div class="verse" id="MBTN_C24_S01_V52" type="shloka" data-doc="MBTN">
<div class="verse-text">
<div class="shloka">
<span class="shloka-line">शौर्यप्रकाशनायैव युद्धं योजयतां भवान् ।</span>
<span class="shloka-line">इत्युक्तः सहदेवेन युयुधानेन चाच्युतः ॥ ५२॥</span>
</div>
</div>
</div>

<div class="verse" id="MBTN_C24_S01_V53" type="shloka" data-doc="MBTN">
<div class="verse-text">
<div class="shloka">
<span class="shloka-line">दस्यूनां निग्रहो धर्मः क्षत्रियाणां यतः परः ।</span>
<span class="shloka-line">अतो न धार्तराष्ट्रैर्नः सन्धिः स्यादिति पार्षती ।</span>
<span class="shloka-line">जगाद कृष्णं सोऽप्येनां ओमित्युक्त्वा विनिर्ययौ ॥ ५३॥</span>
</div>
</div>
</div>

<div class="verse" id="MBTN_C24_S01_V54" type="shloka" data-doc="MBTN">
<div class="verse-text">
<div class="shloka">
<span class="shloka-line">ससात्यकिः स्यन्दनवर्यसंस्थितः पृथातनूजैरखिलैः स भूमिपैः ।</span>
<span class="shloka-line">अन्वागतो दूरतरं गिरा तान् संस्थाप्य विप्रप्रवरैः कुरून् ययौ ॥ ५४॥</span>
</div>
</div>
</div>

<div class="verse" id="MBTN_C24_S01_V55" type="shloka" data-doc="MBTN">
<div class="verse-text">
<div class="shloka">
<span class="shloka-line">एकोऽपि विष्णुः स तु(च) भार्गवात्मा व्यासात्मकश्चानुगतो मुनीन्द्रैः (व्यासः सशिष्यस्तदनन्यदृश्यः) ।</span>
<span class="shloka-line">ययौ तदुक्तेर्हि गुणान् प्रवेत्तुं नान्यो हि शक्तस्तमृते यतः प्रभुम् ॥ ५५॥</span>
</div>
</div>
</div>

<div class="verse" id="MBTN_C24_S01_V56" type="shloka" data-doc="MBTN">
<div class="verse-text">
<div class="shloka">
<span class="shloka-line">स वन्द्यमानोऽखिलराष्ट्रवासिभिः प्रसूनवर्षैरभिवर्षितः सुरैः ।</span>
<span class="shloka-line">संस्तूयमानः प्रणतोऽब्जजादिभिर्गजाह्वयं प्राप परोऽप्रमेयः ॥ ५६॥</span>
</div>
</div>
</div>

<div class="verse" id="MBTN_C24_S01_V57" type="shloka" data-doc="MBTN">
<div class="verse-text">
<div class="shloka">
<span class="shloka-line">स भीष्ममुख्यैः सरसाभियातः सहैव तै प्रययौ राजमार्गे ।</span>
<span class="shloka-line">दिदृक्षवस्तं जगदेकसुन्दरं गुणार्णवं प्राययुरत्र सर्वे ॥ ५७॥</span>
</div>
</div>
</div>

<div class="verse" id="MBTN_C24_S01_V58" type="shloka" data-doc="MBTN">
<div class="verse-text">
<div class="shloka">
<span class="shloka-line">सभाजितस्तैः(सम्भावितस्तैः) परमादरेण विवेश गेहं नृपतेरनन्तः ।</span>
<span class="shloka-line">स भीष्ममुख्यान् पुरतो निधाय वैचित्रवीर्येण समर्चितोऽजः ।</span>
<span class="shloka-line">रौग्मे(रौक्मे) निषण्णः परमासने प्रभुर्बभौ स्वभासा ककुभोऽवभासयन् ॥ ५८॥</span>
</div>
</div>
</div>

<div class="verse" id="MBTN_C24_S01_V59" type="shloka" data-doc="MBTN">
<div class="verse-text">
<div class="shloka">
<span class="shloka-line">यथोचितं तेषु विधाय केशवो दौर्योधनं प्राप्य गृहं च पूजितः ।</span>
<span class="shloka-line">पूजां तदीयां गुणवद्द्विडित्यसौ जग्राह नो विदुरं चाऽजगाम ॥ ५९॥</span>
</div>
</div>
</div>

<div class="verse" id="MBTN_C24_S01_V60" type="shloka" data-doc="MBTN">
<div class="verse-text">
<div class="shloka">
<span class="shloka-line">स भीष्मपूर्वैरभियाचितोऽपि जगाम नैषां गृहमादिदेवः ।</span>
<span class="shloka-line">उपेक्षिता द्रौपदीत्यप्रमेयो जगाम गेहं विदुरस्य शीघ्रम् ॥ ६०॥</span>
</div>
</div>
</div>

<div class="verse" id="MBTN_C24_S01_V61" type="shloka" data-doc="MBTN">
<div class="verse-text">
<div class="shloka">
<span class="shloka-line">स तेन भक्त्याऽभिगतः प्रसन्नः प्रविश्य चान्तर्गृहमीश्वरोऽजः ।</span>
<span class="shloka-line">भक्त्याऽभिपूर्णेन ससम्भ्रमेण सम्पूजितः सर्वसमर्पणेन ॥ ६१॥</span>
</div>
</div>
</div>

<div class="verse" id="MBTN_C24_S01_V62" type="shloka" data-doc="MBTN">
<div class="verse-text">
<div class="shloka">
<span class="shloka-line">परे दिनेऽसौ धृतराष्ट्रसूनुना समानीतः संसदि कौरवाणाम् ।</span>
<span class="shloka-line">विवेश दिव्ये मणिकाञ्चनासने सार्द्धं मुनीन्द्रैः परमार्थवेदिभिः ॥ ६२॥</span>
</div>
</div>
</div>

<div class="verse" id="MBTN_C24_S01_V63" type="shloka" data-doc="MBTN">
<div class="verse-text">
<div class="shloka">
<span class="shloka-line">सम्पूजितो भीष्ममुख्यैः समस्तै रराज राजीवसमाननेत्रः ।</span>
<span class="shloka-line">यथोचितास्तत्र विधाय वार्ता जगाद काले कलिकल्मषापहः ॥ ६३॥</span>
</div>
</div>
</div>

<div class="verse" id="MBTN_C24_S01_V64" type="shloka" data-doc="MBTN">
<div class="verse-text">
<div class="shloka">
<span class="shloka-line">वैचित्रवीर्य स्वकुलस्य वृद्ध्यै प्रदेहि राज्यं तव सत्सुताय ।</span>
<span class="shloka-line">यशश्च धर्मं परमं प्रसादं मम त्वमाप्नोषि तदैव राजन् ।</span>
<span class="shloka-line">अतोऽन्यथा यशसो धर्मतश्च हीनः प्रतीपत्वमुपैषि मेऽतः ॥ ६४॥</span>
</div>
</div>
</div>

<div class="verse" id="MBTN_C24_S01_V65" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरितः प्राह ममातिवर्तिनं सुतं स्वयं मे प्रतिबोधयेति ।</span>
<span class="shloka-line">स वासुदेवेन विबोधितोऽपि पापाभिसन्धिर्धृतराष्ट्रसूनुः ।</span>
<span class="shloka-line">उत्थाय तस्मादनुजैरमात्यैर्नियन्तुमीशं कुमतिर्व्यधान्मतिम् ॥ ६५॥</span>
</div>
</div>
</div>

<div class="verse" id="MBTN_C24_S01_V66" type="shloka" data-doc="MBTN">
<div class="verse-text">
<div class="shloka">
<span class="shloka-line">येये तदा केशवसंयमाय न्यमन्त्रयंस्ते विबुधप्रतीपाः ।</span>
<span class="shloka-line">अतो विकर्णप्रमुखा अपि स्म वध्यत्वमायन्नशुभां गतिं च ॥ ६६॥</span>
</div>
</div>
</div>

<div class="verse" id="MBTN_C24_S01_V67" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्णः सुराग्र्योऽपि(सुरांशोऽपि) सुयोधनार्थे(सुयोधनार्थं) न्यमन्त्रयद् भावतो नैव दुष्टः ।</span>
<span class="shloka-line">अतो गतिश्चास्य सुशोभनाऽभूद् येऽत्रानुकूलाः परमस्य ते शुभाः ॥ ६७॥</span>
</div>
</div>
</div>

<div class="verse" id="MBTN_C24_S01_V68" type="shloka" data-doc="MBTN">
<div class="verse-text">
<div class="shloka">
<span class="shloka-line">ऋषिभिर्जामदग्न्येन व्यासेनाप्यमितौजसा ।</span>
<span class="shloka-line">वासुदेवात्मकेनैव चैव त्रिरूपेणैव विष्णुना ॥ ६८॥</span>
</div>
</div>
</div>

<div class="verse" id="MBTN_C24_S01_V69" type="shloka" data-doc="MBTN">
<div class="verse-text">
<div class="shloka">
<span class="shloka-line">मातापितृभ्यां भीष्माद्यैरनुशिष्टोऽपि दुर्मतिः ।</span>
<span class="shloka-line">सुयोधनो मन्त्रयते मुकुन्दस्यानुबन्धनम् ॥ ६९॥</span>
</div>
</div>
</div>

<div class="verse" id="MBTN_C24_S01_V70" type="shloka" data-doc="MBTN">
<div class="verse-text">
<div class="shloka">
<span class="shloka-line">सात्यकिः कृतवर्मा च तच्छुश्रुवतुरञ्जसा ।</span>
<span class="shloka-line">संस्थाप्य कृतवर्माणं रहः सात्यकिरत्र च ।</span>
<span class="shloka-line">अभ्येत्य केशवं प्राह दुर्योधनविनिश्चयम् ॥ ७०॥</span>
</div>
</div>
</div>

<div class="verse" id="MBTN_C24_S01_V71" type="shloka" data-doc="MBTN">
<div class="verse-text">
<div class="shloka">
<span class="shloka-line">जानन्नप्यखिलं कृष्णस्तच्छ्रुत्वा सात्यकेर्मुखात् ।</span>
<span class="shloka-line">वैचित्रवीर्यमवदत् पश्य मामिति(मामपि) सर्वगम् ॥ ७१॥</span>
</div>
</div>
</div>

<div class="verse" id="MBTN_C24_S01_V72" type="shloka" data-doc="MBTN">
<div class="verse-text">
<div class="shloka">
<span class="shloka-line">अथ तेनाऽहुते पुत्रे सामात्ये पुरुषोत्तमः ।</span>
<span class="shloka-line">(स्वं रूपं) स्वरूपं दर्शयामास सर्वगं पूर्णसद्गुणम् ॥ ७२॥</span>
</div>
</div>
</div>

<div class="verse" id="MBTN_C24_S01_V73" type="shloka" data-doc="MBTN">
<div class="verse-text">
<div class="shloka">
<span class="shloka-line">तत् कालसूर्यामितदीप्ति सर्वजगद्भरं शाश्वतमप्रमेयम् ।</span>
<span class="shloka-line">दृष्ट्वैव चक्षूंषि सुयोधनाद्या न्यमीलयन् दीधितिवारितानि ॥ ७३॥</span>
</div>
</div>
</div>

<div class="verse" id="MBTN_C24_S01_V74" type="shloka" data-doc="MBTN">
<div class="verse-text">
<div class="shloka">
<span class="shloka-line">पिधाय रूपं पुनरेव तद्धरिर्वैचित्रवीर्येण समर्थितः पुनः ।</span>
<span class="shloka-line">कृत्वाऽन्धमेव प्रययौ सुयोधनं सहानुगं(सहानुजं) पापतमं प्रकाश्य ॥ ७४॥</span>
</div>
</div>
</div>

<div class="verse" id="MBTN_C24_S01_V75" type="shloka" data-doc="MBTN">
<div class="verse-text">
<div class="shloka">
<span class="shloka-line">अनन्तशक्तिः पुरुषोत्तमोऽसौ शक्तोऽपि दुर्योधनचित्तनिग्रहे ।</span>
<span class="shloka-line">नैव व्यधादेनमथोक्तकारिणं निपातयन्नन्धतमस्यनन्तः ॥ ७५॥</span>
</div>
</div>
</div>

<div class="verse" id="MBTN_C24_S01_V76" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनश्च कुन्तीगृहमेत्य कृष्णस्तयोद्योगं धर्मसुतस्य शिष्टम् ।</span>
<span class="shloka-line">श्रुत्वा ययौ सूर्यजमात्मयाने निधाय तस्यावददात्मजन्म ॥ ७६॥</span>
</div>
</div>
</div>

<div class="verse" id="MBTN_C24_S01_V77" type="shloka" data-doc="MBTN">
<div class="verse-text">
<div class="shloka">
<span class="shloka-line">आयाहि पार्थानिति (पाण्डूनिति) तद्वचः स नैवाकरोन्मानितो धार्तराष्ट्रैः ।</span>
<span class="shloka-line">संस्थाप्य तं भगवान् द्रौणये च रहोऽवदन्मित्रभावं पृथाजैः ॥ ७७॥</span>
</div>
</div>
</div>

<div class="verse" id="MBTN_C24_S01_V78" type="shloka" data-doc="MBTN">
<div class="verse-text">
<div class="shloka">
<span class="shloka-line">यावत् पितुर्मरणं सोऽपि मैत्रीं वव्रे पार्थैस्तं च विसृज्य कृष्णः ।</span>
<span class="shloka-line">ययौ कुरून् पूर्वमेवोद्विसृज्य पृथासुतानां स सकाशमीशः ॥ ७८॥</span>
</div>
</div>
</div>

<div class="verse" id="MBTN_C24_S01_V79" type="shloka" data-doc="MBTN">
<div class="verse-text">
<div class="shloka">
<span class="shloka-line">सम्प्रार्थितः पृथया चैव कर्णः पार्थैर्योगं याहि सूनुर्ममासि ।</span>
<span class="shloka-line">तेनाप्युक्ता वासविना विनाऽहं हन्यां सुतांस्ते न कथञ्चनेति ॥ ७९॥</span>
</div>
</div>
</div>

<div class="verse" id="MBTN_C24_S01_V80" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो ययुः कौरवाः पाण्डवाश्च कुरुक्षेत्रं योद्धुकामाः सकृष्णाः ।</span>
<span class="shloka-line">चक्रुश्च ते शिबिराण्यत्र सर्वे शुभे देशे पाण्डवाः कृष्णबुद्ध्या ॥ ८०॥</span>
</div>
</div>
</div>

<div class="gr-author-note">इति श्रीमदानन्दतीर्थभगवत्पादाचार्यविरचिते श्रीमहाभारततात्पर्यनिर्णये युद्धोद्योगो नाम चतुर्विंशोऽध्यायः}</div>

== पञ्चविंशोऽध्यायः ==
<span id="gr-C25-S1" class="gr-toc-anchor" data-level="2" data-title="सर्वशास्त्रतात्पर्यनिर्णयः"></span>
=== सर्वशास्त्रतात्पर्यनिर्णयः ===
<div class="adhyaya-block" data-doc="MBTN" data-chap="25" data-sec="1">
</div>
<div class="verse" id="MBTN_C25_S01_V01" type="shloka" data-doc="MBTN">
<div class="verse-text">
<div class="shloka">
<span class="shloka-line">औं ॥ ते सेने समरारम्भे समेते सागरोपमे ।</span>
<span class="shloka-line">भीमभीष्ममुखे वीक्ष्य प्राह वासविरच्युतम् ॥ १॥</span>
</div>
</div>
</div>

<div class="verse" id="MBTN_C25_S01_V02" type="shloka" data-doc="MBTN">
<div class="verse-text">
<div class="shloka">
<span class="shloka-line">‘सेनयोरुभयोर्मध्ये रथं स्थापय मेऽच्युत’(भ.गी.१.२१) ।</span>
<span class="shloka-line">इत्युक्तः स तथा चक्रे पार्थोऽपश्यच्च बान्धवान्(पार्थोऽपश्यत् स्वबान्धवान्) ।</span>
<span class="shloka-line">विससर्ज धनुः पापाशङ्की तत्राऽह माधवः ॥ २॥</span>
</div>
</div>
</div>

<div class="verse" id="MBTN_C25_S01_V03" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वधर्मो दुष्टदमनं धर्मज्ञानानुपालनम् ।</span>
<span class="shloka-line">क्षत्रियस्य तमुत्सृज्य निन्दितो यात्यधो ध्रुवम् ॥ ३॥</span>
</div>
</div>
</div>

<div class="verse" id="MBTN_C25_S01_V04" type="shloka" data-doc="MBTN">
<div class="verse-text">
<div class="shloka">
<span class="shloka-line">‘यतः प्रवृत्तिर्भूतानां येन सर्वमिदं ततम् ।</span>
<span class="shloka-line">स्वकर्मणा तमभ्यर्च्य सिद्धिं विन्दति मानवः’ ॥ ४॥ (भ.गी.१८.४६)</span>
</div>
</div>
</div>

<div class="verse" id="MBTN_C25_S01_V05" type="shloka" data-doc="MBTN">
<div class="verse-text">
<div class="shloka">
<span class="shloka-line">नच शोकस्त्वया कार्यो बन्धूनां निधनेच्छया (निधनेक्षया) ।</span>
<span class="shloka-line">देहस्य सर्वथा नाशादनाशाच्चेतनस्य च ॥ ५॥</span>
</div>
</div>
</div>

<div class="verse" id="MBTN_C25_S01_V06" type="shloka" data-doc="MBTN">
<div class="verse-text">
<div class="shloka">
<span class="shloka-line">सृष्टिस्थित्यप्ययाज्ञानबन्धमोक्षप्रवृत्तयः ।</span>
<span class="shloka-line">प्रकाशनियमौ चैव ब्रह्मेशादिक्षरस्य च ।</span>
<span class="shloka-line">अक्षरप्रकृतेश्चैव मत्त एव नचान्यतः ॥ ६॥</span>
</div>
</div>
</div>

<div class="verse" id="MBTN_C25_S01_V07" type="shloka" data-doc="MBTN">
<div class="verse-text">
<div class="shloka">
<span class="shloka-line">न मे कुतश्चित् सर्गाद्याः स्वातन्त्र्याद् गुणपूर्तितः ।</span>
<span class="shloka-line">अतः समाधिकाभावान्मम मद्वशमेव च ॥ ७॥</span>
</div>
</div>
</div>

<div class="verse" id="MBTN_C25_S01_V07" type="shloka" data-doc="MBTN">
<div class="verse-text">
<div class="shloka">
<span class="shloka-line">ज्ञात्वैषां निधनाद्यं च जीवादेरस्वतन्त्रताम् ।</span>
<span class="shloka-line">अस्वातन्त्र्यान्निवृत्तौ च मामनुस्मर युद्ध्य च ॥ ८॥</span>
</div>
</div>
</div>

<div class="verse" id="MBTN_C25_S01_V09" type="shloka" data-doc="MBTN">
<div class="verse-text">
<div class="shloka">
<span class="shloka-line">ये तु सर्वाणि कर्माणि मयि संन्यस्य मत्पराः ।</span>
<span class="shloka-line">अनन्येनैव योगेन मां ध्यायन्त उपासते ॥ ९॥</span>
</div>
</div>
</div>

<div class="verse" id="MBTN_C25_S01_V10" type="shloka" data-doc="MBTN">
<div class="verse-text">
<div class="shloka">
<span class="shloka-line">तेषामहं समुद्धर्ता मृत्युसंसारसागरात् ।</span>
<span class="shloka-line">भवामि नचिरात् पार्थ मय्यावेशितचेतसाम् ॥ १०॥ (भ.गी.१२.६-७)</span>
</div>
</div>
</div>

<div class="verse" id="MBTN_C25_S01_V11" type="shloka" data-doc="MBTN">
<div class="verse-text">
<div class="shloka">
<span class="shloka-line">मया ततमिदं सर्वं जगदव्यक्तमूर्तिना ।</span>
<span class="shloka-line">मत्स्थानि सर्वभूतानि नचाहं तेष्ववस्थितः ॥ ११॥ (भ.गी.९.४)</span>
</div>
</div>
</div>

<div class="verse" id="MBTN_C25_S01_V12" type="shloka" data-doc="MBTN">
<div class="verse-text">
<div class="shloka">
<span class="shloka-line">(सम्पूर्णसत्सर्व)सुपूर्णसत्सर्वगुणदेहोऽहं सर्वदा प्रभुः ।</span>
<span class="shloka-line">अस्पृष्टाखिलदोषैकनित्यसत्तनुरव्ययः ।</span>
<span class="shloka-line">इत्युक्तो वासविः प्राह व्याप्तं ते दर्शयेश मे(व्याप्तिं मे दर्शयस्व मे) ॥ १२॥</span>
</div>
</div>
</div>

<div class="verse" id="MBTN_C25_S01_V13" type="shloka" data-doc="MBTN">
<div class="verse-text">
<div class="shloka">
<span class="shloka-line">अथ दिव्यदृशं तस्य दत्वा व्याप्तं निजं वपुः ।</span>
<span class="shloka-line">देशतः कालतश्चैव पूर्णं सर्वगुणैः सदा ।</span>
<span class="shloka-line">दर्शयामास भगवान् यावत्यर्जुनयोग्यता ॥ १३॥</span>
</div>
</div>
</div>

<div class="verse" id="MBTN_C25_S01_V14" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्प्रार्थितः पुनः कृष्णस्तद्रूपं लोकमानतः ।</span>
<span class="shloka-line">पूर्ववद् दर्शयामास पुनश्चैनमशिक्षयत् ॥ १४॥</span>
</div>
</div>
</div>

<div class="verse" id="MBTN_C25_S01_V15" type="shloka" data-doc="MBTN">
<div class="verse-text">
<div class="shloka">
<span class="shloka-line">ज्ञानं ज्ञेयं प्रकृत्यादि(ज्ञानज्ञेयप्रकृत्यादि) ज्ञापयन् पुरुषोत्तमः ।</span>
<span class="shloka-line">तेनानुशिष्टः पार्थस्तु सशरं धनुराददे ॥ १५॥</span>
</div>
</div>
</div>

<div class="verse" id="MBTN_C25_S01_V16" type="shloka" data-doc="MBTN">
<div class="verse-text">
<div class="shloka">
<span class="shloka-line">अथ व्यूढेष्वनीकेषु नदन् वायुसुतोऽभ्ययात् ।</span>
<span class="shloka-line">समितिं धार्तराष्ट्राणां ते तं सर्वे न्यवारयन् ।</span>
<span class="shloka-line">ससृजुः शरवृष्टिं च भीमसेनस्य मूर्धनि ॥ १६॥</span>
</div>
</div>
</div>

<div class="verse" id="MBTN_C25_S01_V17" type="shloka" data-doc="MBTN">
<div class="verse-text">
<div class="shloka">
<span class="shloka-line">क्षिप्रं नैव प्रहर्तव्यं ज्ञातिषु प्रहरत्स्वपि ।</span>
<span class="shloka-line">इत्येवाप्रहरत्यस्मिन् शत्रुभिः शरविक्षते ॥ १७॥</span>
</div>
</div>
</div>

<div class="verse" id="MBTN_C25_S01_V18" type="shloka" data-doc="MBTN">
<div class="verse-text">
<div class="shloka">
<span class="shloka-line">अमुचन् धार्तराष्ट्रेषु शस्त्रवृष्टिं दुरासदाम् ।</span>
<span class="shloka-line">सौभद्रप्रमुखा वीराः सर्वे पाण्डुसुतात्मजाः ॥ १८॥</span>
</div>
</div>
</div>

<div class="verse" id="MBTN_C25_S01_V19" type="shloka" data-doc="MBTN">
<div class="verse-text">
<div class="shloka">
<span class="shloka-line">अपीडयंस्ताञ्छस्त्रौघैर्धार्तराष्ट्राः समन्ततः ।</span>
<span class="shloka-line">ररक्ष तान् वायुसुतो विसृजञ्छरसञ्चयान् ॥ १९॥</span>
</div>
</div>
</div>

<div class="verse" id="MBTN_C25_S01_V20" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्र भीमशरैर्नुन्ना धार्तराष्ट्राः समन्ततः ।</span>
<span class="shloka-line">भग्नास्तानथ गाङ्गेयो दिव्यास्त्रविदधारयत्(दिव्यास्त्रं व्यदधारयत्, दिव्यास्त्रविदधारयत्)) ॥ २०॥</span>
</div>
</div>
</div>

<div class="verse" id="MBTN_C25_S01_V21" type="shloka" data-doc="MBTN">
<div class="verse-text">
<div class="shloka">
<span class="shloka-line">अथ द्वन्द्वानि युद्धानि बभूवुर्विजिगीषताम् ।</span>
<span class="shloka-line">द्रोणपार्षतयोश्चैव शैनेयकृतवर्मणोः ॥ २१॥</span>
</div>
</div>
</div>

<div class="verse" id="MBTN_C25_S01_V22" type="shloka" data-doc="MBTN">
<div class="verse-text">
<div class="shloka">
<span class="shloka-line">दुःशासनेन वीरस्य माद्रेयस्य यवीयसः ।</span>
<span class="shloka-line">नकुलस्य विकर्णस्य कार्ष्णेयैर्दुर्मुखादिनाम् ॥ २२॥</span>
</div>
</div>
</div>

<div class="verse" id="MBTN_C25_S01_V23" type="shloka" data-doc="MBTN">
<div class="verse-text">
<div class="shloka">
<span class="shloka-line">वृत्ते द्वन्द्वमहायुद्धे तत्र धर्मजपक्षगाः ।</span>
<span class="shloka-line">जिता विनैव शैनेयं सोऽजयद्धृदिकात्मजम् ॥ २३॥</span>
</div>
</div>
</div>

<div class="verse" id="MBTN_C25_S01_V24" type="shloka" data-doc="MBTN">
<div class="verse-text">
<div class="shloka">
<span class="shloka-line">अथ भीष्मद्रोणमुखैर्भगदत्तादिभिस्तथा ।</span>
<span class="shloka-line">विद्राप्यमाणं स्वबलं स्थापयामास मारुतिः ॥ २४॥</span>
</div>
</div>
</div>

<div class="verse" id="MBTN_C25_S01_V25" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रोणं च भगदत्तं च कृपं दुर्योधनं तथा ।</span>
<span class="shloka-line">केवलं बाहुवीर्येण व्यजयद् भीमविक्रमः ।</span>
<span class="shloka-line">हत्वोत्तरं मद्रराजो व्यद्रावयदनीकिनीम् ॥ २५॥</span>
</div>
</div>
</div>

<div class="verse" id="MBTN_C25_S01_V26" type="shloka" data-doc="MBTN">
<div class="verse-text">
<div class="shloka">
<span class="shloka-line">अथ भीष्ममुदीर्णास्त्रं द्रावयन्तं वरूथिनीम् ।</span>
<span class="shloka-line">ससौमदत्तिं सौभद्रसहायोऽर्जुन आसदत् ॥ २६॥</span>
</div>
</div>
</div>

<div class="verse" id="MBTN_C25_S01_V27" type="shloka" data-doc="MBTN">
<div class="verse-text">
<div class="shloka">
<span class="shloka-line">सौभद्रं तत्र विक्रान्तमतीत्य द्युसरित्सुतः ।</span>
<span class="shloka-line">द्रावयामास पाञ्चालान् पश्यतः सव्यसाचिनः ॥ २७॥</span>
</div>
</div>
</div>

<div class="verse" id="MBTN_C25_S01_V28" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्य विक्रममालक्ष्य पार्थं तद्गौरवानुगम् ।</span>
<span class="shloka-line">दृष्ट्वा युधिष्ठिरो राजा क्रुद्धः सेनामपाहरत् ॥ २८॥</span>
</div>
</div>
</div>

<div class="verse" id="MBTN_C25_S01_V29" type="shloka" data-doc="MBTN">
<div class="verse-text">
<div class="shloka">
<span class="shloka-line">रात्रौ युधिष्ठिरश्चिन्तामाप्य पार्थं व्यगर्हयत् ।</span>
<span class="shloka-line">स कृष्णाद्यैः सान्त्वितश्च पुनर्युद्धाय निर्ययौ ॥ २९॥</span>
</div>
</div>
</div>

<div class="verse" id="MBTN_C25_S01_V30" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं भीष्मो दशाहानि सेनापत्यं चकार ह ।</span>
<span class="shloka-line">कृत्वाऽपि पाण्डवैर्युद्धं तत् कर्तुमकृतोपमम् ॥ ३०॥</span>
</div>
</div>
</div>

<div class="verse" id="MBTN_C25_S01_V31" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्णोऽर्द्धरथ इत्युक्त्वा तावद् युद्धात् प्रयापितः(प्रहापितः) ।</span>
<span class="shloka-line">यावत् त्वं योत्स्यसे तावन्न योत्स्यामीति निर्गते ॥ ३१॥</span>
</div>
</div>
</div>

<div class="verse" id="MBTN_C25_S01_V32" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्णेऽयुतरथानां(कर्णोऽयुतरथानां च) स नित्यशो वधमाहवे ।</span>
<span class="shloka-line">प्रतिजज्ञेऽकरोत् तच्च पुनश्चास्त्रविदां वरः ॥ ३२॥</span>
</div>
</div>
</div>

<div class="verse" id="MBTN_C25_S01_V33" type="shloka" data-doc="MBTN">
<div class="verse-text">
<div class="shloka">
<span class="shloka-line">सुसमर्थावपि वधे तस्य भीमधनञ्जयौ ।</span>
<span class="shloka-line">स्नेहेन यन्त्रितौ तस्य गौरवाच्चान्ववर्तताम् ॥ ३३॥</span>
</div>
</div>
</div>

<div class="verse" id="MBTN_C25_S01_V34" type="shloka" data-doc="MBTN">
<div class="verse-text">
<div class="shloka">
<span class="shloka-line">बभूवुस्तत्र युद्धानि चित्राणि सुबहूनि च ।</span>
<span class="shloka-line">तान्यम्बरे विमानस्था ब्रह्मरुद्रपुरस्सराः ।</span>
<span class="shloka-line">अपश्यन् देवताः सर्वा गन्धर्वाप्सरसोऽसुराः ॥ ३४॥</span>
</div>
</div>
</div>

<div class="verse" id="MBTN_C25_S01_V35" type="shloka" data-doc="MBTN">
<div class="verse-text">
<div class="shloka">
<span class="shloka-line">धृष्टद्युम्नो महेष्वासः प्रतिव्यूह्याऽपगासुतम् ।</span>
<span class="shloka-line">चक्रे युद्धानि सुबहून्यजेयः शत्रुभी रणे ॥ ३५॥</span>
</div>
</div>
</div>

<div class="verse" id="MBTN_C25_S01_V36" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्रोद्दधार कृष्णोऽपि फल्गुनं मृदुयोधिनम् ।</span>
<span class="shloka-line">दृष्ट्वा चक्रं तथोद्यम्य बाहुं भीष्माय जग्मिवान् ॥ ३६॥</span>
</div>
</div>
</div>

<div class="verse" id="MBTN_C25_S01_V37" type="shloka" data-doc="MBTN">
<div class="verse-text">
<div class="shloka">
<span class="shloka-line">तेन स्तुतो गृहीतश्च फल्गुनेन प्रणम्य च ।</span>
<span class="shloka-line">प्रार्थितो रथमारूढः पुनः शङ्खमपूरयत् ॥ ३७॥</span>
</div>
</div>
</div>

<div class="verse" id="MBTN_C25_S01_V38" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो भीष्मोऽर्जुनश्चैव शस्त्रास्त्रैरभ्यवर्षताम् ।</span>
<span class="shloka-line">अयत्नेन जितश्चैव फल्गुनेनाऽपगासुतः ॥ ३८॥</span>
</div>
</div>
</div>

<div class="verse" id="MBTN_C25_S01_V39" type="shloka" data-doc="MBTN">
<div class="verse-text">
<div class="shloka">
<span class="shloka-line">अयुतानि बहून्याजौ रथानां निजघान च ।</span>
<span class="shloka-line">जिताः सेनापहारं च चक्रुर्भीष्ममुखास्ततः ॥ ३९॥</span>
</div>
</div>
</div>

<div class="verse" id="MBTN_C25_S01_V40" type="shloka" data-doc="MBTN">
<div class="verse-text">
<div class="shloka">
<span class="shloka-line">कदाचिदग्रगो भीमो भीष्मद्रोणौ विसारथी ।</span>
<span class="shloka-line">कृत्वा विद्राप्य तानश्वान् भित्वा व्यूहं विवेश ह ॥ ४०॥</span>
</div>
</div>
</div>

<div class="verse" id="MBTN_C25_S01_V41" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनः संस्थापितरथौ विजित्यायत्नतो बली ।</span>
<span class="shloka-line">यतमानौ महेष्वासौ धार्तराष्ट्रान् जघान ह ।</span>
<span class="shloka-line">पञ्चविंशद्धतास्तत्र धार्तराष्ट्रा महाबलाः ॥ ४१॥</span>
</div>
</div>
</div>

<div class="verse" id="MBTN_C25_S01_V42" type="shloka" data-doc="MBTN">
<div class="verse-text">
<div class="shloka">
<span class="shloka-line">भगदत्तद्रौणिकृपशल्यदुर्योधनादयः ।</span>
<span class="shloka-line">सर्वे जिता द्राविताश्च सेना च बहुला हता ॥ ४२॥</span>
</div>
</div>
</div>

<div class="verse" id="MBTN_C25_S01_V43" type="shloka" data-doc="MBTN">
<div class="verse-text">
<div class="shloka">
<span class="shloka-line">विरथो व्यायुधश्चैव दृढवेधविमूर्च्छितः ।</span>
<span class="shloka-line">कृतो दुर्योधनः सर्वराज्ञां भीमेन पश्यताम् ॥ ४३॥</span>
</div>
</div>
</div>

<div class="verse" id="MBTN_C25_S01_V44" type="shloka" data-doc="MBTN">
<div class="verse-text">
<div class="shloka">
<span class="shloka-line">ततोऽपहारं सैन्यस्य जिताश्चक्रुश्च कौरवाः ।</span>
<span class="shloka-line">दुर्योधनो निशायां च ययौ यत्र नदीसुतः ।</span>
<span class="shloka-line">पीडितो भीमबाणैश्च क्षरद्गात्रो ननाम तम् ॥ ४४॥</span>
</div>
</div>
</div>

<div class="verse" id="MBTN_C25_S01_V45" type="shloka" data-doc="MBTN">
<div class="verse-text">
<div class="shloka">
<span class="shloka-line">उवाच हेतुना केन वयं जीवाम (क्षीयाम, जीयाम) सर्वदा ।</span>
<span class="shloka-line">पाण्डवाश्च जयं नित्यं लब्ध्वा हर्षमवाप्नुवन् ॥ ४५॥</span>
</div>
</div>
</div>

<div class="verse" id="MBTN_C25_S01_V46" type="shloka" data-doc="MBTN">
<div class="verse-text">
<div class="shloka">
<span class="shloka-line">तमाह भीष्मस्तेऽजेया देवास्ते धरणीं गताः ।</span>
<span class="shloka-line">विशेषतः केशवेन पालितास्तत्प्रियाः सदा ॥ ४६॥</span>
</div>
</div>
</div>

<div class="verse" id="MBTN_C25_S01_V47" type="shloka" data-doc="MBTN">
<div class="verse-text">
<div class="shloka">
<span class="shloka-line">मानसोत्तरशैले हि पुरा ब्रह्मपुरस्सराः ।</span>
<span class="shloka-line">स्थिता देवास्तदाऽपश्यद् ब्रह्मैको हरिमम्बरे ॥ ४७॥</span>
</div>
</div>
</div>

<div class="verse" id="MBTN_C25_S01_V48" type="shloka" data-doc="MBTN">
<div class="verse-text">
<div class="shloka">
<span class="shloka-line">स्तुत्वा सम्पूज्य भूमेः स भारावतरणाय तम् ।</span>
<span class="shloka-line">प्रार्थयामास तेनोक्तं देवानामवदद् विभुः ॥ ४८॥</span>
</div>
</div>
</div>

<div class="verse" id="MBTN_C25_S01_V49" type="shloka" data-doc="MBTN">
<div class="verse-text">
<div class="shloka">
<span class="shloka-line">अयं नारायणो देवः पुर्णानन्तगुणार्णवः ।</span>
<span class="shloka-line">आज्ञापयति वः सर्वान् प्रादुर्भावाय भूतले ।</span>
<span class="shloka-line">स्वयं च देवकीपुत्रो भविष्यति जगत्पतिः(जगत्प्रभुः) ॥ ४९॥</span>
</div>
</div>
</div>

<div class="verse" id="MBTN_C25_S01_V50" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं तेन समादिष्टा धर्मवाय्वादयोऽखिलाः ।</span>
<span class="shloka-line">अभवन् पाण्डवाद्यास्ते सेन्द्राः सह मरुद्गणाः ॥ ५०॥</span>
</div>
</div>
</div>

<div class="verse" id="MBTN_C25_S01_V51" type="shloka" data-doc="MBTN">
<div class="verse-text">
<div class="shloka">
<span class="shloka-line">स च नारायणो देवो देवकीनन्दनोऽभवत् ।</span>
<span class="shloka-line">तेनैते पालिताः पार्था अजेया देवसर्गिणः ।</span>
<span class="shloka-line">तस्मात् तैः सन्धिमन्विच्छ यदीच्छस्यपराभवम् ॥ ५१॥</span>
</div>
</div>
</div>

<div class="verse" id="MBTN_C25_S01_V52" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तो डम्भबुद्ध्यैव नत्वा विष्णुं ततो ययौ ।</span>
<span class="shloka-line">प्रातर्निर्यातयामास सेनां युद्धाय दुर्मतिः ॥ ५२॥</span>
</div>
</div>
</div>

<div class="verse" id="MBTN_C25_S01_V53" type="shloka" data-doc="MBTN">
<div class="verse-text">
<div class="shloka">
<span class="shloka-line">दिव्यौषधेन भीष्मस्य भूत्वा च निरुजस्ततः ।</span>
<span class="shloka-line">भीष्ममग्रे निधायैव ययौ युद्धाय दंशितः (दंसितः) ॥ ५३॥</span>
</div>
</div>
</div>

<div class="verse" id="MBTN_C25_S01_V54" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्राऽसीद् युद्धमतुलं भीमभीष्मानुयायिनाम् ।</span>
<span class="shloka-line">पाण्डवानां कुरूणां च शूराणामनिवर्तिनाम् ॥ ५४॥</span>
</div>
</div>
</div>

<div class="verse" id="MBTN_C25_S01_V55" type="shloka" data-doc="MBTN">
<div class="verse-text">
<div class="shloka">
<span class="shloka-line">धृष्टद्युम्नस्तत्र भीमानुयायी दुर्योधनस्यावरजैः प्रयुद्ध्यन् ।</span>
<span class="shloka-line">सम्मोहनास्त्रेण विमोहयित्वा विकर्णपूर्वानहनच्च सेनाम् ॥ ५५॥</span>
</div>
</div>
</div>

<div class="verse" id="MBTN_C25_S01_V56" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो द्रोणस्तान् समुत्थाप्य सर्वान् विज्ञानास्त्रेणाऽसदत् पार्षतं च ।</span>
<span class="shloka-line">तं भीमसेनः सूतहीनं विधाय व्यद्रावयच्छत्रुगणाञ्छरौघैः ॥ ५६॥</span>
</div>
</div>
</div>

<div class="verse" id="MBTN_C25_S01_V57" type="shloka" data-doc="MBTN">
<div class="verse-text">
<div class="shloka">
<span class="shloka-line">अथाऽसदत् कृतवर्मा रथेन धृष्टद्युम्नं सोऽभ्ययात् तावुभौ च ।</span>
<span class="shloka-line">ववर्षतुः शरवर्षैरथोग्रैस्तत्राकरोद् विरथं द्रौपदिस्तम् ॥ ५७॥</span>
</div>
</div>
</div>

<div class="verse" id="MBTN_C25_S01_V58" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन् जिते रथवीरे स्वयं तं दुर्योधनः पार्षतमाससाद ।</span>
<span class="shloka-line">तं भीमसेनो विरथायुधं च कृत्वा बाणेनाहनज्जत्रुदेशे ॥ ५८॥</span>
</div>
</div>
</div>

<div class="verse" id="MBTN_C25_S01_V59" type="shloka" data-doc="MBTN">
<div class="verse-text">
<div class="shloka">
<span class="shloka-line">विमूर्च्छितं तं रुधिरौघमुच्चैर्वमन्तमाशु स्वरथे निधाय ।</span>
<span class="shloka-line">कृपो ययौ मारुतिर्धार्तराष्ट्रीं व्यद्रावयत् पृतनां बाणपूगैः ॥ ५९॥</span>
</div>
</div>
</div>

<div class="verse" id="MBTN_C25_S01_V60" type="shloka" data-doc="MBTN">
<div class="verse-text">
<div class="shloka">
<span class="shloka-line">अथेन्द्रसूनुः केशवप्रेरितेन रथेन शत्रून् विधमञ्छरौघैः ।</span>
<span class="shloka-line">रथान् रणे पञ्चविंशत्सहस्रान् निनाय वैवस्वतसादनाय ॥ ६०॥</span>
</div>
</div>
</div>

<div class="verse" id="MBTN_C25_S01_V61" type="shloka" data-doc="MBTN">
<div class="verse-text">
<div class="shloka">
<span class="shloka-line">तमन्वगाद् (तमन्वयात्) युयुधानः सुधन्वा विद्रावयन् धार्तराष्ट्रस्य सेनाम् ।</span>
<span class="shloka-line">तमभ्ययात् सौमदत्तिस्तयोश्च सुयुद्धमासीदतिभैरवास्त्रम् ॥ ६१॥</span>
</div>
</div>
</div>

<div class="verse" id="MBTN_C25_S01_V62" type="shloka" data-doc="MBTN">
<div class="verse-text">
<div class="shloka">
<span class="shloka-line">पुत्रान् दशास्याऽशु निहत्य वीरः स सात्यकेः सौमदत्तिः सकाशे ।</span>
<span class="shloka-line">समर्पयामास शरीरदारणैः शरैरुभौ तौ विरथौ च चक्रतुः ॥ ६२॥</span>
</div>
</div>
</div>

<div class="verse" id="MBTN_C25_S01_V63" type="shloka" data-doc="MBTN">
<div class="verse-text">
<div class="shloka">
<span class="shloka-line">अथासिपाणिं युयुधानमाशु महासिहस्तेन च सौमदत्तिना ।</span>
<span class="shloka-line">आसादितं वीक्ष्य रथं स्वकीयमारोपयामास सुतोऽनिलस्य ॥ ६३॥</span>
</div>
</div>
</div>

<div class="verse" id="MBTN_C25_S01_V64" type="shloka" data-doc="MBTN">
<div class="verse-text">
<div class="shloka">
<span class="shloka-line">सुयोधनः सौमदत्तिं स्वकीयरथे व्यवस्थाप्य च भीमसेनात् ।</span>
<span class="shloka-line">अपाद्रवद् वासविर्भीष्ममाजौ समाससादाऽशु महेन्द्रकल्पः ॥ ६४॥</span>
</div>
</div>
</div>

<div class="verse" id="MBTN_C25_S01_V65" type="shloka" data-doc="MBTN">
<div class="verse-text">
<div class="shloka">
<span class="shloka-line">उभौ च तावस्त्रविदां प्रबर्हौ शरैर्महाशीविषसन्निकाशैः ।</span>
<span class="shloka-line">ततक्षतुर्नाकसदां समक्षं महाबलौ संयति जातदर्पौ ॥ ६५॥</span>
</div>
</div>
</div>

<div class="verse" id="MBTN_C25_S01_V66" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वबाहुवीर्येण जितः स भीष्मः किरीटिना लोकमहारथेन ।</span>
<span class="shloka-line">सेनामपाहृत्य ययौ निशायामासादितायामथ पाण्डवाश्च ॥ ६६॥</span>
</div>
</div>
</div>

<div class="verse" id="MBTN_C25_S01_V67" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः परेद्युः पुनरेव भीमभीष्मौ पुरस्कृत्य समीयतुस्ते ।</span>
<span class="shloka-line">सेने तदा सारथिहीनमाशु भीष्मं कृत्वा मारुतिरभ्ययात् परान् ।</span>
<span class="shloka-line">निपातितास्तेन रथेभवाजिनः प्रदुद्रुवुश्चावशिष्टाः समस्ताः ॥ ६७॥</span>
</div>
</div>
</div>

<div class="verse" id="MBTN_C25_S01_V68" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्योधनाद्येषु पराजितेषु भीष्मद्रोणद्रौणिपुरस्सरेषु ।</span>
<span class="shloka-line">महागजस्थो भगदत्त आगादायन् बाणं भीमसेनेऽमुचच्च(भीमसेने मुमोच) ॥ ६८॥</span>
</div>
</div>
</div>

<div class="verse" id="MBTN_C25_S01_V69" type="shloka" data-doc="MBTN">
<div class="verse-text">
<div class="shloka">
<span class="shloka-line">तेनातिविद्धे भीमसेनेऽस्य पुत्र उद्यच्छमानं पितरं निवार्य ।</span>
<span class="shloka-line">घटोत्कचोऽभ्यद्रवदाशु वीरः स्वमायया हस्तिचतुष्टयस्थः ॥ ६९॥</span>
</div>
</div>
</div>

<div class="verse" id="MBTN_C25_S01_V70" type="shloka" data-doc="MBTN">
<div class="verse-text">
<div class="shloka">
<span class="shloka-line">स वैष्णवास्त्रं भगदत्तसंस्थं विज्ञाय विष्णोर्वरतो विशेषतः ।</span>
<span class="shloka-line">अमोघमन्यत्र हरेर्मरुत्सुतः पुत्रे याते न स्वयमभ्यधावत् ॥ ७०॥</span>
</div>
</div>
</div>

<div class="verse" id="MBTN_C25_S01_V71" type="shloka" data-doc="MBTN">
<div class="verse-text">
<div class="shloka">
<span class="shloka-line">अनुग्रहादभ्यधिकादवध्यं जानन्नपि स्वं वासुदेवस्य नित्यम् ।</span>
<span class="shloka-line">तद्भक्तिवैशेष्यत एव तस्य सत्यं वाक्यं कर्तुमरिं नचायात् ।</span>
<span class="shloka-line">यदा स्वपुत्रेण जितो भवेत् स किम्वात्मनेत्येव तदा प्रवेत्तुम् ॥ ७१॥</span>
</div>
</div>
</div>

<div class="verse" id="MBTN_C25_S01_V72" type="shloka" data-doc="MBTN">
<div class="verse-text">
<div class="shloka">
<span class="shloka-line">स विस्मृतास्त्रस्तु यदा भवेत तदा भीमो भगदत्तं प्रयाति ।</span>
<span class="shloka-line">ऋते भीमं वाऽर्जुनं नास्त्रमेष प्रमुञ्चतीत्येव हि वेद भीमः ॥ ७२॥</span>
</div>
</div>
</div>

<div class="verse" id="MBTN_C25_S01_V73" type="shloka" data-doc="MBTN">
<div class="verse-text">
<div class="shloka">
<span class="shloka-line">चतुर्गजात्मोपरिगात्मकश्च घटोत्कचः सुप्रतीकं च तं च ।</span>
<span class="shloka-line">नानाप्रहारैर्वितुदंश्चकार सन्दिग्धजीवौ जगतां समक्षम् ॥ ७३॥</span>
</div>
</div>
</div>

<div class="verse" id="MBTN_C25_S01_V74" type="shloka" data-doc="MBTN">
<div class="verse-text">
<div class="shloka">
<span class="shloka-line">गजार्तनादं तु निशम्य भीष्ममुखाः समापेतुरमुं च दृष्ट्वा ।</span>
<span class="shloka-line">महाकायं भीमममुष्य पृष्ठगोपं च वाय्वात्मजमत्रसन् भृशम् ।</span>
<span class="shloka-line">ते भीतभीताः पृतनापहारं कृत्वाऽपजग्मुः शिबिराय शीघ्रम् ॥ ७४॥</span>
</div>
</div>
</div>

<div class="verse" id="MBTN_C25_S01_V75" type="shloka" data-doc="MBTN">
<div class="verse-text">
<div class="shloka">
<span class="shloka-line">दिने परे चैव पुनः समेताः परस्परं पाण्डवाः कौरवास्ते ।</span>
<span class="shloka-line">तत्राऽसदन्नागसुतासमुद्भवः पार्थात्मजः शाकुनेयान् षडेकः ॥ ७५॥</span>
</div>
</div>
</div>

<div class="verse" id="MBTN_C25_S01_V76" type="shloka" data-doc="MBTN">
<div class="verse-text">
<div class="shloka">
<span class="shloka-line">तैः प्रासहस्तैः क्षतकायोऽतिरूढकोपः स खड्गेन चकर्त तेषाम् ।</span>
<span class="shloka-line">शिरांसि वीरो बलवानिरावान् भयं दधद् धार्तराष्ट्रेषु चोग्रम् ॥ ७६॥</span>
</div>
</div>
</div>

<div class="verse" id="MBTN_C25_S01_V77" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्ट्वा तमुग्रं धृतराष्ट्रपुत्रो दिदेश रक्षोऽलम्बुसनामधेयम् ।</span>
<span class="shloka-line">जह्यार्जुनिं क्षिप्रमिति स्म तच्च समासदन्नागसुतातनूजम्(नागसुतासमुद्भवम्) ॥ ७७॥</span>
</div>
</div>
</div>

<div class="verse" id="MBTN_C25_S01_V78" type="shloka" data-doc="MBTN">
<div class="verse-text">
<div class="shloka">
<span class="shloka-line">तयोरभूद् युद्धमतीव दारुणं मायायुजोर्वीर्यवतोर्महाद्भुतम् ।</span>
<span class="shloka-line">ससादिनोऽश्वान् स तु राक्षसोऽसृजत् ते पार्थपुत्रस्य च सादिनोऽहनन्(अहनत्) ।</span>
<span class="shloka-line">ततस्त्वनन्ताकृतिमाप्तमार्जुनिं सुपर्णरूपोऽहनदाशु राक्षसः ॥ ७८॥</span>
</div>
</div>
</div>

<div class="verse" id="MBTN_C25_S01_V79" type="shloka" data-doc="MBTN">
<div class="verse-text">
<div class="shloka">
<span class="shloka-line">हतं निशम्याऽर्जुनिमुग्रपौरुषो ननाद कोपेन वृकोदरात्मजः ।</span>
<span class="shloka-line">चचाल भूर्नानदतोऽस्य रावतः ससागरागेन्द्रनगा भृशं तदा ॥ ७९॥</span>
</div>
</div>
</div>

<div class="verse" id="MBTN_C25_S01_V80" type="shloka" data-doc="MBTN">
<div class="verse-text">
<div class="shloka">
<span class="shloka-line">अलम्बुसस्तं प्रसमीक्ष्य मारुतेः सुतं बलाढ्यं भयतः पराद्रवत् ।</span>
<span class="shloka-line">पराद्रवन् धार्तराष्ट्रस्य सेनाः सर्वास्तमाराथ सुयोधनो नृपः ॥ ८०॥</span>
</div>
</div>
</div>

<div class="verse" id="MBTN_C25_S01_V81" type="shloka" data-doc="MBTN">
<div class="verse-text">
<div class="shloka">
<span class="shloka-line">स भीमपुत्रस्य जघान मन्त्रिणो महाबलांश्चतुरोऽन्यांस्तथैव ।</span>
<span class="shloka-line">हतावशेषेषु च विद्रवत्सु घटोत्कचोऽभ्याहनदाशु तं नृपम् ॥ ८१॥</span>
</div>
</div>
</div>

<div class="verse" id="MBTN_C25_S01_V82" type="shloka" data-doc="MBTN">
<div class="verse-text">
<div class="shloka">
<span class="shloka-line">स पीड्यमानो युधि तेन रक्षसा प्रवेशयामास शरं घटोत्कचे ।</span>
<span class="shloka-line">दृढाहतस्तेन तदा बलीयसा घटोत्कचः प्रव्यथितेन्द्रियो भृशम् ।</span>
<span class="shloka-line">तस्थौ कथञ्चिद् भुवि पात्यमानः पुनः शरानप्यसृजत् सुयोधने ॥ ८२॥</span>
</div>
</div>
</div>

<div class="verse" id="MBTN_C25_S01_V83" type="shloka" data-doc="MBTN">
<div class="verse-text">
<div class="shloka">
<span class="shloka-line">चिरं प्रयुद्धौ नृपराक्षसाधिपौ परस्पराजेयतमौ रणाजिरे ।</span>
<span class="shloka-line">द्रोणादयो वीक्ष्य रिरक्षिषन्तः सुयोधनं प्रापुरमित्रसाहाः ॥ ८३॥</span>
</div>
</div>
</div>

<div class="verse" id="MBTN_C25_S01_V84" type="shloka" data-doc="MBTN">
<div class="verse-text">
<div class="shloka">
<span class="shloka-line">स द्रोणशल्यौ गुरुपुत्रगौतमौ भूरिश्रवःकृतवर्मादिकांश्च ।</span>
<span class="shloka-line">ववर्ष बाणैर्गगनं समाश्रितो घटोत्कचः स्थूलतमै सुवेगैः ॥ ८४॥</span>
</div>
</div>
</div>

<div class="verse" id="MBTN_C25_S01_V85" type="shloka" data-doc="MBTN">
<div class="verse-text">
<div class="shloka">
<span class="shloka-line">तमेकग्र्यै रथिभिः परिष्कृतं निरीक्ष्य भीमोऽभ्यगमत् समस्तान् ।</span>
<span class="shloka-line">द्रोणोऽत्र भीमप्रहितैः शरोत्तमैः सुपीडितः प्राप्तमूर्च्छः पपात ॥ ८५॥</span>
</div>
</div>
</div>

<div class="verse" id="MBTN_C25_S01_V86" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रौणिं कृपाद्यान् ससुयोधनांश्च चकार भीमो विरथान् क्षणेन ।</span>
<span class="shloka-line">निवार्यमाणांस्तु वृकोदरेण घटोत्कचस्तान् प्रववर्ष सायकैः ॥ ८६॥</span>
</div>
</div>
</div>

<div class="verse" id="MBTN_C25_S01_V87" type="shloka" data-doc="MBTN">
<div class="verse-text">
<div class="shloka">
<span class="shloka-line">तेनाम्बरस्थेन तरुप्रमाणैरभ्यर्दिताः कुरवः सायकौघैः ।</span>
<span class="shloka-line">भूमौ च भीमेन शरौघपीडिताः पेतुर्नेदुः प्राद्रवंश्चातिभीताः ॥ ८७॥</span>
</div>
</div>
</div>

<div class="verse" id="MBTN_C25_S01_V88" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वांश्च ताञ्छिबिरं प्रापयित्वा विना भीष्मं कौरवान् भीमसेनः ।</span>
<span class="shloka-line">घटोत्कचश्चानदतां महास्वनौ नादेन लोकानभिपूरयन्तौ ॥ ८८॥</span>
</div>
</div>
</div>

<div class="verse" id="MBTN_C25_S01_V89" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्योधनोऽथ स्वजनैः समेतः पुनः प्रायाद् रणभूमिं स भीष्मम् ।</span>
<span class="shloka-line">जयोपायं भैमसेनेरपृच्छत् स्वस्यैव स प्राह न तं व्रजेति ॥ ८९॥</span>
</div>
</div>
</div>

<div class="verse" id="MBTN_C25_S01_V90" type="shloka" data-doc="MBTN">
<div class="verse-text">
<div class="shloka">
<span class="shloka-line">प्राग्ज्योतिषं चैव घटोत्कचाय सम्प्रेषयामास सुरापगासुतः ।</span>
<span class="shloka-line">स प्राप्य हैडिम्बमयोधयद् बली स चार्दयामास सकुञ्जरं तम् ॥ ९०॥</span>
</div>
</div>
</div>

<div class="verse" id="MBTN_C25_S01_V91" type="shloka" data-doc="MBTN">
<div class="verse-text">
<div class="shloka">
<span class="shloka-line">तेनाहतः (तेनार्दितः) प्राहिणोच्छूलमस्मै वियत्यवप्लुत्य तदा घटोत्कचः ।</span>
<span class="shloka-line">प्रगृह्य शूलं प्रबभञ्ज जानुमारोप्य देवा जहृषुस्तदीक्ष्य ॥ ९१॥</span>
</div>
</div>
</div>

<div class="verse" id="MBTN_C25_S01_V92" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा स तस्यैव पदानुगान् नृपो जघान तं मारुतिरभ्ययाद् रणे ।</span>
<span class="shloka-line">स प्राहिणोद् भीमसेनाय वीरो गजं तमस्तम्भयदाशु सायकैः ॥ ९२॥</span>
</div>
</div>
</div>

<div class="verse" id="MBTN_C25_S01_V93" type="shloka" data-doc="MBTN">
<div class="verse-text">
<div class="shloka">
<span class="shloka-line">संस्तम्भिते बाणवरैस्तु नागे भीमस्याश्वान् सायकैरर्दयत्(आर्दयत्) सः ।</span>
<span class="shloka-line">सोऽभ्यर्दिताश्वोऽथ गदां प्रगृह्य हन्तुं नृपं तं सगजं समासदत् ॥ ९३॥</span>
</div>
</div>
</div>

<div class="verse" id="MBTN_C25_S01_V94" type="shloka" data-doc="MBTN">
<div class="verse-text">
<div class="shloka">
<span class="shloka-line">स हन्तुकामेन रुषाऽभिपन्नो भीमेन राजा पुरतः पृष्ठतश्च ।</span>
<span class="shloka-line">कृष्णेनास्त्रं वैष्णवं तद् गृहीतुं(ग्रहीतुं) सहार्जुनेनापययौ स भीतः ॥ ९४॥</span>
</div>
</div>
</div>

<div class="verse" id="MBTN_C25_S01_V95" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन् गते भीमसेनार्जुनाभ्यां विद्राविते राजसङ्घे समस्ते ।</span>
<span class="shloka-line">भीष्मः सेनामपहृत्यापयातो दुर्योधनस्तं निशि चोपजग्मिवान् ॥ ९५॥</span>
</div>
</div>
</div>

<div class="verse" id="MBTN_C25_S01_V96" type="shloka" data-doc="MBTN">
<div class="verse-text">
<div class="shloka">
<span class="shloka-line">संश्रावितः क्रूरवचः स तेन चक्रे सत्यं मृत्युभयं विहाय ।</span>
<span class="shloka-line">शक्त्या हनिष्यामि परानिति स्म चक्रे च तत् कर्म तथा परेद्युः ॥ ९६॥</span>
</div>
</div>
</div>

<div class="verse" id="MBTN_C25_S01_V97" type="shloka" data-doc="MBTN">
<div class="verse-text">
<div class="shloka">
<span class="shloka-line">तं शक्तितो जुगुपुर्धार्तराष्ट्रास्तेनार्दिताश्चेदिपाञ्चालमुख्याः ।</span>
<span class="shloka-line">पराद्रवन् भीष्मबाणोरुभीताः सिंहार्दिताः क्षुद्रमृगा इवाऽर्ताः ॥ ९७॥</span>
</div>
</div>
</div>

<div class="verse" id="MBTN_C25_S01_V98" type="shloka" data-doc="MBTN">
<div class="verse-text">
<div class="shloka">
<span class="shloka-line">संस्थाप्य तान् भीष्ममभिप्रयान्तमलम्बुसोऽवारयत् पार्थसूनुम् ।</span>
<span class="shloka-line">विजित्य तं केशवभागिनेयो ययौ भीष्मं धार्तराष्ट्रोऽमुमार ॥ ९८॥</span>
</div>
</div>
</div>

<div class="verse" id="MBTN_C25_S01_V99" type="shloka" data-doc="MBTN">
<div class="verse-text">
<div class="shloka">
<span class="shloka-line">तद् युद्धमासीन्नृपपार्थपुत्रयोर्विचित्रमत्यद्भुतमुग्ररूपम् ।</span>
<span class="shloka-line">समं चिरं तत्र धनुश्चकर्त ध्वजं च राजा सहसाऽभिमन्योः ॥ ९९॥</span>
</div>
</div>
</div>

<div class="verse" id="MBTN_C25_S01_V100" type="shloka" data-doc="MBTN">
<div class="verse-text">
<div class="shloka">
<span class="shloka-line">अथैनमुग्रैश्च शरैर्ववर्ष सूतं च तस्याऽशु जघान वीरः ।</span>
<span class="shloka-line">तदाऽऽसदद् भीमसेनो नृपं तं जघान चाश्वान् धृतराष्ट्रजस्य ॥ १००॥</span>
</div>
</div>
</div>

<div class="verse" id="MBTN_C25_S01_V101" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रोणो द्रौणिर्भगदत्तः कृपश्च सचित्रसेना अभ्ययुर्भीमसेनम् ।</span>
<span class="shloka-line">सर्वांश्च तान् विमुखीकृत्य भीमः स चित्रसेनाय गदां समाददे ॥ १०१॥</span>
</div>
</div>
</div>

<div class="verse" id="MBTN_C25_S01_V102" type="shloka" data-doc="MBTN">
<div class="verse-text">
<div class="shloka">
<span class="shloka-line">तामुद्यतां वीक्ष्य(तामुद्यतामीक्ष्य) पराद्रवंस्ते स चित्रसेनश्च रथादवप्लुतः ।</span>
<span class="shloka-line">सञ्चूर्णितो गदया तद्रथश्च तज्जीवनेनोद्धृषिताश्च कौरवाः ॥ १०२॥</span>
</div>
</div>
</div>

<div class="verse" id="MBTN_C25_S01_V103" type="shloka" data-doc="MBTN">
<div class="verse-text">
<div class="shloka">
<span class="shloka-line">भीष्मस्तु पाञ्चालकरूशचेदिष्वहन् सहस्राणि चतुर्दशोग्रः ।</span>
<span class="shloka-line">रथप्रबर्हानतितिग्मतेजा विद्रावयामास परानवीनिव ॥ १०३॥</span>
</div>
</div>
</div>

<div class="verse" id="MBTN_C25_S01_V104" type="shloka" data-doc="MBTN">
<div class="verse-text">
<div class="shloka">
<span class="shloka-line">विद्राप्य सर्वामपि पाण्डुसेनां विश्राव्य लोकेषु च कीर्तिमात्मनः ।</span>
<span class="shloka-line">सेनामपाहृत्य ययौ निशागमे संस्तूयमानो धृतराष्ट्रपुत्रैः ॥ १०४॥</span>
</div>
</div>
</div>

<div class="verse" id="MBTN_C25_S01_V105" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रोणो विराटस्य पुरो निहत्य शङ्खं सुतं तस्य विजित्य तं च ।</span>
<span class="shloka-line">विद्राव्य सेनामपि पाण्डवानां ययौ नदीजेन सहैव हृष्टः ॥ १०५॥</span>
</div>
</div>
</div>

<div class="verse" id="MBTN_C25_S01_V106" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमार्जुनावपि शत्रून् निहत्य विद्राप्य सर्वांश्च युधि प्रवीरान् ।</span>
<span class="shloka-line">युधिष्ठिरेणापहृते(युधिष्ठिरेणापि हृते) स्वसैन्ये भीतेन भीष्माच्छिबिरं प्रजग्मतुः ॥ १०६॥</span>
</div>
</div>
</div>

<div class="verse" id="MBTN_C25_S01_V107" type="shloka" data-doc="MBTN">
<div class="verse-text">
<div class="shloka">
<span class="shloka-line">युधिष्ठिरो भीष्मपराक्रमेण भीतो भीष्मं स्ववधोपायमेव ।</span>
<span class="shloka-line">प्रष्टुं ययौ निशि कृष्णोऽनुजाश्च तस्यान्वयुस्तं स पितामहो यत् ॥ १०७॥</span>
</div>
</div>
</div>

<div class="verse" id="MBTN_C25_S01_V108" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमार्जुनौ शक्नुवन्तावपि स्म नर्तेऽनुज्ञां हन्तुमिमं समैच्छताम् ।</span>
<span class="shloka-line">पूज्यो यतो भीष्म उदारकर्मा कृष्णोऽप्ययात्(कृष्णोऽप्यायात्) तेन हि पाण्डवार्थे ॥ १०८॥</span>
</div>
</div>
</div>

<div class="verse" id="MBTN_C25_S01_V109" type="shloka" data-doc="MBTN">
<div class="verse-text">
<div class="shloka">
<span class="shloka-line">प्राप्यानुज्ञां भीष्मतस्ते वधाय शिखण्डिनं तद्वचसाऽग्रयायिनम् ।</span>
<span class="shloka-line">कृत्वा परेद्युर्युधये विनिर्गता भीष्मं पुरस्कृत्य तथा परेऽपि(तथाऽपरेऽपि) ॥ १०९॥</span>
</div>
</div>
</div>

<div class="verse" id="MBTN_C25_S01_V110" type="shloka" data-doc="MBTN">
<div class="verse-text">
<div class="shloka">
<span class="shloka-line">शिखण्डिनो रक्षकः फल्गुनोऽभूद् भीष्मस्य दुःशासन आस चाग्रे ।</span>
<span class="shloka-line">अन्ये च सर्वे जुगुपुर्भीष्ममेव न्यवारयन् भीमसेनादयस्तान् ॥ ११०॥</span>
</div>
</div>
</div>

<div class="verse" id="MBTN_C25_S01_V111" type="shloka" data-doc="MBTN">
<div class="verse-text">
<div class="shloka">
<span class="shloka-line">भीष्माय यान्तं युयुधानमाजौ न्यवारयद् राक्षसोऽलम्बुसोऽथ ।</span>
<span class="shloka-line">तं वज्रकल्पैरतुदद् वृष्णिवीरः शरैः स मायामसृजत् तदोग्राम् ॥ १११॥</span>
</div>
</div>
</div>

<div class="verse" id="MBTN_C25_S01_V112" type="shloka" data-doc="MBTN">
<div class="verse-text">
<div class="shloka">
<span class="shloka-line">अस्त्रेण मायामपनुद्य वीरो व्यद्रावयद् राक्षसं सात्यकिस्तम् ।</span>
<span class="shloka-line">तस्मिन् गते युयुधानो रथेन ययौ भीष्मं पार्थमन्वेव धन्वी ॥ ११२॥</span>
</div>
</div>
</div>

<div class="verse" id="MBTN_C25_S01_V113" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रोणो द्रौणिर्धार्तराष्ट्रश्च राजा भूरिश्रवा भगदत्तः कृपश्च ।</span>
<span class="shloka-line">शल्यो बाह्लीकः कृतवर्मा सुशर्मा सर्वाश्च सेना वारिता वायुजेन ॥ ११३॥</span>
</div>
</div>
</div>

<div class="verse" id="MBTN_C25_S01_V114" type="shloka" data-doc="MBTN">
<div class="verse-text">
<div class="shloka">
<span class="shloka-line">स तान् मुहुर्विरथीकृत्य वीरः प्राग्ज्योतिषं सगजं द्रावयित्वा ।</span>
<span class="shloka-line">न्यवारयत् फल्गुनं योद्धुकामं पार्थश्च देवव्रतमाससाद ॥ ११४॥</span>
</div>
</div>
</div>

<div class="verse" id="MBTN_C25_S01_V115" type="shloka" data-doc="MBTN">
<div class="verse-text">
<div class="shloka">
<span class="shloka-line">युधिष्ठिरं भीष्ममभिप्रयान्तं माद्रीसुताभ्यां सहितं नृवीरम् ।</span>
<span class="shloka-line">न्यवारयच्छकुनिः सादिनां च युतोऽयुतेनैव वराश्वगेन ॥ ११५॥</span>
</div>
</div>
</div>

<div class="verse" id="MBTN_C25_S01_V116" type="shloka" data-doc="MBTN">
<div class="verse-text">
<div class="shloka">
<span class="shloka-line">तान् सादिनोऽश्वांश्च निहत्य सर्वान् विजित्य तं शकुनिं पाण्डवास्ते ।</span>
<span class="shloka-line">प्रापुर्भीष्मं द्रौपदेयाश्च सर्वे तथा विराटद्रुपदौ कुन्तिभोजः ॥ ११६॥</span>
</div>
</div>
</div>

<div class="verse" id="MBTN_C25_S01_V117" type="shloka" data-doc="MBTN">
<div class="verse-text">
<div class="shloka">
<span class="shloka-line">धृष्टद्युम्नं भीष्ममभिप्रयान्तं न्यवारयत् सैन्धवस्तं स बाणैः ।</span>
<span class="shloka-line">हत्वाश्वसूतं (हताश्वसूतं) सगणं द्रावयित्वा समासदद् भीष्ममेवाऽशु वीरः ॥ ११७॥</span>
</div>
</div>
</div>

<div class="verse" id="MBTN_C25_S01_V118" type="shloka" data-doc="MBTN">
<div class="verse-text">
<div class="shloka">
<span class="shloka-line">गुप्तोऽथ पार्थेन रणे शिखण्डी भीष्मं समासाद्य शरैरताडयत् ।</span>
<span class="shloka-line">भीष्मः स्त्रीत्वं तस्य जानन् न तस्मै मुमोच बाणान् स तु तं तुतोद ॥ ११८॥</span>
</div>
</div>
</div>

<div class="verse" id="MBTN_C25_S01_V119" type="shloka" data-doc="MBTN">
<div class="verse-text">
<div class="shloka">
<span class="shloka-line">शिखण्डिनं वारयामास बाणैर्दुर्मर्षणोऽमर्षणविह्वलेक्षणः ।</span>
<span class="shloka-line">नात्येतुमेनमशकच्छिखण्डी दुःशासनः पार्थमवारयत् तदा ॥ ११९॥</span>
</div>
</div>
</div>

<div class="verse" id="MBTN_C25_S01_V120" type="shloka" data-doc="MBTN">
<div class="verse-text">
<div class="shloka">
<span class="shloka-line">स लोकवीरोऽपि दुरात्मनाऽमुना रुद्धोऽशकन्नैनमतीत्य यातुम् ।</span>
<span class="shloka-line">भीष्मं पार्थः सायकाश्चास्य तस्मिन् ससज्जिरे पर्वतेष्वप्यसक्ताः(पर्वतेष्वप्यमुक्ताः) ॥ १२०॥</span>
</div>
</div>
</div>

<div class="verse" id="MBTN_C25_S01_V121" type="shloka" data-doc="MBTN">
<div class="verse-text">
<div class="shloka">
<span class="shloka-line">अमर्षयुक्तौ चिरमेव वीरावयुद्ध्यतामर्जुनधार्तराष्ट्रौ ।</span>
<span class="shloka-line">समं तदासीन्महदद्भुतं च दिवौकसां पश्यतां भूभृतां च ॥ १२१॥</span>
</div>
</div>
</div>

<div class="verse" id="MBTN_C25_S01_V122" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा विराटद्रुपदौ कुन्तिभोजं कृष्णासुतान् केकयांश्चेकितानम् ।</span>
<span class="shloka-line">भूरिश्रवाः (भूरिः शलः) सोमदत्तो विकर्णः सकैकया (सकेकया) वारयामासुरुच्चैः ॥ १२२॥</span>
</div>
</div>
</div>

<div class="verse" id="MBTN_C25_S01_V123" type="shloka" data-doc="MBTN">
<div class="verse-text">
<div class="shloka">
<span class="shloka-line">जित्वैव तांस्तेऽभिययुश्च भीष्मं (तदा)ततोऽर्जुनोऽतीत्य दुःशासनं च ।</span>
<span class="shloka-line">भीष्मं शरैरार्च्छदरिप्रमाथिभिः शिखण्डिनं धार्तराष्ट्राद् विमुच्य ॥ १२३॥</span>
</div>
</div>
</div>

<div class="verse" id="MBTN_C25_S01_V124" type="shloka" data-doc="MBTN">
<div class="verse-text">
<div class="shloka">
<span class="shloka-line">स तैः समस्तैर्बहुभिश्शस्त्रपूगैर्भृशं मर्मस्वर्दितश्चापमुक्तैः ।</span>
<span class="shloka-line">शरैः समस्तान् विरथांश्चकार शैनैयपाञ्चालयुधिष्ठिराद्यान् ॥ १२४॥</span>
</div>
</div>
</div>

<div class="verse" id="MBTN_C25_S01_V125" type="shloka" data-doc="MBTN">
<div class="verse-text">
<div class="shloka">
<span class="shloka-line">स चेदिपाञ्चालकरूशमुख्यान् रथोदारान् पञ्चविंशत्सहस्रान् ।</span>
<span class="shloka-line">सम्प्रेषयामास यमाय बाणैर्युगान्तकालेऽग्निरिव प्रवृद्धः ॥ १२५॥</span>
</div>
</div>
</div>

<div class="verse" id="MBTN_C25_S01_V126" type="shloka" data-doc="MBTN">
<div class="verse-text">
<div class="shloka">
<span class="shloka-line">निरीक्ष्य तं सूर्यमिवाऽतपन्तं सञ्चोदितो वासुदेवेन पार्थः ।</span>
<span class="shloka-line">चिच्छेद तत्कार्मुकं लोकवीरो रणेऽर्द्धचन्द्रेण स चान्यदाददे ॥ १२६॥</span>
</div>
</div>
</div>

<div class="verse" id="MBTN_C25_S01_V127" type="shloka" data-doc="MBTN">
<div class="verse-text">
<div class="shloka">
<span class="shloka-line">चिच्छेद तच्चैवमष्टौ धनूंषि शक्तिं च चर्मासिवरं पराणि ।</span>
<span class="shloka-line">धनूंषि दत्तानि नृभिर्नृपस्य सर्वाणि चिच्छेद स पाकशासनिः ॥ १२७॥</span>
</div>
</div>
</div>

<div class="verse" id="MBTN_C25_S01_V128" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः शरैः सूर्यकरप्रकाशैर्विव्याध सर्वे च युधिष्ठिराद्याः ।</span>
<span class="shloka-line">तैरर्दितो न्यपतद् भूतले स प्राणान् दधारापि तथोत्तरायणात् ॥ १२८॥</span>
</div>
</div>
</div>

<div class="verse" id="MBTN_C25_S01_V129" type="shloka" data-doc="MBTN">
<div class="verse-text">
<div class="shloka">
<span class="shloka-line">निपापितेऽस्मिन् मारुतिर्द्रोणमुख्यान् विद्राप्य तत्राऽगमदाशु तेऽपि ।</span>
<span class="shloka-line">तदायुधानि प्रणिधाय वीराः पार्थाः परे चैनमुपासदन् स्म ॥ १२९॥</span>
</div>
</div>
</div>

<div class="verse" id="MBTN_C25_S01_V130" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रणम्य तं तद्वचनात् समीयुस्तस्मिन् दिने शिबिराण्येव सर्वे ।</span>
<span class="shloka-line">परे दिने सर्व एवोपतस्थुर्भीष्मं यदूनाम्पतिना सहैव ॥ १३०॥</span>
</div>
</div>
</div>

<div class="verse" id="MBTN_C25_S01_V131" type="shloka" data-doc="MBTN">
<div class="verse-text">
<div class="shloka">
<span class="shloka-line">स पूर्वदिवसे पार्थदत्तबाणोपबर्हणः ।</span>
<span class="shloka-line">तदाऽपि तृट्परीतात्मा योग्यं(योग्य) पेयमयाचत ॥ १३१॥</span>
</div>
</div>
</div>

<div class="verse" id="MBTN_C25_S01_V132" type="shloka" data-doc="MBTN">
<div class="verse-text">
<div class="shloka">
<span class="shloka-line">धार्तराष्ट्रैरविज्ञातं तदभिज्ञाय(तदाभिज्ञाय) वासविः ।</span>
<span class="shloka-line">वारुणास्त्रेण भित्त्वा स भूमिं वारि सुगन्धि च ।</span>
<span class="shloka-line">ऊर्ध्वधारमदादास्ये(ऊर्ध्वधारामदादास्ये) तर्पितोऽनेन सोऽवदत् ॥ १३२॥</span>
</div>
</div>
</div>

<div class="verse" id="MBTN_C25_S01_V133" type="shloka" data-doc="MBTN">
<div class="verse-text">
<div class="shloka">
<span class="shloka-line">यादृश्यस्त्रज्ञता पार्थे दृष्टाऽत्र कुरुनन्दनाः ।</span>
<span class="shloka-line">यादृग् बाह्वोर्बलं भीमे संयुगेषु पुनः पुनः ॥ १३३॥</span>
</div>
</div>
</div>

<div class="verse" id="MBTN_C25_S01_V134" type="shloka" data-doc="MBTN">
<div class="verse-text">
<div class="shloka">
<span class="shloka-line">यादृशं चैव माहात्म्यमनन्तमजरं हरेः ।</span>
<span class="shloka-line">विज्ञातं सर्वलोकस्य सभायां दृष्टमेव च ॥ १३४॥</span>
</div>
</div>
</div>

<div class="verse" id="MBTN_C25_S01_V135" type="shloka" data-doc="MBTN">
<div class="verse-text">
<div class="shloka">
<span class="shloka-line">उपारमत तद् युद्धं सुखिनः सन्तु भूमिपाः ।</span>
<span class="shloka-line">यथोचितं विभक्तां च भुङ्ग्ध्वं भूपाः सदा भुवम् ।</span>
<span class="shloka-line">इत्युक्तः प्रययौ तूष्णीं धार्तराष्ट्रः स्वकं गृहम् ॥ १३५॥</span>
</div>
</div>
</div>

<div class="verse" id="MBTN_C25_S01_V136" type="shloka" data-doc="MBTN">
<div class="verse-text">
<div class="shloka">
<span class="shloka-line">व्यासदत्तोरुविज्ञानात् सञ्जयादखिलं पिता ।</span>
<span class="shloka-line">श्रुत्वा तदा पर्यतप्यत् पाण्डवाः कृष्णदेवताः ।</span>
<span class="shloka-line">मुमुदुः शिबिरं प्राप्य सर्वे कृष्णानुमोदिताः ॥ १३६॥</span>
</div>
</div>
</div>

<div class="gr-author-note">{इति श्रीमदानन्दतीर्थभगवत्पादाचार्यविरचिते श्रीमहाभारततात्पर्यनिर्णये भीष्मपातो नाम पञ्चविंशोऽध्यायः}</div>

