Tattvaviveka/Moola
तत्त्वविवेकः — मूलम्
स्वतन्त्रं परतन्त्रं च प्रमेयं द्विविधं मतम् ।
द्विविधं परतन्त्रं च भावोऽभाव इतीरितः ।
भावाभावस्वरूपत्वान्नान्योन्याभावता पृथक् ।
नित्यमुक्तश्च सृतियुक् परतन्त्रोऽपि चेतनः ।
मुक्तोऽमुक्त इति ह्यत्र ब्रह्मान्ता उत्तरोत्तरम् ।
नित्यं बहुगुणोद्रिक्ता ततोऽनन्तगुणो हरिः ।
मुक्तियोग्यास्तत्र चोच्चा नित्यावर्तास्तु मध्यमाः ।
नित्यानित्यत्वभेदेन देशः कालः श्रुतिस्तथा ।
एषां विकारोऽनित्यः स्यान्नित्या एव हि चेतनाः ।
रूपमेव द्विधं तच्च यावद्वस्तु च खण्डितम् ।
खण्डितं रूपमेवात्र विकारोऽपि विकारिणः ।
क्रियाक्रियावतोस्तद्वत् तथा जातिविशेषयोः ।
य एतत्परतन्त्रं तु सर्वमेव हरेः सदा ।