== षड्विंशोऽध्यायः ==
<span id="gr-C26-S1" class="gr-toc-anchor" data-level="2" data-title="सर्वशास्त्रतात्पर्यनिर्णयः"></span>
=== सर्वशास्त्रतात्पर्यनिर्णयः ===
<div class="adhyaya-block" data-doc="MBTN" data-chap="26" data-sec="1">
</div>
<div class="verse" id="MBTN_C26_S01_V01" type="shloka" data-doc="MBTN">
<div class="verse-text">
<div class="shloka">
<span class="shloka-line">औं ॥ अथाखिलानां पृथिवीपतीनामाचार्यमग्र्यं रथिनां सुविद्यम् ।</span>
<span class="shloka-line">रामस्य विश्वाधिपतेः सुशिष्यं चक्रे चमूपं धृतराष्ट्रपुत्रः ॥ १॥</span>
</div>
</div>
</div>

<div class="verse" id="MBTN_C26_S01_V02" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्णोऽपि भीष्मानुमतो धनुष्मान् युद्धोद्यतोऽभूत् तदसत्कृतः पुरा ।</span>
<span class="shloka-line">तस्मिन् स्थितेऽनात्तधनुस्तदैव(अनात्तधनुस्तथैव) रथं समास्थाय गुरुं समन्वयात् ॥ २॥</span>
</div>
</div>
</div>

<div class="verse" id="MBTN_C26_S01_V03" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रोणो वृतो धार्तराष्ट्रेण धर्मसुतग्रहे तेन कृते प्रतिश्रवे ।</span>
<span class="shloka-line">ज्ञात्वा यत्ताः पाण्डवास्तं समीयुर्युद्धाय तत्राभवदुग्रयुद्धम् ॥ ३॥</span>
</div>
</div>
</div>

<div class="verse" id="MBTN_C26_S01_V04" type="shloka" data-doc="MBTN">
<div class="verse-text">
<div class="shloka">
<span class="shloka-line">पतत्रिभिस्तत्र दुधाव शात्रवान् द्रोणो धनुर्मण्डलमन्त्रनिस्सृतैः ।</span>
<span class="shloka-line">तमाससादाऽशु वृकोदरो नदंस्तमासदन्(नदन् समासदन्) द्रौणिकृपौ च मद्रराट् ॥ ४॥</span>
</div>
</div>
</div>

<div class="verse" id="MBTN_C26_S01_V05" type="shloka" data-doc="MBTN">
<div class="verse-text">
<div class="shloka">
<span class="shloka-line">स तान् विधूयाभ्यपतद् रणेऽग्रणीर्द्रोणं तमन्वार्जुनिरभ्ययात् परान् ।</span>
<span class="shloka-line">ववार तं मद्रपतिस्तयोरभूद् रणो महांस्तत्र गदां समाददे ।</span>
<span class="shloka-line">शल्योऽथ भीमोऽभिययौ गदाधरस्तमेतयोरत्र(गदाधरः समेतयोः) बभूव सङ्गरः ॥ ५॥</span>
</div>
</div>
</div>

<div class="verse" id="MBTN_C26_S01_V06" type="shloka" data-doc="MBTN">
<div class="verse-text">
<div class="shloka">
<span class="shloka-line">उभावजेयौ गदिनामनुत्तमावतुल्यवीर्यौ प्रवरौ बलीयसाम् ।</span>
<span class="shloka-line">विचेरतुश्चित्रतमं प्रपश्यतां मनोहरं तावभिनर्दमानौ ।</span>
<span class="shloka-line">गदाप्रपाताङ्कितवज्रगात्रौ ददर्श लोकोऽखिल एव तौ रणे ॥ ६॥</span>
</div>
</div>
</div>

<div class="verse" id="MBTN_C26_S01_V07" type="shloka" data-doc="MBTN">
<div class="verse-text">
<div class="shloka">
<span class="shloka-line">गदाभिघातेन वृकोदरस्य विचेतनः प्रापतदत्र मद्रराट् ।</span>
<span class="shloka-line">भीमोऽपि कोपात् प्रचलत्पदः क्षितौ निधाय जानुं सहसोत्थितः क्षणात् ॥ ७॥</span>
</div>
</div>
</div>

<div class="verse" id="MBTN_C26_S01_V08" type="shloka" data-doc="MBTN">
<div class="verse-text">
<div class="shloka">
<span class="shloka-line">विचेतनं पतितं मद्रराजं विलोक्य भीमं च तमाह्वयन्तम् ।</span>
<span class="shloka-line">रथं समारोप्य जनस्य पश्यतः पुरश्च भीमस्य कृपोऽपजग्मिवान् ॥ ८॥</span>
</div>
</div>
</div>

<div class="verse" id="MBTN_C26_S01_V09" type="shloka" data-doc="MBTN">
<div class="verse-text">
<div class="shloka">
<span class="shloka-line">विजित्य मद्राधिपमोजसाऽरिहा नदन् रथं प्राप्य निजं स मारुतिः ।</span>
<span class="shloka-line">व्यद्रावयद् बाणगणैः परेषामनीकिनीं द्रोणसमक्षमेव ॥ ९॥</span>
</div>
</div>
</div>

<div class="verse" id="MBTN_C26_S01_V10" type="shloka" data-doc="MBTN">
<div class="verse-text">
<div class="shloka">
<span class="shloka-line">विद्रावयत्याशु कुरून् वृकोदरे विधूय सौभद्रमुखान् ससात्यकीन् ।</span>
<span class="shloka-line">द्रोणोऽभिपेदे नृपतिं गृहीतुं तमाससादाऽशु धनञ्जयो रथी ॥ १०॥</span>
</div>
</div>
</div>

<div class="verse" id="MBTN_C26_S01_V11" type="shloka" data-doc="MBTN">
<div class="verse-text">
<div class="shloka">
<span class="shloka-line">स वासुदेवप्रयते रथे स्थितः शरैः शरीरान्तकरैः समन्ततः ।</span>
<span class="shloka-line">निहत्य नागाश्वरथान् प्रवर्तयन्नदृश्यताऽश्वेव च शोणितापगाः ॥ ११॥</span>
</div>
</div>
</div>

<div class="verse" id="MBTN_C26_S01_V12" type="shloka" data-doc="MBTN">
<div class="verse-text">
<div class="shloka">
<span class="shloka-line">निहन्यमानासु किरीटिना चमूष्वारक्षिते धर्मसुते तथाऽपदः ।</span>
<span class="shloka-line">चमूं च भीमार्जुनबाणभग्नां द्रोणोऽपहृत्यापययौ निशागमे ॥ १२॥</span>
</div>
</div>
</div>

<div class="verse" id="MBTN_C26_S01_V13" type="shloka" data-doc="MBTN">
<div class="verse-text">
<div class="shloka">
<span class="shloka-line">स धार्तराष्ट्रेण युधिष्ठिराग्रहात् संश्रावितः क्रूरवचो निशायाम् ।</span>
<span class="shloka-line">जगाद दूरं समराद् विनीयतां पार्थस्ततो धर्मसुतं ग्रहीष्ये ॥ १३॥</span>
</div>
</div>
</div>

<div class="verse" id="MBTN_C26_S01_V14" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः सुशर्मा सहितो महारथैः संशप्तकैर्दूरतरं प्रणेतुम् ।</span>
<span class="shloka-line">युद्धाय भीमानुजमाशु क्लृप्तो दुर्योधनेनोमिति सोऽप्यवादीत् ॥ १४॥</span>
</div>
</div>
</div>

<div class="verse" id="MBTN_C26_S01_V15" type="shloka" data-doc="MBTN">
<div class="verse-text">
<div class="shloka">
<span class="shloka-line">समाह्वयामासुरथार्जुनं ते प्रातर्हुताशस्य दिशं रणाय ।</span>
<span class="shloka-line">अयोधयत् तान् स च तत्र गत्वा भीमो गजानीकमथात्र चावधीत् ॥ १५॥</span>
</div>
</div>
</div>

<div class="verse" id="MBTN_C26_S01_V16" type="shloka" data-doc="MBTN">
<div class="verse-text">
<div class="shloka">
<span class="shloka-line">निहन्यमानेषु गजेषु (सङ्घशो)सर्वशो विद्राप्यमाणेष्वखिलेषु राजसु ।</span>
<span class="shloka-line">प्राग्ज्योतिषो धार्तराष्ट्रार्थितस्तं समासदत् सुप्रतीकेन धन्वी ॥ १६॥</span>
</div>
</div>
</div>

<div class="verse" id="MBTN_C26_S01_V17" type="shloka" data-doc="MBTN">
<div class="verse-text">
<div class="shloka">
<span class="shloka-line">विभीषिताः सुप्रतीकेन भीमहया न तस्थुस्तदनु स्म सात्यकिः ।</span>
<span class="shloka-line">सौभद्रमुख्याश्च गजं तमभ्ययुश्चिक्षेप तेषां स रथानथाम्बरे ॥ १७॥</span>
</div>
</div>
</div>

<div class="verse" id="MBTN_C26_S01_V18" type="shloka" data-doc="MBTN">
<div class="verse-text">
<div class="shloka">
<span class="shloka-line">शैनेयपूर्वेषु रथोज्झितेषु भूमाववप्लुत्य कथञ्चिदेव ।</span>
<span class="shloka-line">स्थितेषु भीमे च विभीषिताश्वान् संयम्य युद्ध्यत्यपि कृष्ण ऐक्षत् ॥ १८॥</span>
</div>
</div>
</div>

<div class="verse" id="MBTN_C26_S01_V19" type="shloka" data-doc="MBTN">
<div class="verse-text">
<div class="shloka">
<span class="shloka-line">सङ्क्लेशितो वैष्णवास्त्रं (विमुञ्चेत्) प्रमुञ्चेत् प्राग्ज्योतिषो भीमसेने ततोऽहम् ।</span>
<span class="shloka-line">याम्यार्जुनेनैव तदस्त्रमात्मनः स्वीकर्तुमन्येन वरादधार्यम् ॥ १९॥</span>
</div>
</div>
</div>

<div class="verse" id="MBTN_C26_S01_V20" type="shloka" data-doc="MBTN">
<div class="verse-text">
<div class="shloka">
<span class="shloka-line">इति स्म सञ्चिन्त्य सहार्जुनेन तत्राऽययावथ पार्थं त्रिगर्ताः ।</span>
<span class="shloka-line">न्यवारयंस्त्वाष्ट्रमस्त्रं स तेषु व्यवासृजन्मोहनायाऽशु वीरः ॥ २०॥</span>
</div>
</div>
</div>

<div class="verse" id="MBTN_C26_S01_V21" type="shloka" data-doc="MBTN">
<div class="verse-text">
<div class="shloka">
<span class="shloka-line">तदस्त्रवीर्येण विमोहितास्ते परस्परं कृष्णपार्थाविति स्म ।</span>
<span class="shloka-line">जघ्नुस्तदा वासविस्तान् विसृज्य प्राग्ज्योतिषं हन्तुमिहाभ्यगाद् द्रुतम् ॥ २१॥</span>
</div>
</div>
</div>

<div class="verse" id="MBTN_C26_S01_V22" type="shloka" data-doc="MBTN">
<div class="verse-text">
<div class="shloka">
<span class="shloka-line">विसृज्यं भीमं स च पार्थमेव ययौ गजस्कन्धगतो गजं तम् ।</span>
<span class="shloka-line">सञ्चोदयामास (सम्बोधयामास, प्रचोदयामास) रथाय तस्य चक्रेऽपसव्यं हरिरेनमाशु ॥ २२॥</span>
</div>
</div>
</div>

<div class="verse" id="MBTN_C26_S01_V23" type="shloka" data-doc="MBTN">
<div class="verse-text">
<div class="shloka">
<span class="shloka-line">मनोजवेनैव रथे परेण(वरेण) सम्भ्राम्यमाणे नतु तं गजः सः ।</span>
<span class="shloka-line">प्राप्तुं शशाकाथ शरैः सुतीक्ष्णैरभ्यर्दयामास नृपं स वासविः ॥ २३॥</span>
</div>
</div>
</div>

<div class="verse" id="MBTN_C26_S01_V24" type="shloka" data-doc="MBTN">
<div class="verse-text">
<div class="shloka">
<span class="shloka-line">अस्त्रैश्च शस्त्रैः सुचिरं नृवीरावयुद्ध्यतां तौ बलिनां प्रबर्हौ ।</span>
<span class="shloka-line">अथो चकर्तास्य धनुः स पार्थः स वैष्णवास्त्रं च तदाऽङ्कुशेऽकरोत् ॥ २४॥</span>
</div>
</div>
</div>

<div class="verse" id="MBTN_C26_S01_V25" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन्नस्त्रे तेन तदा प्रमुक्ते(प्रयुक्ते, प्रदत्ते) दधार तद् वासुदेवोऽमितौजाः ।</span>
<span class="shloka-line">तदंसदेशस्य तु वैजयन्ती बभूव मालाऽखिललोकभर्तुः ॥ २५॥</span>
</div>
</div>
</div>

<div class="verse" id="MBTN_C26_S01_V26" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्ट्वैव तद् धारितमच्युतेन पार्थः किमर्थं विधृतं त्वयेति ।</span>
<span class="shloka-line">ऊचे तमाहाऽशु जगन्निवासो मयाऽखिलं धार्यते सर्वदैव ॥ २६॥</span>
</div>
</div>
</div>

<div class="verse" id="MBTN_C26_S01_V27" type="shloka" data-doc="MBTN">
<div class="verse-text">
<div class="shloka">
<span class="shloka-line">न मादृशोऽन्योऽस्ति कुतः परो मत् सोऽहं चतुर्धा जगतो हिताय ।</span>
<span class="shloka-line">स्थितोऽस्मि मोक्षप्रलयस्थितीनां सृष्टेश्च कर्ता क्रमशः स्वमूर्तिभिः ।</span>
<span class="shloka-line">स वासुदेवादिचतुःस्वरूपः स्थितोऽनिरुद्धो हृदि चाखिलस्य ॥ २७॥</span>
</div>
</div>
</div>

<div class="verse" id="MBTN_C26_S01_V28" type="shloka" data-doc="MBTN">
<div class="verse-text">
<div class="shloka">
<span class="shloka-line">स एव च क्रोडतनुः पुराऽहं भूमिप्रियार्थं नरकाय चादाम् ।</span>
<span class="shloka-line">अस्त्रं मदीयं वरमस्य चादामवध्यतां यावदस्त्रं ससूनोः(स्वसूनोः, अस्त्रं च सूनोः) ॥ २८॥</span>
</div>
</div>
</div>

<div class="verse" id="MBTN_C26_S01_V29" type="shloka" data-doc="MBTN">
<div class="verse-text">
<div class="shloka">
<span class="shloka-line">अस्त्रस्य चान्यो नतु कश्चिदस्ति योऽवध्य एतस्य कुतश्च मत्तः ।</span>
<span class="shloka-line">इति स्म तेनैव मया धृतं तदस्त्रं तदेनं जहि चास्त्रहीनम् ॥ २९॥</span>
</div>
</div>
</div>

<div class="verse" id="MBTN_C26_S01_V30" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तमाकर्ण्य स केशवेन सम्मन्त्र्य बाणं हृदये मुमोच ।</span>
<span class="shloka-line">प्राग्ज्योतिषस्यापरमुत्तमं शरं गजेन्द्रकुम्भस्थल आश्वमज्जयत् ॥ ३०॥</span>
</div>
</div>
</div>

<div class="verse" id="MBTN_C26_S01_V31" type="shloka" data-doc="MBTN">
<div class="verse-text">
<div class="shloka">
<span class="shloka-line">उभौ च तौ पेततुरद्रिसन्निभौ महेन्द्रवज्राभिहताविवाऽशु ।</span>
<span class="shloka-line">निहत्य तौ वासविरुग्रपौरुषो मुमोद साधु स्वजनाभिपूजितः ॥ ३१॥</span>
</div>
</div>
</div>

<div class="verse" id="MBTN_C26_S01_V32" type="shloka" data-doc="MBTN">
<div class="verse-text">
<div class="shloka">
<span class="shloka-line">अथाचलं वृषकं चैव हत्वा कनीयसौ शकुनेस्तं च बाणैः ।</span>
<span class="shloka-line">विव्याध मायामसृजत् स तां च विज्ञानास्त्रेणाऽशु नाशाय चक्रे ॥ ३२॥</span>
</div>
</div>
</div>

<div class="verse" id="MBTN_C26_S01_V33" type="shloka" data-doc="MBTN">
<div class="verse-text">
<div class="shloka">
<span class="shloka-line">स नष्टमायः प्राद्रवत् पापकर्मा ततः पार्थः शरपूगैश्चमूं ताम् ।</span>
<span class="shloka-line">विद्रावयामास तदा गुरोः सुतो माहिष्मतीपतिमाजौ जघान ॥ ३३॥</span>
</div>
</div>
</div>

<div class="verse" id="MBTN_C26_S01_V34" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा भीमस्तस्य निहत्य वाहान् व्यद्रावयद् धार्तराष्ट्रीं चमूं च ।</span>
<span class="shloka-line">भीमार्जुनाभ्यां हन्यमानां चमूं तां दृष्ट्वा द्रोणः क्षिप्रमपाजहार ॥ ३४॥</span>
</div>
</div>
</div>

<div class="verse" id="MBTN_C26_S01_V35" type="shloka" data-doc="MBTN">
<div class="verse-text">
<div class="shloka">
<span class="shloka-line">प्राग्ज्योतिषे निहतेऽथाग्रहाच्च युधिष्ठिरस्यातिविषण्णरूपः ।</span>
<span class="shloka-line">दुर्योधनोऽश्रावयद् दीनवाक्यान्यत्र द्रोणं सोऽपि नृपं जगाद ॥ ३५॥</span>
</div>
</div>
</div>

<div class="verse" id="MBTN_C26_S01_V36" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्थे गते श्वो नृपतिं ग्रहीष्ये निहन्मि वा तत्सदृशं तदीयम् ।</span>
<span class="shloka-line">इति प्रतिज्ञां स विधाय भूयः प्रातर्ययौ युद्धमाकाङ्क्षमाणः ॥ ३६॥</span>
</div>
</div>
</div>

<div class="verse" id="MBTN_C26_S01_V37" type="shloka" data-doc="MBTN">
<div class="verse-text">
<div class="shloka">
<span class="shloka-line">पद्मव्यूहं व्यूह्य परैरभेद्यं वराद् विष्णोस्तस्य मन्त्रं ह्यजप्त्वा(जपित्वा) ।</span>
<span class="shloka-line">पार्थाश्च तं प्रापुर्ऋतेऽर्जुनेन संशप्तकैर्युयुधे सोऽपि वीरः ॥ ३७॥</span>
</div>
</div>
</div>

<div class="verse" id="MBTN_C26_S01_V38" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्था व्यूहं तु तं प्राप्य नाशकन् भेत्तुमुद्यताः ।</span>
<span class="shloka-line">जानंश्च प्रतिभायोगात् काम्यं नैवाजपन्मनुम् ॥ ३८॥</span>
</div>
</div>
</div>

<div class="verse" id="MBTN_C26_S01_V39" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमो युधिष्ठिरस्तत्र तज्ज्ञं सौभद्रमब्रवीत् ।</span>
<span class="shloka-line">भिन्धि व्यूहमिमं तात वयं त्वामनुयामहे ॥ ३९॥</span>
</div>
</div>
</div>

<div class="verse" id="MBTN_C26_S01_V40" type="shloka" data-doc="MBTN">
<div class="verse-text">
<div class="shloka">
<span class="shloka-line">स एवमुक्तो रथिनां प्रबर्हो विवेश भित्त्वा द्विषतां चमूं ताम् ।</span>
<span class="shloka-line">अन्वेव तं वायुसुतादयश्च विविक्षवः सैन्धवेनैव रुद्धाः ॥ ४०॥</span>
</div>
</div>
</div>

<div class="verse" id="MBTN_C26_S01_V41" type="shloka" data-doc="MBTN">
<div class="verse-text">
<div class="shloka">
<span class="shloka-line">वरेण रुद्रस्य निरुद्ध्यमानो जयद्रथेनात्र वृकोदरस्तु ।</span>
<span class="shloka-line">विष्णोरभीष्टं वधमार्जुनेस्तदा विज्ञाय शक्तोऽपि नचात्यवर्तत ॥ ४१॥</span>
</div>
</div>
</div>

<div class="verse" id="MBTN_C26_S01_V42" type="shloka" data-doc="MBTN">
<div class="verse-text">
<div class="shloka">
<span class="shloka-line">जयद्रथस्थेन वृषध्वजेन प्रयुद्ध्यमानेषु वृकोदरादिषु ।</span>
<span class="shloka-line">प्रविश्य वीरः स धनञ्जयात्मजो विलोलयामास परोरुसेनाम् ॥ ४२॥</span>
</div>
</div>
</div>

<div class="verse" id="MBTN_C26_S01_V43" type="shloka" data-doc="MBTN">
<div class="verse-text">
<div class="shloka">
<span class="shloka-line">स द्रोणदुर्योधनकर्णशल्यैर्द्रोण्यग्रणीभिः कृतवर्मयुक्तैः ।</span>
<span class="shloka-line">रुद्धश्चचारारिबलेष्वभीतः शिरांसि कृन्तंस्तदनुव्रतानाम् ॥ ४३॥</span>
</div>
</div>
</div>

<div class="verse" id="MBTN_C26_S01_V44" type="shloka" data-doc="MBTN">
<div class="verse-text">
<div class="shloka">
<span class="shloka-line">स लक्षणं राजसुतं प्रसह्य(प्रगृह्य) पितुः समीपेऽनयदाशु मृत्यवे ।</span>
<span class="shloka-line">बृहद्बलं चोत्तमवीर्यकर्मा वरं रथानामयुतं च पत्रिभिः ॥ ४४॥</span>
</div>
</div>
</div>

<div class="verse" id="MBTN_C26_S01_V45" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रोणादयस्तं हरिकोपभीताः प्रत्यक्षतो हन्तुमशक्नुवन्तः ।</span>
<span class="shloka-line">सम्मन्त्र्य कर्णं पुरतो निधाय चक्रुर्विचापाश्वरथं क्षणेन ॥ ४५॥</span>
</div>
</div>
</div>

<div class="verse" id="MBTN_C26_S01_V46" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्णो धनुस्तस्य कृपश्च सारथिं द्रोणो हयानाशु विधूय सायकैः ।</span>
<span class="shloka-line">सञ्चर्मखड्गं रथचक्रमस्य प्रणुद्य हस्तस्थितमेव तस्थुः(चक्रुः) ॥ ४६॥</span>
</div>
</div>
</div>

<div class="verse" id="MBTN_C26_S01_V47" type="shloka" data-doc="MBTN">
<div class="verse-text">
<div class="shloka">
<span class="shloka-line">भीतेषु कृष्णादथ तद्वधाय तेष्वाससादाऽशु गदायुधं गदी ।</span>
<span class="shloka-line">दौःशासनिस्तौ युगपच्च मम्रतुर्गदाभिघातेन मिथोऽतिपौरुषौ ॥ ४७॥</span>
</div>
</div>
</div>

<div class="verse" id="MBTN_C26_S01_V48" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन् हते शत्रुरवं निशम्य हर्षोद्भवं मारुतिरुग्रविक्रमः ।</span>
<span class="shloka-line">विजित्य सर्वानपि सैन्धवादीन् युधिष्ठिरस्यानुमते न्यषीदत् ॥ ४८॥</span>
</div>
</div>
</div>

<div class="verse" id="MBTN_C26_S01_V49" type="shloka" data-doc="MBTN">
<div class="verse-text">
<div class="shloka">
<span class="shloka-line">व्यासस्तदा तानमितात्मवैभवो युधिष्ठिरादीन् ग्लपितानबोधयत् ।</span>
<span class="shloka-line">विजित्य संशप्तकपूगमुग्रो निशागमे वासविराप साच्युतः ॥ ४९॥</span>
</div>
</div>
</div>

<div class="verse" id="MBTN_C26_S01_V50" type="shloka" data-doc="MBTN">
<div class="verse-text">
<div class="shloka">
<span class="shloka-line">निशम्य पुत्रस्य वधं भृशार्तः प्रतिश्रवं सोऽथ चकार वीरः ।</span>
<span class="shloka-line">जयद्रथस्यैव वधे निशायां स्वप्नेऽनयत् तं गिरिशान्तिकं हरिः ॥ ५०॥</span>
</div>
</div>
</div>

<div class="verse" id="MBTN_C26_S01_V51" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वयमेवाखिलजगद्रक्षाद्यमितशक्तिमान् ।</span>
<span class="shloka-line">अप्यच्युतो गुरुद्वारा प्रसादकृदहं त्विति ॥ ५१॥</span>
</div>
</div>
</div>

<div class="verse" id="MBTN_C26_S01_V52" type="shloka" data-doc="MBTN">
<div class="verse-text">
<div class="shloka">
<span class="shloka-line">ज्ञापयन् फल्गुनस्यास्त्रगुरुं गिरिशमञ्जसा ।</span>
<span class="shloka-line">प्रापयित्वैनमेवैतत्प्रसादादस्त्रमुल्बणम् ।</span>
<span class="shloka-line">चक्रे तदर्थमेवास्य रक्षां चक्रे तदात्मिकाम् ॥ ५२॥</span>
</div>
</div>
</div>

<div class="verse" id="MBTN_C26_S01_V53" type="shloka" data-doc="MBTN">
<div class="verse-text">
<div class="shloka">
<span class="shloka-line">सान्त्वयित्वा सुभद्रां च गत्वोपप्लाव्यमच्युतः ।</span>
<span class="shloka-line">योजयित्वा रथं प्रातः सोऽर्जुनो युद्धमभ्ययात् ॥ ५३॥</span>
</div>
</div>
</div>

<div class="verse" id="MBTN_C26_S01_V54" type="shloka" data-doc="MBTN">
<div class="verse-text">
<div class="shloka">
<span class="shloka-line">श्रुत्वा प्रतिज्ञां पुरुहूतसूनोर्दुर्योधनेनार्थितः सिन्धुराजम् ।</span>
<span class="shloka-line">त्रातास्म्यहं सर्वथेति प्रतिज्ञां कृत्वा द्रोणो व्यूहमभेद्यमातनोत् ॥ ५४॥</span>
</div>
</div>
</div>

<div class="verse" id="MBTN_C26_S01_V55" type="shloka" data-doc="MBTN">
<div class="verse-text">
<div class="shloka">
<span class="shloka-line">स दिव्यमग्र्यं शकटाब्जचक्रं कृत्वा स्वयं व्यूहमुखे व्यवस्थितः ।</span>
<span class="shloka-line">पृष्ठे कर्णद्रौणिकृपैः सशल्यैर्जयद्रथं गुप्तमधात् परैश्च ॥ ५५॥</span>
</div>
</div>
</div>

<div class="verse" id="MBTN_C26_S01_V56" type="shloka" data-doc="MBTN">
<div class="verse-text">
<div class="shloka">
<span class="shloka-line">अथार्जुनो दिव्यरथोपरिस्थितः सुरक्षितः(संरक्षितः) केशवेनाव्ययेन ।</span>
<span class="shloka-line">विजित्य दुर्मर्षणमग्रतोऽभ्ययाद्(दुर्मर्षणमग्रतो ययौ) द्रोणं सुधन्वा गुरुमुग्रपौरुषः ॥ ५६॥</span>
</div>
</div>
</div>

<div class="verse" id="MBTN_C26_S01_V57" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रदक्षिणीकृत्य तमाश्वगात् ततः कालात्ययं त्वेव विशङ्कमानः ।</span>
<span class="shloka-line">रथं मनोवेगमथानयद्धरिर्यथा शराः पेतुरमुष्य पृष्ठतः ॥ ५७॥</span>
</div>
</div>
</div>

<div class="verse" id="MBTN_C26_S01_V58" type="shloka" data-doc="MBTN">
<div class="verse-text">
<div class="shloka">
<span class="shloka-line">विजित्य हार्दिक्यमथाप्रयत्नः स इन्द्रसूनुः प्रविवेश तद् बलम् ।</span>
<span class="shloka-line">विलोलयामास च सायकोत्तमैर्यथा गजेन्द्रो नलिनीं बलोद्धतः ॥ ५८॥</span>
</div>
</div>
</div>

<div class="verse" id="MBTN_C26_S01_V59" type="shloka" data-doc="MBTN">
<div class="verse-text">
<div class="shloka">
<span class="shloka-line">स उच्चकाशेऽतिरथो रथोत्तमे सवासुदेवो हरिणा यथेन्द्रः ।</span>
<span class="shloka-line">चकर्त चोग्रो द्विषतां शिरांसि शरैः शरीरान्तकरैः समन्ततः ॥ ५९॥</span>
</div>
</div>
</div>

<div class="verse" id="MBTN_C26_S01_V60" type="shloka" data-doc="MBTN">
<div class="verse-text">
<div class="shloka">
<span class="shloka-line">दृढायुमच्युतायुं च हत्वा विन्दानुविन्दकौ ।</span>
<span class="shloka-line">शराभ्यां प्रेषयामास(प्रापयामास) यमाय विजयो युधि ॥ ६०॥</span>
</div>
</div>
</div>

<div class="verse" id="MBTN_C26_S01_V61" type="shloka" data-doc="MBTN">
<div class="verse-text">
<div class="shloka">
<span class="shloka-line">सुदक्षिणं च काम्बोजं(काम्भोजं) निहत्याम्बष्ठमेव च ।</span>
<span class="shloka-line">श्रुतायुधं नदीजातं वरुणादाससाद ह ।</span>
<span class="shloka-line">यस्यादाद् वरुणो दिव्याममोघां महतीं गदाम् ॥ ६१॥</span>
</div>
</div>
</div>

<div class="verse" id="MBTN_C26_S01_V62" type="shloka" data-doc="MBTN">
<div class="verse-text">
<div class="shloka">
<span class="shloka-line">स तु तेन शरैस्तीक्ष्णैरर्पितो विरथं क्षणात् ।</span>
<span class="shloka-line">चकार पार्थस्य रथमारुह्यारिधराय ताम् ॥ ६२॥</span>
</div>
</div>
</div>

<div class="verse" id="MBTN_C26_S01_V63" type="shloka" data-doc="MBTN">
<div class="verse-text">
<div class="shloka">
<span class="shloka-line">गदां चिक्षेप सा तस्य वारुणेः शिर एव तु ।</span>
<span class="shloka-line">बिभेद(चिच्छेद) शतधा शीर्णमस्तिष्कः(शीर्णमस्तकः) सोऽपतद् भुवि ॥ ६३॥</span>
</div>
</div>
</div>

<div class="verse" id="MBTN_C26_S01_V64" type="shloka" data-doc="MBTN">
<div class="verse-text">
<div class="shloka">
<span class="shloka-line">अयुद्ध्यन्तं स्वगदया यदि ताडयसि स्वयम् ।</span>
<span class="shloka-line">तया विशीर्णमस्तिष्को मरिष्यसि न संशयः ।</span>
<span class="shloka-line">अमोघा चान्यथा सेयं गदा तव भविष्यति ॥ ६४॥</span>
</div>
</div>
</div>

<div class="verse" id="MBTN_C26_S01_V65" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्यब्रवीत् तं वरुणः पुरा तेन स केशवे ।</span>
<span class="shloka-line">अयुद्ध्यति गदाक्षेपात् तया शीर्णशिरा अभूत् ॥ ६५॥</span>
</div>
</div>
</div>

<div class="verse" id="MBTN_C26_S01_V66" type="shloka" data-doc="MBTN">
<div class="verse-text">
<div class="shloka">
<span class="shloka-line">हतेषु वीरेषु निजेषु सङ्घशो विद्रावितेष्वालुलिते च सैन्ये ।</span>
<span class="shloka-line">दुर्योधनो द्रोणमुपेत्य दीनमुवाच(दीन उवाच) हा पार्थ उपेक्षितस्त्वया ॥ ६६॥</span>
</div>
</div>
</div>

<div class="verse" id="MBTN_C26_S01_V67" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरितेऽभेद्यममुष्य वर्म बद्ध्वा महामन्त्रबलात् स विप्रः ।</span>
<span class="shloka-line">जगाद येनैव बलेन पार्थैर्विरुद्ध्यसे तेन हि याहि फल्गुनम् ॥ ६७॥</span>
</div>
</div>
</div>

<div class="verse" id="MBTN_C26_S01_V68" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरितो धार्तराष्ट्रः स चापमादाय सौवर्णरथोपरिस्थः ।</span>
<span class="shloka-line">जगाम पार्थं तमवारयच्च शरैरनेकैरनलप्रकाशैः ॥ ६८॥</span>
</div>
</div>
</div>

<div class="verse" id="MBTN_C26_S01_V69" type="shloka" data-doc="MBTN">
<div class="verse-text">
<div class="shloka">
<span class="shloka-line">विव्याध पार्थोऽपि तमुग्रवेगैः शरैर्न ते तस्य च वर्मभेदम् (वर्मभेदनम्)।</span>
<span class="shloka-line">चक्रुस्ततो वासविर्दिव्यमस्त्रं तद्वर्मभेदाय समाददे रुषा ॥ ६९॥</span>
</div>
</div>
</div>

<div class="verse" id="MBTN_C26_S01_V70" type="shloka" data-doc="MBTN">
<div class="verse-text">
<div class="shloka">
<span class="shloka-line">सन्धीयमानं तु गुरोः सुतस्तच्चिच्छेद पार्थोऽथ सुयोधनाश्वान् ।</span>
<span class="shloka-line">हत्वा तलेऽविद्ध्यदथैनमुग्रैर्द्रौणिः शरैः पार्थमवारयद् युधि ॥ ७०॥</span>
</div>
</div>
</div>

<div class="verse" id="MBTN_C26_S01_V71" type="shloka" data-doc="MBTN">
<div class="verse-text">
<div class="shloka">
<span class="shloka-line">स द्रौणिकर्णप्रमुखैर्धनञ्जयो युयोध ते चैनमवारयञ्छरैः ।</span>
<span class="shloka-line">बभूव युद्धं तदतुल्यमद्भुतं जयद्रथार्थेऽद्भुतवीर्यकर्मणाम् ॥ ७१॥</span>
</div>
</div>
</div>

<div class="verse" id="MBTN_C26_S01_V72" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्थे प्रविष्टे कुरुसैन्यमध्यं द्रोणोऽविशत् पाण्डवसैन्यमाशु ।</span>
<span class="shloka-line">स तद्रथानीकमुदारवेगैः शरैर्विधूय न्यहनच्च वीरान् ॥ ७२॥</span>
</div>
</div>
</div>

<div class="verse" id="MBTN_C26_S01_V73" type="shloka" data-doc="MBTN">
<div class="verse-text">
<div class="shloka">
<span class="shloka-line">स वीरवर्यः स्थविरोऽपि यूनां युवेव मध्ये प्रचचार धन्विनाम् ।</span>
<span class="shloka-line">प्रपातयन् वीरशिरांसि बाणैर्युधिष्ठिरं चाऽसददुग्रवीर्यः ॥ ७३॥</span>
</div>
</div>
</div>

<div class="verse" id="MBTN_C26_S01_V74" type="shloka" data-doc="MBTN">
<div class="verse-text">
<div class="shloka">
<span class="shloka-line">नृपग्रहेच्छुं तमवेत्य सत्यजिन्न्यवारयद् द्रौपदिराशु वीर्यवान् ।</span>
<span class="shloka-line">निवारितस्तेन शिरः शरेण चकर्त पाञ्चालसुतस्य विप्रः ॥ ७४॥</span>
</div>
</div>
</div>

<div class="verse" id="MBTN_C26_S01_V75" type="shloka" data-doc="MBTN">
<div class="verse-text">
<div class="shloka">
<span class="shloka-line">निहत्य तं वीरतमं रणोत्कटं युधिष्ठिरं बाणगणैः समर्दयत् ।</span>
<span class="shloka-line">स शक्तिस्तेन विधाय सङ्गरं निरायुधो व्यश्वरथः कृतः क्षणात् ॥ ७५॥</span>
</div>
</div>
</div>

<div class="verse" id="MBTN_C26_S01_V76" type="shloka" data-doc="MBTN">
<div class="verse-text">
<div class="shloka">
<span class="shloka-line">स ऊर्ध्वबाहुर्भुवि संस्थितोऽपि गृहीतुमाजौ गुरुणाऽभिपन्नः ।</span>
<span class="shloka-line">माद्रीसुतस्यावरजस्य यानमारुह्य वेगादपजग्मिवांस्ततः ॥ ७६॥</span>
</div>
</div>
</div>

<div class="verse" id="MBTN_C26_S01_V77" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रोणं ततः शैशुपालिः सपुत्रो जारासन्धिः काशिराजः सशैव्यः ।</span>
<span class="shloka-line">समासदन् कैकयाश्चैव पञ्च समार्दयन् बाणगणैश्च सर्वशः ॥ ७७॥</span>
</div>
</div>
</div>

<div class="verse" id="MBTN_C26_S01_V78" type="shloka" data-doc="MBTN">
<div class="verse-text">
<div class="shloka">
<span class="shloka-line">स तान् क्रमेणैव निकृत्तकन्धराञ्छरोत्तमैस्तत्र विधाय विप्रः ।</span>
<span class="shloka-line">निनाय लोकं परमर्कमण्डलं व्रजन्ति निर्भिद्य यमूर्ध्वरेतसः ॥ ७८॥</span>
</div>
</div>
</div>

<div class="verse" id="MBTN_C26_S01_V79" type="shloka" data-doc="MBTN">
<div class="verse-text">
<div class="shloka">
<span class="shloka-line">विधूयमाने गुरुणोरुसैन्ये पृथासुतानां पृतनाः परेषाम् ।</span>
<span class="shloka-line">प्रायो रणे मारुतसूनुनैव हतप्रवीरा मृदिताः पराद्रवन् ॥ ७९॥</span>
</div>
</div>
</div>

<div class="verse" id="MBTN_C26_S01_V80" type="shloka" data-doc="MBTN">
<div class="verse-text">
<div class="shloka">
<span class="shloka-line">अलम्बुसो नाम तदैव राक्षसः समासदन्मारुतिमुग्रपौरुषम् ।</span>
<span class="shloka-line">स पीडितस्तेन शरैः सुतेजनैः(सुतैजसैः) क्षणाददृश्यत्वमवाप मायया ॥ ८०॥</span>
</div>
</div>
</div>

<div class="verse" id="MBTN_C26_S01_V81" type="shloka" data-doc="MBTN">
<div class="verse-text">
<div class="shloka">
<span class="shloka-line">सोऽदृश्यरूपोऽनुचरानपीडयद् भीमस्य तद् वीक्ष्य चुकोप मारुतिः ।</span>
<span class="shloka-line">अस्त्रज्ञतामात्मनिकेशवाज्ञया सन्दर्शयन्नागतधर्मसङ्कटः ॥ ८१॥</span>
</div>
</div>
</div>

<div class="verse" id="MBTN_C26_S01_V82" type="shloka" data-doc="MBTN">
<div class="verse-text">
<div class="shloka">
<span class="shloka-line">त्वाष्ट्रास्त्रमादत्त स काम्यकर्महीनोऽपि भीमस्तत उत्थिताः शराः ।</span>
<span class="shloka-line">ते बाणवर्यास्तददृश्यवेधिनो रक्षो विदार्याऽविविशुर्धरातलम् ॥ ८२॥</span>
</div>
</div>
</div>

<div class="verse" id="MBTN_C26_S01_V83" type="shloka" data-doc="MBTN">
<div class="verse-text">
<div class="shloka">
<span class="shloka-line">तद्धन्यमानं प्रविहाय भीममपाद्रवद् दूरतरं सुभीतम् ।</span>
<span class="shloka-line">ततस्तु भीमो द्विषतां वरूथिनीं विद्रावयामास शरैः सुमुक्तैः ॥ ८३॥</span>
</div>
</div>
</div>

<div class="verse" id="MBTN_C26_S01_V84" type="shloka" data-doc="MBTN">
<div class="verse-text">
<div class="shloka">
<span class="shloka-line">तदैव कृष्णातनयाः समेता जघ्नुः शलं संयति सौमदत्तिम् ।</span>
<span class="shloka-line">अलम्बुसं प्राप तदा घटोत्कचः परस्परं तौ रथिनावयुद्ध्यताम् ॥ ८४॥</span>
</div>
</div>
</div>

<div class="verse" id="MBTN_C26_S01_V85" type="shloka" data-doc="MBTN">
<div class="verse-text">
<div class="shloka">
<span class="shloka-line">घटोत्कचस्तं विरथं विधाय खस्थं ख एवाभियुयोध संस्थितः ।</span>
<span class="shloka-line">ततस्तु तं भीमसुतो निगृह्य निपात्य भूमौ प्रददौ प्रहारम् ॥ ८५॥</span>
</div>
</div>
</div>

<div class="verse" id="MBTN_C26_S01_V86" type="shloka" data-doc="MBTN">
<div class="verse-text">
<div class="shloka">
<span class="shloka-line">पदा शिरस्येव स पिष्टमस्तको ममार मध्ये पृथिवीपतीनाम् ।</span>
<span class="shloka-line">तस्मिन् हते भैमसेनिः कुरूणां व्यद्रावयद् रथवृन्दं समन्तात् ॥ ८६॥</span>
</div>
</div>
</div>

<div class="verse" id="MBTN_C26_S01_V87" type="shloka" data-doc="MBTN">
<div class="verse-text">
<div class="shloka">
<span class="shloka-line">तदाऽऽसदत् कृतवर्मा रथेन सेनां पाण्डूनां शरवर्षं प्रमुञ्चन् ।</span>
<span class="shloka-line">ददौ वरं तस्य हि पूर्वमच्युतः प्रीतः स्तुत्या सर्वजयं मुहूर्ते ॥ ८७॥</span>
</div>
</div>
</div>

<div class="verse" id="MBTN_C26_S01_V88" type="shloka" data-doc="MBTN">
<div class="verse-text">
<div class="shloka">
<span class="shloka-line">स तेन पाञ्चालगणान् विजिग्ये यमौ च भीमस्य पुरोऽथ तं च ।</span>
<span class="shloka-line">विव्याध बाणेन स वासुदेववरं विजानन् न तदा समभ्ययात् ॥ ८८॥</span>
</div>
</div>
</div>

<div class="verse" id="MBTN_C26_S01_V89" type="shloka" data-doc="MBTN">
<div class="verse-text">
<div class="shloka">
<span class="shloka-line">विनैव वृष्णीन् विजये वरो यदमुष्य तेनास्य हयान् स सात्यकिः ।</span>
<span class="shloka-line">निहत्य बाणैरतुदत् स यानमन्यत् समास्थाय ततोऽपजग्मिवान् ॥ ८९॥</span>
</div>
</div>
</div>

<div class="verse" id="MBTN_C26_S01_V90" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा हरिः पाञ्चजन्यं सुघोषमापूरयामास जयेऽभियुद्ध्यति ।</span>
<span class="shloka-line">कर्णादिभिर्द्रौणिमुखै रिपूणां बलप्रहाणाय परः परेभ्यः ॥ ९०॥</span>
</div>
</div>
</div>

<div class="verse" id="MBTN_C26_S01_V91" type="shloka" data-doc="MBTN">
<div class="verse-text">
<div class="shloka">
<span class="shloka-line">स पाञ्चजन्योऽच्युतवक्त्रवायुना भृशं सुपूर्णोदरनिस्सृतध्वनिः ।</span>
<span class="shloka-line">जगद् विरिञ्चेशसुरेन्द्रपूर्वकं प्रकम्पयामास युगात्यये यथा ॥ ९१॥</span>
</div>
</div>
</div>

<div class="verse" id="MBTN_C26_S01_V92" type="shloka" data-doc="MBTN">
<div class="verse-text">
<div class="shloka">
<span class="shloka-line">गाण्डीवघोषे च तदाऽभिभूते युधिष्ठिरो भीतभीतस्तदैत्य ।</span>
<span class="shloka-line">शैनेयमूचे परसैन्यमग्ने पार्थे स्वयं युद्ध्यति केशवः स्म ॥ ९२॥</span>
</div>
</div>
</div>

<div class="verse" id="MBTN_C26_S01_V93" type="shloka" data-doc="MBTN">
<div class="verse-text">
<div class="shloka">
<span class="shloka-line">न श्रूयते गाण्डीवस्याद्य घोषः संश्रूयते पाञ्चजन्यस्य घोषः ।</span>
<span class="shloka-line">तद् याहि जानीहि तमद्य पार्थं यदि स्म जीवत्यसहाय एषः ॥ ९३॥(हृषीकेशतीर्थीये तु `गाण्डीवस्य' इति पठ्यते ।</span>
<span class="shloka-line">छन्दःस्वारस्यात् % `गाण्डिवस्य' इत्येव पाठः स्यादिति सम्भाव्यते -- इति ब. गोविन्दाचार्यः)</span>
</div>
</div>
</div>

<div class="verse" id="MBTN_C26_S01_V94" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरितः सात्यकिरत्र विप्रान् सम्पूज्य वित्तैः परमाशिषश्च ।</span>
<span class="shloka-line">जयाय तेभ्यः प्रतिगृह्य सेनामुखं ययौ भीमसेनानुयातः ॥ ९४॥</span>
</div>
</div>
</div>

<div class="verse" id="MBTN_C26_S01_V95" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमस्तु सेनामुखमाशु भित्त्वा प्रावेशयद् युयुधानं चमूं ताम् ।</span>
<span class="shloka-line">स युद्ध्यमानो गुरुणाऽभ्युपेक्षितः सूतं निहत्य द्रावयामास चाश्वान् ॥ ९५॥</span>
</div>
</div>
</div>

<div class="verse" id="MBTN_C26_S01_V96" type="shloka" data-doc="MBTN">
<div class="verse-text">
<div class="shloka">
<span class="shloka-line">बलं विवृद्धं च तदाऽस्य सात्यकेर्विप्राशीर्भिः कृष्णवरादपि स्म ।</span>
<span class="shloka-line">बलस्य वृद्धिर्हि पुराऽस्य दत्ता कृष्णेन तुष्टेन दिने हि तस्मिन् ॥ ९६॥</span>
</div>
</div>
</div>

<div class="verse" id="MBTN_C26_S01_V97" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा (ततो) विवृद्धोरुबलात् स सात्यकिः संस्थाप्य भीमं प्रययौ रथेन ।</span>
<span class="shloka-line">तं बाणवर्षैः पृतनां समन्तान्निघ्नन्तमाजौ हृदिकात्मजोऽभ्ययात् ॥ ९७॥</span>
</div>
</div>
</div>

<div class="verse" id="MBTN_C26_S01_V98" type="shloka" data-doc="MBTN">
<div class="verse-text">
<div class="shloka">
<span class="shloka-line">तयोरभूद् युद्धमतीव दारुणं तत्राकरोत् तं विरथं स सात्यकिः ।</span>
<span class="shloka-line">विजित्य तं सात्यकिरुग्रधन्वा ययावतीत्यैव शिरांसि यूनाम् ।</span>
<span class="shloka-line">कृन्तन् शरैस्तं जलसन्ध आगमद् रणे गजस्कन्धगतोऽभियोद्धुम् ॥ ९८॥</span>
</div>
</div>
</div>

<div class="verse" id="MBTN_C26_S01_V99" type="shloka" data-doc="MBTN">
<div class="verse-text">
<div class="shloka">
<span class="shloka-line">निवारयन्तं तमसह्यविक्रमं निहत्य बाणैः समरे स सात्यकिः ।</span>
<span class="shloka-line">विलोडयामास(विलोलयामास) बलं कुरूणां निघ्नन् गजस्यन्दनवाजिपत्तिनः ॥ ९९॥</span>
</div>
</div>
</div>

<div class="verse" id="MBTN_C26_S01_V100" type="shloka" data-doc="MBTN">
<div class="verse-text">
<div class="shloka">
<span class="shloka-line">स पार्वतेयांश्च(स पार्वतीयांश्च) शिलाभिवर्षिणो निहत्य विद्राव्य च सर्वसैनिकान् ।</span>
<span class="shloka-line">समासदत् केशवफल्गुनौ च बली तमाराऽशु च यूपकेतुः ॥ १००॥</span>
</div>
</div>
</div>

<div class="verse" id="MBTN_C26_S01_V101" type="shloka" data-doc="MBTN">
<div class="verse-text">
<div class="shloka">
<span class="shloka-line">तयोरभूद् युद्धमतीव घोरं चिरं विचित्रं च महद् विभीषणम् ।</span>
<span class="shloka-line">परस्परं तौ तुरगान् निहत्य निपात्य सूतौ धनुषी निकृत्य ।</span>
<span class="shloka-line">समीयतुश्चर्मवरासिधारिणौ (समीयतुश्चर्ममहासिधारिणौ) विचित्रमार्गानपि दर्शयन्तौ ॥ १०१॥</span>
</div>
</div>
</div>

<div class="verse" id="MBTN_C26_S01_V102" type="shloka" data-doc="MBTN">
<div class="verse-text">
<div class="shloka">
<span class="shloka-line">स सौमदत्तिर्भुवि सात्यकिं रणे निपात्य केशेषु च सम्प्रगृह्य ।</span>
<span class="shloka-line">पदाऽस्य वक्षस्यधिरुह्य खड्गमुदग्रहीदाशु शिरोऽपहर्तुम् ॥ १०२॥</span>
</div>
</div>
</div>

<div class="verse" id="MBTN_C26_S01_V103" type="shloka" data-doc="MBTN">
<div class="verse-text">
<div class="shloka">
<span class="shloka-line">तद् वासुदेवस्तु निरीक्ष्य विश्वतश्चक्षुर्जगादाऽशु धनञ्जयं रणे ।</span>
<span class="shloka-line">त्रायस्व शैनेयमिति स्म सोऽपि भल्लेन चिच्छेद भुजं परस्य ॥ १०३॥</span>
</div>
</div>
</div>

<div class="verse" id="MBTN_C26_S01_V104" type="shloka" data-doc="MBTN">
<div class="verse-text">
<div class="shloka">
<span class="shloka-line">स तेन चोत्कृत्तसखड्गबाहुर्विनिन्द्य पार्थं निषसाद भूमौ ।</span>
<span class="shloka-line">प्रायोपविष्टः शरसंस्तरे हरिं ध्यायन् विनिन्दन्नसुरप्रवेशात् ॥ १०४॥</span>
</div>
</div>
</div>

<div class="verse" id="MBTN_C26_S01_V105" type="shloka" data-doc="MBTN">
<div class="verse-text">
<div class="shloka">
<span class="shloka-line">गतेऽसुरावेश उतातिभक्त्या ध्यायत्यमुष्मिन् गरुडध्वजं तम् ।</span>
<span class="shloka-line">शैनेय उत्थाय निवार्यमाणः कृष्णार्जुनाद्यैरहरच्छिरोऽस्य ॥ १०५॥</span>
</div>
</div>
</div>

<div class="verse" id="MBTN_C26_S01_V106" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा स्वकीयं रथमेतदर्थं क्लृप्तं ददौ सात्यकये ससूतम् ।</span>
<span class="shloka-line">कृष्णोऽथ पार्थस्य हयास्तृषाऽर्दितास्तदाऽसृजद् वारुणास्त्रं स पार्थः ॥ १०६॥</span>
</div>
</div>
</div>

<div class="verse" id="MBTN_C26_S01_V107" type="shloka" data-doc="MBTN">
<div class="verse-text">
<div class="shloka">
<span class="shloka-line">तेनैव तीर्थं परमं चकार तथाऽश्वशालामपि बाणरूपाम् ।</span>
<span class="shloka-line">ततो विमुच्यात्र हयानपाययद्धरिस्तदा वासविरर्दयत् परान् ॥ १०७॥</span>
</div>
</div>
</div>

<div class="verse" id="MBTN_C26_S01_V108" type="shloka" data-doc="MBTN">
<div class="verse-text">
<div class="shloka">
<span class="shloka-line">युयोज कृष्णस्तुरगान् रथे पुनर्गतश्रमानुद्धृतसायकान् प्रभुः ।</span>
<span class="shloka-line">प्रचोदिते तेन रथे स्थितः पुनस्तथैव बीभत्सुररीनयोधयत् ॥ १०८॥</span>
</div>
</div>
</div>

<div class="verse" id="MBTN_C26_S01_V109" type="shloka" data-doc="MBTN">
<div class="verse-text">
<div class="shloka">
<span class="shloka-line">शिनिप्रवीरे तु गते युधिष्ठिरः पुनश्च चिन्ताकुलितो बभूव ह ।</span>
<span class="shloka-line">जगाद भीमं च न गाण्डिवध्वनिः संश्रूयते पाञ्चजन्यस्य रावः ॥ १०९॥</span>
</div>
</div>
</div>

<div class="verse" id="MBTN_C26_S01_V110" type="shloka" data-doc="MBTN">
<div class="verse-text">
<div class="shloka">
<span class="shloka-line">मया नियुक्तश्च गतः स सात्यकिर्भारं च तस्याधिकमेव मन्ये ।</span>
<span class="shloka-line">तत् पाहि पार्थं युयुधानमेव च त्वं भीम गत्वा यदि जीवतस्तौ ॥ ११०॥</span>
</div>
</div>
</div>

<div class="verse" id="MBTN_C26_S01_V111" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरितः प्राह वृकोदरस्तं न रक्षितं वासुदेवेन पार्थम् ।</span>
<span class="shloka-line">ब्रह्मेशानावपि जेतुं समर्थौ किं द्रौणिकर्णादिधनुर्भृतोऽत्र ॥ १११॥</span>
</div>
</div>
</div>

<div class="verse" id="MBTN_C26_S01_V112" type="shloka" data-doc="MBTN">
<div class="verse-text">
<div class="shloka">
<span class="shloka-line">अतो भयं नास्ति धनञ्जयस्य न सात्यकेश्चैव हरेः प्रसादात् ।</span>
<span class="shloka-line">रक्ष्यस्त्वमेवात्र मतो मयाद्य (ममाद्य) द्रोणो ह्ययं यतते त्वां ग्रहीतुम् ॥ ११२॥</span>
</div>
</div>
</div>

<div class="verse" id="MBTN_C26_S01_V113" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरितः प्राह युधिष्ठिरस्तं न जीवमाने युधि मां घटोत्कचे ।</span>
<span class="shloka-line">धृष्टद्युम्ने चास्त्रविदां वरिष्ठे द्रोणो वशं नेतुमिह प्रभुः क्‍वचित् ॥ ११३॥</span>
</div>
</div>
</div>

<div class="verse" id="MBTN_C26_S01_V114" type="shloka" data-doc="MBTN">
<div class="verse-text">
<div class="shloka">
<span class="shloka-line">यदि प्रियं कर्तुमिहेच्छसि त्वं मम प्रयाह्याशु च पार्थसात्यकी ।</span>
<span class="shloka-line">रक्षस्व सञ्ज्ञामपि सिंहनादात् कुरुष्व मे पार्थशैनेयदृष्टौ ॥ ११४॥</span>
</div>
</div>
</div>

<div class="verse" id="MBTN_C26_S01_V115" type="shloka" data-doc="MBTN">
<div class="verse-text">
<div class="shloka">
<span class="shloka-line">तथा हते चैव जयद्रथे मे कुरुष्व सञ्ज्ञामिति तेन भीमः ।</span>
<span class="shloka-line">उक्तस्तु हैडिम्बममुष्य रक्षणे व्यधाच्च सेनापतिमेव सम्यक् ॥ ११५॥</span>
</div>
</div>
</div>

<div class="verse" id="MBTN_C26_S01_V116" type="shloka" data-doc="MBTN">
<div class="verse-text">
<div class="shloka">
<span class="shloka-line">स चाऽह सेनापतिरत्र भीमं प्रयाहि तौ यत्र च केशवार्जुनौ ।</span>
<span class="shloka-line">न जीवमाने मयि धर्षितुं क्षमो द्रोणो नृपं मृत्युरहं च तस्य ॥ ११६॥</span>
</div>
</div>
</div>

<div class="verse" id="MBTN_C26_S01_V117" type="shloka" data-doc="MBTN">
<div class="verse-text">
<div class="shloka">
<span class="shloka-line">इति ब्रुवाणं (ब्रुवाणे) प्रणिधाय भीमः पुनः पुनस्तं नृपतिं गदाधरः ।</span>
<span class="shloka-line">ययौ परानीकमधिज्यधन्वा निरन्तरं प्रवमन्(प्रपतन्) बाणपूगान् ॥ ११७॥</span>
</div>
</div>
</div>

<div class="verse" id="MBTN_C26_S01_V118" type="shloka" data-doc="MBTN">
<div class="verse-text">
<div class="shloka">
<span class="shloka-line">न्यवारयत् तं शरवर्षधारो द्रोणो वचश्चेदमुवाच भीमम् ।</span>
<span class="shloka-line">शिष्यस्नेहाद् वासविः सात्यकिश्च मया प्रमुक्तो भृशमानतौ मयि ॥ ११८॥</span>
</div>
</div>
</div>

<div class="verse" id="MBTN_C26_S01_V119" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वीया प्रतिज्ञाऽपि हि सैन्धवस्य गुप्तौ मया पार्थकृते विसृष्टा ।</span>
<span class="shloka-line">दास्ये न ते मार्गमहं कथञ्चित् पश्यास्त्रवीर्यं मम दिव्यमद्भुतम् ॥ ११९॥</span>
</div>
</div>
</div>

<div class="verse" id="MBTN_C26_S01_V120" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तवाक्यः स गदां समाददे चिक्षेप तां द्रोणरथाय भीमः ।</span>
<span class="shloka-line">उवाच चाहं पितृवन्मानये त्वां सदा मृदुस्त्वां प्रति नान्यथा क्‍वचित् ॥ १२०॥</span>
</div>
</div>
</div>

<div class="verse" id="MBTN_C26_S01_V121" type="shloka" data-doc="MBTN">
<div class="verse-text">
<div class="shloka">
<span class="shloka-line">अमार्दवे पश्य च यादृशं बलं ममेति तस्याऽशु विचूर्णितो रथः ।</span>
<span class="shloka-line">गदाभिघातेन वृकोदरस्य ससूतवाजिध्वजयन्त्रकूबरः ॥ १२१॥</span>
</div>
</div>
</div>

<div class="verse" id="MBTN_C26_S01_V122" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रोणो गदामापततीं निरीक्ष्य त्ववप्लुतो लाघवतो धरातले ।</span>
<span class="shloka-line">तदैव दुर्योधनयापितं रथं परं समास्थाय शरान् ववर्ष ह ॥ १२२॥</span>
</div>
</div>
</div>

<div class="verse" id="MBTN_C26_S01_V123" type="shloka" data-doc="MBTN">
<div class="verse-text">
<div class="shloka">
<span class="shloka-line">शरैस्तदीयैः परमास्त्रमन्त्रितैः प्रवृष्यमाणो जगदीरणात्मजः ।</span>
<span class="shloka-line">शिरो निधायाऽशु पुरो वृषो यथा तमभ्ययादेव रथादवप्लुतः ॥ १२३॥</span>
</div>
</div>
</div>

<div class="verse" id="MBTN_C26_S01_V124" type="shloka" data-doc="MBTN">
<div class="verse-text">
<div class="shloka">
<span class="shloka-line">मनोजवादेव तमाप्य भीमो रथं गृहीत्वाऽम्बर आक्षिपत् क्षणात् ।</span>
<span class="shloka-line">शक्तोऽप्यहं त्वां न निहन्मि गौरवादित्येव सुज्ञापयितुं(विज्ञापयितुं) तदस्य ॥ १२४॥</span>
</div>
</div>
</div>

<div class="verse" id="MBTN_C26_S01_V125" type="shloka" data-doc="MBTN">
<div class="verse-text">
<div class="shloka">
<span class="shloka-line">सवाजिसूतः स रथः क्षितौ (पतद्विचूर्णितः)पतन् विचूर्णितोऽस्माद् गुरुरप्यवप्लुतः ।</span>
<span class="shloka-line">तदा विशोकोऽस्य रथं समानयत् तमारुहद् भीम उदारविक्रमः ॥ १२५॥</span>
</div>
</div>
</div>

<div class="verse" id="MBTN_C26_S01_V126" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रोणोऽपि दुर्योधनदत्तमन्यद् रथं समास्थाय युधिष्ठिरं ययौ ।</span>
<span class="shloka-line">गृहीतुकामं नृपतिं प्रयान्तं न्यवारयत् संयति वाहिनीपतिः ॥ १२६॥</span>
</div>
</div>
</div>

<div class="verse" id="MBTN_C26_S01_V127" type="shloka" data-doc="MBTN">
<div class="verse-text">
<div class="shloka">
<span class="shloka-line">विदारितां द्रोणशरैः स्वसेनां संस्थाप्य(संस्थाप्य भीमो) भूयो द्रुपदात्मजः शरैः ।</span>
<span class="shloka-line">द्रोणं निवार्यैव चमूं परेषां विद्रावयामास च तस्य पश्यतः ॥ १२७॥</span>
</div>
</div>
</div>

<div class="verse" id="MBTN_C26_S01_V128" type="shloka" data-doc="MBTN">
<div class="verse-text">
<div class="shloka">
<span class="shloka-line">तयोरभूद् युद्धमतीव रौद्रं जयैषिणोः पाण्डवधार्तराष्ट्रयोः ।</span>
<span class="shloka-line">अत्यद्भुतं सन्ततबाणवर्षतमनारतं सुचिरं निर्विशेषम् ॥ १२८॥</span>
</div>
</div>
</div>

<div class="verse" id="MBTN_C26_S01_V129" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः प्रायाद् भीमसेनोऽमितौजा मृत्नञ्छरैः कौरवराजसेनाम् ।</span>
<span class="shloka-line">विन्दानुविन्दप्रमुखा धार्तराष्ट्रास्तमासेदुर्द्वादश वीरमुख्याः ।</span>
<span class="shloka-line">विद्धः शरैस्तैर्बहुभिर्वृकोदरः शिरांसि तेषां युगपच्चकर्त ॥ १२९॥</span>
</div>
</div>
</div>

<div class="verse" id="MBTN_C26_S01_V130" type="shloka" data-doc="MBTN">
<div class="verse-text">
<div class="shloka">
<span class="shloka-line">हतेषु तेषु प्रवरेषु धन्विनां सत्यव्रतः पुरमित्रो जयश्च ।</span>
<span class="shloka-line">वृन्दारकः पौरवश्चेत्यमात्याः समासेदुर्धार्तराष्ट्रस्य भीमम् ॥ १३०॥</span>
</div>
</div>
</div>

<div class="verse" id="MBTN_C26_S01_V131" type="shloka" data-doc="MBTN">
<div class="verse-text">
<div class="shloka">
<span class="shloka-line">स तैः पृषत्कैरवकीर्यमाणः शितान् विपाठान्(सितान् विपाटान्) युगपत् समाददे ।</span>
<span class="shloka-line">जहार तैरेव शिरांसि तेषां हतेषु तेष्वेव परे प्रदुद्रुवुः ॥ १३१॥</span>
</div>
</div>
</div>

<div class="verse" id="MBTN_C26_S01_V132" type="shloka" data-doc="MBTN">
<div class="verse-text">
<div class="shloka">
<span class="shloka-line">स सिंहवत् क्षुद्रमृगान् समन्ततो विद्राप्य शत्रून् हृदिकात्मजं रणे ।</span>
<span class="shloka-line">अभ्यागमत् तेन निवारितः शरैः क्षणेन चक्रे विरथाश्वसूतम् ।</span>
<span class="shloka-line">स गाढविद्धस्तु वृकोदरेण रणं विसृज्यापययौ क्षणेन ॥ १३२॥</span>
</div>
</div>
</div>

<div class="verse" id="MBTN_C26_S01_V133" type="shloka" data-doc="MBTN">
<div class="verse-text">
<div class="shloka">
<span class="shloka-line">विजित्य हार्दिक्यमथाऽशु भीमो विद्रावयामास वरूथिनीं ताम् ।</span>
<span class="shloka-line">सम्प्रेषयन् सर्वनराश्वकुञ्जरान् (सर्वनरांश्च कुञ्जरान्) यमाय यातो हरिपार्थपार्श्वम् ॥ १३३॥</span>
</div>
</div>
</div>

<div class="verse" id="MBTN_C26_S01_V134" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्ट्वैव कृष्णविजयौ परमप्रहृष्टस्ताभ्यां निरीक्षित उत प्रतिभाषितश्च ।</span>
<span class="shloka-line">सञ्ज्ञां नृपस्य स ददावपि सिंहनादान् श्रुत्वा परां मुदमवाप स चाग्र्यबुद्धिः ॥ १३४॥</span>
</div>
</div>
</div>

<div class="verse" id="MBTN_C26_S01_V135" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमस्य नानदत एव महास्वनेन विण्मूत्रशोणितमथो मृतिमापुरेके ।</span>
<span class="shloka-line">भीतेषु सर्वनृपतिष्वमुमाप तूर्णं कर्णो विकर्णमुखरा अपि धार्तराष्ट्राः ॥ १३५॥</span>
</div>
</div>
</div>

<div class="verse" id="MBTN_C26_S01_V136" type="shloka" data-doc="MBTN">
<div class="verse-text">
<div class="shloka">
<span class="shloka-line">हत्वा विकर्णमुत तत्र च चित्रसेनं सञ्चूर्णितं प्रविदधे (सञ्चूर्णितं च विदधे) रथमर्कसूनोः ।</span>
<span class="shloka-line">घोरैः शरैः पुनरपि स्म समर्द्यमानः कर्णोऽपयानमकरोद् द्रुतमेव भीमात् ॥ १३६॥</span>
</div>
</div>
</div>

<div class="verse" id="MBTN_C26_S01_V137" type="shloka" data-doc="MBTN">
<div class="verse-text">
<div class="shloka">
<span class="shloka-line">आश्वास्य चैव सुचिरं पुनरेव भीमं युद्धाय याति धृतराष्ट्रसुतैस्तथाऽन्यैः ।</span>
<span class="shloka-line">तांश्चैव तत्र विनिहत्य तथैव कर्णो व्यश्वायुधः कृत उतापययौ क्षणेन ॥ १३७॥</span>
</div>
</div>
</div>

<div class="verse" id="MBTN_C26_S01_V138" type="shloka" data-doc="MBTN">
<div class="verse-text">
<div class="shloka">
<span class="shloka-line">विकर्णचित्रसेनाद्या एवं वीरतमाः सुताः ।</span>
<span class="shloka-line">कर्णस्य पश्यतो भीमबाणकृत्तशिरोधराः ॥ १३८॥</span>
</div>
</div>
</div>

<div class="verse" id="MBTN_C26_S01_V139" type="shloka" data-doc="MBTN">
<div class="verse-text">
<div class="shloka">
<span class="shloka-line">निपेतुर्धृतराष्ट्रस्य रथेभ्यः पृथिवीतले ।</span>
<span class="shloka-line">त्रयोविंशतिरेवात्र कर्णसाहाय्यकारिणः ॥ १३९॥</span>
</div>
</div>
</div>

<div class="verse" id="MBTN_C26_S01_V140" type="shloka" data-doc="MBTN">
<div class="verse-text">
<div class="shloka">
<span class="shloka-line">एकविंशतिवारं च व्यश्वसूतरथध्वजः ।</span>
<span class="shloka-line">गाढमभ्यर्द्दितस्तीक्ष्णैः शरैर्भीमेन संयुगे ॥ १४०॥</span>
</div>
</div>
</div>

<div class="verse" id="MBTN_C26_S01_V141" type="shloka" data-doc="MBTN">
<div class="verse-text">
<div class="shloka">
<span class="shloka-line">प्राणसंशयमापन्नः सर्वलोकस्य पश्यतः ।</span>
<span class="shloka-line">रणं त्यक्त्वा प्रदुद्राव रुदन् दुःखात् पुनः पुनः ॥ १४१॥</span>
</div>
</div>
</div>

<div class="verse" id="MBTN_C26_S01_V142" type="shloka" data-doc="MBTN">
<div class="verse-text">
<div class="shloka">
<span class="shloka-line">द्वाविंशतिमयुद्धे तु रामदत्तं सुभास्वरम् ।</span>
<span class="shloka-line">अभेद्यं रथमारुह्य विजयं धनुरेव च ॥ १४२॥</span>
</div>
</div>
</div>

<div class="verse" id="MBTN_C26_S01_V143" type="shloka" data-doc="MBTN">
<div class="verse-text">
<div class="shloka">
<span class="shloka-line">तद्दत्तमेव सङ्गृह्य तूणौ (तूणी) चाक्षयसायकौ ।</span>
<span class="shloka-line">आससाद रणे भीमं कर्णो वैकर्तनो वृषा(रुषा) ॥ १४३॥</span>
</div>
</div>
</div>

<div class="verse" id="MBTN_C26_S01_V144" type="shloka" data-doc="MBTN">
<div class="verse-text">
<div class="shloka">
<span class="shloka-line">सुघोर आसीत् स तयोर्विमर्दो भीमस्य कर्णस्य च दीर्घकालम् ।</span>
<span class="shloka-line">आकाशमाच्छादयतोः शरौघैः परस्परं चैव सुरक्तनेत्रयोः ॥ १४४॥</span>
</div>
</div>
</div>

<div class="verse" id="MBTN_C26_S01_V145" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो भीमो महाबाहुः सहजाभ्यां च संयुतम् ।</span>
<span class="shloka-line">त्वां तु कुण्डलवर्मभ्यां शक्नुयां हन्तुमञ्जसा ॥ १४५॥</span>
</div>
</div>
</div>

<div class="verse" id="MBTN_C26_S01_V146" type="shloka" data-doc="MBTN">
<div class="verse-text">
<div class="shloka">
<span class="shloka-line">इति ज्ञापयितुं तस्य कुण्डले कवचं तथा ।</span>
<span class="shloka-line">शरैरुत्कृत्य समरे पातयामास भूतले ॥ १४६॥</span>
</div>
</div>
</div>

<div class="verse" id="MBTN_C26_S01_V147" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं तान्यपकृष्याहं हन्यां त्वामिति वेदयन् ।</span>
<span class="shloka-line">पुनश्च बहुभिस्तीक्ष्णैः शरैरेनं समर्दयत् ॥ १४७॥</span>
</div>
</div>
</div>

<div class="verse" id="MBTN_C26_S01_V148" type="shloka" data-doc="MBTN">
<div class="verse-text">
<div class="shloka">
<span class="shloka-line">ततस्तु भीमस्य बभूव बुद्धिरस्पर्धिनः सर्वजयो हि दत्तः ।</span>
<span class="shloka-line">अमुष्य रामेण न च स्पृधाऽयं कर्णो मया युद्ध्यति कृच्छ्रगो ह्ययम् ॥ १४८॥</span>
</div>
</div>
</div>

<div class="verse" id="MBTN_C26_S01_V149" type="shloka" data-doc="MBTN">
<div class="verse-text">
<div class="shloka">
<span class="shloka-line">तथाऽपि मे भगवानत्यनुग्रहाज्जयं ददात्यात्मवचो विहाय (वचोऽपहाय) ।</span>
<span class="shloka-line">मया तु मान्यं वचनं हरेः सदा तस्माद् दास्ये विवरं त्वद्य शत्रोः ॥ १४९॥</span>
</div>
</div>
</div>

<div class="verse" id="MBTN_C26_S01_V150" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं स्मृत्वा तेन रन्ध्रे प्रदत्ते कर्णोऽस्त्रवीर्येण धनुर्न्यकृन्तत् ।</span>
<span class="shloka-line">रश्मीन् हयानां च ततो रथं स तत्याज नैजं बलमेव वेदयन् ॥ १५०॥</span>
</div>
</div>
</div>

<div class="verse" id="MBTN_C26_S01_V151" type="shloka" data-doc="MBTN">
<div class="verse-text">
<div class="shloka">
<span class="shloka-line">न मे रथाद्यैर्धनुषाऽपि कार्यमित्येव सञ्ज्ञापयितुं (स ख्यापयितुं) वृकोदरः ।</span>
<span class="shloka-line">खमुत्पपातोत्तमवीर्यतेजा रथं च कर्णस्य समास्थितः क्षणात् ॥ १५१॥</span>
</div>
</div>
</div>

<div class="verse" id="MBTN_C26_S01_V152" type="shloka" data-doc="MBTN">
<div class="verse-text">
<div class="shloka">
<span class="shloka-line">भीतस्तु(भीमस्तु) कर्णो रथकूबरे तदा व्यलीयताधः (व्यलीयतातः) स वृकोदरो रथात् ।</span>
<span class="shloka-line">अवप्लुतो ज्ञापयितुं स्वशक्तिं निरायुधत्वेऽप्यरिनिग्रहादौ ॥ १५२॥</span>
</div>
</div>
</div>

<div class="verse" id="MBTN_C26_S01_V153" type="shloka" data-doc="MBTN">
<div class="verse-text">
<div class="shloka">
<span class="shloka-line">नैच्छद् गृहीतुं(ग्रहीतुं) विनिहन्तुमेव वा रथं धनुर्वाऽस्य रणेऽपहर्तुम् ।</span>
<span class="shloka-line">द्रोणस्य यद्वत् पूर्वमतीव(द्रोणस्य यत्पूर्वमतीव) शक्तोऽप्यमानयद् रामवचोऽस्य भक्त्या ॥ १५३॥</span>
</div>
</div>
</div>

<div class="verse" id="MBTN_C26_S01_V154" type="shloka" data-doc="MBTN">
<div class="verse-text">
<div class="shloka">
<span class="shloka-line">सत्यां कर्तुं वासवेश्च प्रतिज्ञां सम्मानयन् वैष्णवत्वाच्च कर्णम् ।</span>
<span class="shloka-line">दातुं रन्ध्रं सूर्यजस्य प्रयातः शरक्षेपार्थं दुरमतिष्ठदत्र ॥ १५४॥</span>
</div>
</div>
</div>

<div class="verse" id="MBTN_C26_S01_V155" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः कर्णो दूरगतं वृकोदरं सम्मानयन्तं रामवाक्यं विजानन् ।</span>
<span class="shloka-line">शरैरविध्यत् स च तानवारयद् गजैर्मृतैस्तांश्च चकर्त कर्णः ॥ १५५॥</span>
</div>
</div>
</div>

<div class="verse" id="MBTN_C26_S01_V156" type="shloka" data-doc="MBTN">
<div class="verse-text">
<div class="shloka">
<span class="shloka-line">व्यसून् गजान् प्रक्षिपन्तं समेत्य संस्पृश्य चापेन वचश्च दुष्टम् ।</span>
<span class="shloka-line">संश्रावयामास सुयोधनस्य प्रीत्यै प्रजानन्नपि तस्य वीर्यम् ॥ १५६॥</span>
</div>
</div>
</div>

<div class="verse" id="MBTN_C26_S01_V157" type="shloka" data-doc="MBTN">
<div class="verse-text">
<div class="shloka">
<span class="shloka-line">संश्रावयन्तं वचनानि रूक्षाण्यपाहनद् बाणवरैस्तदाऽर्जुनः(बाणगणैस्तदा) ।</span>
<span class="shloka-line">स वर्महीनः पार्थबाणाभितप्तो व्यपागमद् भीम आपाऽत्मयानम् ॥ १५७॥</span>
</div>
</div>
</div>

<div class="verse" id="MBTN_C26_S01_V158" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्णो भीमे वासवीं नैव शक्तिं विमोक्तुमैच्छन्नैव बीभत्सुतोऽन्यान् ।</span>
<span class="shloka-line">हन्यामिति प्राह यतः स कुन्त्यै यद्यप्यवध्यः स तयाऽपि भीमः ॥ १५८॥</span>
</div>
</div>
</div>

<div class="verse" id="MBTN_C26_S01_V159" type="shloka" data-doc="MBTN">
<div class="verse-text">
<div class="shloka">
<span class="shloka-line">नारायणास्त्रं शिरसि प्रपातितं न यस्य लोमाप्यदहच्चिरस्थितम्(लोमाप्यदहरच्छिरःस्थितम्) ।</span>
<span class="shloka-line">किं तस्य शक्तिः प्रकरोति वासवी तथाऽन्यदप्यस्त्रशस्त्रं महच्च ॥ १५९॥</span>
</div>
</div>
</div>

<div class="verse" id="MBTN_C26_S01_V160" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमः कर्णरथं प्राप्तः शक्तिं नाऽदातुमैच्छत ।</span>
<span class="shloka-line">अभिप्रायं केशवस्य जानन् हैडिम्बमृत्यवे ।</span>
<span class="shloka-line">ततः कर्णोऽन्यमास्थाय रथमर्जुनमभ्ययात् ॥ १६०॥</span>
</div>
</div>
</div>

<div class="verse" id="MBTN_C26_S01_V161" type="shloka" data-doc="MBTN">
<div class="verse-text">
<div class="shloka">
<span class="shloka-line">दिव्यं रथं धनुश्चैव कृष्णबुद्ध्योऽर्जुनो हरेत् ।</span>
<span class="shloka-line">इति भीतस्तु तां शक्तिमादायार्जुनमृत्यवे ।</span>
<span class="shloka-line">युद्धायायाद् रथं चापं शक्तिं चैकत्र नाकरोत् ॥ १६१॥</span>
</div>
</div>
</div>

<div class="verse" id="MBTN_C26_S01_V162" type="shloka" data-doc="MBTN">
<div class="verse-text">
<div class="shloka">
<span class="shloka-line">एकं हृतं चेदन्यत् स्यादिति मत्वा भयाकुलः ।</span>
<span class="shloka-line">बिभेति सर्वदा नीतेः कृष्णस्यामिततेजसः ॥ १६२॥</span>
</div>
</div>
</div>

<div class="verse" id="MBTN_C26_S01_V163" type="shloka" data-doc="MBTN">
<div class="verse-text">
<div class="shloka">
<span class="shloka-line">निश्चितो मरणायैव मृतिकाले तु तं रथम् ।</span>
<span class="shloka-line">आरुह्यागाद्धि पूर्वं तु न कालं मन्यते मृतेः ॥ १६३॥</span>
</div>
</div>
</div>

<div class="verse" id="MBTN_C26_S01_V164" type="shloka" data-doc="MBTN">
<div class="verse-text">
<div class="shloka">
<span class="shloka-line">शक्तिं तु तद्रथगतां प्रसमीक्ष्य कृष्णः संस्थाप्य पार्थमपि सात्यकिमेव योद्धुम् ।</span>
<span class="shloka-line">दत्त्वा स्वकीयरथमेव विरोचनस्य(विकर्तनस्य) पुत्रेण सोऽदिशदमुष्य बलं प्रदाय ॥ १६४॥</span>
</div>
</div>
</div>

<div class="verse" id="MBTN_C26_S01_V165" type="shloka" data-doc="MBTN">
<div class="verse-text">
<div class="shloka">
<span class="shloka-line">शिष्यं त्वशक्तमिह मे प्रतियोधनाय पार्थो ह्यदादिति स सात्यकिमीक्षमाणः ।</span>
<span class="shloka-line">संस्पर्धयैव युयुधे विरथं चकार तेनैव सात्यकिरमुं हरियानसंस्थः ॥ १६५॥</span>
</div>
</div>
</div>

<div class="verse" id="MBTN_C26_S01_V166" type="shloka" data-doc="MBTN">
<div class="verse-text">
<div class="shloka">
<span class="shloka-line">न केशवरथे कश्चित् स्थितो याति पराजयम् ।</span>
<span class="shloka-line">अतश्च सात्यकिर्नाप कर्णेनात्र पराजयम् ॥ १६६॥</span>
</div>
</div>
</div>

<div class="verse" id="MBTN_C26_S01_V167" type="shloka" data-doc="MBTN">
<div class="verse-text">
<div class="shloka">
<span class="shloka-line">शस्त्रसङ्ग्रहकाले तु कुमाराणां व्रतं भवेत् ।</span>
<span class="shloka-line">इत्युक्तं जामदग्न्येन धनुर्विद्यापुराकृता ॥ १६७॥</span>
</div>
</div>
</div>

<div class="verse" id="MBTN_C26_S01_V168" type="shloka" data-doc="MBTN">
<div class="verse-text">
<div class="shloka">
<span class="shloka-line">तच्छत्रुवधरूपं च पूर्वासिद्धं च गूहितम् ।</span>
<span class="shloka-line">अविरुद्धं च धर्मस्य कार्यं रामस्य तुष्टिदम् ॥ १६८॥</span>
</div>
</div>
</div>

<div class="verse" id="MBTN_C26_S01_V169" type="shloka" data-doc="MBTN">
<div class="verse-text">
<div class="shloka">
<span class="shloka-line">अनुपद्रवाय (अनुपद्रवं च) लोकस्येत्यतो भीमो व्रतं त्विदम् ।</span>
<span class="shloka-line">चकार तूबरेत्युक्ते हन्यामिति रहः प्रभुः ॥ १६९॥</span>
</div>
</div>
</div>

<div class="verse" id="MBTN_C26_S01_V170" type="shloka" data-doc="MBTN">
<div class="verse-text">
<div class="shloka">
<span class="shloka-line">अनुपद्रवाय लोकस्य सुव्यञ्जच्श्मश्रुमण्डलः(सुव्यक्तश्मश्रुमण्डलः) ।</span>
<span class="shloka-line">सुश्मश्रुं मां न कश्चिद्धि तथा ब्रूयादिति स्फुटम् ।</span>
<span class="shloka-line">तदर्जुनो विजानाति स्नेहाद् भीमोदितं रहः ॥ १७०॥</span>
</div>
</div>
</div>

<div class="verse" id="MBTN_C26_S01_V171" type="shloka" data-doc="MBTN">
<div class="verse-text">
<div class="shloka">
<span class="shloka-line">अर्जुनस्यापि गाण्डीवं देहीत्युक्तो(देहीत्युक्ते) निहन्म्यहम्(निहन्मितम्) ।</span>
<span class="shloka-line">इति तच्च विजानाति भीम एको नचापरः ।</span>
<span class="shloka-line">गाण्डीवस्याऽगमं पूर्वं जानात्येव हि नारदात् ॥ १७१॥</span>
</div>
</div>
</div>

<div class="verse" id="MBTN_C26_S01_V172" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रतिज्ञां भीमसेनस्य ब्रुवतः फल्गुने(फाल्गुने) रहः ।</span>
<span class="shloka-line">दुर्योधनस्तु शुश्राव तां च कर्णाय सोऽब्रवीत् ॥ १७२॥</span>
</div>
</div>
</div>

<div class="verse" id="MBTN_C26_S01_V173" type="shloka" data-doc="MBTN">
<div class="verse-text">
<div class="shloka">
<span class="shloka-line">अतूबरोऽपि तेनासौ तस्मात् तूबर इत्यलम् ।</span>
<span class="shloka-line">उक्तः प्रकोपनायैव तस्मादर्जुनमब्रवीत् ॥ १७३॥</span>
</div>
</div>
</div>

<div class="verse" id="MBTN_C26_S01_V174" type="shloka" data-doc="MBTN">
<div class="verse-text">
<div class="shloka">
<span class="shloka-line">जानासि मत्प्रतिज्ञां त्वं त्वत्प्रतिज्ञामहं तथा ।</span>
<span class="shloka-line">तत्र हन्तव्यतां प्राप्तो मम वैकर्तनोऽत्रहि ॥ १७४॥</span>
</div>
</div>
</div>

<div class="verse" id="MBTN_C26_S01_V175" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रतिज्ञातो वधश्चास्य त्वयाऽपि मदनुज्ञया ।</span>
<span class="shloka-line">अतस्त्वया मयैवाऽयं (मया वाऽयं) हन्तव्यः सूतनन्दनः ॥ १७५॥</span>
</div>
</div>
</div>

<div class="verse" id="MBTN_C26_S01_V176" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तो वासविः प्राह हन्तव्योऽयं मयैव हि ।</span>
<span class="shloka-line">त्वदीयोऽहं यतस्तेन मत्कृतं त्वत्कृतं भवेत् ॥ १७६॥</span>
</div>
</div>
</div>

<div class="verse" id="MBTN_C26_S01_V177" type="shloka" data-doc="MBTN">
<div class="verse-text">
<div class="shloka">
<span class="shloka-line">न त्वत्कृतं मत्कृतं स्याद् गुरुर्मम यतो भवान् ।</span>
<span class="shloka-line">अतो मयैव हन्तव्य इत्युक्त्वा कर्णमब्रवीत् ॥ १७७॥</span>
</div>
</div>
</div>

<div class="verse" id="MBTN_C26_S01_V178" type="shloka" data-doc="MBTN">
<div class="verse-text">
<div class="shloka">
<span class="shloka-line">रूक्षा वाचः श्रावितोऽयं भीमः कृष्णस्य शृण्वतः ।</span>
<span class="shloka-line">यच्चाभिमन्युर्युष्माभिरेकः सम्भूय पातितः ॥ १७८॥</span>
</div>
</div>
</div>

<div class="verse" id="MBTN_C26_S01_V179" type="shloka" data-doc="MBTN">
<div class="verse-text">
<div class="shloka">
<span class="shloka-line">अतस्त्वां निहनिष्यामि त्वत्पुत्रं च तवाग्रतः ।</span>
<span class="shloka-line">इत्युक्तोऽन्यं रथं प्राप्य कर्ण आवीज्जयद्रथम् ॥ १७९॥</span>
</div>
</div>
</div>

<div class="verse" id="MBTN_C26_S01_V180" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रौणिकर्णाभिगुप्तं तं नाशकद्धन्तुमर्जुनः ।</span>
<span class="shloka-line">तत्र वेगं परं चक्रे द्रौणिः पार्थनिवारणे ॥ १८०॥</span>
</div>
</div>
</div>

<div class="verse" id="MBTN_C26_S01_V181" type="shloka" data-doc="MBTN">
<div class="verse-text">
<div class="shloka">
<span class="shloka-line">नचैनमशकत् तर्तुं यत्नवानपि फल्गुनः ।</span>
<span class="shloka-line">तयोरासीच्चिरं युद्धं चित्रं लघु च सुष्ठु च ॥ १८१॥</span>
</div>
</div>
</div>

<div class="verse" id="MBTN_C26_S01_V182" type="shloka" data-doc="MBTN">
<div class="verse-text">
<div class="shloka">
<span class="shloka-line">तद् दृष्ट्वा भगवान् कृष्णो लोहितायति भास्करे ।</span>
<span class="shloka-line">अजिते द्रोणतनये त्वहते च जयद्रथे ।</span>
<span class="shloka-line">अर्जुनस्य जयाकाङ्क्षी ससर्ज तम ऊर्जितम् ॥ १८२॥</span>
</div>
</div>
</div>

<div class="verse" id="MBTN_C26_S01_V183" type="shloka" data-doc="MBTN">
<div class="verse-text">
<div class="shloka">
<span class="shloka-line">तमोव्याप्ते गगने सूर्यमस्तं गतं मत्वा द्रौणिपूर्वाः समस्ताः ।</span>
<span class="shloka-line">विशश्रमुः सैन्धवश्चार्जुनस्य हतप्रतिज्ञस्य मुखं समैक्षत ॥ १८३॥</span>
</div>
</div>
</div>

<div class="verse" id="MBTN_C26_S01_V184" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा हरेराज्ञया शक्रसूनुश्चकर्त बाणेन जयद्रथस्य ।</span>
<span class="shloka-line">वह्निं (अग्निं) विविक्षन्निव दर्शितः शिरस्तदा वचः प्राह जनार्दनस्तम् ॥ १८४॥</span>
</div>
</div>
</div>

<div class="verse" id="MBTN_C26_S01_V185" type="shloka" data-doc="MBTN">
<div class="verse-text">
<div class="shloka">
<span class="shloka-line">नैतच्छिरः पातय भूतले त्वमितीरितः पाशुपतास्त्रतेजसा ।</span>
<span class="shloka-line">दधार बाणैरनुपुङ्खपुङ्खैः पुनस्तमूचे गरुडध्वजो वचः ॥ १८५॥</span>
</div>
</div>
</div>

<div class="verse" id="MBTN_C26_S01_V186" type="shloka" data-doc="MBTN">
<div class="verse-text">
<div class="shloka">
<span class="shloka-line">इदं पितुस्तस्य करे निपात्यतां वरोऽस्य दत्तो हि पुराऽमुनाऽयम्(यत्) ।</span>
<span class="shloka-line">शिरो निकृत्तं भुवि पातयेद् यस्तवास्य भूयाच्च शिरः सहस्रधा ॥ १८६॥</span>
</div>
</div>
</div>

<div class="verse" id="MBTN_C26_S01_V187" type="shloka" data-doc="MBTN">
<div class="verse-text">
<div class="shloka">
<span class="shloka-line">इति स्म वध्यः स पिताऽपि(वध्योऽस्य पिताऽपि) तेनेत्युदीरिते तस्य सन्ध्याक्रियस्य ।</span>
<span class="shloka-line">अङ्के व्यधात् तच्छिर आशु वासविः स सम्भ्रमात् तद् भुवि च न्यपातयत् ॥ १८७॥</span>
</div>
</div>
</div>

<div class="verse" id="MBTN_C26_S01_V188" type="shloka" data-doc="MBTN">
<div class="verse-text">
<div class="shloka">
<span class="shloka-line">ततोऽभवत् तस्य शिरः सहस्रधा हरिश्च चक्रे तमसो लयं पुनः ।</span>
<span class="shloka-line">तदैव सूर्ये सकलैश्च दृष्टे हाहेति वादः सुमहानथाऽसीत् ॥ १८८॥</span>
</div>
</div>
</div>

<div class="verse" id="MBTN_C26_S01_V189" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमस्तदा शल्यसुयोधनादीन् कृपं च जित्वा व्यनदत् सुभैरवम् ।</span>
<span class="shloka-line">कुर्वन् साहाय्यं फल्गुनस्यैव तुष्टो बभूव शैनेय उतो हते रिपौ ॥ १८९॥</span>
</div>
</div>
</div>

<div class="verse" id="MBTN_C26_S01_V190" type="shloka" data-doc="MBTN">
<div class="verse-text">
<div class="shloka">
<span class="shloka-line">अपूरयत् पाञ्चजन्यं च कृष्णो मुदा तदा देवदत्तं च पार्थः ।</span>
<span class="shloka-line">भीमस्य नादं सहपाञ्चजन्यघोषं श्रुत्वा निहतं सिन्धुराजम् ।</span>
<span class="shloka-line">ज्ञात्वा राजा धर्मसुतो मुमोद दुर्योधनश्चाऽस सुदुःखितस्तदा ॥ १९०॥</span>
</div>
</div>
</div>

<div class="verse" id="MBTN_C26_S01_V191" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो द्रौणिमुखां(द्रौणिमुखान्) सेनां सर्वां भीमोऽभ्यवर्तत।</span>
<span class="shloka-line">पार्थः कर्णमुखाञ्छिष्टान् ततोऽभज्यत तद् बलम् ॥ १९१॥</span>
</div>
</div>
</div>

<div class="verse" id="MBTN_C26_S01_V192" type="shloka" data-doc="MBTN">
<div class="verse-text">
<div class="shloka">
<span class="shloka-line">शीर्णां सेनां प्रविविशुर्धृष्टद्युम्नपुरोगमाः ।</span>
<span class="shloka-line">ततस्तं देशमापुस्ते यत्र भीमधनञ्जयौ ॥ १९२॥</span>
</div>
</div>
</div>

<div class="verse" id="MBTN_C26_S01_V193" type="shloka" data-doc="MBTN">
<div class="verse-text">
<div class="shloka">
<span class="shloka-line">तत एकीकृताः सर्वे पाण्डवाः सहसोमकाः ।</span>
<span class="shloka-line">परान् विद्रावयामासुस्ते भीताः प्राद्रवन् दिशः ॥ १९३॥</span>
</div>
</div>
</div>

<div class="verse" id="MBTN_C26_S01_V194" type="shloka" data-doc="MBTN">
<div class="verse-text">
<div class="shloka">
<span class="shloka-line">विद्राप्यमाणं सैन्यं तं दृष्ट्वा दुर्योधनो नृपः ।</span>
<span class="shloka-line">जयद्रथवधाच्चैव कुपितोऽभ्यद्रवत् परान् ॥ १९४॥</span>
</div>
</div>
</div>

<div class="verse" id="MBTN_C26_S01_V195" type="shloka" data-doc="MBTN">
<div class="verse-text">
<div class="shloka">
<span class="shloka-line">स भीमसेनं च धनञ्जयं च युधिष्ठिरं माद्रवतीसुतौ च ।</span>
<span class="shloka-line">धृष्टद्युम्नं सात्यकिं द्रौपदेयान् सर्वानेकः शरवर्षैर्ववर्ष ॥ १९५॥</span>
</div>
</div>
</div>

<div class="verse" id="MBTN_C26_S01_V196" type="shloka" data-doc="MBTN">
<div class="verse-text">
<div class="shloka">
<span class="shloka-line">ते विव्यधुस्तं बहुभिः शिलीमुखैः(शिलीमुखान्) स ताननादृत्य चकर्त बाणैः ।</span>
<span class="shloka-line">धनूंषि चित्राणि महारथानां चकार सङ्ख्ये(युद्धे) विरथौ यमौ च ॥ १९६॥</span>
</div>
</div>
</div>

<div class="verse" id="MBTN_C26_S01_V197" type="shloka" data-doc="MBTN">
<div class="verse-text">
<div class="shloka">
<span class="shloka-line">आदाय चापानि पराणि तेऽपि दुर्योधनं ववृषुः सायकौघैः ।</span>
<span class="shloka-line">अचिन्तयित्वैव शरान्स एको न्यवारयत् तानखिलांश्च बाणैः ॥ १९७॥</span>
</div>
</div>
</div>

<div class="verse" id="MBTN_C26_S01_V198" type="shloka" data-doc="MBTN">
<div class="verse-text">
<div class="shloka">
<span class="shloka-line">तं गाहमानं द्विषतां बहूनां मध्ये द्रोणद्रौणिकृपप्रधानाः ।</span>
<span class="shloka-line">दृष्ट्वा सर्वे जुगुपुः स्वात्तचापा अनारतं बाणगणान् सृजन्तः ॥ १९८॥</span>
</div>
</div>
</div>

<div class="verse" id="MBTN_C26_S01_V199" type="shloka" data-doc="MBTN">
<div class="verse-text">
<div class="shloka">
<span class="shloka-line">सुयोधनः कर्णमाह जहि भीममिमं युधि ।</span>
<span class="shloka-line">स आह नैष शक्यो हि जेतुं देवैः सवासवैः ॥ १९९॥</span>
</div>
</div>
</div>

<div class="verse" id="MBTN_C26_S01_V200" type="shloka" data-doc="MBTN">
<div class="verse-text">
<div class="shloka">
<span class="shloka-line">दैवाज्जीवाम्यहं राजन् युध्यंस्तेनातिपीडितः ।</span>
<span class="shloka-line">अतो घटामहे शक्त्या जयो दैवसमाहितः ॥ २००॥</span>
</div>
</div>
</div>

<div class="verse" id="MBTN_C26_S01_V201" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्योधनो द्रोणमाह सैन्धवस्त्वदुपेक्षया ।</span>
<span class="shloka-line">पार्थेन निहतो भीमसात्यकिभ्यां च मे बलम् ॥ २०१॥</span>
</div>
</div>
</div>

<div class="verse" id="MBTN_C26_S01_V202" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रतिज्ञा च परित्यक्ता पाण्डवस्नेहतस्त्वया ।</span>
<span class="shloka-line">इत्युक्तः कुपितो द्रोणः प्रतिज्ञामकरोत् ततः ॥ २०२॥</span>
</div>
</div>
</div>

<div class="verse" id="MBTN_C26_S01_V203" type="shloka" data-doc="MBTN">
<div class="verse-text">
<div class="shloka">
<span class="shloka-line">इतः परं नैव रणाद् रात्रावहनि वा क्‍वचित् ।</span>
<span class="shloka-line">गच्छेयं नैव (नच) मोक्ष्यामि वर्म बद्धं कथञ्चन ॥ २०३॥</span>
</div>
</div>
</div>

<div class="verse" id="MBTN_C26_S01_V204" type="shloka" data-doc="MBTN">
<div class="verse-text">
<div class="shloka">
<span class="shloka-line">मत्पुत्रश्च त्वया वाच्यः पाञ्चालान् नैव शेषय (शेषयेत्, शेषयेः) ।</span>
<span class="shloka-line">सदौहित्रानितीत्युक्त्वा(सदौहित्रानिति प्रोक्त्वा) विजगाहे निशागमे ॥ २०४॥</span>
</div>
</div>
</div>

<div class="verse" id="MBTN_C26_S01_V205" type="shloka" data-doc="MBTN">
<div class="verse-text">
<div class="shloka">
<span class="shloka-line">चमूं परेषामभ्यागाद् धृष्टद्युम्नस्तमाशु च ।</span>
<span class="shloka-line">द्रौणिदुर्योधनौ तत्र विरथीकृत्य मारुतिः ।</span>
<span class="shloka-line">द्रावयामास तत् सैन्यं पश्यतां सर्वभूभृताम् ॥ २०५॥</span>
</div>
</div>
</div>

<div class="verse" id="MBTN_C26_S01_V206" type="shloka" data-doc="MBTN">
<div class="verse-text">
<div class="shloka">
<span class="shloka-line">अक्षोहिण्यस्तु सप्तैव सेनयोरुभयोरपि ।</span>
<span class="shloka-line">हतास्तासां च भीमेन तिस्रो द्वे फल्गुनेन च ॥ २०६॥</span>
</div>
</div>
</div>

<div class="verse" id="MBTN_C26_S01_V207" type="shloka" data-doc="MBTN">
<div class="verse-text">
<div class="shloka">
<span class="shloka-line">सौभद्रसात्यकिमुखैस्तन्मध्ये षोडशांशकः(षोडशांसकैः) ।</span>
<span class="shloka-line">हैडिम्बपार्षतमुखैस्त्रयाच्च दशमांशकः(दशमांशतः) ॥ २०७॥</span>
</div>
</div>
</div>

<div class="verse" id="MBTN_C26_S01_V208" type="shloka" data-doc="MBTN">
<div class="verse-text">
<div class="shloka">
<span class="shloka-line">भीष्मद्रोणद्रौणिभिश्च द्वे समं निहते तदा ।</span>
<span class="shloka-line">तदन्यैर्मिलितैः सर्वैस्तच्चतुर्थांश एव च ॥ २०८॥</span>
</div>
</div>
</div>

<div class="verse" id="MBTN_C26_S01_V209" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो रात्रौ पञ्चभिश्च पार्थाः षड्भिश्च कौरवाः ।</span>
<span class="shloka-line">अक्षोहिणीभिः संव्यूह्य युद्धं चक्रुः सुदारुणम् ।</span>
<span class="shloka-line">भीमं सेनां द्रावयन्तं पुनः कर्णः समासदत् ॥ २०९॥</span>
</div>
</div>
</div>

<div class="verse" id="MBTN_C26_S01_V210" type="shloka" data-doc="MBTN">
<div class="verse-text">
<div class="shloka">
<span class="shloka-line">स कर्णपुरतो भीमो दुष्कर्णं कर्णमेव च ।</span>
<span class="shloka-line">दुर्योधनस्यावरजौ निष्पिपेष पदा क्षणात् ।</span>
<span class="shloka-line">रथाश्वध्वजसूतैश्च सहितौ न व्यदृश्यताम्(न व्यदृश्यत) ॥ २१०॥</span>
</div>
</div>
</div>

<div class="verse" id="MBTN_C26_S01_V211" type="shloka" data-doc="MBTN">
<div class="verse-text">
<div class="shloka">
<span class="shloka-line">निरायुधोऽहमिति मां त्वमात्थ पुरुषं वचः ।</span>
<span class="shloka-line">निरायुधः पदैवाहं त्वां हन्तुमशकं तदा ॥ २११॥</span>
</div>
</div>
</div>

<div class="verse" id="MBTN_C26_S01_V212" type="shloka" data-doc="MBTN">
<div class="verse-text">
<div class="shloka">
<span class="shloka-line">इति कर्णस्य तौ भीमः सञ्ज्ञया ज्ञापयन् भुवि ।</span>
<span class="shloka-line">पदा पिपेष कालिङ्गं मुष्टिनैव जघान ह ॥ २१२॥</span>
</div>
</div>
</div>

<div class="verse" id="MBTN_C26_S01_V213" type="shloka" data-doc="MBTN">
<div class="verse-text">
<div class="shloka">
<span class="shloka-line">मुष्टिना त्वद्वधायाहं समर्थ इति किं वदे ।</span>
<span class="shloka-line">तस्मान्मया रक्षितस्त्वमिति ज्ञापयितुं प्रभुः ।</span>
<span class="shloka-line">साश्वसूतध्वजरथः कालिङ्गो मुष्टिचूर्णितः ॥ २१३॥</span>
</div>
</div>
</div>

<div class="verse" id="MBTN_C26_S01_V214" type="shloka" data-doc="MBTN">
<div class="verse-text">
<div class="shloka">
<span class="shloka-line">केतुमांश्च पिता तस्य शक्रदेवः श्रुतायुधः ।</span>
<span class="shloka-line">अक्षोहिण्या सेनया च सह भीमेन पातिताः ।</span>
<span class="shloka-line">खड्गयुद्धे पुरा भीष्मे सेनापत्यं प्रकुर्वति ॥ २१४॥</span>
</div>
</div>
</div>

<div class="verse" id="MBTN_C26_S01_V215" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्णानुजान् ध्रुवाद्यांश्च बहून् जघ्ने स वै निशि ।</span>
<span class="shloka-line">सञ्ज्ञां भीमकृतां ज्ञात्वा शक्तिं चिक्षेप चापराम् ।</span>
<span class="shloka-line">कर्णः शक्तिर्मया दिव्या न मुक्ता तेन जीवसि ॥ २१५॥</span>
</div>
</div>
</div>

<div class="verse" id="MBTN_C26_S01_V216" type="shloka" data-doc="MBTN">
<div class="verse-text">
<div class="shloka">
<span class="shloka-line">इति ज्ञापयितुं तां तु ज्ञात्वा भीमः क्षणात् तदा ।</span>
<span class="shloka-line">खमुत्पत्य गृहीत्वा च कर्णे चिक्षेप सत्वरः ॥ २१६॥</span>
</div>
</div>
</div>

<div class="verse" id="MBTN_C26_S01_V217" type="shloka" data-doc="MBTN">
<div class="verse-text">
<div class="shloka">
<span class="shloka-line">यदि त्वया तदा मुक्ता शक्तिस्त्वां सा हनिष्यति ।</span>
<span class="shloka-line">इति ज्ञापयितुं सा च कर्णरक्षणकाङ्क्षिणा ॥ २१७॥</span>
</div>
</div>
</div>

<div class="verse" id="MBTN_C26_S01_V218" type="shloka" data-doc="MBTN">
<div class="verse-text">
<div class="shloka">
<span class="shloka-line">मुक्ता दक्षभुजे सा च(सोऽथ) विदार्य धरणीं तथा(तदा) ।</span>
<span class="shloka-line">भित्त्वा विवेश कर्णस्य दर्शयन्ती निदर्शनम् ॥ २१८॥</span>
</div>
</div>
</div>

<div class="verse" id="MBTN_C26_S01_V219" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो भीमः पुनः स्वं तु रथमास्थाय चापभृत् ।</span>
<span class="shloka-line">कर्णस्य पुरतः शत्रून् द्रावयामास सर्वतः ॥ २१९॥</span>
</div>
</div>
</div>

<div class="verse" id="MBTN_C26_S01_V220" type="shloka" data-doc="MBTN">
<div class="verse-text">
<div class="shloka">
<span class="shloka-line">तं कर्णो वारयामास शरैः सन्नतपर्वभिः ।</span>
<span class="shloka-line">भीमः कर्णरथायैव गदां चिक्षेप वेगतः(वेगितः) ॥ २२०॥</span>
</div>
</div>
</div>

<div class="verse" id="MBTN_C26_S01_V221" type="shloka" data-doc="MBTN">
<div class="verse-text">
<div class="shloka">
<span class="shloka-line">स तद्गदाविघाताय स्थूणाकर्णास्त्रमासृजत् ।</span>
<span class="shloka-line">तेनास्त्रेण प्रतिहता सा गदा भीममाव्रजत् ॥ २२१॥</span>
</div>
</div>
</div>

<div class="verse" id="MBTN_C26_S01_V222" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमो गदां समादाय कर्णस्य रथमारुहत् ।</span>
<span class="shloka-line">तया सञ्चूर्णयामास कर्णस्य रथकूबरम् ॥ २२२॥</span>
</div>
</div>
</div>

<div class="verse" id="MBTN_C26_S01_V223" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं त्वच्चूर्णने शक्तो मत्कामात् त्वं हि जीवसि ।</span>
<span class="shloka-line">एवं निदर्शयित्वैव पुनः स्वं रथमाव्रजत् ॥ २२३॥</span>
</div>
</div>
</div>

<div class="verse" id="MBTN_C26_S01_V224" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनः कर्णपुरः सेनां जघान बहुशो रणे ।</span>
<span class="shloka-line">कर्णस्तु तं परित्यज्य सहदेवमुपाद्रवत् ॥ २२४॥</span>
</div>
</div>
</div>

<div class="verse" id="MBTN_C26_S01_V225" type="shloka" data-doc="MBTN">
<div class="verse-text">
<div class="shloka">
<span class="shloka-line">स तु तं विरथीकृत्य धनुः कण्ठेऽवसज्य च ।</span>
<span class="shloka-line">कुत्सयामास बहुशः स तु निर्वेदमागमत् ॥ २२५॥</span>
</div>
</div>
</div>

<div class="verse" id="MBTN_C26_S01_V226" type="shloka" data-doc="MBTN">
<div class="verse-text">
<div class="shloka">
<span class="shloka-line">न हन्तुमैच्छत् तं कर्णः पृथायै स्वं वचः स्मरन् ।</span>
<span class="shloka-line">तं विजित्य(विसृज्य) रणे कर्णो जघ्ने पार्थवरूथिनीम् ॥ २२६॥</span>
</div>
</div>
</div>

<div class="verse" id="MBTN_C26_S01_V227" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो द्रौणिर्विविधैर्बाणसङ्घैर्जघान पार्थस्य चमूं समन्ततः ।</span>
<span class="shloka-line">सा हन्यमाना रणकोविदेन न शं (नाशं) लेभे मृत्युनाऽऽर्ता प्रजेव(आर्तप्रजेव) ॥ २२७॥</span>
</div>
</div>
</div>

<div class="verse" id="MBTN_C26_S01_V228" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्ट्वा सेनां द्रौणिबलाभिभूतां तमाह्वयामास घटोत्कचो युधे(युधि) ।</span>
<span class="shloka-line">द्रौणिस्तमाहाऽलमलं न वत्स पुत्रस्तातं योधयस्वाद्य मां त्वम् ॥ २२८॥</span>
</div>
</div>
</div>

<div class="verse" id="MBTN_C26_S01_V229" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त ऊचे न पिता मम त्वं सखा पितुर्यद्यपि शत्रुसंश्रयात् ।</span>
<span class="shloka-line">अरिश्च मेऽसीति तमाह यद्यरिं मां मन्यसे तद्वदहं करोमि ते ॥ २२९॥</span>
</div>
</div>
</div>

<div class="verse" id="MBTN_C26_S01_V230" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्यूचिवाञ्छक्रधनुःप्रकाशं विष्फार्य चापं प्रकिरञ्छरौघान् ।</span>
<span class="shloka-line">अभ्यागमद् राक्षसमुग्रवेगः स्वसेनया सोऽपि तमभ्यवर्तत ॥ २३०॥</span>
</div>
</div>
</div>

<div class="verse" id="MBTN_C26_S01_V231" type="shloka" data-doc="MBTN">
<div class="verse-text">
<div class="shloka">
<span class="shloka-line">स रक्षसां लक्षसमावृतो बली नृभिश्च वीरैर्बहुभिः सुशिक्षितैः ।</span>
<span class="shloka-line">अक्षोहिणीमात्रबलेन राक्षसः सङ्क्षोभयामास गुरोः सुतं शरैः ॥ २३१॥</span>
</div>
</div>
</div>

<div class="verse" id="MBTN_C26_S01_V232" type="shloka" data-doc="MBTN">
<div class="verse-text">
<div class="shloka">
<span class="shloka-line">स तेन बाणैर्बहुभिः सुपीडितो विभिन्नगात्रः क्षतजाप्लुताङ्गः(क्षतजाभिप्लुताङ्गः) ।</span>
<span class="shloka-line">व्यावृत्य नेत्रे कुपितो महद् धनुर्विष्फार्य बाणै रजनीं चकार ॥ २३२॥</span>
</div>
</div>
</div>

<div class="verse" id="MBTN_C26_S01_V233" type="shloka" data-doc="MBTN">
<div class="verse-text">
<div class="shloka">
<span class="shloka-line">सोऽक्षौहिणीं तां(अक्षौहिणीं तां) क्षणमात्रतः क्षरन् महाशरांस्तानपि राक्षसान् क्षयम् ।</span>
<span class="shloka-line">निनाय पुत्रं च घटोत्कचस्य निष्ट्यं(निष्ठ्यं) पुरा योऽञ्जनवर्मनामकः ॥ २३३॥</span>
</div>
</div>
</div>

<div class="verse" id="MBTN_C26_S01_V234" type="shloka" data-doc="MBTN">
<div class="verse-text">
<div class="shloka">
<span class="shloka-line">निरीक्ष्य सेनां स्वसुतं च पातितं घटोत्कचो द्रोणसुतं शरेण ।</span>
<span class="shloka-line">विव्याध गाढं स तु विह्वलो ध्वजं समाश्रितश्चाऽशु ससञ्ज्ञकोऽभवत् ॥ २३४॥</span>
</div>
</div>
</div>

<div class="verse" id="MBTN_C26_S01_V235" type="shloka" data-doc="MBTN">
<div class="verse-text">
<div class="shloka">
<span class="shloka-line">उत्थाय बाणं यमदण्डकल्पं सन्धाय चापे प्रविकृष्य राक्षसे ।</span>
<span class="shloka-line">मुमोच तेनाभिहतः पपात विनष्टसञ्ज्ञः स्वरथे घटोत्कचः ॥ २३५॥</span>
</div>
</div>
</div>

<div class="verse" id="MBTN_C26_S01_V236" type="shloka" data-doc="MBTN">
<div class="verse-text">
<div class="shloka">
<span class="shloka-line">विमूर्च्छितं सारथिरस्य दूरं निनाय युद्धाज्जगतो विपश्यतः ।</span>
<span class="shloka-line">द्रौणिश्च सेनां निशि तैः शरोत्तमैर्व्यद्रावयत् पाण्डवसोमकानाम् ॥ २३६॥</span>
</div>
</div>
</div>

<div class="verse" id="MBTN_C26_S01_V237" type="shloka" data-doc="MBTN">
<div class="verse-text">
<div class="shloka">
<span class="shloka-line">सञ्ज्ञामवाप्याथ घटोत्कचोऽपि क्रुद्धोऽविशत् कौरवसैन्यमाशु ।</span>
<span class="shloka-line">विद्रावयामास स बाणवर्षैः प्रकम्पयामास महारथांस्तथा ॥ २३७॥</span>
</div>
</div>
</div>

<div class="verse" id="MBTN_C26_S01_V238" type="shloka" data-doc="MBTN">
<div class="verse-text">
<div class="shloka">
<span class="shloka-line">तदैव पार्थं प्रति योद्धुमागतं वैकर्तनं वीक्ष्य जगत्पतिर्हरिः ।</span>
<span class="shloka-line">घटोत्कचं प्राहिणोच्छक्तिमुग्रां तस्मिन् मोक्तुं पार्थरक्षार्थमेव ॥ २३८॥</span>
</div>
</div>
</div>

<div class="verse" id="MBTN_C26_S01_V239" type="shloka" data-doc="MBTN">
<div class="verse-text">
<div class="shloka">
<span class="shloka-line">स कर्णमाहूय युयोध तेन तस्यानु दुर्योधनपूर्वकाश्च ये ।</span>
<span class="shloka-line">द्रोणेन चैतान् समरे स एको निवारयामास ममर्द चाधिकम् ॥ २३९॥</span>
</div>
</div>
</div>

<div class="verse" id="MBTN_C26_S01_V240" type="shloka" data-doc="MBTN">
<div class="verse-text">
<div class="shloka">
<span class="shloka-line">ते बाध्यमाना बहुशो बलीयसा कर्णं पुरोधाय तमभ्ययोधयन् ।</span>
<span class="shloka-line">न विव्यथे तत्र रणे स कर्णः स्ववीर्यमास्थाय महास्त्रवेत्ता ॥ २४०॥</span>
</div>
</div>
</div>

<div class="verse" id="MBTN_C26_S01_V241" type="shloka" data-doc="MBTN">
<div class="verse-text">
<div class="shloka">
<span class="shloka-line">निवारयामास गुरोः सुतं तदा भीमस्त्रिगर्ताञ्छतमन्युनन्दनः ।</span>
<span class="shloka-line">अलम्बलो नाम तदैव राक्षसः समागमद्(समासदत्) भीमसुतं निहन्तुम् ॥ २४१॥</span>
</div>
</div>
</div>

<div class="verse" id="MBTN_C26_S01_V242" type="shloka" data-doc="MBTN">
<div class="verse-text">
<div class="shloka">
<span class="shloka-line">युद्ध्वा प्रगृह्यैनमथो निपात्य घटोत्कचो भूमितलेऽसिनाऽस्य ।</span>
<span class="shloka-line">उत्कृत्य शीर्षं तु सुयोधनेऽक्षिपद् विषेदुरत्राखिलभूमिपालाः ॥ २४२॥</span>
</div>
</div>
</div>

<div class="verse" id="MBTN_C26_S01_V243" type="shloka" data-doc="MBTN">
<div class="verse-text">
<div class="shloka">
<span class="shloka-line">अलायुधोऽथाऽगमदुग्रवीर्यो नराशनस्तं स घटोत्कचोऽभ्ययात् ।</span>
<span class="shloka-line">युद्ध्वा मुहूर्तं स तु तेन भूमौ निपात्य तं यज्ञपशुं चकार ॥ २४३॥</span>
</div>
</div>
</div>

<div class="verse" id="MBTN_C26_S01_V244" type="shloka" data-doc="MBTN">
<div class="verse-text">
<div class="shloka">
<span class="shloka-line">अथास्य शिर उद्धृत्य क्रोधाद् दुर्योधनोरसि ।</span>
<span class="shloka-line">चिक्षेप तेन सम्भ्रान्ताः सर्वे दुर्योधनादयः ॥ २४४॥</span>
</div>
</div>
</div>

<div class="verse" id="MBTN_C26_S01_V245" type="shloka" data-doc="MBTN">
<div class="verse-text">
<div class="shloka">
<span class="shloka-line">घटोत्कचबलख्यात्यै समर्थेनापि यो रणे ।</span>
<span class="shloka-line">न हतो भीमसेनेन हतेऽस्मिन् भैमसेनिना ॥ २४५॥</span>
</div>
</div>
</div>

<div class="verse" id="MBTN_C26_S01_V246" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वे सञ्चोदयामासुः(सम्बोधयामासुः) कर्णं शक्तिविमोक्षणे ।</span>
<span class="shloka-line">अस्मिन् हते हतं सर्वं किं नः पार्थः करिष्यति ॥ २४६॥</span>
</div>
</div>
</div>

<div class="verse" id="MBTN_C26_S01_V247" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं सञ्चोद्यमानः(सम्बोध्यमानः) स धार्तराष्ट्रैः पुनः पुनः ।</span>
<span class="shloka-line">हैडिम्बेनार्द्यमानैस्तु(च) स्वयं च भृशपीडितः ।</span>
<span class="shloka-line">आदत्त शक्तिं विपुलां पाकशासनसम्मताम् ॥ २४७॥</span>
</div>
</div>
</div>

<div class="verse" id="MBTN_C26_S01_V248" type="shloka" data-doc="MBTN">
<div class="verse-text">
<div class="shloka">
<span class="shloka-line">तामम्बरस्थाय घटोत्कचाय शैलोपमायातुलविक्रमाय ।</span>
<span class="shloka-line">चिक्षेप मृत्यो रसनोपमामलं प्रकाशयन्तीं प्रदिशो दिशश्च ॥ २४८॥</span>
</div>
</div>
</div>

<div class="verse" id="MBTN_C26_S01_V249" type="shloka" data-doc="MBTN">
<div class="verse-text">
<div class="shloka">
<span class="shloka-line">निर्भिण्णवक्षाः(निर्भिन्नवक्षाः) स तया पपात व्यचूर्णयञ्छत्रुबलं हतोऽपि ।</span>
<span class="shloka-line">तस्मिन् हते जहृषुधार्तराष्ट्रा उच्चुक्रुशुर्दुधुवुश्चाम्बराणि ॥ २४९॥</span>
</div>
</div>
</div>

<div class="verse" id="MBTN_C26_S01_V250" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा ननर्त केशवः समाश्लिषच्च फल्गुनम् ।</span>
<span class="shloka-line">ननाद शङ्खमाधमज्जहास(शङ्खमदमञ्जहास) चोरुनिस्वनः ॥ २५०॥</span>
</div>
</div>
</div>

<div class="verse" id="MBTN_C26_S01_V251" type="shloka" data-doc="MBTN">
<div class="verse-text">
<div class="shloka">
<span class="shloka-line">तमपृच्छद् गुडाकेशः किमेतदिति दुर्मनाः ।</span>
<span class="shloka-line">हते सुतेऽग्रजेऽस्माकं वीरे किं नन्दसि प्रभो ॥ २५१॥</span>
</div>
</div>
</div>

<div class="verse" id="MBTN_C26_S01_V252" type="shloka" data-doc="MBTN">
<div class="verse-text">
<div class="shloka">
<span class="shloka-line">तमाह भगवान् कृष्णो दिष्ट्या जीवसि फल्गुन ।</span>
<span class="shloka-line">त्वदर्थं निहिता शक्तिर्विमुक्ताऽस्मिन् हि राक्षसे ॥ २५२॥</span>
</div>
</div>
</div>

<div class="verse" id="MBTN_C26_S01_V253" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो युधिष्ठिरो दुःखादमर्षाच्चाभ्यवर्तत ।</span>
<span class="shloka-line">कर्णं प्रति तमाहाथ कृष्णद्वैपायनः प्रभुः ॥ २५३॥</span>
</div>
</div>
</div>

<div class="verse" id="MBTN_C26_S01_V254" type="shloka" data-doc="MBTN">
<div class="verse-text">
<div class="shloka">
<span class="shloka-line">ययाऽर्जुनो निहन्तव्यस्तयाऽसौ राक्षसो हतः ।</span>
<span class="shloka-line">तन्मा शुचस्त्वं राजेन्द्र दिष्ट्या जीवति फल्गुनः ।</span>
<span class="shloka-line">इत्युक्त्वा प्रययौ व्यासस्ततो युद्धमवर्तत ॥ २५४॥</span>
</div>
</div>
</div>

<div class="verse" id="MBTN_C26_S01_V255" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमार्जुनाभ्यामिह हन्यमाने बले कुरूणामितरैश्च पाण्डवैः ।</span>
<span class="shloka-line">प्रदीपहस्ता अथ योधकाश्च सर्वेऽपि निद्रावशगा बभूवुः ॥ २५५॥</span>
</div>
</div>
</div>

<div class="verse" id="MBTN_C26_S01_V256" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्ट्वैव तानाह धनञ्जयस्तदा स्वप्स्यन्तु यावच्छशिनः प्रकाशः ।</span>
<span class="shloka-line">इतीरिता आशिषः फल्गुनाय प्रयुज्य सर्वे सुषुपुर्यथास्थिताः ॥ २५६॥</span>
</div>
</div>
</div>

<div class="verse" id="MBTN_C26_S01_V257" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनश्च चन्द्रेऽभ्युदिते युधे ते समाययुः शस्त्रमहास्त्रवर्षाः ।</span>
<span class="shloka-line">तत्राऽयातः सात्यकिं सोमदत्तो भूरिश्च ताभ्यां युयुधे स एकः ॥ २५७॥</span>
</div>
</div>
</div>

<div class="verse" id="MBTN_C26_S01_V258" type="shloka" data-doc="MBTN">
<div class="verse-text">
<div class="shloka">
<span class="shloka-line">हतौ च तौ पेततुस्तेन भूमौ बाह्लीक एनं समरे त्वयोधयत् ।</span>
<span class="shloka-line">स सात्यकिं विरथीकृत्य बाणं वधाय तस्याऽशु मुमोच वीरः ॥ २५८॥</span>
</div>
</div>
</div>

<div class="verse" id="MBTN_C26_S01_V259" type="shloka" data-doc="MBTN">
<div class="verse-text">
<div class="shloka">
<span class="shloka-line">चिच्छेद तं भीमसेनस्त्रिधैव तस्मै(तस्मिञ्छतघ्नीं) शतघ्नीं प्रजहार बाह्लिकः ।</span>
<span class="shloka-line">तया हतो विह्वलितो वृकोदरो जघान तं गदया सोऽपतच्च ॥ २५९॥</span>
</div>
</div>
</div>

<div class="verse" id="MBTN_C26_S01_V260" type="shloka" data-doc="MBTN">
<div class="verse-text">
<div class="shloka">
<span class="shloka-line">बाह्लीकः प्रार्थयामास पूर्वं स्नेहपुरस्सरम् ।</span>
<span class="shloka-line">भीम त्वयैव हन्तव्यो रणेऽहं प्रीतिमिच्छता ।</span>
<span class="shloka-line">तदा यशश्च धर्मं च लोकं च प्राप्नुयामहम् ॥ २६०॥</span>
</div>
</div>
</div>

<div class="verse" id="MBTN_C26_S01_V261" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त आह तं भीमो नितरां व्यथितस्तदा ।</span>
<span class="shloka-line">हन्यां नैवान्यथा युद्धे तत् ते शुश्रूषणं भवेत् ।</span>
<span class="shloka-line">इति तेन हतस्तत्र भीमसेनेन बाह्लिकः ॥ २६१॥</span>
</div>
</div>
</div>

<div class="verse" id="MBTN_C26_S01_V262" type="shloka" data-doc="MBTN">
<div class="verse-text">
<div class="shloka">
<span class="shloka-line">हते बाह्लीके कौरवा भीमसेनमभ्याजग्मुः कर्णदुर्योधनाद्याः(कर्णसुयोधनाद्याः) ।</span>
<span class="shloka-line">द्रौणिं पुरस्कृत्य गुरुं च पार्षतः सभ्रातृकः सात्यकिना समभ्ययात् ॥ २६२॥</span>
</div>
</div>
</div>

<div class="verse" id="MBTN_C26_S01_V263" type="shloka" data-doc="MBTN">
<div class="verse-text">
<div class="shloka">
<span class="shloka-line">संशप्तकैरेव पार्थो युयोध तद् युद्धमासीदतिरौद्रमद्भुतम् ।</span>
<span class="shloka-line">अक्षोहिणी तत्र भीमार्जुनाभ्यां निषूदिता (निसूदिता) रात्रियुद्धे समस्ता(समन्तात्) ॥ २६३॥</span>
</div>
</div>
</div>

<div class="verse" id="MBTN_C26_S01_V264" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः सूर्यश्चाभ्युदितस्तदाऽतिघोरं द्रोणः कर्म युद्धे चकार ।</span>
<span class="shloka-line">स पाञ्चालानां रथवृन्दं प्रविश्य जघान हस्त्यश्वरथान् नरांश्च ॥ २६४॥</span>
</div>
</div>
</div>

<div class="verse" id="MBTN_C26_S01_V265" type="shloka" data-doc="MBTN">
<div class="verse-text">
<div class="shloka">
<span class="shloka-line">विद्रावितास्तेन महारथाश्च नैवाविन्दञ्छर्म बाणान्धकारे ।</span>
<span class="shloka-line">युवेव वृद्धोऽपि चचार युद्धे स उग्रधन्वा परमास्त्रवेत्ता ॥ २६५॥</span>
</div>
</div>
</div>

<div class="verse" id="MBTN_C26_S01_V266" type="shloka" data-doc="MBTN">
<div class="verse-text">
<div class="shloka">
<span class="shloka-line">रथार्बुदं तेन हतं च तत्र ततः सहस्रं(तथा सहस्रं) गुणितं नराणाम् ।</span>
<span class="shloka-line">ततो दशांशो निहतो हयानां गजार्बुदं चैव रणोत्कटेन ॥ २६६॥</span>
</div>
</div>
</div>

<div class="verse" id="MBTN_C26_S01_V267" type="shloka" data-doc="MBTN">
<div class="verse-text">
<div class="shloka">
<span class="shloka-line">तथा विराटद्रुपदौ शराभ्यां निनाय लोकं परमाजिमध्ये ।</span>
<span class="shloka-line">ततो विजित्यैव गुरोः सुतादीन् धृष्टद्युम्नं भीमसेनो जुगोप ॥ २६७॥</span>
</div>
</div>
</div>

<div class="verse" id="MBTN_C26_S01_V268" type="shloka" data-doc="MBTN">
<div class="verse-text">
<div class="shloka">
<span class="shloka-line">धृष्टद्युम्नो भीमसेनाभिगुप्तो द्रोणं हन्तुं यत्नमुच्चैश्चकार ।</span>
<span class="shloka-line">निवारयामास गुरुः शरौघैर्धृष्टद्युम्नं सोऽपि तं सायकेन ।</span>
<span class="shloka-line">विव्याध तेनाभिहतः स मूर्च्छामवाप विप्रो निषसाद चाऽशु ॥ २६८॥</span>
</div>
</div>
</div>

<div class="verse" id="MBTN_C26_S01_V269" type="shloka" data-doc="MBTN">
<div class="verse-text">
<div class="shloka">
<span class="shloka-line">धृष्टद्युम्नः सत्वरं खड्गचर्मणी आदाय तस्याऽरुरुहे रथोत्तमम् ।</span>
<span class="shloka-line">सञ्ज्ञामवाप्याथ गुरुः शरौघैः प्रादेशमात्रैर्व्यथयामास तं च ॥ २६९॥</span>
</div>
</div>
</div>

<div class="verse" id="MBTN_C26_S01_V270" type="shloka" data-doc="MBTN">
<div class="verse-text">
<div class="shloka">
<span class="shloka-line">स तैरतिव्यथितस्तद्रथाच्च परावृत्तः स्वं रथं चारुरोह ।</span>
<span class="shloka-line">सुसंरब्धौ तौ पुनरेव युद्धं सञ्चक्रतुर्वृष्टशराम्बुधारौ ॥ २७०॥</span>
</div>
</div>
</div>

<div class="verse" id="MBTN_C26_S01_V271" type="shloka" data-doc="MBTN">
<div class="verse-text">
<div class="shloka">
<span class="shloka-line">निवार्य शत्रुं स शरैर्ब्रह्मास्त्रमसृजद् द्विजः ।</span>
<span class="shloka-line">तेन सन्दाहयामास पाञ्चालान् सुबहून् रणे ।</span>
<span class="shloka-line">पुरुजित् कुन्तिभोजश्च तेनान्येऽपि हतास्तदा ॥ २७१॥</span>
</div>
</div>
</div>

<div class="verse" id="MBTN_C26_S01_V272" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमोऽर्जुनः सात्यकिश्च पर्यायेण गुरोः सुतम् ।</span>
<span class="shloka-line">दूरतो वारयामासुर्महत्या सेनया सह ॥ २७२॥</span>
</div>
</div>
</div>

<div class="verse" id="MBTN_C26_S01_V273" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्णदुर्योधनादींश्च शल्यं भोजं कृपं तथा ।</span>
<span class="shloka-line">भीमार्जुनौ शरौघेण वारयामासतू रणे ॥ २७३॥</span>
</div>
</div>
</div>

<div class="verse" id="MBTN_C26_S01_V274" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्र भीमो गजानीकं जयत्सेनं च मागधम् ।</span>
<span class="shloka-line">जघान सुबहूंश्चैव मागधानां रथव्रजान् ॥ २७४॥</span>
</div>
</div>
</div>

<div class="verse" id="MBTN_C26_S01_V275" type="shloka" data-doc="MBTN">
<div class="verse-text">
<div class="shloka">
<span class="shloka-line">अथ मालवराजस्य त्वश्वत्थामाभिधं गजम् ।</span>
<span class="shloka-line">भीमसेनहतं दृष्ट्वा वासुदेवप्रचोदितः ।</span>
<span class="shloka-line">अश्वत्थामा हत इति प्राह राजा युधिष्ठिरः ॥ २७५॥</span>
</div>
</div>
</div>

<div class="verse" id="MBTN_C26_S01_V276" type="shloka" data-doc="MBTN">
<div class="verse-text">
<div class="shloka">
<span class="shloka-line">अश्वत्थामवधं श्रुत्वा नाहं योत्स्य इति स्वयम् ।</span>
<span class="shloka-line">पुरोक्तं धर्मजायैव तेन द्रोणो युधिष्ठिरम् ॥ २७६॥</span>
</div>
</div>
</div>

<div class="verse" id="MBTN_C26_S01_V277" type="shloka" data-doc="MBTN">
<div class="verse-text">
<div class="shloka">
<span class="shloka-line">ब्रूहि सत्यमिति प्राह सत्यमित्येव सोऽब्रवीत् ।</span>
<span class="shloka-line">उपांशु कुञ्जरश्चेति द्रोणोऽतो व्यथितोऽभवत् ॥ २७७॥</span>
</div>
</div>
</div>

<div class="verse" id="MBTN_C26_S01_V278" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्य भीमो रथेषां(रथेषुं) च गृहीत्वा न तवेदृशम् ।</span>
<span class="shloka-line">योग्यं गुणवतो नित्यं परधर्मोपजीवनम् ॥ २७८॥</span>
</div>
</div>
</div>

<div class="verse" id="MBTN_C26_S01_V279" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्याह खस्था मुनयश्चालमेहीति तं तदा ।</span>
<span class="shloka-line">ऊचुस्तदखिलं ज्ञात्वा द्रोणः शस्त्रमवासृजत् ॥ २७९॥</span>
</div>
</div>
</div>

<div class="verse" id="MBTN_C26_S01_V280" type="shloka" data-doc="MBTN">
<div class="verse-text">
<div class="shloka">
<span class="shloka-line">सन्यस्य कर्माणि तदाऽखिलानि योगारूढः परमं वासुदेवम् ।</span>
<span class="shloka-line">सर्वेश्वरं नित्यनिरस्तदोषं ध्यायन् मुक्त्वा देहमगात् स्वधाम ।</span>
<span class="shloka-line">तं केशवः पाण्डवा गौतमश्च यान्तं स्वलोकं ददृशुर्विहायसा ॥ २८०॥</span>
</div>
</div>
</div>

<div class="verse" id="MBTN_C26_S01_V281" type="shloka" data-doc="MBTN">
<div class="verse-text">
<div class="shloka">
<span class="shloka-line">धृष्टद्युम्नः पाण्डवैर्वार्यमाणोऽप्यगात् खड्गं चर्म चाऽदाय तत्र ।</span>
<span class="shloka-line">छित्वाऽसिना तस्य शिरः पुनश्च रथं स्वकीयं त्वरया समास्थितः ।</span>
<span class="shloka-line">दृष्ट्वा कृपस्तं सुभृशं भयार्दितः सम्प्राद्रवद् वाजिनमेकमास्थितः ॥ २८१॥</span>
</div>
</div>
</div>

<div class="verse" id="MBTN_C26_S01_V282" type="shloka" data-doc="MBTN">
<div class="verse-text">
<div class="shloka">
<span class="shloka-line">सञ्छिन्ने द्रोणशिरसि गर्हयामास वासविः ।</span>
<span class="shloka-line">युधिष्ठिरं च(युधिष्ठिरश्च) पाञ्चाल्यं सात्यकिश्चापि कोपितः ॥ २८२॥</span>
</div>
</div>
</div>

<div class="verse" id="MBTN_C26_S01_V283" type="shloka" data-doc="MBTN">
<div class="verse-text">
<div class="shloka">
<span class="shloka-line">धृष्टद्युम्नस्तु तावाह कथं भूरिश्रवा हतः ।</span>
<span class="shloka-line">इति तं सात्यकिः क्रुद्धो गदापाणिः समभ्ययात् ।</span>
<span class="shloka-line">आह्वयामास पाञ्चाल्यस्तं धृतासिरविस्मयः ॥ २८३॥</span>
</div>
</div>
</div>

<div class="verse" id="MBTN_C26_S01_V284" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा जग्राह शैनेयं भीमः कृष्णप्रचोदितः ।</span>
<span class="shloka-line">शमयामास पार्थं च पाञ्चाल्यस्नेहयन्त्रितः ॥ २८४॥</span>
</div>
</div>
</div>

<div class="verse" id="MBTN_C26_S01_V285" type="shloka" data-doc="MBTN">
<div class="verse-text">
<div class="shloka">
<span class="shloka-line">ते वासुदेवेन तदा सुशिक्षिताः (तदाऽनुशिक्षिताः) स्नेहं पुनः पूर्ववदापुरुत्तमम् ।</span>
<span class="shloka-line">यत्ताश्च युद्धाय समुद्यताश्च(समुत्थिताश्च) तदाऽऽगमद् द्रौणिरप्यात्तधन्वा ॥ २८५॥</span>
</div>
</div>
</div>

<div class="verse" id="MBTN_C26_S01_V286" type="shloka" data-doc="MBTN">
<div class="verse-text">
<div class="shloka">
<span class="shloka-line">आश्रुत्य तातं निहतं प्रतिज्ञां चकार निःशेषरिपुप्रमाथने ।</span>
<span class="shloka-line">नारायणास्त्रं विससर्ज कोपात् तदा भीता भीममृते समस्ताः ॥ २८६॥</span>
</div>
</div>
</div>

<div class="verse" id="MBTN_C26_S01_V287" type="shloka" data-doc="MBTN">
<div class="verse-text">
<div class="shloka">
<span class="shloka-line">युधिष्ठिरः प्राह विषण्णचेतनः शैनेयपूर्वाः प्रतियान्तु सर्वे ।</span>
<span class="shloka-line">सभ्रातृकोऽहं द्रौणिवरास्त्रमग्नो(भग्नो) भवेयमित्यत्र जगाद केशवः ॥ २८७॥</span>
</div>
</div>
</div>

<div class="verse" id="MBTN_C26_S01_V288" type="shloka" data-doc="MBTN">
<div class="verse-text">
<div class="shloka">
<span class="shloka-line">नमध्वमस्त्रस्य ततो विमोक्ष्यथेत्यथ प्रणेमुश्च धनञ्जयादिकाः ।</span>
<span class="shloka-line">सर्वे न भीमस्तदमुष्य मूर्ध्नि पपात सोऽग्नाविव संस्थितोऽग्निः ॥ २८८॥</span>
</div>
</div>
</div>

<div class="verse" id="MBTN_C26_S01_V289" type="shloka" data-doc="MBTN">
<div class="verse-text">
<div class="shloka">
<span class="shloka-line">अदह्यमाने भीमेऽपि वह्नौ वह्निरिव स्थिते ।</span>
<span class="shloka-line">अवेष्टयद् वारुणेन पार्थोऽत्राऽत्मप्रपत्तये ॥ २८९॥</span>
</div>
</div>
</div>

<div class="verse" id="MBTN_C26_S01_V290" type="shloka" data-doc="MBTN">
<div class="verse-text">
<div class="shloka">
<span class="shloka-line">न देहे पतितास्त्रस्य बहिर्वेष्टनतः फलम् ।</span>
<span class="shloka-line">तथाऽपि स्नेहवशगो वेष्टयामास फल्गुनः ॥ २९०॥</span>
</div>
</div>
</div>

<div class="verse" id="MBTN_C26_S01_V291" type="shloka" data-doc="MBTN">
<div class="verse-text">
<div class="shloka">
<span class="shloka-line">अमोघत्वं निजास्त्रस्य भीमस्यावध्यतामपि ।</span>
<span class="shloka-line">साधयन् सार्जुनः कृष्णो भीमस्य रथमारुहत् ॥ २९१॥</span>
</div>
</div>
</div>

<div class="verse" id="MBTN_C26_S01_V292" type="shloka" data-doc="MBTN">
<div class="verse-text">
<div class="shloka">
<span class="shloka-line">वेष्टितं वारुणास्त्रेण प्रविष्टं बाह्यतस्तदा ।</span>
<span class="shloka-line">सहितत्वात् केशवेन नरत्वादथ फल्गुनम् ॥ २९२॥</span>
</div>
</div>
</div>

<div class="verse" id="MBTN_C26_S01_V293" type="shloka" data-doc="MBTN">
<div class="verse-text">
<div class="shloka">
<span class="shloka-line">तदस्त्रं नादहत् ताभ्यां स्वरथादवरोपिते ।</span>
<span class="shloka-line">भीम आच्छिन्नहेतौ च तदस्त्रं शान्तिमागमत् ॥ २९३॥</span>
</div>
</div>
</div>

<div class="verse" id="MBTN_C26_S01_V294" type="shloka" data-doc="MBTN">
<div class="verse-text">
<div class="shloka">
<span class="shloka-line">शुद्धक्षत्रियधर्मेषु निरतो यद् वृकोदरः ।</span>
<span class="shloka-line">वाहनादवतीर्यान्यैः प्रणतेऽपि निरायुधैः ।</span>
<span class="shloka-line">सायुधः सरथोऽयुद्ध्यदविषह्यमपीश्वरैः ॥ २९४॥</span>
</div>
</div>
</div>

<div class="verse" id="MBTN_C26_S01_V295" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वधर्महानौ मित्राणां कर्तव्यं यन्निषेधनम् ।</span>
<span class="shloka-line">अतः सोऽन्यानपि प्राह मा गमध्वमिति स्वयम् ॥ २९५॥</span>
</div>
</div>
</div>

<div class="verse" id="MBTN_C26_S01_V296" type="shloka" data-doc="MBTN">
<div class="verse-text">
<div class="shloka">
<span class="shloka-line">नमस्कार्यमपि ह्यस्त्रं न नम्यं जीवनेच्छया ।</span>
<span class="shloka-line">समरे शत्रुणा मुक्तं तस्मात् तन्न चकार सः ॥ २९६॥</span>
</div>
</div>
</div>

<div class="verse" id="MBTN_C26_S01_V297" type="shloka" data-doc="MBTN">
<div class="verse-text">
<div class="shloka">
<span class="shloka-line">अस्त्राभिमानी वायुर्हि देवताऽस्य हरिः स्वयम् ।</span>
<span class="shloka-line">तस्माद् भीमं स्वरूपत्वान्नादहच्चाग्निमग्निवत् ॥ २९७॥</span>
</div>
</div>
</div>

<div class="verse" id="MBTN_C26_S01_V298" type="shloka" data-doc="MBTN">
<div class="verse-text">
<div class="shloka">
<span class="shloka-line">मनसैवाऽदरं चक्रे भीमोऽस्त्रे च हरौ तदा ।</span>
<span class="shloka-line">क्षत्रधर्मानुसारेण न ननाम च बाह्यतः ॥ २९८॥</span>
</div>
</div>
</div>

<div class="verse" id="MBTN_C26_S01_V299" type="shloka" data-doc="MBTN">
<div class="verse-text">
<div class="shloka">
<span class="shloka-line">वासुदेवः स्वकीयास्त्रं भीमं चामोघमेव तु ।</span>
<span class="shloka-line">साधयित्वाऽनन्तशक्तिः पुनरश्वानचोदयत् ॥ २९९॥</span>
</div>
</div>
</div>

<div class="verse" id="MBTN_C26_S01_V300" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनः प्रयोक्तुमस्त्रं तत् (प्रयोक्तमस्त्रं तं) धार्तराष्ट्रोऽभ्यचोदयत्(अभ्ययाचत) ।</span>
<span class="shloka-line">द्रौणिर्न शक्यमित्युक्त्वा धृष्टद्युम्नं समभ्ययात् ॥ ३००॥</span>
</div>
</div>
</div>

<div class="verse" id="MBTN_C26_S01_V301" type="shloka" data-doc="MBTN">
<div class="verse-text">
<div class="shloka">
<span class="shloka-line">आयान्तमीक्ष्यैव गुरोः सुतं तं धृष्टद्युम्नं सात्यकिरन्वयाद् रणे ।</span>
<span class="shloka-line">उभौ च तौ सायकाभ्यामविध्यन्निपेततुस्तौ च विमूर्च्छितौ रणे ॥ ३०१॥</span>
</div>
</div>
</div>

<div class="verse" id="MBTN_C26_S01_V302" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमस्याभ्यागतस्याश्वान् द्रौणिर्व्यद्रावयद् रणे ।</span>
<span class="shloka-line">संस्थापयति तान् भीमे ददर्श द्रौणिमर्जुनः ॥ ३०२॥</span>
</div>
</div>
</div>

<div class="verse" id="MBTN_C26_S01_V303" type="shloka" data-doc="MBTN">
<div class="verse-text">
<div class="shloka">
<span class="shloka-line">ततोऽर्जुनस्तं प्रतियोद्धुमागमद् रुक्षा वाचः श्रावयन् क्रुद्धरूपः ।</span>
<span class="shloka-line">तत्राऽग्नेयं द्रौणिरमुञ्चदस्त्रं तेन व्याप्ता पृतना पाण्डवानाम् ॥ ३०३॥</span>
</div>
</div>
</div>

<div class="verse" id="MBTN_C26_S01_V304" type="shloka" data-doc="MBTN">
<div class="verse-text">
<div class="shloka">
<span class="shloka-line">अक्षोहिणी निहता चात्र सेना पार्थं सयानं हरिरुज्जहार ।</span>
<span class="shloka-line">जीवन्तमालोक्य सुरेन्द्रनन्दनं द्रौणिः कोपात् कार्मुकं चापहाय ।</span>
<span class="shloka-line">ययौ तमागत्य जगाद कृष्णो वेदान्तकृत् पूर्णषाड्गुण्यदेहः ॥ ३०४॥</span>
</div>
</div>
</div>

<div class="verse" id="MBTN_C26_S01_V305" type="shloka" data-doc="MBTN">
<div class="verse-text">
<div class="shloka">
<span class="shloka-line">मा याहि साक्षाद् गिरिशः सुराणां कार्याय भूमौ बलवानजायथाः ।</span>
<span class="shloka-line">महच्च कार्यं पुनरस्ति दृष्टं तवाऽशु तच्च प्रतिपादयेति ॥ ३०५॥</span>
</div>
</div>
</div>

<div class="verse" id="MBTN_C26_S01_V306" type="shloka" data-doc="MBTN">
<div class="verse-text">
<div class="shloka">
<span class="shloka-line">तथोदितः प्रातरिति ब्रुवाणो ययौ प्रणम्याखिलवेदयोनिम् ।</span>
<span class="shloka-line">ययुस्तमन्वेव सुयोधनादयो दुःखानतास्ते शिबिराय भीताः ॥ ३०६॥</span>
</div>
</div>
</div>

<div class="verse" id="MBTN_C26_S01_V307" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्थाश्च सर्वे मुदिता जनार्दनं परं स्तुवन्तः शिबिराय जग्मुः ।</span>
<span class="shloka-line">तत्रापि रात्रावमितान् हरेर्गुणाननुस्मरन्तो मुमुदुः समेताः ॥ ३०७॥</span>
</div>
</div>
</div>

<div class="gr-author-note">इति श्रीमदानन्दतीर्थभगवत्पादाचार्यविरचिते श्रीमहाभारततात्पर्यनिर्णये नारायणास्त्रोपशमनं नाम षड्विंशोऽध्यायः</div>

== सप्तविंशोऽध्यायः ==
<span id="gr-C27-S1" class="gr-toc-anchor" data-level="2" data-title="सर्वशास्त्रतात्पर्यनिर्णयः"></span>
=== सर्वशास्त्रतात्पर्यनिर्णयः ===
<div class="adhyaya-block" data-doc="MBTN" data-chap="27" data-sec="1">
</div>
<div class="verse" id="MBTN_C27_S01_V01" type="shloka" data-doc="MBTN">
<div class="verse-text">
<div class="shloka">
<span class="shloka-line">ओं ॥ अथानुज्ञामुपादाय द्रौणेर्दुर्योधनो नृपः ।</span>
<span class="shloka-line">कर्णं सेनापतिं चक्रे सोऽगाद् युद्धाय दंशितः (दंसितः) ॥ १॥</span>
</div>
</div>
</div>

<div class="verse" id="MBTN_C27_S01_V02" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्राभवद् युद्धमतीव दारुणं पाण्डोः सुतानां धृतराष्ट्रजैर्गजे ।</span>
<span class="shloka-line">तत्रोदयाद्रिप्रतिमे प्रदृश्यते भीमो यथोद्यन् सविताऽतिनिर्मलः ॥ २॥</span>
</div>
</div>
</div>

<div class="verse" id="MBTN_C27_S01_V03" type="shloka" data-doc="MBTN">
<div class="verse-text">
<div class="shloka">
<span class="shloka-line">तं कालयन्तं नृपतीन् क्षेमधूर्तिरभ्यागमत् तस्य गजं जघान च ।</span>
<span class="shloka-line">तं वीर्यमत्तं प्रतिलभ्य भीमो निनाय मृत्योः सदनाय शीघ्रम् ॥ ३॥</span>
</div>
</div>
</div>

<div class="verse" id="MBTN_C27_S01_V04" type="shloka" data-doc="MBTN">
<div class="verse-text">
<div class="shloka">
<span class="shloka-line">निहत्य तं मारुतिरभ्यकृन्तच्छिरांसि यूनां परपक्षपातिनाम् ।</span>
<span class="shloka-line">विक्षोभयामास च शत्रुसैन्यं सिंहो यथैव श्वसृगालयूथम् ॥ ४॥</span>
</div>
</div>
</div>

<div class="verse" id="MBTN_C27_S01_V05" type="shloka" data-doc="MBTN">
<div class="verse-text">
<div class="shloka">
<span class="shloka-line">सङ्क्षोभ्यमाणं तदनीकमीक्ष्य द्रौणी रथेन प्रतिजग्मिवांस्तम् ।</span>
<span class="shloka-line">तद् युद्धमासीदतिरौद्रमद्भुतं (अतिघोरमद्भुतं) पुरा यथा नाऽस च कस्यचित् क्‍वचित् ॥ ५॥</span>
</div>
</div>
</div>

<div class="verse" id="MBTN_C27_S01_V06" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्ट्वैव तद् देवगन्धर्वविप्रा ऊचुर्नेदृग् दृष्टपूर्वं सुयुद्धम् ।</span>
<span class="shloka-line">न चोत्तरं वाऽपि भविष्यतीदृक् कलां च सर्वाणि न षोडशीमियुः(षोडशीमयुः) ॥ ६॥</span>
</div>
</div>
</div>

<div class="verse" id="MBTN_C27_S01_V07" type="shloka" data-doc="MBTN">
<div class="verse-text">
<div class="shloka">
<span class="shloka-line">नैतादृशी ज्ञानसम्पद् बलं वा द्वयं कुतो वायुमृते शिवं तथा ।</span>
<span class="shloka-line">द्वयोः समाहार इह द्वयोरपि ज्ञानस्य बाह्वोश्च बलस्य सूर्जितः ॥ ७॥</span>
</div>
</div>
</div>

<div class="verse" id="MBTN_C27_S01_V08" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीर्यमाणे विबुधैर्नरोत्तमौ दिशः समस्ता गगनं च पत्रिभिः ।</span>
<span class="shloka-line">निरन्तरं चक्रतुरुत्तमोजसौ दृष्ट्वैव तद् (प्रीतिमगुः)भीतिमगुर्महारथाः ॥ ८॥</span>
</div>
</div>
</div>

<div class="verse" id="MBTN_C27_S01_V09" type="shloka" data-doc="MBTN">
<div class="verse-text">
<div class="shloka">
<span class="shloka-line">शरासने मारुतिना निराकृतो द्रौणिर्महास्त्राणि मुमोच तस्मिन् ।</span>
<span class="shloka-line">(तान्यस्त्रवर्षैः)तान्यस्त्रवर्यैर्बलवानविस्मयः संशामयामास सुतोऽनिलस्य ॥ ९॥</span>
</div>
</div>
</div>

<div class="verse" id="MBTN_C27_S01_V10" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनः शरैरेव परस्परं तावयुद्ध्यतां चित्रमलं च सुष्ठु ।</span>
<span class="shloka-line">तदा तु भीमस्य शरैर्भृशार्दितो द्रौणिः पपाताऽशु दृढं विचेतनः ॥ १०॥</span>
</div>
</div>
</div>

<div class="verse" id="MBTN_C27_S01_V11" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमश्च विह्वलतनुः स तु किञ्चिदेव पूर्वं गते गुरुसुते प्रययौ क्षणेन ।</span>
<span class="shloka-line">निर्धूतयुद्धश्रम आत्तधन्वा योद्धुं गजौघं प्रति नादिताशः(प्रतिनादिताशः) ॥ ११॥</span>
</div>
</div>
</div>

<div class="verse" id="MBTN_C27_S01_V12" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन् गजान् मर्दयति धार्तराष्ट्रो युधिष्ठिरम् ।</span>
<span class="shloka-line">अगाद् युद्धाय तौ युद्धं राजानौ चक्रतुश्चिरम् ॥ १२॥</span>
</div>
</div>
</div>

<div class="verse" id="MBTN_C27_S01_V13" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्र तं विरथं चक्रे सहसैव युधिष्ठिरः ।</span>
<span class="shloka-line">स गदामाददे गुर्वीं तं भीमोऽभ्यपतद् गदी ॥ १३॥</span>
</div>
</div>
</div>

<div class="verse" id="MBTN_C27_S01_V14" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्ट्वा कृपस्तं स्वरथमारोप्यापययौ ततः ।</span>
<span class="shloka-line">तदैव कर्णनकुलौ भृशं बाणैरयुद्ध्यताम् ॥ १४॥</span>
</div>
</div>
</div>

<div class="verse" id="MBTN_C27_S01_V15" type="shloka" data-doc="MBTN">
<div class="verse-text">
<div class="shloka">
<span class="shloka-line">नकुलं विरथं कृत्वा कर्णोऽथ प्रपलायिनम्(प्रपलायितम्) ।</span>
<span class="shloka-line">अनुद्रुत्य च वेगेन कण्ठे धनुरवासृजत् ॥ १५॥</span>
</div>
</div>
</div>

<div class="verse" id="MBTN_C27_S01_V16" type="shloka" data-doc="MBTN">
<div class="verse-text">
<div class="shloka">
<span class="shloka-line">उक्त्वा च पुरुषा(उवाच परुषा) वाचः कुन्त्या वचनगौरवात् ।</span>
<span class="shloka-line">जघान नैव नकुलं विसृज्य च ययौ परान् ॥ १६॥</span>
</div>
</div>
</div>

<div class="verse" id="MBTN_C27_S01_V17" type="shloka" data-doc="MBTN">
<div class="verse-text">
<div class="shloka">
<span class="shloka-line">विन्दानुविन्दावथ कैकयौ रणे समासदत् सात्यकिरुग्रविक्रमः ।</span>
<span class="shloka-line">तयोरमुष्याभवदुग्रवैशसं प्रवर्षतोरुत्तमसायकान् बहून् ॥ १७॥</span>
</div>
</div>
</div>

<div class="verse" id="MBTN_C27_S01_V18" type="shloka" data-doc="MBTN">
<div class="verse-text">
<div class="shloka">
<span class="shloka-line">ताभ्यां निरुद्धः सहसा जहार तत्रानुविन्दस्य शिरोऽथ विन्दः ।</span>
<span class="shloka-line">युयोध शैनेयमथारथावुभौ परस्परं चक्रतुरुत्तमाहवे ॥ १८॥</span>
</div>
</div>
</div>

<div class="verse" id="MBTN_C27_S01_V19" type="shloka" data-doc="MBTN">
<div class="verse-text">
<div class="shloka">
<span class="shloka-line">ततश्च चर्मासिधरौ प्रचेरतुः श्येनौ यथाऽकाशतले कृतश्रमौ ।</span>
<span class="shloka-line">निकृत्य चान्योन्यमुभौ च चर्मणी वरासिपाणी युगपत् समीयतुः ॥ १९॥</span>
</div>
</div>
</div>

<div class="verse" id="MBTN_C27_S01_V20" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्रापहस्तेन शिरः सकुण्डलं जहार विन्दस्य मृधे स सात्यकिः ।</span>
<span class="shloka-line">निहत्य तौ बन्धुजनैः सुपूजितो जगाम शत्रूनपरान् प्रकम्पयन् ॥ २०॥</span>
</div>
</div>
</div>

<div class="verse" id="MBTN_C27_S01_V21" type="shloka" data-doc="MBTN">
<div class="verse-text">
<div class="shloka">
<span class="shloka-line">कृपमायान्तमीक्ष्यैव तपसां मां प्रपीडयेत् ।</span>
<span class="shloka-line">इति मत्वा पार्षतस्तु भीमं शरणमेयिवान् ॥ २१॥</span>
</div>
</div>
</div>

<div class="verse" id="MBTN_C27_S01_V22" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्णं समन्तात् प्रतिकालयन्तं वरूथिनीमिन्द्रसुतः समभ्ययात् ।</span>
<span class="shloka-line">क्षणात् तमाजौ विरथं च चक्रे ततोऽपहारं स चकार चम्वाः ॥ २२॥</span>
</div>
</div>
</div>

<div class="verse" id="MBTN_C27_S01_V23" type="shloka" data-doc="MBTN">
<div class="verse-text">
<div class="shloka">
<span class="shloka-line">पराजितः संयति सूर्यसूनुः सुतेन शक्रस्य स धार्तराष्ट्रम् ।</span>
<span class="shloka-line">जगाद बाहुं प्रतिगृह्य पार्थो जिगाय मामन्यमनस्कमाजौ ॥ २३॥</span>
</div>
</div>
</div>

<div class="verse" id="MBTN_C27_S01_V24" type="shloka" data-doc="MBTN">
<div class="verse-text">
<div class="shloka">
<span class="shloka-line">कामं रथो मे धनुरप्यभेद्यं दत्तं भृगूणामधिपेन दिव्यम् ।</span>
<span class="shloka-line">यन्ता न तादृङ् मम यादृशो हरिः शल्यो यदि स्यात् त्वदरिं निहन्याम् ॥ २४॥</span>
</div>
</div>
</div>

<div class="verse" id="MBTN_C27_S01_V25" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरिते सौत्यकृते स शल्यं प्रोवाच स क्रुद्ध इवाभवत् तदा ।</span>
<span class="shloka-line">दुर्योधनो रथिनः सारथेस्तु व्यावर्णयन्नुत्तमतामशामयत् ॥ २५॥</span>
</div>
</div>
</div>

<div class="verse" id="MBTN_C27_S01_V26" type="shloka" data-doc="MBTN">
<div class="verse-text">
<div class="shloka">
<span class="shloka-line">बुद्ध्या बलेन ज्ञानेन धैर्याद्यैरपि योऽधिकः ।</span>
<span class="shloka-line">रथिनः सारथिः स स्यादर्जुनस्य यथा हरिः ।</span>
<span class="shloka-line">यथा शिवस्य ब्रह्माऽभूद् दहतस्त्रिपुरं पुरा ॥ २६॥</span>
</div>
</div>
</div>

<div class="verse" id="MBTN_C27_S01_V27" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्यादिवाक्यैः संशान्त इव शल्योऽस्य सारथिः ।</span>
<span class="shloka-line">बभूव तेन सहितः सेनां व्यूह्य रवेः सुतः ॥ २७॥</span>
</div>
</div>
</div>

<div class="verse" id="MBTN_C27_S01_V28" type="shloka" data-doc="MBTN">
<div class="verse-text">
<div class="shloka">
<span class="shloka-line">गच्छन् युद्धाय दर्पेण प्राह यो मेऽर्जुनं पुमान् ।</span>
<span class="shloka-line">दर्शयेत् तस्य दास्यामि प्रीतो वित्तमनर्गलम् ॥ २८॥</span>
</div>
</div>
</div>

<div class="verse" id="MBTN_C27_S01_V29" type="shloka" data-doc="MBTN">
<div class="verse-text">
<div class="shloka">
<span class="shloka-line">इति ब्रुवन्तं बहुशः प्राह शल्यः प्रहस्य च ।</span>
<span class="shloka-line">निवातकवचा येन हता दग्धं च खाण्डवम् ।</span>
<span class="shloka-line">को नाम तं जयेन्मर्त्यो दृष्टो वोऽपि स गोग्रहे ॥ २९॥</span>
</div>
</div>
</div>

<div class="verse" id="MBTN_C27_S01_V30" type="shloka" data-doc="MBTN">
<div class="verse-text">
<div class="shloka">
<span class="shloka-line">काकगोमायुधर्मा त्वं हंससिंहोपमं रणे ।</span>
<span class="shloka-line">मा याहि पार्थं मा याहि हतोऽनेन यमक्षयम् ॥ ३०॥</span>
</div>
</div>
</div>

<div class="verse" id="MBTN_C27_S01_V31" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्ते रविजो मद्रान् नितरां पर्यकुत्सयत् ।</span>
<span class="shloka-line">शल्योऽपि सर्वदेशेषु नीचमध्योत्तमा नराः ।</span>
<span class="shloka-line">सन्तीत्युक्त्वाऽस्य सारथ्यं चक्रे पार्थहितेप्सया(पार्थहितेच्छया) ॥ ३१॥</span>
</div>
</div>
</div>

<div class="verse" id="MBTN_C27_S01_V32" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्णोऽथ शल्यनियतेन रथेन पार्थसेनामवाप्य विदुधाव शरैः समन्तात् ।</span>
<span class="shloka-line">संरक्षितो युधि सुयोधनगौतमाद्यैराचार्यजेन च महास्त्रविदां वरेण ॥ ३२॥</span>
</div>
</div>
</div>

<div class="verse" id="MBTN_C27_S01_V33" type="shloka" data-doc="MBTN">
<div class="verse-text">
<div class="shloka">
<span class="shloka-line">तं भीमपार्षतशिनिप्रवराभिगुप्ता सा पाण्डवेयपृतनाऽभिववर्ष बाणैः ।</span>
<span class="shloka-line">तां सूर्यसूनुरथ बाणवरैर्विदार्य सम्प्राद्रवच्छितशरैरपि (सम्प्रार्दयच्छितशरैरपि) धर्मसूनुम् ॥ ३३॥</span>
</div>
</div>
</div>

<div class="verse" id="MBTN_C27_S01_V34" type="shloka" data-doc="MBTN">
<div class="verse-text">
<div class="shloka">
<span class="shloka-line">कृत्वा तमाशु विरथं धनुरस्य कण्ठे सज्यं निधाय परुषा गिर आह चोच्चैः ।</span>
<span class="shloka-line">दृष्ट्वैव मारुतिरमुं भृशमातुतोद दुर्योधनं (विगतकार्मुकं)विरथकार्मुकमत्र कृत्वा ॥ ३४॥</span>
</div>
</div>
</div>

<div class="verse" id="MBTN_C27_S01_V35" type="shloka" data-doc="MBTN">
<div class="verse-text">
<div class="shloka">
<span class="shloka-line">तं प्राणसंशयगतं नृपतिं निरीक्ष्य कर्णं जगाद युधि मद्रपतिः प्रदर्श्य ।</span>
<span class="shloka-line">यस्यार्थ एष(यस्यार्थमेव) समरस्त्वमियं च सेनां तं त्वं यमस्य सदनं प्रयियासुमद्य ।</span>
<span class="shloka-line">भीमेन पीडितममुं परिपाहि शीघ्रं किं ते युधिष्ठिरमिमं हि मुधाऽभिपीड्य(वृथाऽभिपीड्य) ॥ ३५॥</span>
</div>
</div>
</div>

<div class="verse" id="MBTN_C27_S01_V36" type="shloka" data-doc="MBTN">
<div class="verse-text">
<div class="shloka">
<span class="shloka-line">श्रुत्वाऽस्य वाक्यमतिहाय(वाक्यमपहाय) युधिष्ठिरं तं कर्णो ययौ नृपतिरक्षणतत्परोऽलम् ।</span>
<span class="shloka-line">दृष्ट्वैव तं पवनसूनुरभि त्वियाय क्रोधाद् दिधक्षुरिव कर्णममेयधामा ॥ ३६॥</span>
</div>
</div>
</div>

<div class="verse" id="MBTN_C27_S01_V37" type="shloka" data-doc="MBTN">
<div class="verse-text">
<div class="shloka">
<span class="shloka-line">राजावनाय शिनिपुङ्गवपार्षतौ च सन्दिश्य कर्णमभिगच्छत आस रूपम् ।</span>
<span class="shloka-line">अन्ते कृतान्तनरसिंहतनोर्यथैव विष्णोर्हरं ग्रसत आत्तसमस्तविश्वम् ।</span>
<span class="shloka-line">तद्वेगतः प्रतिचचाल धरा समस्ता विद्राविता च सकला प्रतिवीरसेना ॥ ३७॥</span>
</div>
</div>
</div>

<div class="verse" id="MBTN_C27_S01_V38" type="shloka" data-doc="MBTN">
<div class="verse-text">
<div class="shloka">
<span class="shloka-line">वैकर्तनेन शरसञ्चयताडितः स बाणं च वज्रसदृशं प्रमुमोच तस्मिन् ।</span>
<span class="shloka-line">तेनाऽहतो मृतकवत् स पपात कर्णो भीमः क्षुरं च जगृहेऽभिययौ(जगृहे प्रययौ) च पद्भ्याम् ॥ ३८॥</span>
</div>
</div>
</div>

<div class="verse" id="MBTN_C27_S01_V39" type="shloka" data-doc="MBTN">
<div class="verse-text">
<div class="shloka">
<span class="shloka-line">निन्दां हरेस्तु(हरेश्च) विदधाति परोक्षगोऽपि(परोक्षतोऽपि) यस्तं प्रगृह्य करवाणि विजिह्वमेव ।</span>
<span class="shloka-line">एवं हि वायुतनयस्य सदा प्रतिज्ञा छेत्तुं स तेन रविजस्य ससार जिह्वाम् ॥ ३९॥</span>
</div>
</div>
</div>

<div class="verse" id="MBTN_C27_S01_V40" type="shloka" data-doc="MBTN">
<div class="verse-text">
<div class="shloka">
<span class="shloka-line">आयान्तमन्तिकममुं प्रसमीक्ष्य शल्यो नेत्याह हेतुभिरहो न मृषा प्रतिज्ञा ।</span>
<span class="shloka-line">कार्या त्वयैव पुरुहूतसुतस्य जिह्वां मा तेन पातय मरुत्सुत सूतसूनोः ॥ ४०॥</span>
</div>
</div>
</div>

<div class="verse" id="MBTN_C27_S01_V41" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त्वा प्रमुखात्(इत्युक्त्वाऽभिमुखात्) तस्य रथेनैव तु मद्रराट् ।</span>
<span class="shloka-line">वैकर्तनमपोवाह सर्वलोकस्य पश्यतः ॥ ४१॥</span>
</div>
</div>
</div>

<div class="verse" id="MBTN_C27_S01_V42" type="shloka" data-doc="MBTN">
<div class="verse-text">
<div class="shloka">
<span class="shloka-line">जित्वा सूर्यसुतं भीमः कौरवाणामनीकिनीम् ।</span>
<span class="shloka-line">सर्वां विद्रावयामास द्रौणिदुर्योधनावृताम् ॥ ४२॥</span>
</div>
</div>
</div>

<div class="verse" id="MBTN_C27_S01_V43" type="shloka" data-doc="MBTN">
<div class="verse-text">
<div class="shloka">
<span class="shloka-line">अक्षोहिणीत्रयं तेन तदा विलुलितं क्षणात् ।</span>
<span class="shloka-line">तदैव गुरुपुत्रोऽयात् पाण्डवानामनीकिनीम् ॥ ४३॥</span>
</div>
</div>
</div>

<div class="verse" id="MBTN_C27_S01_V44" type="shloka" data-doc="MBTN">
<div class="verse-text">
<div class="shloka">
<span class="shloka-line">विमृद्य सकलां सेनां कृत्वा च विरथं नृपम् ।</span>
<span class="shloka-line">धृष्टद्युम्नं यमौ चैव सात्यकिं द्रौपदीसुतान् ।</span>
<span class="shloka-line">क्षणेन विरथीकृत्य सर्वांश्चक्रे निरायुधान् ॥ ४४॥</span>
</div>
</div>
</div>

<div class="verse" id="MBTN_C27_S01_V45" type="shloka" data-doc="MBTN">
<div class="verse-text">
<div class="shloka">
<span class="shloka-line">तान् भग्नदर्पान् रणतोऽपयातानन्वेव बाणावृतमन्तरिक्षम् ।</span>
<span class="shloka-line">कुर्वन् ययौ धर्मराजस्तमाह किं नः स्वधर्मे निरतान् विहंसि ॥ ४५॥</span>
</div>
</div>
</div>

<div class="verse" id="MBTN_C27_S01_V46" type="shloka" data-doc="MBTN">
<div class="verse-text">
<div class="shloka">
<span class="shloka-line">क्षत्रियान् परधर्मस्थो मा हिंसीरिति चोदितः ।</span>
<span class="shloka-line">प्रहस्य तान् विहायैव ययौ यत्राच्युतार्जुनौ ॥ ४६॥</span>
</div>
</div>
</div>

<div class="verse" id="MBTN_C27_S01_V47" type="shloka" data-doc="MBTN">
<div class="verse-text">
<div class="shloka">
<span class="shloka-line">संशप्तकैस्तत्र संयुद्ध्यमानं समाह्वयामास सुरेशसूनुम् ।</span>
<span class="shloka-line">स बाणयुक्तं भुजगेन्द्रकल्पमुन्नम्य बाहुं युधये सुशूरम् ॥ ४७॥</span>
</div>
</div>
</div>

<div class="verse" id="MBTN_C27_S01_V48" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्थः संशप्तकगणैः संसृष्टः समरार्थिभिः ।</span>
<span class="shloka-line">आहूतो द्रौणिना चैव कार्यं कृष्णमपृच्छत ।</span>
<span class="shloka-line">चोदयामास च हयान् कृष्णो द्रौणिरथं प्रति ॥ ४८॥</span>
</div>
</div>
</div>

<div class="verse" id="MBTN_C27_S01_V49" type="shloka" data-doc="MBTN">
<div class="verse-text">
<div class="shloka">
<span class="shloka-line">उभौ च तावस्त्रविदां प्रधानौ महाबलौ संयति जातदर्पौ ।</span>
<span class="shloka-line">शरैः समस्ताः प्रदिशो दिशश्च द्रोणेन्द्रसूनू तिमिराः प्रचक्रतुः ॥ ४९॥</span>
</div>
</div>
</div>

<div class="verse" id="MBTN_C27_S01_V50" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रौणिस्तदा स्यन्दनवाजिरोमस्वरोमकूपध्वजकार्मुकेभ्यः ।</span>
<span class="shloka-line">शरानमोघान् सततं सृजानो बबन्ध पार्थं शरपञ्जरेण ॥ ५०॥</span>
</div>
</div>
</div>

<div class="verse" id="MBTN_C27_S01_V51" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन् निबद्धे हरिरप्रमेयो विबोधयामास सुरेन्द्रसूनुम् ।</span>
<span class="shloka-line">आलिङ्गनेनास्य ददौ बलं च स उत्थितोऽस्त्राण्यमुचन्महान्ति ॥ ५१॥</span>
</div>
</div>
</div>

<div class="verse" id="MBTN_C27_S01_V52" type="shloka" data-doc="MBTN">
<div class="verse-text">
<div class="shloka">
<span class="shloka-line">निवार्य तान्यस्त्रवरैर्गुरोः सुतश्चिच्छेद च ज्यां युधि गाण्डिवस्य ।</span>
<span class="shloka-line">ववर्ष पार्थं च शरैरथाऽन्या ज्याऽऽसीत् तया गाण्डिवं सोऽप्ययुङ्क्त ॥ ५२॥</span>
</div>
</div>
</div>

<div class="verse" id="MBTN_C27_S01_V53" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः शरेण कुपितः शितेन द्रौणिसारथेः ।</span>
<span class="shloka-line">शिरो जहार कौन्तेयः सारथ्यं सोऽकरोत् स्वयम् ॥ ५३॥</span>
</div>
</div>
</div>

<div class="verse" id="MBTN_C27_S01_V54" type="shloka" data-doc="MBTN">
<div class="verse-text">
<div class="shloka">
<span class="shloka-line">शरान् विसृजता तेन सारथ्यमपि कुर्वता ।</span>
<span class="shloka-line">शरकूटेन पार्थः स पुनर्बद्धो द्विजन्मना ॥ ५४॥</span>
</div>
</div>
</div>

<div class="verse" id="MBTN_C27_S01_V55" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनरालिङ्ग्य कृष्णस्तमधाच्छत्रुविघातकम् ।</span>
<span class="shloka-line">बलमस्मिंस्ततः पार्थः उत्तस्थौ शरचापभृत् ।</span>
<span class="shloka-line">ववर्ष च शरान् भूयो द्रोणपुत्रेऽरिमर्दनः ॥ ५५॥</span>
</div>
</div>
</div>

<div class="verse" id="MBTN_C27_S01_V56" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनस्तस्य तुतोद(नुनोद) ज्यां द्रौणिः सन्धाय तां पुनः ।</span>
<span class="shloka-line">पार्थो द्रोणसुतस्याश्वरश्मींश्चिच्छेद सायकैः ॥ ५६॥</span>
</div>
</div>
</div>

<div class="verse" id="MBTN_C27_S01_V57" type="shloka" data-doc="MBTN">
<div class="verse-text">
<div class="shloka">
<span class="shloka-line">विरश्मयो हया द्रौणेः पुनः पार्थशराहताः ।</span>
<span class="shloka-line">अपोहुर्दूरमेतस्मात् सोऽपि संस्थाप्य तान् पुनः ।</span>
<span class="shloka-line">चिन्तयामास नैतस्मादधिकं शक्यतेऽर्जुने ॥ ५७॥</span>
</div>
</div>
</div>

<div class="verse" id="MBTN_C27_S01_V58" type="shloka" data-doc="MBTN">
<div class="verse-text">
<div class="shloka">
<span class="shloka-line">सारथित्वात् केशवस्य ध्वजस्थत्वाद्धनूमतः ।</span>
<span class="shloka-line">गाण्डिवत्वात् कार्मुकस्य चेषुध्योरक्षयत्वतः ॥ ५८॥</span>
</div>
</div>
</div>

<div class="verse" id="MBTN_C27_S01_V59" type="shloka" data-doc="MBTN">
<div class="verse-text">
<div class="shloka">
<span class="shloka-line">अवध्यत्वात् तथाऽश्वानामभेद्यत्वाद् रथस्य च ।</span>
<span class="shloka-line">अतो योद्धुं समर्थोऽपि नाद्य यामि धनञ्जयम् ॥ ५९॥</span>
</div>
</div>
</div>

<div class="verse" id="MBTN_C27_S01_V60" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं स मत्वा प्रविवेश सेनां पाण्डोः सुतानामथ तं समभ्ययात् ।</span>
<span class="shloka-line">पाण्ड्यस्तयोरास सुयुद्धमद्भुतं प्रवर्षतोः सायकपूगमुग्रम् ॥ ६०॥</span>
</div>
</div>
</div>

<div class="verse" id="MBTN_C27_S01_V61" type="shloka" data-doc="MBTN">
<div class="verse-text">
<div class="shloka">
<span class="shloka-line">अष्टावष्टशतान्यूहुः(अष्टावष्टगवान्यूहुः) शकटानि यदायुधम् ।</span>
<span class="shloka-line">अह्नस्तदष्टभागेन द्रौणिश्चिक्षेप तत्र ह ॥ ६१॥</span>
</div>
</div>
</div>

<div class="verse" id="MBTN_C27_S01_V62" type="shloka" data-doc="MBTN">
<div class="verse-text">
<div class="shloka">
<span class="shloka-line">अथ तं विरथं कृत्वा छित्वा कार्मुकमाहवे ।</span>
<span class="shloka-line">सकुण्डलं शिरो द्रौणिर्जहार मुकुटोज्ज्वलम्(मकुटोज्ज्वलम्) ॥ ६२॥</span>
</div>
</div>
</div>

<div class="verse" id="MBTN_C27_S01_V63" type="shloka" data-doc="MBTN">
<div class="verse-text">
<div class="shloka">
<span class="shloka-line">अथ विद्रावयामास पृतनां पाण्डवीं शरैः ।</span>
<span class="shloka-line">तदा जघान पार्थोऽपि दण्डधाराख्यमागधम् ॥ ६३॥</span>
</div>
</div>
</div>

<div class="verse" id="MBTN_C27_S01_V64" type="shloka" data-doc="MBTN">
<div class="verse-text">
<div class="shloka">
<span class="shloka-line">विद्राप्यमाणां पृतनां निरीक्ष्य गुरोः सुतेनाभ्यगमत् त्वरावान् ।</span>
<span class="shloka-line">धृष्टद्युम्नस्तं स ऊचे सुपापं हनिष्ये त्वामद्य युद्धे गुरुघ्नम् ॥ ६४॥</span>
</div>
</div>
</div>

<div class="verse" id="MBTN_C27_S01_V65" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तो दर्शयामास पार्षतः खड्गमुत्तमम् ।</span>
<span class="shloka-line">अयं तव पितुर्हन्ता वदिष्यति तवोत्तरम् ॥ ६५॥</span>
</div>
</div>
</div>

<div class="verse" id="MBTN_C27_S01_V66" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त्वा धनुरादाय ववर्ष च शरान् बहून् ।</span>
<span class="shloka-line">तयोः समभवद् युद्धं तुमुलं रोमहर्षणम् ॥ ६६॥</span>
</div>
</div>
</div>

<div class="verse" id="MBTN_C27_S01_V67" type="shloka" data-doc="MBTN">
<div class="verse-text">
<div class="shloka">
<span class="shloka-line">स तत्र पार्षतं द्रौणिः क्षणेन विरथायुधम् ।</span>
<span class="shloka-line">कृत्वाऽन्ताय शरांस्तीक्ष्णान् मुमोच न च तस्य ते ।</span>
<span class="shloka-line">त्वचं च चिच्छिदुर्द्रौणिः खड्गहस्तोऽभिजग्मिवान् ॥ ६७॥</span>
</div>
</div>
</div>

<div class="verse" id="MBTN_C27_S01_V68" type="shloka" data-doc="MBTN">
<div class="verse-text">
<div class="shloka">
<span class="shloka-line">खड्गेन सोऽस्त्रैशस्त्रैरप्यनिर्भिन्नत्वचं तदा ।</span>
<span class="shloka-line">मौर्व्या ममन्थ धनुषः पातयित्वा धरातले ॥ ६८॥</span>
</div>
</div>
</div>

<div class="verse" id="MBTN_C27_S01_V69" type="shloka" data-doc="MBTN">
<div class="verse-text">
<div class="shloka">
<span class="shloka-line">आकृष्यमाणं पार्षतं दृष्ट्वा कृष्णप्रचोदितः ।</span>
<span class="shloka-line">पार्थो भीमश्चोभयतः शरैरभिनिजघ्नतुः ॥ ६९॥</span>
</div>
</div>
</div>

<div class="verse" id="MBTN_C27_S01_V70" type="shloka" data-doc="MBTN">
<div class="verse-text">
<div class="shloka">
<span class="shloka-line">स ताभ्यां वज्रसमितैः(वज्रसन्निभैः) शरैरभिहतो भृशम् ।</span>
<span class="shloka-line">विसृज्य पार्षतं स्वीयमारुरोह रथं पुनः ॥ ७०॥</span>
</div>
</div>
</div>

<div class="verse" id="MBTN_C27_S01_V71" type="shloka" data-doc="MBTN">
<div class="verse-text">
<div class="shloka">
<span class="shloka-line">जगाम च ततोऽन्यत्र पाञ्चाल्योऽपि रथं पुनः ।</span>
<span class="shloka-line">आरुह्यान्यं स्वात्तधन्वा कृतवर्माणमभ्ययात् ॥ ७१॥</span>
</div>
</div>
</div>

<div class="verse" id="MBTN_C27_S01_V72" type="shloka" data-doc="MBTN">
<div class="verse-text">
<div class="shloka">
<span class="shloka-line">तयोरासीत् सुतुमुलं युद्धमद्भुतदर्शनम् ।</span>
<span class="shloka-line">तत्र नातिप्रयत्नेन पाञ्चाल्यो विरथायुधम् ।</span>
<span class="shloka-line">चकार कृतवर्माणं तमपोवाह गौतमः ॥ ७२॥</span>
</div>
</div>
</div>

<div class="verse" id="MBTN_C27_S01_V73" type="shloka" data-doc="MBTN">
<div class="verse-text">
<div class="shloka">
<span class="shloka-line">अथ दुर्योधनो राजा माद्रेयावभ्ययाद् रथी ।</span>
<span class="shloka-line">ताभ्यां तस्याभवद् घोरं युद्धमद्भुतदर्शनम् ।</span>
<span class="shloka-line">तत्र नातिप्रयत्नेन तेन तौ विरथीकृतौ ॥ ७३॥</span>
</div>
</div>
</div>

<div class="verse" id="MBTN_C27_S01_V74" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वयं युधिष्ठिरो राजा तदा तं समवारयत् ।</span>
<span class="shloka-line">व्यश्वसूतध्वजं चक्रे तं च दुर्योधनो रणे ॥ ७४॥</span>
</div>
</div>
</div>

<div class="verse" id="MBTN_C27_S01_V75" type="shloka" data-doc="MBTN">
<div class="verse-text">
<div class="shloka">
<span class="shloka-line">अथाऽगतं सूर्यसुतं पुनश्च जगाम भीमो रभसो(रभसा) रथेन ।</span>
<span class="shloka-line">दुर्योधनं चास्य समक्षमेव चकार वीरो विरथं क्षणेन ॥ ७५॥</span>
</div>
</div>
</div>

<div class="verse" id="MBTN_C27_S01_V76" type="shloka" data-doc="MBTN">
<div class="verse-text">
<div class="shloka">
<span class="shloka-line">निवार्य कर्णं च शरैरमुष्य सूनोः सुषेणस्य शिरश्चकर्त ।</span>
<span class="shloka-line">पपात भूमौ स पितुः समीपे यथा हतः सत्यसेनोऽमुनैव ।</span>
<span class="shloka-line">यथैव कर्णावरजौ पुरैव निशायुद्धे कर्णपुरः प्रपातितौ ॥ ७६॥</span>
</div>
</div>
</div>

<div class="verse" id="MBTN_C27_S01_V77" type="shloka" data-doc="MBTN">
<div class="verse-text">
<div class="shloka">
<span class="shloka-line">हतं तमीक्ष्यैव विकर्तनात्मजः क्रोधान्वितो भीमसेनं विहाय ।</span>
<span class="shloka-line">ययौ प्रमृद्यैव चमूं युधिष्ठिरं रथेऽपरे स्वश्वयुते व्यवस्थितम् ॥ ७७॥</span>
</div>
</div>
</div>

<div class="verse" id="MBTN_C27_S01_V78" type="shloka" data-doc="MBTN">
<div class="verse-text">
<div class="shloka">
<span class="shloka-line">न्यवारयेतां शिनिपौत्रपार्षतौ कृष्णासुताः सोमकसङ्घयुक्ताः ।</span>
<span class="shloka-line">स तान् समस्तान् विरथान् विधाय युधिष्ठिरं प्राप युतं यमाभ्याम् ॥ ७८॥</span>
</div>
</div>
</div>

<div class="verse" id="MBTN_C27_S01_V79" type="shloka" data-doc="MBTN">
<div class="verse-text">
<div class="shloka">
<span class="shloka-line">निहत्य सोऽश्वान् युधि धर्मसूनोर्निरायुधौ तौ च यमौ चकार ।</span>
<span class="shloka-line">तानेकयानोपगतान् पुनश्च ममर्द बाणैश्च वचोभिरुग्रैः ॥ ७९॥</span>
</div>
</div>
</div>

<div class="verse" id="MBTN_C27_S01_V80" type="shloka" data-doc="MBTN">
<div class="verse-text">
<div class="shloka">
<span class="shloka-line">तदैव मोक्षाय नृपस्य भीमो दुर्योधनं विरथं संविधाय ।</span>
<span class="shloka-line">विव्याध मर्मस्वतितीक्ष्णसायकैस्तं दर्शयामास रवेः सुताय ॥ ८०॥</span>
</div>
</div>
</div>

<div class="verse" id="MBTN_C27_S01_V81" type="shloka" data-doc="MBTN">
<div class="verse-text">
<div class="shloka">
<span class="shloka-line">शल्यस्तदा धर्मसुतं विहाय कर्णो ययौ तत्र युधिष्ठिरोऽपि ।</span>
<span class="shloka-line">गत्वा शनैः शिबिरं तत्र शिश्ये कर्णो यदा राजगृध्नी जगाम ॥ ८१॥</span>
</div>
</div>
</div>

<div class="verse" id="MBTN_C27_S01_V82" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रौणिः कृपश्चात्र तदैव जग्मतुस्तदा भीमो द्रौणिकर्णौ जगाम ।</span>
<span class="shloka-line">कृपो नृपं रथमारोपयच्च विद्धं शरैर्भीमबाहुप्रमुक्तैः ॥ ८२॥</span>
</div>
</div>
</div>

<div class="verse" id="MBTN_C27_S01_V83" type="shloka" data-doc="MBTN">
<div class="verse-text">
<div class="shloka">
<span class="shloka-line">नृपं समादाय कृपेऽपयाते भीमार्दितौ द्रौणिकर्णौ शरौघैः ।</span>
<span class="shloka-line">विहाय तं जग्मतुः सोमकानां चमूं शरौघैरभिपातयन्तौ ॥ ८३॥</span>
</div>
</div>
</div>

<div class="verse" id="MBTN_C27_S01_V84" type="shloka" data-doc="MBTN">
<div class="verse-text">
<div class="shloka">
<span class="shloka-line">अथात्र राजानमचक्षमाणो धनञ्जयो वासुदेवप्रणुन्नः ।</span>
<span class="shloka-line">अभ्याययौ पार्षतः स्वां तु सेनां कर्णाहतां वीक्ष्य कुरूनपीडयत् ॥ ८४॥</span>
</div>
</div>
</div>

<div class="verse" id="MBTN_C27_S01_V85" type="shloka" data-doc="MBTN">
<div class="verse-text">
<div class="shloka">
<span class="shloka-line">न्यवारयत् समायान्तं कपिप्रवरकेतनम् ।</span>
<span class="shloka-line">द्रौणिर्दुःशासनश्चैव धृष्टद्युम्नमवारयत् ॥ ८५॥</span>
</div>
</div>
</div>

<div class="verse" id="MBTN_C27_S01_V86" type="shloka" data-doc="MBTN">
<div class="verse-text">
<div class="shloka">
<span class="shloka-line">उभावतिरथौ तौ तु शस्त्रास्त्रैरभ्यवर्षताम् ।</span>
<span class="shloka-line">दुःशासनः पार्षतश्च कुर्वन्तौ बाणजं तमः ॥ ८६॥</span>
</div>
</div>
</div>

<div class="verse" id="MBTN_C27_S01_V87" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्र दुःशासनेनाऽजौ स्तम्भितो द्रुपदात्मजः ।</span>
<span class="shloka-line">यतमानोऽपि निर्यत्नः कृतो युद्धे निरायुधः ॥ ८७॥</span>
</div>
</div>
</div>

<div class="verse" id="MBTN_C27_S01_V88" type="shloka" data-doc="MBTN">
<div class="verse-text">
<div class="shloka">
<span class="shloka-line">तदाऽभवद् युद्धमतीव दारुणं द्रौणेस्तनूजेन तु वज्रपाणेः ।</span>
<span class="shloka-line">तत्रापि बद्धः शरपञ्जरेण पार्थोऽपनुत्ताऽपि हि गाण्डिवज्या ॥ ८८॥</span>
</div>
</div>
</div>

<div class="verse" id="MBTN_C27_S01_V89" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्थोऽथ कृष्णेधितबाहुवीर्यो(कृष्णैधितबाहुवीर्यो) निहत्य सूतं गुरुपुत्रकस्य ।</span>
<span class="shloka-line">छित्वा च रश्मींस्तुरगानमुष्य विद्रावयामास शरैः सुदूरम् ॥ ८९॥</span>
</div>
</div>
</div>

<div class="verse" id="MBTN_C27_S01_V90" type="shloka" data-doc="MBTN">
<div class="verse-text">
<div class="shloka">
<span class="shloka-line">अतीत्य पुत्रं तु गुरोः समागते पार्थे कर्णो द्रावयामास सेनाम् ।</span>
<span class="shloka-line">पाण्डोः सुतानां शरवर्षधारो दुर्योधनश्चानु ययौ तमेव ॥ ९०॥</span>
</div>
</div>
</div>

<div class="verse" id="MBTN_C27_S01_V91" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्णमायान्तमालोक्य द्रावयन्तं निजां चमूम् ।</span>
<span class="shloka-line">धनुरन्यत् समादाय धृष्टद्युम्नो न्यवारयत् ॥ ९१॥</span>
</div>
</div>
</div>

<div class="verse" id="MBTN_C27_S01_V92" type="shloka" data-doc="MBTN">
<div class="verse-text">
<div class="shloka">
<span class="shloka-line">तयोरासीन्महद् युद्धं चिरं सममविश्रमम् ।</span>
<span class="shloka-line">तदैव सात्यकिर्वीरो दुर्योधनमवारयत् ॥ ९२॥</span>
</div>
</div>
</div>

<div class="verse" id="MBTN_C27_S01_V93" type="shloka" data-doc="MBTN">
<div class="verse-text">
<div class="shloka">
<span class="shloka-line">निवारितः सात्यकिना रणे दुर्योधनो नृपः ।</span>
<span class="shloka-line">निहत्य सात्यकेरश्वान् द्रौपदेश्चापमच्छिनत् ॥ ९३॥</span>
</div>
</div>
</div>

<div class="verse" id="MBTN_C27_S01_V94" type="shloka" data-doc="MBTN">
<div class="verse-text">
<div class="shloka">
<span class="shloka-line">तदन्तरैव कर्णोऽपि पार्षताश्वानपातयत्(अश्वानघातयत्) ।</span>
<span class="shloka-line">तयोर्विरथयोरेव भग्नं तत् पाण्डवं बलम् ॥ ९४॥</span>
</div>
</div>
</div>

<div class="verse" id="MBTN_C27_S01_V95" type="shloka" data-doc="MBTN">
<div class="verse-text">
<div class="shloka">
<span class="shloka-line">बलं स्वकीयं बहुधा विभिन्नं(विभग्नं) समीक्ष्य भीमो मृगराजकेतुः ।</span>
<span class="shloka-line">कृत्वा धराकम्पकमुग्रनादं रणेऽभ्ययात् कौरवराजसैन्यम् ॥ ९५॥</span>
</div>
</div>
</div>

<div class="verse" id="MBTN_C27_S01_V96" type="shloka" data-doc="MBTN">
<div class="verse-text">
<div class="shloka">
<span class="shloka-line">नादेन बाणैश्च वृकोदरेण भग्नं तदा कौरवसैन्यमाशु ।</span>
<span class="shloka-line">दिशो विदुद्राव सुयोधनोऽपि कृतो रणे तेन विवाहनायुधः ॥ ९६॥</span>
</div>
</div>
</div>

<div class="verse" id="MBTN_C27_S01_V97" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्ट्वैव तत् पाण्डवानां च सेना समावृत्ता क्षिप्रमवार्यविक्रमा (समागता क्षिप्रमवार्यवेगा) ।</span>
<span class="shloka-line">तया पुनः कौरवाणां बलं तद् भग्नं दूराद् दूरतरं प्रदुद्रुवे ॥ ९७॥</span>
</div>
</div>
</div>

<div class="verse" id="MBTN_C27_S01_V98" type="shloka" data-doc="MBTN">
<div class="verse-text">
<div class="shloka">
<span class="shloka-line">हन्यमानं दिशो यातं (पाञ्चाल्यैः)पाञ्चालैर्भीमसंश्रयात् ।</span>
<span class="shloka-line">दुर्योधनबलं (सुयोधनबलं) दृष्ट्वा जज्वालाऽधिरथिः(अधिरथः) क्रुधा ॥ ९८॥</span>
</div>
</div>
</div>

<div class="verse" id="MBTN_C27_S01_V99" type="shloka" data-doc="MBTN">
<div class="verse-text">
<div class="shloka">
<span class="shloka-line">सोऽमोघं रामदेवत्यमस्त्रं भार्गवसञ्ज्ञितम् ।</span>
<span class="shloka-line">सर्वास्त्रनाशकं दिव्यमप्रतिद्वन्द्वमाददे</span>
<span class="shloka-line">तच्च भीमपुरोगेषु सैन्येष्वमुचदुब्लणम् ।॥ ९९॥</span>
</div>
</div>
</div>

<div class="verse" id="MBTN_C27_S01_V100" type="shloka" data-doc="MBTN">
<div class="verse-text">
<div class="shloka">
<span class="shloka-line">तदस्त्रं वर्जयामास भीमं रामप्रसादतः ।</span>
<span class="shloka-line">अन्ये तु दुद्रुवुः केचिच्छिष्टाः प्रापुर्यमक्षयम् ॥ १००॥</span>
</div>
</div>
</div>

<div class="verse" id="MBTN_C27_S01_V101" type="shloka" data-doc="MBTN">
<div class="verse-text">
<div class="shloka">
<span class="shloka-line">न ह्यस्त्रं द्रवमाणांस्तद्धन्ति तेन सपार्षताः ।</span>
<span class="shloka-line">पाञ्चाला द्रौपदेयाश्च शैनेयाद्याश्च सर्वशः ॥ १०१॥</span>
</div>
</div>
</div>

<div class="verse" id="MBTN_C27_S01_V102" type="shloka" data-doc="MBTN">
<div class="verse-text">
<div class="shloka">
<span class="shloka-line">पलायनेनोर्वरिता अर्जुनोऽप्यस्त्रमुद्यतम् ।</span>
<span class="shloka-line">वीक्ष्य प्रत्यस्त्रहीनं तदप्राप्यैव रवेः सुतम् ॥ १०२॥</span>
</div>
</div>
</div>

<div class="verse" id="MBTN_C27_S01_V103" type="shloka" data-doc="MBTN">
<div class="verse-text">
<div class="shloka">
<span class="shloka-line">वासुदेवमिदं प्राह वर्जयित्वैव सूतजम् ।</span>
<span class="shloka-line">अन्यत्र यामि नैवास्मादस्त्राज्जीवनमन्यथा ॥ १०३॥</span>
</div>
</div>
</div>

<div class="verse" id="MBTN_C27_S01_V104" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्यूचिवांसं पार्थं तं कृष्णोऽप्राप्यैव सूतजम् ।</span>
<span class="shloka-line">अन्येनैव पथा भीमं प्रापयामास विश्वकृत् ॥ १०४॥</span>
</div>
</div>
</div>

<div class="verse" id="MBTN_C27_S01_V105" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्रार्जुनोऽवदद् भीमं याहि द्रष्टुं युधिष्ठिरम् ।</span>
<span class="shloka-line">प्रवृत्तिं विद्धि भूपस्य मां तु संशप्तका युधे ।</span>
<span class="shloka-line">आह्वयन्ति (हतोच्छिष्टाः)हतोच्छेषास्तानहं यामि तद् युधे ॥ १०५॥</span>
</div>
</div>
</div>

<div class="verse" id="MBTN_C27_S01_V106" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्यूचिवांसं तमुवाच भीमो जानन् स्वबाह्वोर्बलमप्रमेयम् ।</span>
<span class="shloka-line">संशप्तकान् सूतजं कौरवंश्च योत्स्येऽहमेकस्त्वमुपैहि भूपम् ॥ १०६॥</span>
</div>
</div>
</div>

<div class="verse" id="MBTN_C27_S01_V107" type="shloka" data-doc="MBTN">
<div class="verse-text">
<div class="shloka">
<span class="shloka-line">त्यक्त्वा रणं नाहमितो व्रजेयं न मां वदेत् कश्चन युद्धभीतम् ।</span>
<span class="shloka-line">इति ब्रुवाणं तमनन्तशक्तिः प्रीतः कृष्णः प्रशशंसाधिकेष्टम् ॥ १०७॥</span>
</div>
</div>
</div>

<div class="verse" id="MBTN_C27_S01_V108" type="shloka" data-doc="MBTN">
<div class="verse-text">
<div class="shloka">
<span class="shloka-line">ययौ युधिष्ठिरं द्रष्टुं शिबिरं सार्जुनो हरिः ।</span>
<span class="shloka-line">दृष्ट्वा तौ नृपतिः कर्णं हतं मत्वाऽऽशशंस ह(मत्वा शशंस ह) ॥ १०८॥</span>
</div>
</div>
</div>

<div class="verse" id="MBTN_C27_S01_V109" type="shloka" data-doc="MBTN">
<div class="verse-text">
<div class="shloka">
<span class="shloka-line">अभिवाद्य हनिष्यामीत्युक्तः पार्थेन सा क्रुधा ।</span>
<span class="shloka-line">भृशं विनिन्द्य बीभत्सुमाह कृष्णाय गाण्डिवम् ।</span>
<span class="shloka-line">देहि पुत्रं स राधाया हनिष्यति न संशयः ॥ १०९॥</span>
</div>
</div>
</div>

<div class="verse" id="MBTN_C27_S01_V110" type="shloka" data-doc="MBTN">
<div class="verse-text">
<div class="shloka">
<span class="shloka-line">अथवा भीम एवैनं निवृत्ते त्वयि पातयेत् ।</span>
<span class="shloka-line">त्वं तु कुन्त्या वृथा सूतः क्लीबो मिथ्याप्रतिश्रवः ॥ ११०॥</span>
</div>
</div>
</div>

<div class="verse" id="MBTN_C27_S01_V111" type="shloka" data-doc="MBTN">
<div class="verse-text">
<div class="shloka">
<span class="shloka-line">अहं हि सूतपुत्रेण क्लिष्टो मारुतितेजसा ।</span>
<span class="shloka-line">जीवामीत्यग्रजेनोक्त उद्बबर्हासिमुत्तमम् ।</span>
<span class="shloka-line">वासुदेवस्तदाऽऽहेदं(वासुदेवस्तमाहेदं) किमेतदिति सर्ववित् ॥ १११॥</span>
</div>
</div>
</div>

<div class="verse" id="MBTN_C27_S01_V112" type="shloka" data-doc="MBTN">
<div class="verse-text">
<div class="shloka">
<span class="shloka-line">तमाह गाण्डिवं दातुं यो वदेत् तद्वधो मया ।</span>
<span class="shloka-line">प्रतिज्ञातस्ततो हन्मि नृपमित्याह तं हरिः ॥ ११२॥</span>
</div>
</div>
</div>

<div class="verse" id="MBTN_C27_S01_V113" type="shloka" data-doc="MBTN">
<div class="verse-text">
<div class="shloka">
<span class="shloka-line">सत्यस्य वचनं श्रेयः सत्यज्ञानं तु दुष्करम् ।</span>
<span class="shloka-line">यत्सतां हितमत्यन्तं तत् सत्यमिति निश्चयः ॥ ११३॥</span>
</div>
</div>
</div>

<div class="verse" id="MBTN_C27_S01_V114" type="shloka" data-doc="MBTN">
<div class="verse-text">
<div class="shloka">
<span class="shloka-line">धर्मस्य चरणं(धर्मस्याचरणं) श्रेयो धर्मज्ञानं तु दुष्करम्(सुदुष्करम्) ।</span>
<span class="shloka-line">यः सतां धारको नित्यं स धर्म इति निश्चयः ॥ ११४॥</span>
</div>
</div>
</div>

<div class="verse" id="MBTN_C27_S01_V115" type="shloka" data-doc="MBTN">
<div class="verse-text">
<div class="shloka">
<span class="shloka-line">कौशिकाख्यो ब्राह्मणो हि लीनं ग्रामजनं क्‍वचित् ।</span>
<span class="shloka-line">तस्करेष्वभिधायैव निरयं प्रत्यपद्यत ॥ ११५॥</span>
</div>
</div>
</div>

<div class="verse" id="MBTN_C27_S01_V116" type="shloka" data-doc="MBTN">
<div class="verse-text">
<div class="shloka">
<span class="shloka-line">कश्चिद् व्याधो मृगं हत्वा मातापितृनिमित्ततः ।</span>
<span class="shloka-line">भक्षार्थमभ्यगात् स्वर्गमसुरोऽसौ(आसुरोऽसौ) मृगो यतः ।</span>
<span class="shloka-line">उपद्रवाय लोकस्य तपश्चरति दुर्मतिः ॥ ११६॥</span>
</div>
</div>
</div>

<div class="verse" id="MBTN_C27_S01_V117" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मात् सद्धारको धर्म इति कृत्वा विनिश्चयम् ।</span>
<span class="shloka-line">मा नृपं जहि सत्यां त्वङ्कुरु वाचं तिरस्कुरु ।</span>
<span class="shloka-line">इत्युक्तो बहुधाऽनिन्दत् क्रोधादेवार्जुनो नृपम् ॥ ११७॥</span>
</div>
</div>
</div>

<div class="verse" id="MBTN_C27_S01_V118" type="shloka" data-doc="MBTN">
<div class="verse-text">
<div class="shloka">
<span class="shloka-line">त्वं नृशंसोऽकृतघ्नश्च निर्वीर्यः पुरुषंवदः ।</span>
<span class="shloka-line">त्वत्तः सुखं नास्ति किञ्चिन्न मां गर्हितुमर्हसि ॥ ११८॥</span>
</div>
</div>
</div>

<div class="verse" id="MBTN_C27_S01_V119" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमो मां गर्हितुं योग्यो यो ह्यस्माकं सदा गतिः ।</span>
<span class="shloka-line">यो युद्ध्यते सर्ववीरैरद्यापि त्वं तु निन्दकः ॥ ११९॥</span>
</div>
</div>
</div>

<div class="verse" id="MBTN_C27_S01_V120" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्याद्युक्त्वाऽऽत्मनाशाय विकोशं चकृवानसिम् ।</span>
<span class="shloka-line">पुनः कृष्णेन पृष्टः स (पृष्टः सन्) स्वाभिप्रायमुवाच सः ।</span>
<span class="shloka-line">तच्छ्रुत्वा गर्हयित्वैनं पुनराह जनार्दनः ॥ १२०॥</span>
</div>
</div>
</div>

<div class="verse" id="MBTN_C27_S01_V121" type="shloka" data-doc="MBTN">
<div class="verse-text">
<div class="shloka">
<span class="shloka-line">मतिपूर्वं देहहानात्(देहनाशात्) पापं महदवाप्यते ।</span>
<span class="shloka-line">धर्मार्थकाममोक्षाणां साधनं देहतोऽस्ति यत् ॥ १२१॥</span>
</div>
</div>
</div>

<div class="verse" id="MBTN_C27_S01_V122" type="shloka" data-doc="MBTN">
<div class="verse-text">
<div class="shloka">
<span class="shloka-line">अतो मा त्यज देहं तु कुरु चाऽत्मप्रशंसनम्(कुरुष्वात्मप्रशंसनम्) ।</span>
<span class="shloka-line">वधो गुरूणां त्वङ्कारः स्वप्रशंसैव चात्मनः ।</span>
<span class="shloka-line">इत्युक्तः स त्वहङ्काराच्छशंस स्वगुणानलम् ॥ १२२॥</span>
</div>
</div>
</div>

<div class="verse" id="MBTN_C27_S01_V123" type="shloka" data-doc="MBTN">
<div class="verse-text">
<div class="shloka">
<span class="shloka-line">गुरुनिन्दाऽऽत्मपूजा च न धर्माय भवेत् क्‍वचित् ।</span>
<span class="shloka-line">तथाऽप्यर्जुनहार्दं तत् सम्प्रकाश्य जनार्दनः ॥ १२३॥</span>
</div>
</div>
</div>

<div class="verse" id="MBTN_C27_S01_V124" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्य लज्जां समुत्पाद्य नाशयित्वा च तं मदम् ।</span>
<span class="shloka-line">नाहं वेद परं धर्मं कृष्ण एव गतिर्मम ॥ १२४॥</span>
</div>
</div>
</div>

<div class="verse" id="MBTN_C27_S01_V125" type="shloka" data-doc="MBTN">
<div class="verse-text">
<div class="shloka">
<span class="shloka-line">इति भावं समुत्पाद्य दोषान् नाशयितुं हरिः ।</span>
<span class="shloka-line">कारयामास तत् सर्वमर्जुनेन जगत्पतिः ॥ १२५॥</span>
</div>
</div>
</div>

<div class="verse" id="MBTN_C27_S01_V126" type="shloka" data-doc="MBTN">
<div class="verse-text">
<div class="shloka">
<span class="shloka-line">तत एवदविज्ञानात् कुपितो नृपतिर्भृशम् ।</span>
<span class="shloka-line">आहास्तु राजा भीमस्त्वं युवा मां जहि च स्वयम् ।</span>
<span class="shloka-line">वनं वा विफलो यामीत्युक्त्वोत्तस्थौ स्वतल्पतः ॥ १२६॥</span>
</div>
</div>
</div>

<div class="verse" id="MBTN_C27_S01_V127" type="shloka" data-doc="MBTN">
<div class="verse-text">
<div class="shloka">
<span class="shloka-line">तं वासुदेवः प्रतिगृह्य हेतुमुक्त्वा सर्वं शमयामास नेता ।</span>
<span class="shloka-line">पार्थश्च भूपस्य पपात पादयोः क्षमापयन् सोऽपि सुप्रीतिमाप ॥ १२७॥</span>
</div>
</div>
</div>

<div class="verse" id="MBTN_C27_S01_V128" type="shloka" data-doc="MBTN">
<div class="verse-text">
<div class="shloka">
<span class="shloka-line">तौ भ्रातरौ वासुदेवप्रसादान्महापदो मुक्तिमाप्यातिहृष्टौ ।</span>
<span class="shloka-line">भक्त्या समस्ताधिपतिं शशंसतुस्त्वया समः को नु हरे हितो नः ॥ १२८॥</span>
</div>
</div>
</div>

<div class="verse" id="MBTN_C27_S01_V129" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः प्रणम्य बीभत्सुरग्रजं परिरम्भितः ।</span>
<span class="shloka-line">तेनाभिनन्दितः प्रीत्या चाऽशीर्भिः प्रययौ युधे ॥ १२९॥</span>
</div>
</div>
</div>

<div class="verse" id="MBTN_C27_S01_V130" type="shloka" data-doc="MBTN">
<div class="verse-text">
<div class="shloka">
<span class="shloka-line">तं शङ्कितं कर्णजये स्विन्नगात्रं हरिस्तदा ।</span>
<span class="shloka-line">सङ्कीर्त्य पूर्वकर्माणि नरावेशं विशेषतः ।</span>
<span class="shloka-line">व्यञ्जयामास धैर्यं च तस्याऽसीत् तेन सुस्थिरम् ॥ १३०॥</span>
</div>
</div>
</div>

<div class="verse" id="MBTN_C27_S01_V131" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमस्तदा शत्रुबलं समस्तं विद्रावयामास जघान चाऽजौ ।</span>
<span class="shloka-line">वीरान् रणायाभिमुखान् स्वयन्त्रा कुर्वंश्च वार्ता(कुर्वन् स्ववार्ता) रममाण एव ॥ १३१॥</span>
</div>
</div>
</div>

<div class="verse" id="MBTN_C27_S01_V132" type="shloka" data-doc="MBTN">
<div class="verse-text">
<div class="shloka">
<span class="shloka-line">तदाऽऽसदत् तं शकुनिः ससैन्यो दुर्योधनस्यावरजैरुपेतः ।</span>
<span class="shloka-line">तं भीमसेनो विरथं निरायुधं विधाय बाणैर्भुवि च न्यपातयत् ॥ १३२॥</span>
</div>
</div>
</div>

<div class="verse" id="MBTN_C27_S01_V133" type="shloka" data-doc="MBTN">
<div class="verse-text">
<div class="shloka">
<span class="shloka-line">न जघ्निवांस्तं सहदेवभागं प्रकल्पितं स्वेन तदाऽक्षगोष्ठ्या(तदाऽक्षगोष्ठ्याम्) ।</span>
<span class="shloka-line">तं मूर्च्छितं श्वासमात्रावशेषं(श्वासमात्रावशिष्टं) दुर्योधनः स्वरथेनापनिन्ये ॥ १३३॥</span>
</div>
</div>
</div>

<div class="verse" id="MBTN_C27_S01_V134" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्योधनस्यावरजा दशात्र प्रदुद्रुवुर्भीमसेनं विहाय ।</span>
<span class="shloka-line">तदाऽर्जुनं वासुदेवं च दृष्ट्वा प्रीतः श्रुत्वा धर्मराजप्रवृत्तिम् ॥ १३४॥</span>
</div>
</div>
</div>

<div class="verse" id="MBTN_C27_S01_V135" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनश्च निघ्नन्तमरिप्रवीरान् विद्रावयन्तं च निजां वरूथिनीम् ।</span>
<span class="shloka-line">ससार दुःशासन आत्तधन्वा भीमोऽपि तं सिंह इवाभिपेदिवान् ॥ १३५॥</span>
</div>
</div>
</div>

<div class="verse" id="MBTN_C27_S01_V136" type="shloka" data-doc="MBTN">
<div class="verse-text">
<div class="shloka">
<span class="shloka-line">तं रूक्षवाचो मुहुरर्पयन्तं विधाय भीमो विरथं क्षणेन ।</span>
<span class="shloka-line">प्रगृह्य भूमौ विनिपात्य वक्षो विदारयामास गदाप्रहारतः ॥ १३६॥</span>
</div>
</div>
</div>

<div class="verse" id="MBTN_C27_S01_V137" type="shloka" data-doc="MBTN">
<div class="verse-text">
<div class="shloka">
<span class="shloka-line">आक्रम्य कण्ठं च पदोदरेऽस्य निविश्य पश्यन् मुखमात्तरोषः(मुखमाप्तरोषः) ।</span>
<span class="shloka-line">विकोशमाकाशनिभं विधाय महासिमस्योरसि सञ्चखान ॥ १३७॥</span>
</div>
</div>
</div>

<div class="verse" id="MBTN_C27_S01_V138" type="shloka" data-doc="MBTN">
<div class="verse-text">
<div class="shloka">
<span class="shloka-line">कृत्वाऽस्य वक्षस्युरुसत्तटाकं पपौ निकामं तृषितोऽमृतोपमम् ।</span>
<span class="shloka-line">तच्छोणिताम्भो भ्रमदक्षमेनं संस्मारयामास पुरा कृतानि ॥ १३८॥</span>
</div>
</div>
</div>

<div class="verse" id="MBTN_C27_S01_V139" type="shloka" data-doc="MBTN">
<div class="verse-text">
<div class="shloka">
<span class="shloka-line">वाक्सायकांश्चास्य पुरा समर्पितान् संस्मारयामास पुनः पुनर्भृशम् ।</span>
<span class="shloka-line">दन्तान्तरं न प्रविवेश तस्य रक्तं ह्यपेयं पुरुषस्य जानतः ॥ १३९॥</span>
</div>
</div>
</div>

<div class="verse" id="MBTN_C27_S01_V140" type="shloka" data-doc="MBTN">
<div class="verse-text">
<div class="shloka">
<span class="shloka-line">तथाऽपि शत्रुप्रतिभीषणाय पपाविवाऽस्वाद्य पुनःपुनर्भृशम् ।</span>
<span class="shloka-line">स्मरन् नृसिंहं भगवन्तमीश्वरं स मन्युसूक्तं च ददर्श भक्त्या ॥ १४०॥</span>
</div>
</div>
</div>

<div class="verse" id="MBTN_C27_S01_V141" type="shloka" data-doc="MBTN">
<div class="verse-text">
<div class="shloka">
<span class="shloka-line">‘यस्ते मन्यो'’ (ऋ.१०.८३.१) इत्यतो नारसिंहं सोमं तस्मै चाऽर्पयच्छोणिताख्यम्(प्रार्पयच्छोणिताख्यम्)।</span>
<span class="shloka-line">युद्धाख्ययज्ञे सोमबुद्ध्याऽरिवक्ष ईहेति साम्ना गदया विभिन्दन् ॥ १४१॥</span>
</div>
</div>
</div>

<div class="verse" id="MBTN_C27_S01_V142" type="shloka" data-doc="MBTN">
<div class="verse-text">
<div class="shloka">
<span class="shloka-line">उवाच वाचं पुरुषप्रवीरः सत्यां प्रतिज्ञां लोकमध्ये विधाय ।</span>
<span class="shloka-line">याः सपतयस्ता अपतयो हि जाता यासाऽपतिः(याऽऽसाऽपतिः सा) सा सपतिश्च जाता ॥ १४२॥</span>
</div>
</div>
</div>

<div class="verse" id="MBTN_C27_S01_V143" type="shloka" data-doc="MBTN">
<div class="verse-text">
<div class="shloka">
<span class="shloka-line">पश्यन्तु चित्रां परमस्य शक्तिं ये वै तिलाः षण्ढतिला बभूवुः ।</span>
<span class="shloka-line">एनं गृहीतं च(हि) मया यदीह कश्चित् पुमान् मोचयतु स्ववीर्यात् ॥ १४३॥</span>
</div>
</div>
</div>

<div class="verse" id="MBTN_C27_S01_V144" type="shloka" data-doc="MBTN">
<div class="verse-text">
<div class="shloka">
<span class="shloka-line">इति ब्रुवाणः पुनरेव रक्तं पपौ सुधां देववरो यथा दिवि ।</span>
<span class="shloka-line">पुनश्च सप्राणममुं(सप्राणमेनं) विसृज्य नदन् ननर्तारिबले निरायुधः ॥ १४४॥</span>
</div>
</div>
</div>

<div class="verse" id="MBTN_C27_S01_V145" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रत्यनृत्यन् येऽस्मान् पुनर्गौरिति गौरिति ।</span>
<span class="shloka-line">तान् वयं प्रतिनृत्यामः पुनर्गौरिति गौरिति ॥ १४५॥</span>
</div>
</div>
</div>

<div class="verse" id="MBTN_C27_S01_V146" type="shloka" data-doc="MBTN">
<div class="verse-text">
<div class="shloka">
<span class="shloka-line">इति ब्रुवन् नृत्यमानोऽरिमध्य आस्फोटयञ्छत्रुगणानजोहवीत् ।</span>
<span class="shloka-line">शशाक च द्रष्टुममुं न कश्चिद् वैकर्तनद्रौणिसुयोधनादिषु ॥ १४६॥</span>
</div>
</div>
</div>

<div class="verse" id="MBTN_C27_S01_V147" type="shloka" data-doc="MBTN">
<div class="verse-text">
<div class="shloka">
<span class="shloka-line">भयाच्च कर्णस्य पपात कार्मुकं निमीलयामास तदाऽक्षिणी च ।</span>
<span class="shloka-line">सम्बोधितो मद्रराजेन युद्धे स्थितः कथञ्चित् स तु पार्थभागः ॥ १४७॥</span>
</div>
</div>
</div>

<div class="verse" id="MBTN_C27_S01_V148" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रौणिर्विहायैनमपाजगाम(विहायैतमपाजगाम) दूरं तदा भीमसेनो जगाद ।</span>
<span class="shloka-line">पीतः सोमो युद्धयज्ञे मयाऽद्य वध्यः पशुर्मे हरये सुयोधनः ॥ १४८॥</span>
</div>
</div>
</div>

<div class="verse" id="MBTN_C27_S01_V149" type="shloka" data-doc="MBTN">
<div class="verse-text">
<div class="shloka">
<span class="shloka-line">इति ब्रुवन् मृतमुत्सृज्य शत्रुं दुर्योधनं चाऽशु रुषाऽभिदुद्रुवे ।</span>
<span class="shloka-line">आयान्तमीक्ष्यैव तमुग्रपौरुषं दुद्राव भीतः स सुयोधनो भृशम् ॥ १४९॥</span>
</div>
</div>
</div>

<div class="verse" id="MBTN_C27_S01_V150" type="shloka" data-doc="MBTN">
<div class="verse-text">
<div class="shloka">
<span class="shloka-line">बलद्वयं चापययौ विहाय भयाद् भीमं कृष्णपार्थौ विनैव ।</span>
<span class="shloka-line">आयोधनं शून्यमभून्मुहूर्तं ननर्त भीमो व्याघ्रपदेन हर्षात् ॥ १५०॥</span>
</div>
</div>
</div>

<div class="verse" id="MBTN_C27_S01_V151" type="shloka" data-doc="MBTN">
<div class="verse-text">
<div class="shloka">
<span class="shloka-line">सङ्कल्प्य शत्रून् गोवदेवाऽजिमध्ये शार्दूलवत् तच्चरितं निशाम्य ।</span>
<span class="shloka-line">जहास कृष्णश्च धनञ्जयश्च शशंसतुश्चैनमतिप्रहृष्टौ ॥ १५१॥</span>
</div>
</div>
</div>

<div class="verse" id="MBTN_C27_S01_V152" type="shloka" data-doc="MBTN">
<div class="verse-text">
<div class="shloka">
<span class="shloka-line">यदा स रङ्गः पवमानसूनुना शून्यः कृतस्तत्र महूर्तमात्रात् ।</span>
<span class="shloka-line">दुर्योधनस्यावरजाः शरौघैरवीवृषन् भीममुदारसत्त्वम् ॥ १५२॥</span>
</div>
</div>
</div>

<div class="verse" id="MBTN_C27_S01_V153" type="shloka" data-doc="MBTN">
<div class="verse-text">
<div class="shloka">
<span class="shloka-line">तान् मारुतिर्बाणवरैर्निकृत्तशीर्षान् यमायानयदाशु वीरः ।</span>
<span class="shloka-line">तस्मिन् दिने विंशतिर्धार्तराष्ट्र हतास्तदन्ये समरात् प्रदुद्रुवुः ॥ १५३॥</span>
</div>
</div>
</div>

<div class="verse" id="MBTN_C27_S01_V154" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्माण्यनन्यौपयिकानि(कर्माण्यनन्यौपधिकानि) भीमे कुर्वत्येवं (भीमभीते)भीतभीतेऽरिसङ्घे ।</span>
<span class="shloka-line">निमीलिताक्षे च भयेन कर्णे कर्णात्मजो नकुलं प्रत्यधावत् ॥ १५४॥</span>
</div>
</div>
</div>

<div class="verse" id="MBTN_C27_S01_V155" type="shloka" data-doc="MBTN">
<div class="verse-text">
<div class="shloka">
<span class="shloka-line">माद्रीसुतो वृषसेनं शरौघैरवारयत् तं विरथं चकार ।</span>
<span class="shloka-line">कर्णात्मजः सोऽप्यसिचर्मपाणिस्तस्यानुगांस्त्रिसहस्रं जघान ॥ १५५॥</span>
</div>
</div>
</div>

<div class="verse" id="MBTN_C27_S01_V156" type="shloka" data-doc="MBTN">
<div class="verse-text">
<div class="shloka">
<span class="shloka-line">कर्णात्मजस्तस्य सञ्छिद्य चर्म भीमार्जुनादीनपि बाणसङ्घैः ।</span>
<span class="shloka-line">अवीवृषत् तस्य पार्थः शरेण ग्रीवाबाहूरून् युगपच्चकर्त ॥ १५६॥</span>
</div>
</div>
</div>

<div class="verse" id="MBTN_C27_S01_V157" type="shloka" data-doc="MBTN">
<div class="verse-text">
<div class="shloka">
<span class="shloka-line">एकेन बाणेन सुते हते स्वे वैकर्तनो वासविमभ्यधावत् ।</span>
<span class="shloka-line">तयोरभूद् द्वैरथयुद्धमद्भुतं सर्वास्त्रविद्वरयोरुग्ररूपम् ॥ १५७॥</span>
</div>
</div>
</div>

<div class="verse" id="MBTN_C27_S01_V158" type="shloka" data-doc="MBTN">
<div class="verse-text">
<div class="shloka">
<span class="shloka-line">पक्षग्रहास्तत्र सुरासुरास्तयोरन्ये च जीवा गगनं समाश्रिताः ।</span>
<span class="shloka-line">महान् विवादोऽप्यभवत् तयोः कृते तदा गिरीशोऽवददब्जयोनिम् ॥ १५८॥</span>
</div>
</div>
</div>

<div class="verse" id="MBTN_C27_S01_V159" type="shloka" data-doc="MBTN">
<div class="verse-text">
<div class="shloka">
<span class="shloka-line">सुरासुराणां भीमदुर्योधनौ द्वौ समाश्रयौ तत्प्रियौ कर्णपार्थौ ।</span>
<span class="shloka-line">प्राणोपमौ तेन चैतत्कृते ते सुरासुराः कर्तुमिच्छन्ति युद्धम् ।</span>
<span class="shloka-line">तदा विनाशो जगतां महान् स्यात् तेनानयोः(तेनैतयोः) सममेवास्तु युद्धम् ॥ १५९॥</span>
</div>
</div>
</div>

<div class="verse" id="MBTN_C27_S01_V160" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरिते वासवः पद्मयोनिं जगाद कृष्णो यत्र जयश्च तत्र ।</span>
<span class="shloka-line">कामो न कृष्णस्य मृषा भवेद्धि कामोऽस्य पार्थस्य जयं प्रदातुम् ॥ १६०॥</span>
</div>
</div>
</div>

<div class="verse" id="MBTN_C27_S01_V161" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्यूचिवान् वासवः फल्गुनस्य जयोऽस्तु कर्णस्य वधस्तथेति ।</span>
<span class="shloka-line">उक्त्वाऽनमत् कञ्जभवं तथेति प्राहासुरान् देवताश्चाऽबभाषे ॥ १६१॥</span>
</div>
</div>
</div>

<div class="verse" id="MBTN_C27_S01_V162" type="shloka" data-doc="MBTN">
<div class="verse-text">
<div class="shloka">
<span class="shloka-line">न कर्णार्जुनयोरर्थे विरोधं कुरुत क्‍वचित् ।</span>
<span class="shloka-line">भीमदुर्योधनार्थे वा पश्यन्त्वेव च सङ्गरम् (संयुगम्) ।</span>
<span class="shloka-line">इत्युक्ते शान्तिमापन्ना ददृशुः सङ्गरं तयोः ॥ १६२॥</span>
</div>
</div>
</div>

<div class="verse" id="MBTN_C27_S01_V163" type="shloka" data-doc="MBTN">
<div class="verse-text">
<div class="shloka">
<span class="shloka-line">ववर्षतुस्तौ च महास्त्रशस्त्रैर्भीमो रथस्थोऽवरजं जुगोप ।</span>
<span class="shloka-line">शैनेयपाञ्चालमुखाश्च पार्थमावार्य तस्थुः प्रसभं नदन्तः ॥ १६३॥</span>
</div>
</div>
</div>

<div class="verse" id="MBTN_C27_S01_V164" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्योधनो द्रौणिमुखाश्च कर्णं ररक्षुरावार्य तदाऽऽस युद्धम् ।</span>
<span class="shloka-line">तत्रार्जुनं बाणवरैः(बाणगणैः) स कर्णः सम्मर्दयामास(समर्दयामास) विशेषयन् रणे ॥ १६४॥</span>
</div>
</div>
</div>

<div class="verse" id="MBTN_C27_S01_V165" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा नदन् भीमसेनो जगाद गदां समादाय समात्तरोषः ।</span>
<span class="shloka-line">अहं वैनं गदया पोथयामि त्वं वा जहीमं समुपात्तवीर्यः ।</span>
<span class="shloka-line">कृष्णोऽपि तं बोधयामास सम्यङ् नरावेशं व्यञ्जयन् भूय एव ॥ १६५॥</span>
</div>
</div>
</div>

<div class="verse" id="MBTN_C27_S01_V166" type="shloka" data-doc="MBTN">
<div class="verse-text">
<div class="shloka">
<span class="shloka-line">समृद्धवीर्यः स तदा धनञ्जयः सुयोधनद्रौणिकृपान् सभोजान् ।</span>
<span class="shloka-line">साकं च बाणैर्विरथांश्चकार विव्याध तानप्यरिहा सुपुङ्खैः ॥ १६६॥</span>
</div>
</div>
</div>

<div class="verse" id="MBTN_C27_S01_V167" type="shloka" data-doc="MBTN">
<div class="verse-text">
<div class="shloka">
<span class="shloka-line">ते किञ्चिद् दूरतस्थुः पश्यन्तो युद्धमुत्तमम् ।</span>
<span class="shloka-line">अमानुषं तत् पार्थस्य दृष्ट्वा कर्म गुरोः सुतः ।</span>
<span class="shloka-line">गृहीत्वा पाणिना पाणिं दुर्योधनमभाषत ॥ १६७॥</span>
</div>
</div>
</div>

<div class="verse" id="MBTN_C27_S01_V168" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्टं हि भीमस्य बलं त्वयाऽद्य तथैव पार्थस्य यथा जिता वयम् ।</span>
<span class="shloka-line">अलं विरोधेन समेत्य पाण्डवैः प्रशाधि राज्यं च मया समेतः ॥ १६८॥</span>
</div>
</div>
</div>

<div class="verse" id="MBTN_C27_S01_V169" type="shloka" data-doc="MBTN">
<div class="verse-text">
<div class="shloka">
<span class="shloka-line">धनञ्जयस्तिष्ठति वारितो मया जनार्दनो नैव विरोधमिच्छति ।</span>
<span class="shloka-line">वृकोदरस्तद्वचने स्थितः सदा युधिष्ठिरः शान्तमनास्तथा यमौ ॥ १६९॥</span>
</div>
</div>
</div>

<div class="verse" id="MBTN_C27_S01_V170" type="shloka" data-doc="MBTN">
<div class="verse-text">
<div class="shloka">
<span class="shloka-line">हितार्थमेतत् तव वाक्यमीरितं गृहाण मे नैव भयादुदीरितम् ।</span>
<span class="shloka-line">अहं ह्यवध्यो मम चैव मातुलो न शङ्कितुं मे वचनं त्वमर्हसि ॥ १७०॥</span>
</div>
</div>
</div>

<div class="verse" id="MBTN_C27_S01_V171" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरितः प्राह सुयोधनस्तं दुःशासनस्याद्य पपौ हि शोणितम् ।</span>
<span class="shloka-line">शार्दूलचेष्टामकरोच्च भीमो न मे कथञ्चित् तदनेन सन्धिः ॥ १७१॥</span>
</div>
</div>
</div>

<div class="verse" id="MBTN_C27_S01_V172" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तो द्रौणिरासीत् स तूष्णीं कर्णधनञ्जयौ ।</span>
<span class="shloka-line">महास्त्रशस्त्रवर्षेण चक्रतुः खं निरन्तरम् ॥ १७२॥</span>
</div>
</div>
</div>

<div class="verse" id="MBTN_C27_S01_V173" type="shloka" data-doc="MBTN">
<div class="verse-text">
<div class="shloka">
<span class="shloka-line">आग्नेयवारुणैन्द्रादीन्येतान्यन्योन्यमृत्यवे ।</span>
<span class="shloka-line">ब्रह्मास्त्रमप्युभौ तत्र प्रयुज्याऽनदतां रणे ।</span>
<span class="shloka-line">अन्योन्यास्त्रप्रतीघातं कृत्वोभौ च विरेजतुः ॥ १७३॥</span>
</div>
</div>
</div>

<div class="verse" id="MBTN_C27_S01_V174" type="shloka" data-doc="MBTN">
<div class="verse-text">
<div class="shloka">
<span class="shloka-line">क्रमेण वृद्धोरुबलेन तत्र सुरेन्द्रपुत्रेण विरोचनात्मजः ।</span>
<span class="shloka-line">निराकृतो नागमयं शरोत्तमं ब्रह्मास्त्रयुक्तं विससर्ज वासवौ ॥ १७४॥</span>
</div>
</div>
</div>

<div class="verse" id="MBTN_C27_S01_V175" type="shloka" data-doc="MBTN">
<div class="verse-text">
<div class="shloka">
<span class="shloka-line">तं वासुदेवो रथमानमय्य मोघं चकारार्जुनतः किरीटम् ।</span>
<span class="shloka-line">चूर्णीकृतं तेन सुरेन्द्रसूनोर्दिव्यं ययौ(दिवं ययौ) बाणगतश्च नागः ॥ १७५॥</span>
</div>
</div>
</div>

<div class="verse" id="MBTN_C27_S01_V176" type="shloka" data-doc="MBTN">
<div class="verse-text">
<div class="shloka">
<span class="shloka-line">नमिते(नमितं) वासुदेवेन रथे पञ्चाङ्गुलं भुवि ।</span>
<span class="shloka-line">अपाङ्गदेशमुद्दिश्य मुक्ते नागे किरीटिनः ॥ १७६॥</span>
</div>
</div>
</div>

<div class="verse" id="MBTN_C27_S01_V177" type="shloka" data-doc="MBTN">
<div class="verse-text">
<div class="shloka">
<span class="shloka-line">भङ‍्‍क्त्वा किरीटं वियति गच्छति प्रभुणोदितः ।</span>
<span class="shloka-line">बाणैस्तक्षकपुत्रं तं वासविः पूर्ववैरिणम् ।</span>
<span class="shloka-line">हत्वा निपातयामास भूमौ कर्णस्य पश्यतः॥ १७७॥</span>
</div>
</div>
</div>

<div class="verse" id="MBTN_C27_S01_V178" type="shloka" data-doc="MBTN">
<div class="verse-text">
<div class="shloka">
<span class="shloka-line">ब्रह्मास्त्रस्यातिवेगित्वं प्राप्तं कर्णेन भार्गवात् ॥ १७८॥</span>
</div>
</div>
</div>

<div class="verse" id="MBTN_C27_S01_V179" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनश्च पार्थेन महास्त्रयुद्धं प्रकुर्वतः सूर्यसुतस्य चक्रम् ।</span>
<span class="shloka-line">रथस्य भूमिर्ग्रसति स्म शापादस्त्राणि दिव्यानि च विस्मृतिं ययुः ॥ १७९॥</span>
</div>
</div>
</div>

<div class="verse" id="MBTN_C27_S01_V180" type="shloka" data-doc="MBTN">
<div class="verse-text">
<div class="shloka">
<span class="shloka-line">उद्धर्तुकामो रथचक्रमेव पार्थं ययाचेऽवसरं प्रदातुम् ।</span>
<span class="shloka-line">नेत्याह कृष्णोऽञ्जलिकं सुघोरं त्रिनेत्रदत्तं जगृहे च पार्थः ॥ १८०॥</span>
</div>
</div>
</div>

<div class="verse" id="MBTN_C27_S01_V181" type="shloka" data-doc="MBTN">
<div class="verse-text">
<div class="shloka">
<span class="shloka-line">सत्येन धर्मेण च सन्नियोज्य मुमोच कर्णस्य वधाय बाणम् ।</span>
<span class="shloka-line">चिच्छेद तेनैव च तस्य शीर्षं सन्धित्सतो बाणवरं सुघोरम् ॥ १८१॥</span>
</div>
</div>
</div>

<div class="verse" id="MBTN_C27_S01_V182" type="shloka" data-doc="MBTN">
<div class="verse-text">
<div class="shloka">
<span class="shloka-line">अपराह्णेऽपराह्णस्य सूतजस्येन्द्रसूनुना ।</span>
<span class="shloka-line">छिन्नमञ्जलिकेनाऽजौ सोत्सेधमपतच्छिरः ॥ १८२॥</span>
</div>
</div>
</div>

<div class="verse" id="MBTN_C27_S01_V183" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन् हते दीनमुखः सुयोधनो ययौ समाहृत्य(समागत्य) बलं सशल्यः ।</span>
<span class="shloka-line">युधिष्ठिरः कर्णवधं निशम्य तदा समागत्य ददर्श तत्तनुम् ॥ १८३॥</span>
</div>
</div>
</div>

<div class="verse" id="MBTN_C27_S01_V184" type="shloka" data-doc="MBTN">
<div class="verse-text">
<div class="shloka">
<span class="shloka-line">शशंस कृष्णं च धनञ्जयं च भीमं च येऽन्येऽपि युधि प्रवीराः ।</span>
<span class="shloka-line">गत्वा च ते शिबिरं मोदमाना ऊषुः सकृष्णास्तदनुव्रताः सदा ॥ १८४॥</span>
</div>
</div>
</div>

<div class="gr-author-note">इति श्रीमदानन्दतीर्थभगवत्पादाचार्यविरचिते श्रीमहाभारततात्पर्यनिर्णये कर्णवधो नाम सप्तविंशोऽध्यायः</div>

== अष्टाविंशोऽध्यायः ==
<span id="gr-C28-S1" class="gr-toc-anchor" data-level="2" data-title="सर्वशास्त्रतात्पर्यनिर्णयः"></span>
=== सर्वशास्त्रतात्पर्यनिर्णयः ===
<div class="adhyaya-block" data-doc="MBTN" data-chap="28" data-sec="1">
</div>
<div class="verse" id="MBTN_C28_S01_V01" type="shloka" data-doc="MBTN">
<div class="verse-text">
<div class="shloka">
<span class="shloka-line">ओं ॥ प्रभातायां तु शर्वर्यां गुरुपुत्रानुमोदितः ।</span>
<span class="shloka-line">शल्यं सेनापतिं कृत्वा योद्धुं दुर्योधनोऽभ्ययात् ॥ १॥</span>
</div>
</div>
</div>

<div class="verse" id="MBTN_C28_S01_V02" type="shloka" data-doc="MBTN">
<div class="verse-text">
<div class="shloka">
<span class="shloka-line">तमभ्ययुः पाण्डवाश्च हृष्टा युद्धाय दंशिताः (दंसिताः) ।</span>
<span class="shloka-line">तत्राऽसीत् सुमहद् युद्धं पाण्डवानां परैः सह ॥ २॥</span>
</div>
</div>
</div>

<div class="verse" id="MBTN_C28_S01_V03" type="shloka" data-doc="MBTN">
<div class="verse-text">
<div class="shloka">
<span class="shloka-line">अग्रे भीमः पाण्डवानां मध्ये राजा युधिष्ठिरः ।</span>
<span class="shloka-line">पृष्ठे गाण्डीवधन्वाऽऽसीद् वासुदेवाभिरक्षितः ॥ ३॥</span>
</div>
</div>
</div>

<div class="verse" id="MBTN_C28_S01_V04" type="shloka" data-doc="MBTN">
<div class="verse-text">
<div class="shloka">
<span class="shloka-line">चक्ररक्षौ यमौ राज्ञो धृष्टद्युम्नश्च सात्यकिः ।</span>
<span class="shloka-line">नृपस्य पार्श्वयोरास्तामग्रेऽन्येषां गुरोः सुतः ॥ ४॥</span>
</div>
</div>
</div>

<div class="verse" id="MBTN_C28_S01_V05" type="shloka" data-doc="MBTN">
<div class="verse-text">
<div class="shloka">
<span class="shloka-line">मध्ये शल्यः पृष्ठतोऽभूद् भ्रातृभिश्च सुयोधनः ।</span>
<span class="shloka-line">चक्ररक्षौ तु शल्यस्य(तस्यास्तां) शकुनिस्तत्सुतस्तथा ।</span>
<span class="shloka-line">कृपश्च कृतवर्मा च पार्श्वयोः समवस्थितौ(समुपस्थितौ) ॥ ५॥</span>
</div>
</div>
</div>

<div class="verse" id="MBTN_C28_S01_V06" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्रभवन्महद् युद्धं भीमस्य द्रौणिना सह ।</span>
<span class="shloka-line">राज्ञः शल्येन च तथा घोररूपं भयानकम् ॥ ६॥</span>
</div>
</div>
</div>

<div class="verse" id="MBTN_C28_S01_V07" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्र नातिप्रयत्नेन द्रौणिर्भीमेन सायकैः ।</span>
<span class="shloka-line">विरथीकृतस्तथा धर्मसूनुः शल्येन तत्क्षणात् ॥ ७॥</span>
</div>
</div>
</div>

<div class="verse" id="MBTN_C28_S01_V08" type="shloka" data-doc="MBTN">
<div class="verse-text">
<div class="shloka">
<span class="shloka-line">आससाद तदा शल्यं कपिप्रवरकेतनः ।</span>
<span class="shloka-line">तयोरासीन्महद् युद्धमद्भुतं रोमहर्षणम् ॥ ८॥</span>
</div>
</div>
</div>

<div class="verse" id="MBTN_C28_S01_V09" type="shloka" data-doc="MBTN">
<div class="verse-text">
<div class="shloka">
<span class="shloka-line">रथमन्यं समास्थाय द्रौणिर्भीमं समभ्ययात् ।</span>
<span class="shloka-line">दुर्योधनश्च भीमस्य शरैरवारयद् दिशः ॥ ९॥</span>
</div>
</div>
</div>

<div class="verse" id="MBTN_C28_S01_V10" type="shloka" data-doc="MBTN">
<div class="verse-text">
<div class="shloka">
<span class="shloka-line">तावुभौ शरवर्षेण वारयामास मारुतिः ।</span>
<span class="shloka-line">ताभ्यां तस्याभवद् युद्धं सुघोरमतिमानुषम् ॥ १०॥</span>
</div>
</div>
</div>

<div class="verse" id="MBTN_C28_S01_V11" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्योधनस्यावरजान् द्रौपदेया युयुत्सुना ।</span>
<span class="shloka-line">शिखण्ड्याद्यैर्मातुलैश्च सह सर्वान् न्यवारयन् ॥ ११॥</span>
</div>
</div>
</div>

<div class="verse" id="MBTN_C28_S01_V12" type="shloka" data-doc="MBTN">
<div class="verse-text">
<div class="shloka">
<span class="shloka-line">सहदेवस्तु शकुनिमुलूकं नकुलस्तदा(तथा) ।</span>
<span class="shloka-line">धृष्टद्युम्नश्च हार्दिक्यं सात्यकिः कृपमेव च ।</span>
<span class="shloka-line">तेषां तदभवद्(तदाऽभवत्) युद्धं चित्रं(चिरं) लघु च सुष्ठु च ॥ १२॥</span>
</div>
</div>
</div>

<div class="verse" id="MBTN_C28_S01_V13" type="shloka" data-doc="MBTN">
<div class="verse-text">
<div class="shloka">
<span class="shloka-line">शल्यस्तु शरसङ्घातैः पार्थस्यावारयद् दिशः ।</span>
<span class="shloka-line">सोऽपि विव्याध विशिखैः शल्यमाहवशोभिनम् ।</span>
<span class="shloka-line">तयोः सुसममेवाऽसीच्चिरं देवासुरोपमम् ॥ १३॥</span>
</div>
</div>
</div>

<div class="verse" id="MBTN_C28_S01_V14" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः शरं वज्रनिभं मद्रराजः समाददे ।</span>
<span class="shloka-line">तेन विव्याध बीभत्सुं हृदये स मुमोह च ॥ १४॥</span>
</div>
</div>
</div>

<div class="verse" id="MBTN_C28_S01_V15" type="shloka" data-doc="MBTN">
<div class="verse-text">
<div class="shloka">
<span class="shloka-line">उपलभ्य पुनः सञ्ज्ञां वासविः शत्रुतापनः ।</span>
<span class="shloka-line">चिच्छेद कार्मुकं सङ्खे मद्रराजस्य धीमतः ॥ १५॥</span>
</div>
</div>
</div>

<div class="verse" id="MBTN_C28_S01_V16" type="shloka" data-doc="MBTN">
<div class="verse-text">
<div class="shloka">
<span class="shloka-line">सोऽन्यत् कार्मुकमादाय मुमोचास्त्राणि फल्गुने ।</span>
<span class="shloka-line">सौरं याम्यं च पार्जन्यं तान्यैन्द्रेण जघान सः ॥ १६॥</span>
</div>
</div>
</div>

<div class="verse" id="MBTN_C28_S01_V17" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनर्न्यकृन्तत् तच्चापमिन्द्रसूनुरमर्षितः ।</span>
<span class="shloka-line">शल्यो गदां समाधाय चिक्षेपार्जुनवक्षसि ।</span>
<span class="shloka-line">तदा मुमोह बीभत्सुस्तत उच्चुक्रुशुः परे ॥ १७॥</span>
</div>
</div>
</div>

<div class="verse" id="MBTN_C28_S01_V18" type="shloka" data-doc="MBTN">
<div class="verse-text">
<div class="shloka">
<span class="shloka-line">प्राप्य सञ्ज्ञां पुनः पार्थः शल्यं विव्याध वक्षसि ।</span>
<span class="shloka-line">स विह्वलितसर्वाङ्गः शिश्रिये ध्वजमुत्तमम् ॥ १८॥</span>
</div>
</div>
</div>

<div class="verse" id="MBTN_C28_S01_V19" type="shloka" data-doc="MBTN">
<div class="verse-text">
<div class="shloka">
<span class="shloka-line">समाश्वस्तः पुनर्बाणं यमदण्डनिभं(यमदण्डोपमं) रणे ।</span>
<span class="shloka-line">मुमोच पार्थस्य स च निर्बिभेद स्तनान्तरम् ॥ १९॥</span>
</div>
</div>
</div>

<div class="verse" id="MBTN_C28_S01_V20" type="shloka" data-doc="MBTN">
<div class="verse-text">
<div class="shloka">
<span class="shloka-line">तेन विह्वलितः पार्थो ध्वजयष्टिं समाश्रितः ।</span>
<span class="shloka-line">समाश्वस्तः प्रचिच्छेद मद्रराजस्य कार्मुकम् ।</span>
<span class="shloka-line">छत्रं ध्वजं च तरसा सारथिं च न्यपातयत् ॥ २०॥</span>
</div>
</div>
</div>

<div class="verse" id="MBTN_C28_S01_V21" type="shloka" data-doc="MBTN">
<div class="verse-text">
<div class="shloka">
<span class="shloka-line">तदाऽन्यं रथमास्थाय धर्मराजः शरोत्तमैः ।</span>
<span class="shloka-line">चतुर्भिश्चतुरो वाहाञ्छल्यस्य निजघान ह ॥ २१॥</span>
</div>
</div>
</div>

<div class="verse" id="MBTN_C28_S01_V22" type="shloka" data-doc="MBTN">
<div class="verse-text">
<div class="shloka">
<span class="shloka-line">शल्योऽन्यं रथमास्थाय सर्वांस्ताञ्छरवृष्टिभिः ।</span>
<span class="shloka-line">छादयामास राजानं विरथं च चकार ह ॥ २२॥</span>
</div>
</div>
</div>

<div class="verse" id="MBTN_C28_S01_V23" type="shloka" data-doc="MBTN">
<div class="verse-text">
<div class="shloka">
<span class="shloka-line">निहत्याश्वान् सात्यकेश्च धृष्टद्युम्नस्य चाभिभूः ।</span>
<span class="shloka-line">चापे च्छित्त्वा च यमयोर्दध्मौ शङ्खं महास्वनम् ॥ २३॥</span>
</div>
</div>
</div>

<div class="verse" id="MBTN_C28_S01_V24" type="shloka" data-doc="MBTN">
<div class="verse-text">
<div class="shloka">
<span class="shloka-line">ततस्तु शल्यं समुदीर्यमाणं दृष्ट्वा रणे भीमसेनस्तरस्वी(भीमसेनस्तपस्वी) ।</span>
<span class="shloka-line">न्यवारयद् बाणवरैरनेकैश्चकार चैनं विरथं क्षणेन ॥ २४॥</span>
</div>
</div>
</div>

<div class="verse" id="MBTN_C28_S01_V25" type="shloka" data-doc="MBTN">
<div class="verse-text">
<div class="shloka">
<span class="shloka-line">आस्थाय चान्यं रथमापतन्तं पुनश्च शल्यं भृशमेव मर्मसु ।</span>
<span class="shloka-line">निर्भिद्य बाणैर्विरथं चकार पुनस्तृतीयं रथमारुरोज(आरुरोह) ॥ २५॥</span>
</div>
</div>
</div>

<div class="verse" id="MBTN_C28_S01_V26" type="shloka" data-doc="MBTN">
<div class="verse-text">
<div class="shloka">
<span class="shloka-line">आत्तान्यात्तान्यायुधान्यस्य भीमः सर्वाणि चिच्छेद बिभेद चास्य ।</span>
<span class="shloka-line">मर्माणि बाणैर्नितरां पुनश्च स मुष्टिमुद्यम्य जगाम धर्मजम् ॥ २६॥</span>
</div>
</div>
</div>

<div class="verse" id="MBTN_C28_S01_V27" type="shloka" data-doc="MBTN">
<div class="verse-text">
<div class="shloka">
<span class="shloka-line">तं भीमभिन्नमर्माणं विवर्माणं निरायुधम् ।</span>
<span class="shloka-line">श्वासमात्रावशिष्टं च मरणायैव केवलम् ॥ २७॥</span>
</div>
</div>
</div>

<div class="verse" id="MBTN_C28_S01_V28" type="shloka" data-doc="MBTN">
<div class="verse-text">
<div class="shloka">
<span class="shloka-line">आत्मानमभिगच्छन्तं दृष्ट्वाऽन्यं रथमास्थितः ।</span>
<span class="shloka-line">हन्तुकामो रणे वीरममोघां शक्तिमाददे ॥ २८॥</span>
</div>
</div>
</div>

<div class="verse" id="MBTN_C28_S01_V29" type="shloka" data-doc="MBTN">
<div class="verse-text">
<div class="shloka">
<span class="shloka-line">दिव्यास्त्रैरपि संयोज्य तां तदा धर्मनन्दनः ।</span>
<span class="shloka-line">सत्यधर्मफलैश्चैव चिक्षेपास्य हृदि त्वरन् ॥ २९॥</span>
</div>
</div>
</div>

<div class="verse" id="MBTN_C28_S01_V30" type="shloka" data-doc="MBTN">
<div class="verse-text">
<div class="shloka">
<span class="shloka-line">स भिन्नहृदयो भूमौ पपाताभिमुखो नृपम् ।</span>
<span class="shloka-line">सत्यधर्मरतः शल्य इन्द्रस्यातिथितामगात् ॥ ३०॥</span>
</div>
</div>
</div>

<div class="verse" id="MBTN_C28_S01_V31" type="shloka" data-doc="MBTN">
<div class="verse-text">
<div class="shloka">
<span class="shloka-line">मद्रराजे हते वीरे सुशर्माऽर्जुनमभ्ययात् ।</span>
<span class="shloka-line">संशप्तकावशिष्टैस्तमनयन्मृत्यवेऽर्जुनः ॥ ३१॥</span>
</div>
</div>
</div>

<div class="verse" id="MBTN_C28_S01_V32" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्योधनस्यावरजानवशिष्टान् वृकोदरः ।</span>
<span class="shloka-line">सर्वान् जघान सेनां च निश्शेषमकरोद् रणे ॥ ३२॥</span>
</div>
</div>
</div>

<div class="verse" id="MBTN_C28_S01_V33" type="shloka" data-doc="MBTN">
<div class="verse-text">
<div class="shloka">
<span class="shloka-line">उलूकं सहदेवोऽथ शकुनिं चातिपापिनम् ।</span>
<span class="shloka-line">जघान द्रौणिहार्दिक्यकृपान् भीमार्जुनौ ततः ॥ ३३॥</span>
</div>
</div>
</div>

<div class="verse" id="MBTN_C28_S01_V34" type="shloka" data-doc="MBTN">
<div class="verse-text">
<div class="shloka">
<span class="shloka-line">बहुशो विरथीकृत्य पीडयित्वा पुनःपुनः ।</span>
<span class="shloka-line">द्रावयामासतुस्ते तु भीषिता विविशुर्वनम् ॥ ३४॥</span>
</div>
</div>
</div>

<div class="verse" id="MBTN_C28_S01_V35" type="shloka" data-doc="MBTN">
<div class="verse-text">
<div class="shloka">
<span class="shloka-line">शैनेयेन गृहीतोऽथ सञ्जयोऽनन्तशक्तिना ।</span>
<span class="shloka-line">व्यासेन मोचितोऽथैकः पार्थान् दुर्योधनोऽभ्ययात् (दुर्योधनोऽभ्यगात्)॥ ३५॥</span>
</div>
</div>
</div>

<div class="verse" id="MBTN_C28_S01_V36" type="shloka" data-doc="MBTN">
<div class="verse-text">
<div class="shloka">
<span class="shloka-line">तेषामभूत् तस्य च घोररूपं युद्धं स बाणैर्बहुशोऽर्जुनं च ।</span>
<span class="shloka-line">चकार मूर्च्छाभिगतं युधिष्ठिरं यमावयत्नाद् विरथांश्चकार ॥ ३६॥</span>
</div>
</div>
</div>

<div class="verse" id="MBTN_C28_S01_V37" type="shloka" data-doc="MBTN">
<div class="verse-text">
<div class="shloka">
<span class="shloka-line">तं भीमसेनो विरथं चकार गजं समारुह्य पुनः समभ्ययात् ।</span>
<span class="shloka-line">पुनश्च शैनेयशिखण्डिपार्षतान् यमौ नृपं च व्यदधान्निरायुधान् ॥ ३७॥</span>
</div>
</div>
</div>

<div class="verse" id="MBTN_C28_S01_V38" type="shloka" data-doc="MBTN">
<div class="verse-text">
<div class="shloka">
<span class="shloka-line">गजे च भीमेन शरैर्निपातिते समारुहद् वाजिवरं सुनिर्भयः ।</span>
<span class="shloka-line">स तेन च प्रासकरो रणेऽरिहा चचार शैनैयमताडयच्च ॥ ३८॥</span>
</div>
</div>
</div>

<div class="verse" id="MBTN_C28_S01_V39" type="shloka" data-doc="MBTN">
<div class="verse-text">
<div class="shloka">
<span class="shloka-line">मुमोह तेनाभिहतः स सात्यकिर्यमावपि प्रासनिपीडितौ रथे ।</span>
<span class="shloka-line">निषीदतुर्धर्मसुतं प्रयान्तं समीक्ष्य भीमोऽस्य जघान वाजिनम् ॥ ३९॥</span>
</div>
</div>
</div>

<div class="verse" id="MBTN_C28_S01_V40" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रासे निकृत्ते च वृकोदरेण विवाहनः सोऽपि(सोऽप ययौ) ययौ सुयोधनः ।</span>
<span class="shloka-line">आदाय गुर्वीं च गदां प्रयातो द्वैपायनस्योरुसरो विवेश ॥ ४०॥</span>
</div>
</div>
</div>

<div class="verse" id="MBTN_C28_S01_V41" type="shloka" data-doc="MBTN">
<div class="verse-text">
<div class="shloka">
<span class="shloka-line">एवमक्षोहिणीषट्कं भीमेन निहतं रणे ।</span>
<span class="shloka-line">पञ्च पार्थेन निहता अर्द्धं कालिङ्गकानृते ।</span>
<span class="shloka-line">एकादशाक्षोहिणीभ्यः(अक्षौहिणीभ्यः) शिष्टमन्यैर्निसूदितम् ॥ ४१॥</span>
</div>
</div>
</div>

<div class="verse" id="MBTN_C28_S01_V42" type="shloka" data-doc="MBTN">
<div class="verse-text">
<div class="shloka">
<span class="shloka-line">अक्षौहिणीचतुष्कं च पार्थानां द्रौणिना हतम् ।</span>
<span class="shloka-line">अन्यैरन्याः समस्तैश्च द्रोणकर्णमहाव्रताः ।</span>
<span class="shloka-line">दुर्योधनो भौमसूनुः प्रायः सेनाहनः क्रमात् ॥ ४२॥</span>
</div>
</div>
</div>

<div class="verse" id="MBTN_C28_S01_V43" type="shloka" data-doc="MBTN">
<div class="verse-text">
<div class="shloka">
<span class="shloka-line">जयं लब्ध्वा तदत्सूच्चैः पाण्डवेषु महात्मसु ।</span>
<span class="shloka-line">दुर्योधनो जलस्तम्भं कृत्वा मन्त्रान् जजाप ह ॥ ४३॥</span>
</div>
</div>
</div>

<div class="verse" id="MBTN_C28_S01_V44" type="shloka" data-doc="MBTN">
<div class="verse-text">
<div class="shloka">
<span class="shloka-line">मन्त्रा दुर्वाससा दत्ता मृतसञ्जीवनप्रदाः ।</span>
<span class="shloka-line">जले स्थित्वा जपन् सप्तदिनैः सर्वान् मृतानपि ।</span>
<span class="shloka-line">उद्धरेद् धार्तराष्ट्रोऽयं स्युरवध्याश्च ते पुनः ॥ ४४॥</span>
</div>
</div>
</div>

<div class="verse" id="MBTN_C28_S01_V45" type="shloka" data-doc="MBTN">
<div class="verse-text">
<div class="shloka">
<span class="shloka-line">इति विद्याबलं तस्य ज्ञात्वा पाण्डुसुतास्ततः ।</span>
<span class="shloka-line">अन्विष्यन्तः (अन्वेषन्तः) शुश्रुवुश्च व्याधेभ्यस्तं जले स्थितम् ।</span>
<span class="shloka-line">आगच्छंश्च ततस्तत्र पुरस्कृत्य जनार्दनम् ॥ ४५॥</span>
</div>
</div>
</div>

<div class="verse" id="MBTN_C28_S01_V46" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा जलात् समुन्मज्ज्य त्रिभिर्द्रौणिपुरस्सरैः ।</span>
<span class="shloka-line">मन्त्रयन्तं(मन्त्रयन्तः) स्म ददृशुस्तान् दृष्ट्वा ते प्रदुद्रुवुः ॥ ४६॥</span>
</div>
</div>
</div>

<div class="verse" id="MBTN_C28_S01_V47" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्योधनोऽविशत् तोयं दृष्ट्वा तं केशवाज्ञया ।</span>
<span class="shloka-line">युधिष्ठिरः सुपरुषैर्वाक्यैरेनमथाऽह्वयत् ॥ ४७॥</span>
</div>
</div>
</div>

<div class="verse" id="MBTN_C28_S01_V48" type="shloka" data-doc="MBTN">
<div class="verse-text">
<div class="shloka">
<span class="shloka-line">अमर्षितोऽसौ धृतराष्ट्रपुत्रः श्वसंस्तदा दण्डहतो यथाऽहिः ।</span>
<span class="shloka-line">उवाच शाठ्यात् तपसे वनाय यायां भवाञ्छासतु सर्वपृथ्वीम् ॥ ४८॥</span>
</div>
</div>
</div>

<div class="verse" id="MBTN_C28_S01_V49" type="shloka" data-doc="MBTN">
<div class="verse-text">
<div class="shloka">
<span class="shloka-line">तमाह धर्मजो राजा यस्त्वं कृष्णे समागते ।</span>
<span class="shloka-line">सूच्यग्रवेध्यां पृथिवीं दातुं नैच्छः कथं पुनः ॥ ४९॥</span>
</div>
</div>
</div>

<div class="verse" id="MBTN_C28_S01_V50" type="shloka" data-doc="MBTN">
<div class="verse-text">
<div class="shloka">
<span class="shloka-line">घातयित्वा सर्वपृथ्वीं भीष्मद्रोणमुखानपि ।</span>
<span class="shloka-line">दातुमिच्छसि सर्वान् त्वं पृथ्वीं नाद्य वयं पुनः ॥ ५०॥</span>
</div>
</div>
</div>

<div class="verse" id="MBTN_C28_S01_V51" type="shloka" data-doc="MBTN">
<div class="verse-text">
<div class="shloka">
<span class="shloka-line">अहत्वा प्रतिगृह्णामि एहि युद्धे स्थिरो भव ।</span>
<span class="shloka-line">न कुरूणां कुले जातो ह्यस्त्वं भीतो ह्यपोऽविशः ॥ ५१॥</span>
</div>
</div>
</div>

<div class="verse" id="MBTN_C28_S01_V52" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्यादि रूक्षवचनं श्रुत्वा दुर्योधनो रुषा ।</span>
<span class="shloka-line">जलस्तम्भात् समुत्तस्थौ श्वसन्नाशीविषो यथा ॥ ५२॥</span>
</div>
</div>
</div>

<div class="verse" id="MBTN_C28_S01_V53" type="shloka" data-doc="MBTN">
<div class="verse-text">
<div class="shloka">
<span class="shloka-line">उवाच एक एवाहमकिरीटो विवर्मकः ।</span>
<span class="shloka-line">भवन्तो बहवो वर्मशिरस्त्राणयुता अपि ॥ ५३॥</span>
</div>
</div>
</div>

<div class="verse" id="MBTN_C28_S01_V54" type="shloka" data-doc="MBTN">
<div class="verse-text">
<div class="shloka">
<span class="shloka-line">यद्येवमपि मे युद्धं भवद्भिर्मन्यसे समम् ।</span>
<span class="shloka-line">सर्वैरेकेन वा युद्धं करिष्ये न च भीर्मम ॥ ५४॥</span>
</div>
</div>
</div>

<div class="verse" id="MBTN_C28_S01_V55" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त आह धर्मात्मा वर्माद्यं च ददामि ते ।</span>
<span class="shloka-line">वृणीष्व प्रतिवीरं च पञ्चानां यं त्वमिच्छसि ॥ ५५॥</span>
</div>
</div>
</div>

<div class="verse" id="MBTN_C28_S01_V56" type="shloka" data-doc="MBTN">
<div class="verse-text">
<div class="shloka">
<span class="shloka-line">हत्वैकं त्वं भुङ्‍क्ष्व राज्यमन्ये याम वयं वनम् ।</span>
<span class="shloka-line">हते वा त्वयि तेनैव भुञ्जीमश्चाखिलां भुवम् ।</span>
<span class="shloka-line">आदत्स्व(आधत्स्व) चाऽयुधं येन जेतुमिच्छसि शात्रवान् ॥ ५६॥</span>
</div>
</div>
</div>

<div class="verse" id="MBTN_C28_S01_V57" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त ऊचे नहि दुर्बलैरहं योत्स्ये चतुर्भिर्भवदर्जुनादिभिः ।</span>
<span class="shloka-line">भीमेन योत्स्ये गदया सदा हि मे प्रिया गदा नान्यदथाऽयुधं स्पृशे ॥ ५७॥</span>
</div>
</div>
</div>

<div class="verse" id="MBTN_C28_S01_V58" type="shloka" data-doc="MBTN">
<div class="verse-text">
<div class="shloka">
<span class="shloka-line">श्रुत्वाऽस्य वाक्यं रभसो(रभसा) वृकोदरो गदां तदाऽध्यर्द्धभराधिकां(तदध्यर्धभराधिकां) मुदा ।</span>
<span class="shloka-line">राज्ञो गदायाः परिगृह्य(प्रतिगृह्य) वीरः समुत्थितो युद्धमनाः समुन्नदन् ॥ ५८॥</span>
</div>
</div>
</div>

<div class="verse" id="MBTN_C28_S01_V59" type="shloka" data-doc="MBTN">
<div class="verse-text">
<div class="shloka">
<span class="shloka-line">अथाऽह नारायण आदिदेवो युधिष्ठिरं कष्टमिदं कृतं त्वया ।</span>
<span class="shloka-line">नह्येष राजा गदया रणे चरन् शक्यो विजेतुं निखिलैः सुरासुरैः ॥ ५९॥</span>
</div>
</div>
</div>

<div class="verse" id="MBTN_C28_S01_V60" type="shloka" data-doc="MBTN">
<div class="verse-text">
<div class="shloka">
<span class="shloka-line">स निश्चयाद् वश्चतुरो निहन्यात् सहार्जुनान् भीमसेनः कथञ्चित् ।</span>
<span class="shloka-line">हन्तैनमाजौ नहि भीमतुल्यो बले क्‍वचिद् धार्तराष्ट्रः कृती च ॥ ६०॥</span>
</div>
</div>
</div>

<div class="verse" id="MBTN_C28_S01_V61" type="shloka" data-doc="MBTN">
<div class="verse-text">
<div class="shloka">
<span class="shloka-line">ऊरू भीमेन भेत्तव्यौ प्रतिज्ञां रक्षता रिपोः ।</span>
<span class="shloka-line">नाभेरधस्ताद्धननं जना आहुर्गदामृधे ॥ ६१॥</span>
</div>
</div>
</div>

<div class="verse" id="MBTN_C28_S01_V62" type="shloka" data-doc="MBTN">
<div class="verse-text">
<div class="shloka">
<span class="shloka-line">अधर्म इति तत् कृष्णो लोकनिन्दानिवृत्तये ।</span>
<span class="shloka-line">आपद्धर्मं दर्शयितुं किञ्चिद्व्याजेन संयुतः ॥ ६२॥</span>
</div>
</div>
</div>

<div class="verse" id="MBTN_C28_S01_V63" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमो हन्याद् धार्तराष्ट्रमित्यूचे यद्यपि स्फुटम् ।</span>
<span class="shloka-line">अव्याजेनापि शक्तोऽसौ बलं निस्सीममाह च ॥ ६३॥</span>
</div>
</div>
</div>

<div class="verse" id="MBTN_C28_S01_V64" type="shloka" data-doc="MBTN">
<div class="verse-text">
<div class="shloka">
<span class="shloka-line">आह शिक्षामप्यनूनां यत्नं दुर्योधनेऽधिकम् ।</span>
<span class="shloka-line">नहि भीमोऽतिप्रयत्नं कुर्यादिति गुणो ह्ययम् ॥ ६४॥</span>
</div>
</div>
</div>

<div class="verse" id="MBTN_C28_S01_V65" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रतिज्ञापालनं धर्मो दुष्टेषु तु विशेषतः ।</span>
<span class="shloka-line">इति धर्मरहस्यं तु वित्तः कृष्णवृकोदरौ ॥ ६५॥</span>
</div>
</div>
</div>

<div class="verse" id="MBTN_C28_S01_V66" type="shloka" data-doc="MBTN">
<div class="verse-text">
<div class="shloka">
<span class="shloka-line">नान्यस्ततो लोकनिन्दां व्यपनेतुमुभावपि ।</span>
<span class="shloka-line">अनापद्यापदिव च दर्शयेतां जनस्य तु ॥ ६६॥</span>
</div>
</div>
</div>

<div class="verse" id="MBTN_C28_S01_V67" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो भीमः सर्वलोकस्य धर्मं प्रकाशयन् वाक्यमिदं जगाद ।</span>
<span class="shloka-line">ऊरू तवाहं (हि) च यथाप्रतिज्ञं(यथा प्रतिज्ञा) भेत्स्यामि नैवात्र विचारणीयम् ॥ ६७॥</span>
</div>
</div>
</div>

<div class="verse" id="MBTN_C28_S01_V68" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तवन्तं(इति ब्रुवन्तं) प्रससार चाऽजौ दुर्योधनस्तत्र बभूव युद्धम् ।</span>
<span class="shloka-line">भीमस्तदाऽग्र्यप्रकृतिं विधित्सुर्मन्दः स आजौ व्यचरज्जनार्थे ॥ ६८॥</span>
</div>
</div>
</div>

<div class="verse" id="MBTN_C28_S01_V69" type="shloka" data-doc="MBTN">
<div class="verse-text">
<div class="shloka">
<span class="shloka-line">दर्शयन्तौ गदामार्गं चित्रं तौ प्रविचेरतुः (चित्रं परिविचेरतुः)।</span>
<span class="shloka-line">बलभद्रोऽप्याजगाम तदा तौ प्रतिवारितुम् ॥ ६९॥</span>
</div>
</div>
</div>

<div class="verse" id="MBTN_C28_S01_V70" type="shloka" data-doc="MBTN">
<div class="verse-text">
<div class="shloka">
<span class="shloka-line">वारितावपि तेनोभौ नैव युद्धं प्रमुञ्चताम्(व्यमुञ्चताम्) ।</span>
<span class="shloka-line">ततो ददर्श तद् युद्धं मानितः कृष्णपूर्वकैः ।</span>
<span class="shloka-line">तौ शिक्षाबलसंयुक्तौ मण्डलानि विचेरतुः ॥ ७०॥</span>
</div>
</div>
</div>

<div class="verse" id="MBTN_C28_S01_V71" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो(तत्र) भीमं वञ्चयितुं धार्तराष्ट्रः शिरः क्षितौ ।</span>
<span class="shloka-line">(व्यधाद्) न्यधादुच्छ्रितसक्थीकस्तदा कृष्णाभ्यनुज्ञया ।</span>
<span class="shloka-line">पृष्ठमूलेऽहनद् भीमो भिन्नसक्थिश्च सोऽपतत् ॥ ७१॥</span>
</div>
</div>
</div>

<div class="verse" id="MBTN_C28_S01_V72" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रतिज्ञापालनार्थाय नाभेर्नोपर्यधस्तदा ।</span>
<span class="shloka-line">गदायुद्धस्य मर्यादां यशश्चाप्यभिरक्षितुम् ॥ ७२॥</span>
</div>
</div>
</div>

<div class="verse" id="MBTN_C28_S01_V73" type="shloka" data-doc="MBTN">
<div class="verse-text">
<div class="shloka">
<span class="shloka-line">नाधस्तान्मध्य एवासौ निजघ्ने तं वृकोदरः ।</span>
<span class="shloka-line">एवं प्रतिज्ञायुग्मार्थं भग्नं(भिन्न) सक्थियुगं रणे ॥ ७३॥</span>
</div>
</div>
</div>

<div class="verse" id="MBTN_C28_S01_V74" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णं द्यूते निधेहीति यदवादीत्(यदवादि) सुयोधनः ।</span>
<span class="shloka-line">तत्प्रतिज्ञानुसारेण भीमो मूर्द्धानमक्रमीत् ।</span>
<span class="shloka-line">‘ऋषभम् मा समानानां’ (ऋग्वेद १०.१६६.१) इति सूक्तं ददर्श च(ह) ॥ ७४॥ (ऋषभम् मा समानानां सपत्नानां विषासहिम् ।</span>
<span class="shloka-line">हन्तारं शत्रूणां कृधि विराजं गोपतिं गवाम् ॥)</span>
</div>
</div>
</div>

<div class="verse" id="MBTN_C28_S01_V75" type="shloka" data-doc="MBTN">
<div class="verse-text">
<div class="shloka">
<span class="shloka-line">तेषां पुण्यानि विद्याश्च समादायैव सर्वशः ।</span>
<span class="shloka-line">तांश्चकार तमोगन्तॄंस्तस्य मूर्ध्नि पदाऽऽक्रमन् ॥ ७५॥ (योगक्षेमं व आदायाहम् भूयासम् उत्तम आ वो मूर्धानम् अक्रमीम् । ऋग्वेद १०.१६६.५)</span>
</div>
</div>
</div>

<div class="verse" id="MBTN_C28_S01_V76" type="shloka" data-doc="MBTN">
<div class="verse-text">
<div class="shloka">
<span class="shloka-line">स्मारयामास कर्माणि यानि तस्य कृतानि च ।</span>
<span class="shloka-line">कृष्णबन्धे कृतो मन्त्र इति मूर्ध्नि पदाऽहनत् ॥ ७६॥</span>
</div>
</div>
</div>

<div class="verse" id="MBTN_C28_S01_V77" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनःपुनश्च तद् वीक्ष्य चुक्रोध मुसलायुधः ।</span>
<span class="shloka-line">चुक्रोश नैव धर्मोऽयमित्यसावूर्ध्वबाहुकः ॥ ७७॥</span>
</div>
</div>
</div>

<div class="verse" id="MBTN_C28_S01_V78" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनः क्रोधाभिताम्राक्ष(क्रोधातिताम्राक्षः) आदाय मुसलं हलम् ।</span>
<span class="shloka-line">अभिदुद्राव भीमं तं न चचाल वृकोदरः ॥ ७८॥</span>
</div>
</div>
</div>

<div class="verse" id="MBTN_C28_S01_V79" type="shloka" data-doc="MBTN">
<div class="verse-text">
<div class="shloka">
<span class="shloka-line">अभये संस्थिते भीमे रामं जग्राह केशवः ।</span>
<span class="shloka-line">आह धर्मेण निहतो भीमेनायं सुयोधनः ॥ ७९॥</span>
</div>
</div>
</div>

<div class="verse" id="MBTN_C28_S01_V80" type="shloka" data-doc="MBTN">
<div class="verse-text">
<div class="shloka">
<span class="shloka-line">न मण्डलेऽभिसारे वा नापसारे च नाभितः ।</span>
<span class="shloka-line">अधो हन्याद् वञ्चयन्तमधो हत्वा न दुष्यति ॥ ८०॥</span>
</div>
</div>
</div>

<div class="verse" id="MBTN_C28_S01_V81" type="shloka" data-doc="MBTN">
<div class="verse-text">
<div class="shloka">
<span class="shloka-line">कृता प्रतिज्ञा च वृकोदरेण भेत्स्ये तवोरू इति युक्तिपूर्वम्(पूर्वकम्) ।</span>
<span class="shloka-line">संश्रावयानेन तदेष धर्मतो जघान दुर्योधनमग्र्यकर्मा ॥ ८१॥</span>
</div>
</div>
</div>

<div class="verse" id="MBTN_C28_S01_V82" type="shloka" data-doc="MBTN">
<div class="verse-text">
<div class="shloka">
<span class="shloka-line">वासुदेववचः श्रुत्वा धर्मच्छलमिति ब्रुवन् ।</span>
<span class="shloka-line">रौहिणेयो जगामाऽशु स्वपुरीमेव सानुगः ॥ ८२॥</span>
</div>
</div>
</div>

<div class="verse" id="MBTN_C28_S01_V83" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन् गते वासुदेवं समपृच्छद् युधिष्ठिरः ।</span>
<span class="shloka-line">धर्मोऽयमथवाऽधर्म इति तं प्राह केशवः ॥ ८३॥</span>
</div>
</div>
</div>

<div class="verse" id="MBTN_C28_S01_V84" type="shloka" data-doc="MBTN">
<div class="verse-text">
<div class="shloka">
<span class="shloka-line">न साक्षाद् धर्मतो वध्या ये तु पापतमा नराः ।</span>
<span class="shloka-line">देवैर्हि वञ्चयित्वैव हताः पूर्वं सुरारयः ।</span>
<span class="shloka-line">अतोऽयमप्यधर्मेण हतो नात्रास्ति दूषणम् ॥ ८४॥</span>
</div>
</div>
</div>

<div class="verse" id="MBTN_C28_S01_V85" type="shloka" data-doc="MBTN">
<div class="verse-text">
<div class="shloka">
<span class="shloka-line">भीष्मद्रोणौ च कर्णश्च यदैवोपधिना(यथैवोपाधिना) हताः ।</span>
<span class="shloka-line">को नु दुर्योधने पापे हते दोषः कथञ्चन ॥ ८५॥</span>
</div>
</div>
</div>

<div class="verse" id="MBTN_C28_S01_V86" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रतिज्ञापालनायापि विभेदोरू वृकोदरः ।</span>
<span class="shloka-line">धर्मतश्च प्रतिज्ञेयं कृतानेनानुरूपतः (तेनानुरूपतः) ॥ ८६॥</span>
</div>
</div>
</div>

<div class="verse" id="MBTN_C28_S01_V87" type="shloka" data-doc="MBTN">
<div class="verse-text">
<div class="shloka">
<span class="shloka-line">लोकतोऽपि न धर्मस्य हानिरत्र कथञ्चन ।</span>
<span class="shloka-line">ये भीमस्याप्रभावज्ञा आपद्धर्मं च मन्वते ॥ ८७॥</span>
</div>
</div>
</div>

<div class="verse" id="MBTN_C28_S01_V88" type="shloka" data-doc="MBTN">
<div class="verse-text">
<div class="shloka">
<span class="shloka-line">अवध्यत्वे शिववराद् गदाशिक्षाबलादपि ।</span>
<span class="shloka-line">जरासन्धोपमो यस्माद् धार्तराष्ट्रः सुविश्रुतः(धृतराष्ट्र इति श्रुतः) ॥ ८८॥</span>
</div>
</div>
</div>

<div class="verse" id="MBTN_C28_S01_V89" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मात् सद्धर्म एवायं भीमचीर्ण इति ब्रुवन् ।</span>
<span class="shloka-line">अपि संशयिनं चक्रे धर्मराजं जगत्पतिः ॥ ८९॥</span>
</div>
</div>
</div>

<div class="verse" id="MBTN_C28_S01_V90" type="shloka" data-doc="MBTN">
<div class="verse-text">
<div class="shloka">
<span class="shloka-line">भूभारक्षतिजो धर्मो मच्छुश्रूषात्मकश्च यः ।</span>
<span class="shloka-line">भीमस्यैव भवेत् सम्यगिति बुद्ध्या परः प्रभुः ॥ ९०॥</span>
</div>
</div>
</div>

<div class="verse" id="MBTN_C28_S01_V91" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वेनैव बलभद्राय जनाय च पुनःपुनः ।</span>
<span class="shloka-line">श्रुत्वाऽप्युक्तं न तत्याज संशयं धर्मजो यतः ।</span>
<span class="shloka-line">ततोऽप्यसंशयं कृष्णो न चकार युधिष्ठिरम् ॥ ९१॥</span>
</div>
</div>
</div>

<div class="verse" id="MBTN_C28_S01_V92" type="shloka" data-doc="MBTN">
<div class="verse-text">
<div class="shloka">
<span class="shloka-line">मुख्यं धर्मं(मुख्यधर्मं) हि भगवान् बलायाऽह जनाय च ।</span>
<span class="shloka-line">धर्मेणैव हतो राजा धार्तराष्ट्रः सुयोधनः ।</span>
<span class="shloka-line">इति यद् वक्ष्यति पुनर्निश्चयार्थेऽर्जुनाय च ॥ ९२॥</span>
</div>
</div>
</div>

<div class="verse" id="MBTN_C28_S01_V93" type="shloka" data-doc="MBTN">
<div class="verse-text">
<div class="shloka">
<span class="shloka-line">पुनःपुनर्धर्मत एव भीमो जघान राजानमिति ब्रुवन्तम् ।</span>
<span class="shloka-line">जगाद कृष्णं स्फुरिताधरोष्ठः क्रोधात् सुपापो धृतराष्ट्रसूनुः ।</span>
<span class="shloka-line">त्वयैव पापे निहिता हि पार्थाः पापाधिकस्त्वं हि सदैक एव ॥ ९३॥</span>
</div>
</div>
</div>

<div class="verse" id="MBTN_C28_S01_V94" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्यूचिवांसं प्रजगाद कृष्णो न त्वत्समः पापतमः कदाचित् ।</span>
<span class="shloka-line">भीष्मादिहत्याऽपि तवैव पापं यदन्वयुस्त्वामतिपापनिश्चयम् ।</span>
<span class="shloka-line">पापं च पापानुगतं(पापानुचरं) च हत्वा कथञ्चनाप्यस्ति नचैव पापम् ॥ ९४॥</span>
</div>
</div>
</div>

<div class="verse" id="MBTN_C28_S01_V95" type="shloka" data-doc="MBTN">
<div class="verse-text">
<div class="shloka">
<span class="shloka-line">न पाण्डवेष्वस्ति ततो हि किञ्चित् पापं प्रयत्नाच्च निसर्गतोऽपि ।</span>
<span class="shloka-line">गुणाधिकास्ते मदुपाश्रयाच्च को नाम तेष्वण्वपि पापमाह ॥ ९५॥</span>
</div>
</div>
</div>

<div class="verse" id="MBTN_C28_S01_V96" type="shloka" data-doc="MBTN">
<div class="verse-text">
<div class="shloka">
<span class="shloka-line">निसर्गतः पापतमस्त्वमन्यान् धर्मस्थितान् पापपथे निधाय ।</span>
<span class="shloka-line">स्वयं च पापे निरतः सदैव पापात् सुपापां गतिमेव यासि ॥ ९६॥</span>
</div>
</div>
</div>

<div class="verse" id="MBTN_C28_S01_V97" type="shloka" data-doc="MBTN">
<div class="verse-text">
<div class="shloka">
<span class="shloka-line">इति ब्रुवन्तं पुनराह कृष्णं दुर्योधनः पापकृतां प्रधानः ।</span>
<span class="shloka-line">स्वन्तोत्तमो(गुणोत्तमो) नाम क एव मत्तः को नाम दोषोऽस्ति मया कृतोऽत्र ॥ ९७॥</span>
</div>
</div>
</div>

<div class="verse" id="MBTN_C28_S01_V98" type="shloka" data-doc="MBTN">
<div class="verse-text">
<div class="shloka">
<span class="shloka-line">इष्टं च यज्ञैश्चरितं च पूर्तैः पदं रिपूणां निहितं च मूर्ध्नि(मूर्धनि) ।</span>
<span class="shloka-line">मृत्युश्च सङ्ग्रामशिरस्यवाप्तो रणोन्मुखेनैव मया किमन्यत् ॥ ९८॥</span>
</div>
</div>
</div>

<div class="verse" id="MBTN_C28_S01_V99" type="shloka" data-doc="MBTN">
<div class="verse-text">
<div class="shloka">
<span class="shloka-line">इष्टा भोगा मया भुक्ताः प्राप्ता च परमा गतिः ।</span>
<span class="shloka-line">दुःखिनो दुःखमाप्स्यन्ति पार्थास्ते कूटयोधिनः ॥ ९९॥</span>
</div>
</div>
</div>

<div class="verse" id="MBTN_C28_S01_V100" type="shloka" data-doc="MBTN">
<div class="verse-text">
<div class="shloka">
<span class="shloka-line">चन्द्रसूर्यनिभैः(चन्द्रार्कसन्निभैः) शूरैर्धार्मिकैः सद्भिरुज्झिता ।</span>
<span class="shloka-line">केवला रत्नहीनेयं पाण्डवैर्भुज्यतां मही ॥ १००॥</span>
</div>
</div>
</div>

<div class="verse" id="MBTN_C28_S01_V101" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तवत्येव नृपे सुरेशैः प्रसूनवृष्टिर्विहिता पपात ।</span>
<span class="shloka-line">तामेव बुद्धिं धृतराष्ट्रसूनोः कृत्वा दृढां पातयितुं तमोऽन्धे ॥ १०१॥</span>
</div>
</div>
</div>

<div class="verse" id="MBTN_C28_S01_V102" type="shloka" data-doc="MBTN">
<div class="verse-text">
<div class="shloka">
<span class="shloka-line">सम्भावयत आत्मानं वासुदेवं विनिन्दतः ।</span>
<span class="shloka-line">तत्परांश्च कथं न स्यात् तमोऽन्ते च विशेषतः ॥ १०२॥</span>
</div>
</div>
</div>

<div class="verse" id="MBTN_C28_S01_V103" type="shloka" data-doc="MBTN">
<div class="verse-text">
<div class="shloka">
<span class="shloka-line">यदैकैकमलं तत्र दुःखाधिक्यं समुच्चयात् ।</span>
<span class="shloka-line">इति तत् कारयित्वेश आह मोघं तवाखिलम् ॥ १०३॥</span>
</div>
</div>
</div>

<div class="verse" id="MBTN_C28_S01_V104" type="shloka" data-doc="MBTN">
<div class="verse-text">
<div class="shloka">
<span class="shloka-line">नृशंसस्य कृतघ्नस्य गुणवद्‍द्वेषिणः सदा ।</span>
<span class="shloka-line">यदि धर्मफलं ध्वान्तं सूर्यवत् स्यात् प्रकाशकम् ॥ १०४॥</span>
</div>
</div>
</div>

<div class="verse" id="MBTN_C28_S01_V105" type="shloka" data-doc="MBTN">
<div class="verse-text">
<div class="shloka">
<span class="shloka-line">वदन् पुनःपुनरिदं धर्मतो हत इत्यपि ।</span>
<span class="shloka-line">ख्यापयामास भगवान् जने निजजनेष्टदः ॥ १०५॥</span>
</div>
</div>
</div>

<div class="verse" id="MBTN_C28_S01_V106" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रख्यापिते वासुदेवेन धर्मे सतां सर्वेषां हृद्यमासीत् समस्तम् ।</span>
<span class="shloka-line">हतं च धर्मेण नृपं व्यजानन् पापोऽयमित्येव विनिश्चितार्थाः ॥ १०६॥</span>
</div>
</div>
</div>

<div class="verse" id="MBTN_C28_S01_V107" type="shloka" data-doc="MBTN">
<div class="verse-text">
<div class="shloka">
<span class="shloka-line">युधिष्ठिरोऽपापदर्शी (अपायदर्शी) सदैव ससंशयोऽभूत् सुमनोऽभिवृष्ट्या ।</span>
<span class="shloka-line">स्नेहाद् द्रौणिः सञ्जयो रौहिणेयो दौर्योधनात् पापमित्येव चोचुः ॥ १०७॥</span>
</div>
</div>
</div>

<div class="verse" id="MBTN_C28_S01_V108" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः कृष्णः पाण्डुपाञ्चालकैस्तैर्भृशं नदद्भिर्हृषितैः समेतः ।</span>
<span class="shloka-line">ययौ विरिञ्चेशसुरेन्द्रमुख्यैः सम्पूजितस्तैश्च रणाङ्गणात् स्मयन् ॥ १०८॥</span>
</div>
</div>
</div>

<div class="verse" id="MBTN_C28_S01_V109" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः श्रुत्वा सञ्जयाद् दुःखतप्तं सम्बोधयिष्यन् पितरं युयुत्सुः ।</span>
<span class="shloka-line">कृष्णस्य राज्ञश्च मतेऽनुयातो(मतेन यातः) जगाम चान्वेव जनार्दनश्च ॥ १०९॥</span>
</div>
</div>
</div>

<div class="verse" id="MBTN_C28_S01_V110" type="shloka" data-doc="MBTN">
<div class="verse-text">
<div class="shloka">
<span class="shloka-line">धर्मयुक्तैश्च तत्त्वार्थैर्लोकवृत्तानुदर्शकैः ।</span>
<span class="shloka-line">वाक्यै राजानमाश्वास्य प्रायात् पार्थान् पुनर्हरिः ॥ ११०॥</span>
</div>
</div>
</div>

<div class="verse" id="MBTN_C28_S01_V111" type="shloka" data-doc="MBTN">
<div class="verse-text">
<div class="shloka">
<span class="shloka-line">कालानुसारतो दैवांश्चोपसंहर्तुमच्युतः ।</span>
<span class="shloka-line">ययौ सपार्थशैनेयः कुरूणां शिबिरं निशि ॥ १११॥</span>
</div>
</div>
</div>

<div class="verse" id="MBTN_C28_S01_V112" type="shloka" data-doc="MBTN">
<div class="verse-text">
<div class="shloka">
<span class="shloka-line">तदैव हार्दिक्यकृपान्वितोऽयात् सुयोधनं द्रौणिरमुं शयानम् ।</span>
<span class="shloka-line">प्रभग्नसक्थिं श्वसृगालभूतैः सम्भक्ष्यमाणं ददृशे श्वसन्तम् ॥ ११२॥</span>
</div>
</div>
</div>

<div class="verse" id="MBTN_C28_S01_V113" type="shloka" data-doc="MBTN">
<div class="verse-text">
<div class="shloka">
<span class="shloka-line">स दुःखशोकाभिहतो विनिन्द्य पार्थान् मया भूप किमत्र कार्यम् ।</span>
<span class="shloka-line">इत्याह निष्पाण्डवतां कुरुष्वेत्यमुं व्यधात् पांस्वभिषेकिणं नृपः ॥ ११३॥</span>
</div>
</div>
</div>

<div class="verse" id="MBTN_C28_S01_V114" type="shloka" data-doc="MBTN">
<div class="verse-text">
<div class="shloka">
<span class="shloka-line">उच्छिद्य सन्ततिं पाण्डोः कृत्वा स्वक्षेत्रसन्ततिम् ।</span>
<span class="shloka-line">तया भूरक्षणहृदा सोऽभिषिक्तस्तथेत्यगात् ॥ ११४॥</span>
</div>
</div>
</div>

<div class="verse" id="MBTN_C28_S01_V115" type="shloka" data-doc="MBTN">
<div class="verse-text">
<div class="shloka">
<span class="shloka-line">स कृष्णभीमपार्थानां भयादेव पुनर्वनम् ।</span>
<span class="shloka-line">कृपसात्वतसंयुक्तो विवेश गहनं रथी ॥ ११५॥</span>
</div>
</div>
</div>

<div class="verse" id="MBTN_C28_S01_V116" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्य चिन्तयतो द्रोणवधं दुर्योधनस्य च ।</span>
<span class="shloka-line">नाऽगान्निद्रा निशीथे च ध्वाङ्क्षान् न्यग्रोधवासिनः ॥ ११६॥</span>
</div>
</div>
</div>

<div class="verse" id="MBTN_C28_S01_V117" type="shloka" data-doc="MBTN">
<div class="verse-text">
<div class="shloka">
<span class="shloka-line">हतान् सुबहुसाहस्रानेकेनातिबलेन तु ।</span>
<span class="shloka-line">कौशिकेन निरीक्ष्यैव प्राह तौ कृपसात्वतौ ॥ ११७॥</span>
</div>
</div>
</div>

<div class="verse" id="MBTN_C28_S01_V118" type="shloka" data-doc="MBTN">
<div class="verse-text">
<div class="shloka">
<span class="shloka-line">निदर्शनेन ह्येतेन(ह्येनेन) प्रेरितः परमात्मना ।</span>
<span class="shloka-line">यामि पाण्डुसुतान् हन्तुमित्युक्त्वाऽऽरुरुहे रथम् ॥ ११८॥</span>
</div>
</div>
</div>

<div class="verse" id="MBTN_C28_S01_V119" type="shloka" data-doc="MBTN">
<div class="verse-text">
<div class="shloka">
<span class="shloka-line">निवारितोऽपि ताभ्यां स प्राद्रवच्छिबिरं प्रति ।</span>
<span class="shloka-line">अनुजग्मतुस्तावपि तं शिबिरद्वारि चैक्षत ॥ ११९॥</span>
</div>
</div>
</div>

<div class="verse" id="MBTN_C28_S01_V120" type="shloka" data-doc="MBTN">
<div class="verse-text">
<div class="shloka">
<span class="shloka-line">उग्ररूपधरं रुद्रं स्वकीयां तनुमेव सः ।</span>
<span class="shloka-line">परीतं वासुदेवेन बहुकोटिस्वरूपिणा ॥ १२०॥</span>
</div>
</div>
</div>

<div class="verse" id="MBTN_C28_S01_V121" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्ट्वैव वासुदेवं तमत्रसद् गौतमीसुतः ।</span>
<span class="shloka-line">वासुदेवाज्ञयैवात्र स्वात्मनाऽपि सदाशिवः ॥ १२१॥</span>
</div>
</div>
</div>

<div class="verse" id="MBTN_C28_S01_V122" type="shloka" data-doc="MBTN">
<div class="verse-text">
<div class="shloka">
<span class="shloka-line">अयुद्ध्यदग्रसच्चाऽशु द्रौणेः सर्वायुधान्यपि ।</span>
<span class="shloka-line">अचिन्त्या हरिशक्तिर्यद्(हरिशक्तिर्हि) दृश्यन्तेऽऽत्महनोऽपि हि ॥ १२२॥</span>
</div>
</div>
</div>

<div class="verse" id="MBTN_C28_S01_V123" type="shloka" data-doc="MBTN">
<div class="verse-text">
<div class="shloka">
<span class="shloka-line">अतस्तया प्रेरितेन स्वात्मनैवाखिलेष्वपि ।</span>
<span class="shloka-line">आयुधेषु निगीर्णेषु द्रौणिर्यज्ञं तु मानसम् ।</span>
<span class="shloka-line">चक्रेऽऽत्मानं पशुं कृत्वा स्वात्मस्थायैव विष्णवे ॥ १२३॥</span>
</div>
</div>
</div>

<div class="verse" id="MBTN_C28_S01_V124" type="shloka" data-doc="MBTN">
<div class="verse-text">
<div class="shloka">
<span class="shloka-line">यज्ञतुष्टेन(यज्ञे तुष्टेन) हरिणा प्रेरितः शङ्करः स्वयम् ।</span>
<span class="shloka-line">आत्मने द्रोणपुत्राय ददौ सर्वायुधानि च ॥ १२४॥</span>
</div>
</div>
</div>

<div class="verse" id="MBTN_C28_S01_V125" type="shloka" data-doc="MBTN">
<div class="verse-text">
<div class="shloka">
<span class="shloka-line">उवाच चाहमादिष्टो विष्णुना प्रभविष्णुना ।</span>
<span class="shloka-line">अरक्षं पार्थशिबिरमियन्तं कालमेव तु ॥ १२५॥</span>
</div>
</div>
</div>

<div class="verse" id="MBTN_C28_S01_V126" type="shloka" data-doc="MBTN">
<div class="verse-text">
<div class="shloka">
<span class="shloka-line">तदिच्छयैव निर्दिष्टो दास्ये मार्गं तवाद्य च ।</span>
<span class="shloka-line">आयुधानि च सर्वाणि हन्तुं(जहि) सर्वानिमान् जनान् ॥ १२६॥</span>
</div>
</div>
</div>

<div class="verse" id="MBTN_C28_S01_V127" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युदीर्य प्रदायाऽशु सर्वा हेतीर्वृषध्वजः ।</span>
<span class="shloka-line">तत्रैवान्तर्दधे सोऽपि प्रोवाच कृपसात्वतौ ॥ १२७॥</span>
</div>
</div>
</div>

<div class="verse" id="MBTN_C28_S01_V128" type="shloka" data-doc="MBTN">
<div class="verse-text">
<div class="shloka">
<span class="shloka-line">ये निर्यास्यन्ति शिबिराज्जहितं तांस्तु सर्वशः ।</span>
<span class="shloka-line">इत्युक्त्वा प्रविवेशान्तर्धन्वी खड्गी कृतान्तवत् ॥ १२८॥</span>
</div>
</div>
</div>

<div class="verse" id="MBTN_C28_S01_V129" type="shloka" data-doc="MBTN">
<div class="verse-text">
<div class="shloka">
<span class="shloka-line">पारावताश्वं स तदा शयानमुपेत्य पद्भ्यां समताडयच्च ।</span>
<span class="shloka-line">वक्षस्यसाववदद् वीतनिद्रो जाने भवन्तं हि गुरोस्तनूजम् ॥ १२९॥</span>
</div>
</div>
</div>

<div class="verse" id="MBTN_C28_S01_V130" type="shloka" data-doc="MBTN">
<div class="verse-text">
<div class="shloka">
<span class="shloka-line">समुत्थितं मां जहि शस्त्रपाणिं शस्त्रेण वीरोऽसि स वीरधर्मः ।</span>
<span class="shloka-line">लोकाश्च मे सन्त्वथ शस्त्रपूता इति ब्रुवाणं स रुषा जगाद ॥ १३०॥</span>
</div>
</div>
</div>

<div class="verse" id="MBTN_C28_S01_V131" type="shloka" data-doc="MBTN">
<div class="verse-text">
<div class="shloka">
<span class="shloka-line">न सन्ति हि ब्रह्महणां सुलोका विशेषतश्चैव गुरुद्रुहां पुनः ।</span>
<span class="shloka-line">न धर्मयुद्धेन वधार्हकाश्च ये त्वद्विधाः पापतमाः(पापमनाः) सुपाप ॥ १३१॥</span>
</div>
</div>
</div>

<div class="verse" id="MBTN_C28_S01_V132" type="shloka" data-doc="MBTN">
<div class="verse-text">
<div class="shloka">
<span class="shloka-line">अवश्यं भाविनं(अवश्यभाविनं) मृत्युं धृष्टद्युम्नो विचिन्त्य तम् ।</span>
<span class="shloka-line">तूष्णीं बभूव स्वप्नेऽपि नित्यं पश्यति तां मृतिम् ॥ १३२॥</span>
</div>
</div>
</div>

<div class="verse" id="MBTN_C28_S01_V133" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रौणिं च कालरात्रिं च द्रोणपातादनन्तरम् ।</span>
<span class="shloka-line">विशसन्तं कृषन्तीं(कृषन्तं) च स्वप्ने पश्यति (स्वप्नेऽपश्यद्धि) पार्षतः ॥ १३३॥</span>
</div>
</div>
</div>

<div class="verse" id="MBTN_C28_S01_V134" type="shloka" data-doc="MBTN">
<div class="verse-text">
<div class="shloka">
<span class="shloka-line">समाक्षिपद् द्रोणसुतोऽस्य कण्ठे निबद्ध्य मौर्वीं धनुषोप्युरस्थः ।</span>
<span class="shloka-line">ममन्थ कृच्छ्रेण विहाय देहं ययौ निजस्थानमसौ च वह्निः ॥ १३४॥</span>
</div>
</div>
</div>

<div class="verse" id="MBTN_C28_S01_V135" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः शिखण्डिनं हत्वा युधामन्यूत्तमोजसौ ।</span>
<span class="shloka-line">जनमेजयं च पाञ्चालीसुतानभिययौ ज्वलन् ॥ १३५॥</span>
</div>
</div>
</div>

<div class="verse" id="MBTN_C28_S01_V136" type="shloka" data-doc="MBTN">
<div class="verse-text">
<div class="shloka">
<span class="shloka-line">तैरुत्थितैरस्यमानः शरैः खड्गेन जघ्निवान् ।</span>
<span class="shloka-line">सर्वान् सव्यापसव्येन तथाऽन्यान् पाण्डवात्मजान् ।</span>
<span class="shloka-line">ऋत एकं भैमसेनिं काशिराजात्मजात्मजम् ॥ १३६॥</span>
</div>
</div>
</div>

<div class="verse" id="MBTN_C28_S01_V137" type="shloka" data-doc="MBTN">
<div class="verse-text">
<div class="shloka">
<span class="shloka-line">तं तदाऽन्तर्हितः(अन्तर्हितं) शर्वः कैलासमनयत् क्षणात् ।</span>
<span class="shloka-line">स शर्वत्रातनामाऽऽसीदतस्तत्रैव सोऽवसत् ॥ १३७॥</span>
</div>
</div>
</div>

<div class="verse" id="MBTN_C28_S01_V138" type="shloka" data-doc="MBTN">
<div class="verse-text">
<div class="shloka">
<span class="shloka-line">पुराऽर्थितः स्वदौहित्रस्यामरत्वाय शङ्करः ।</span>
<span class="shloka-line">काशिराजेन तेनासौ जुगोपैनं कृपायुतः ॥ १३८॥</span>
</div>
</div>
</div>

<div class="verse" id="MBTN_C28_S01_V139" type="shloka" data-doc="MBTN">
<div class="verse-text">
<div class="shloka">
<span class="shloka-line">वासुदेवमतं ज्ञात्वा साम्राज्याय परीक्षितः ।</span>
<span class="shloka-line">वारयामास भूलोकं नैव याहीत्यमुं शिवः ॥ १३९॥</span>
</div>
</div>
</div>

<div class="verse" id="MBTN_C28_S01_V140" type="shloka" data-doc="MBTN">
<div class="verse-text">
<div class="shloka">
<span class="shloka-line">सामान्यतोऽपाण्डवाय द्रौणिनाऽप्यभिसन्धितम् ।</span>
<span class="shloka-line">तद्रूपेणैव रुद्रेण विनैनमिति चिन्तितम् ॥ १४०॥</span>
</div>
</div>
</div>

<div class="verse" id="MBTN_C28_S01_V141" type="shloka" data-doc="MBTN">
<div class="verse-text">
<div class="shloka">
<span class="shloka-line">अस्त्रं ब्रह्मशिरश्चैनं न जघानैक्यतस्तयोः ।</span>
<span class="shloka-line">चेकितानादिकांश्चैव जघानान्यान् स सर्वशः(जघानान्यांश्च सर्वशः) ॥ १४१॥</span>
</div>
</div>
</div>

<div class="verse" id="MBTN_C28_S01_V142" type="shloka" data-doc="MBTN">
<div class="verse-text">
<div class="shloka">
<span class="shloka-line">स चेदिपाञ्चालकरूशकाशीनन्यांश्च सर्वान् विनिहत्य वीरः ।</span>
<span class="shloka-line">शिशून् स्त्रियश्चैव निहन्तुमुग्रः प्रज्वालयत् तच्छिबिरं समन्तात् ॥ १४२॥</span>
</div>
</div>
</div>

<div class="verse" id="MBTN_C28_S01_V143" type="shloka" data-doc="MBTN">
<div class="verse-text">
<div class="shloka">
<span class="shloka-line">जीजीविषूंस्तत्र पलायमानान् द्वारि स्थितौ गौतमः सात्वतश्च ।</span>
<span class="shloka-line">निजघ्नतुः सर्वतः पार्षतस्य सूतस्त्वेकः शेषितो दैवयोगात् ॥ १४३॥</span>
</div>
</div>
</div>

<div class="verse" id="MBTN_C28_S01_V144" type="shloka" data-doc="MBTN">
<div class="verse-text">
<div class="shloka">
<span class="shloka-line">खड्गेन प्रहृतं दृष्ट्वा हार्दिक्येन पपात ह ।</span>
<span class="shloka-line">भूमौ प्रागेव संस्पर्शान्न ज्ञातस्तमसाऽमुना ।</span>
<span class="shloka-line">अन्यासक्ते समुत्थाय प्राद्रवद् यत्र पार्षती ॥ १४४॥</span>
</div>
</div>
</div>

<div class="verse" id="MBTN_C28_S01_V145" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्या अकथयत् सर्वं सा भीमायाऽह दुःखिता ।</span>
<span class="shloka-line">प्राद्रवद् रथमारुह्य स धन्वी गौतमीसुतम् ॥ १४५॥</span>
</div>
</div>
</div>

<div class="verse" id="MBTN_C28_S01_V146" type="shloka" data-doc="MBTN">
<div class="verse-text">
<div class="shloka">
<span class="shloka-line">तदन्तरे द्रौणिरपि प्रयातः कृष्णासुतानां मुदितः शिरांसि ।</span>
<span class="shloka-line">आदाय हार्दिक्यकृपानुयातो दुर्योधनं सन्निकृष्टप्रयाणम् ॥ १४६॥</span>
</div>
</div>
</div>

<div class="verse" id="MBTN_C28_S01_V147" type="shloka" data-doc="MBTN">
<div class="verse-text">
<div class="shloka">
<span class="shloka-line">दृष्ट्वा तदुक्तं च निशम्य पापस्तुष्टोऽत्यजत् साध्विति देहमाशु ।</span>
<span class="shloka-line">भीमार्जुनाभ्यामथ केशवाच्च भीताः पृथग् द्रौणिमुखाः प्रयाताः ॥ १४७॥</span>
</div>
</div>
</div>

<div class="verse" id="MBTN_C28_S01_V148" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्रैकलं द्रोणसुतं रथेन यान्तं रथी मारुतिरन्वधावत् ।</span>
<span class="shloka-line">तमाद्रवन्तं प्रसमीक्ष्य भीतः पराद्रवद् द्रौणिरभिद्रुताश्वैः (द्रौणिरतिद्रुताश्वैः) ॥ १४८॥</span>
</div>
</div>
</div>

<div class="verse" id="MBTN_C28_S01_V149" type="shloka" data-doc="MBTN">
<div class="verse-text">
<div class="shloka">
<span class="shloka-line">आद्रवन्तं पुनर्दृष्ट्वा भीमं द्रोणात्मजो रुषा ।</span>
<span class="shloka-line">आवृत्य युद्ध्यन् विजितोऽस्त्रं ब्रह्मशिर आददे ॥ १४९॥</span>
</div>
</div>
</div>

<div class="verse" id="MBTN_C28_S01_V150" type="shloka" data-doc="MBTN">
<div class="verse-text">
<div class="shloka">
<span class="shloka-line">एतस्मिन्नन्तरे कृष्णो धर्मजेनार्जुनेन च ।</span>
<span class="shloka-line">तत्राऽगमत् तदस्त्रं च भीमं चाव्यर्थतां नयन् ।</span>
<span class="shloka-line">अवध्यो भीमसेनस्तदस्त्रं चामोघमेव यत् ॥ १५०॥</span>
</div>
</div>
</div>

<div class="verse" id="MBTN_C28_S01_V151" type="shloka" data-doc="MBTN">
<div class="verse-text">
<div class="shloka">
<span class="shloka-line">विष्णुनैवोभयं यस्मात् कृतं (क्लृप्तं) भीमोऽस्त्रमेव तत् ।</span>
<span class="shloka-line">गायत्री तत्र मन्त्रो यद् ब्रह्मा तद्ध्यानदेवता ।</span>
<span class="shloka-line">ध्येयो नारायणो देवो जगत्प्रसविता स्वयम् ॥ १५१॥</span>
</div>
</div>
</div>

<div class="verse" id="MBTN_C28_S01_V152" type="shloka" data-doc="MBTN">
<div class="verse-text">
<div class="shloka">
<span class="shloka-line">ऊचे च पार्थयोः कृष्णो यत् कृतं द्रौणिना पुरा ।</span>
<span class="shloka-line">स्वायुधानां याचनं चाप्यशक्तेन तदुद्धृतौ ॥ १५२॥</span>
</div>
</div>
</div>

<div class="verse" id="MBTN_C28_S01_V153" type="shloka" data-doc="MBTN">
<div class="verse-text">
<div class="shloka">
<span class="shloka-line">पृष्टेनोक्तं त्वया हीनां कृत्वा दुर्योधनाय गाम् ।</span>
<span class="shloka-line">दातुं त्वदायुधं मेऽद्येत्येवमुक्तेऽत्मनोदितम् ।</span>
<span class="shloka-line">मैवं कार्षीः पुनरिति द्ध्यायताऽब्धेस्तटे स्वमु ॥ १५३॥</span>
</div>
</div>
</div>

<div class="verse" id="MBTN_C28_S01_V154" type="shloka" data-doc="MBTN">
<div class="verse-text">
<div class="shloka">
<span class="shloka-line">तदस्त्रं प्रज्वलद् दृष्ट्वाऽपाण्डवत्वविधित्सया ।</span>
<span class="shloka-line">धरायां द्रौणिना मुक्तं कृष्णेन प्रेरितोऽर्जुनः ॥ १५४॥</span>
</div>
</div>
</div>

<div class="verse" id="MBTN_C28_S01_V155" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वस्त्यस्तु द्रोणपुत्राय भूतेभ्यो मह्यमेव च ।</span>
<span class="shloka-line">इति ब्रुवंस्तदेवास्त्रमस्त्रशान्त्यै व्यसर्जयत् ॥ १५५॥</span>
</div>
</div>
</div>

<div class="verse" id="MBTN_C28_S01_V156" type="shloka" data-doc="MBTN">
<div class="verse-text">
<div class="shloka">
<span class="shloka-line">अनस्त्रज्ञेषु मुक्तं तद्धन्यादस्त्रमुचं यतः ।</span>
<span class="shloka-line">गुरुभक्त्या ततो द्रौणेः स्वस्त्यस्त्वित्याह वासविः ॥ १५६॥</span>
</div>
</div>
</div>

<div class="verse" id="MBTN_C28_S01_V157" type="shloka" data-doc="MBTN">
<div class="verse-text">
<div class="shloka">
<span class="shloka-line">तदाऽस्त्रयोस्तु संयोगे भूतानां संहृतिर्भवेत् ।</span>
<span class="shloka-line">भूतानां स्वस्तिरप्यत्र काङ्क्षिता करुणात्मना ॥ १५७॥</span>
</div>
</div>
</div>

<div class="verse" id="MBTN_C28_S01_V158" type="shloka" data-doc="MBTN">
<div class="verse-text">
<div class="shloka">
<span class="shloka-line">तथाऽप्यस्त्रद्वयं युक्तं भूतानां नाशकृद् ध्रुवम् ।</span>
<span class="shloka-line">तस्मान्निवारयन् योगं तयोर्मध्येऽभवत् क्षणात् ।</span>
<span class="shloka-line">निस्सीमशक्तिः परमः कृष्णः सत्यवतीसुतः ॥ १५८॥</span>
</div>
</div>
</div>

<div class="verse" id="MBTN_C28_S01_V159" type="shloka" data-doc="MBTN">
<div class="verse-text">
<div class="shloka">
<span class="shloka-line">संस्थाप्यास्त्रद्वयं दूरे तावाह पुरुषोत्तमः ।</span>
<span class="shloka-line">सन्ति ह्यस्त्रविदः पूर्वं प्रायश्चैतन्न तैः कृतम् ।</span>
<span class="shloka-line">लोकोपद्रवकृत् कर्म सन्तः कुर्युः कथं क्‍वचित् ॥ १५९॥</span>
</div>
</div>
</div>

<div class="verse" id="MBTN_C28_S01_V160" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्ते फल्गुनः प्राह मया मुक्तं महापदि ।</span>
<span class="shloka-line">शान्त्यर्थमेव च विभो क्षन्तव्यं भवता ततः ॥ १६०॥</span>
</div>
</div>
</div>

<div class="verse" id="MBTN_C28_S01_V161" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रौणिरप्येवमेवाऽह तौ वेदपतिरब्रवीत् ।</span>
<span class="shloka-line">निवर्त्यतामस्त्रमिति शक्रसूनुस्तथाऽकरोत् ।</span>
<span class="shloka-line">निवर्तनाप्रभुं द्रौणिं वासुदेवोऽभ्यभाषत ॥ १६१॥</span>
</div>
</div>
</div>

<div class="verse" id="MBTN_C28_S01_V162" type="shloka" data-doc="MBTN">
<div class="verse-text">
<div class="shloka">
<span class="shloka-line">क्षत्रतेजा ब्रह्मचारी कौमारादपि पाण्डवः ।</span>
<span class="shloka-line">निवर्तने ततः शक्तो नायं द्रोणात्मजोऽपि सन् ।</span>
<span class="shloka-line">अब्रह्मचर्यादित्युक्ते व्यासो द्रौणिमभाषत ॥ १६२॥</span>
</div>
</div>
</div>

<div class="verse" id="MBTN_C28_S01_V163" type="shloka" data-doc="MBTN">
<div class="verse-text">
<div class="shloka">
<span class="shloka-line">निवर्तनासमर्थस्त्वं देहि नैसर्गिकं मणिम् ।</span>
<span class="shloka-line">जितः प्रागेव भीमेन भीमायैव महाप्रभम् ।</span>
<span class="shloka-line">अपि केवलया वाचा पार्थेभ्योऽस्त्रं निवर्तय ॥ १६३॥</span>
</div>
</div>
</div>

<div class="verse" id="MBTN_C28_S01_V164" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तो मूर्धजं रत्नं जरामरणनाशनम् ।</span>
<span class="shloka-line">क्षुत्तृट्श्रमापहं दिव्यगन्धं ध्वान्तहरं(दिव्यं गन्धध्वान्तहरं) शुभम् ॥ १६४॥</span>
</div>
</div>
</div>

<div class="verse" id="MBTN_C28_S01_V165" type="shloka" data-doc="MBTN">
<div class="verse-text">
<div class="shloka">
<span class="shloka-line">उत्कृत्य भीमाय ददौ मुक्ताः पञ्चैव पाण्डवाः ।</span>
<span class="shloka-line">अस्त्रादिति ततो वेदभर्ता वासविमब्रवीत् ॥ १६५॥</span>
</div>
</div>
</div>

<div class="verse" id="MBTN_C28_S01_V166" type="shloka" data-doc="MBTN">
<div class="verse-text">
<div class="shloka">
<span class="shloka-line">तात मुक्तं द्रौणिनाऽपि त्वमेवास्त्रं निवर्तय ।</span>
<span class="shloka-line">इत्युक्तस्तं प्रणम्याऽशु सञ्जहारार्जुनोऽपि तत् ॥ १६६॥</span>
</div>
</div>
</div>

<div class="verse" id="MBTN_C28_S01_V167" type="shloka" data-doc="MBTN">
<div class="verse-text">
<div class="shloka">
<span class="shloka-line">यादवेशोऽथ गौतम्याः सुतमाहैकसन्ततेः ।</span>
<span class="shloka-line">वाचा निवर्तयास्त्रं त्वमित्युक्तो द्रौणिरब्रवीत् ॥ १६७॥</span>
</div>
</div>
</div>

<div class="verse" id="MBTN_C28_S01_V168" type="shloka" data-doc="MBTN">
<div class="verse-text">
<div class="shloka">
<span class="shloka-line">पक्षपातादिच्छसि त्वं भागिनेयस्य सन्ततिम् ।</span>
<span class="shloka-line">तत्रैव पातयाम्यस्त्रमुत्तरागर्भकृन्तने ॥ १६८॥</span>
</div>
</div>
</div>

<div class="verse" id="MBTN_C28_S01_V169" type="shloka" data-doc="MBTN">
<div class="verse-text">
<div class="shloka">
<span class="shloka-line">वासुदेवः पुनः प्राह यदि हन्तव्य एव ते ।</span>
<span class="shloka-line">गर्भस्तथाऽपि नैवास्त्रं पातयास्मिन् कथञ्चन ॥ १६९॥</span>
</div>
</div>
</div>

<div class="verse" id="MBTN_C28_S01_V170" type="shloka" data-doc="MBTN">
<div class="verse-text">
<div class="shloka">
<span class="shloka-line">अभिमन्योर्मृतस्यैव देहे पातय मानद ।</span>
<span class="shloka-line">एवं त्वदस्त्रनिहतं गर्भमुज्जीवयाम्यहम् ॥ १७०॥</span>
</div>
</div>
</div>

<div class="verse" id="MBTN_C28_S01_V171" type="shloka" data-doc="MBTN">
<div class="verse-text">
<div class="shloka">
<span class="shloka-line">पातये गर्भ एवाहमित्यूचे गौतमीसुतः ।</span>
<span class="shloka-line">अथाऽह वासुदेवस्तमीषत्क्रुद्ध इव प्रभुः ॥ १७१॥</span>
</div>
</div>
</div>

<div class="verse" id="MBTN_C28_S01_V172" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्मते पश्य मे वीर्यं यत् ते शक्यं कुरुष्व तत् ।</span>
<span class="shloka-line">उज्जीवयाम्यहं गर्भं यततः शक्तितोऽपि ते ॥ १७२॥</span>
</div>
</div>
</div>

<div class="verse" id="MBTN_C28_S01_V173" type="shloka" data-doc="MBTN">
<div class="verse-text">
<div class="shloka">
<span class="shloka-line">सन्ततिर्वर्षसाहस्रं पाण्डवानां भवेद् भुवि ।</span>
<span class="shloka-line">मत्पालितां न कश्चित् तां तावद्धन्तुं क्षमः क्‍वचित् ॥ १७३॥</span>
</div>
</div>
</div>

<div class="verse" id="MBTN_C28_S01_V174" type="shloka" data-doc="MBTN">
<div class="verse-text">
<div class="shloka">
<span class="shloka-line">जानामि ते मतिं दुष्टां जिघांसोः पार्थसन्ततिम् ।</span>
<span class="shloka-line">चिकीर्षोर्धार्तराष्ट्रस्य तन्तुं भूयः सुदुष्करम् ॥ १७४॥</span>
</div>
</div>
</div>

<div class="verse" id="MBTN_C28_S01_V175" type="shloka" data-doc="MBTN">
<div class="verse-text">
<div class="shloka">
<span class="shloka-line">मदाज्ञया सा विफला भवित्री वाञ्छा मुमुक्षा विमुखस्य(मुमुक्षोर्विमुखस्य) विष्णोः ।</span>
<span class="shloka-line">यथैव तेनैव नराधिरूढो गम्यस्तव स्यान्नच भूमिभागः ॥ १७५॥</span>
</div>
</div>
</div>

<div class="verse" id="MBTN_C28_S01_V176" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्गन्धयुक्तो व्रणसञ्चिताङ्गः सदा चरः स्या विपिनेषु मन्दः ।</span>
<span class="shloka-line">यावद् भुवि स्यादिह पार्थतन्तुर्व्यासोऽपि तं प्राह तथेति देवः ॥ १७६॥</span>
</div>
</div>
</div>

<div class="verse" id="MBTN_C28_S01_V177" type="shloka" data-doc="MBTN">
<div class="verse-text">
<div class="shloka">
<span class="shloka-line">रूपद्वयेनापि हरेस्तथोक्तो जगाद कालीतनयं स कृष्णम् ।</span>
<span class="shloka-line">त्वया सह स्यान्मम सङ्गमो विभो यथेष्टतः स्यान्नच मेऽत्र विघ्नः ॥ १७७॥</span>
</div>
</div>
</div>

<div class="verse" id="MBTN_C28_S01_V178" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त ओमिति प्राह भगवान् बादरायणः ।</span>
<span class="shloka-line">तं प्रणम्य ययौ सोऽपि स्वप्नदृष्टमनुस्मरन् ॥ १७८॥</span>
</div>
</div>
</div>

<div class="verse" id="MBTN_C28_S01_V179" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वप्ने हि द्रौपदेयानां वधो दृष्टोऽत्मना निशि ।</span>
<span class="shloka-line">अर्जुनेन प्रतिज्ञानं द्रौपद्यै स्ववधं प्रति ॥ १७९॥</span>
</div>
</div>
</div>

<div class="verse" id="MBTN_C28_S01_V180" type="shloka" data-doc="MBTN">
<div class="verse-text">
<div class="shloka">
<span class="shloka-line">निबध्याऽनयनं चैव तेनैव शिबिरं प्रति ।</span>
<span class="shloka-line">मुञ्चेति द्रौपदीवाक्यं नेति भीमवचस्तथा ।</span>
<span class="shloka-line">कृष्णवाक्यान्मणिं हृत्वा देशान्निर्यापणं (निर्यातनं) तथा ॥ १८०॥</span>
</div>
</div>
</div>

<div class="verse" id="MBTN_C28_S01_V181" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्यादि स्वप्नदृष्टं यत् प्रायः सत्यमभूदिति ।</span>
<span class="shloka-line">चिन्तयन् प्रययौ देवं (दावं) द्रौणिः शस्त्रभृतां वरः ॥ १८१॥</span>
</div>
</div>
</div>

<div class="verse" id="MBTN_C28_S01_V182" type="shloka" data-doc="MBTN">
<div class="verse-text">
<div class="shloka">
<span class="shloka-line">स कृष्णोक्तमपि प्राप्य बादरायणशिष्यताम् ।</span>
<span class="shloka-line">प्राप्योत्तरद्वापरे च वेदान् संविभजिष्यति ॥ १८२॥</span>
</div>
</div>
</div>

<div class="verse" id="MBTN_C28_S01_V183" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः सप्तर्षिर्भूत्वा पाराशर्यप्रसादतः ।</span>
<span class="shloka-line">एकीभावं स्वरूपेण यास्यत्यच्युतनिष्ठया ॥ १८३॥</span>
</div>
</div>
</div>

<div class="verse" id="MBTN_C28_S01_V184" type="shloka" data-doc="MBTN">
<div class="verse-text">
<div class="shloka">
<span class="shloka-line">कृपोऽथ पाण्डवान् प्राप्य गौरवात् पूजितश्च तैः ।</span>
<span class="shloka-line">अभूदाचार्य एवासौ राज्ञां तत्तन्तुभाविनाम् ॥ १८४॥</span>
</div>
</div>
</div>

<div class="verse" id="MBTN_C28_S01_V185" type="shloka" data-doc="MBTN">
<div class="verse-text">
<div class="shloka">
<span class="shloka-line">बादरायणशिष्यत्वं पुनः प्राप्य भजन्नमुम् ।</span>
<span class="shloka-line">साकं स्वभागिनेयेन भाव्येको मुनिसप्तके ।</span>
<span class="shloka-line">कृतवर्मा द्वारवतीं ययौ कृष्णानुमोदितः ॥ १८५॥</span>
</div>
</div>
</div>

<div class="verse" id="MBTN_C28_S01_V186" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णायै तं मणिं(तन्मणिं) दत्वा भीमस्तां पर्यसान्त्वयत् ।</span>
<span class="shloka-line">विकोपा भीमवाक्येन राज्ञे सा च मणिं ददौ ॥ १८६॥</span>
</div>
</div>
</div>

<div class="verse" id="MBTN_C28_S01_V187" type="shloka" data-doc="MBTN">
<div class="verse-text">
<div class="shloka">
<span class="shloka-line">राजार्हे हि मणौ दत्ते मह्यं भीमेन लौकिकाः ।</span>
<span class="shloka-line">स्त्रीपक्षपातं राजा च शङ्केयुर्मारुतेरिति ॥ १८७॥</span>
</div>
</div>
</div>

<div class="verse" id="MBTN_C28_S01_V188" type="shloka" data-doc="MBTN">
<div class="verse-text">
<div class="shloka">
<span class="shloka-line">मणिं राज्ञे ददौ कृष्णा भर्तृप्रियहिते रता ।</span>
<span class="shloka-line">सोऽप्याबध्य मणिं मूर्ध्नि रेजे राजा गवामिव ॥ १८८॥</span>
</div>
</div>
</div>

<div class="verse" id="MBTN_C28_S01_V189" type="shloka" data-doc="MBTN">
<div class="verse-text">
<div class="shloka">
<span class="shloka-line">वेदेश्वरेणापि यदूत्तमेन कृष्णेन युक्तास्तत आशु पार्थाः ।</span>
<span class="shloka-line">ययुः सभार्या निजराजधानीं हत्वैव सन्तोऽन्तररीन् स्वराज्यम् ॥ १८९॥</span>
</div>
</div>
</div>

<div class="verse" id="MBTN_C28_S01_V190" type="shloka" data-doc="MBTN">
<div class="verse-text">
<div class="shloka">
<span class="shloka-line">युधिष्ठिरस्यानु विचित्रवीर्यसुतस्य पादावभिवन्दमानम् ।</span>
<span class="shloka-line">आकृष्य भीमं परमेश्वरोऽयो मयाकृतिं धात् पुरतो नृपस्य ॥ १९०॥</span>
</div>
</div>
</div>

<div class="verse" id="MBTN_C28_S01_V191" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमाकृतिं तां स सुयोधनेन कारापितामभ्यसने गदायाः ।</span>
<span class="shloka-line">आश्लिष्य चूर्णीकृतवानसृग् वमन् हा तात भीमेति वदन् पपात ॥ १९१॥</span>
</div>
</div>
</div>

<div class="verse" id="MBTN_C28_S01_V192" type="shloka" data-doc="MBTN">
<div class="verse-text">
<div class="shloka">
<span class="shloka-line">तमाह कृष्णो न हतोऽद्य भीमो नच त्वयाऽन्यैरपि शक्यतेऽसौ ।</span>
<span class="shloka-line">हन्तुं स्वबुद्धिः प्रथिता त्वयाऽद्य पापा हि ते बुद्धिरद्यापि राजन् ॥ १९२॥</span>
</div>
</div>
</div>

<div class="verse" id="MBTN_C28_S01_V193" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वबुद्धिदोषादतिपापशीलपुत्राख्यपापानि विवर्द्धयित्वा ।</span>
<span class="shloka-line">नीतो वशं तैः फलमद्य भुञ्जन् न क्रोधितुं चार्हसि भीमसेने ॥ १९३॥</span>
</div>
</div>
</div>

<div class="verse" id="MBTN_C28_S01_V194" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्ते शान्तबुद्ध्यैव राज्ञाऽऽहूतो वृकोदरः ।</span>
<span class="shloka-line">अभ्यवन्दत तत्पादावनुजाद्याश्च तस्य ये ॥ १९४॥</span>
</div>
</div>
</div>

<div class="verse" id="MBTN_C28_S01_V195" type="shloka" data-doc="MBTN">
<div class="verse-text">
<div class="shloka">
<span class="shloka-line">वज्राच्च दृढदेहत्वादविकारे वृकोदरे ।</span>
<span class="shloka-line">न दोषो विवृतोऽस्य स्यादिति कृष्णेन वञ्चितः(चिन्तितम्) ।</span>
<span class="shloka-line">सर्वानाश्लिष्य च प्रेम्णा युयोज नृप आशिषः ॥ १९५॥</span>
</div>
</div>
</div>

<div class="verse" id="MBTN_C28_S01_V196" type="shloka" data-doc="MBTN">
<div class="verse-text">
<div class="shloka">
<span class="shloka-line">कुलनाशकरः पापः शापयोग्यस्तव ह्यहम् ।</span>
<span class="shloka-line">इत्युक्त्वैव प्रणमतो गान्धारी सुपदाङ्गुलीः ॥ १९६॥</span>
</div>
</div>
</div>

<div class="verse" id="MBTN_C28_S01_V197" type="shloka" data-doc="MBTN">
<div class="verse-text">
<div class="shloka">
<span class="shloka-line">ददर्श धर्मराजस्य पटान्तेन(पट्टान्तेन) प्रकोपिता ।</span>
<span class="shloka-line">तस्याः क्रोधाग्निनिर्दग्धनखः स कुनखोऽभवत् ॥ १९७॥</span>
</div>
</div>
</div>

<div class="verse" id="MBTN_C28_S01_V198" type="shloka" data-doc="MBTN">
<div class="verse-text">
<div class="shloka">
<span class="shloka-line">वन्दमानं पुनर्भीममाह सा क्रोधविह्वला ।</span>
<span class="shloka-line">अधर्मतः कथं भीम सुतं मे त्वं निजघ्निवान् ॥ १९८॥</span>
</div>
</div>
</div>

<div class="verse" id="MBTN_C28_S01_V199" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तेऽस्याः (इत्युक्तोऽस्याः) शमयितुं क्रोधमग्रे वृकोदरः ।</span>
<span class="shloka-line">प्राह न प्राणसन्देहे पापं स्यात् पापिनो वधे ॥ १९९॥</span>
</div>
</div>
</div>

<div class="verse" id="MBTN_C28_S01_V200" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त्वा तां पुनः प्राह प्रतिज्ञाहानिमन्तरा ।</span>
<span class="shloka-line">न मेऽस्ति प्राणसन्देह इति जानन् वृकोदरः ॥ २००॥</span>
</div>
</div>
</div>

<div class="verse" id="MBTN_C28_S01_V201" type="shloka" data-doc="MBTN">
<div class="verse-text">
<div class="shloka">
<span class="shloka-line">यथाप्रतिज्ञं भ्रातृव्यान् रणे मम निजघ्नुषः ।</span>
<span class="shloka-line">क्‍वाधर्मः क्षत्रजातेस्तु तद्धानौ जीवनं नहि ॥ २०१॥</span>
</div>
</div>
</div>

<div class="verse" id="MBTN_C28_S01_V202" type="shloka" data-doc="MBTN">
<div class="verse-text">
<div class="shloka">
<span class="shloka-line">‘पापा न शुद्धधर्मेण हन्तव्या’ इति च श्रुतिः ।</span>
<span class="shloka-line">‘अन्यवत् पापहननं पापयेत्याह’ इति श्रुतिः ।</span>
<span class="shloka-line">अतोऽसुरान् नैकृतिकान् निकृत्या घ्नन्ति देवताः ॥ २०२॥</span>
</div>
</div>
</div>

<div class="verse" id="MBTN_C28_S01_V203" type="shloka" data-doc="MBTN">
<div class="verse-text">
<div class="shloka">
<span class="shloka-line">निकृत्या निकृतिं हन्यान्निकृत्या नैव धार्मिकान्(धार्मिकम्) ।</span>
<span class="shloka-line">इति श्रुतिर्हि परमा पठ्यते पैङ्गिभिः सदा ॥ २०३॥</span>
</div>
</div>
</div>

<div class="verse" id="MBTN_C28_S01_V204" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्ता तं पुनः प्राह कथं ते नरशोणितम् ।</span>
<span class="shloka-line">पीतं नरेणैव सता न पीतमिति सोऽब्रवीत् ॥ २०४॥</span>
</div>
</div>
</div>

<div class="verse" id="MBTN_C28_S01_V205" type="shloka" data-doc="MBTN">
<div class="verse-text">
<div class="shloka">
<span class="shloka-line">दन्तान्तरं न मे प्राप शोणितं तत् सुतस्य ते ।</span>
<span class="shloka-line">प्रतिज्ञापालनायापि प्रतिकर्तुं च तत् कृतम् ॥ २०५॥</span>
</div>
</div>
</div>

<div class="verse" id="MBTN_C28_S01_V206" type="shloka" data-doc="MBTN">
<div class="verse-text">
<div class="shloka">
<span class="shloka-line">भीषणाय च शत्रूणां पीतवच्च प्रदर्शितम् ।</span>
<span class="shloka-line">(वेददृष्टः स्वधर्मोऽयं) वेददृष्टश्च धर्मोऽयमितिपापजनं प्रति ॥ २०६॥</span>
</div>
</div>
</div>

<div class="verse" id="MBTN_C28_S01_V207" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तोवाच नैवान्धद्वयस्यास्य वृकोदर ।</span>
<span class="shloka-line">घ्नता पुत्रशतं यष्टिमात्रं चोर्वरितं त्वया ॥ २०७॥</span>
</div>
</div>
</div>

<div class="verse" id="MBTN_C28_S01_V208" type="shloka" data-doc="MBTN">
<div class="verse-text">
<div class="shloka">
<span class="shloka-line">तामाह भीमः पापिष्ठा वधयोग्यापराधिनः ।</span>
<span class="shloka-line">सर्वे हता इति पुनः साऽऽह येनाकृतस्तव ।</span>
<span class="shloka-line">अपराधः स एकोऽपि किं नास्तीत्यवदत् स ताम् ॥ २०८॥</span>
</div>
</div>
</div>

<div class="verse" id="MBTN_C28_S01_V209" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वैः समेतैः कृष्णस्य बन्धनाय विनिश्चितम्(विनिश्चतः) ।</span>
<span class="shloka-line">अन्यानि च सुपापानि कृतान्यत्र पुराऽपिच ॥ २०९॥</span>
</div>
</div>
</div>

<div class="verse" id="MBTN_C28_S01_V210" type="shloka" data-doc="MBTN">
<div class="verse-text">
<div class="shloka">
<span class="shloka-line">वासुदेवं सभासंस्थं ब्रुवाणं धर्मसंहितम्(धर्मसंहिताम्) ।</span>
<span class="shloka-line">पुनःपुनरवज्ञाय यान्तं दुर्योधनं बहिः ।</span>
<span class="shloka-line">सर्वेऽन्वगच्छन्नित्यादीन्यभिप्रेत्य वृकोदरः ॥ २१०॥</span>
</div>
</div>
</div>

<div class="verse" id="MBTN_C28_S01_V211" type="shloka" data-doc="MBTN">
<div class="verse-text">
<div class="shloka">
<span class="shloka-line">नैकोऽप्यनपराधी मे स्वयं ताननुशिक्षितुम् ।</span>
<span class="shloka-line">असमर्था मयि क्रोधं किं करोषि निरर्थकम् ॥ २११॥</span>
</div>
</div>
</div>

<div class="verse" id="MBTN_C28_S01_V212" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्ता साऽभवत् तूष्णीं क्रमात् सर्वैश्च पाण्डवैः ।</span>
<span class="shloka-line">वन्दिता व्यासवाक्याच्च किञ्चिच्छान्ताऽथ साऽभवत् ॥ २१२॥</span>
</div>
</div>
</div>

<div class="verse" id="MBTN_C28_S01_V213" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्या याश्च स्नुषाः सर्वास्ताभिः सह पुरस्कृताम् ।</span>
<span class="shloka-line">कृत्वा तं धृतराष्ट्रं च विदुरादींश्च सर्वशः ॥ २१३॥</span>
</div>
</div>
</div>

<div class="verse" id="MBTN_C28_S01_V214" type="shloka" data-doc="MBTN">
<div class="verse-text">
<div class="shloka">
<span class="shloka-line">पाण्डवाः प्रधनस्थानं सभार्याः पृथया सह ।</span>
<span class="shloka-line">कृष्णाभ्यां च ययुस्तत्र गान्धार्यास्तपसो बलम् ॥ २१४॥</span>
</div>
</div>
</div>

<div class="verse" id="MBTN_C28_S01_V215" type="shloka" data-doc="MBTN">
<div class="verse-text">
<div class="shloka">
<span class="shloka-line">जानन् पाण्डवरक्षार्थं चिकीर्षुस्तत्तपोव्ययम् ।</span>
<span class="shloka-line">वेदेश्वरो ददौ दिव्यं चक्षुः सत्यवतीसुतः ॥ २१५॥</span>
</div>
</div>
</div>

<div class="verse" id="MBTN_C28_S01_V216" type="shloka" data-doc="MBTN">
<div class="verse-text">
<div class="shloka">
<span class="shloka-line">तेन दृष्ट्वा प्रेतदेहान् सर्वांस्तत्र समाकुला(समाकुलान्) ।</span>
<span class="shloka-line">शशाप यादवेशानं त्वयाऽस्मत्कुलनाशनम् ।</span>
<span class="shloka-line">यत् कृतं तत् तव कुलं गच्छत्वन्योन्यतः क्षयम्(अन्योन्यसङ्‍क्षयम्) ॥ २१६॥</span>
</div>
</div>
</div>

<div class="verse" id="MBTN_C28_S01_V217" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तो भगवान् कृष्णः स्वचिकीर्षितमेव तत् ।</span>
<span class="shloka-line">अस्त्वेवमित्याह विभुरीश्वरोऽप्यन्यथा कृतौ ॥ २१७॥</span>
</div>
</div>
</div>

<div class="verse" id="MBTN_C28_S01_V218" type="shloka" data-doc="MBTN">
<div class="verse-text">
<div class="shloka">
<span class="shloka-line">तेन तस्यास्तपो नष्टं हीना साऽतो हि भर्तृतः ।</span>
<span class="shloka-line">नाशयेद्धि स्वयं विष्णुः स्वयोग्यादधिकान् गुणान् ॥ २१८॥</span>
</div>
</div>
</div>

<div class="verse" id="MBTN_C28_S01_V219" type="shloka" data-doc="MBTN">
<div class="verse-text">
<div class="shloka">
<span class="shloka-line">तत आश्लिष्य भर्तॄणां देहान् प्ररुदतीः स्त्रियः ।</span>
<span class="shloka-line">सर्वा दुर्योधनादीनां दर्शयामास केशवः ।</span>
<span class="shloka-line">कृष्णायै सा च तं देवमस्तुवत् पूर्णषड्गुणम् ॥ २१९॥</span>
</div>
</div>
</div>

<div class="verse" id="MBTN_C28_S01_V220" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो देहान् प्रसिद्धानां पार्थाः समदहन् सताम् ।</span>
<span class="shloka-line">अन्येषां धृतराष्ट्रादीन् पुरस्कृत्यैव कांश्चन ।</span>
<span class="shloka-line">सूतैः पञ्चभिरेव स्वैः सरस्वत्यां प्रचिक्षिपुः(विचिक्षिपुः) ॥ २२०॥</span>
</div>
</div>
</div>

<div class="verse" id="MBTN_C28_S01_V221" type="shloka" data-doc="MBTN">
<div class="verse-text">
<div class="shloka">
<span class="shloka-line">स्नेहान्नृपो यमौ च स्वान् नाऽजौ तस्मिन् न्ययोजयन् (ह्ययोजयन्) ।</span>
<span class="shloka-line">शवाः प्रायो बहुत्वेन तत्रतत्रैव संस्थिताः ॥ २२१॥</span>
</div>
</div>
</div>

<div class="verse" id="MBTN_C28_S01_V222" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो ददत्सु पानीयं गङ्गायां स्वजनस्य तु ।</span>
<span class="shloka-line">पृथा कर्णाय दत्तेति पार्थानाहाग्रजं च तम् ॥ २२२॥</span>
</div>
</div>
</div>

<div class="verse" id="MBTN_C28_S01_V223" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो हाहेति विलपन् राजा परमदुःखितः ।</span>
<span class="shloka-line">शशाप सर्वनारीणां गुह्यं हृदि न तिष्ठतु ॥ २२३॥</span>
</div>
</div>
</div>

<div class="verse" id="MBTN_C28_S01_V224" type="shloka" data-doc="MBTN">
<div class="verse-text">
<div class="shloka">
<span class="shloka-line">हा मातस्तव धृत्यैव वयं सर्वे भृशं हताः ।</span>
<span class="shloka-line">ज्येष्ठं पितृसमं हत्वा प्रतिपत्स्याम कां गतिम् ॥ २२४॥</span>
</div>
</div>
</div>

<div class="verse" id="MBTN_C28_S01_V225" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं वदन्तं कौन्तेयं वासुदेवः सनारदः ।</span>
<span class="shloka-line">शमयामास सद्वाक्यैर्गुणान् कर्णस्य चाब्रवीत् ॥ २२५॥</span>
</div>
</div>
</div>

<div class="verse" id="MBTN_C28_S01_V226" type="shloka" data-doc="MBTN">
<div class="verse-text">
<div class="shloka">
<span class="shloka-line">ततस्ते प्रेतकार्याणि चक्रुः सर्वेऽपि सर्वशः ।</span>
<span class="shloka-line">सर्वेषामधिराज्ये च स्थितोऽभूत् पाण्डवाग्रजः ॥ २२६॥</span>
</div>
</div>
</div>

<div class="gr-author-note">इति श्रीमदानन्दतीर्थभगवत्पादाचार्यविरचिते श्रीमहाभारततात्पर्यनिर्णये पाण्डवराज्यलाभो नाम अष्टाविंशोऽध्यायः</div>

== एकोनत्रिंशोऽध्यायः ==
<span id="gr-C29-S1" class="gr-toc-anchor" data-level="2" data-title="सर्वशास्त्रतात्पर्यनिर्णयः"></span>
=== सर्वशास्त्रतात्पर्यनिर्णयः ===
<div class="adhyaya-block" data-doc="MBTN" data-chap="29" data-sec="1">
</div>
<div class="verse" id="MBTN_C29_S01_V01" type="shloka" data-doc="MBTN">
<div class="verse-text">
<div class="shloka">
<span class="shloka-line">ओं ॥ यदैव कृष्णौ सकलाधिराज्ये युधिष्ठिरं यौवराज्ये च भीमम् ।</span>
<span class="shloka-line">विप्रैर्युतावभिषिच्याऽशिषश्च युक्ता दत्वा हर्षयामासतुस्तौ ॥ १॥</span>
</div>
</div>
</div>

<div class="verse" id="MBTN_C29_S01_V02" type="shloka" data-doc="MBTN">
<div class="verse-text">
<div class="shloka">
<span class="shloka-line">तदैव चार्वाक इति प्रसिद्धं रक्षस्त्रिदण्डी यतिरेव भूत्वा ।</span>
<span class="shloka-line">युधिष्ठिरं गर्हयामास विप्रास्त्वां गर्हयन्तीति सुपापशीलः ॥ २॥</span>
</div>
</div>
</div>

<div class="verse" id="MBTN_C29_S01_V03" type="shloka" data-doc="MBTN">
<div class="verse-text">
<div class="shloka">
<span class="shloka-line">श्रुत्वैव तद् दुःखितमाशु धर्मजं दृष्ट्वा विप्राः शेपुरमुं भृशार्ताः ।</span>
<span class="shloka-line">अगर्हितं नित्यमस्माभिरेनं यतोऽवोचो गर्हितमद्य पाप ।</span>
<span class="shloka-line">भस्मीभवाऽश्वेव ततस्त्वितीरिते क्षणादभूत् पापतमः स भस्मसात् ॥ ३॥</span>
</div>
</div>
</div>

<div class="verse" id="MBTN_C29_S01_V04" type="shloka" data-doc="MBTN">
<div class="verse-text">
<div class="shloka">
<span class="shloka-line">भस्मीकृतेऽस्मिन् यतिवेषधारिणि युधिष्ठिरं दुःखितं वृष्णिसिंहः ।</span>
<span class="shloka-line">प्रोवाच नायं यतिरुग्रकर्मा सुयोधनस्यैव सखा सुपापः ॥ ४॥</span>
</div>
</div>
</div>

<div class="verse" id="MBTN_C29_S01_V05" type="shloka" data-doc="MBTN">
<div class="verse-text">
<div class="shloka">
<span class="shloka-line">रक्षोऽधमोऽयं निहतोऽद्य विप्रैस्तमा शुचः कृतकार्योऽसि राजन् ।</span>
<span class="shloka-line">इतीरितः शान्तमनाः स विप्रान् सन्तर्पयामास धनैश्च भक्त्या ॥ ५॥</span>
</div>
</div>
</div>

<div class="verse" id="MBTN_C29_S01_V06" type="shloka" data-doc="MBTN">
<div class="verse-text">
<div class="shloka">
<span class="shloka-line">असान्त्वयच्च बान्धवान् स्वपौरसंश्रयादिकान् ।</span>
<span class="shloka-line">ददौ यथेष्टतो धनं ररक्ष चानु पुर्ववत्(पुत्रवत्,चानुपूर्ववत्)) ॥ ६॥</span>
</div>
</div>
</div>

<div class="verse" id="MBTN_C29_S01_V07" type="shloka" data-doc="MBTN">
<div class="verse-text">
<div class="shloka">
<span class="shloka-line">स भीष्मद्रोणकर्णानां वधाद् दुर्योधनस्य च ।</span>
<span class="shloka-line">पापाशङ्की तप्यमानो राज्यत्यागे मनो दधे ॥ ७॥</span>
</div>
</div>
</div>

<div class="verse" id="MBTN_C29_S01_V08" type="shloka" data-doc="MBTN">
<div class="verse-text">
<div class="shloka">
<span class="shloka-line">सोऽनुजैः कृष्णया विप्रैरप्युक्तो धर्मशासनम्(धर्मसाधनम्) ।</span>
<span class="shloka-line">भीमं सम्प्रार्थयित्वैव(सम्प्रार्थयित्वैनं) न वेत्सीत्याह फल्गुनम् ॥ ८॥</span>
</div>
</div>
</div>

<div class="verse" id="MBTN_C29_S01_V09" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मिन् क्रुद्धे नृपं प्राहुर्विप्रास्त्वत्तोऽपि तत्त्ववित् ।</span>
<span class="shloka-line">शक्रोऽर्जुन इति श्रुत्वाऽप्येतद्धर्मे स संशयम्(ससंशयम्) ॥ ९॥</span>
</div>
</div>
</div>

<div class="verse" id="MBTN_C29_S01_V10" type="shloka" data-doc="MBTN">
<div class="verse-text">
<div class="shloka">
<span class="shloka-line">मत्स्नेहादेव सर्वेऽपि धर्मोऽयमिति वादिनः ।</span>
<span class="shloka-line">इत्येवं शङ्कमानं तमूचतुर्विप्रयादवौ ।</span>
<span class="shloka-line">कृष्णौ धर्मोऽयमित्येव शास्त्रयुक्त्या पुनः पुनः ॥ १०॥</span>
</div>
</div>
</div>

<div class="verse" id="MBTN_C29_S01_V11" type="shloka" data-doc="MBTN">
<div class="verse-text">
<div class="shloka">
<span class="shloka-line">नातिनिश्चितबुद्धिं तं तदाऽपि पुरुषोत्तमौ ।</span>
<span class="shloka-line">हतपक्षगतत्वेन त्वच्छङ्‍काया अगोचरः ।</span>
<span class="shloka-line">यतो भीष्मस्ततो याहि तमित्यूचतुरव्ययौ ॥ ११॥</span>
</div>
</div>
</div>

<div class="verse" id="MBTN_C29_S01_V12" type="shloka" data-doc="MBTN">
<div class="verse-text">
<div class="shloka">
<span class="shloka-line">स ताभ्यां भ्रातृभिश्चैव मुनिभिश्च समन्वितः ।</span>
<span class="shloka-line">भीष्मं ययौ लज्जितेऽस्मिंस्तं भीष्मायाऽह केशवः ॥ १२॥</span>
</div>
</div>
</div>

<div class="verse" id="MBTN_C29_S01_V13" type="shloka" data-doc="MBTN">
<div class="verse-text">
<div class="shloka">
<span class="shloka-line">पृच्छेत्युक्तः स भीष्मेण पप्रच्छाखिलमञ्जसा ।</span>
<span class="shloka-line">तत्रोवाचाखिलान् धर्मान् कृष्णो भीष्मशरीरगः ॥ १३॥</span>
</div>
</div>
</div>

<div class="verse" id="MBTN_C29_S01_V14" type="shloka" data-doc="MBTN">
<div class="verse-text">
<div class="shloka">
<span class="shloka-line">भीष्मो ह्याह हरिं पार्था बोधनीयास्त्वयैव हि ।</span>
<span class="shloka-line">का शक्तिर्मम देवेशपार्थान्(देवेश पार्थान्) बोधयितुं प्रभो ॥ १४॥</span>
</div>
</div>
</div>

<div class="verse" id="MBTN_C29_S01_V15" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तो भगवानाह त्वत्कीर्त्यै त्वयि संस्थितः ।</span>
<span class="shloka-line">प्रवक्ष्याम्यखिलान् धर्मान् सूक्ष्मं तत्त्वमपीति ह ॥ १५॥</span>
</div>
</div>
</div>

<div class="verse" id="MBTN_C29_S01_V16" type="shloka" data-doc="MBTN">
<div class="verse-text">
<div class="shloka">
<span class="shloka-line">राज्ञः प्रथमतो धर्मो भगवद्धर्मपालनम् ।</span>
<span class="shloka-line">तदर्थं कण्टकोद्धारो धर्मा भागवता अपि ।</span>
<span class="shloka-line">मनोवाक्कर्मभिर्विष्णोरच्छिद्रत्वेन(विष्णोरच्छिन्नत्वेन) चार्चनम् ॥ १६॥</span>
</div>
</div>
</div>

<div class="verse" id="MBTN_C29_S01_V17" type="shloka" data-doc="MBTN">
<div class="verse-text">
<div class="shloka">
<span class="shloka-line">पूर्णाशेषगुणो विष्णुः स्वतन्त्रश्चैक एव तु ।</span>
<span class="shloka-line">तद्वशं सर्वमन्यच्च सर्वदेति विनिश्चयः ॥ १७॥</span>
</div>
</div>
</div>

<div class="verse" id="MBTN_C29_S01_V18" type="shloka" data-doc="MBTN">
<div class="verse-text">
<div class="shloka">
<span class="shloka-line">देवताक्रमविज्ञानमपूजाऽन्यस्य वै हरेः ।</span>
<span class="shloka-line">पूजा भागवतत्वेन देवादीनां च सर्वशः ॥ १८॥</span>
</div>
</div>
</div>

<div class="verse" id="MBTN_C29_S01_V19" type="shloka" data-doc="MBTN">
<div class="verse-text">
<div class="shloka">
<span class="shloka-line">वृथा कर्माकृतिः क्‍वापि निराशीस्त्वं सदैव च(सदैव तु) ।</span>
<span class="shloka-line">विष्णोर्भागवतानां च प्रतीपस्याकृतिः सदा ।</span>
<span class="shloka-line">परस्परविरोधे तु विशिष्टस्यानुकूलता ॥ १९॥</span>
</div>
</div>
</div>

<div class="verse" id="MBTN_C29_S01_V20" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रियं विष्णोस्तदीयानामपि सर्वं समाचरेत् ।</span>
<span class="shloka-line">धर्ममप्यप्रियं तेषां नैव किञ्चित् समाचरेत् ॥ २०॥</span>
</div>
</div>
</div>

<div class="verse" id="MBTN_C29_S01_V21" type="shloka" data-doc="MBTN">
<div class="verse-text">
<div class="shloka">
<span class="shloka-line">साम्ये विरोधे च बहूननुवर्तेत वैष्णवान् ।</span>
<span class="shloka-line">एते साधारणा धर्मा ज्ञेया भागवता इति ॥ २१॥</span>
</div>
</div>
</div>

<div class="verse" id="MBTN_C29_S01_V22" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्त्वविज्ञापनं धर्मो विप्रस्य तु विशेषतः ।</span>
<span class="shloka-line">शारीरदण्डसन्त्यागः पुत्रभार्यादिकानृते ।</span>
<span class="shloka-line">तत्रापि नाङ्गहानिः स्याद् वेदना वा चिरं न तु ॥ २२॥</span>
</div>
</div>
</div>

<div class="verse" id="MBTN_C29_S01_V23" type="shloka" data-doc="MBTN">
<div class="verse-text">
<div class="shloka">
<span class="shloka-line">न चार्थदण्डः कर्तव्यो विप्रवैश्यादिभिः क्‍वचित् ।</span>
<span class="shloka-line">शारीरदण्डविषये वैश्यादीनां च विप्रवत् ॥ २३॥</span>
</div>
</div>
</div>

<div class="verse" id="MBTN_C29_S01_V24" type="shloka" data-doc="MBTN">
<div class="verse-text">
<div class="shloka">
<span class="shloka-line">यथालब्धेन वर्तेत भिक्षया वा द्विजोत्तमः ।</span>
<span class="shloka-line">शिष्ययाज्योपलब्धैर्वा क्षत्रधर्मेण वाऽऽपदि ॥ २४॥</span>
</div>
</div>
</div>

<div class="verse" id="MBTN_C29_S01_V25" type="shloka" data-doc="MBTN">
<div class="verse-text">
<div class="shloka">
<span class="shloka-line">महापदि विशां धर्मैः क्षत्रियः सुरविप्रयोः ।</span>
<span class="shloka-line">अन्यत्र सर्ववित्तेन वर्तेतैतांश्च पालयन् ॥ २५॥</span>
</div>
</div>
</div>

<div class="verse" id="MBTN_C29_S01_V26" type="shloka" data-doc="MBTN">
<div class="verse-text">
<div class="shloka">
<span class="shloka-line">विरोधिनः क्षत्रियाच्च प्रसह्यैव हरेद् धनम् ।</span>
<span class="shloka-line">सामादिक्रमतो धर्मान् वर्तयेद् दण्डतोऽन्ततः ।</span>
<span class="shloka-line">अपलायी सदा युद्धेऽसतां कार्यमृते भवेत् ॥ २६॥</span>
</div>
</div>
</div>

<div class="verse" id="MBTN_C29_S01_V27" type="shloka" data-doc="MBTN">
<div class="verse-text">
<div class="shloka">
<span class="shloka-line">कृषिवाणिज्यगोरक्षाकुसीदं वैश्यजीवनम् ।</span>
<span class="shloka-line">परिचर्यैव शूद्रस्य वृत्तिरन्ये स्वपूर्ववत् ।</span>
<span class="shloka-line">वर्तेयुर्ब्राह्मणाद्याश्च क्रमात् पूज्या हरिप्रियाः ॥ २७॥</span>
</div>
</div>
</div>

<div class="verse" id="MBTN_C29_S01_V28" type="shloka" data-doc="MBTN">
<div class="verse-text">
<div class="shloka">
<span class="shloka-line">हरिभक्तावनुच्चस्तु वर्णोच्चो नातिपूज्यते ।</span>
<span class="shloka-line">विना प्रणामं पूज्यस्तु वर्णहीनो हरिप्रियः ।</span>
<span class="shloka-line">आदरस्तत्र कर्तव्यो यत्र भक्तिर्हरेर्वरा ॥ २८॥</span>
</div>
</div>
</div>

<div class="verse" id="MBTN_C29_S01_V29" type="shloka" data-doc="MBTN">
<div class="verse-text">
<div class="shloka">
<span class="shloka-line">ज्ञापनं क्षत्रियाणां च धर्मो विप्राभ्यनुज्ञया ।</span>
<span class="shloka-line">तदभावे तु वैश्यानां शूद्रस्य परमापदि ॥ २९॥</span>
</div>
</div>
</div>

<div class="verse" id="MBTN_C29_S01_V30" type="shloka" data-doc="MBTN">
<div class="verse-text">
<div class="shloka">
<span class="shloka-line">वर्णेष्वज्ञेष्ववर्णस्तु न ज्ञानी स्यात् कथञ्चन ।</span>
<span class="shloka-line">इति श्रुतेरवर्णस्य ज्ञापनप्राप्तिरेव न ॥ ३०॥</span>
</div>
</div>
</div>

<div class="verse" id="MBTN_C29_S01_V31" type="shloka" data-doc="MBTN">
<div class="verse-text">
<div class="shloka">
<span class="shloka-line">ज्ञेयं सर्वं त्रिवर्णस्थः स्त्रीभिर्वेदान् विनाऽखिलम् ।</span>
<span class="shloka-line">स्वीयपुन्नियतिः स्त्रीणां स्वदारनियतिर्नृणाम् ॥ ३१॥</span>
</div>
</div>
</div>

<div class="verse" id="MBTN_C29_S01_V32" type="shloka" data-doc="MBTN">
<div class="verse-text">
<div class="shloka">
<span class="shloka-line">धर्मो गुणोत्तमानां तु स्मृत्यैवान्धं तमो व्रजेत् ।</span>
<span class="shloka-line">गुणसर्वस्वहानिः स्यादुत्तरोत्तरतोऽत्र च</span>
<span class="shloka-line">अधोऽधोऽधिकदोषः स्यात् स्त्रीणामन्यत्र मध्यतः ॥ ३२॥</span>
</div>
</div>
</div>

<div class="verse" id="MBTN_C29_S01_V33" type="shloka" data-doc="MBTN">
<div class="verse-text">
<div class="shloka">
<span class="shloka-line">वेदा अप्युत्तमस्त्रीभिः कृष्णाद्याभिरिवाखिलाः</span>
<span class="shloka-line">देव्यो मुनिस्त्रियश्चैव नरादिकुलजा अपि ॥ ३३॥</span>
</div>
</div>
</div>

<div class="verse" id="MBTN_C29_S01_V34" type="shloka" data-doc="MBTN">
<div class="verse-text">
<div class="shloka">
<span class="shloka-line">उत्तमा इति विज्ञेयास्तच्छूद्रैरप्यवैदिकम् ।</span>
<span class="shloka-line">ज्ञेयमन्यैर्हरेर्नाम निजकर्तव्यमेव च ॥ ३४॥</span>
</div>
</div>
</div>

<div class="verse" id="MBTN_C29_S01_V35" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वथाऽन्धं तमो याति वरं सदृशमेव वा(सदृशमेव च) ।</span>
<span class="shloka-line">यो विष्णोर्मन्यते किञ्चिद् गुणैः कैश्चिदपि क्‍वचित् ॥ ३५॥</span>
</div>
</div>
</div>

<div class="verse" id="MBTN_C29_S01_V36" type="shloka" data-doc="MBTN">
<div class="verse-text">
<div class="shloka">
<span class="shloka-line">ब्रह्मेशानादिकमपि भेदं यो वा न मन्यते ।</span>
<span class="shloka-line">भेददृक् तद्गुणादौ च प्रादुर्भावगतेऽपि यः ॥ ३६॥</span>
</div>
</div>
</div>

<div class="verse" id="MBTN_C29_S01_V37" type="shloka" data-doc="MBTN">
<div class="verse-text">
<div class="shloka">
<span class="shloka-line">प्राकृतं देहमथवा(देहमथ वा) दुःखाज्ञानश्रमादिकम् ।</span>
<span class="shloka-line">मन्यते तारतम्यं वा तद्भक्तेष्वन्यथैव यः ॥ ३७॥</span>
</div>
</div>
</div>

<div class="verse" id="MBTN_C29_S01_V38" type="shloka" data-doc="MBTN">
<div class="verse-text">
<div class="shloka">
<span class="shloka-line">मनोवाक्तनुभिर्यो वा तस्मिन्स्तद्भक्त एव वा ।</span>
<span class="shloka-line">विरोधकृद् विष्ण्वधीनादन्यत् किञ्चिदपि स्मरन् ॥ ३८॥</span>
</div>
</div>
</div>

<div class="verse" id="MBTN_C29_S01_V39" type="shloka" data-doc="MBTN">
<div class="verse-text">
<div class="shloka">
<span class="shloka-line">अन्याधीनत्वविच्चास्य सर्वपूर्त्यविदेव च ।</span>
<span class="shloka-line">भक्तिहीनश्च ते सर्वे तमोऽन्धं यान्त्यसंशयम् ॥ ३९॥</span>
</div>
</div>
</div>

<div class="verse" id="MBTN_C29_S01_V40" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्त्वे संशययुक्ता ये सर्वे ते निरयोपगाः ।</span>
<span class="shloka-line">दोषेभ्यस्ते गुणाधिक्ये नैव यान्त्यधमां गतिम् ।</span>
<span class="shloka-line">गुणदोषसाम्ये मानुष्यं सर्वदैव पुनःपुनः ॥ ४०॥</span>
</div>
</div>
</div>

<div class="verse" id="MBTN_C29_S01_V41" type="shloka" data-doc="MBTN">
<div class="verse-text">
<div class="shloka">
<span class="shloka-line">यावद् दोषक्षयश्चोर्ध्वा गतिः(दोषक्षयश्चोर्ध्वगतिः) क्रमश एव तु ।</span>
<span class="shloka-line">सर्वदोषक्षये मुक्तिरात्मयोग्यानुसारतः ॥ ४१॥</span>
</div>
</div>
</div>

<div class="verse" id="MBTN_C29_S01_V42" type="shloka" data-doc="MBTN">
<div class="verse-text">
<div class="shloka">
<span class="shloka-line">भक्तिज्ञानोन्नतावेव स्वर्गश्च शुभकर्मणः ।</span>
<span class="shloka-line">विष्णुवैष्णववाक्येन हानिः पापस्य कर्मणः ॥ ४२॥</span>
</div>
</div>
</div>

<div class="verse" id="MBTN_C29_S01_V43" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्यादि धर्मसर्वस्वं भीष्मस्थेनैव विष्णुना ।</span>
<span class="shloka-line">पार्थानां गदितं तच्च श्रुत्वा धर्मसुतोऽनुजान् ।</span>
<span class="shloka-line">पप्रच्छ विदुरं चैव सारं धर्मादिषु त्रिषु ॥ ४३॥</span>
</div>
</div>
</div>

<div class="verse" id="MBTN_C29_S01_V44" type="shloka" data-doc="MBTN">
<div class="verse-text">
<div class="shloka">
<span class="shloka-line">आह क्षत्ता धर्ममेव सारमर्थं च मध्यमम् ।</span>
<span class="shloka-line">नीचं कामं निष्फलत्वादर्थमेवार्जुनोऽब्रवीत् ॥ ४४॥</span>
</div>
</div>
</div>

<div class="verse" id="MBTN_C29_S01_V45" type="shloka" data-doc="MBTN">
<div class="verse-text">
<div class="shloka">
<span class="shloka-line">सारं स द्विविधो ज्ञेयो दैवो मानुष एव च ।</span>
<span class="shloka-line">दैवो विद्या हिरण्यादिर्मानुषः परिकीर्तितः ॥ ४५॥</span>
</div>
</div>
</div>

<div class="verse" id="MBTN_C29_S01_V46" type="shloka" data-doc="MBTN">
<div class="verse-text">
<div class="shloka">
<span class="shloka-line">मध्यमो धर्म एवात्र साध्यं साधनमेव च ।</span>
<span class="shloka-line">विद्याह्वयोऽर्थो धर्मस्य विद्ययैव च मुच्यते ॥ ४६॥</span>
</div>
</div>
</div>

<div class="verse" id="MBTN_C29_S01_V47" type="shloka" data-doc="MBTN">
<div class="verse-text">
<div class="shloka">
<span class="shloka-line">मानुषोऽर्थोऽपि विद्यायाः कारणं सुप्रयोजितः ।</span>
<span class="shloka-line">तुष्टोऽर्थेन गुरुर्यस्मात् कैवल्यं दातुमप्यलम् ॥ ४७॥</span>
</div>
</div>
</div>

<div class="verse" id="MBTN_C29_S01_V48" type="shloka" data-doc="MBTN">
<div class="verse-text">
<div class="shloka">
<span class="shloka-line">धर्मार्थतां विनाऽप्यर्थैस्तुष्येयुर्गुरुदेवताः ।</span>
<span class="shloka-line">यद्यनुद्देशितो धर्मोऽप्यर्थमेवानुसंव्रजेत् ॥ ४८॥</span>
</div>
</div>
</div>

<div class="verse" id="MBTN_C29_S01_V49" type="shloka" data-doc="MBTN">
<div class="verse-text">
<div class="shloka">
<span class="shloka-line">गुरुताऽर्थगतैव स्यात् कामोऽधस्ताद्धि निष्फलः ।</span>
<span class="shloka-line">यमावत्र विदां श्रेष्ठावर्जुनोक्तमनूचतुः ॥ ४९॥</span>
</div>
</div>
</div>

<div class="verse" id="MBTN_C29_S01_V50" type="shloka" data-doc="MBTN">
<div class="verse-text">
<div class="shloka">
<span class="shloka-line">अथाऽह भीमः प्रवरः सुतत्त्वदृशां समस्तानभिभाष्य हर्षात् ।</span>
<span class="shloka-line">स्मयन् न कामादतिरिक्तमस्ति किञ्चिच्छुभं क्कावरतां स यायात् ॥ ५०॥</span>
</div>
</div>
</div>

<div class="verse" id="MBTN_C29_S01_V51" type="shloka" data-doc="MBTN">
<div class="verse-text">
<div class="shloka">
<span class="shloka-line">काम्यं हि कामाभिधमाहुरार्याः काम्याः पुमर्थाः सह साधनैर्यत् ।</span>
<span class="shloka-line">अकाम्यतां यात्यपुमर्थ एव पुमर्थितत्वाद्धि पुमर्थ उक्तः ॥ ५१॥</span>
</div>
</div>
</div>

<div class="verse" id="MBTN_C29_S01_V52" type="shloka" data-doc="MBTN">
<div class="verse-text">
<div class="shloka">
<span class="shloka-line">विज्ञानभक्त्यादिकमप्यतीव सत्साधनं कामबहिष्कृतं चेत् ।</span>
<span class="shloka-line">न साधनं स्यात् परमोऽपि मोक्षो न साध्यतां याति विना हि कामात् ॥ ५२॥</span>
</div>
</div>
</div>

<div class="verse" id="MBTN_C29_S01_V53" type="shloka" data-doc="MBTN">
<div class="verse-text">
<div class="shloka">
<span class="shloka-line">परात्परोऽप्यादिपुमान् हरिश्च स्वस्येतरेषामपि काम्य एव ।</span>
<span class="shloka-line">अकामितोऽवाग्गतिमेव दद्यात् कामः पुमर्थोऽखिल एव तेन ॥ ५३॥</span>
</div>
</div>
</div>

<div class="verse" id="MBTN_C29_S01_V54" type="shloka" data-doc="MBTN">
<div class="verse-text">
<div class="shloka">
<span class="shloka-line">इच्छैव कामोऽस्तु तथाऽपि नैतामृते हि चित्त्वं घटकुड्यवत् स्यात् ।</span>
<span class="shloka-line">सारस्ततः सैव चिदात्मकाऽपि सा चेतना गूढतनुः सदैव ॥ ५४॥</span>
</div>
</div>
</div>

<div class="verse" id="MBTN_C29_S01_V55" type="shloka" data-doc="MBTN">
<div class="verse-text">
<div class="shloka">
<span class="shloka-line">न प्रश्नयोग्यः पृथगेव कामस्तेनैष राजन् यदि तारतम्यम् ।</span>
<span class="shloka-line">इच्छस्ययं ते त्रिविधो हि वेद्यो धर्मार्थयुक्तः परमो मतोऽत्र ।</span>
<span class="shloka-line">एकाविरोधी यदि मध्यमोऽसौ द्वयोर्विरोधी तु स एव नीचः ॥ ५५॥</span>
</div>
</div>
</div>

<div class="verse" id="MBTN_C29_S01_V56" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मात् स्वबुद्धिप्रमदाभिरेव(सुबुद्धिप्रमदाभिरेव) कामं रमेथा अनुरूपकामः ।</span>
<span class="shloka-line">राजन् न कामादपरं शुभं हि परो हि कामो हरिरेव येन(तेन) ॥ ५६॥</span>
</div>
</div>
</div>

<div class="verse" id="MBTN_C29_S01_V57" type="shloka" data-doc="MBTN">
<div class="verse-text">
<div class="shloka">
<span class="shloka-line">प्राज्ञः सुहृच्चन्दनसारलिप्तो विचित्रमाल्याभरणैरुपेतः ।</span>
<span class="shloka-line">इदं वचो व्याससमासयुक्तं सम्प्रोच्य भीमो वरराम वीरः ॥ ५७॥</span>
</div>
</div>
</div>

<div class="verse" id="MBTN_C29_S01_V58" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रशस्य भीममन्यांश्च राजा मोक्षमथास्तुवत् ।</span>
<span class="shloka-line">स्वयुक्तेरप्रतीपत्वान्निराचक्रे न मारुतिः ॥ ५८॥</span>
</div>
</div>
</div>

<div class="gr-author-note">इति श्रीमदानन्दतीर्थभगवत्पादाचार्यविरचिते श्रीमहाभारततात्पर्यनिर्णये समस्तधर्मसङ्ग्रहो नाम एकोनत्रिंशोऽध्यायः ॥</div>

== त्रिंशोऽध्यायः ==
<span id="gr-C30-S1" class="gr-toc-anchor" data-level="2" data-title="सर्वशास्त्रतात्पर्यनिर्णयः"></span>
=== सर्वशास्त्रतात्पर्यनिर्णयः ===
<div class="adhyaya-block" data-doc="MBTN" data-chap="30" data-sec="1">
</div>
<div class="verse" id="MBTN_C30_S01_V01" type="shloka" data-doc="MBTN">
<div class="verse-text">
<div class="shloka">
<span class="shloka-line">ओं ॥ अथ कृष्णमनुस्मृत्य भीष्मे स्वां वसुतां गते ।</span>
<span class="shloka-line">कृत्वा कार्याणि सर्वाणि गङ्गामाश्वास्य दुःखिताम् ॥ १॥</span>
</div>
</div>
</div>

<div class="verse" id="MBTN_C30_S01_V02" type="shloka" data-doc="MBTN">
<div class="verse-text">
<div class="shloka">
<span class="shloka-line">आश्वासितश्च कृष्णाभ्यां धर्मजो दुःखितः पुनः ।</span>
<span class="shloka-line">पराशरसुतेनोक्तः कृष्णेनानन्तराधसा ॥ २॥</span>
</div>
</div>
</div>

<div class="verse" id="MBTN_C30_S01_V03" type="shloka" data-doc="MBTN">
<div class="verse-text">
<div class="shloka">
<span class="shloka-line">अपापे पापशङ्कित्वादश्वमेधैर्यजाच्युतम् ।</span>
<span class="shloka-line">कुरु राज्यं च धर्मेण पालयापालकाः प्रजाः ॥ ३॥</span>
</div>
</div>
</div>

<div class="verse" id="MBTN_C30_S01_V04" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तः स तथा चक्रे त्यक्त्वा भोगांश्च कृत्स्नशः ।</span>
<span class="shloka-line">गोव्रतादिव्रतैर्युक्तः पालयामास मेदिनीम् ॥ ४॥</span>
</div>
</div>
</div>

<div class="verse" id="MBTN_C30_S01_V05" type="shloka" data-doc="MBTN">
<div class="verse-text">
<div class="shloka">
<span class="shloka-line">ददौ देयानि मुख्यानि यथाकाममखण्डितम् ।</span>
<span class="shloka-line">नैवार्थी विमुखः कश्चिदभूद् योग्यः कदाचन(कथञ्चन) ॥ ५॥</span>
</div>
</div>
</div>

<div class="verse" id="MBTN_C30_S01_V06" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रष्टा च दाताऽखिलराजनम्यो यष्टा च धर्मात्मज एव तत्र ।</span>
<span class="shloka-line">बभूव पाण्डोर्गृहमावसंश्च राजाधिराजो वनितानिवृत्तः ॥ ६॥</span>
</div>
</div>
</div>

<div class="verse" id="MBTN_C30_S01_V07" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमस्तु दौर्योधनमेव सद्म प्रपेदिवानूर्जितवीर्यलब्धम् ।</span>
<span class="shloka-line">कृष्णासहायः सुरराजयोग्यान् अभुङ्‍क्त भोगान् युवराज एव ॥ ७॥</span>
</div>
</div>
</div>

<div class="verse" id="MBTN_C30_S01_V08" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णा च पार्थांश्चतुरो विहाय सुव्यक्तसारस्वतशुद्धभावा ।</span>
<span class="shloka-line">रराज राजावरजेन नित्यमनन्ययोगेन शिखेव वह्नेः ॥ ८॥</span>
</div>
</div>
</div>

<div class="verse" id="MBTN_C30_S01_V09" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रीत्यैव विज्ञानयुजाऽन्यपार्थैः संवादतः परिहृता गतभाविकाले ।</span>
<span class="shloka-line">अपि स्वकीयं पतिमेव भीममवाप्य सा पर्यचरन्मुदैव ॥ ९॥</span>
</div>
</div>
</div>

<div class="verse" id="MBTN_C30_S01_V10" type="shloka" data-doc="MBTN">
<div class="verse-text">
<div class="shloka">
<span class="shloka-line">रराज राजावरजस्तया स द्विरूपया सोमककाशिजातया ।</span>
<span class="shloka-line">श्रिया भुवा चैव यथाऽब्जनाभो निहत्य सर्वान् दितिजान् पयोब्धौ ॥ १०॥</span>
</div>
</div>
</div>

<div class="verse" id="MBTN_C30_S01_V11" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वोत्तुङ्गो नामतः प्राणवायोरंशो निशायां गुरुपुत्रसूदितः ।</span>
<span class="shloka-line">माताऽस्य देवीति च रौहिणेयी भीमप्रियाऽऽसीद् या पुराऽस्यैव राका ॥ ११॥</span>
</div>
</div>
</div>

<div class="verse" id="MBTN_C30_S01_V12" type="shloka" data-doc="MBTN">
<div class="verse-text">
<div class="shloka">
<span class="shloka-line">अन्याश्चाऽसुर्वासुदेव्यो दिशो या आपश्च पूर्वं विंशतिरग्र्यरूपाः ।</span>
<span class="shloka-line">ताभिर्युतो(युक्तो) दैवतैरप्यलभ्यानभुङ्‍क्त भोगान् विबुधानुगार्चितः ॥ १२॥</span>
</div>
</div>
</div>

<div class="verse" id="MBTN_C30_S01_V13" type="shloka" data-doc="MBTN">
<div class="verse-text">
<div class="shloka">
<span class="shloka-line">ररक्ष धर्मानखिलान् हरेः स निधाय विप्राननुशास्य युक्तान् ।</span>
<span class="shloka-line">सद्वैष्णवान् विदुषः पञ्चपञ्च सवेतनान् ग्राममनु स्वकीयान् ॥ १३॥</span>
</div>
</div>
</div>

<div class="verse" id="MBTN_C30_S01_V14" type="shloka" data-doc="MBTN">
<div class="verse-text">
<div class="shloka">
<span class="shloka-line">दधार दण्डं तदवर्तिषु स्वयं जग्राह चान्वेव मुदाऽथ तद्गतान् ।</span>
<span class="shloka-line">तद्वृत्तमन्यैरपि विप्रवर्यैः संशोधयन् सर्वमसौ यथा व्यधात् ॥ १४॥</span>
</div>
</div>
</div>

<div class="verse" id="MBTN_C30_S01_V15" type="shloka" data-doc="MBTN">
<div class="verse-text">
<div class="shloka">
<span class="shloka-line">नावैष्णवः कश्चिदभूत् कुतश्चिन्नैवान्यनिष्ठो नच धर्महन्ता ।</span>
<span class="shloka-line">न विध्यवर्ती नच दुःखितोऽभून्नापूर्णवित्तश्च तदीयराष्ट्रे ॥ १५॥</span>
</div>
</div>
</div>

<div class="verse" id="MBTN_C30_S01_V16" type="shloka" data-doc="MBTN">
<div class="verse-text">
<div class="shloka">
<span class="shloka-line">वासिष्ठवृष्णिप्रवरौ प्रपश्यतां ताभ्यां च भीमेन मुनीश्वरैश्च ।</span>
<span class="shloka-line">संशिक्षितानां प्रथमाद् युगाच्च गुणाधिकः कलिरासीत् प्रजानाम् ॥ १६॥</span>
</div>
</div>
</div>

<div class="verse" id="MBTN_C30_S01_V17" type="shloka" data-doc="MBTN">
<div class="verse-text">
<div class="shloka">
<span class="shloka-line">शुभं महत् स्वल्पफलं कृते हि विपर्ययेणाशुभमेषु दोषः ।</span>
<span class="shloka-line">तद्धीनमप्युच्चशुभं कृताद् युगाच्चक्रे कलिं मारुतिरच्युताश्रयात् ॥ १७॥</span>
</div>
</div>
</div>

<div class="verse" id="MBTN_C30_S01_V18" type="shloka" data-doc="MBTN">
<div class="verse-text">
<div class="shloka">
<span class="shloka-line">धनञ्जयः प्रोद्यतदण्ड आसीत् सदाऽन्यचक्रेषु निजाग्रजेरितः ।</span>
<span class="shloka-line">विभीषयित्वा नृपतीन् सरत्नान् पदोर्नृपस्याग्रभुवो न्यपातयत् ॥ १८॥</span>
</div>
</div>
</div>

<div class="verse" id="MBTN_C30_S01_V19" type="shloka" data-doc="MBTN">
<div class="verse-text">
<div class="shloka">
<span class="shloka-line">सदैव कृष्णस्य मुखारविन्दाद् विनिस्सृतं तत्त्वविनिर्णयामृतम् ।</span>
<span class="shloka-line">पिबन् सुताद्याधिमसौ क्रमेण त्यजंश्च रेमेऽविरतातिभोगः ॥ १९॥</span>
</div>
</div>
</div>

<div class="verse" id="MBTN_C30_S01_V20" type="shloka" data-doc="MBTN">
<div class="verse-text">
<div class="shloka">
<span class="shloka-line">दुःशासनस्याऽवसथं(अवसथे) सुभद्राचित्राङ्गदासहितोऽध्यावसंश्च ।</span>
<span class="shloka-line">(स)सचन्द्रिकाकान्तिरनूनबिम्बो नभस्थितश्चन्द्र इवात्यरोचत ॥ २०॥</span>
</div>
</div>
</div>

<div class="verse" id="MBTN_C30_S01_V21" type="shloka" data-doc="MBTN">
<div class="verse-text">
<div class="shloka">
<span class="shloka-line">समस्तभृत्याश्रितवेतनानां माद्रेय आसीत् प्रथमः प्रदाता ।</span>
<span class="shloka-line">स दुर्मुखस्याऽवसथेऽवसच्च स मद्रराजात्मजयाऽग्र्यवर्ती ॥ २१॥</span>
</div>
</div>
</div>

<div class="verse" id="MBTN_C30_S01_V22" type="shloka" data-doc="MBTN">
<div class="verse-text">
<div class="shloka">
<span class="shloka-line">सन्धानभेदानुगतप्रवृत्तिस्तिष्ठंश्च दुर्मर्षणशुभ्रसद्मनि ।</span>
<span class="shloka-line">नृपाङ्गरक्षः प्रगृहीतखड्गस्तस्यानुजो मागधकन्ययाऽऽसीत् ॥ २२॥</span>
</div>
</div>
</div>

<div class="verse" id="MBTN_C30_S01_V23" type="shloka" data-doc="MBTN">
<div class="verse-text">
<div class="shloka">
<span class="shloka-line">सेनापतिः कृप आसीद् युयुत्सुः ससञ्जयो विदुरश्चाऽम्बिकेयम् ।</span>
<span class="shloka-line">पार्थेरिताः पर्यचरन् स्वयं च सर्वे यथा दैवतमादरेण ॥ २३॥</span>
</div>
</div>
</div>

<div class="verse" id="MBTN_C30_S01_V24" type="shloka" data-doc="MBTN">
<div class="verse-text">
<div class="shloka">
<span class="shloka-line">द्विरूपकृष्णप्रहितेषु पाण्डुषु क्षितिं प्रशासत्सु न कश्चनाऽतुरः ।</span>
<span class="shloka-line">नचाक्रमान्मृत्युरभून्न नार्यो विभर्तृका नो विधुरा नराश्च ॥ २४॥</span>
</div>
</div>
</div>

<div class="verse" id="MBTN_C30_S01_V25" type="shloka" data-doc="MBTN">
<div class="verse-text">
<div class="shloka">
<span class="shloka-line">शब्दादयश्चाऽसुरतीव हृद्या निकामवर्षी च सुरेश्वरोऽभूत् ।</span>
<span class="shloka-line">प्रजा अनास्पृष्टसमस्ततापा अनन्यभक्त्याऽच्युतमर्चयन्ति ॥ २५॥</span>
</div>
</div>
</div>

<div class="verse" id="MBTN_C30_S01_V26" type="shloka" data-doc="MBTN">
<div class="verse-text">
<div class="shloka">
<span class="shloka-line">पृथ्वी च गावः ससरस्वतीका निकामदोहा अभवन् सदैव ।</span>
<span class="shloka-line">अब्दाब्धिनद्यो गिरिवृक्षजङ्गमाः सर्वेऽपि रत्नप्रभवा(रत्नप्रसवा) बभूवुः ॥ २६॥</span>
</div>
</div>
</div>

<div class="verse" id="MBTN_C30_S01_V27" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णाश्रयात् सर्वमिदं वशे ते विधाय सम्यक् परिपालयन्तः ।</span>
<span class="shloka-line">दिवीव देवा मुमुदुः सदैव मुनीन्द्रगन्धर्वनृपादिभिर्वृताः ॥ २७॥</span>
</div>
</div>
</div>

<div class="verse" id="MBTN_C30_S01_V28" type="shloka" data-doc="MBTN">
<div class="verse-text">
<div class="shloka">
<span class="shloka-line">समुज्ज्वला पाण्डवकीर्तिनारी पदं (विधाय)विधायासुरपक्षमूर्धसु(मूर्धनि) ।</span>
<span class="shloka-line">वराभये चैव सतां कराभ्यां कृष्णप्रसूता जगदण्डमावृणोत् ॥ २८॥</span>
</div>
</div>
</div>

<div class="verse" id="MBTN_C30_S01_V29" type="shloka" data-doc="MBTN">
<div class="verse-text">
<div class="shloka">
<span class="shloka-line">पातालपादां पृथिवीनितम्बामाकाशमध्यां करसन्तताशाम् ।</span>
<span class="shloka-line">ग्रहर्क्षताराभरनद्युवक्षसं विरिञ्चलोकस्थलसन्मुखाम्बुजाम् ॥ २९॥</span>
</div>
</div>
</div>

<div class="verse" id="MBTN_C30_S01_V30" type="shloka" data-doc="MBTN">
<div class="verse-text">
<div class="shloka">
<span class="shloka-line">विकुण्ठनाथाभयहस्तमादरान् मूर्ध्ना वहन्तीं(मूर्ध्नाऽऽवहन्तीं) वरभारताख्याम् ।</span>
<span class="shloka-line">निशम्य तामीक्ष्य समस्तलोकाः पवित्रिता वेदिभवामिवान्याम् ॥ ३०॥</span>
</div>
</div>
</div>

<div class="verse" id="MBTN_C30_S01_V31" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रपालयत्स्वेव धरां सकृष्णेष्वद्धैव पार्थेषु कलिर्बलिश्च ।</span>
<span class="shloka-line">सुपापदैत्यौ क्‍वच राष्ट्रविप्लवं सञ्चक्रतुस्तच्छ्रुतमाशु पार्थैः ॥ ३१॥</span>
</div>
</div>
</div>

<div class="verse" id="MBTN_C30_S01_V32" type="shloka" data-doc="MBTN">
<div class="verse-text">
<div class="shloka">
<span class="shloka-line">नृपेण कृष्णेन च साधु चोदितो भीमस्तदा तौ सगणौ विजित्य ।</span>
<span class="shloka-line">बलिं प्रविद्राव्य कलिं निबद्ध्य समानयत् कृष्णनृपेन्द्रयोः(कृष्णनरेन्द्रयोः) पुरः ॥ ३२॥</span>
</div>
</div>
</div>

<div class="verse" id="MBTN_C30_S01_V33" type="shloka" data-doc="MBTN">
<div class="verse-text">
<div class="shloka">
<span class="shloka-line">पप्रच्छ तं कृष्णपुरो युधिष्ठिर उदारधीः ।</span>
<span class="shloka-line">कले किमिति मे राष्ट्रं विप्लावयसि दुर्मते ॥ ३३॥</span>
</div>
</div>
</div>

<div class="verse" id="MBTN_C30_S01_V34" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त आह कालोऽयं दुर्योधननिपातनम् ।</span>
<span class="shloka-line">आरभ्य मम तत्र त्वं बलादाक्रम्य तिष्ठसि ।</span>
<span class="shloka-line">ततो मया कृतो राष्ट्रविप्लवस्ते नराधिप ॥ ३४॥</span>
</div>
</div>
</div>

<div class="verse" id="MBTN_C30_S01_V35" type="shloka" data-doc="MBTN">
<div class="verse-text">
<div class="shloka">
<span class="shloka-line">तमाह राजा राज्ञां हि बलाद् राज्यं प्रवर्तते ।</span>
<span class="shloka-line">अपि कालभवं राष्ट्रं त्वदीयं मादृशैर्नृपैः ।</span>
<span class="shloka-line">ह्रियते बलवद्भिर्हि राज्याशा ते कुतस्तदा ॥ ३५॥</span>
</div>
</div>
</div>

<div class="verse" id="MBTN_C30_S01_V36" type="shloka" data-doc="MBTN">
<div class="verse-text">
<div class="shloka">
<span class="shloka-line">कालो वा कारणं राज्ञो राजा वा कालकारणम् ।</span>
<span class="shloka-line">इति ते संशयो मा भूद् राजा कालस्य कारणम् ॥ ३६॥ (महा.१२.७०.६)</span>
</div>
</div>
</div>

<div class="verse" id="MBTN_C30_S01_V37" type="shloka" data-doc="MBTN">
<div class="verse-text">
<div class="shloka">
<span class="shloka-line">तमुवाच कलिः काले मदीये त्वादृशः कुतः ।</span>
<span class="shloka-line">राजानं पूर्वमाविश्य विप्रांश्च स्यामहं नृप ॥ ३७॥</span>
</div>
</div>
</div>

<div class="verse" id="MBTN_C30_S01_V38" type="shloka" data-doc="MBTN">
<div class="verse-text">
<div class="shloka">
<span class="shloka-line">वासुदेवसहायेषु तेजो युष्मासु मे नहि ।</span>
<span class="shloka-line">क्‍व राजाऽसावृते युष्मान् यो मया नाभिभूयते ॥ ३८॥</span>
</div>
</div>
</div>

<div class="verse" id="MBTN_C30_S01_V39" type="shloka" data-doc="MBTN">
<div class="verse-text">
<div class="shloka">
<span class="shloka-line">मदीयकाले भूपाल विप्रदेव(वेद)विरोधिनि ।</span>
<span class="shloka-line">मद्दृष्टिपाते(याते) क्‍व गुणाः क्‍व वेदाः क्‍व सुयुक्तयः(क्‍व च सूक्तयः) ॥ ३९॥</span>
</div>
</div>
</div>

<div class="verse" id="MBTN_C30_S01_V40" type="shloka" data-doc="MBTN">
<div class="verse-text">
<div class="shloka">
<span class="shloka-line">जगाद नृपतिः सत्यं कले वक्ष्यनृतोऽपि सन् ।</span>
<span class="shloka-line">मोचये त्वार्तवचनाद् यदाऽस्मत्सन्ततेः परम् ।</span>
<span class="shloka-line">विलुम्पस्यखिलान् धर्मान् करं तत्रापि नोऽर्पय ॥ ४०॥</span>
</div>
</div>
</div>

<div class="verse" id="MBTN_C30_S01_V41" type="shloka" data-doc="MBTN">
<div class="verse-text">
<div class="shloka">
<span class="shloka-line">सीमाधिर्बहुवाक्यं च तुलामाने च मे करः ।</span>
<span class="shloka-line">नैवातिक्रममेतेषां कुरु सर्वात्मना क्‍वचित् ॥ ४१॥</span>
</div>
</div>
</div>

<div class="verse" id="MBTN_C30_S01_V42" type="shloka" data-doc="MBTN">
<div class="verse-text">
<div class="shloka">
<span class="shloka-line">तमाह भगवान् कृष्णो यावत् पाण्डवसन्ततिः ।</span>
<span class="shloka-line">तावन्न ते भवेच्छक्तिः प्रवृत्तस्यापि भूतले ॥ ४२॥</span>
</div>
</div>
</div>

<div class="verse" id="MBTN_C30_S01_V43" type="shloka" data-doc="MBTN">
<div class="verse-text">
<div class="shloka">
<span class="shloka-line">पाण्डवेभ्यः परं यावत् क्षेमकः क्रमवर्द्धिता ।</span>
<span class="shloka-line">क्षेमकात् परतः पूर्तिं शक्तिस्ते यास्यति ध्रुवम् ॥ ४३॥</span>
</div>
</div>
</div>

<div class="verse" id="MBTN_C30_S01_V44" type="shloka" data-doc="MBTN">
<div class="verse-text">
<div class="shloka">
<span class="shloka-line">न द्रष्टव्यं भूतलं ते कुत एव स्पृशेर्भुवम् ।</span>
<span class="shloka-line">यावत् पार्था अहं चात्र ततो भुवि पदं कुरु ॥ ४४॥</span>
</div>
</div>
</div>

<div class="verse" id="MBTN_C30_S01_V45" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तो वासुदेवेन मोचितो धर्मजेन च ।</span>
<span class="shloka-line">तान् प्रणम्य ययौ पारे समुद्रस्याऽश्रयद् गुहाम् ।</span>
<span class="shloka-line">पार्थाश्च कृष्णसहिता रक्षन्तः क्ष्मां मुदं ययुः ॥ ४५॥</span>
</div>
</div>
</div>

<div class="verse" id="MBTN_C30_S01_V46" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं पार्थान् प्रतिष्ठाप्य शक्रप्रस्थे तु सार्जुनः ।</span>
<span class="shloka-line">क्रीडन् दिव्याः कथाः प्राह पुत्रशोकापनुत्तये ।</span>
<span class="shloka-line">गीतोक्तं विस्मृतं चास्मै पुनर्विस्तरतोऽवदत् ॥ ४६॥</span>
</div>
</div>
</div>

<div class="verse" id="MBTN_C30_S01_V47" type="shloka" data-doc="MBTN">
<div class="verse-text">
<div class="shloka">
<span class="shloka-line">वाणी प्राणो वासुदेव इत्येतैरखिलं ततम् ।</span>
<span class="shloka-line">सर्वोत्तमत्वमेतेषां सर्वमेतद्वशे जगत् ।</span>
<span class="shloka-line">उत्तरोत्तरमेतेऽपि गुणोच्चास्तद्वशेऽपरे ॥ ४७॥</span>
</div>
</div>
</div>

<div class="verse" id="MBTN_C30_S01_V48" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्थं हरेर्वशे सर्वं गुणपूर्णश्च(सर्वगुणपूर्णश्च) स प्रभुः ।</span>
<span class="shloka-line">एक एव नचान्योऽस्ति प्राणोच्चा तदधो रमा ॥ ४८॥</span>
</div>
</div>
</div>

<div class="verse" id="MBTN_C30_S01_V49" type="shloka" data-doc="MBTN">
<div class="verse-text">
<div class="shloka">
<span class="shloka-line">स हुताश इति प्रोक्तो(हुताशन इति प्रोक्तो) हुतमत्त्यखिलं यतः ।</span>
<span class="shloka-line">वाक्प्राणमध्यगो नित्यं धारयत्यखिलं जगत् ।</span>
<span class="shloka-line">स ईशो ब्रह्मरुद्राद्या जीवा एव प्रकीर्तिताः ॥ ४९॥</span>
</div>
</div>
</div>

<div class="verse" id="MBTN_C30_S01_V50" type="shloka" data-doc="MBTN">
<div class="verse-text">
<div class="shloka">
<span class="shloka-line">एतस्यानादिसद्भक्ता मुक्तियोग्या हि ते स्मृताः ।</span>
<span class="shloka-line">अनादिद्वेषिणो येऽस्मिन्स्तमोयोग्याः सुपापिनः ॥ ५०॥</span>
</div>
</div>
</div>

<div class="verse" id="MBTN_C30_S01_V51" type="shloka" data-doc="MBTN">
<div class="verse-text">
<div class="shloka">
<span class="shloka-line">मिश्रा मध्या इति ज्ञेयाः संसारपरिवर्तिनः ।</span>
<span class="shloka-line">एवं जीवास्त्रिधा प्रोक्ता भवन्त्येते नचान्यथा ॥ ५१॥</span>
</div>
</div>
</div>

<div class="verse" id="MBTN_C30_S01_V52" type="shloka" data-doc="MBTN">
<div class="verse-text">
<div class="shloka">
<span class="shloka-line">तारतम्यं च विज्ञेयं लिङ्गैर्दैहिकमानसैः ।</span>
<span class="shloka-line">विष्णोर्लिङ्गानुसारित्वत् तारतम्यात् तदीक्षणम् ॥ ५२॥</span>
</div>
</div>
</div>

<div class="verse" id="MBTN_C30_S01_V53" type="shloka" data-doc="MBTN">
<div class="verse-text">
<div class="shloka">
<span class="shloka-line">विष्णोस्तदनुगानां च प्रीतिकृद् धर्म ईरितः ।</span>
<span class="shloka-line">अधर्मोऽन्य इयं निष्ठा प्रलापः किं करिष्यति ।</span>
<span class="shloka-line">एवमाद्यनुशास्याजः पार्थं पार्थैः सुसत्कृतः॥ ५३॥</span>
</div>
</div>
</div>

<div class="verse" id="MBTN_C30_S01_V54" type="shloka" data-doc="MBTN">
<div class="verse-text">
<div class="shloka">
<span class="shloka-line">कथञ्चित् तानवस्थाप्य सुदूरानुगतान् प्रभुः ।</span>
<span class="shloka-line">सुभद्रासहितः प्रायाद् यानेन द्वारकां पुरीम् ॥ ५४॥</span>
</div>
</div>
</div>

<div class="verse" id="MBTN_C30_S01_V55" type="shloka" data-doc="MBTN">
<div class="verse-text">
<div class="shloka">
<span class="shloka-line">समाधिविरतोदङ्कपरिपृष्टः पथि प्रभुः ।</span>
<span class="shloka-line">हतं दुर्योधनं प्राह सभ्रातृसुतसैनिकम् ॥ ५५॥</span>
</div>
</div>
</div>

<div class="verse" id="MBTN_C30_S01_V56" type="shloka" data-doc="MBTN">
<div class="verse-text">
<div class="shloka">
<span class="shloka-line">तं शिष्यवधकोपेन शप्तुमात्मानमुद्यतम् ।</span>
<span class="shloka-line">केशवोऽशमयद् वाक्यैर्विश्वरूपं प्रदर्श्य च ॥ ५६॥</span>
</div>
</div>
</div>

<div class="verse" id="MBTN_C30_S01_V57" type="shloka" data-doc="MBTN">
<div class="verse-text">
<div class="shloka">
<span class="shloka-line">मद्भक्तो नितरामेष मदाराधनतत्परः ।</span>
<span class="shloka-line">मामवज्ञाय निरयं माऽनुत्थानं व्रजेदिति ॥ ५७॥</span>
</div>
</div>
</div>

<div class="verse" id="MBTN_C30_S01_V58" type="shloka" data-doc="MBTN">
<div class="verse-text">
<div class="shloka">
<span class="shloka-line">कृपया वासुदेवेन बोधितः शान्तमानसः ।</span>
<span class="shloka-line">पश्चात्तापाभितप्तात्मा तमेव शरणं ययौ ॥ ५८॥</span>
</div>
</div>
</div>

<div class="verse" id="MBTN_C30_S01_V59" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मै देवोऽभयं दत्त्वा प्रेषयिष्येऽमृतं तव ।</span>
<span class="shloka-line">दातुं शक्रमिति प्रोक्त्वा ययौ द्वारवतीं प्रभुः ॥ ५९॥</span>
</div>
</div>
</div>

<div class="verse" id="MBTN_C30_S01_V60" type="shloka" data-doc="MBTN">
<div class="verse-text">
<div class="shloka">
<span class="shloka-line">अथाऽदिदेश देवेशं वासुदेवोऽमृतं मुनेः ।</span>
<span class="shloka-line">देहीति वञ्चयिष्यामीत्याह सोऽपि क्षमापयन् ॥ ६०॥</span>
</div>
</div>
</div>

<div class="verse" id="MBTN_C30_S01_V61" type="shloka" data-doc="MBTN">
<div class="verse-text">
<div class="shloka">
<span class="shloka-line">ओमित्युक्तो भगवता तत्स्नेहात् स शचीपतिः ।</span>
<span class="shloka-line">सुजुगुप्सितमातङ्गवेषो भूत्वा मुनिं ययौ ॥ ६१॥</span>
</div>
</div>
</div>

<div class="verse" id="MBTN_C30_S01_V62" type="shloka" data-doc="MBTN">
<div class="verse-text">
<div class="shloka">
<span class="shloka-line">मूत्रस्रोतसि सौधञ्च निधाय कलशं वशी ।</span>
<span class="shloka-line">मूत्रयन्निव तं प्राह वासुदेवः सुधामिमाम् ।</span>
<span class="shloka-line">महर्षे प्रेषयामास तवार्थे तत् पिबेति च ॥ ६२॥</span>
</div>
</div>
</div>

<div class="verse" id="MBTN_C30_S01_V63" type="shloka" data-doc="MBTN">
<div class="verse-text">
<div class="shloka">
<span class="shloka-line">स मूत्रमिति मत्वा तं याहीत्येवाऽह भत्सयन् ।</span>
<span class="shloka-line">वञ्चयित्वैव तं शक्रो ययौ प्रीतः स्वमालयम् ॥ ६३॥</span>
</div>
</div>
</div>

<div class="verse" id="MBTN_C30_S01_V64" type="shloka" data-doc="MBTN">
<div class="verse-text">
<div class="shloka">
<span class="shloka-line">असाधारणमन्नं हि देवानाममृतं सदा ।</span>
<span class="shloka-line">अन्यपीतिस्ततस्तस्य देवानां परमाप्रिया ॥ ६४॥</span>
</div>
</div>
</div>

<div class="verse" id="MBTN_C30_S01_V65" type="shloka" data-doc="MBTN">
<div class="verse-text">
<div class="shloka">
<span class="shloka-line">आत्मदत्तप्रसादाच्च स्वापराधात् प्रचालिते ।</span>
<span class="shloka-line">उदङ्के वासुदेवस्तु युक्तिमित्येव मन्यते ॥ ६५॥</span>
</div>
</div>
</div>

<div class="verse" id="MBTN_C30_S01_V66" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वपुरीं प्राप्य यदुभिः पूजितः शूरसूनवे ।</span>
<span class="shloka-line">वृत्तान्तं कथयामास केशवो यदुसंसदि ॥ ६६॥</span>
</div>
</div>
</div>

<div class="verse" id="MBTN_C30_S01_V67" type="shloka" data-doc="MBTN">
<div class="verse-text">
<div class="shloka">
<span class="shloka-line">वधमन्तरितं सूनोः सात्वतेशेन सात्वती ।</span>
<span class="shloka-line">प्रणम्य कथयेत्यूचे तत आह जनार्दनः ॥ ६७॥</span>
</div>
</div>
</div>

<div class="verse" id="MBTN_C30_S01_V68" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः सुदुःखिताः शूरपुत्राद्या अभिमन्यवे ।</span>
<span class="shloka-line">श्राद्धदानानि बहुशश्चक्रुः केशवसंयुताः ॥ ६८॥</span>
</div>
</div>
</div>

<div class="verse" id="MBTN_C30_S01_V69" type="shloka" data-doc="MBTN">
<div class="verse-text">
<div class="shloka">
<span class="shloka-line">निवसत्यत्र विश्वेशे धर्मपुत्रः क्रतूत्तमम् ।</span>
<span class="shloka-line">अश्वमेधमनुष्ठातुं नाविन्दद् वित्तमञ्जसा ॥ ६९॥</span>
</div>
</div>
</div>

<div class="verse" id="MBTN_C30_S01_V70" type="shloka" data-doc="MBTN">
<div class="verse-text">
<div class="shloka">
<span class="shloka-line">हतशेषात् क्षत्रसङ्घात् करं नैच्छद् दयापरः ।</span>
<span class="shloka-line">नच मध्यमकल्पेन यष्टुं तस्य मनो गतम् ॥ ७०॥</span>
</div>
</div>
</div>

<div class="verse" id="MBTN_C30_S01_V71" type="shloka" data-doc="MBTN">
<div class="verse-text">
<div class="shloka">
<span class="shloka-line">विज्ञाय नित्यविज्ञातनिखिलो बादरायणः ।</span>
<span class="shloka-line">आविर्भूतो हिमवतः शृङ्गं यत्राभिसङ्गतम् ॥ ७१॥</span>
</div>
</div>
</div>

<div class="verse" id="MBTN_C30_S01_V72" type="shloka" data-doc="MBTN">
<div class="verse-text">
<div class="shloka">
<span class="shloka-line">मेरुशृङ्गेण यत्रैव विष्णुः स्वात्मानमव्ययम् ।</span>
<span class="shloka-line">लोकस्य सङ्ग्रहायेजे कर्मबन्धोज्झितोऽपि सन् ॥ ७२॥</span>
</div>
</div>
</div>

<div class="verse" id="MBTN_C30_S01_V73" type="shloka" data-doc="MBTN">
<div class="verse-text">
<div class="shloka">
<span class="shloka-line">शङ्कराद्याः सुरा यत्र मरुत्तश्चेजिरे हरिम् ।</span>
<span class="shloka-line">दानवो वृषपर्वा च तत्रास्ति धनमक्षयम् ॥ ७३॥</span>
</div>
</div>
</div>

<div class="verse" id="MBTN_C30_S01_V74" type="shloka" data-doc="MBTN">
<div class="verse-text">
<div class="shloka">
<span class="shloka-line">तच्छङ्करशरीरस्थं जामदग्न्यं हरिं परम् ।</span>
<span class="shloka-line">इष्ट्वैवानुज्ञया तस्य स्वीकृत्य यज तेन च ।</span>
<span class="shloka-line">इत्याह व्यासवाक्यानु भीमोऽप्याह नृपोत्तमम् ॥ ७४॥</span>
</div>
</div>
</div>

<div class="verse" id="MBTN_C30_S01_V75" type="shloka" data-doc="MBTN">
<div class="verse-text">
<div class="shloka">
<span class="shloka-line">धनस्य देवता विष्णुर्जामदग्न्योऽखिलेश्वरः ।</span>
<span class="shloka-line">स शङ्करशरीरस्थो यज्ञोच्छिष्टधनाधिपः ॥ ७५॥</span>
</div>
</div>
</div>

<div class="verse" id="MBTN_C30_S01_V76" type="shloka" data-doc="MBTN">
<div class="verse-text">
<div class="shloka">
<span class="shloka-line">तेनैव विष्णुना दत्तमर्जुनायास्त्रमुत्तमम् ।</span>
<span class="shloka-line">कार्याण्यन्यानि चास्माकं कृतान्येतेन विष्णुना ॥ ७६॥</span>
</div>
</div>
</div>

<div class="verse" id="MBTN_C30_S01_V77" type="shloka" data-doc="MBTN">
<div class="verse-text">
<div class="shloka">
<span class="shloka-line">स ब्रह्मरुद्रशक्रादिपददाताऽखिलप्रदः ।</span>
<span class="shloka-line">स्वतन्त्रः परतन्त्रांस्तानावर्तयति चेच्छया ॥ ७७॥</span>
</div>
</div>
</div>

<div class="verse" id="MBTN_C30_S01_V78" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रियोऽस्माकं प्रियास्तस्य सर्वदैव वयं नृप ।</span>
<span class="shloka-line">अतस्तदभ्यनुज्ञातधनेनैव यजामहे ॥ ७८॥</span>
</div>
</div>
</div>

<div class="verse" id="MBTN_C30_S01_V79" type="shloka" data-doc="MBTN">
<div class="verse-text">
<div class="shloka">
<span class="shloka-line">सोऽयं पितामहोऽस्माकं व्यासस्तन्नः प्रदास्यति ।</span>
<span class="shloka-line">इत्युक्त्वा तं पुरस्कृत्य कृष्णद्वैपायनं ययुः ॥ ७९॥</span>
</div>
</div>
</div>

<div class="verse" id="MBTN_C30_S01_V80" type="shloka" data-doc="MBTN">
<div class="verse-text">
<div class="shloka">
<span class="shloka-line">धनं कृष्णः समादाय(स आदाय) समन्ताच्छतयोजनम् ।</span>
<span class="shloka-line">ददौ तेषां तेऽपि चोहुर्हस्त्यश्वोष्ट्रनरादिभिः ॥ ८०॥</span>
</div>
</div>
</div>

<div class="verse" id="MBTN_C30_S01_V81" type="shloka" data-doc="MBTN">
<div class="verse-text">
<div class="shloka">
<span class="shloka-line">युधिष्ठिरमृते सर्वे भीमसेनपुरोगमाः ।</span>
<span class="shloka-line">यज्ञार्थमूहिरे भूरि स्वर्णमुद्यद्रविप्रभम् ॥ ८१॥</span>
</div>
</div>
</div>

<div class="verse" id="MBTN_C30_S01_V82" type="shloka" data-doc="MBTN">
<div class="verse-text">
<div class="shloka">
<span class="shloka-line">तदैव वासुदेवोऽपि सभार्यः स सुभद्रया ।</span>
<span class="shloka-line">आगच्छन् हस्तिनपुरं पथ्युदङ्केन पूजितः ॥ ८२॥</span>
</div>
</div>
</div>

<div class="verse" id="MBTN_C30_S01_V83" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्कामवर्षिणो मेघांस्तस्य दत्वोदकार्थिनः ।</span>
<span class="shloka-line">सफलं स्ववरं कृत्वा जगाम गजसाह्वयम् ॥ ८३॥</span>
</div>
</div>
</div>

<div class="verse" id="MBTN_C30_S01_V84" type="shloka" data-doc="MBTN">
<div class="verse-text">
<div class="shloka">
<span class="shloka-line">आसन्नेष्वेव पार्थेषु व्यासे च पुरुषोत्तमे ।</span>
<span class="shloka-line">प्रविवेश पुरं कृष्णस्तदाऽसूतोत्तरा मृतम् ॥ ८४॥</span>
</div>
</div>
</div>

<div class="verse" id="MBTN_C30_S01_V85" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रौण्यस्त्रसूदितं बालं दृष्ट्वा कुन्त्यादिकाः स्त्रियः ।</span>
<span class="shloka-line">शरण्यं शरणं जग्मुर्वासुदेवं जगत्पतिम् ॥ ८५॥</span>
</div>
</div>
</div>

<div class="verse" id="MBTN_C30_S01_V86" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रत्यक्षमात्मना गर्भे रक्षितं प्रसवे हतम् ।</span>
<span class="shloka-line">पुनरुज्जीवयामास केशवः पार्थतन्तवे ॥ ८६॥</span>
</div>
</div>
</div>

<div class="verse" id="MBTN_C30_S01_V87" type="shloka" data-doc="MBTN">
<div class="verse-text">
<div class="shloka">
<span class="shloka-line">तदैव विविशुः पार्था सकृष्णाः सधनोच्चयाः(सधनोच्छ्रयाः) ।</span>
<span class="shloka-line">सर्वे मुमुदिरे दृष्ट्वा पौत्रं केशवरक्षितम् ॥ ८७॥</span>
</div>
</div>
</div>

<div class="verse" id="MBTN_C30_S01_V88" type="shloka" data-doc="MBTN">
<div class="verse-text">
<div class="shloka">
<span class="shloka-line">ददौ दानानि बहुशो धर्मपुत्रो युधिष्ठिरः ।</span>
<span class="shloka-line">पौत्रजन्मनि हृष्टात्मा वासुदेवं ननाम च ॥ ८८॥</span>
</div>
</div>
</div>

<div class="verse" id="MBTN_C30_S01_V89" type="shloka" data-doc="MBTN">
<div class="verse-text">
<div class="shloka">
<span class="shloka-line">कुन्तीकृष्णासुभद्राभिर्वैराट्याऽन्याभिरेव च ।</span>
<span class="shloka-line">पाण्डवैः पुरुषैश्चान्यैः संस्तुतः प्रणतो हरिः ॥ ८९॥</span>
</div>
</div>
</div>

<div class="verse" id="MBTN_C30_S01_V90" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः कृष्णाभ्यनुज्ञाता पाराशर्यसदस्यकाः ।</span>
<span class="shloka-line">आरेभिरेऽश्वमेधं ते मुनिभिर्ब्रह्मवादिभिः ॥ ९०॥</span>
</div>
</div>
</div>

<div class="verse" id="MBTN_C30_S01_V91" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वयज्ञात्मकं तेषामश्वमेधं जगत्पतिः ।</span>
<span class="shloka-line">कारयामास भगवान् कृष्णद्वैपायनः स्वयम् ॥ ९१॥</span>
</div>
</div>
</div>

<div class="verse" id="MBTN_C30_S01_V92" type="shloka" data-doc="MBTN">
<div class="verse-text">
<div class="shloka">
<span class="shloka-line">साधनानि तु सर्वाणि शालां चैव हिरण्मयीम् ।</span>
<span class="shloka-line">पवमानसुतश्चक्रे कृष्णद्वैपायनेरितः ॥ ९२॥</span>
</div>
</div>
</div>

<div class="verse" id="MBTN_C30_S01_V93" type="shloka" data-doc="MBTN">
<div class="verse-text">
<div class="shloka">
<span class="shloka-line">अथानुमन्त्रितोत्सृष्टं पुरोहितपुरस्कृतम् ।</span>
<span class="shloka-line">तुरङ्गं (तुरगं) कृष्णसारङ्गमनुवव्राज वासविः ॥ ९३॥</span>
</div>
</div>
</div>

<div class="verse" id="MBTN_C30_S01_V94" type="shloka" data-doc="MBTN">
<div class="verse-text">
<div class="shloka">
<span class="shloka-line">स जित्वा रुन्धतः सर्वान् नृपतीञ्छस्त्रतेजसा ।</span>
<span class="shloka-line">चारयामास सर्वेषु राष्ट्रेष्वविजितोऽरिभिः ॥ ९४॥</span>
</div>
</div>
</div>

<div class="verse" id="MBTN_C30_S01_V95" type="shloka" data-doc="MBTN">
<div class="verse-text">
<div class="shloka">
<span class="shloka-line">युधिष्ठिराज्ञया तेन न कश्चिन्निहतस्तदा ।</span>
<span class="shloka-line">आहूताश्च नृपास्तेन यज्ञार्थं प्रीयताऽखिलाः ॥ ९५॥</span>
</div>
</div>
</div>

<div class="verse" id="MBTN_C30_S01_V96" type="shloka" data-doc="MBTN">
<div class="verse-text">
<div class="shloka">
<span class="shloka-line">मळलूरं (मणलूरं) क्रमात् प्राप्तस्तत्रैनं बभ्रुवाहनः ।</span>
<span class="shloka-line">अभ्ययादर्घ्यपाद्याद्यैस्तमाह विजयः सुतम् ॥ ९६॥</span>
</div>
</div>
</div>

<div class="verse" id="MBTN_C30_S01_V97" type="shloka" data-doc="MBTN">
<div class="verse-text">
<div class="shloka">
<span class="shloka-line">योद्धुकामोऽर्घ्यमादाय त्वयाऽद्याभिगतो ह्यहम् ।</span>
<span class="shloka-line">न प्रीये पौरुषं धिक् ते यन्मेध्याश्वो न वारितः ॥ ९७॥</span>
</div>
</div>
</div>

<div class="verse" id="MBTN_C30_S01_V98" type="shloka" data-doc="MBTN">
<div class="verse-text">
<div class="shloka">
<span class="shloka-line">तदाऽपि(तथाऽपि) पितृभक्त्यैनमयुद्ध्यन्तमुलूपिका ।</span>
<span class="shloka-line">प्राह युद्ध्यस्व यत् प्रीत्यै(तत् प्रीत्यै) गुरोः कार्यमसंशयम् ।</span>
<span class="shloka-line">प्रीणनायैव युद्ध्यस्व पित्रे सन्धर्शयन् बलम् ॥ ९८॥</span>
</div>
</div>
</div>

<div class="verse" id="MBTN_C30_S01_V99" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तो युयुधे पित्रा बलं सर्वं प्रदर्शयन् ।</span>
<span class="shloka-line">अर्जुनस्तु सुतस्नेहान्मन्दं योधयति स्मयन् ॥ ९९॥</span>
</div>
</div>
</div>

<div class="verse" id="MBTN_C30_S01_V100" type="shloka" data-doc="MBTN">
<div class="verse-text">
<div class="shloka">
<span class="shloka-line">स तु सर्वायुधक्षेपेऽप्यविकारं धनञ्जयम् ।</span>
<span class="shloka-line">दृष्ट्वा बाल्यात् परीक्षायै मन्त्रपूतं महाशरम् ।</span>
<span class="shloka-line">चिक्षेप पित्रे दैवेन तेनैनं मोह आविशत् ॥ १००॥</span>
</div>
</div>
</div>

<div class="verse" id="MBTN_C30_S01_V101" type="shloka" data-doc="MBTN">
<div class="verse-text">
<div class="shloka">
<span class="shloka-line">मूर्च्छितं तं गुरुं दृष्ट्वा तद्भक्त्या भृशदुःखितः ।</span>
<span class="shloka-line">प्रायोपविष्टस्तन्माता विललापातिदुःखिता ॥ १०१॥</span>
</div>
</div>
</div>

<div class="verse" id="MBTN_C30_S01_V102" type="shloka" data-doc="MBTN">
<div class="verse-text">
<div class="shloka">
<span class="shloka-line">विजगर्ह तदोलूपीं धिग् जगत्त्रयपूजितम् ।</span>
<span class="shloka-line">अजीघनो मे भर्तारं पुत्रेणैवाविजानता ॥ १०२॥</span>
</div>
</div>
</div>

<div class="verse" id="MBTN_C30_S01_V103" type="shloka" data-doc="MBTN">
<div class="verse-text">
<div class="shloka">
<span class="shloka-line">लोकवीरं पतिं हित्वा(हत्वा) न मे कार्यं सुतेन च ।</span>
<span class="shloka-line">पतिलोकमहं यास्ये तृप्ता भव कलिप्रिये ॥ १०३॥</span>
</div>
</div>
</div>

<div class="verse" id="MBTN_C30_S01_V104" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त्वा मरणायैव तां विनिश्चितमानसाम् ।</span>
<span class="shloka-line">धरायां विलुठन्तीं च दृष्ट्वा भुजगनन्दिनी ॥ १०४॥</span>
</div>
</div>
</div>

<div class="verse" id="MBTN_C30_S01_V105" type="shloka" data-doc="MBTN">
<div class="verse-text">
<div class="shloka">
<span class="shloka-line">नागलोकात् समादाय विशल्यकरणीं क्षणात् ।</span>
<span class="shloka-line">उत्थापयामास पतिं त्रिलोकातिरथं तया ॥ १०५॥</span>
</div>
</div>
</div>

<div class="verse" id="MBTN_C30_S01_V106" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रहस्योवाच च तदा श्रुतं वाक्यं पुरा मया ।</span>
<span class="shloka-line">सुरलोके सुरैः प्रोक्तं भीष्माद्या नातिधर्मतः ॥ १०६॥</span>
</div>
</div>
</div>

<div class="verse" id="MBTN_C30_S01_V107" type="shloka" data-doc="MBTN">
<div class="verse-text">
<div class="shloka">
<span class="shloka-line">यद्धतास्तेन दोषेण पार्थस्तेनातिवेदनाम् ।</span>
<span class="shloka-line">रणे व्रजेदिति न तत् परतः स्यादिति ह्यहम् ।</span>
<span class="shloka-line">वचनादेव देवानां युद्ध्येत्यात्मजमब्रवम् ॥ १०७॥</span>
</div>
</div>
</div>

<div class="verse" id="MBTN_C30_S01_V108" type="shloka" data-doc="MBTN">
<div class="verse-text">
<div class="shloka">
<span class="shloka-line">देवानामेव सङ्कल्पान्मूर्च्छितश्चार्जुनोऽभवत् ।</span>
<span class="shloka-line">भुक्तदोषफलश्चायं पुनर्भोक्ष्यति नान्यतः ॥ १०८॥</span>
</div>
</div>
</div>

<div class="verse" id="MBTN_C30_S01_V109" type="shloka" data-doc="MBTN">
<div class="verse-text">
<div class="shloka">
<span class="shloka-line">अन्येन पातितस्त्यास्य यशो नश्येत् त्रिलोकगम् ।</span>
<span class="shloka-line">नार्जुनस्य यशो नश्येदिति दैवैरिदं कृतम् ॥ १०९॥</span>
</div>
</div>
</div>

<div class="verse" id="MBTN_C30_S01_V110" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तः प्रीतिमापेदे पुत्रभार्यायुतोऽर्जुनः ।</span>
<span class="shloka-line">यज्ञार्थं तावथाऽहूय पूजितः प्रययौ ततः ॥ ११०॥</span>
</div>
</div>
</div>

<div class="verse" id="MBTN_C30_S01_V111" type="shloka" data-doc="MBTN">
<div class="verse-text">
<div class="shloka">
<span class="shloka-line">द्वारकायाः समीपस्थं प्रद्युम्नाद्याः सुता हरेः ।</span>
<span class="shloka-line">प्रसह्याश्वमपाजह्रुराह्वयन्तोऽर्जुनं युधे ॥ १११॥</span>
</div>
</div>
</div>

<div class="verse" id="MBTN_C30_S01_V112" type="shloka" data-doc="MBTN">
<div class="verse-text">
<div class="shloka">
<span class="shloka-line">सुभद्राहरणं मार्ष्टुं नीतेऽश्वे तैर्धनञ्जयः ।</span>
<span class="shloka-line">गौरवाद् वासुदेवस्य मातुलस्य च केवलम् ॥ ११२॥</span>
</div>
</div>
</div>

<div class="verse" id="MBTN_C30_S01_V113" type="shloka" data-doc="MBTN">
<div class="verse-text">
<div class="shloka">
<span class="shloka-line">मातुलायाब्रवीदश्वं हृतं पौत्रैरबन्धुवत् ।</span>
<span class="shloka-line">स निर्भत्स्य कुमारांस्तान् मेध्यमश्वममोचयत् ॥ ११३॥</span>
</div>
</div>
</div>

<div class="verse" id="MBTN_C30_S01_V114" type="shloka" data-doc="MBTN">
<div class="verse-text">
<div class="shloka">
<span class="shloka-line">मातुलं स प्रणम्याथ यज्ञार्थं तान् निमन्त्र्य च ।</span>
<span class="shloka-line">गच्छन् गजाह्वयं दूतमग्रतोऽयापयन्नृपे(यातयन्नृपे) ॥ ११४॥</span>
</div>
</div>
</div>

<div class="verse" id="MBTN_C30_S01_V115" type="shloka" data-doc="MBTN">
<div class="verse-text">
<div class="shloka">
<span class="shloka-line">सकृष्णः सहसोदर्यः श्रुत्वाऽसौ प्राप्तमर्जुनम् ।</span>
<span class="shloka-line">प्रीतो बाष्पाभिपूर्णाक्षो(बाष्पातिपूर्णाक्षो) भ्रातृस्नेहादभाषत ॥ ११५॥</span>
</div>
</div>
</div>

<div class="verse" id="MBTN_C30_S01_V116" type="shloka" data-doc="MBTN">
<div class="verse-text">
<div class="shloka">
<span class="shloka-line">वासुदेव न पश्यामि दुर्लक्षणमथार्जुने ।</span>
<span class="shloka-line">केन दुर्लक्षणेनायं बहुदुःखी प्रवासगः ॥ ११६॥</span>
</div>
</div>
</div>

<div class="verse" id="MBTN_C30_S01_V117" type="shloka" data-doc="MBTN">
<div class="verse-text">
<div class="shloka">
<span class="shloka-line">पृष्टस्तं केशवः प्राह भ्राता ते दीर्घपिण्डकः(पिण्डिकः) ।</span>
<span class="shloka-line">तेनायं दुःखबहुल इत्युक्त्वा पुनरेव च ।</span>
<span class="shloka-line">वदन्तमेव पाञ्चाली कटाक्षेण न्यवारयत् ॥ ११७॥</span>
</div>
</div>
</div>

<div class="verse" id="MBTN_C30_S01_V118" type="shloka" data-doc="MBTN">
<div class="verse-text">
<div class="shloka">
<span class="shloka-line">समस्तलक्षणाभिज्ञाः कृष्णः सत्या वृकोदरः ।</span>
<span class="shloka-line">कृष्णा च पञ्चमो नास्ति विद्या शुद्धेयमञ्जसा ॥ ११८॥</span>
</div>
</div>
</div>

<div class="verse" id="MBTN_C30_S01_V119" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रसङ्गात् प्राप्तुमिच्छेत् तां विद्याशीलो युधिष्ठिरः ।</span>
<span class="shloka-line">इति लोभात् तु पाञ्चाली वासुदेवं न्यवारयत् ॥ ११९॥</span>
</div>
</div>
</div>

<div class="verse" id="MBTN_C30_S01_V120" type="shloka" data-doc="MBTN">
<div class="verse-text">
<div class="shloka">
<span class="shloka-line">तद्गौरवाद् वासुदेवो नोत्तरं प्रत्यभाषत ।</span>
<span class="shloka-line">विस्मारयामास च तं पब्रुवाणः कथान्तरम् ॥ १२०॥</span>
</div>
</div>
</div>

<div class="verse" id="MBTN_C30_S01_V121" type="shloka" data-doc="MBTN">
<div class="verse-text">
<div class="shloka">
<span class="shloka-line">उदरस्य किञ्चिदाधिक्यं वृषणाधिक्यमेव च ।</span>
<span class="shloka-line">सव्यबाहोस्तथाऽऽधिक्यं दुर्लक्षणमथार्जुने(अतोऽर्जुने,अथोऽर्जुने) ॥ १२१॥</span>
</div>
</div>
</div>

<div class="verse" id="MBTN_C30_S01_V122" type="shloka" data-doc="MBTN">
<div class="verse-text">
<div class="shloka">
<span class="shloka-line">नैवोक्तं वासुदेवेन दृश्यमानमपि स्फुटम् ।</span>
<span class="shloka-line">ज्ञानानन्दह्रासकरा ह्येते दोषाः सनातनाः (सदातनाः) ॥ १२२॥</span>
</div>
</div>
</div>

<div class="verse" id="MBTN_C30_S01_V123" type="shloka" data-doc="MBTN">
<div class="verse-text">
<div class="shloka">
<span class="shloka-line">समस्तजीवराशौ यद् दुर्लक्षणविवर्जितौ ।</span>
<span class="shloka-line">पूर्णचित्सुखशक्त्यादेर्योग्यौ कृष्णा च मारुतिः ॥ १२३॥</span>
</div>
</div>
</div>

<div class="verse" id="MBTN_C30_S01_V124" type="shloka" data-doc="MBTN">
<div class="verse-text">
<div class="shloka">
<span class="shloka-line">अनादिदुःखहीनत्वे सुखाधिक्ये च लक्षणम् ।</span>
<span class="shloka-line">रुग्मिणीसत्यभामादिरूपायाः श्रिय एव तु ॥ १२४॥</span>
</div>
</div>
</div>

<div class="verse" id="MBTN_C30_S01_V125" type="shloka" data-doc="MBTN">
<div class="verse-text">
<div class="shloka">
<span class="shloka-line">मुख्यं ततोऽपि(ततोऽति) मुख्यं तु स्वान्तन्त्र्यादेरशेषतः ।</span>
<span class="shloka-line">गुणराशेः परं लिङ्गं नित्यं व्यासादिरूपिणः ।</span>
<span class="shloka-line">विष्णोरेव नचान्यस्य स ह्येकः पूर्णसद्गुणः ॥ १२५॥</span>
</div>
</div>
</div>

<div class="verse" id="MBTN_C30_S01_V126" type="shloka" data-doc="MBTN">
<div class="verse-text">
<div class="shloka">
<span class="shloka-line">साश्वेऽर्जुने यज्ञवाटं प्रविष्टेऽस्य सहोदराः ।</span>
<span class="shloka-line">पूजिताः पूजयामासुर्मुदिताः सहकेशवाः ॥ १२६॥</span>
</div>
</div>
</div>

<div class="verse" id="MBTN_C30_S01_V127" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः स यज्ञो यदुवीररक्षितो व्यासोपदिष्टो मुनिभिः प्रवर्तितः ।</span>
<span class="shloka-line">अशोभतालं सकलैर्नृपैश्च समागतैर्विप्रवरैश्च जुष्टः ॥ १२७॥</span>
</div>
</div>
</div>

<div class="verse" id="MBTN_C30_S01_V128" type="shloka" data-doc="MBTN">
<div class="verse-text">
<div class="shloka">
<span class="shloka-line">स कृष्णयुग्मेन च भार्गवेण त्रिधा विभक्तेन परेण पुंसा ।</span>
<span class="shloka-line">अधिष्ठितोऽशोभत विश्वमेतद् विश्वादिरूपेण यथैव तेन ॥ १२८॥</span>
</div>
</div>
</div>

<div class="verse" id="MBTN_C30_S01_V129" type="shloka" data-doc="MBTN">
<div class="verse-text">
<div class="shloka">
<span class="shloka-line">यथा विरिञ्चस्य पुराऽऽस यज्ञो यथैव शक्रस्य शतक्रतुत्वे ।</span>
<span class="shloka-line">तथैव सोऽभूद् विधिशर्वशक्रपूर्वैः सुरैराविरलङ्कृतोऽधिकम् ॥ १२९॥</span>
</div>
</div>
</div>

<div class="verse" id="MBTN_C30_S01_V130" type="shloka" data-doc="MBTN">
<div class="verse-text">
<div class="shloka">
<span class="shloka-line">न देवगन्धर्वमुनिस्वधर्ममर्त्यादिकेष्वास स योऽत्र नाऽस(सम्भ्रमः) ।</span>
<span class="shloka-line">स्वलङ्कृतैर्नाकिजनैः सकान्तैररूरुचन्नाकवदेतदोकः(दोघः) ॥ १३०॥</span>
</div>
</div>
</div>

<div class="verse" id="MBTN_C30_S01_V131" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्रैव तत्त्वानि ससंशयानि निस्संशयान्यासुरलं विवादे ।</span>
<span class="shloka-line">परस्परोत्थे हरिणा त्रिरूपिणा संस्थापितान्यग्र्यवचोभिरुच्चैः ॥ १३१॥</span>
</div>
</div>
</div>

<div class="verse" id="MBTN_C30_S01_V132" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रगीतगन्धर्ववरः प्रनृत्तसदप्सराः सन्ततवादिविप्रः ।</span>
<span class="shloka-line">विवेचयद्देवनृपौघ एको रराज राजाऽखिलसत्क्रतूनाम् ॥ १३२॥</span>
</div>
</div>
</div>

<div class="verse" id="MBTN_C30_S01_V133" type="shloka" data-doc="MBTN">
<div class="verse-text">
<div class="shloka">
<span class="shloka-line">समस्तदेव्यः सहवासुदेव्यः स्वलङ्कृताः फुल्लमुखारविन्दाः ।</span>
<span class="shloka-line">विचेरुरत्रैव(विरेजुरत्रैव) सहाप्सरोभिर्निषेदुरप्यच्युतसत्कथारमाः ॥ १३३॥</span>
</div>
</div>
</div>

<div class="verse" id="MBTN_C30_S01_V134" type="shloka" data-doc="MBTN">
<div class="verse-text">
<div class="shloka">
<span class="shloka-line">न वै मुमुक्षुर्न बभूषुरत्र न वै विवित्सुश्च कुतो बुभुक्षुः ।</span>
<span class="shloka-line">असत्यकामा अभवन् कुतश्चित् प्रदातरि प्राज्ञवरेऽनिलात्मजे ॥ १३४॥</span>
</div>
</div>
</div>

<div class="verse" id="MBTN_C30_S01_V135" type="shloka" data-doc="MBTN">
<div class="verse-text">
<div class="shloka">
<span class="shloka-line">दिनेदिने तत्र महान्नपर्वताः सभक्षसारा रसवन्त ऊर्जिताः ।</span>
<span class="shloka-line">नद्यः पयः सर्पिरजस्रपूर्णाः समाक्षिकाद्या अपि पायसह्रदाः ॥ १३५॥</span>
</div>
</div>
</div>

<div class="verse" id="MBTN_C30_S01_V136" type="shloka" data-doc="MBTN">
<div class="verse-text">
<div class="shloka">
<span class="shloka-line">ह्रदा महान्तस्त्रिदशादियोग्याः सुयोगयुक्ता हरिचन्दनादेः ।</span>
<span class="shloka-line">तथाऽञ्जनालक्तकमुख्यमण्डनद्रव्याग्र्यवाप्यो मणिकाञ्चनोद्भवाः ॥ १३६॥</span>
</div>
</div>
</div>

<div class="verse" id="MBTN_C30_S01_V137" type="shloka" data-doc="MBTN">
<div class="verse-text">
<div class="shloka">
<span class="shloka-line">यथेष्टपानाशनभोगशिष्टाः सहस्रशो मारुतिना तु कारिताः ।</span>
<span class="shloka-line">गन्धा रसाद्याश्च समस्तभोगा दिवीव तत्राऽसुरतीव हृद्याः ॥ १३७॥</span>
</div>
</div>
</div>

<div class="verse" id="MBTN_C30_S01_V138" type="shloka" data-doc="MBTN">
<div class="verse-text">
<div class="shloka">
<span class="shloka-line">नैतादृशः कश्चन भूतपूर्वो मखो विना रामविरिञ्चवज्रिणाम् ।</span>
<span class="shloka-line">मखानिति प्रोचुरशेषलोका दृष्ट्वा मखं तं पुरुषोत्तमेरितम् ॥ १३८॥</span>
</div>
</div>
</div>

<div class="verse" id="MBTN_C30_S01_V139" type="shloka" data-doc="MBTN">
<div class="verse-text">
<div class="shloka">
<span class="shloka-line">स एवमद्धा हरिदैवतः क्रतुः पञ्चाश्वमेधात्मक उच्चकल्पः ।</span>
<span class="shloka-line">दिनेदिने स्वृद्धगुणो बभूव मुदावहो वत्सरपञ्चकत्रयम् ॥ १३९॥</span>
</div>
</div>
</div>

<div class="verse" id="MBTN_C30_S01_V140" type="shloka" data-doc="MBTN">
<div class="verse-text">
<div class="shloka">
<span class="shloka-line">यज्ञावसाने निखिलाश्च पाण्डवाः कृष्णा च पृथ्वीमखिलां सवित्ताम् ।</span>
<span class="shloka-line">माङ्गल्यमात्रं दयिताशरीरे निधाय सर्वाभरणानि चैव ।</span>
<span class="shloka-line">समर्पयामासुरजे वरेण्ये व्यासे विभागाय यथोक्तमृत्विजाम् ॥ १४०॥</span>
</div>
</div>
</div>

<div class="verse" id="MBTN_C30_S01_V141" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रियो विभागो यदमुष्य विष्णोरतो विभागार्थमिवाऽर्पयंस्ते ।</span>
<span class="shloka-line">हृदा समस्तं हरयेऽर्पितं तैः स हि द्विजस्थोऽपि समस्तकर्ता ॥ १४१॥</span>
</div>
</div>
</div>

<div class="verse" id="MBTN_C30_S01_V142" type="shloka" data-doc="MBTN">
<div class="verse-text">
<div class="shloka">
<span class="shloka-line">देहेन्द्रियप्राणमनांसि चेतनैः सहैव तस्मा अतिसृज्य नेमुः ।</span>
<span class="shloka-line">त्वदीयमेतन्निखिलं वयं च नास्त्यस्मदीयं(न त्वस्मदीयं) क्‍वच किञ्चनेश ।</span>
<span class="shloka-line">स्वन्त्र एकोऽसि न कश्चिदन्यः सर्वत्र पूर्णोऽसि सदेति हृष्टाः ॥ १४२॥</span>
</div>
</div>
</div>

<div class="verse" id="MBTN_C30_S01_V143" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो विभक्ते मुनयोऽवदंस्ते प्रत्यर्पयामो वयमेषु राज्यम् ।</span>
<span class="shloka-line">पूर्णा हिरण्येन वयं धरायाः प्रपालने योग्यतमा इमे हि ॥ १४३॥</span>
</div>
</div>
</div>

<div class="verse" id="MBTN_C30_S01_V144" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्थाः सभार्या द्विजवाक्यमेतन्निशम्य कृष्णाय पुनः प्रणम्य ।</span>
<span class="shloka-line">ऊचुस्तपो नोऽस्तु वनेऽर्पयित्वा राज्यं मखान्ते त्वयि धर्मलब्धम् ॥ १४४॥</span>
</div>
</div>
</div>

<div class="verse" id="MBTN_C30_S01_V145" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरितः प्राह स बादरायणो मुनीश्वरैरप्यभियाचितः प्रभुः ।</span>
<span class="shloka-line">हिरण्यमेव स्वमिदं मुनीनां मदाज्ञया भूङ्ग्ध्वमशेषराज्यम् ॥ १४५॥</span>
</div>
</div>
</div>

<div class="verse" id="MBTN_C30_S01_V146" type="shloka" data-doc="MBTN">
<div class="verse-text">
<div class="shloka">
<span class="shloka-line">समर्पितं मे फलवच्च तत् स्यात् पुनर्ग्रहो नैव च दोषकारी ।</span>
<span class="shloka-line">पितामहोऽहं भवतां विशेषतो गुरुः पतिश्चैव ततो मदर्हथ ॥ १४६॥</span>
</div>
</div>
</div>

<div class="verse" id="MBTN_C30_S01_V147" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरितास्ते प्रतिपद्य राज्यं ददुर्हिरण्यं निखिलं च तस्मै ।</span>
<span class="shloka-line">विभज्य विप्रान् स निजं तु भागमदात् पृथायै निखिलम् प्रसन्नः ॥ १४७॥</span>
</div>
</div>
</div>

<div class="verse" id="MBTN_C30_S01_V148" type="shloka" data-doc="MBTN">
<div class="verse-text">
<div class="shloka">
<span class="shloka-line">सभार्यकाणां वररत्नभूषणान्यशेषतः पुत्रभुवां प्रदाय ।</span>
<span class="shloka-line">पृथक्पृथग् योग्यवरांस्तथैभ्यः प्रादात् प्रभुस्ते मुदिताः प्रणेमुः ॥ १४८॥</span>
</div>
</div>
</div>

<div class="verse" id="MBTN_C30_S01_V149" type="shloka" data-doc="MBTN">
<div class="verse-text">
<div class="shloka">
<span class="shloka-line">तद् यज्ञपञ्चकमजस्त्रिगुणां स एभ्यः सद्दक्षिणां क्रतुपतिर्निखिलामवाप्य ।</span>
<span class="shloka-line">चक्रेऽश्वमेधत्रयमेकमेकं तेषां हरिर्बहुसुवर्णकनामधेयम् ॥ १४९॥</span>
</div>
</div>
</div>

<div class="verse" id="MBTN_C30_S01_V150" type="shloka" data-doc="MBTN">
<div class="verse-text">
<div class="shloka">
<span class="shloka-line">सकृष्णेष्वथ पार्थेषु सुस्नातावभृथेष्वलम् ।</span>
<span class="shloka-line">पञ्चेन्द्रवद् विराजत्सु स्तूयमानेष्वृषीश्वरैः ॥ १५०॥</span>
</div>
</div>
</div>

<div class="verse" id="MBTN_C30_S01_V151" type="shloka" data-doc="MBTN">
<div class="verse-text">
<div class="shloka">
<span class="shloka-line">स्तूयमाने च तद्यज्ञे क्रोधो नकुलतां गतः ।</span>
<span class="shloka-line">कृत्वोग्रगर्जनं यज्ञं तांश्च यज्ञकृतोऽखिलान् ॥ १५१॥</span>
</div>
</div>
</div>

<div class="verse" id="MBTN_C30_S01_V152" type="shloka" data-doc="MBTN">
<div class="verse-text">
<div class="shloka">
<span class="shloka-line">गर्हयन्नूचिवानित्थं भार्यापुत्रस्नुषायुतः ।</span>
<span class="shloka-line">सक्तुप्रस्थमदाद् विप्र उञ्छवृत्तिः सुभक्तितः ॥ १५२॥</span>
</div>
</div>
</div>

<div class="verse" id="MBTN_C30_S01_V153" type="shloka" data-doc="MBTN">
<div class="verse-text">
<div class="shloka">
<span class="shloka-line">धर्मायातिथये तस्य कलां नार्हति षोडशीम् ।</span>
<span class="shloka-line">यज्ञोऽयमिति हेतुं च विप्रैः पृष्टोऽभ्यभाषत ॥ १५३॥</span>
</div>
</div>
</div>

<div class="verse" id="MBTN_C30_S01_V154" type="shloka" data-doc="MBTN">
<div class="verse-text">
<div class="shloka">
<span class="shloka-line">अतिथेस्तस्य पादोदक्लिन्नः पार्श्वो हिरण्मयः ।</span>
<span class="shloka-line">एको ममाभूदपरः सर्वतीर्थादिकेष्वपि ॥ १५४॥</span>
</div>
</div>
</div>

<div class="verse" id="MBTN_C30_S01_V155" type="shloka" data-doc="MBTN">
<div class="verse-text">
<div class="shloka">
<span class="shloka-line">मज्जतोऽवभृथेष्वद्धा यज्ञानामत्र चाऽदरात् ।</span>
<span class="shloka-line">नाभूदित्यथ तत्तत्त्ववेदिभिर्मुनिपुङ्गवैः ॥ १५५॥</span>
</div>
</div>
</div>

<div class="verse" id="MBTN_C30_S01_V156" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णेन च तमोऽन्धं तं प्रापयद्भिः स्मिते कृते ।</span>
<span class="shloka-line">अदर्शनं जगामाऽशु तमः प्राप च कालतः ।</span>
<span class="shloka-line">तदर्थमेव हैरण्यः पार्श्वस्तस्याभवत् पुरा ॥ १५६॥</span>
</div>
</div>
</div>

<div class="verse" id="MBTN_C30_S01_V157" type="shloka" data-doc="MBTN">
<div class="verse-text">
<div class="shloka">
<span class="shloka-line">कृष्णस्य पाण्डवानां च मखादेश्च गुणान् बहून् ।</span>
<span class="shloka-line">वदन्तो भर्त्सयाञ्चक्रुस्तन्मतज्ञा(तं मतज्ञाः) मधुद्विषः ॥ १५७॥</span>
</div>
</div>
</div>

<div class="verse" id="MBTN_C30_S01_V158" type="shloka" data-doc="MBTN">
<div class="verse-text">
<div class="shloka">
<span class="shloka-line">श्राद्धार्थं हि पयः पूर्वं (जामदग्नेः)जमदग्नेरदूषयत् ।</span>
<span class="shloka-line">नाकुलेनैव रूपेण क्रोधस्तं पितरोऽशपन् ॥ १५८॥</span>
</div>
</div>
</div>

<div class="verse" id="MBTN_C30_S01_V159" type="shloka" data-doc="MBTN">
<div class="verse-text">
<div class="shloka">
<span class="shloka-line">भव त्वं नकुलस्तावद् यावद् धर्मादिकान् सुरान् ।</span>
<span class="shloka-line">क्षेप्स्यसीति तमो घोरं भूयः पापेन यात्वयम् ।</span>
<span class="shloka-line">इत्यभिप्रेत्यः तैः शप्तस्तथा कृत्वा तमोऽभ्ययात् ॥ १५९॥</span>
</div>
</div>
</div>

<div class="verse" id="MBTN_C30_S01_V160" type="shloka" data-doc="MBTN">
<div class="verse-text">
<div class="shloka">
<span class="shloka-line">यद्यप्यल्पधनत्यक्तं वित्तं बहुफलं भवेत् ।</span>
<span class="shloka-line">तथाऽप्यनन्तफलदाः कर्तुरेव महागुणाः ॥ १६०॥</span>
</div>
</div>
</div>

<div class="verse" id="MBTN_C30_S01_V161" type="shloka" data-doc="MBTN">
<div class="verse-text">
<div class="shloka">
<span class="shloka-line">सतां प्रीतिश्च तत्रापि सद्वरो हरिरेव हि ।</span>
<span class="shloka-line">पार्थेभ्योऽभ्यधिकः कर्ता समो वा को गुणैर्भवेत् ॥ १६१॥</span>
</div>
</div>
</div>

<div class="verse" id="MBTN_C30_S01_V162" type="shloka" data-doc="MBTN">
<div class="verse-text">
<div class="shloka">
<span class="shloka-line">सतां च प्रवरो विष्णुः सद्भिर्मुनिवरैर्युतः ।</span>
<span class="shloka-line">प्रत्यक्षतः कारयति पार्थैः प्रियतमैश्च तैः ।</span>
<span class="shloka-line">यं मखप्रवरं तस्य समं किं शुभसाधनम्(शुभसाधनैः) ॥ १६२॥</span>
</div>
</div>
</div>

<div class="verse" id="MBTN_C30_S01_V163" type="shloka" data-doc="MBTN">
<div class="verse-text">
<div class="shloka">
<span class="shloka-line">पठन्ति पैङ्गिनश्चैतान् मन्त्रानन्वर्थकानिह ।</span>
<span class="shloka-line">अवैष्णवकृतं कर्म सर्वमन्तवदुच्यते ।</span>
<span class="shloka-line">अनन्तं वैष्णवकृतं तत्र वर्णक्रमात् परम् ॥ १६३॥</span>
</div>
</div>
</div>

<div class="verse" id="MBTN_C30_S01_V164" type="shloka" data-doc="MBTN">
<div class="verse-text">
<div class="shloka">
<span class="shloka-line">वैष्णवेष्वपि मर्त्यैर्यत् कृतं शतगुणं ततः ।</span>
<span class="shloka-line">गान्धर्वं कर्म तस्माच्च मुनिभिः पितृभिस्ततः ॥ १६४॥</span>
</div>
</div>
</div>

<div class="verse" id="MBTN_C30_S01_V165" type="shloka" data-doc="MBTN">
<div class="verse-text">
<div class="shloka">
<span class="shloka-line">देवशक्रशिवब्रह्मकृतं तस्मात् क्रमेण च ।</span>
<span class="shloka-line">शतोत्तरमिति ज्ञेयं नान्यद् ब्रह्मकृतोपमम् ॥ १६५॥</span>
</div>
</div>
</div>

<div class="verse" id="MBTN_C30_S01_V166" type="shloka" data-doc="MBTN">
<div class="verse-text">
<div class="shloka">
<span class="shloka-line">वैष्णवत्वं क्रमात् वृद्धं (क्रमोद्वृद्धं) ब्रह्मान्तं जीवराशिषु ।</span>
<span class="shloka-line">फलाधिक्यं कर्मणां हि विष्णोः प्रीत्यैव नान्यथा ॥ १६६॥</span>
</div>
</div>
</div>

<div class="verse" id="MBTN_C30_S01_V167" type="shloka" data-doc="MBTN">
<div class="verse-text">
<div class="shloka">
<span class="shloka-line">इति तेन न पार्थानां कर्मणाऽन्यत् समं क्‍वचित् ।</span>
<span class="shloka-line">गुणैर्ज्ञानादिभिर्वाऽपि तस्मात् क्रोधः स तामसः ।</span>
<span class="shloka-line">विनिन्द्य तान् सुसत्त्वस्थांस्तमोऽन्धमुपजग्मिवान् ॥ १६७॥</span>
</div>
</div>
</div>

<div class="verse" id="MBTN_C30_S01_V168" type="shloka" data-doc="MBTN">
<div class="verse-text">
<div class="shloka">
<span class="shloka-line">अथ पृष्टो वासुदेवः सुरविप्रादिसंसदि ।</span>
<span class="shloka-line">युधिष्ठिरेण संहृष्टो जगादाशेषतः प्रभुः ॥ १६८॥</span>
</div>
</div>
</div>

<div class="verse" id="MBTN_C30_S01_V169" type="shloka" data-doc="MBTN">
<div class="verse-text">
<div class="shloka">
<span class="shloka-line">ते च श्रुत्वाऽखिलान् धर्मान् भक्त्या परमया युताः ।</span>
<span class="shloka-line">पूजयन्तो जगन्नाथमापुश्च परमां मुदम् ॥ १६९॥</span>
</div>
</div>
</div>

<div class="gr-author-note">इति श्रीमदानन्दतीर्थभगवत्पादाचार्यविरचिते श्रीमहाभारततात्पर्यनिर्णये यागसमाप्तिर्नाम त्रिंशोऽध्यायः</div>

== एकत्रिंशोऽध्यायः ==
<span id="gr-C31-S1" class="gr-toc-anchor" data-level="2" data-title="सर्वशास्त्रतात्पर्यनिर्णयः"></span>
=== सर्वशास्त्रतात्पर्यनिर्णयः ===
<div class="adhyaya-block" data-doc="MBTN" data-chap="31" data-sec="1">
</div>
<div class="verse" id="MBTN_C31_S01_V01" type="shloka" data-doc="MBTN">
<div class="verse-text">
<div class="shloka">
<span class="shloka-line">ओं ॥ यज्ञेश्वरेणाभियुतेषु भक्त्या महीं प्रशासत्सु पृथासुतेषु ।</span>
<span class="shloka-line">यियक्षुरागान्निशि विप्रवर्यो युधिष्ठिरं वित्तमभीप्समानः ॥ १॥</span>
</div>
</div>
</div>

<div class="verse" id="MBTN_C31_S01_V02" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रातर्ददानीति नृपस्य वाक्यं निशम्य विप्रस्त्वरितो मखार्थे ।</span>
<span class="shloka-line">भीमं ययाचे स नृपोक्तमाशु निशम्य चादान्निजहस्तभूषणम् ॥ २॥</span>
</div>
</div>
</div>

<div class="verse" id="MBTN_C31_S01_V03" type="shloka" data-doc="MBTN">
<div class="verse-text">
<div class="shloka">
<span class="shloka-line">अनर्घमग्निप्रतिमं(अनर्घ्यमग्निप्रतिमं) विचित्ररत्नान्वितं(रत्नाञ्चितं) विप्रवरस्तदाप्य ।</span>
<span class="shloka-line">ययौ कृतार्थोऽथ च (नन्दिरावं)नन्दिघोषमकारयद् वायुसूनुस्तदैव ॥ ३॥</span>
</div>
</div>
</div>

<div class="verse" id="MBTN_C31_S01_V04" type="shloka" data-doc="MBTN">
<div class="verse-text">
<div class="shloka">
<span class="shloka-line">अकालजं तं तु निशम्य राजा पप्रच्छ दूतैस्तमुवाच भीमः ।</span>
<span class="shloka-line">यन्मर्त्यदेहोऽपि विनिश्चितायुरभून्नृपस्तेन ममाऽस हर्षः ॥ ४॥</span>
</div>
</div>
</div>

<div class="verse" id="MBTN_C31_S01_V05" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरितोऽसौ नृपतिस्त्वरेत धर्मार्थमित्यस्य मतं प्रपूजयन् ।</span>
<span class="shloka-line">जगाद साध्वित्यथ भूय एव धर्मे त्वरावानपि सम्बभूव ॥ ५॥</span>
</div>
</div>
</div>

<div class="verse" id="MBTN_C31_S01_V06" type="shloka" data-doc="MBTN">
<div class="verse-text">
<div class="shloka">
<span class="shloka-line">अथाम्बिकेयं विषयेषु सक्तं दुस्सङ्गदुष्टं कृतभूरिदोषम् ।</span>
<span class="shloka-line">समस्तराजाप्ययहेतुभूतं विचार्य (निचाय्य) तं मारुतिरन्वकम्पत ॥ ६॥</span>
</div>
</div>
</div>

<div class="verse" id="MBTN_C31_S01_V07" type="shloka" data-doc="MBTN">
<div class="verse-text">
<div class="shloka">
<span class="shloka-line">अकुर्वतस्तीक्ष्णतपः कुतश्चिन्नैवास्य(कुतश्चिन्नैव स्वलोकाप्ति)लोकाप्तिरमुष्य भूयात् ।</span>
<span class="shloka-line">रागाधिकोऽयं न तपश्च कुर्यादित्यस्य वैराग्यकराणि चक्रे ॥ ७॥</span>
</div>
</div>
</div>

<div class="verse" id="MBTN_C31_S01_V08" type="shloka" data-doc="MBTN">
<div class="verse-text">
<div class="shloka">
<span class="shloka-line">आज्ञां परैरस्य निहन्ति सोदरैर्वधूजनैरप्यतिपूजितेऽस्मिन् ।</span>
<span class="shloka-line">स निष्टनत्येवमपीतरैः स्वैः सुपूजितो(सम्पूजितो) नाऽस तदा विरागः ॥ ८॥</span>
</div>
</div>
</div>

<div class="verse" id="MBTN_C31_S01_V09" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वे हि पार्थास्तमृते सभार्या वैचित्रवीर्यं परमादरेण ।</span>
<span class="shloka-line">पर्येव चक्रुः सततं सभार्यं कृष्णा च न स्यात् तनयार्तिमानिति ॥ ९॥</span>
</div>
</div>
</div>

<div class="verse" id="MBTN_C31_S01_V10" type="shloka" data-doc="MBTN">
<div class="verse-text">
<div class="shloka">
<span class="shloka-line">स प्रीयमाणो नितरां च तेषु नैवाधिकं प्रीयते भीमसेने ।</span>
<span class="shloka-line">स्मरन् सुतांस्तेन हतान् समस्तानपि प्रभावं परमस्य जानन् ॥ १०॥</span>
</div>
</div>
</div>

<div class="verse" id="MBTN_C31_S01_V11" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्यापनेतुं विषयेषु सक्तिं द्वेषं तथैवाऽत्मनि भीमसेनः ।</span>
<span class="shloka-line">जगाद माद्रीसुतयोः समक्षमास्फोट्य संशृण्वत एव तस्य ॥ ११॥</span>
</div>
</div>
</div>

<div class="verse" id="MBTN_C31_S01_V12" type="shloka" data-doc="MBTN">
<div class="verse-text">
<div class="shloka">
<span class="shloka-line">ताविमौ मे भुजौ वृत्तौ पीनौ चन्दनरूषितौ ।</span>
<span class="shloka-line">ययोरन्तरमासाद्य जरढस्य सुता हताः ॥ १२॥</span>
</div>
</div>
</div>

<div class="verse" id="MBTN_C31_S01_V13" type="shloka" data-doc="MBTN">
<div class="verse-text">
<div class="shloka">
<span class="shloka-line">यमौ तदन्वमोदेतां तत्स्नेहाद् गौरवादपि ।</span>
<span class="shloka-line">नैव तत् कृष्णया ज्ञातं पृथया च सपुत्रया ॥ १३॥</span>
</div>
</div>
</div>

<div class="verse" id="MBTN_C31_S01_V14" type="shloka" data-doc="MBTN">
<div class="verse-text">
<div class="shloka">
<span class="shloka-line">तच्छ्रुत्वोत्पन्ननिर्वेदं क्षत्ता ज्येष्ठस्य वर्द्धयन् ।</span>
<span class="shloka-line">उवाच जीविताशा ते ननु राजन् गरीयसी (महीयसी) ॥ १४॥</span>
</div>
</div>
</div>

<div class="verse" id="MBTN_C31_S01_V15" type="shloka" data-doc="MBTN">
<div class="verse-text">
<div class="shloka">
<span class="shloka-line">अहो महीयसी(गरीयसी) जन्तोर्जीविताशा यथा(यया) भवान्।</span>
<span class="shloka-line">भीमापवर्जितं पिण्डमादत्से गृहपालवत् ॥ १५॥</span>
</div>
</div>
</div>

<div class="verse" id="MBTN_C31_S01_V16" type="shloka" data-doc="MBTN">
<div class="verse-text">
<div class="shloka">
<span class="shloka-line">नचापराधो भीमस्य ब्रुवतस्त्वामिदं वचः ।</span>
<span class="shloka-line">अग्निर्निसृष्टो दत्तश्च गरो दाराश्च दूषिताः ।</span>
<span class="shloka-line">हृतं क्षेत्रं धनं यस्य किं भीमेन कृतं त्वयि ॥ १६॥</span>
</div>
</div>
</div>

<div class="verse" id="MBTN_C31_S01_V17" type="shloka" data-doc="MBTN">
<div class="verse-text">
<div class="shloka">
<span class="shloka-line">अलमासज्जतस्तेऽद्य निर्वेदकरमीरितम् ।</span>
<span class="shloka-line">उपकाराय भीमेन तव द्वेषं त्यजात्र तत् ॥ १७॥</span>
</div>
</div>
</div>

<div class="verse" id="MBTN_C31_S01_V18" type="shloka" data-doc="MBTN">
<div class="verse-text">
<div class="shloka">
<span class="shloka-line">विमुच्य द्वेषकामौ त्वं वने तीर्थनिषेवकः ।</span>
<span class="shloka-line">तपसाऽऽराधय हरिं ततः पूतो भविष्यसि ॥ १८॥</span>
</div>
</div>
</div>

<div class="verse" id="MBTN_C31_S01_V19" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तो द्वेषमुत्सृज्य भीमे निर्वेदमागतः ।</span>
<span class="shloka-line">अनुज्ञां तपसे प्राप्तुमुपवासपरोऽभवत् ॥ १९॥</span>
</div>
</div>
</div>

<div class="verse" id="MBTN_C31_S01_V20" type="shloka" data-doc="MBTN">
<div class="verse-text">
<div class="shloka">
<span class="shloka-line">अनश्नन्तं चतुर्थेऽह्नि धृतराष्ट्रं युधिष्ठिरः ।</span>
<span class="shloka-line">ज्ञात्वा सम्प्रार्थयामास भोजनार्थं पुनःपुनः ॥ २०॥</span>
</div>
</div>
</div>

<div class="verse" id="MBTN_C31_S01_V21" type="shloka" data-doc="MBTN">
<div class="verse-text">
<div class="shloka">
<span class="shloka-line">अनुज्ञां वनवासाय त्वत्तः प्राप्यैव सर्वथा ।</span>
<span class="shloka-line">भोक्ष्येऽन्यथा नेति वदन् धृतराष्ट्रः श्रमान्वितः ।</span>
<span class="shloka-line">उपवासकृशो भार्यां शिश्रिये मूर्च्छितः क्षणात् ॥ २१॥</span>
</div>
</div>
</div>

<div class="verse" id="MBTN_C31_S01_V22" type="shloka" data-doc="MBTN">
<div class="verse-text">
<div class="shloka">
<span class="shloka-line">शन्तमेन(श्रान्तमेनं) करेणाथ धर्मजस्तं मृदु स्पृशन् ।</span>
<span class="shloka-line">शनैः सञ्ज्ञामगमयदब्रवीच्च सुदुःखितः ॥ २२॥</span>
</div>
</div>
</div>

<div class="verse" id="MBTN_C31_S01_V23" type="shloka" data-doc="MBTN">
<div class="verse-text">
<div class="shloka">
<span class="shloka-line">पुरस्कृत्य युयुत्सुं त्वं कुरु राज्यमकण्टकम् ।</span>
<span class="shloka-line">वयमेव त्वदर्थाय कुर्मः सर्वे तपो वने ॥ २३॥</span>
</div>
</div>
</div>

<div class="verse" id="MBTN_C31_S01_V24" type="shloka" data-doc="MBTN">
<div class="verse-text">
<div class="shloka">
<span class="shloka-line">नेत्याह धृतराष्ट्रस्तं कुलधर्मो हि नो वने ।</span>
<span class="shloka-line">अन्ते देहपरित्यागस्तन्माऽनुज्ञातुमर्हसि ॥ २४॥</span>
</div>
</div>
</div>

<div class="verse" id="MBTN_C31_S01_V25" type="shloka" data-doc="MBTN">
<div class="verse-text">
<div class="shloka">
<span class="shloka-line">तयोर्विवदतोरेवं कृष्णद्वैपायनः प्रभुः ।</span>
<span class="shloka-line">सर्वज्ञः सर्वकर्तेश आविर्भूतोऽब्रवीन्नृपम् ॥ २५॥</span>
</div>
</div>
</div>

<div class="verse" id="MBTN_C31_S01_V26" type="shloka" data-doc="MBTN">
<div class="verse-text">
<div class="shloka">
<span class="shloka-line">तपसाऽशेषदोषाणां क्षयकाममिमं नृपम् ।</span>
<span class="shloka-line">अनुजानीहि नैवास्य धर्मविघ्नकरो भव ॥ २६॥</span>
</div>
</div>
</div>

<div class="verse" id="MBTN_C31_S01_V27" type="shloka" data-doc="MBTN">
<div class="verse-text">
<div class="shloka">
<span class="shloka-line">काले निर्वेदमापन्नस्तपसा दग्धकिल्बिषः ।</span>
<span class="shloka-line">शुभ्रां गतिमयं यायादन्यथा न कथञ्चन ॥ २७॥</span>
</div>
</div>
</div>

<div class="verse" id="MBTN_C31_S01_V28" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तो धर्मराजस्तमनुजज्ञे स चाशितः ।</span>
<span class="shloka-line">शिक्षयामास सद्धर्मान् नीतिं च विदुषेऽप्यलम् ।</span>
<span class="shloka-line">केवलस्नेहतो(केवलं स्नेहतो) राज्ञे शुश्राव विनयात् स च ॥ २८॥</span>
</div>
</div>
</div>

<div class="verse" id="MBTN_C31_S01_V29" type="shloka" data-doc="MBTN">
<div class="verse-text">
<div class="shloka">
<span class="shloka-line">अनुज्ञाय गृहं प्राप्ते धर्मजे विदुरं पुनः ।</span>
<span class="shloka-line">श्राद्धाय वित्तमाकाङ्क्षन् प्रेषयामास तद्वचः ॥ २९॥</span>
</div>
</div>
</div>

<div class="verse" id="MBTN_C31_S01_V30" type="shloka" data-doc="MBTN">
<div class="verse-text">
<div class="shloka">
<span class="shloka-line">श्रुत्वा युधिष्ठिरो भीममाह दातव्यमद्य नः ।</span>
<span class="shloka-line">पुत्रपौत्राप्तबन्धूनां श्राद्धेच्छोर्वित्तमञ्जसा ॥ ३०॥</span>
</div>
</div>
</div>

<div class="verse" id="MBTN_C31_S01_V31" type="shloka" data-doc="MBTN">
<div class="verse-text">
<div class="shloka">
<span class="shloka-line">तमाह भीमः पापानां विमुखानां मधुद्विषः ।</span>
<span class="shloka-line">पारलौकिकसाहाय्यं न कार्यमितरार्थतः ।</span>
<span class="shloka-line">दत्तेनापि हि वित्तेन पुत्रश्राद्धं करिष्यति ॥ ३१॥</span>
</div>
</div>
</div>

<div class="verse" id="MBTN_C31_S01_V32" type="shloka" data-doc="MBTN">
<div class="verse-text">
<div class="shloka">
<span class="shloka-line">तज्ज्ञात्वा ददतां दोषो भवेदिति विचिन्तयन् ।</span>
<span class="shloka-line">कष्टात् कष्टतरं यान्तु सर्वे दुर्योधनादयः ॥ ३२॥</span>
</div>
</div>
</div>

<div class="verse" id="MBTN_C31_S01_V33" type="shloka" data-doc="MBTN">
<div class="verse-text">
<div class="shloka">
<span class="shloka-line">भीष्मादीनां वयं श्राद्धकर्तारस्तेन किं ततः ।</span>
<span class="shloka-line">कानीनत्वात्तु कर्णस्य सहास्माभिः पृथैव हि ।</span>
<span class="shloka-line">श्राद्धकर्मण्यधिकृता किं तस्मै दीयते धनम् ॥ ३३॥</span>
</div>
</div>
</div>

<div class="verse" id="MBTN_C31_S01_V34" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तवन्तं नृपतिरर्जुनश्चोचतुः पुनः ।</span>
<span class="shloka-line">यियासोर्याचमानाय निजबाहुबलार्जितम् ।</span>
<span class="shloka-line">देहि वित्तं परमतः किं त्वामेषोऽभियाचते ॥ ३४॥</span>
</div>
</div>
</div>

<div class="verse" id="MBTN_C31_S01_V35" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तमपि नेत्येव ब्रुवाणं शुद्धधार्मिकम् ।</span>
<span class="shloka-line">अप्रीत्या जोषमास्वेति प्रोच्योवाच युधिष्ठिरः ॥ ३५॥</span>
</div>
</div>
</div>

<div class="verse" id="MBTN_C31_S01_V36" type="shloka" data-doc="MBTN">
<div class="verse-text">
<div class="shloka">
<span class="shloka-line">कोशतो यद् बहिर्वित्तं दानभोगादिकारणम् ।</span>
<span class="shloka-line">मम सन्निहितं सर्वं तत् पित्रे चार्पितं (पित्रेऽद्यार्पितं) मया ॥ ३६॥</span>
</div>
</div>
</div>

<div class="verse" id="MBTN_C31_S01_V37" type="shloka" data-doc="MBTN">
<div class="verse-text">
<div class="shloka">
<span class="shloka-line">एवमेवार्जुनोऽप्याह विदुरं पुनरूचतुः ।</span>
<span class="shloka-line">मुख्यधर्मरते भीमे न पिता क्रोद्धुमर्हति  ॥ ३७॥</span>
</div>
</div>
</div>

<div class="verse" id="MBTN_C31_S01_V38" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तो वित्तमादाय गत्वा क्षत्ताऽग्रजेऽब्रवीत्।</span>
<span class="shloka-line">युधिष्ठिरार्जुनौ भक्तिं नितरां त्वयि चक्रतुः ॥ ३८॥</span>
</div>
</div>
</div>

<div class="verse" id="MBTN_C31_S01_V39" type="shloka" data-doc="MBTN">
<div class="verse-text">
<div class="shloka">
<span class="shloka-line">नातिहृष्टस्त्वदाज्ञायां भीमस्तन्मा क्रुधोऽत्र च।</span>
<span class="shloka-line">शुद्धे क्षत्रियधर्मे हि(शुद्धक्षत्रियधर्मेषु) नितरोऽयं वृकोदरः ॥ ३९॥</span>
</div>
</div>
</div>

<div class="verse" id="MBTN_C31_S01_V40" type="shloka" data-doc="MBTN">
<div class="verse-text">
<div class="shloka">
<span class="shloka-line">नृपार्जुनौ धर्मरतावपि लोककृपापरौ।</span>
<span class="shloka-line">अजातकोपस्तच्छ्रुत्वा धृतराष्ट्रः प्रशान्तधीः ॥ ४०॥</span>
</div>
</div>
</div>

<div class="verse" id="MBTN_C31_S01_V41" type="shloka" data-doc="MBTN">
<div class="verse-text">
<div class="shloka">
<span class="shloka-line">कृत्वा श्राद्धानि सर्वेषां महादानान्यनारतम् ।</span>
<span class="shloka-line">दशरात्रं ददौ शुद्धमनसा निर्ऋणत्वधीः ॥ ४१ ॥</span>
</div>
</div>
</div>

<div class="verse" id="MBTN_C31_S01_V42" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वं समर्प्य गोविन्दे पार्थेभ्योऽन्येभ्य एव च ।</span>
<span class="shloka-line">स्वजनेभ्यः समादाय स्रवन्नेत्रेभ्य उच्चधीः ।</span>
<span class="shloka-line">अनुज्ञां निर्गतः प्राह पौरजानपदान् नृपः ॥ ४२॥</span>
</div>
</div>
</div>

<div class="verse" id="MBTN_C31_S01_V43" type="shloka" data-doc="MBTN">
<div class="verse-text">
<div class="shloka">
<span class="shloka-line">धर्मतो रक्षिता यूयमस्मत्पूर्वैर्महात्मभिः ।</span>
<span class="shloka-line">नचाहं परमस्नेहाद् युष्माभिः सुकृपालुभिः ।</span>
<span class="shloka-line">अरक्षितेति कथितः प्रमादादपि सज्जनाः ॥ ४३॥</span>
</div>
</div>
</div>

<div class="verse" id="MBTN_C31_S01_V44" type="shloka" data-doc="MBTN">
<div class="verse-text">
<div class="shloka">
<span class="shloka-line">इष्टं च यज्ञैः पूर्तैश्च चरितं युष्मदाश्रयात् ।</span>
<span class="shloka-line">पुत्रस्तु मम पापात्मा सर्वक्षत्रविनाशकः ।</span>
<span class="shloka-line">सर्वातिशङ्की मूढश्च वृद्धानां शासनातिगः ॥ ४४॥</span>
</div>
</div>
</div>

<div class="verse" id="MBTN_C31_S01_V45" type="shloka" data-doc="MBTN">
<div class="verse-text">
<div class="shloka">
<span class="shloka-line">सौभ्रात्रं येन सन्त्यज्य पाण्डवेषु महात्मसु ।</span>
<span class="shloka-line">कृतं विरूपं सुमहत् कुर्याद् यन्नापरः क्‍वचित् ॥ ४५॥</span>
</div>
</div>
</div>

<div class="verse" id="MBTN_C31_S01_V46" type="shloka" data-doc="MBTN">
<div class="verse-text">
<div class="shloka">
<span class="shloka-line">अप्रियाणि च कृष्णस्य सुबहून्याचरत् कुधीः ।</span>
<span class="shloka-line">प्रायस्तेनापि मन्देन न युष्मास्वप्यप्रियं(युष्मास्वप्यशिवं,न युष्मास्वशिवं,न युष्मासु शिवं) कृतम् ॥ ४६॥</span>
</div>
</div>
</div>

<div class="verse" id="MBTN_C31_S01_V47" type="shloka" data-doc="MBTN">
<div class="verse-text">
<div class="shloka">
<span class="shloka-line">भ्रातरोऽस्य च सर्वेऽपि तच्छीलमनुवर्तिनः ।</span>
<span class="shloka-line">हताश्च स्वेन पापेन ससुतामात्यबान्धवाः ॥ ४7॥</span>
</div>
</div>
</div>

<div class="verse" id="MBTN_C31_S01_V48" type="shloka" data-doc="MBTN">
<div class="verse-text">
<div class="shloka">
<span class="shloka-line">सोऽहं वयोगतश्चैव पुत्राधिभिरभिप्लुतः(पुत्रादिभिरभिप्लुतः) ।</span>
<span class="shloka-line">तत्सम्बन्धकृतं(तत्सम्बन्धात्कृतं) पापं स्वकृतं चाप्यपेशलम्(चात्यपेशलम्) ।</span>
<span class="shloka-line">पाण्डवेषु सकृष्णेषु तपसा मार्ष्टुमुद्यतः ॥ ४८॥</span>
</div>
</div>
</div>

<div class="verse" id="MBTN_C31_S01_V49" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्र मामनुजानीध्वं कृपया मित्रवत्सलाः ।</span>
<span class="shloka-line">मत्प्रियार्थमपि स्नेहः पाण्डवेषु महात्मसु ॥ ४९॥</span>
</div>
</div>
</div>

<div class="verse" id="MBTN_C31_S01_V50" type="shloka" data-doc="MBTN">
<div class="verse-text">
<div class="shloka">
<span class="shloka-line">क्रियमाणोऽपि कर्तव्यो भूय एव सदाऽचलः ।</span>
<span class="shloka-line">ते हि मे पुत्रकाः सन्त इहामुत्र च सौख्यदाः ॥ ५०॥</span>
</div>
</div>
</div>

<div class="verse" id="MBTN_C31_S01_V51" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्तैः स्वगुणानुच्चैः कीर्तयद्भिः सुदुःखितैः ।</span>
<span class="shloka-line">पर्यश्रुनयनैः कृच्छ्रात् पौरजानपदैश्चिरात् ।</span>
<span class="shloka-line">अनुज्ञातो ययौ पार्थैरनुयातः सुदूरतः ॥ ५१॥</span>
</div>
</div>
</div>

<div class="verse" id="MBTN_C31_S01_V52" type="shloka" data-doc="MBTN">
<div class="verse-text">
<div class="shloka">
<span class="shloka-line">सञ्जयो विदुरश्चैनं सभार्यमनुजग्मतुः ।</span>
<span class="shloka-line">अनुवव्राज तं कुन्ती वनाय कृतनिश्चया ॥ ५२॥</span>
</div>
</div>
</div>

<div class="verse" id="MBTN_C31_S01_V53" type="shloka" data-doc="MBTN">
<div class="verse-text">
<div class="shloka">
<span class="shloka-line">वार्यमाणाऽपि तनयैः सभार्यैर्भृशदुःखितैः ।</span>
<span class="shloka-line">संस्थाप्य तान् सुकृच्छ्रेण ययौ साऽन्वेव तं नृपम् ॥ ५३॥</span>
</div>
</div>
</div>

<div class="verse" id="MBTN_C31_S01_V54" type="shloka" data-doc="MBTN">
<div class="verse-text">
<div class="shloka">
<span class="shloka-line">संन्दर्शितपथो राजा कुन्तीविदुरसञ्जयैः ।</span>
<span class="shloka-line">गान्धारीसहितः प्राप कुरुक्षेत्रं जगद्गुरोः ।</span>
<span class="shloka-line">क्रमेणैवाऽश्रमं व्यासदेवस्य सुरपूजितम् ॥ ५४॥</span>
</div>
</div>
</div>

<div class="verse" id="MBTN_C31_S01_V55" type="shloka" data-doc="MBTN">
<div class="verse-text">
<div class="shloka">
<span class="shloka-line">त्रिवत्सरेणास्य (त्रिवत्सरादस्य) निजस्य लोकस्याऽप्तिं सभार्यस्य जगाद तत्र ।</span>
<span class="shloka-line">ब्रह्माङ्कजस्तेन भृशं प्रतीतो व्यासोपदिष्टं व्यचरत् तपोऽग्र्यम् ॥ ५५॥</span>
</div>
</div>
</div>

<div class="verse" id="MBTN_C31_S01_V56" type="shloka" data-doc="MBTN">
<div class="verse-text">
<div class="shloka">
<span class="shloka-line">सक्षत्तृगान्धारिपृथे ससञ्जये तपोभिराराधयति प्रभुं हरिम् ।</span>
<span class="shloka-line">वैचित्रवीर्येऽत्र सदारबन्धुभृत्यास्तु पार्था दृशये समाययुः ॥ ५६॥</span>
</div>
</div>
</div>

<div class="verse" id="MBTN_C31_S01_V57" type="shloka" data-doc="MBTN">
<div class="verse-text">
<div class="shloka">
<span class="shloka-line">क्षत्तैकतामत्र युधिष्ठिरेण प्राप्तोऽथ भार्यासहितं ससञ्जयम् ।</span>
<span class="shloka-line">उपासमानेषु विचित्रवीर्यपुत्रं पृथां चैव पृथासुतेषु ॥ ५७॥</span>
</div>
</div>
</div>

<div class="verse" id="MBTN_C31_S01_V58" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रादुर्बभूवामितशक्ति(प्रादुर्बभूवामृतशक्ति)तेजोज्ञानाद्भुतैश्वर्यसुखादिरूपः ।</span>
<span class="shloka-line">व्यासो हरिस्तत्र समीक्ष्य सर्वे सम्पूजयामासुरुदग्र्यभक्त्या(सम्पूजयामासुरुदग्रभक्त्या) ॥ ५८॥</span>
</div>
</div>
</div>

<div class="verse" id="MBTN_C31_S01_V59" type="shloka" data-doc="MBTN">
<div class="verse-text">
<div class="shloka">
<span class="shloka-line">तैः पूजितस्तत्र निषण्ण आह यद्यद् यदिष्टं प्रवदन्तु तत्तत् ।</span>
<span class="shloka-line">दास्यामि तस्याद्य तदित्यमुष्मिन् भक्त्युच्छ्रयः पाण्डुसुतैः सदारैः ।</span>
<span class="shloka-line">वृतोऽत्र कुन्ती रविसूनुजन्ममृत्यूत्थदोषापगमं ययाचे ॥ ५९॥</span>
</div>
</div>
</div>

<div class="verse" id="MBTN_C31_S01_V60" type="shloka" data-doc="MBTN">
<div class="verse-text">
<div class="shloka">
<span class="shloka-line">तेषां प्रदत्तेष्वभिवाञ्छितेषु वैचित्रवीर्यः सह भार्ययैव ।</span>
<span class="shloka-line">सम्मन्त्र्य निःशेषरणेहतानां सन्दर्शनं प्रार्थितवांस्तमीशम् ॥ ६०॥</span>
</div>
</div>
</div>

<div class="verse" id="MBTN_C31_S01_V61" type="shloka" data-doc="MBTN">
<div class="verse-text">
<div class="shloka">
<span class="shloka-line">ततस्तु ते सत्यवतीसुतस्य सर्वेश्वरस्याऽज्ञया सर्व एव ।</span>
<span class="shloka-line">समागताः स्वर्गलोकात् क्षणेन दत्ता च दिव्या दृगमुष्य राज्ञः ॥ ६१॥</span>
</div>
</div>
</div>

<div class="verse" id="MBTN_C31_S01_V62" type="shloka" data-doc="MBTN">
<div class="verse-text">
<div class="shloka">
<span class="shloka-line">ऊषुश्च रात्रिं परमाज्ञयैव सर्वे स्वभार्यासहिता(सर्वेऽपि भार्यासहिता) यथा पुरा ।</span>
<span class="shloka-line">तृप्तः(तृप्ताः) सदारो नृपतिश्च तत्र सर्वेऽपि दृष्ट्वा महदद्भुतं(परमाद्भुतं) तत् ॥ ६२॥</span>
</div>
</div>
</div>

<div class="verse" id="MBTN_C31_S01_V63" type="shloka" data-doc="MBTN">
<div class="verse-text">
<div class="shloka">
<span class="shloka-line">अथाऽज्ञयैवास्य परस्य सर्वाः स्त्रियो निजेशैः सहिता ययुः स्वः (स्वम्) ।</span>
<span class="shloka-line">विनोत्तरां तां तु कथां निशम्य पारीक्षितोऽयाचत तातदृष्टिम् ॥ ६३॥</span>
</div>
</div>
</div>

<div class="verse" id="MBTN_C31_S01_V64" type="shloka" data-doc="MBTN">
<div class="verse-text">
<div class="shloka">
<span class="shloka-line">तं चाऽनयामास तदैव कृष्णो ह्यचिन्त्यशक्तिः स विकुण्ठलोकात् ।</span>
<span class="shloka-line">दृष्ट्वा स पारीक्षित आप तुष्टिं स्वतातमीशेन समाहृतं पुनः ॥ ६४॥</span>
</div>
</div>
</div>

<div class="verse" id="MBTN_C31_S01_V65" type="shloka" data-doc="MBTN">
<div class="verse-text">
<div class="shloka">
<span class="shloka-line">सम्पूज्य तं कृष्णमपीशवन्द्यं क्षमापयामास परीक्षिदात्मजः ।</span>
<span class="shloka-line">चक्रे च विस्रम्भमतीव भारते पुनश्च तत्रस्थजनैः(तत्रत्यजनैः) समेतः ॥ ६५॥</span>
</div>
</div>
</div>

<div class="verse" id="MBTN_C31_S01_V66" type="shloka" data-doc="MBTN">
<div class="verse-text">
<div class="shloka">
<span class="shloka-line">पार्थाः पुनः प्राप्य पुरं स्वकीयं धर्मेण पृथ्वीं परिपालयन्तः ।</span>
<span class="shloka-line">भोगानरागा अजुषन्त(भोगानारागादषुजन्त) योग्यान् युक्ता जगद्धातरि वासुदेवे ॥ ६६॥</span>
</div>
</div>
</div>

<div class="verse" id="MBTN_C31_S01_V67" type="shloka" data-doc="MBTN">
<div class="verse-text">
<div class="shloka">
<span class="shloka-line">वर्षत्रयान्ते त्मसमाहिताग्निं (त्यक्त्वाऽग्निभिः)त्यक्ताग्निभिस्तैर्वनमालिहद्भिः ।</span>
<span class="shloka-line">ते शुश्रुवुर्धृतराष्ट्रं सभार्यं सहैव कुन्त्या परिदग्धदेहम् ॥ ६७॥</span>
</div>
</div>
</div>

<div class="verse" id="MBTN_C31_S01_V68" type="shloka" data-doc="MBTN">
<div class="verse-text">
<div class="shloka">
<span class="shloka-line">वीटामुखं(व्रीळामुखा,व्रीडामुखं, व्रीडामुखान्) ध्यानपरा निशम्य स्वर्यातमात्मीयपितृव्यमाशु ।</span>
<span class="shloka-line">समेत्य भर्त्रा प्रतिपूज्यमानां कुन्तीं च तप्ता विदधुः क्रियाश्च ॥ ६८॥</span>
</div>
</div>
</div>

<div class="verse" id="MBTN_C31_S01_V69" type="shloka" data-doc="MBTN">
<div class="verse-text">
<div class="shloka">
<span class="shloka-line">ते विष्णुभक्त्या परिपूतकर्मभिर्ज्ञानेन चान्ते तमनुस्मरन्तः ।</span>
<span class="shloka-line">पार्थैः सुपुत्रैः (कुकृतौर्ध्वकर्मभिः)सुकृतोर्ध्वकर्मभिर्वृद्धिं सुखस्याऽपुरनप्ययां(अनव्ययाम्) शुभाः(शुभाम्) ॥ ६९॥</span>
</div>
</div>
</div>

<div class="verse" id="MBTN_C31_S01_V70" type="shloka" data-doc="MBTN">
<div class="verse-text">
<div class="shloka">
<span class="shloka-line">(गावल्गणिः)गावद्गणिर्व्याससकाशमेत्य शुश्रूषया तस्य पुनर्निजां गतिम् ।</span>
<span class="shloka-line">प्रपेदिवान् पाण्डुसुताश्च कृष्णं प्रतीक्षमाणाः पृथिवीमशासन् ॥ ७०॥</span>
</div>
</div>
</div>

<div class="verse" id="MBTN_C31_S01_V71" type="shloka" data-doc="MBTN">
<div class="verse-text">
<div class="shloka">
<span class="shloka-line">अष्टादशाब्दाः पृथिवीं समस्तां प्रशासतामेवमगुर्महात्मनाम् ।</span>
<span class="shloka-line">अरिक्तधर्मार्थसुखोत्तमानामनुज्झितानन्तपदस्मृतीनाम् ॥ ७१॥</span>
</div>
</div>
</div>

<div class="gr-author-note">{इति श्रीमदानन्दतीर्थभगवत्पादाचार्यविरचिते श्रीमहाभारततात्पर्यनिर्णये पाण्डवराज्यपालनं(धृतराष्ट्रादिस्वर्गप्राप्तिः,धृतराष्ट्रस्वर्गारोहणं) नाम एकत्रिंशोऽध्यायः</div>

== द्वात्रिंशोऽध्यायः ==
<span id="gr-C32-S1" class="gr-toc-anchor" data-level="2" data-title="सर्वशास्त्रतात्पर्यनिर्णयः"></span>
=== सर्वशास्त्रतात्पर्यनिर्णयः ===
<div class="adhyaya-block" data-doc="MBTN" data-chap="32" data-sec="1">
</div>
<div class="verse" id="MBTN_C32_S01_V01" type="shloka" data-doc="MBTN">
<div class="verse-text">
<div class="shloka">
<span class="shloka-line">OM ॥ ततः कुरुक्षेत्रमवाप्य कृष्णो दीक्षां प्रपेदे द्विषडब्दसत्रे ।</span>
<span class="shloka-line">स एव च व्यासभृगूद्वहात्मा चक्रेऽत्र सादस्यमजोऽप्रमेयः ॥ १॥</span>
</div>
</div>
</div>

<div class="verse" id="MBTN_C32_S01_V02" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्रर्त्विजो दक्षभृगुप्रधानाः पार्था यदूनां प्रवरैः समेताः ।</span>
<span class="shloka-line">ब्रह्मेशशक्रप्रमुखाः सुराश्च चक्रुः सुसाचिव्यमनन्तदासाः ॥ २॥</span>
</div>
</div>
</div>

<div class="verse" id="MBTN_C32_S01_V03" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वे च जीवा वसुधातलस्था येऽन्येऽन्तरिक्षद्युमुखोत्तरेषु ।</span>
<span class="shloka-line">वसन्ति नारायणपादसंश्रयास्ते चात्र सर्वे मुमुदुः सनागाः ॥ ३॥</span>
</div>
</div>
</div>

<div class="verse" id="MBTN_C32_S01_V04" type="shloka" data-doc="MBTN">
<div class="verse-text">
<div class="shloka">
<span class="shloka-line">सुनिर्णयस्तत्त्वविनिर्णयार्थिनां तत्त्वस्य चाभूदिह वादशीलिनाम् ।</span>
<span class="shloka-line">मिथो विवादात् सुरभूसुराणां वाक्याद्धरेर्व्यासभृगूद्वहात्मनः ॥ ४॥</span>
</div>
</div>
</div>

<div class="verse" id="MBTN_C32_S01_V05" type="shloka" data-doc="MBTN">
<div class="verse-text">
<div class="shloka">
<span class="shloka-line">धर्मार्थकामानखिलानवापुस्तदर्थिनो मुक्तिमपीह कृष्णात् ।</span>
<span class="shloka-line">यथेष्टपानाशनवाससो जना विचेरुरत्रा(विरेजुरत्रा)मरमानवादयः ॥ ५॥</span>
</div>
</div>
</div>

<div class="verse" id="MBTN_C32_S01_V06" type="shloka" data-doc="MBTN">
<div class="verse-text">
<div class="shloka">
<span class="shloka-line">क्षेत्रं तदासीद्धरिलोकसम्मितं(तदाऽसीद्धरिलोकसम्मितं) यदीयुरत्राखिलसज्जना युतिम् ।</span>
<span class="shloka-line">नानाप्तकामाश्च ततो बभूवुर्निर्यत्नदृश्यश्च यतोऽत्र केशवः ॥ ६॥</span>
</div>
</div>
</div>

<div class="verse" id="MBTN_C32_S01_V07" type="shloka" data-doc="MBTN">
<div class="verse-text">
<div class="shloka">
<span class="shloka-line">द्वादशाब्दं महासत्रमेवमेतादृशं हरिः ।</span>
<span class="shloka-line">समाप्यावभृथस्नातः पूजयित्वाऽखिलान् जनान् ॥ ७॥</span>
</div>
</div>
</div>

<div class="verse" id="MBTN_C32_S01_V08" type="shloka" data-doc="MBTN">
<div class="verse-text">
<div class="shloka">
<span class="shloka-line">अनुजज्ञे क्रमेणैव वत्सरेण समागतान् ।</span>
<span class="shloka-line">स्वकुलं सञ्जिहीर्षुः(सञ्जहीर्षुः) स विप्रशापमजीजनत् ॥ ८॥</span>
</div>
</div>
</div>

<div class="verse" id="MBTN_C32_S01_V09" type="shloka" data-doc="MBTN">
<div class="verse-text">
<div class="shloka">
<span class="shloka-line">उपदिश्य परं ज्ञानमुद्धवायामुमाश्रमम् ।</span>
<span class="shloka-line">बदर्याख्यं प्रापयित्वा सप्तमाब्दं शतोत्तरम् ।</span>
<span class="shloka-line">प्रतीक्षन् पालयामास पार्थैः सह भुवं प्रभुः ॥ ९॥</span>
</div>
</div>
</div>

<div class="verse" id="MBTN_C32_S01_V10" type="shloka" data-doc="MBTN">
<div class="verse-text">
<div class="shloka">
<span class="shloka-line">समारब्धं कलियुगं यदा दुर्योधनोऽपतत् ।</span>
<span class="shloka-line">षट्‍त्रिंशाब्दं पुनः कृष्णः कृतमेवान्ववर्तयत् ॥ १०॥</span>
</div>
</div>
</div>

<div class="verse" id="MBTN_C32_S01_V11" type="shloka" data-doc="MBTN">
<div class="verse-text">
<div class="shloka">
<span class="shloka-line">कृतादपि विशेषोऽयं यत् पुण्यस्याधिकं फलम् ।</span>
<span class="shloka-line">अल्पमेव च पापस्य कालात् कृष्णाज्ञया तथा ॥ ११॥</span>
</div>
</div>
</div>

<div class="verse" id="MBTN_C32_S01_V12" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं सुधार्मिके लोके हरिभक्तिपरायणे ।</span>
<span class="shloka-line">नष्टेषु कलिलिङ्गेषु युगवृत्तिमभीप्सवः ॥ १२॥</span>
</div>
</div>
</div>

<div class="verse" id="MBTN_C32_S01_V13" type="shloka" data-doc="MBTN">
<div class="verse-text">
<div class="shloka">
<span class="shloka-line">ब्रह्मरुद्रादयो देवाः स्तुत्वा केशवमव्ययम् ।</span>
<span class="shloka-line">व्यज्ञापयन् स्वलोकाप्तिमोमित्याह स चाच्युतः ॥ १३॥</span>
</div>
</div>
</div>

<div class="verse" id="MBTN_C32_S01_V14" type="shloka" data-doc="MBTN">
<div class="verse-text">
<div class="shloka">
<span class="shloka-line">प्राचुर्ये सज्जनस्य स्यान्न कलेर्वृद्धिरञ्जसा ।</span>
<span class="shloka-line">इति स्वकुलसंहृत्यै प्रभासमनयत् प्रभुः ॥ १४॥</span>
</div>
</div>
</div>

<div class="verse" id="MBTN_C32_S01_V15" type="shloka" data-doc="MBTN">
<div class="verse-text">
<div class="shloka">
<span class="shloka-line">पुण्यक्षेत्रेऽपि न मृतिः स्वगृहे त्वतिधर्मदा(स्वगृहेऽप्यतिधर्मदा) ।</span>
<span class="shloka-line">गत्यैवाल्पमपि क्षेत्रं स्यान्महत्फलमित्यजः ॥ १५॥</span>
</div>
</div>
</div>

<div class="verse" id="MBTN_C32_S01_V16" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रकाशयितुमेवैनान् प्रभासाय कुशस्थलात् ।</span>
<span class="shloka-line">नीत्वा दानादि(दानादिसद्धर्मान्)सद्धर्मांस्तैरकारयदच्युतः ॥ १६॥</span>
</div>
</div>
</div>

<div class="verse" id="MBTN_C32_S01_V17" type="shloka" data-doc="MBTN">
<div class="verse-text">
<div class="shloka">
<span class="shloka-line">ते ततः शापदोषेण कृष्णेनैव विमोहिताः ।</span>
<span class="shloka-line">मैरेयमत्ता अन्योन्यं निपात्य स्वां तनुं गताः ।</span>
<span class="shloka-line">तद् दृष्ट्वा बलदेवोऽपि योगेन स्वतनुं जहौ ॥ १७॥</span>
</div>
</div>
</div>

<div class="verse" id="MBTN_C32_S01_V18" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः परेशोऽगणितानुभावः स्वसारथिं पाण्डवानां सकाशम् ।</span>
<span class="shloka-line">स्वलोकयानप्रतिबोधनाय(स्वलोकयानप्रतिवेदनाय) स्वस्यानु चैषां त्वरयाऽभ्ययातयत् ॥ १८॥</span>
</div>
</div>
</div>

<div class="verse" id="MBTN_C32_S01_V19" type="shloka" data-doc="MBTN">
<div class="verse-text">
<div class="shloka">
<span class="shloka-line">अथाऽसतः पिप्पलमूल ईशितुरूरुस्थितं पादतलं सुताम्रम् ।</span>
<span class="shloka-line">दृष्ट्वा जरा नाम ससर्ज शल्यं भक्तोऽप्यलं रोहितं शङ्कमानः ॥ १९॥</span>
</div>
</div>
</div>

<div class="verse" id="MBTN_C32_S01_V20" type="shloka" data-doc="MBTN">
<div class="verse-text">
<div class="shloka">
<span class="shloka-line">अच्छेद्याभेद्यदेहस्य शल्ये पादमुपस्थिते ।</span>
<span class="shloka-line">समीपमागतो व्याधो दृष्ट्वा भीतोऽपतद् भुवि ॥ २०॥</span>
</div>
</div>
</div>

<div class="verse" id="MBTN_C32_S01_V21" type="shloka" data-doc="MBTN">
<div class="verse-text">
<div class="shloka">
<span class="shloka-line">विप्रवाक्यं मानयानः कारयित्वाऽमुना हरिः ।</span>
<span class="shloka-line">पापं मां जहि देवेति याचन्तमनयद् दिवम् ॥ २१॥</span>
</div>
</div>
</div>

<div class="verse" id="MBTN_C32_S01_V22" type="shloka" data-doc="MBTN">
<div class="verse-text">
<div class="shloka">
<span class="shloka-line">पादप्रहारदोषेण तं भृगुं व्याधतां गतम् ।</span>
<span class="shloka-line">पश्चात्तापेन भक्त्या च सुप्रीतस्तच्छरीरिणम् ।</span>
<span class="shloka-line">स्वाज्ञाप्राप्तविमानेन दिवं निन्ये जनार्दनः ॥ २२॥</span>
</div>
</div>
</div>

<div class="verse" id="MBTN_C32_S01_V23" type="shloka" data-doc="MBTN">
<div class="verse-text">
<div class="shloka">
<span class="shloka-line">नीचा योनिर्नीचनीच(नीचां योनिं नीचनीचकर्मा) कर्माऽप्तं नीचकर्मतः ।</span>
<span class="shloka-line">अदुष्टत्वात्तु मनसो भक्तिलोपो नचाप्यभूत् ।</span>
<span class="shloka-line">भृगोरत्राबुद्धिपूर्वं नातिदोषकृदप्यभूत् ॥ २३॥</span>
</div>
</div>
</div>

<div class="verse" id="MBTN_C32_S01_V24" type="shloka" data-doc="MBTN">
<div class="verse-text">
<div class="shloka">
<span class="shloka-line">ततो विरिञ्चेशपुरन्दराद्याः पुनः स्तुवन्तोऽभिययुः प्रणम्य ।</span>
<span class="shloka-line">कृष्णं स चाऽश्वेव ययौ स्वलोकं स्वतेजसा सर्वमिदं प्रकाशयन् ॥ २४॥</span>
</div>
</div>
</div>

<div class="verse" id="MBTN_C32_S01_V25" type="shloka" data-doc="MBTN">
<div class="verse-text">
<div class="shloka">
<span class="shloka-line">गोपालमन्त्रं भजतां फलप्रदस्त्वेकेन रूपेण स भुव्यदृश्यः ।</span>
<span class="shloka-line">तस्थौ द्वितीयेन च सूर्यमण्डले तृतीयमासीच्छिवपूजितं वपुः ॥ २५॥</span>
</div>
</div>
</div>

<div class="verse" id="MBTN_C32_S01_V26" type="shloka" data-doc="MBTN">
<div class="verse-text">
<div class="shloka">
<span class="shloka-line">सम्पूजितं ब्रह्मलोके चतुर्थं कञ्जोद्भवेनाथ परं स्वधाम ।</span>
<span class="shloka-line">समाप्नुवानं वपुरस्य पञ्चमं भक्त्याऽन्वयुर्देववराः स्वशक्त्या ॥ २६॥</span>
</div>
</div>
</div>

<div class="verse" id="MBTN_C32_S01_V27" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्तेजसा ते प्रतिमुष्टदृष्टयः पुरुष्टुताद्या अमितोरुदीधितेः ।</span>
<span class="shloka-line">यावत् स्वगम्यं त्वनुगम्य तस्थुर्निमीलिताक्षा विहतोर्ध्वचाराः ॥ २७॥</span>
</div>
</div>
</div>

<div class="verse" id="MBTN_C32_S01_V28" type="shloka" data-doc="MBTN">
<div class="verse-text">
<div class="shloka">
<span class="shloka-line">वीन्द्रेशशेषानुगतः स्वयम्भूर्धाम प्रविष्टं तमजं प्रणम्य ।</span>
<span class="shloka-line">वीन्द्रादिकैरप्ययुतः स्वपित्राऽऽश्लिष्टो रहश्चाकथयत् तथाऽस्तौत् ॥ २८॥</span>
</div>
</div>
</div>

<div class="verse" id="MBTN_C32_S01_V29" type="shloka" data-doc="MBTN">
<div class="verse-text">
<div class="shloka">
<span class="shloka-line">स पूर्वरूपेण समाप्य चैक्यं विभज्य चेच्छानुसृतोऽथ रेमे ।</span>
<span class="shloka-line">हरिः श्रिया ब्रह्ममुखैश्च मुक्तैः सम्पूज्यमानोऽमितसद्गुणात्मा ॥ २९॥</span>
</div>
</div>
</div>

<div class="verse" id="MBTN_C32_S01_V30" type="shloka" data-doc="MBTN">
<div class="verse-text">
<div class="shloka">
<span class="shloka-line">ब्रह्माऽपि शर्वादियुतः स्वलोकं प्राप्तः पुनस्तत्र गतं च कृष्णम् ।</span>
<span class="shloka-line">रेमेऽभिपश्यन् प्रतिपूजयंस्तं सुराश्च सर्वे रविबिम्बसंस्थम् ॥ ३०॥</span>
</div>
</div>
</div>

<div class="verse" id="MBTN_C32_S01_V31" type="shloka" data-doc="MBTN">
<div class="verse-text">
<div class="shloka">
<span class="shloka-line">यतो न दर्शिता भ्रान्तिः प्रादुर्भावेष्वपि क्‍वचित् ।</span>
<span class="shloka-line">देहत्यागानुसारेण (देहेत्यागानुकारेण) हरिणा तदिहाच्युतः ॥ ३१॥</span>
</div>
</div>
</div>

<div class="verse" id="MBTN_C32_S01_V32" type="shloka" data-doc="MBTN">
<div class="verse-text">
<div class="shloka">
<span class="shloka-line">मोहयित्वाऽसुरानन्धं तमः प्रापयितुं प्रभुः ।</span>
<span class="shloka-line">चिदानन्दैकदेहोऽपि त्यक्तं देहमिवापरम् ।</span>
<span class="shloka-line">सृष्ट्वा स्वदेहोपमितं शयानं भुव्यगाद् दिवम् ॥ ३२॥</span>
</div>
</div>
</div>

<div class="verse" id="MBTN_C32_S01_V33" type="shloka" data-doc="MBTN">
<div class="verse-text">
<div class="shloka">
<span class="shloka-line">दारुकोक्त्या समायातः पार्थस्तमदहत् तदा ।</span>
<span class="shloka-line">रौहिणेयादिकानां च शरीराणि प्रधानतः ।</span>
<span class="shloka-line">दारुको विष्णुलोकं तु पुनराप यथागतम् ॥ ३३॥</span>
</div>
</div>
</div>

<div class="verse" id="MBTN_C32_S01_V34" type="shloka" data-doc="MBTN">
<div class="verse-text">
<div class="shloka">
<span class="shloka-line">तथैव जनमोहाय प्राप्य वह्नावदृश्यताम् ।</span>
<span class="shloka-line">रुक्मिण्यगाद्धरेः पार्श्वं सत्या कृत्वा तपस्तथा ॥ ३४॥</span>
</div>
</div>
</div>

<div class="verse" id="MBTN_C32_S01_V35" type="shloka" data-doc="MBTN">
<div class="verse-text">
<div class="shloka">
<span class="shloka-line">चिदानन्दैकदेहे हि(चिदानन्दैकदेहेऽपि) द्विरूपे इव ते यतः ।</span>
<span class="shloka-line">एकैवातः कृष्णवत् ते दुष्टान् मोहयतस्तथा ॥ ३५॥</span>
</div>
</div>
</div>

<div class="verse" id="MBTN_C32_S01_V36" type="shloka" data-doc="MBTN">
<div class="verse-text">
<div class="shloka">
<span class="shloka-line">अन्या महामहिष्यस्तु त्यक्त्वा देहं हुताशने ।</span>
<span class="shloka-line">काश्चित् काश्चित्तु तपसा(काश्चित् काश्चित् तपस्तप्त्वा) त्यक्तदेहा हरिं ययुः ॥ ३६॥</span>
</div>
</div>
</div>

<div class="verse" id="MBTN_C32_S01_V37" type="shloka" data-doc="MBTN">
<div class="verse-text">
<div class="shloka">
<span class="shloka-line">रौहिणेयादिकानां च भार्या वह्निमुखे तनुम् ।</span>
<span class="shloka-line">त्यक्त्वा स्वभर्तॄनेवाऽपुः सर्वा एव पतिव्रताः ॥ ३७॥</span>
</div>
</div>
</div>

<div class="verse" id="MBTN_C32_S01_V38" type="shloka" data-doc="MBTN">
<div class="verse-text">
<div class="shloka">
<span class="shloka-line">वसुदेवः पार्थमुखाच्छ्रुत्वा तद्योगमास्थितः ।</span>
<span class="shloka-line">त्यक्त्वा देहं कश्यपत्वं प्राप कृष्णानुरागतः ॥ ३८॥</span>
</div>
</div>
</div>

<div class="verse" id="MBTN_C32_S01_V39" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्यार्जुनोऽश्वमेधाग्नावन्त्यकर्माकरोत् तदा ।</span>
<span class="shloka-line">त्यक्तदेहास्तस्य भार्या वह्नौ प्रापुस्तमेव च ॥ ३९॥</span>
</div>
</div>
</div>

<div class="verse" id="MBTN_C32_S01_V40" type="shloka" data-doc="MBTN">
<div class="verse-text">
<div class="shloka">
<span class="shloka-line">स्त्रियो बालांस्तथाऽऽदाय धनं चैव धनञ्जयः ।</span>
<span class="shloka-line">विनिर्ययौ द्वारवत्यास्तां जग्रास(जग्राह) च सागरः ॥ ४० ॥</span>
</div>
</div>
</div>

<div class="verse" id="MBTN_C32_S01_V41" type="shloka" data-doc="MBTN">
<div class="verse-text">
<div class="shloka">
<span class="shloka-line">स्त्रीबालसहिते पार्थ एकस्मिन् पथि गच्छति ।</span>
<span class="shloka-line">शापात् सुपापा आभीराः स्त्रीजनान् जह्रुरुद्धताः ॥ ४१॥</span>
</div>
</div>
</div>

<div class="verse" id="MBTN_C32_S01_V42" type="shloka" data-doc="MBTN">
<div class="verse-text">
<div class="shloka">
<span class="shloka-line">यास्ताः षोडशसाहस्रवनिताः शतसंयुताः ।</span>
<span class="shloka-line">कृष्णशापान्म्लेच्छवशं ययुर्दर्पनिमित्ततः ॥ ४२॥</span>
</div>
</div>
</div>

<div class="verse" id="MBTN_C32_S01_V43" type="shloka" data-doc="MBTN">
<div class="verse-text">
<div class="shloka">
<span class="shloka-line">ह्रियमाणे धने चैव वनितासु च वासविः ।</span>
<span class="shloka-line">युयुत्सुर्गाण्डिवं सज्यं(सज्जं) कृच्छ्रेणैव चकार ह ॥ ४३॥</span>
</div>
</div>
</div>

<div class="verse" id="MBTN_C32_S01_V44" type="shloka" data-doc="MBTN">
<div class="verse-text">
<div class="shloka">
<span class="shloka-line">क्षीणास्तस्य शरा दैवान्नास्त्राणि स्मृतिमाययुः ।</span>
<span class="shloka-line">स तद् दैवकृतं ज्ञात्वा संस्मरन् पुरुषोत्तमम् ।</span>
<span class="shloka-line">निघ्नञ्छत्रून् गाण्डिवेन शेषं रक्षन् कुरून् ययौ(कुरूनगात्) ॥ ४४॥</span>
</div>
</div>
</div>

<div class="verse" id="MBTN_C32_S01_V45" type="shloka" data-doc="MBTN">
<div class="verse-text">
<div class="shloka">
<span class="shloka-line">तदा कुरुक्षेत्रगतं जगद्गुरुं सुपूर्णविज्ञानबलाब्धिसत्सुखम्(बलर्द्धिसत्सुखम्) ।</span>
<span class="shloka-line">तमेव वासिष्ठकुलोद्भवं हरिं निरीक्ष्य दुःखेन पपात पादयोः ॥ ४५॥</span>
</div>
</div>
</div>

<div class="verse" id="MBTN_C32_S01_V46" type="shloka" data-doc="MBTN">
<div class="verse-text">
<div class="shloka">
<span class="shloka-line">स तेन पुंसां प्रवरेण हेतुभिः सम्बोधितोऽज्ञानतमोंऽशुमालिना ।</span>
<span class="shloka-line">संस्थाप्य चेतः पुनरेव तस्मिन् जहौ शुचः प्रायश एव धैर्यात् ॥ ४६॥</span>
</div>
</div>
</div>

<div class="verse" id="MBTN_C32_S01_V47" type="shloka" data-doc="MBTN">
<div class="verse-text">
<div class="shloka">
<span class="shloka-line">स्त्रियो म्लेच्छहृताः कृष्णप्रेषिताद्(कृष्णप्रेरिताद्) दाल्भ्यतः पुनः ।</span>
<span class="shloka-line">गोविन्दैकादशीं श्रुत्वा कृत्वा सारस्वते जले ।</span>
<span class="shloka-line">निमज्ज्य वायोर्वचनात् त्यक्तदेहा दिवं ययुः ॥ ४७॥</span>
</div>
</div>
</div>

<div class="verse" id="MBTN_C32_S01_V48" type="shloka" data-doc="MBTN">
<div class="verse-text">
<div class="shloka">
<span class="shloka-line">अर्जुनस्तु कुरुक्षेत्रे हार्दिक्ययुयुधानयोः ।</span>
<span class="shloka-line">सुतौ सारस्वते चैव देशे राज्येऽभ्यषेचयत् ॥ ४८॥</span>
</div>
</div>
</div>

<div class="verse" id="MBTN_C32_S01_V49" type="shloka" data-doc="MBTN">
<div class="verse-text">
<div class="shloka">
<span class="shloka-line">अनिरुद्धसुतं वज्रं प्रियं कृष्णस्य सद्गुणम् ।</span>
<span class="shloka-line">सशूरसेनेन्द्रप्रस्थराजानमकरोद् वशी ॥ ४९॥</span>
</div>
</div>
</div>

<div class="verse" id="MBTN_C32_S01_V50" type="shloka" data-doc="MBTN">
<div class="verse-text">
<div class="shloka">
<span class="shloka-line">स्त्रीबालांश्च धनं चैव तस्मिन् संस्थाप्य फल्गुनः ।</span>
<span class="shloka-line">ययौ भ्रातॄनशेषं च वृत्तं तेषामवर्णयत् ॥ ५०॥</span>
</div>
</div>
</div>

<div class="verse" id="MBTN_C32_S01_V51" type="shloka" data-doc="MBTN">
<div class="verse-text">
<div class="shloka">
<span class="shloka-line">ते चावियोगसमयं स्मरन्तो मुरवैरिणः(मुरवैरिणा) ।</span>
<span class="shloka-line">अभ्यषिञ्चन् भागवतं माहाराज्ये परीक्षितम् ॥ ५१॥</span>
</div>
</div>
</div>

<div class="verse" id="MBTN_C32_S01_V52" type="shloka" data-doc="MBTN">
<div class="verse-text">
<div class="shloka">
<span class="shloka-line">स्त्रीहारिणां च म्लेच्छानां वधायैनमयोजयन् ।</span>
<span class="shloka-line">कृतं च तेन तत् कर्म वोढ्रा पैतामहीं(पैतामहं) धुरम् ।</span>
<span class="shloka-line">समयं परिरक्षद्भिर्न पार्थैरेव यत् कृतम् ॥ ५२॥</span>
</div>
</div>
</div>

<div class="verse" id="MBTN_C32_S01_V53" type="shloka" data-doc="MBTN">
<div class="verse-text">
<div class="shloka">
<span class="shloka-line">वासुदेवपदा स्पृष्टभूकण्टकसमुद्धृतिः(समुद्धतिः) ।</span>
<span class="shloka-line">समयः पाण्डवानां हि तस्यैवानुगतिः परम् ॥ ५३॥</span>
</div>
</div>
</div>

<div class="verse" id="MBTN_C32_S01_V54" type="shloka" data-doc="MBTN">
<div class="verse-text">
<div class="shloka">
<span class="shloka-line">अनुव्रजद्भिर्विश्वेशं नास्माभिर्भूस्तदुज्झिता ।</span>
<span class="shloka-line">भोज्या रक्ष्याऽपि वा तेषामित्येव समयः पुरा ॥ ५४॥</span>
</div>
</div>
</div>

<div class="verse" id="MBTN_C32_S01_V55" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्र काली भीमभार्या वैष्णवं योगमास्थिता ।</span>
<span class="shloka-line">कृष्णयैकत्वमापन्ना त्यक्त्वा देहं तु मानुषम् ॥ ५५॥</span>
</div>
</div>
</div>

<div class="verse" id="MBTN_C32_S01_V56" type="shloka" data-doc="MBTN">
<div class="verse-text">
<div class="shloka">
<span class="shloka-line">सुभद्राद्यास्तु या भार्याः पार्थानां तु तदाज्ञया ।</span>
<span class="shloka-line">युयुत्सुश्चात्र शिक्षार्थं पौत्रस्यैवावसत् (पौत्रस्यैवावसन्) पुरे ॥ ५६॥</span>
</div>
</div>
</div>

<div class="verse" id="MBTN_C32_S01_V57" type="shloka" data-doc="MBTN">
<div class="verse-text">
<div class="shloka">
<span class="shloka-line">सन्त्यज्य राजचिह्नानि (राज्यचिह्नानि) वैष्णवं योगमास्थिताः ।</span>
<span class="shloka-line">वीराध्वानं ययुः सर्वे कृष्णया सह पाण्डवाः ॥ ५७॥</span>
</div>
</div>
</div>

<div class="verse" id="MBTN_C32_S01_V58" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रागुदीचीं दिशं पूर्वं ययुस्तत्रार्जुनो धनुः ।</span>
<span class="shloka-line">नात्यजल्लोभतस्तं तु(लोभतस्तत्तु) समुद्रमुप पावकः ।</span>
<span class="shloka-line">दृष्ट्वा ययाचे राजानं तदुक्तः प्रास्यदम्बुधौ ॥ ५८॥</span>
</div>
</div>
</div>

<div class="verse" id="MBTN_C32_S01_V59" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रातिभाव्यं तु वरुणे निस्तीर्याग्निरदृश्यताम् ।</span>
<span class="shloka-line">ययौ तेऽपि ययुः क्षिप्रं प्लवन्तः सप्तवारिधीन् ॥ ५९॥</span>
</div>
</div>
</div>

<div class="verse" id="MBTN_C32_S01_V60" type="shloka" data-doc="MBTN">
<div class="verse-text">
<div class="shloka">
<span class="shloka-line">अहोभिः सप्तभिर्योगं समारूढाः प्रदक्षिणम् ।</span>
<span class="shloka-line">कृत्वा क्‍वचिदसज्जन्त आसेदुर्गन्धमादनम् ।</span>
<span class="shloka-line">अत्र नारायणक्षेत्रे तेषां तन्वोऽपतन् क्रमात् ॥ ६०॥</span>
</div>
</div>
</div>

<div class="verse" id="MBTN_C32_S01_V61" type="shloka" data-doc="MBTN">
<div class="verse-text">
<div class="shloka">
<span class="shloka-line">द्रौपदीसहदेवादिपञ्चानां तत्र मारुतिः ।</span>
<span class="shloka-line">सदेहनाकानिच्छुत्वाद् देहप्रपतनं हि तत् ॥ ६१॥</span>
</div>
</div>
</div>

<div class="verse" id="MBTN_C32_S01_V62" type="shloka" data-doc="MBTN">
<div class="verse-text">
<div class="shloka">
<span class="shloka-line">तेषामिहेति याथार्थ्यं जानन् पप्रच्छ धर्मजम् ।</span>
<span class="shloka-line">केनकेनापतद् देहो दोषेण न इति क्रमात् ॥ ६२॥</span>
</div>
</div>
</div>

<div class="verse" id="MBTN_C32_S01_V63" type="shloka" data-doc="MBTN">
<div class="verse-text">
<div class="shloka">
<span class="shloka-line">मृतिकाले हि यो यस्य दोषं वक्त्यृणमोचनम् ।</span>
<span class="shloka-line">तस्मात् स्यादुक्तदोषस्येत्याह यच्छ्रुतिरेव तत् ।</span>
<span class="shloka-line">ऋणमोक्षाय सर्वेषां भीमो दोषानवादयत् ॥ ६३॥</span>
</div>
</div>
</div>

<div class="verse" id="MBTN_C32_S01_V64" type="shloka" data-doc="MBTN">
<div class="verse-text">
<div class="shloka">
<span class="shloka-line">सोऽपीच्छापतितान् देहानजानञ्छुद्धकर्मणाम् ।</span>
<span class="shloka-line">अपश्यन् कारणं प्राह दोषान् स्यादेवमित्यपि ।</span>
<span class="shloka-line">राजा (सम्भावनामात्रान्न (सम्भावनामात्रं) नहि कार्यमकारणम् ॥ ६४॥</span>
</div>
</div>
</div>

<div class="verse" id="MBTN_C32_S01_V65" type="shloka" data-doc="MBTN">
<div class="verse-text">
<div class="shloka">
<span class="shloka-line">स्वच्छन्दमृत्यवो योगाद् देहानुत्सृज्य पाण्डवाः ।</span>
<span class="shloka-line">कृष्णा चाऽपुः परं स्थानं यन्न यान्त्यपि देवताः ।</span>
<span class="shloka-line">इति श्रुतेर्न ते पापाद् देहांस्तत्यजुरूर्जिताः ॥ ६५॥</span>
</div>
</div>
</div>

<div class="verse" id="MBTN_C32_S01_V66" type="shloka" data-doc="MBTN">
<div class="verse-text">
<div class="shloka">
<span class="shloka-line">ऋणान्युन्मुच्य(ऋणात् प्रमुच्य) दोषोक्त्या स्वानां भीमः स्वकां तनुम् ।</span>
<span class="shloka-line">तत्याज परमं ध्यायन्नाप च स्थानमुत्तमम् ।</span>
<span class="shloka-line">इति स्कान्दपुराणोक्तं व्यासवाक्यमृषीन् प्रति ॥ ६६॥</span>
</div>
</div>
</div>

<div class="verse" id="MBTN_C32_S01_V67" type="shloka" data-doc="MBTN">
<div class="verse-text">
<div class="shloka">
<span class="shloka-line">भीमादृते हि चतुर्षु पक्षपातस्तु वासवौ ।</span>
<span class="shloka-line">योग्य एवेति कृष्णाया न दोषः स्यात् कथञ्चन ॥ ६७॥</span>
</div>
</div>
</div>

<div class="verse" id="MBTN_C32_S01_V68" type="shloka" data-doc="MBTN">
<div class="verse-text">
<div class="shloka">
<span class="shloka-line">नीतिरूपे वीर्यबले महान्त्येषां यतः क्रमात् ।</span>
<span class="shloka-line">प्राणत्वाद् भोगशक्तिश्च नहि दोषाय मारुतेः ॥ ६८॥</span>
</div>
</div>
</div>

<div class="verse" id="MBTN_C32_S01_V69" type="shloka" data-doc="MBTN">
<div class="verse-text">
<div class="shloka">
<span class="shloka-line">यथास्वरूपविज्ञानमात्मन्यपि न दोषकृत् ।</span>
<span class="shloka-line">इति व्यासस्मृतेरेषामुक्तदोषोद्भवः कथम् ॥ ६९॥</span>
</div>
</div>
</div>

<div class="verse" id="MBTN_C32_S01_V70" type="shloka" data-doc="MBTN">
<div class="verse-text">
<div class="shloka">
<span class="shloka-line">कदाचिदतिमानोऽपि त्रयाणामेषु जायते ।</span>
<span class="shloka-line">तथाऽपि तत्फलं नैतत् तारतम्यं हि मुक्तिगम्(तारतम्यं विमुक्तिगम्) ।</span>
<span class="shloka-line">गुणदोषाधिकाल्पत्वादत्रस्थमपि हि श्रुतम् ॥ ७०॥</span>
</div>
</div>
</div>

<div class="verse" id="MBTN_C32_S01_V71" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रारब्धकर्मनाशे (आरब्धकर्मनाशे) हि पतेद् देहोऽप्यपापिनः ।</span>
<span class="shloka-line">युधिष्ठिरोऽपि हि स्वर्गं बुभुजे नैव तत्तनुः ॥ ७१॥</span>
</div>
</div>
</div>

<div class="verse" id="MBTN_C32_S01_V72" type="shloka" data-doc="MBTN">
<div class="verse-text">
<div class="shloka">
<span class="shloka-line">अतिमानादयो दोषाः कुत एव हि मारुतेः ।</span>
<span class="shloka-line">अनादिकालतः सर्वदोषहीना गुणाधिकाः ॥ ७२॥</span>
</div>
</div>
</div>

<div class="verse" id="MBTN_C32_S01_V73" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वजीवगणेभ्यो ये ते हि(समस्तजीवराशिभ्यस्ते हि) वायुत्वमाप्नुयुः ।</span>
<span class="shloka-line">ऋजवो नाम ये देवा देवानामपि देवताः ॥ ७३॥</span>
</div>
</div>
</div>

<div class="verse" id="MBTN_C32_S01_V74" type="shloka" data-doc="MBTN">
<div class="verse-text">
<div class="shloka">
<span class="shloka-line">अभावं ह्यतिमानादेर्भीमस्याऽह च केशवः ।</span>
<span class="shloka-line">यत्किञ्चाऽत्मनि कल्याणं सम्भावयसि पाण्डव ।</span>
<span class="shloka-line">सहस्रगुणमप्येतत् त्वयि सम्भावयाम्यहम् ॥ ७४॥</span>
</div>
</div>
</div>

<div class="verse" id="MBTN_C32_S01_V75" type="shloka" data-doc="MBTN">
<div class="verse-text">
<div class="shloka">
<span class="shloka-line">इति तस्माद् यथा युद्धे धर्महानिममन्यत ।</span>
<span class="shloka-line">एवमत्राप्यधर्मेण देहपातं नृपोऽब्रवीत् ॥ ७५॥</span>
</div>
</div>
</div>

<div class="verse" id="MBTN_C32_S01_V76" type="shloka" data-doc="MBTN">
<div class="verse-text">
<div class="shloka">
<span class="shloka-line">पूज्येभ्यः(पूर्वेभ्यः) पूर्वमेवैषां देहपातमभीप्सताम् ।</span>
<span class="shloka-line">तत्क्रमाद् (तत्कामाद्) देहपातोऽभून्न पापान्मुच्यतां यथा ॥ ७६॥</span>
</div>
</div>
</div>

<div class="verse" id="MBTN_C32_S01_V77" type="shloka" data-doc="MBTN">
<div class="verse-text">
<div class="shloka">
<span class="shloka-line">न हि पापफलं मुक्तौ(पापफलान्मुक्तौ देहपातः कथञ्चन ।</span>
<span class="shloka-line">किन्तु कर्मक्षयादेव तथा सर्वत्र निश्चितः ॥ ७७॥</span>
</div>
</div>
</div>

<div class="verse" id="MBTN_C32_S01_V78" type="shloka" data-doc="MBTN">
<div class="verse-text">
<div class="shloka">
<span class="shloka-line">तेषु स्वलोकान् प्राप्तेषु धर्मजः श्वाऽत्मना सह(स्वात्मना सह) ।</span>
<span class="shloka-line">ययौ पुरो देवरथस्तदाऽस्यावततार ह ॥ ७८॥</span>
</div>
</div>
</div>

<div class="verse" id="MBTN_C32_S01_V79" type="shloka" data-doc="MBTN">
<div class="verse-text">
<div class="shloka">
<span class="shloka-line">रथमारुहेति कथितो रथिना पुरतः शुनः ।</span>
<span class="shloka-line">आरोहमब्रवीन्नैतद् युक्तमित्याह सोऽपि तम् ॥ ७९॥</span>
</div>
</div>
</div>

<div class="verse" id="MBTN_C32_S01_V80" type="shloka" data-doc="MBTN">
<div class="verse-text">
<div class="shloka">
<span class="shloka-line">नाऽरुहेयं विना श्वानमिति तेन स्थिरोदिते ।</span>
<span class="shloka-line">स्वरूपं दर्शयामास धर्मो ह्याप्तः स्वरूपताम् (श्वरूपताम्) ॥ ८०॥</span>
</div>
</div>
</div>

<div class="verse" id="MBTN_C32_S01_V81" type="shloka" data-doc="MBTN">
<div class="verse-text">
<div class="shloka">
<span class="shloka-line">आनृशंस्यपरत्वेन कीर्तिमेवाऽत्मनो वृषः ।</span>
<span class="shloka-line">ख्यापयामास कौन्तेयरूपिणो धर्मसूक्तिभिः ॥ ८१॥</span>
</div>
</div>
</div>

<div class="verse" id="MBTN_C32_S01_V82" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः(यतः) स रथमारुह्य लोकानामुत्तरोत्तरम् ।</span>
<span class="shloka-line">अतिक्रम्याखिलान् राज्ञो जगाम श्रीपतिप्रियः ॥ ८२॥</span>
</div>
</div>
</div>

<div class="verse" id="MBTN_C32_S01_V83" type="shloka" data-doc="MBTN">
<div class="verse-text">
<div class="shloka">
<span class="shloka-line">सर्वेषामुत्तरं लोकमैन्द्रं प्राप्येदमेव ते ।</span>
<span class="shloka-line">स्थानमित्युदितो देवैर्दुर्योधनमवैक्षत ॥ ८३॥</span>
</div>
</div>
</div>

<div class="verse" id="MBTN_C32_S01_V84" type="shloka" data-doc="MBTN">
<div class="verse-text">
<div class="shloka">
<span class="shloka-line">सभ्रातृकं ज्वलन्तं च सर्वेषामुपरि स्थितम् ।</span>
<span class="shloka-line">तं दृष्ट्वा परमक्रुद्धो निमील्य नयने शुभे ॥ ८४॥</span>
</div>
</div>
</div>

<div class="verse" id="MBTN_C32_S01_V85" type="shloka" data-doc="MBTN">
<div class="verse-text">
<div class="shloka">
<span class="shloka-line">भ्रातरो मे क्‍व कृष्णा च सकर्णाः(कर्णाद्याः) क्‍व च बान्धवाः ।</span>
<span class="shloka-line">धृष्टद्युम्नादयः पुत्रा हैडिम्बाद्याश्च सर्वशः ॥ ८५॥</span>
</div>
</div>
</div>

<div class="verse" id="MBTN_C32_S01_V86" type="shloka" data-doc="MBTN">
<div class="verse-text">
<div class="shloka">
<span class="shloka-line">यादवश्चेति पप्रच्छ देवांस्ते च तमब्रुवन् ।</span>
<span class="shloka-line">किं ते तैः स्वकृतं कर्म भुज्यतेऽत्र नचापरैः ॥ ८६॥</span>
</div>
</div>
</div>

<div class="verse" id="MBTN_C32_S01_V87" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त आह पापोऽयं पृथिवीक्षयकारकः ।</span>
<span class="shloka-line">सर्वातिशङ्की मित्रध्रुङ् नारायणपराङ्‍मुखः ॥ ८७॥</span>
</div>
</div>
</div>

<div class="verse" id="MBTN_C32_S01_V88" type="shloka" data-doc="MBTN">
<div class="verse-text">
<div class="shloka">
<span class="shloka-line">नास्तिकोऽतिशठः क्रूरो द्वेष्टा विष्णोश्च तद्भुवाम् ।</span>
<span class="shloka-line">कथं दुर्योधनः स्थानं सर्वोत्तममवाप्तवान् ॥ ८८॥</span>
</div>
</div>
</div>

<div class="verse" id="MBTN_C32_S01_V89" type="shloka" data-doc="MBTN">
<div class="verse-text">
<div class="shloka">
<span class="shloka-line">कथं च सर्वधर्मज्ञा नारायणपरायणाः ।</span>
<span class="shloka-line">संस्थिताः परमे धर्मे दृश्यन्तेऽत्र न मत्प्रियाः ॥ ८९॥</span>
</div>
</div>
</div>

<div class="verse" id="MBTN_C32_S01_V90" type="shloka" data-doc="MBTN">
<div class="verse-text">
<div class="shloka">
<span class="shloka-line">यत्र सन्तस्तु ते सन्ति तत्र स्थातव्यमेव मे ।</span>
<span class="shloka-line">निरयेऽपि नचात्रापि नानेन सह पापिना ॥ ९०॥</span>
</div>
</div>
</div>

<div class="verse" id="MBTN_C32_S01_V91" type="shloka" data-doc="MBTN">
<div class="verse-text">
<div class="shloka">
<span class="shloka-line">अस्य वीरतमस्येदं धार्तराष्ट्रस्य युज्यते ।</span>
<span class="shloka-line">इत्युक्त्वा देवता दूतं स्वानां सन्दर्शनार्थिनः ।</span>
<span class="shloka-line">राज्ञः सम्प्रेषयामासुस्तत्सन्दर्शितवर्त्मना ॥ ९१॥</span>
</div>
</div>
</div>

<div class="verse" id="MBTN_C32_S01_V92" type="shloka" data-doc="MBTN">
<div class="verse-text">
<div class="shloka">
<span class="shloka-line">दुर्गन्धेन सुकृच्छ्रेण तमसा प्रावृतेन च ।</span>
<span class="shloka-line">गत्वैव कियतीं भूमिं तद्दुर्गन्धासहो नृपः ।</span>
<span class="shloka-line">इच्छन् निवर्तन तत्र स्वानां वाच इवाशृणोत् ॥ ९२॥</span>
</div>
</div>
</div>

<div class="verse" id="MBTN_C32_S01_V93" type="shloka" data-doc="MBTN">
<div class="verse-text">
<div class="shloka">
<span class="shloka-line">क्षणं तिष्ठ महाराज सन्निधानबलात् तव ।</span>
<span class="shloka-line">वेदना नो न महतीत्येतच्छ्रुत्वा युधिष्ठिरः ॥ ९३॥</span>
</div>
</div>
</div>

<div class="verse" id="MBTN_C32_S01_V94" type="shloka" data-doc="MBTN">
<div class="verse-text">
<div class="shloka">
<span class="shloka-line">के यूयमिति पप्रच्छ दीनध्वनिविशङ्कितः ।</span>
<span class="shloka-line">भीमोऽहमर्जुनः कर्ण इत्याद्युक्तमिवाशृणोत् ॥ ९४॥</span>
</div>
</div>
</div>

<div class="verse" id="MBTN_C32_S01_V95" type="shloka" data-doc="MBTN">
<div class="verse-text">
<div class="shloka">
<span class="shloka-line">श्रुत्वा तत् कृपयाऽऽविष्टः शोकामर्षसमन्वितः ।</span>
<span class="shloka-line">आह दूतं यथेष्टं त्वं गच्छ नाहमितो व्रजे ॥ ९५॥</span>
</div>
</div>
</div>

<div class="verse" id="MBTN_C32_S01_V96" type="shloka" data-doc="MBTN">
<div class="verse-text">
<div class="shloka">
<span class="shloka-line">नच स्वर्गेण मे कार्यं त्यक्त्वा स्वजनमीदृशम् ।</span>
<span class="shloka-line">इत्युक्तः प्रययौ दूतस्तस्थावत्र युधिष्ठिरः ॥ ९६॥</span>
</div>
</div>
</div>

<div class="verse" id="MBTN_C32_S01_V97" type="shloka" data-doc="MBTN">
<div class="verse-text">
<div class="shloka">
<span class="shloka-line">ततोऽत्र देवाः पुरुहूतपूर्वकाः समाययुः स्नेहवशाद् युधिष्ठिरे ।</span>
<span class="shloka-line">तेष्वागतेष्वेव न तत्र वाचो दीना न दुर्गन्धतमोऽप्यपश्यत्(दुर्गन्धतमोऽप्यदृश्यत) ।</span>
<span class="shloka-line">स्वर्गोत्तमं देशमपश्यदेतदभ्रान्तचेताः स युधिष्ठिरस्तदा ॥ ९७॥</span>
</div>
</div>
</div>

<div class="verse" id="MBTN_C32_S01_V98" type="shloka" data-doc="MBTN">
<div class="verse-text">
<div class="shloka">
<span class="shloka-line">आहात्र धर्मः पुनरात्मसद्यशः(परमात्मसद्यशः) प्रकाशयन् पाण्डुसुताभिधं स्वम् ।</span>
<span class="shloka-line">धर्माद् विशिष्टा हि सदाऽनृशंसता दृष्टा च सा त्वय्यधिका त्रिशो मया ॥ ९८॥</span>
</div>
</div>
</div>

<div class="verse" id="MBTN_C32_S01_V99" type="shloka" data-doc="MBTN">
<div class="verse-text">
<div class="shloka">
<span class="shloka-line">शक्रोऽप्युवाचैनमिदं मृषा ते प्रदर्शितं द्रोणकृते मृषागिरः ।</span>
<span class="shloka-line">कृच्छ्रादिदं ते कथितं न चातिविस्रम्भ आसीत् तव कृष्णवाक्ये ।</span>
<span class="shloka-line">नह्याज्ञया वासुदेवस्य किञ्चित् पापं भवेत् सर्वविधर्मिणोऽपि ॥ ९९॥</span>
</div>
</div>
</div>

<div class="verse" id="MBTN_C32_S01_V100" type="shloka" data-doc="MBTN">
<div class="verse-text">
<div class="shloka">
<span class="shloka-line">ब्रह्मापरोक्ष्येऽपि विकर्म सूचकं प्रारब्धपापस्य विषाशनं यथा ।</span>
<span class="shloka-line">पश्यात्र भीमप्रमुखान् सुखस्थान् सम्पूज्यमानांस्त्रिदशैः सुरूपान्॥ १००॥</span>
</div>
</div>
</div>

<div class="verse" id="MBTN_C32_S01_V101" type="shloka" data-doc="MBTN">
<div class="verse-text">
<div class="shloka">
<span class="shloka-line">कुतः परब्रह्मदृशां सुशुद्धसत्कर्मणां कृष्णपरायणानाम् ।</span>
<span class="shloka-line">परेण योगेन विसृष्टतन्वां दुःखं भवेद् देववराधिपानाम् ॥ १०१॥</span>
</div>
</div>
</div>

<div class="verse" id="MBTN_C32_S01_V102" type="shloka" data-doc="MBTN">
<div class="verse-text">
<div class="shloka">
<span class="shloka-line">एते हि देवप्रवराः पृथिव्यां जाता भुवो भारजिहीर्षुमीशम् ।</span>
<span class="shloka-line">प्रतोष्य तद्भावितबुद्धिकर्मभिः पुनश्च तेनैव सहाऽपिरे दिवम् ॥ १०२॥</span>
</div>
</div>
</div>

<div class="verse" id="MBTN_C32_S01_V103" type="shloka" data-doc="MBTN">
<div class="verse-text">
<div class="shloka">
<span class="shloka-line">न ते नृपाद्यापि हि मानुषो गतो भावस्ततो द्वेष्टि सुयोधनादीन् ।</span>
<span class="shloka-line">निमज्ज्य तद् विष्णुपदोदकेऽत्र विसृज्य देहं भज देवभावम् ॥ १०३॥</span>
</div>
</div>
</div>

<div class="verse" id="MBTN_C32_S01_V104" type="shloka" data-doc="MBTN">
<div class="verse-text">
<div class="shloka">
<span class="shloka-line">सुयोधनाद्या(दुर्योधनाद्या) यदिमे सुपापा आरब्धकर्मक्षयमाप्य नित्ये ।</span>
<span class="shloka-line">निःशेषसौख्योज्झितनित्यदुःखेऽवशाः(नित्यदुःखे वशाः) पतिष्यन्त्यपुनर्निवृत्ताः ॥ १०४॥</span>
</div>
</div>
</div>

<div class="verse" id="MBTN_C32_S01_V105" type="shloka" data-doc="MBTN">
<div class="verse-text">
<div class="shloka">
<span class="shloka-line">देवांशजा ये तु समस्तशस्ते स्वमूलरूपं समवाप्य काले ।</span>
<span class="shloka-line">स्वतारतम्यानुसृतां विमुक्तिं प्राप्स्यन्ति नात्रापि विचार्यमस्ति ॥ १०५॥</span>
</div>
</div>
</div>

<div class="verse" id="MBTN_C32_S01_V106" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्युक्त आश्वेव निमज्ज्य गङ्गां धर्मात्मजस्तत्र विसृज्य(धर्मात्मजस्तं प्रविसृज्य) देहम् ।</span>
<span class="shloka-line">सद्यो बभौ दैवमवाप्य(दैवतमाप्य) कायं विसृष्टरोषादिसमस्तदोषः ॥ १०६॥</span>
</div>
</div>
</div>

<div class="verse" id="MBTN_C32_S01_V107" type="shloka" data-doc="MBTN">
<div class="verse-text">
<div class="shloka">
<span class="shloka-line">स तु प्रपश्यन् स्वजनं समस्तं स्वमूलरूपातिसमीपसंस्थम् ।</span>
<span class="shloka-line">ददर्श भीमं च मरुत्समीपे मध्ये ज्वलन्तं मरुतां गणस्य ॥ १०७॥</span>
</div>
</div>
</div>

<div class="verse" id="MBTN_C32_S01_V108" type="shloka" data-doc="MBTN">
<div class="verse-text">
<div class="shloka">
<span class="shloka-line">ददर्श कृष्णामपि तत्समीपे श्रिया ज्वलन्तीं समतीत्य चान्याः ।</span>
<span class="shloka-line">स्प्रष्टुं च संस्कारवशादियेष निषिध्य तं प्राह सुराधिराजः ॥ १०८॥</span>
</div>
</div>
</div>

<div class="verse" id="MBTN_C32_S01_V109" type="shloka" data-doc="MBTN">
<div class="verse-text">
<div class="shloka">
<span class="shloka-line">एषा हि साक्षाज्जगतां प्रियस्य प्राणात्मनो जीववरेश्वरस्य ।</span>
<span class="shloka-line">प्राणप्रिया श्रीरिति नाम यस्याः शमात्मकेऽस्मिन् रमते सदैषा ॥ १०९॥</span>
</div>
</div>
</div>

<div class="verse" id="MBTN_C32_S01_V110" type="shloka" data-doc="MBTN">
<div class="verse-text">
<div class="shloka">
<span class="shloka-line">युष्मच्चतुर्देहगतस्य वायोर्वायुप्रिया भीमतनोस्तथैव ।</span>
<span class="shloka-line">भोगाय सृष्टा पुरुषोत्तमेन युष्मत्प्रियार्थं भवतां च दारैः ॥ ११०॥</span>
</div>
</div>
</div>

<div class="verse" id="MBTN_C32_S01_V111" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रीतिस्ततो ह्यभ्यधिका(ह्यत्यधिका) बभूव भीमस्य चास्यास्तदनु स्म पार्थे ।</span>
<span class="shloka-line">ततो भवत्स्वेव यथाक्रमेण गुणानुसारेण समीरणस्य ॥ १११॥</span>
</div>
</div>
</div>

<div class="verse" id="MBTN_C32_S01_V112" type="shloka" data-doc="MBTN">
<div class="verse-text">
<div class="shloka">
<span class="shloka-line">इयं(इदा,एषा) हि सा शुद्धतनुः प्रजाता शच्यादियोगापगताग्र्यदेहा ।</span>
<span class="shloka-line">यूयं च सर्वे मरुतो विशेषसंयोगहीनाः स्वशरीरसंस्थाः ॥ ११२॥</span>
</div>
</div>
</div>

<div class="verse" id="MBTN_C32_S01_V113" type="shloka" data-doc="MBTN">
<div class="verse-text">
<div class="shloka">
<span class="shloka-line">स्पर्शेऽपि नास्याः पवमानपत्न्याः सुपूतताऽलं भवतामिदानीम् ।</span>
<span class="shloka-line">नचोत्तरत्रापि भवेत् कथञ्चिद् दिवौकसां मानुषदेहिनो(जन्मनो) यथा ॥ ११३॥</span>
</div>
</div>
</div>

<div class="verse" id="MBTN_C32_S01_V114" type="shloka" data-doc="MBTN">
<div class="verse-text">
<div class="shloka">
<span class="shloka-line">इतीरितं तं प्रतिसन्निवृत्तं विनाशयन् मानुषवासनां स्वयम् ।</span>
<span class="shloka-line">समाश्लिषच्छुद्धतनुः स्तनोत्थो धर्मो हरेः सोऽभवदाशु तत्समः ॥ ११४॥</span>
</div>
</div>
</div>

<div class="verse" id="MBTN_C32_S01_V115" type="shloka" data-doc="MBTN">
<div class="verse-text">
<div class="shloka">
<span class="shloka-line">ततस्तु पार्था अखिलाः स्वमूलरूपैः सहैवाऽविविशुर्मुदाऽन्विताः ।</span>
<span class="shloka-line">स्वीयानि धामानि(सद्मानि) ततोऽप्यनूनभोगाः सदारा न्यवसंश्च तत्र ॥ ११५॥</span>
</div>
</div>
</div>

<div class="verse" id="MBTN_C32_S01_V116" type="shloka" data-doc="MBTN">
<div class="verse-text">
<div class="shloka">
<span class="shloka-line">तत्रापि कृष्णेन समागमोऽभूत् पुरेव तेषामतितत्पराणाम् ।</span>
<span class="shloka-line">चिक्रीड एभिः सहितस्तथैव कृष्णोऽपि तद्वत् सरथोऽर्जुनेन ॥ ११६॥</span>
</div>
</div>
</div>

<div class="verse" id="MBTN_C32_S01_V117" type="shloka" data-doc="MBTN">
<div class="verse-text">
<div class="shloka">
<span class="shloka-line">अन्ये च(तु) देवांशभवाः समस्ताः स्वमूलरूपैक्यमवापुराशु ।</span>
<span class="shloka-line">कर्मक्षयादेव सुरेतरास्तु(सुरेतरास्ते) पुण्यक्षयं प्राप्य भुवि प्रजाताः ॥ ११७॥</span>
</div>
</div>
</div>

<div class="verse" id="MBTN_C32_S01_V118" type="shloka" data-doc="MBTN">
<div class="verse-text">
<div class="shloka">
<span class="shloka-line">चतुःसहस्रं त्रिशतोत्तरं ते(त्रिशतोत्तरं गते) संवत्सराणामनुभूय दिव्यान् ।</span>
<span class="shloka-line">भोगान् नरत्वेऽपि सदेश्वरोऽहमसज्जगच्चेति धियाऽऽप्नुवंस्तमः ॥ ११८॥</span>
</div>
</div>
</div>

<div class="verse" id="MBTN_C32_S01_V119" type="shloka" data-doc="MBTN">
<div class="verse-text">
<div class="shloka">
<span class="shloka-line">दुःखेऽपि तेषामिह तारतम्यं कलेः परं दुःखमिहाखिलाच्च ।</span>
<span class="shloka-line">यथा विरिञ्चस्य सुखं परं स्यान्मुक्तौ हरिद्वेषकृतो विशेषः ॥ ११९॥</span>
</div>
</div>
</div>

<div class="verse" id="MBTN_C32_S01_V120" type="shloka" data-doc="MBTN">
<div class="verse-text">
<div class="shloka">
<span class="shloka-line">केचित् पिशाचासुरराक्षसत्वमवाप्य विष्णोरपि तत्पराणाम् ।</span>
<span class="shloka-line">द्वेषात् तमोऽन्धं त्वरया समाप्नुयुर्देवाः स्वकाले निजयोग्यमुक्तिम् ॥ १२०॥</span>
</div>
</div>
</div>

<div class="verse" id="MBTN_C32_S01_V121" type="shloka" data-doc="MBTN">
<div class="verse-text">
<div class="shloka">
<span class="shloka-line">चतुःसहस्रे त्रिशतोत्तरे गते संवत्सराणां तु कलौ पृथिव्याम् ।</span>
<span class="shloka-line">जातः पुनर्विप्रतनुः स भीमो दैत्यैर्निगूढं हरितत्त्वमाह ॥ १२१॥</span>
</div>
</div>
</div>

<div class="verse" id="MBTN_C32_S01_V122" type="shloka" data-doc="MBTN">
<div class="verse-text">
<div class="shloka">
<span class="shloka-line">तदैव कृष्णाऽपि भुवि प्रजाता प्रीत्यै हरेरन्धतमस्यपातयत् ।</span>
<span class="shloka-line">महासुरान् विष्णुपरार्जुनाद्या कृते प्रजाता हरितोषणाय ।</span>
<span class="shloka-line">पुनश्च ते स्थानमवाप्य(पुनश्च तत्स्थानमवाप्य) सर्वे (स्वीयं)स्वीयां परान्ते तु विमुक्तिमाप्नुयुः ॥ १२२॥</span>
</div>
</div>
</div>

<div class="verse" id="MBTN_C32_S01_V123" type="shloka" data-doc="MBTN">
<div class="verse-text">
<div class="shloka">
<span class="shloka-line">वायुत्वमाप्तः स हनूमदंशो ब्राह्मं पदं प्राप्य वृकोदरश्च ।</span>
<span class="shloka-line">वागीश्वरीत्वं (वागीश्वरत्वं) गतयैव कृष्णया सहैव मुक्तिं गमिताऽखिलोत्तमाम् ॥ १२३॥</span>
</div>
</div>
</div>

<div class="verse" id="MBTN_C32_S01_V124" type="shloka" data-doc="MBTN">
<div class="verse-text">
<div class="shloka">
<span class="shloka-line">भुवि द्युलोके च विरिञ्चतायां मुक्तौ च ताभ्यामधिकं समस्तात् ।</span>
<span class="shloka-line">सन्तोष्यते पूर्णगुणो रमेशः सदैव नित्योर्जिततद्रतिभ्याम्(नित्योदितसद्रतिभ्याम्) ॥ १२४॥</span>
</div>
</div>
</div>

<div class="verse" id="MBTN_C32_S01_V125" type="shloka" data-doc="MBTN">
<div class="verse-text">
<div class="shloka">
<span class="shloka-line">‘भूषन् न योऽधि बभ्रूषु नम्नते’(ऋग्वेद १.१४०.६)(भुषन्न योऽधि बभ्रूषु नम्नते) ‘बळित्था तद्वपुषे धायि दर्शतं’(१.१४१.१) ।</span>
<span class="shloka-line">‘तां सु ते कीर्तिम् मघवन् महित्वा’(१०.५४.१) इत्यादिसूक्तानि च तत्प्रमाणम् ॥ १२५॥</span>
</div>
</div>
</div>

<div class="verse" id="MBTN_C32_S01_V126" type="shloka" data-doc="MBTN">
<div class="verse-text">
<div class="shloka">
<span class="shloka-line">अन्यानि वाक्यानि च वैदिकानि सपञ्चरात्रोक्तिपुराणकानि ।</span>
<span class="shloka-line">पृष्टश्च भीष्मोऽत्र युधिष्ठिरेणैतन्मोक्षधर्मेष्वपि किञ्चिदाह ॥ १२६॥</span>
</div>
</div>
</div>

<div class="verse" id="MBTN_C32_S01_V127" type="shloka" data-doc="MBTN">
<div class="verse-text">
<div class="shloka">
<span class="shloka-line">एवं प्रयातेषु सकेशवेषु स्वानेव लोकान् यदुपाण्डवेषु ।</span>
<span class="shloka-line">परीक्षिदाद्यास्तु तदन्वयोत्था व्यासानुशिष्टाः पृथिवीमरक्षन् ॥ १२७॥</span>
</div>
</div>
</div>

<div class="verse" id="MBTN_C32_S01_V128" type="shloka" data-doc="MBTN">
<div class="verse-text">
<div class="shloka">
<span class="shloka-line">तैः क्षेमकान्तैरिह भारतादिशास्त्राणि शृण्वद्भिरशेषविद्भिः ।</span>
<span class="shloka-line">व्यासप्रभावाच्च कलौ च धर्मो ज्ञानं च सुत्रातमगान्न(सूत्रार्थमगान्न) नाशम् ॥ १२७॥</span>
</div>
</div>
</div>

<div class="verse" id="MBTN_C32_S01_V129" type="shloka" data-doc="MBTN">
<div class="verse-text">
<div class="shloka">
<span class="shloka-line">संवत्सराणां तु सहस्रके गते प्राप्तेषु विद्यामखिलेषु सत्सु ।</span>
<span class="shloka-line">दग्धा पुरा ये त्रिपुरं घ्नतैव(त्रिपुरघ्नतैव) रुद्रेण जाताः पृथिवीतले ते ॥ १२९॥</span>
</div>
</div>
</div>

<div class="verse" id="MBTN_C32_S01_V130" type="shloka" data-doc="MBTN">
<div class="verse-text">
<div class="shloka">
<span class="shloka-line">अदर्शनं सर्वमुनीन्द्रवृन्दैः सहैव सज्ज्ञानमहानिधाने (निदाने) ।</span>
<span class="shloka-line">व्यासे प्रयातेऽपि सुतत्त्वविद्या तत्सम्प्रदायादपि तैरवाप्ता ॥ १३०॥</span>
</div>
</div>
</div>

<div class="verse" id="MBTN_C32_S01_V131" type="shloka" data-doc="MBTN">
<div class="verse-text">
<div class="shloka">
<span class="shloka-line">उत्सादितत्वात्तु दुरागमानां तत्सम्प्रदायस्य च नाशितत्वात् ।</span>
<span class="shloka-line">प्रसारितत्वाच्च सदागमानां पापा अपि ज्ञानमवापुरेतत् ॥ १३१॥</span>
</div>
</div>
</div>

<div class="verse" id="MBTN_C32_S01_V132" type="shloka" data-doc="MBTN">
<div class="verse-text">
<div class="shloka">
<span class="shloka-line">शुना पुरोडाशमिवावलीढं वेदश्रुतिं चा(वा)ऽन्त्यजनैरवाप्ताम् ।</span>
<span class="shloka-line">अनन्तदुःखाप्तिसुयोग्यदैत्यैर्विद्यामवाप्तां तु न सेहिरे सुराः ॥ १३२॥</span>
</div>
</div>
</div>

<div class="verse" id="MBTN_C32_S01_V133" type="shloka" data-doc="MBTN">
<div class="verse-text">
<div class="shloka">
<span class="shloka-line">नावाग्गतिः क्‍वापि सुवेदिनां भवेत् प्राप्यं सुखं नित्यमवश्यमेभिः ।</span>
<span class="shloka-line">प्राप्यं तमोऽन्धं त्वसुरैर्न मुक्तिः कदाचिदाप्या तदचिन्तयन् सुराः ॥ १३३॥</span>
</div>
</div>
</div>

<div class="verse" id="MBTN_C32_S01_V134" type="shloka" data-doc="MBTN">
<div class="verse-text">
<div class="shloka">
<span class="shloka-line">ज्ञानप्रदानाय सतां तदन्यज्ञानप्रणाशाय च विष्णुनैते ।</span>
<span class="shloka-line">क्लृप्तास्ततस्ते सविरिञ्चशर्वा विज्ञापयामासुरुपेत्य विष्णुम् ॥ १३४॥</span>
</div>
</div>
</div>

<div class="verse" id="MBTN_C32_S01_V135" type="shloka" data-doc="MBTN">
<div class="verse-text">
<div class="shloka">
<span class="shloka-line">क्षीरोदधेरुत्तरतीरनिष्ठितै(विष्ठितै)रभिष्टुतः सुष्टुतिभिः पुरुष्टुतः ।</span>
<span class="shloka-line">प्रदाय तेषामभयं रमापतिः क्षणादभूच्चारुतराकृतिः (तमाकृतिः) शिशुः ॥ १३५॥</span>
</div>
</div>
</div>

<div class="verse" id="MBTN_C32_S01_V136" type="shloka" data-doc="MBTN">
<div class="verse-text">
<div class="shloka">
<span class="shloka-line">यस्त्रैपुराणां प्रथमोऽत्र जातः शुद्धोदनेत्येव जिनेति चोक्तः ।</span>
<span class="shloka-line">क्षेत्रे गयाख्येऽस्य शिशुं प्रजातं सम्प्रास्य दूरेऽत्र बभूव विष्णुः ।</span>
<span class="shloka-line">अजानमानाः स्वशिशुं गतं तं शिशुं हरिं वीक्ष्य निजं स्म मेनिरे ॥ १३६॥</span>
</div>
</div>
</div>

<div class="verse" id="MBTN_C32_S01_V137" type="shloka" data-doc="MBTN">
<div class="verse-text">
<div class="shloka">
<span class="shloka-line">तेषां तदा वैदिककर्म वीक्ष्य सम्प्राहसत् तद्वपुषैव केशवः ।</span>
<span class="shloka-line">तं जातमात्रं प्रहसन्तमीक्ष्य सुविस्मितैः पृष्ट उवाच विष्णुः ।</span>
<span class="shloka-line">बुद्धोऽहमित्येव सुनित्यबोधाज्जगाद(स नित्यबोधाज्जगाद) चैषामथ बुद्धदर्शनम् ॥ १३७॥</span>
</div>
</div>
</div>

<div class="verse" id="MBTN_C32_S01_V138" type="shloka" data-doc="MBTN">
<div class="verse-text">
<div class="shloka">
<span class="shloka-line">तथाऽप्यविश्वासमवेक्ष्य तेषां सस्मार देवानखिलान् जनार्दनः ।</span>
<span class="shloka-line">विज्ञाय ते तस्य मनोगतं निजान् प्रचिक्षिपुर्हेतिगणानमुष्मिन् ॥ १३८॥</span>
</div>
</div>
</div>

<div class="verse" id="MBTN_C32_S01_V139" type="shloka" data-doc="MBTN">
<div class="verse-text">
<div class="shloka">
<span class="shloka-line">स जातमात्रः शिवपूर्वकाणां शूलादिहेतीरखिला निगीर्य ।</span>
<span class="shloka-line">दैत्यातिमोहाय निजं च चक्रं स्वमुक्तमाश्वेव  समग्रहीद्वशी॥ १३९॥</span>
</div>
</div>
</div>

<div class="verse" id="MBTN_C32_S01_V140" type="shloka" data-doc="MBTN">
<div class="verse-text">
<div class="shloka">
<span class="shloka-line">तदासनत्वेन विधाय तस्मिन् समास्थितं देवगणाः प्रणम्य ।</span>
<span class="shloka-line">जग्मुः स्वधामानि वचांसि तस्य (चास्य) स्वीचक्रुराश्वेव जिनादिदैत्याः ॥ १४०॥</span>
</div>
</div>
</div>

<div class="verse" id="MBTN_C32_S01_V141" type="shloka" data-doc="MBTN">
<div class="verse-text">
<div class="shloka">
<span class="shloka-line">ते ज्ञानधर्मावपहाय पापा विमोहिता देववरेण(दैववरेण) सर्वे ।</span>
<span class="shloka-line">जग्मुस्तमोऽन्धं क्षणिकं समस्तं ज्ञानं नसच्चेति दृढं स्मरन्तः ॥ १४१॥</span>
</div>
</div>
</div>

<div class="verse" id="MBTN_C32_S01_V142" type="shloka" data-doc="MBTN">
<div class="verse-text">
<div class="shloka">
<span class="shloka-line">नारायणोऽप्याप्य(नारायणः प्राप्य) सुरेन्द्रवृन्दं वृत्तं च तेषामखिलं(तेषां निखिलं) निगद्य ।</span>
<span class="shloka-line">पृष्टश्च तैराह निजं हृदिस्थं बौद्धागमार्थं सृतिबन्धमोचनम् ॥ १४२॥</span>
</div>
</div>
</div>

<div class="verse" id="MBTN_C32_S01_V143" type="shloka" data-doc="MBTN">
<div class="verse-text">
<div class="shloka">
<span class="shloka-line">क्षणादयं क्षणिकास्तद्विशेषा यतः प्रयान्त्येव निसर्गतोऽखिलाः ।</span>
<span class="shloka-line">ततः स्थिरत्वेऽपि विशेषसंश्रयादुक्तं क्षणस्थायि मया समस्तम् ॥ १४३॥</span>
</div>
</div>
</div>

<div class="verse" id="MBTN_C32_S01_V144" type="shloka" data-doc="MBTN">
<div class="verse-text">
<div class="shloka">
<span class="shloka-line">तद्वान् विशेषश्च यतो न भिन्नो सदा स्वनिर्वाहकशक्तियुक्तौ ।</span>
<span class="shloka-line">अतः क्षणस्थायि समस्तमेतत् स्थिरात्मकं चेति हि नास्ति भेदः ॥ १४४॥</span>
</div>
</div>
</div>

<div class="verse" id="MBTN_C32_S01_V145" type="shloka" data-doc="MBTN">
<div class="verse-text">
<div class="shloka">
<span class="shloka-line">ज्ञोऽहं सदैकः परमो मयैतत् सदाऽननीयं हि यतोऽस्वतन्त्रम् ।</span>
<span class="shloka-line">ज्ञानात्मकं विश्वमतो मयोक्तं जडस्वरूपं च किमु स्म चेतनम् ॥ १४५॥</span>
</div>
</div>
</div>

<div class="verse" id="MBTN_C32_S01_V146" type="shloka" data-doc="MBTN">
<div class="verse-text">
<div class="shloka">
<span class="shloka-line">शंशीलकोऽहं यत एव चोच्चः शूनामकस्तद्धि मया निधेयम्(विधेयम्) ।</span>
<span class="shloka-line">शून्याभिधं दोषविरुद्धरूपो दोषोज्झितोऽन्यस्त्वखिलादनामा ।</span>
<span class="shloka-line">एनैव साद्यं त्वसदेव नामतस्त्वभाव एनैव भवेद् यतस्तत् ॥ १४६॥</span>
</div>
</div>
</div>

<div class="verse" id="MBTN_C32_S01_V147" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्यादि बोद्धव्यमिदं समस्तं मयोदितं क्‍वापि न हेयमस्ति ।</span>
<span class="shloka-line">इत्यादि देवान् प्रतिबोधयंश्च देवैः सहोवास स बुद्धदेवः ।</span>
<span class="shloka-line">गत्वा स्वधामाप्यपरेण रूपेणाऽस्ते पृथक् चैकतनुर्यथेष्टम् ॥ १४७॥</span>
</div>
</div>
</div>

<div class="verse" id="MBTN_C32_S01_V148" type="shloka" data-doc="MBTN">
<div class="verse-text">
<div class="shloka">
<span class="shloka-line">ततस्तु बुद्धोदितपक्षसंस्थो जिनोऽपि चक्रे मतमन्यदेव ।</span>
<span class="shloka-line">बौद्धेन जैनेन मतेन चैव दैत्यांशकाः प्रीतिमगुः समस्ताः ॥ १४८॥</span>
</div>
</div>
</div>

<div class="verse" id="MBTN_C32_S01_V149" type="shloka" data-doc="MBTN">
<div class="verse-text">
<div class="shloka">
<span class="shloka-line">प्रशान्तविद्येत्यभिधं तथाऽन्यद् बुद्धोक्तशास्त्रं त्रिदशा अवाप्य ।</span>
<span class="shloka-line">तोषं ययुर्वेदसमस्तसारं यामाश्रितानामचिरेण मुक्तिः ॥ १४९॥</span>
</div>
</div>
</div>

<div class="verse" id="MBTN_C32_S01_V150" type="shloka" data-doc="MBTN">
<div class="verse-text">
<div class="shloka">
<span class="shloka-line">अन्ये मनुष्या अपि भारताद्यं सत्सम्प्रदायं परिगृह्य विष्णुम् ।</span>
<span class="shloka-line">यजन्त आपुः परमां गतिं तन्न सेहिरे क्रोधवशादिदैत्याः ॥ १५०॥</span>
</div>
</div>
</div>

<div class="verse" id="MBTN_C32_S01_V151" type="shloka" data-doc="MBTN">
<div class="verse-text">
<div class="shloka">
<span class="shloka-line">शैवं तपस्ते विपुलं विधाय जगद्विमोहोर्जितशक्तिमस्मात् ।</span>
<span class="shloka-line">प्राप्य प्रजाता भुवि मोहनं च चक्रुः कुतर्कैरभिदां वदन्तः ॥ १५१॥</span>
</div>
</div>
</div>

<div class="verse" id="MBTN_C32_S01_V152" type="shloka" data-doc="MBTN">
<div class="verse-text">
<div class="shloka">
<span class="shloka-line">तेषां प्रपाताय सतां च मुक्त्यै(विमुक्त्यै) जन्माऽस भीमस्य यदुक्तमत्र ।</span>
<span class="shloka-line">दुर्गा पुनर्विप्रकुलेऽवतीर्णा हनिष्यति व्रातमथासुराणाम् ॥ १५२॥</span>
</div>
</div>
</div>

<div class="verse" id="MBTN_C32_S01_V153" type="shloka" data-doc="MBTN">
<div class="verse-text">
<div class="shloka">
<span class="shloka-line">ततः कलेरन्तमवाप्य धर्मज्ञानादिकल्याणगुणप्रहीने ।</span>
<span class="shloka-line">लोके विरिञ्चत्रिपुरघ्नशक्रपूर्वाः पयोब्धिं त्रिदशाः प्रजग्मुः ॥ १५३॥</span>
</div>
</div>
</div>

<div class="verse" id="MBTN_C32_S01_V154" type="shloka" data-doc="MBTN">
<div class="verse-text">
<div class="shloka">
<span class="shloka-line">नारायणस्तैः स्तुतिपूर्वमर्थितो भवाय लोकस्य स शम्भलाख्ये ।</span>
<span class="shloka-line">ग्रामे मुनेर्विष्णुयशोऽभिधस्य गृहे बभूवाऽविरचिन्त्यशक्तिः ॥ १५४॥</span>
</div>
</div>
</div>

<div class="verse" id="MBTN_C32_S01_V155" type="shloka" data-doc="MBTN">
<div class="verse-text">
<div class="shloka">
<span class="shloka-line">कलेस्तु कात्कारत(काल्कारत) एव कल्की ज्ञानं कलं कं सुखमेव तद्वान् ।</span>
<span class="shloka-line">कल्कीति वा तेन समस्तदस्युविनाशनं तेन दिनाद् व्यधायि ॥ १५५॥</span>
</div>
</div>
</div>

<div class="verse" id="MBTN_C32_S01_V156" type="shloka" data-doc="MBTN">
<div class="verse-text">
<div class="shloka">
<span class="shloka-line">अधर्मवृत्तं विमुखं हरेश्च निहत्य निःशेषजनं तुरङ्गी ।</span>
<span class="shloka-line">संस्थापयामास स धर्मकेतुं(सेतुं) ज्ञानं स्वभक्तिं च निजप्रजासु ॥ १५६॥</span>
</div>
</div>
</div>

<div class="verse" id="MBTN_C32_S01_V157" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्याद्यनन्तानि हरेरुदारकर्माणि रूपाणि च सद्गुणाश्च ।</span>
<span class="shloka-line">नित्यव्यपेताखिलदोषकस्य ब्रह्मेत्यनन्तेति च नाम येन ॥ १५७॥</span>
</div>
</div>
</div>

<div class="verse" id="MBTN_C32_S01_V158" type="shloka" data-doc="MBTN">
<div class="verse-text">
<div class="shloka">
<span class="shloka-line">आनन्दतीर्थाख्यमुनिः सुपूर्णप्रज्ञाभिधो ग्रन्थमिमं चकार ।</span>
<span class="shloka-line">नारायणेनाभिहितो बदर्यां तस्यैव शिष्यो जगदेकभर्तुः ॥ १५८॥</span>
</div>
</div>
</div>

<div class="verse" id="MBTN_C32_S01_V159" type="shloka" data-doc="MBTN">
<div class="verse-text">
<div class="shloka">
<span class="shloka-line">यस्तत्प्रसादादखिलांश्च वेदान् सपञ्चरात्रान् सरहस्यसङ्ग्रहान् ।</span>
<span class="shloka-line">वेदेतिहासांश्च पुराणयुक्तान् यथावदन्या अपि सर्वविद्याः ॥ १५९॥</span>
</div>
</div>
</div>

<div class="verse" id="MBTN_C32_S01_V160" type="shloka" data-doc="MBTN">
<div class="verse-text">
<div class="shloka">
<span class="shloka-line">समस्तशास्त्रार्थविनिर्णयोऽयं विशेषतो भारतवर्त्मचारी(भारतमार्गवर्ती) ।</span>
<span class="shloka-line">ग्रन्थः कृतोऽयं जगतां जनित्रं हरिं गुरुं प्रीणयताऽमुनैव ॥ १६०॥</span>
</div>
</div>
</div>

<div class="verse" id="MBTN_C32_S01_V161" type="shloka" data-doc="MBTN">
<div class="verse-text">
<div class="shloka">
<span class="shloka-line">विनिर्णयो नास्त्यमुना विना यद् विप्रस्थितानामिव सर्ववाचाम् ।</span>
<span class="shloka-line">तद् ब्रह्मसूत्राणि चकार कृष्णो व्याख्या तथैषामयथा (व्याख्याऽथ तेषामयथा)कृताऽन्यैः ॥ १६१ ॥</span>
</div>
</div>
</div>

<div class="verse" id="MBTN_C32_S01_V162" type="shloka" data-doc="MBTN">
<div class="verse-text">
<div class="shloka">
<span class="shloka-line">निगूहितं यत् पुरुषोत्तमत्वं सूत्रोक्तमप्यत्र महासुरेन्द्रैः ।</span>
<span class="shloka-line">जीवेश्वरैक्यं प्रवदद्भिरुग्रैर्व्याख्याय सूत्राणि चकार चाऽविः ॥ १६२॥</span>
</div>
</div>
</div>

<div class="verse" id="MBTN_C32_S01_V163" type="shloka" data-doc="MBTN">
<div class="verse-text">
<div class="shloka">
<span class="shloka-line">व्यासाज्ञया भाष्यवरं विधाय पृथक्पृथक् चोपनिषत्सुभाष्यम् ।</span>
<span class="shloka-line">कृत्वाऽखिलान्यं पुरुषोत्तमं च हरिं वदन्तीति समर्थयित्वा ॥ १६३॥</span>
</div>
</div>
</div>

<div class="verse" id="MBTN_C32_S01_V164" type="shloka" data-doc="MBTN">
<div class="verse-text">
<div class="shloka">
<span class="shloka-line">तनुस्तृतीया पवनस्य सेयं सद्भारतार्थप्रतिदीपनाय ।</span>
<span class="shloka-line">ग्रन्थं चकारेममुदीर्णविद्या यस्मिन् रमन्ते हरिपादभक्ताः ॥ १६४॥</span>
</div>
</div>
</div>

<div class="verse" id="MBTN_C32_S01_V165" type="shloka" data-doc="MBTN">
<div class="verse-text">
<div class="shloka">
<span class="shloka-line">तृतीयमस्य वृषभस्य दोहसे दशप्रमतिं जनयन्त योषणः ।</span>
<span class="shloka-line">निर्यदीं बुध्नान् महिषस्य वर्पस ईशानासः शवसा क्रन्त सूरयः ।</span>
<span class="shloka-line">यदीमनु प्रदिवो मध्व आधवे गुहासन्तं मातरिश्वा मथायति ॥ १६५॥(ऋ.१.१४१.२-३)</span>
</div>
</div>
</div>

<div class="verse" id="MBTN_C32_S01_V166" type="shloka" data-doc="MBTN">
<div class="verse-text">
<div class="shloka">
<span class="shloka-line">इत्यादिवाक्योक्तमिदं समस्तं तथा पुराणेषु च पञ्चरात्रे ।</span>
<span class="shloka-line">अत्रोदिता याश्च कथाः समस्ता वेदेतिहासादिविनिर्णयोक्ताः(समस्तवेदेतिहासदिविनिर्णयोक्ताः) ॥ १६६॥</span>
</div>
</div>
</div>

<div class="verse" id="MBTN_C32_S01_V167" type="shloka" data-doc="MBTN">
<div class="verse-text">
<div class="shloka">
<span class="shloka-line">तस्मादयं ग्रन्थवरोऽखिलोरुधर्मादिमोक्षान्तपुमर्थहेतुः ।</span>
<span class="shloka-line">किं चो(वो)दितैरस्य गुणैस्ततोऽन्यैर्नारायणः प्रीतिमुपैत्यतोऽलम्(प्रीतिमुपैत्यतोऽयम्) ॥ १६७॥</span>
</div>
</div>
</div>

<div class="verse" id="MBTN_C32_S01_V168" type="shloka" data-doc="MBTN">
<div class="verse-text">
<div class="shloka">
<span class="shloka-line">यस्य त्रीण्युदितानि वेदवचने रूपाणि दिव्यान्यलं</span>
<span class="shloka-line">बट् तद्दर्शतमित्थमेव निहितं देवस्य भर्गो महत् ।</span>
<span class="shloka-line">वायो रामवचोनयं प्रथमकं पृक्षो द्वितीयं वपुः</span>
<span class="shloka-line">मध्वो यत्तु तृतीयमेतदमुना ग्रन्थः कृतः केशवे ॥ १६८॥</span>
</div>
</div>
</div>

<div class="verse" id="MBTN_C32_S01_V169" type="shloka" data-doc="MBTN">
<div class="verse-text">
<div class="shloka">
<span class="shloka-line">यः सर्वगुणसम्पूर्णः सर्वदोषविवर्जितः ।</span>
<span class="shloka-line">प्रीयतां प्रीत एवालं विष्णुर्मे परमः सुहृत् ॥ १६९॥</span>
</div>
</div>
</div>

<div class="gr-author-note">इति श्रीमदानन्दतीर्थभगवत्पादाचार्यविरचिते श्रीमहाभारततात्पर्यनिर्णये पाण्डवस्वर्गारोहणं नाम द्वात्रिंशोऽध्यायः</div>

[[Category:Mahabharatatatparyanirnaya]]